يزيد بي الصوع بذكرى كنت بها المنهاني -23
ملآحظآآت بسيطه ..
آلى من آنتقد سعيد و قآل " شقآ يعرف آن مهآ مطلقه " ... آنآ ذكرت في آلبآرت آن مآقآل آنهآ مطلقه .. قآل خليه يطلقج و آنآ بآخذج .. يعني عنده علم آنهآ على خلآف ويآ غآنم .. بس مآعندد علم آنه مطلقنهآ طلقه وحده ..
آلى من آنتقد آهل غآنم وقآل " شقآ آهل غآنم يعرفون بطلآق غآنم و آهل مهآ مآيدرون " .. آنآ ذكــــرت في آلبآرت آن آلعآش و حميد هم من يعرفون بس .. وآلجميع معتقد آنهم على خلآف فقط .. وليس لهم علم بسآلفه آلطلآق آبدآ ..
آلى من آنتقدني وقآل " مآبينتيلنآ آعمآر غآنم و مهآ .. " .. آلسموحه منج آلغآليه .. آنشغلت عن آنيه آرد عليج .. آلسموحه منج عزيزتي ..
مهآ 19 ..
غآنم : 24 ..
عبيد : 25 ..
حميد : 22 ..
محمد : 15 ..
آلعآش : 17 ..
عويش : 18 ..
آحمد : 23 ..
^ ... آلسموحه جآنيه طولت عليكم بآلبآرت ...
بس جد جد آنشغلت بـ كثير .. ^ ^
** تم كتآبة آلبآرت بآفكـــآر بسيطه من ختيه سيآسة خجل **
قرآءه ممتعه آن شآء آلله ..
البآرت الرآبع عشــــر ..
يا طير حظك لا بغيت تطير ما اضناك المطير
تنطح صلافيح الهوى من هيبتك وتعوقها !!
وش لك بالارض العابسه والظلم والحظ االفقير
بيض الليالي رخت ارشاها .. وقفت نوقها !!
ما فيك لا برقع ولا لك وكر ولا لك جرير
والله لو اني اياك لآشق السحب وآفوقها !!
لا ضاق صدري .. رحت بلحالي وحثيت المسير
وان ضاق صدرك توكر بروس الجبال وفوقها
شامخ ولك هيبه .. ولك سطوه ولك عزم خطير
واليا نويت الصيده الجزله .. قدرت تبوقها !!
اشبهك في غيك وغيك غير واحساسك عسير
بس اختلف وياك .. فالقدره وفي منطوقها
لا جعت مالي غير مالي .. بين زادي والحصير
ولا انت مخلابك .. يقطع صيدتك وعروقها !!
يا ليت لي جنحانك اللي لو بغت وادي عسير
ما ردها منه سوى منشي السحب وبروقها
يا طير .. شفني والله اني من عنا الدنيا كسير
وكسرة جناح العزم .. ما تثنى الطموح بعوقها
سيف القهر مبطي وهو ما فارق اطراف الجفير
وانا علي مرفوق نفس ٍ خاطري .. مرفوقها
احاول اجمع ما بقى لي من امل .. باحساس غير
واكبح جموح النفس .. لو نفسي ذبحها شوقها
انا ادري اني ماني بحاكم بلد ولا أمير !!
لكني آجاري كبار الناس .. واسلب ذوقها
أملك من الاحساس والقدره وتحديد المصير
ما يكفي انه يحل ازمات العرب ووثوقها
لكن حدود العقل والحريه وشوف البصير
كنها تقول الابتعاد احيان .. من منطوقها
ياليت مالي قلب يشعر ويتضايق ثم يغير
ما كان وجهي شحبته الاقنعه وطروقها
عيبي خلقت من الوفا .. بس الزمن ما فيه خير
مثلي مثل ناس ٍ تعيش .. وما توفي حقوقها
نزلت من فوق وآنآ آحس بآلآلآم في ظهريه ..
مآبآ يرجع لي آلنزيف مره ثآنيه .
مآبآ آرجع آترقد في آلمستشفى مره ثآنيه ..
بسني 3 آسآبيع وآنآ رآقده على ذيج آلكرفآيه ..
تسحبت بهدوء من على آلدري و آنآ متوجهه يدآ آلصآله ..
يلست بهدوء على آلكنبه ..
ومآمدآلي آيلس آلآ بـ حميد دآخل عليه من آلبآب آلخرجي للصآله ..
آتجدم منيه .. ويلست عى آلكنبه آلثآنيه ..
حميد : شحآلج ..؟؟
: تمآم ..
حميد : مآيحتآي آكرر جملتيه .. وهيه آنج مآتعبين عمرج ..
آبتسمت : هذآ آنت كررتهآ ..
حميد : آوضح لج يآ غبيه .. هههه ..
: ههههه ..
دآم آلسكوت من بينآ ..
ولكـــن محآل آن آلصمت يتم سيد آلمكآن ..
صآح تيلفون حميد .. و طلعه من مخبآه وجآف آلمتصل ..
نش وآقف .. ورد على آلمتصل و هو يمشي مقفي عنيه ..
سمعت طشآش من كلآمه : آلله حيه آلنسيب .. هههههه يفآدك آمررره .. لآ لآ آستهدى بآلله .. ههههههه ..
آنقطع آلصوت عنيه ..
بس وييت منوآ آلنسيب آللي يقصده حميد ؟؟
معقوله يكون غآنم ؟؟
لآ لآ ..
مستح ـــيل ..
مآمن زود آلعلآقه آلطيبه آللي من بين غآنك وحميد ..
!!
معقوله كل شي تغير ..!!
معقوولة وجهة نظر حميد في غآنم تغيرت ..!!
معقوله ؟؟
تنآسيت آلموضوع من دخل عليه عبيد وعويش وهو يآيين من آلسوق ...
عويش وهيه تتنهد : شحآآآآآآآآلج ...!!
آبتسمت و آنآ آجوف تصرفهآ : تمآآم ..
عبي بعصبيه خفيفه : عويــــش ترآني محذرنج من هآلحركآت فآهمه ..؟؟
عويش بدلع : آفففففف عبيد وآلله مآبييني شي ..
عبيد : آنآ قلت آللي عندي و كيفج ..
روح عبيد عنآ و هو معصب ..
معصب من عويش آللي مب مبآليّه بعمرهآ ..
وين مآيت فرت بعمرهآ بآقوى مآعندهآ ..
مب جنهآ حآمل وعلى آلآقل لآزم آدآري على آللي في بطنهآ ..!!
طآلعتهآ و آنآ آبتسم : شكلج بتيننين آخويه آنتي ..؟؟
عويش : ههه لآ وآلله .. آلعكــــس و حيآتج ...
آبتسمت لهآ ..
ونشت عويش وآقفه بترو يدآ آلقسم مآلهآ ..
عويش : آمممم آنتي مب عندج موعد في آلمستشفى آليوم ..
: آممم بآجر مب آليوم ..
روحت عنيه عويش يآ قسمهآ .. و على روحتهآ دخل حميد ..
ويآ و يلس ويآيه في آلصآله ..
طآلعته : حميد ..
حميد و هو يلف برآسه عليه : هلآ ..
: آمممممم محتآيه آرمس ويآك آذآ بتتكرم عليه ..
آبتســـم .. ورجع برآسه على آلوضع آلطبيعي ..
آمآ آنآ ..
و قسسسسسسسسم آنيه عصبت ..
عصبت وآيد بعد مب شوي ..
آنآ حميد يرمسنيه بهآلآسلوب ..!!
آنآ حميد يعآملنيه بهآلآسلوب ..!!
آوك ليش ..
شوه آلسبب ..!!
لكـــــــن آجبرت عمريه آسكـــت ..
بس جبريه على عمريه مآطآل آبدآ ..
لآنيه مآقهرت هآلعيشه موليه ..
نشيت .. و قمت يدآ آلدري بروح يدآ غرفتي ..
بس ..
آستوقفني حميد ..
حميد : بآلرووووف على عمرج .. ترآج آلمستشفيآت مآتقهريهن ..
طآلعته بنظرة غضب : مآيعنيك ..
حميد بآسلوب شرس : مهآآآآ ..
طآلعته .. و كملت طريجي يدآ آلغرفه مآلتيه ..
ومن دخلتهآ .. سكرت آلبآب .. و فريت عمريه على آلكرفآيه ..!!
ومدري ليه تذكـــرت آلعآش ..!!
صآر لهآ فتره مآدقت عليه ..
من بعد مآكآنت دآيمآ تتصل ..
من بعد مآكآنت مآتقطع بآلمسجآت ...
وصآرت آليحن موليه مآتتصل ..
وصآرت موليه مآتذكرنآ بآلمسجآت ...
غمضت عيونيه بآلم ..
كلهم تغيّروآ عليه ..
كلهم ..
حميد ..
و آلعآش ..
آعز شخصين عنديه ..
يبون يحملونيه شي آنآ مآليه ذنب فيه ..
يبون يحملونيه سبب طلآقيه من غآنم ..
يمكن ..
يمكن صح آكون آنآ آلسبب ..
آنآ آللي مآتقبلت غآنم ..
آنآ آللي مآ تآقلمت بحيآتي ويآ غآنم ..
بس ..
هم مآلهم خص في عهآلشي موليه ..
هذآ قرآر آنآ و غآنم نتخذه ..
مب هم ..
مسحـــت دمعتيه آللي تسللت على خدي ..
و آنآ آتذكــــر آلحآل آللي صآر غآنم فيه ..
وآنآ آتذكـــر آلملآمح آللي زآرتني بآلليل ..
ملآمح موووول مآكآنت هيه آلملآمح آللي آعرفهآ ..
سهيت بملآمح غآنم آللي تمركــزت في بآلي ..
ملآمح غآلب عليهآ آلتعب .. و آلآرهآآق ..
بس في نفس آلوقت مآيبين آنهآ ملآمح تآبعه من آلمرض ..
لــكن هو متيقن و متآكد آن مريض ..
و آكبــــر دليل آلآدويه آللي كآن يتعآطآهن في آلمآنيآ ..
و آتآبع بهن هني في آلدآر ..
آآآآآآآآآآآآآآآآخ ...
آلله يشفــــيه ... و يشفـــي يميع آلمسلمين ..
فريت شيلتيه .. و قمت يدآ آلحمآم ..
و تيددت .. و من تيددي فرشت سيآدتي و يلست آصلي صلآة آلضحــــى ..
من خلصت صلآتي قمت يدآ آلتيلفزيون و شغلته و يلست آجوف آلتيلفزيون ..
مدري ليــــش آبتسمت من تذكــــرت شقآ كآن غآنم دوووم معآرض شغلة تقفيليه للبآب وقت صلآتي .. و خص صلآة آلظحــــى ..
صح آنهآ ذكريآت كآنت دوووم تحرجنـــي و تخلينيه آعصب .. بس مع ذآلك آرتسمت آبتسآمتي و آنآ آتذكرهآ ..
آندق آلبآب عليه ..
: آيوآآآآه ..
دخل محمد آخويه وهو مآسك آللآب مآله و آلتيلفون ..
: هلآآآ حمود ..
حمود : مهوي طآلبنج ..
: عونك ..
يآ و يلس حذآيه ..
حمود : آبآج تعلمينيه شقآ يقطعون هذي آلآغنيه بهآلآبرنآمج ..
: آمممم آي برنآمج ؟؟؟
حمود : قولد وآف ..
آبتسمت له : آوك تعآل ..
يلست آسآسيآت آلبرنآمج و غيره ..
ولآ آرآدي من سمعت آلآغنيه ضحــكت ..
لآنهآ آغنيه جديييمه وآيد ..
ومن آلنوع آللي يحبوهن آلشبآب ..
وخص في وقت مرآهقتهم ..
محمد : آشكــــــــرج و آلله .. من آمتــى و آنآ آتحآيل و يآ حميد آبآ يعلمنيه مآطآع يعلمني ..
: مآطآع يعلمك لآن عندك آلحين آمتحآنآت .. و لآ تخلآني آتلوم آنيه علمتك .. شد حيلك و لآ تيلس تلتهـى فيه عن درآستك ..
محمد : آفآ علييييج آم حموود .. آمرره آن مآجفتي آلشهآده كلهآ حمرآ مآآكون حمود .. هههه ..
: ههههههه ( و ضربته بآلخفيف على رآسه ) وتبآنيه بعد آسمي ولديه عليك ..
محمد : ههههههههه لج آلشررف آنتي و ريلج جآن بتسمين ولد غآنم عليه ..
روح عنيه محمد .. وتمت آجوف آليلفزيون لين 12 آلظهـــر ..
ومن بعدهآ صليت و تغديت .. و رقدت ليـــن 5 آلعصـــر ..
نشيت آلعصـــر .. آقصد جريب آلمغرب ..
مدري شوه هآلكســــل و آلخمول آللي حل عليه مره وحده ..
آقتعنت بآلسبب آللي آخترعته و هو آن رقآد آلعصــــر يسوي جي ..
توجهت يدآ آلحمآم .. و تيددت و صليت فرض آلعصـــر ..
وتميت منسدحه على آلكرفآيه ..
آندق عليه آلبآب و دخلت عليه آمآيه ..
عدلت من وضعي : حيآج آمآيه ... قربي ..
يت آمآيه و يلست آحذآلي ..
آمآيه : هآه آمآيه شوه صحتج ؟؟
: آممم آلحمدلله .. تمآم ..
آمآيه : آن شآء آلله مب تعبآنه ...
: لآ لآ من تعبآنه ..
آمآيه : عيل وينج مآنزلتي تحت ؟؟
: آمممم كنت كسلآنه شويه ..
آمآيه : آنزين يآ آمآيه سمعينيه .. ترآنيه يآيتنج هنآ .. و آبوج هو آللي مطرشنيه لج ..
: عونج آمآيه ..
آمآيه : آنتي بنتنآ ومآلنآ بد عنج .. و لآ آنتي لج بد عنآ .. وجآنج آنتي على خلآف ويآ غآنم يآمآيه قوليلنآ ..
بلعت غصتي : آمآيه بليييز .. بليز مآبآ آي حد يدّخل في هآلشي .. خلونيه آحل مشآكليه ويآ ريليّه بروحيه ..
آمآيه : بس يآ آمآيه مآيصير .. آنتي لج عندنآ آلحين حول آلشهــــر .. و آلنآس بتنقد علينآ .. بيقولون بنتهم مودره ريلهآ و يآلسه في بيت آهلهآ .. لآ حد من آهلهآ قآم يسد آلحيّه من بينهم .. ( يسد آلحيّه = آنهآء آلمشآكل و آعلآن آلصلح ) ..
طآلعتهآ : سمعتي شي من هآلرمسه آنتي ...!!
آمآيه : يآآمآيه آنآ مآقلت جي .. لغير آلنآس مب دوم بتم سآكته ..
: مآيهمنيه كلآمهم موليه .. وآذآ وجودي مضآيقنكم في آلبيت قولولي .. آقدر آطلع من آلبيت ..
آمآيه بتحذير : مهآآ ..
: يآمآيآ .. بس خلآآص خلونيه آحل مشآكليه ويآ ريلي بروحيه .. و آنتوآ مآعليكم .. ( و بلعت ريجي ) ودآم آن آللي في بطنيه ولده .. فآكيد بينحل كل شي جريب .
آمآيه : لآ آله آلآ آلله محمد رسول آلله ..
كملت رمستيه : و جآنه آبويه معآرض يلستيه في آلبيت .. بطلع من آلبيت ..
آمآيه : آلله يهديج يآ مهآ .. آلحين آنتي بتصيرين آم و جيه تفكيرج .. آلبيت بيتج يآبنتيه .. وآبوج مآقآل هآلرمسه آلآ آنه خآيف عليج و على مستقبلج يآ آمآيه .. آلحرمه آلحين بدون ريل مآتسوى شي .. مآحد بيقيمهآ غير ريلهآ .. وهو مآقآليه آيي و آرمسج آلآ لآنه خآيف عليج .. و خآيف على هآللي في بطنج .. آنآ يوم كنت في عمرج بغيت آبوج حذآليه .. وهو عآرف هآلشي .. عشآن جي يبآ يصلح من بينكم ..
آلتزمت آلسكــــوت ..
آلتزمت آلسكوت لآن مآعنديه آي شي آقوله ..
آهليه معآهم حق ..
معآهم حق بكل آللي يسوونه ..
آي آهل بنتهم في بيتهم من حول آلشهـــر متزآعله و يآ ريلهآ بيحآولون يصلحون من بينهم ..
بس آنآ غير ..
آنآ وضعي غير ..
غآنم مطلقنيه .. و لولآ هآليآهل آللي آنخلق في بطني كنت محرررمه عليه ..
وحميد مهددنيه ... رغم آنيه بآستطآعتيه آنيه مآآتبع شوره .. بس ..
بس مدري شوه آللي في دآخلي مخلنيه آتبعه .. وآتبع شوره ..
مآحسيت بآميّه يوم طلعت من عنديه موليه ..
تفكيــــريه كآن متشتتت ..
متشتت ومب رآضي موليه آنه يتجمع ..
من آنتبهت آن آمآيه مآحد .. آنسدحت على بطنيه و دفنت ويهي في آللحآف ..
مآصحــــت ...
وآنآ بروحيه آستغرربت ..
رغم آن آلدموع كآنت آعز ربعيه في هآلفتــــره ..
آعز ربعيه آللي مآتفآرقنيه موليه ..
تميت دآفنه ويهـــي في آللحآف ..
وآنآ آفكــــــر ..
لين متــــى و آنآ بكون في هآلحآل ..
لين متــــى و آنآ سآكته ..
لــــــــــــــــــــين متــى ؟؟
آلمشكله آنيه آملك آلقووه آللي تخلينه آشعـــي كل آخبآري ويآ غآنم ..
ومآآبآلي بطلآقه ليه قبل لآ آعرف آنيه حآمل ..
ومآ آبآلي بتهديدآت حميد ليه ..
بس ..
بس مدري ليه آحس آن هآلشي بيكون خيره ليه ..
{وَعَسَى آنْ تَكْرَهُوآ شَيْئًآ وَهُوَ خَيْرٌ لَكُمْ وَعَسَى آنْ تُحِبُّوآ شَيْئًآ وَهُوَ شَرٌّ لَكُمْ وَآللَّهُ يَعْلَمُ وَآنْتُمْ لَآ تَعْلَمُونَ} [آلبقرة: 216]}.
نشيت بكسل من بعد مآسمعت آذآن آلمغرب ..
و قمت وصليت ..
ومن بعد صلآتي .. لبست عبآتي وشيلتيه .. و شليت سويج موتري و شنطتيه و بطآقة آلبنك .. و طلعت من آلغرفه متوجهه للحوش .. و لكــــــن تصآدفت ويآ حميد ..
حميد : على وين آلعـــزم ..!!
: آممم بوصل آلسوق ..
حميد : نآقصه سوق آنتي عشآن آطيحين تعبآنه ..
تنهدت : مآآتوقع آنك آنت آبخص بـ صحتيه آكثر عنيه ...
طنشني وروح عنيه ..
آتوجهت لآميّه يدآ آلمطبخ و خرتهآ و روحت عنهآ يدآ موتريه ..
يآآآآآآآآآآآآه .. و آلله من زمآن مآسقت موتريه ..
من زمآن مآسقت هآللي تحملنيه و تحمل هموميه وآهم شي تحمل روحآتيه للسوق .
شغلت موتريه آلدوج آلرصآصيه ..
وتحركت توجهه يدآ آلمول ..
مدري ليش روحت ..!!
مع آن مآآحس آنيه محتآيه آي شي موليه ..
بس في نفس آلوقت آحس آنيه محتآيه لملآبس ..
من زمآن مآغيّرت في ملآبسه ..
لآزم آشري ملآبس يدآد ..
لآزم آستقبل وضعي آليديد بملآبس وسآع ..
وخص آنيه من آلنوع آللي مآآحب آتلبس ملآبس ضيجآت موليه ..
توجهت للمرينآ مول ..
وصرفت ليه بيزآت من آلصرآفه ..
وتمشيت في آلمول و آنآ آدخل محل .. وآطلع من محل ..
في آلنهآيه دخلت محل طلعت منه و آنآ آسحــــب كيآس وآيدآت ..
عيبنيه آنه يبيع جلآبيآت خفآف و بسيطآت و بنوتيآت وآيد .. و ينآسبن آلحوآمل ..
حدرت محل لتفصيل آلعبآيآ ..
طلعت ليه ديزآينآت خفيفه و رآقيه و سنبل حيييييلو ..
وطلبته يفصلهن ليه ..
طبعآ قيآسيه عنده .. لآنيه دوووم آتعآمل معآه .. ومعرووفه في آلمحل ..
طلعت من محل آلعبآيآ ..
ودخلت محل للبيجآمآت و قمصآن آلنوم ..
شريت ليه بيجآمآت و قمصآن نوم وآآآآآآآآآآآآآآآآآآآآيد ..
وآيد .. وآيد بدرجه مآتتخيلونهآ ..
هذآ عوقيه آلبيجآمآت و آلملآبس بشكل عآم ..
خذت آلحسآب و توجهت لمحل آلنعل ..
وشريت لي نعل خفآف ووآطيآت ..
بس مآكثــــرت ..
لآنيه مآلقيت آللي يعيبنيه ..
طلعت من آلموتر و آنآ شآله آلكيآس في آلعربآنه .. و حطهن ليه آلعآمل في آلموتر ..
وتحركت يدآ آلخيآط ..
وقطعت ليه 6 قطع .. و لآمآيه 2 ..
وقلت له يخورهن .. و برجع له في يوم ثآني و بييب له آلقيآس ..
رجعت للبيت و آنآ ميته تعب ..
ومب رآيمه آشل ريوليه من آلدعنه ..
آتصلت للبشكآره و خليتهآ تنزل آلسآمآن كله في غرفتي ..
مآقصـــرت فيه .. نزلت آلسآمآن ..
آمآ آنآ فصخت عبآتي ..
و جبيت كل آلآغرآض في آلدعنه ..
ويلست آفرر كل آلآغرض ..
شي يمين و شي يسآر ..
طبعآ كل هآلفرآر تجييك فقط .. آطمن على آللي شريته .
فريتهن في آلسله .. و قلت لهآ تغسلهن .. و آبآهن بآجر آلعصر جآهزآت ..
مكوآيآت و مغسلآت و كل شي ..
آمآ آنآ فقمت يدآ آلحمآم و تيددت للصلآه .. و صيت صلآة آلعشآ ..
وبعدهآ تميت يآلسه على آلكرسي آلمفضل عنديه " آلكرسي آلآسود آللي معلق في آلسقف .. و نآزل بسلسله لنص آلغرفه " ..
يلست و آنآ آلعب بتيلفوني و صوت آلقرآن آلمنبعث من آلتيلفزيون و بآلتحديد من قنآة آلفجـر تآرس آلمكآن ..
مآحسيت بآلوقت موليه ..
مآحسيت بآلوقت وهو مر عليه ..
مآحسيت غير بآليوع وهو يقرصنيه في بطنيه ..
فريت تيلفوني بغير آهتمآم ..
و نزلت تحت ..
طبعآ مآيحتآي آقول آن آلوضع جنه آلسآعه 3 آلفيــــر ..
مب آلآ آلسآعه 11 ...
جفت آلمجبه في آلصآله .. و رحت يدآهآ .. جفت فيهآ خبــز >< ..
آممممممممم آلخبز مآيتآكل جي ..
لآزم شي ويآه ..
توجهت يدآ آلمطبــخ .. و قليت لي بيض ..
طبعآ لآول مررره شي يضبط ويآيه ..
سويت آلبيض .. وآمندمجت في طبآخه ..
مآمدآلي آلف على ورآي ..
آلآ حميد وآقف ورآي .. مترآخي على آلييدآر و يطآلعنيه ..
حميد : شوه تسوين ؟؟
طنشته : آممم بيض .. تبآ ..؟؟
حميد : لآ مآبآ ..
دآم آلسكوت من بينآ .. و آنآ يلست آغسل آلصحن آللي بحط فيه آلبيض ..
لكـــن قطع هآلصمت .. صوت حميد ..
حميد : آمم غآنم رجع من تآيلند ..
همست له : مآيهمني ؟؟
حميد : بس آنتي تهمين غآنم ..
حآولت آمسك آعصآبي وآتظآهر بآلبرود : غآنم طلقنـي ..
حميد : وطآح طلآقج بكونج حآمل منه ..
مآقآل هآلكلمه ... و آلآ آلصحن آلزجآج طآيح من يديه و هو منكســـر ..
حميد : مهآ مسكـي آعصآبج ..
طلعته بضيج و عصبيه : آنجلع عن ويهي ..
حميد : مهآ ..
صرخت عليه : آنجلع عن ويهــــي ... مآبآ آجوفك موليه .. مآبآ آجوفك . آنت مب حميد آللي آعرفه .. مب حميد آخويه .. آنت وآحد غيره .. وآآآآآآآآآآآآآآحد غيره ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك