رواية ياروح الروح حبك فرضته -24
مريم:لو اقولك بتستانس
طلال:مريوم تكلمي خلصيني ....ولا اقول تعال ياولد شسمك
طلال الصغير:انا طلال سالم ال....
طلال جنه واحد عطاه طراق:ها منو منو
مريم:هذا طلال ولد خالي سالم ...شرايك بالموفجأه
طلال:شلون ومتى ومنو امه...وشلون عرفتوه
مريم:كنه قاعدين دق علينا وقالنا بي ومعاي ضيف ...ولمن يه انصدمنه من الي قاله
طلال:انزين سالم من متى متزوج
مريم:بييه من زمان ...وعنده ولدين توأم غيره يوسف وراشد هذيل كبار ويدرسون طب بكندا
طلال:لا يبه
لجين:والله ...ولا تدري منو مرته
طلال:منو
مريم:سكرتيرته
طلال:لالالا معقوله كل هذا يطلع منه
عبدالرحمن:اي ماينلام المره الي كانت عنده اتسميه مره
طلال:انزين واهيا ليلحين على ذمته ولا مطلقها
لجين :لا ليلحين على ذمته وهيا الحين بالمستشفى تولد...وياب طلال عندنا الانه ماكو احد يخليه عنده
طلال:لالا مومعقوله اكيد اتجذبون
لجين:طلال احنا من متى انجذب
طلال:بس الي تقولونه مايدخل العقل
مريم:ليش مايدخل العقل خالي سالم متزوج من بعد وفات خالي يوسف
طلال:بييه يعني عياله ريايل
مريم:اقولك بكندا يدرسون طب
طلال:وليش ماقال انه متزوج
مريم:تبي النسوره وبناتها يلعنون خيره
حنان:وهيا ليلحين ماتدري
مريم:جنه لا
حنان:والله ان عرفو بيعفسونه مثل ماعفسو لجين وعبدالله
لجين تضايقت ونزلت راسها
عبدالله:عفسو كل شي بس كل شي بيتصلح
ساره تغير الموضوع:لجون انشالله بنتج تطلع جذي بطه
لجين:لا مابي جذي حق العين
عبدالله:اي والله ناقص باجر يطقون بنتي عين ايبونها اكتاف
أميره:لجون انتي مايج عوار طلق
طلال :وينها وين الطلق توها بثامن
عمار:عبود انت مو قلت لجين بتولد هشهر
عبدالله توهق وخز اميره:لا موه شهر شفيك الشهر الياي
عمار:اها وبتولدين عندنا
لجين:اي انشالله عند د.افنان
وهيا تتكلم عبدالله لاحظ الدبله ابيدها وستانس اكثر
عبدالله بقلبه(يعني ليلحين اتحبني ...لو كارهتني مثل ماقالت جان فاصختها ممن زمان )
حنان:اذا رحتي المستشفى دقي علي
لجين:انشالله ...ورن تليفونها
لجين :الووو هلا عمي
سالم وهوا طاير من الفرحه:لجين حيات ولدت ويابت بنت
لجين:صج ..الحمدالله على سلامتها ومبروك مايامك انشالله اتشوفها عروس
مريم:اولدت...عطيني اكلمه
لجين :عمي مريوم بتكلمك
مريم:الحمدالله على سلامتها
سالم:الله يسلمج
مريم:خالي اشسميتها
سالم:انا وحيات متفقين انه لجين اهيا الي تسميها
مريم:عشتووو شمعنه لجون
سالم:ابيها تفرح شوي الاباليس اذوها وايد
مريم:اي والله...خالي انت بأي مستشفى بيلك الحين
سالم:مستشفى السلام
مريم:اوكي مسافت الطريج وانا عندك يالله مع السلامه
سالم:الله يسلمج
مريم:لجون يالله انروح المستشفى
لجين:لا مريوم رديني البيت
مريم:ليش عاد
لجين:برتاح شوي
طلال:لجون روحي معاها وانا بلحقكم
لجين:طلال بروح البيت ارتاح
طلال:تقعدين بروحج
عبدالله:خلاص قعدي هني وانا اوصلج بعدين
الكل كان يطلع لجين وطلال عصب وطالع عبدالله من طرف عينه
مريم اتطالع لجين:ها شقلتي
لجين:لا بي معاج
مريم:اوكي
لجين ومريم :يالله مع السلامه
الكل :الله يسلمكم
طلعو وعبدالله طلع وراهم طلال شافه وبغا يلحقه بس اميره ماخلته
اميره:خله ماراح ياكلها
طلال:مابيها تتضايق اكثر
بره البيت
عبدالله:لجون لحظه شوي
لجين كملت طريجها ولا جنها سمعت شي...عبدالله مسكها من زندها ولفها صوبه
عبدالله:قاعد اناديج وانتي ولا بالبال
لجين:نعم
عبدالله:احبج
لجين قلبها ذاب من اسمعت هل كلمها
عبدالله:مشتاقلج وايد وادري انج مشتاقتلي وايد
لجين:وايد واثق من نفسك
عبدالله:وليلحين تحبيني ...ودليل انج ليلحين لابسه الدبله
لجين:شكو هذا بهذا
عبدالله:اذا نسيتي اذكرج..انتي قلتيلي ماراح افصخها طول عمري الاني احبك ...وكا ليلحينج لابستها
لجين: لايغرك جدام الناس بس
عبدالله:لا موجدام الناس انتي ليلحين تحبيني
لجين بقلبها واموت بالتراب الي تمشي عليه:لا غلطان
عبدالله:عيل حلفي انج ماتحبيني
لجين بستهزاء :ماني حالف واذا على الدبله ..افصختها ...تفضل
عبدالله:لجون ماتوقعت قلبج صخر جذي
لجين:عن اذنك هدته ومشت
عبدالله راح وقف جادم السياره عشان مريم لا تمشي
لجين:والله ياهل
مريم:حرام عليج
لجين دقت على طلال
طلال:هلا لجون
لجين:طلال عبدالله واقف قبال السياره عشان لانمشي
طلال:ستغفر الله...يالله كاني ياي ...وقام طلع بره
طلال بعصبيه:عبدالله وخر خل البنات يمشون
عبدالله بصراخ:ماراح اخليها تمشي لي متى يعني
طلال سحبه بقوه ومريم مشت:انت ماتفهم ...ياأخي ماتبيك غصب
عبدالله:اي غصب ...طلال حس فيني والله احبها والله العظيم احبها وعيونه بدت ادمع
طلال:انت الي بعتها برخيص تحمل كل الي يصيرلك
عبدالله :الله يغفر للعبد اهيا ليش ماتغفر
طلال بنبره حاده:هذا شي يخصها ...ولو سمحت ماأشوفك متعرضلها مره ثانيه ترى بصير شي مولصالحك
عبدالله:اكثر من جذي انا خسرت حياتي كلها بسبت بنات اخوك ...طلال انت ماودك اتشوفها مرتاحه بيت ريلها
طلال :اهيا مرتاحه جذي
عبدالله بصراخ:لا مومرتاحه لجون كل يوم تبجي لين اتنام ..لجون فقدت ضحكتها بسبب بنات اخوك ...طلال عشان بنتنا الله يخليك ردها لي والله لحطها بعيوني وماأزعلها كلش
طلال:يصير خير ومشى عنه
عبدالله قعد على الرصيف يبجي :لجون والله تعبت لي متى كل واحد فينا بصوب ...آآآآآآخ احبج والله احبج
عمار طلع من البيت وشافه قاعد على الرصيف يبجي
عمار :عبيد قوم انت ريال ودمعتك ماتنزل على وحده
عبدالله انفجر :احبها تفهم يعني شنوا حبه ادري اني غلطت بس خلاص كافي والله كافي ...عبالك انا كنت مرتاح لمن كنت اطردها عبالك انا كنت مصدق الي سمعته الله يشهد علي اني من رديت من الشاليه وانا بحاله مايعلم فيها الا الله
عمار:انزين قوم الحين ...عبيد صدقني راح اتردلك
عبدالله:متى قولي متى
عمار:جريب انشالله
نهاية البارت
البارت 41
عبدالله انفجر :احبها تفهم يعني شنوا حبه ادري اني غلطت بس خلاص كافي والله كافي ...عبالك انا كنت مرتاح لمن كنت اطردها عبالك انا كنت مصدق الي سمعته الله يشهد علي اني من رديت من الشاليه وانا بحاله مايعلم فيها الا الله
عمار:انزين قوم الحين ...عبيد صدقني راح اتردلك
عبدالله:متى قولي متى
عمار:جريب انشالله
بالسياره
ليجن قلبها كان مقموت وايد بس كانت ماسكه بجيتها جدام مريم وطلال سالم
مريم:طلول وناسه صار عندك اخت
طلال:اي وناسه ...الحين عندي احد العب معاه قبل انا كله بروحي
مريم:ليش اخوانك مايلعبون معاك
طلال:اهما الحين مسافرين وانا كله بروحي
مريم:اقصد قبل مايسافرون
طلال:قبل كل يوم يودوني العاب وناسه
مريم:اممممم...طلول بيتكم عود ولا صغير
طلال:لا بيتنا كبير وايد
لجين :ذبحتي الصبي بالاسأله
مريم:لا زم انعرف مو ولدنا ...طلال قولي عندك خالات
طلال:اي عندي 3وكلهم يحبوني
لجين:انت في احد مايحبك....يحلاتك
طلال:لجين انتي شنو بتيبين
لجين:انا فيني بنت
طلال:حسافه مو ولد
مريم:ليش البنت حلوه
طلال :ابي العب مع صبيان
مريم:خلاص لجون الياهل الياي خليه ولد
لجين:@@ وهوا في ياهل ثاني
مريم:تبينها وحيده مثلج
لجين:مريوم خلاص بس كافي والله كافي مابي اسمع شي
مريم:اصلن انتي الحجي ضايع معاج
لجين:تدرين ليش اتقولين جذي الانج موحاسه فيني والي ايده بالماي مو ثل الي ايده بنار
بشقة عبدالله
عبدالله يكلم العصافير
عبدالله:ماتوقعت قلبج صخر جذي ...ليش تكابرين انا احبج وانتي تحبيني ...ويكلم العصافير عبدالله ولجين انتتو شتقتولها مثلي صح ....آآآآخ انشالله بترجع قريب وقام من مكانه
بسياره طلال
طلال يكلم اميره
طلال:اخوج مصخها ليش مو راضي يفهم انها ماتبيه
أميره :مرته ويبيها
طلال:اميره لاتبطين جبدي انتي بعد...توه تذكر انه عنده مره ..وين كان عندها لمن كانت كل يوم تبجي لين خدها تحفر ...كانت تترجاه انها صير خدامه تحت ريله تدرين شنو خدامه بس تردله وهوا موراضي...اكثر من جذي شنو... انتي ترضين تشتغلين عندي خدامه وانا ماأبيج واذلج
اميره:طلال شهل حجي
طلال:الي ماترضونه على روحكم لاترضونه على بنات الناس ...وقولي حق اخوج خل يطلقها دام النفس طيبه عليه
أميره:طلال ماتوقعتك جاسي جذي
طلال بعصبيه:شتبيني اسوي ...اشوف بنت اخوي تنذل وتنهان وكرامتها تنمسح بالارض وقول ميخالف الولد غلط ولازم تردله لايبه بنات الناس مولعبه بيد اخوج
أميره:انزين وانا شذنبي ليش تحاجيني جذي..الي يسمع يقول انا الي ذنب بالي صار
طلال:سمعي يابنت الناس اذا بتعيشين معاي بدون مشاكل ..مالج شغل بسالفت لجون .
أميره:بس عبدالله ولجون يحبون بعض
طلال بنبره حاده:اميره عتقد كلامي واضح وماحب اعيد وزيد بالحجي
أميره تضايقت وايد:انشالله....وسكتت
طلال كان متنرفزوايد:أميره اكلمج بعدين
أميره :باي
طلال:باي ....جنها زعلت ...بس لازم اتعرف انه لجين خط احمر ومحد يقرب صوبه
بالمستشفى
حيات:وين طلال
سالم:وديتة بيت عمه طلال
حيات استانست:صج والله ومنو كان هناك
سالم:لجين ومريم
حيات:وماسألوك منو هذا
سالم:سألوني وانا قتلهم عن كل شي
حيات كانت مستانسه الانه بعد كل هل عمر قالهم عن زواجوجهم الي كان بسر:سالم ماتخاف يقولون للكل
سالم:انا ابيهم يقولون خلاص لي متى بنظل جذي عايشه وعيالها فتكينه منهم
حيات:بعد عمري والله ماني مصدقه الي اسمعه
سالم:ولا ازيدج من الشعر بيت الحين البنات بيون هني وانا قلت حق لجون اهيا الي تسميها
حيات:والله هل بنت تعور القلب ماتستاهل الي صارلها
سالم:الله بياخذ حقها منهم
حيات:سالم ترا هذيل بناتك
سالم:انا ماعندي الا بنت وحده وعيال عوشو موعيالي
ونطق الباب
سالم:تفضل
لجين ومريم:السلام عليكم
سالم وحيات:وعليكم السلام
مريم وليجن وسلمو على حيات وتحمدولها بسلامه
حيات:لجين عمج قالي انج حلوه بس ماتوقعت جذي ماشالله عليج جنج لعبه
لجين تبتسم:عيونج الحلوه..
مريم تكلم سالم بصوت واطي:خالي هذي بعد نسره
سالم:هههههههههههههه لا ههههههه
مريم:اي الحمدالله ....الا وين الكتكوته
حيات:بغرفت الاطفال مايبونها الحين يبيلهم بعد ساعه
مريم:ساعه ...ساعه شورانها ننطر
حيات :لجين جم لج الحين
لجين:بشهري
مريم:ماعليج منها هذي ماتعرف تحسب اهيا بثامن
حيات :من صجج ماتعرفين تحسبين
مريم:لا ماتعرف
سالم:لجون شنو بتسمين بنتي
لجين:لا عمي انتو سموها
حيات:لا احنه متفقين من البدايه انج انتي الي تسمينها
لجين:بس انتي الي تعبتي عليها
حيات:وانا ابيج انتي تسمينها
مريم:خالي انا حبيت مرتك ...ليش خاشها عنه كل هل مده
سالم:حيات منو مايقدر يحبها وانا ماخشيتها لاني مابي عايشه اتأذيها
مريم:اي والله ماألومك وانا من رايي مايدرون احسن الانهم اذا عرفو بأذونها
سالم:هذا اول بس عايشه الحين مو على ذمتي وماتقدر اتسوي شي
مريم:مو خوفك البنات يسون
سالم:الله ياخذهم وفتك منهم
لجين:عمي لاتدعي عليهم هذيل بناتك
حيات:بعد كل الي سوه فيج ....والله سالم ماجذب لمن قال عنج طيوبه....والله قبلج ابيض مثل عمج
لجين:عمي سالم مافي منه
سالم:دام جذي انا مصر محد يسمي البنت غيرج...يالله اختاري لها اسم
لجين:انت عندك يوسف بس ماعندك زهره
سالم يبتسم:خلاص اسميها زهره ياغالي وطلب ارخيص
طلال:ماما ابي اشوف اختي
مريم:واي فديته خالي خلوه ينام عندي اليله
لجين:اي عشان اتردينه وخده وارم
مريم:شسوي خدوده اتسوي اغراء لازم انقرصه
الكل:ههههههههههه
شوي وصل بوكيه ورد كبير
حيات:من منو هل ورد الحلو
سالم يقرا الكرت:انتو قلتو حق طلال
مريم:ايييي وشاف طلال الصغير
لجين:عمي ماكنت تبيه يعرف
سالم:لا ابيهم كلهم يعرفون
حيات :البوكيه منه
سالم:اي
مريم:بدق اقول حق امي خل تستانس
سالم:لا مايحتاي انا قلت حق عبير واكيد قالتلها
بشقة عبدالله
أميره:طلال يبيني خدامه عنده
عبدالله:نعم نعم شقلتي هذا صج مايستحي على ويها ...والله لوريج فيه
أميره:اشفيك عصبت انا زوجته وعادي يغلط علي
عبدالله:لا والله ليش كنتي بشارع لمن ياه وخطبج ولا ماوراج اهل...اميره دام هذا كلامه معاج تطلقي من الحين احسن....انتو ليلحينكم على البر
أميره:ماقدر
عبدالله:ليش
أميره:الاني بديت احبه
عبدالله:اشلون ترضين تعيشن مع واحد بذلج
أميره:وهذا الي كنت ابي واصله...طلال ماجذب لمن قالي الي ماترضونه على روحكم لاترضونه على بنات الناس...انت ماترضى طلال يقولي صيري خدامه اشلون تبيه يرضى يردلك لجون بعد كل الكلام الي قلته والي سويته فيها
عبدالله ساكت ولا كلمه
أميره:وانا الحين اقولك طلقها الانك ماتستاهلها ....مارضيت انه احد يهين اختك ...بس انت دس على كرامتها وشوهت سمعتها
عبدالله:انا غير وانتي غير
أميره بعصبيه:ليش انت على راسك ريشه وانا مادري ...ولا لجون الي كانت بشارع يوم خطبتها ....ولا الانها يتيمه قلت ماوراها ابو يخاف عليها ووقفك عند حدك...هذا انتو يالريايل طول عمركم تهينون بنات الناس بس ماترضون احد يقرب من خواتكم
عبدالله:.....
أميره:طلال يقولك طلقها دام النفس طيبه عليك
عبدالله:قوليله عبدالله يقولك لاتحشر نفسك بموضوع مايخصك وطلاق ماني مطلق
بالمستشفى
الكل كان موجود ببعد ماسمعو الخبر الي فرحوله من كل قلبهم
عبير:والله منت هين ياسالم...كل هل سنين ومحد يعرف شي
سالم يضحك:لا بس راشد كان عنده علم بالموضوع
عاليه:يعني طابخينها مع بعض ومحد يدري عنكم
شيخه :والله ينخاف منكم...والله يخوفي راشد بعد مسويها وانا مادري
الكل:هههههههههه
راشد:حرام عليج ...سالم غير وانا غير
شيخه:شلون غير
راشد:عايشه كانت مطلعه عينه وانا الحمدالله مرتاح
شيخه:والله مايندرا عنك انت بعد
الكل:هههههههههههههه
عبير:لجون شفيج ويهج محتقن وايد
لجين:مافيني شي
عاليه:لو ماكنتي بثامن جان قلت بتولدين
لجين:ليش
عاليه:الحامل اذا ويها حتقن جذي يعني فيها طلق او ولادتها قريبه
لجين كان فيها عوار خفيف بس ساكته:مريوم رديني البيت
حيات:وين بتروحين بعدي ماشبعت منج
لجين:لا تعبانه وابي ارتاح شوي
عبير:اي صج انتي مو زين لج الحركه وايد
عاليه:مريوم وديها وخلج عندها لين يوصل طلال
لجين:عمتي خليها تنام عندي اليوم
عاليه:لا ابوها مايرضى كافي طول النهار عندكم
مريم:مالج شغل الحين ادق عليه واساحله يالله قومي
لجين ومريم قامو :مع السلامه
الكل:الله يسلمكم
عاليه:مريوم يمه ديري بالج من الدريج
مريم:انشالله
بيت طلال
طلال:خل ادق على اميره اكيد زعلانه من الي صار ...وخذا تليفونه ودق
أميره:الووو
طلال:مساء الخير
أميره:مساء النور
طلال يتحرش:ممكن انتعرف
أميره:هههههههههه لا موممكن
طلال:ليش...ترى انا خوش واحد اعجبج
أميره:هههههههههههه
طلال:شقلتي
أميره:على شنو
طلال:ابي اتعرف
أميره:لا اخوي انا مرتبطه
طلال:اخوج ...لا يبه اخوج هذاك الهيس عبيد انا ريلج
أميره:هههههههههههه
طلال:ياعلني ماأنحرم من هضحكه
أميره:ولا يحرمني منك
طلال:يالله شقلتي..بتعرف
أميره:ههههههه انتعرف شورانا
طلال:انزين شرايج انطلع اليوم
أميره:اوكي
طلال:يالله لبسي انا الحين امرج
اميره:طلال بنتأخر بره
طلال:يمكن انتعشى واندش فلم متأخر شوي ليش
أميره:مادري اذا جذي لازم انوم طلول واطلع
طلال:خليه عند امج اهيا تنومه
أميره:ماكو الا جذي...انزين ولجون شلون تخليها بروحها بليل
طلال:اقول حق البنات ايون عندها
أميره:اذا جذي مو مشكله
طلال:ياملكه لاتطولين بلبس
أميره:ملكه
طلال:اي اميره معناته ملكه
أميره:هههههههههههه ..اوكي الحين اقوم البس ومن اخلص ادق عليك اتيي
طلال:اوكي
اميره:باي
طلال:باي
مريم ولجين توهم داشين البيت
مريم:الحلو يغازل منو
طلال يبتسم:اغازل مرتي فيها شي
مريم:لا مافيها شي ...اصلن يحلاتها وهيا طالعه من حلجك مرتي....الله يهنيك يارب
طلال:آمين والفال لج
لجين:ليش راد مبجر
طلال:ماكو ببدل وبطلع الحين مريوم نامي هني اليله يمكن اتأخر
مريم:من غير ماتطلب انا بنام هني لجون شكلها تعبانه
طلال:لجون فيج شي
لجين:لا مافيني شي
مريم:امي تقول ويها وجنه ويه وحده بتولد محتقن وايد
طلال:اي صح ويها محتقن اذا جذي خل ادق على اميره وقولها مابي اطلع
لجين:طلال اتكنسل طلعتك عشاني لاروح استانس
طلال:نطلع وقت ثاني مو مشكله..خوفج صج فيج ولاده
مريم:اهيا بثامن يعني توناس قوم وانا عندها
لجين:طلال والله مافيني شي يمكن ويهي محتقن من الفراره اليوم
طلال:لا مابي اطلع
مريم:طلال اشفيك البنت مافيها شي
طلال:واذا يالها الطلق ....واحد من الربع مرته قبل يومين والده بسابع
لجين:اي هذي حالات خاصه ..ولا تخاف اذا صار فيني شي بدق عليك ليش مكبر الموضوع بعد
طلال:دام جذي انا ماشي بس اذا صار معاكم شي دقو علي على طول
مريم:انشالله مايصير شي ...يالله الحين المدام ناطرتك روح لاتتأخر عليها
طلال:اوكي لجون ديري بالج على روحج
لجين وهيا تبتسم:انشالله انت روح ستانس وماعليك مني
طلال:اذا تبون شي دقو مع السلامه
البنات:الله يسلم
مريم:يالله ياحلوه فوق روحي رتاحي وانا اقول حق الخدم يسولنا عشا ويبونه فوق
لجين:اوكي.....انا باخذلي شور علما يخطون
مريم:اوكي
لجين اصعدت فوق وكان فيها عوار خفيف....تكرمون ادخلت الحمام وترست البانيو ماي دافي وتنقعت فيه.... بس العوار كان كل ربع ساعه ايي و روح
بعد ربع ساعه
مريم:لجون انتي ليلحين ماخلصتي
لجين:لا خالصه بس قاعده البس
مريم:اي بسرعه العشا يبرد
لجين اطلعت:شنو عشا حدي يوعانه
مريم:بطاط وهمبرقر اسرع شي
لجين:اوكي
وقعدو ياكلون ولجين كل مايالها العوار تنقز
مريم:لجون شفيج
لجين:مافيني شي
مريم:ليش تفزين كل شوي
لجين:لا ماكو شي بس متضايقه من الثقل
مريم:الحلوه اكيد قاعده تشيطن داخل بطنج
لجين ابتسمت:لا صايرلها جم يوم ماحسيت بحركتها
مريم مخترعه:ليش مو المفروض كل يوم تتحرك
لجين:اي بس الحركه اتقل آخر اشهر الانه المكان يصير ضيج عليها
مريم:بس لازم تتحرك حتى لو المكان ضيج...وانتي الله يهداج جم مراجعه مطوفه ليلحين
لجين:وايد
مريم:عبالج زين اهم شي الاشهر الاخيره
لجين:مريوم ابي ازهب جنطة المستشفى...بس ماني عارفه شحط فيها
مريم:من الحين توناس
لجين:مادري كلام امج خوفني وبعدين اخليها زاهبه من الحين حزت الحزه شلون بزهبها
مريم:لا انا سامعه مو زين اتزهبينها من الحين ...المهم قومي نشفي شعرج لاتمرضين منتي ناقصه
لجين :اوكي
اساعه 11ونص دق عليهم طلال
مريم:الووو
طلال:مريوم لجون شلونها
مريم:تمام
طلال:يعني مافيها شي مني مناك
مريم:لا مافيها الا العافيه
طلال:اكيد
مريم:وااي اقولك مافيها شي ليش ماتصدق
طلال:لا مصدق بس بغيت اتطمن اكثر الاني بدخل فلم اساعه 12 وتدرين داخل السينما ماي سيرفس
مريم:لا مافي شي و روح وانت مطمن
طلال:اوكي يالله مع السلامه
مريم:الله يسلمك
لجين:شفيه
مريم:يحاتيج
لجين تبتسم:تدرين لو مو طلال جان الله العالم بحالي
مريم:اشفيه حالج ...والله مافيج شي تهبلين والي صارلج يصير مع وايد البنات عادي
لجين:الحمدالله على كل حال ...مريوم ابي جاي دارسين
مريم:لا لجون جنه مو زين الحين الدارسين وقت الطلق عشان يحميه مو الحين اخاف يأثر عليج
لجين:لا مايأثر الحين عادي
مريم:اوكي الحين اقول حق آني (الخدامه) تسويلج
بعد خمس دقايق آني يابت الدارسين حق لجين
آني :مدام انا يبي يروه ينام
مريم:خلاص روحي نامي
لجين:مريم انتي بعد روحي نامي
مريم:لجون جنج تدرين اني دايخه حدي
لجين:اكيد انتي من الفير قاعده
مريم:اوكي ...تصبحين على خير
لجين:ونتي من اهله ...وشربت الدارسين ونسدحت على الفراش
بعد ساعه
عوار الطلق زاد على لجين وماقدرت تتحمل اكثر خذت تليفونها ودقت على مريم الانها بالغرفه الثانيه
مريم:اممممم
لجين:مريوم عفيه تعالي بسرعه
مريم فزت:لجون شفيج
لجين:عوار مو طبيعي
مريم:باي باي
ودخلت عليها الغرفه
مريم وهيا مخترعه:لجون شفيج
لجين:مادري عوار قوي ماني قادره اتحرك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك