رواية انا اطري على بالك كثر ما انت تطري -24
أبو سالم: حامد تعال مكتبي
حامد: حاضر
أبو سالم: ........ أدخل
حامد: خير ياعمي
أبو سالم بعصبيه: بقولك إياها ع البلاطه ليه تخوني وتلعب بحلالي
حامد بصدمه: أنــــــــــــا ,,, مستحيل
أبو سالم:انا كشفت كل ألاعيبك لاتحاول تكذب علي ,, ليه سويت كذا هاااا انا اللي صنتك ومعتبرك واحد من عيالي وسلمتك كل شئ حتى الشقه ماأعطيتها لاي مخلوق غيرك
حامد ببرود وتكابر: لاتسألني ع السبب إنت عارف
أبو سالم:عارف أيش؟؟ ماتقلي ليه سويت كذا
حامد بعصبيه ورفع صوته:لأنك إنت السبب
أبو سالم:حامد لاترفع صوتك ,, السبب ف ايش؟؟
حامد: رجع ذاكرتك قبل 4 سنين
أبو سالم:كيف يعني ؟؟ تكلم معاي بوضوح ولاتلف
حامد بسخريه: حاضر ولايهمك انا راح أقصر عليك المشوار ,, انا سويت فيك كذا لأنك تستاهل انت وأبو محمد زوود عشان أعلمكم كيف الظلم وسلب حقوق الغير شئ يقهر
أبو سالم: عمري ماظلمتك ولاظلمت أحد وحقوقك تآخذها كامله وبنفس الوقت
حامد: ههههههههه همرك ماظلمت أحد هذه كثر منها
أبو سالم: حامد للمره الثانيه أقلك لاترفع صوتك وتكلم معايا بأدب
حامد: أوووووه آآآسف ... انت ظلمت أبوي إنت وصاحبك خسرتوه كل مايملك عيشتونا ف فقر انا واختي حتى لمن أبوي طاح ف الفراش ماتحرك ظميركم ورجعتوا اللي اخذتوه ايش قلوبكم هذه
أبو سالم: لحظه,, لحظه أي خساره وأي فقر
حامد: شكل العز عماك عن الحقيقه
أبو سالم: حامد أنا ماخسرت أبوك ولاعمري ضريته واذا ع قولتك ضريته وانا سبب طيحته كان ماخليتك تشتغل عندي
حامد: مو لله شغلتني عندك عشان تآخذ أكثر وكل شئ تباه ف صالحك
أبو سالم بعصبيه: انت جالس تتهمني ناسي أنا مين؟؟
حامد: أتهمك!! انا ماأتهم من راسي
أبو سالم: انا ماأخذت شئ من أبوك وإذا مو مصدق أثبتلك
حامد: ههههههههه تثبتلي ايش ؟؟
أبو سالم:أبوك كان داخل شراكه معانا وخسر وأنا وراشد أعطينا سيوله نصف مليون يسدد ديونه للناس عشان ماينسجن ,,وكل يوم تطلعله مشكله جديده لين جاته الجلطه,, ولمن كان ف المستشفى حلف علينا مانساعده لكن شرط علينا شرط
حامد: .................
أبو سالم: اننا نشغلك عندنا ونآخذ من راتبك انا رفضت آخذ منك ريال واحد ومسامح أبوك
<حامد مو مستوعب كلام أبو سالم>
أبو سالم:واذا مو مصدق خذ هذه الاوراق تثبت كل شئ وفيها وصيه أبوك قلي ماأديك إياها لين تخلص ديونه مننا ’’’ دام إنت تبى الحقيقه والدليل ماأقدر آآجل وصيت المرحوم
حامد بصدمه: إنت كذاب وماني مصدق ولاكلمه من اللي قلته<< رمى حامد هذه الكلمتين وخرج بسرعه من الشركه ...
ـــــــــــــــــــــــــــــــــــــــ
أبو سالم بعصبيه: سلمان الزفت حامد وين راح؟
سلمان: شفته خرج من الشركه
أبو سالم: الولد إستخف عقله وطلع له لسان بعد انا اوريه,,, إسمع اذا رجع اعطني خبر
سلمان: حاضر <<< الله يستر إيش مسوي حامد والله العم شياطينه طلعت الله يستر.....
$$$$$$$$$$$$$$$$$$
محمد فز من النوم: بسم الله الرحمن الرحيم
توفيه: محمد بسم الله إيش فيك
محمد: توفيق اعطني مويه بسرعه
توفيق: طيب<< خذ إشرب بسم الله عليك
محمد: حلمت حلم موكويس
توفيق: تعوذ من إبليس هذا تهاويل الشيطان
محمد: أعوذ بالله ... توفيق برجع للسعوديه خلهم يخرجوني بكرا
توفيق: نعم... انت ايش جالس تقول ليه هو الشغله بكيفي ولا بكيفك
محمد بإنفعال: انت ماتفهم اقلك حلمت حلم مو كويس حلمت ان الشركه تنحرق تقلي مافي روحه
توفقي: محمد إهدئ ايش فيك وهذا من الشيطان ان شاء الله مايصير شئ
محمد: انا ايش يضمني انه حلم
توفيق: استغفر الله العظيم محمد هذا مجرد حلم حلمت فيه عشان تفكر كثير بأبوك والشركه
محمد: انا خايف صاير شئ هناك وانا ماادري كله مني ياريتني ماجيت هنا
توفيق: كل شوي يرجع ع نفس الموال... خلاص ياخي سمي بالله وإرجع نام
محمد: والله ماراح يجيني نوم وارتاح اعرف نفسي
توفيق: خلاص بكرا ان شاء الله اتصل ع رحيمي وأخليه يجيبلنا الاخبار نام بس
محمد: أمري لله أحاول انام
جنى: سلامو ياسكره
سهى:وعليكم السلام,,, كيفك ؟؟
جنى: مو بخير للآن مقهوره منها
سهى:ماقلتلك البنت ماتعجبني وحدسي طلع صح إنها هي اللي سوت
جنى: والله وأنا كنت مفتكرتها بنت عسوله وكيوت
سهى:هذا درس لكي لاعاد تثقي ف أي أحد بسرعه لاتنسي إننا عايشين ف زمن خوان
جنى: عجبتني زمن خوان هذه
سهى:تدري ودي لمن أقابلها آآكلها بأسناني
جنى: خليها تولي الحمد لله انها إنفصلت أسبوع وبينقلوها لسكوول ثاني
سهى:فكه منها ومن وجهها
جنى:ماعلينا منها... أبى أستشيرك أي سوق يبيع فساتين ناعمه وحلوه
سهى:روحي لصاري موول
جنى: خلاص راح أقول لأمي لان اليوم نازله تشتري الشبكه
سهى:الله يوفقه وعقبالك انا وانتي ف يوم واحد
جنى: ’آآآمين ع نواف
سهى:ههههههههه ان شاء الله
******************
إياد: نواف قلي ايش نسوي ف سعود ترى كل ماأفكر يحترق قلبي
نواف:ماادري,, ف فكره جات ف بالي ماادري تنفع ولا لا
إياد: قووول ايش هي؟؟
نواف:انا مفكر نمسك ثامر ونخليه يتكلم
إياد: ثامر!! مستحيل راح يتكلم
نواف:طيب مافي حل غير إننا نواجه ونكذب عليه ان ثامر شهد عليه
إياد: وإذا راح سأل ثامر وقله لا بيشك ف مشاري ع طول
نواف:طيب ايش السوات
إياد: خلنا نصبر أكيد بيشوف واحد غير ثامر
نواف:والله نجلس ساكتين لين يسوي شئ حضرته
إياد: عندك حل ثاني؟؟
نواف:لا
إياد: أجل أسكت ,,, اكيد راح يغلط ونكشفه وقتها ينتهي كل شئ
نواف:ان شاء الله يطيح ف يدنا
إياد: والله ولعبها صح
( الــــــــبـــــــارت الـــثـــانــي والـــعـــشـــرون ,,, الأخــــيـــــر)
خلاص ياقلبي تعلم فالدنيا عبر
لاتترجى ياقلبي في صاحب او قريب
مكسور أدري وكسرك توه ماأنجبر
ماقدر يجبر كسرك لاحكيم ولاطبيب
توفيق: هــا... كيفك اليوم .؟ ان شاء الله أحسن
محمد: بكثيرالحمد لله
توفيق: الحمد لله,, يللا شد حيلك ياأبو حميد
محمد:ان شاء الله .. ماسألته متى الخروج؟؟
توفيق: يقول لازم يتأكدون أكثر قبل مايخرجوك
محمد: ياالله.. والله مليت شوفني أنا طيب
توفيق: مو بكيفك هم يعرفوا مصلحتك أكثر منك
محمد: كذا تأخرت ع أبوي .. تلاقه اللحين معصب مني لأني تركته لوحده وهو محتاجني
توفيق: مو لوحده معاه سالم وغيره ولمن ترجع إعتذر منه ماصار شئ
محمد:هذا هو اللي بسويه ,,إلا تعال تطمنت ع اهلي
توفيق: إيهــ كلمت أمس واحد من الشباب يقول كلهم بخير والشركه مافيها شئ قلتلك مجرد حلم عشانك تفكر كثير ف الموضوع
محمد:الحمد لله ,, اللحين إرتحت ,, الله يلعنك ياشيطان ..
ـــــــــــــــــــــــــــــــــــــــــــ
ناديه: حامد ممكن أتكلم معاك
حامد:هلا ياعمتي تفضلي
ناديه: امس شفتك معصب وحالت حاله فيك شئ حتى الأكل ماأكلت
حامد:مافني شئ ياعمه أتركيني لوحدي الله يسعدك
ناديه: والله ماأتركك وتتكلم غصب عنك امس ماقدرت أكلمك لأني شفتك مرا متضايق
حامد: قبل ماأقلك بسألك سؤال وأباكي تجاوبني بصراحه وذمه
ناديه: إسأل أكلت قلبي
حامد:عمه إنتي أقرب وحده لأبوي الله يرحمه وتعرفي عنه كل شئ صح..
ناديه: إيوا ,, وأعرف كل صغيره وكبيره عنه ..ليه؟؟
حامد: عمه ممكن أعرف أبوي كيف خسر؟
ناديه: هــا.... ليه ترجع للماضي وإنت عارف جوابه
حامد: اللي أعرفه أنا وسعاد غلط وإنتي عارفه الحقيقه الصدقيه
ناديه: عن إذنك بروح أجهز لك الفطور
حامد:عمه ... لاتتهربي قوليلي تكفين
ناديه: إيش أقلك ياحامد؟
حامد بإنفعال: قولي كل شئ سبب خسارته, عيشت الفقر, مين اللي نصب عليه, مين اللي وصل أبوي للحاله هذه كل شئ ... كل شئ
ناديه: وليه بالذات هذا اليوم تبى تعرف سالفه لها 4 سنين ماتت ودفناها
حامد:ماتت بالنسبه لكم لكن أنا من 4 سنين مافي يوم مافي لحظه وماأفكر فيها
ناديه: حامد إنسى ويللا قوم روح لشغلك تأخرت
حامد:ههههههه شغلي أي شغل تتكلمي عنه خلاص إنتهى
ناديه: إيش؟؟ كيف يعني ؟؟
حامد:بعدين أقلك .. إنتي اللحين جاوبيني
ناديه: راح أجاوبك دامك مصمم تعرف أبوكـــ<< ناديه قالت كل اللي صار ف حياة أخوها لحامد عشان يرتاح .... وهذا كل شئ يشهد علي ربي ماكذبت ولا ف كلمه من اللي قلته
حامد بصدمه وعصبيه: كل هذا صار ف أبوي .. طيب ليه خباها علينا مو إحنا عياله مو لنا الحق نعرف ليه كذا ياأبوي ليه
ناديه: حامد أبوك خباها عليكم لأنه مفتشل منكم ومو قادر يحط عينه ف عينكم بالذات إنت
حامد:يعني الكلام اللي قاله أبو سالم صحيح .. ليه لمن كنت أسأل أبوي مايجاوبني
ناديه: إيش تباه يقلك ها.. حامد إدفن الحقيقه وإنسى ,, انت اللحين رجعت المواجع علي
حامد:ياالله انا ايش سويت ف عمري كيف أحل اللي سويته كيف أواجهه وأحط عيني ف عين الآدمي ياربي
ناديه: تواجهه مين وايش سويت
حامد: ولاشئ ولاشئ انا طالع أشم هواء
ناديه: وين رايح تعال....
حامد:آآسف محتاج أجلس لوحدي حدي متضايق عن إذنك ..
؛؛؛؛؛؛؛؛؛؛؛؛؛؛؛؛؛؛؛؛؛
سعود: خلاص عارف تسوي اللي طلبته
:إيه .. ومتى راح أبدأأ
سعود: من بكرا,, حسك عينك أحد يكشفك لاتسوي مثل الغبي ثامر
: لا ولايهمك راح أعجبك
( إياد كان مراقب سعود من البدايه وسمع كل الحديث اللي دار بينهم)
إياد بسخريه: ماشاء الله ,, ماشاء الله برااافوا
سعود بصدمه: إياد حياك تفضل معانا
إياد: لا والله وتعرف تجامل بعد كلك ذووق
سعود: .........
إياد: والله وطلعت مو بسهل ياسعود إنت ورى هذا كله
سعود بتوتر: ورى إيش
إياد بعصبيه: لاتستغبي معاي أنا سامع كل شئ وعارف بالي سويته فينا قلنا نشوف نهايتها معاك لكن توصل فيك الحقـ.... إنك تحط مخدرات ف سيارتنا
سعود: إنت ايش جالس تقول خرفت
إياد: ياريتني خرفت ولاعرفت إنك ورى هذا كله ,, ليه سويت كذا عشان كلمتين رميتها عليك ها.. <<بعصبيه
سعود:أنا حر أسوي اللي أبيه
إياد: حر مو ع حساب غيرك ياأخ
سعود:والله إنك تستاهل أكثر من كذا
إياد: لو ادري انك انسان حقود وبالدنائه هذه ماصاحبتك ,,أصلا متحسف اني تعرفت ع واحد مثلك ووثقت فيه
سعود: إياد إحترم نفسك ولاتغلط
إياد: انا كنت محترمك لكن طلعت مو كفو
(سعود عصب ومسك إياد من ثوبه )
إياد بعصبيه: نزل يدك ياسعود لاأكسرها لك
سعود تمالك نفسه ونزل يده < الود ودي أذبحك
إياد: انا اللي اتمنى مو انت لو واحد ف مكاني وسمع اللي سمعه كان نساك حليب أمك ياكـلـ.... انا بإمكاني اوريك نجوم الظهر لكن مواعد ابوي ماأسببله مشاكل
سعود:ههههههههه اعترف انك خايف وتبى تنسحب وانا اللي غلبتك
إياد: تخسي إلا انت والله ماتحركت فيني شعرة خوف منك ومين انت أصلا؟؟
سعود: اهم شئ اني ضريتك ودخلتك الشرطه بعد لكن برضوا ماشفى غليلي
إياد: ماتهمني أساساً ,, قبل مااخرج من الكافيتريا حاب أقلك كلمتين حطها حلقه ف أذنك....
أولاً/ عمري ماراح أسامحك لو كنت ع فراش الموت ... ثانياً/ إنسى ف حياتك عرفت واحد اسمه إياد مايشرفني أمثالك
سعود: أبركها من ساعه...
إياد: انا بسوي نفسي ماصار هذا كله لكن والله والي خلق سبع سماوات لو أعرف أو بس أحس إنك تفكر تجي صوبي وتأذني إنسى إنك راح تعيش فاهم
سعود: تهددني
إياد: إعتبرها مو تهديد تحذير لك .. وانت والله لو سويت اللي طلبه أوديك ورى الشمس ,, وانت ياسعود لاعاد أشوف خلقتك ف حياتي
سعود:والله فراقك عيد عندي ترى
إياد: الشعور متبادل << خرج إياد من الكافيتريا وهو ميت قهر من سعود يالي سواه\
.................................................. ...................
( بـــــــــــــــعـــــــــــــــد مـــــــــــــــرور أســـــبوع كـــــــامل )
ريم: متى إختباراتك؟؟
جوري:باقي عليها أقل من شهر تقريباً
ريم: عندي لك خبرين راح يفرحك
جوري:قولي حمستيني
ريم: الخبر الأول/ قدمت ع شهادة الدكتوراه ووافقوا
جوري بفرح: من جد ألف ألف مبرووك ياقلبي
ريم: الله يبارك ف عمرك عقبال تخرج ونجاحك
جوري:اللهم آآمين من بؤك لباب السماء والخبر الثاني ايش هو؟
ريم: إمممم بنت خالتي وافقت ع أخوي وبيكون ملكتهم قريب ان شاء الله
جوري: صدق ,, الله يوفقه ويهنيه يارب
ريم: ان شاء الله ,, والله يهديه كيف عبد الله من بعد الملكه
جوري:اسكتي والله الولد طاير فيها
ريم: الله يسعدهم ويبعد عنهم كل حاسد
جوري:آمين... الجوال طول الوقت لاصق ف أذنه ماصدق
ريم: هههههه حرام عليكي لاتنسي نفسك كيف
جوري:ههههه ايوا الله حتى اللي ف البيت كانوا فاقديني
ريم: مايفقدك غالي
خالد: ابو عبيد ممكن أسألك سؤال؟؟
عبد الله:إسأل.....
خالد:جاوب بصراحه لاتتريق
عبد الله:طيب
خالد: مثلا مثلا انت تحب وحده وهذه الوحده ماتعرفك يكون عندك الجرأه تخطبها
عبد الله:ايش الكلام هذا وكيف جاء ف بالك
خالد: ها.. عشان واحد من أقاربي سألني وقلت أشوف رايك مثلي
عبد الله:أها,, شوف دامني احبها اكيد راح أخطبها
خالد: طيب حتى لو ماكانت تدري ولاتعرفك
عبد الله:ايوا.. دامني احبها مستعد اسوي كل شئ عشانها حتى لو ماتعرف موسبب يمنع اتزوجها والحب يجي بعد الزواج
خالد: انت شايف كذا....!
عبد الله:إيـــهــــ
خالد: طيب .. لو كانت حالتك الماديه ميسوره وهي من عائله غنيه والعكس تتزوجها
عبد الله:ايش التحقيق هذا
خالد: جاوب انت ايش دخلك
عبد الله:حسستني اني ف محكمه .. راح اجاوبك شوفا ذا كانت حالتي ميسوره ع قولتك راح اخطبها اذا وافقت كان بها واذا رفضت اتقبل الواقع واتعايش معا هاهي شئ اني انجزت حاجه
خالد: كيف يعني وضح؟؟
عبد الله:ياصبر أيوب ... يعني لازم احارب بحي ولاأجلس عمري كله أحط يدي ع خدي استناها تروح مني وماقدمت ولاخطوه عشان مااخسرها
خالد: طيب اذا رفضتك ؟
عبد الله:أخطبها مره وإثنين وثلاثه إذا مصممه ع رأيها أتقبل
خالد: بالسهوله هذه وحبك لها
عبد الله:أبو وليد زودتها ترى إنت لفين بتوصل بالزبط
خالد:هــا..ز ولاشئ بس مجرد أسأله
عبد الله:والله انا شايفك مهتم مرااا.. قريبك ولا إنت
خالد بتوتر: لامو أنا بس الولد كاسر خاطري
عبد الله:إلعبها ع غيري قول تحب مين؟؟؟
******************************************
توفيق: قوووم يللا
محمد:ع وين؟؟
توفيق:لمتى بتجلس ف المستشفى ياخي الدكاتره طفشوا منك ف غيرك يبى السرير
محمد: إيش انت ايش جالس تقول مو فاهمك
توفيق: مو منك من اللي يعطوك قوم يللا بنرجع البيت أهلي مشتاقيلي
محمد بفرح: خلاص كتبوا خروجي ؟؟
توفيق: أيوا.. لكن اذا تبى تجلس عايدي اكلمهم اكيد ماعندهم مانع ترى
محمد:حلوه هذه لابخرج ماصدقت
توفيق: الحمد لله ع سلامتك ياأبو أنس
محمد:الله يسلمك ,,, متى موعد الرحله ؟
توفيق:خلاص رحلتنا بعد ساعه
محمد:ياخاين ولاتتكلم
توفيق: بنسوي حركات صعبه يللا قوم جهز نفسك
محمد:الحمد لله أخيراً,, اعطني 5 دقايق بروح أصلي شكر لربي بعدين نمشي
توفيق: خذ راحتك
حامد: السلام عليكم
أبو سالم بصدمه: وعليكم السلام
حامد: عمي ممكن أتكلم معاك
أبو سالم:..... مابيني وبينك كلام تفضل براا
حامد: عمي انا عارف انك مو طايق تشوف خلقتي مرا ثانيه بس عندي كلام لازم اقوله وبعدها لك الحق تسامحني ولا لا
أبو سالم: قوول خلصني لأني مو بفاضي لك
حامد: عمي سامحني ع اللي سويته واللي سببته لك والكلام والتهم اللي وجهتها لك
أبو سالم:.............
حامد: عمي والله العظيم هذا الأسبوع ضميري جالس يأنبني ع اللي صار وانا اعترف اني ظلمتك والمفروض أول مااعرف الحقيقه أجي أتأسف منك لكن والله ماني قادر أحط عيني ف عينك بالقوه تجرأت وجيتك اللحين
أبو سالم: ايوا .. وعرفت الحقيقه من مين إذا انت مو مصدق مني ولاكلمه حتى الدلائل اللي اديتك إياها برضوا مصمم ع اني كذاب وظالم ,, وكيف ضميرك ماعذبك لمن جلست تسلب مني حقوقي ..
حامد: سألت عمتي لأن المرحوم مايخبي عليها ولاشئ ودائما يلجأ لها
أبو سالم:أها.. وايش الحقيقه اللي عرفتها
حامد نزل راسه : نفس كلامك تكفى ياعمي سامحني وأوعدك ماعاد تشوف وجهي ثاني بس تكفى سامحني
أبو سالم: يعني تعترف انك غلطان
حامد: إيه غلطان وراح أعوضك ع كل اللي سويته وارجعلك كل فلس خسرتك فيه
أبو سالم:لامايحتاج .. ولاأبى منك ولا ريال وراح أسامحك لأني أحبك ومعتبرك ولدي ,, لكن بشرط
حامد بفرح:أشرط ياعمي انا حاضر باللي تفرضه علي
أبو سالم:ترجع لشغلك وتكمل
حامد: كيف أرجع بعد اللي سويته فيك
أبو سالم:انا قلت وبس تبى اسامحك وانسى إقبل
حامد: والله ماني عارف ايش اقلك ياعمي احرجتني
أبو سالم:يللا روح لمكتبك وكمل الشغل له أسبوع موقف
حامد<< سلم ع راسه<< الله يخليك ياعمي ويسعدك وأوعدك راح أصحح اللي سويته وأرجع كل شئ مثل ماكان
مشاري: اياد سعود فصل من الجامعه
إياد بفرح: أحسن احلى خبر سمعته بحياتي بالي مايرده ان شاء الله
نواف:الله يكفينا شره
مشاري:اياد إذا شفته ف يوم لاتسويله شئ أحقره
إياد:أصلا معتبره حلم وصحيت منه مايهمني هذا الإنسان ف أي شئ خلاص إنتهى
نواف:ماعلينا منه,,, يللا انا عازمكم ع الغدى برا
إياد: انا كلاسي يخلص الساعه 1:30 انتظروني
نواف:خلاص يكون بيننا ألو وإنت بعد يامشاري لاتنسى
مشاري: ان شاء الله
××××××××××××××××××××××××××××
عبد الله: ايش فيكي تضحكين ؟؟ ضحكينا معاكي
مروج:ههههه لابس إفتكرت موقف صار لي
عبد الله: قولي الموقف انا داما أحكيلك مواقفي
مروج:راح تتفاجأ...
عبد الله: قولي طيب
مروج:طيب,,, العام إنت ساعدت وحده لمن إنسرقت شنظتها
عبد الله: ايوا.. قهرتني مرا غبــ... وقبل ماامشي اديتها كلمتين ع راسها عشان تفهم
مروج:مو كأنك غلطت
عبد الله: غلطت ف إيه,, ساعدت البنت وقلتلها لو تنعاد عليكي ماراح أساعدك عشان تتعلم ماعاد تمشي ف الشوارع ومعاها شنطه
مروج:والله.. طيب اغراضها وين تحطها ف جيبها يعني
عبد الله: وانتي ايش عرفك باللي صار
مروج:هههههه لأن البنت هي أنا
عبد الله فتح عيونه ع الآخر<< إيش من جدك؟؟
مروج:ههههههه إيه وكبرت ف عيني بعد
عبد الله: آآسف صرخت عليكي والله مــا...
مروج:ايش فيك عايدي ,, لو واحد غيرك تلاقه يتفرج وماساعدني
عبد الله: آآسف جرحتك بس كنت معصب
مروج:بالعكس والله كبرت ف عيني ولمن خطبتني ماصدقت وفرحت بعد
عبد الله:ممكن شرح؟؟
مروج:فرحت لأن حلمي تحقق ,, من زمان أحلم يجيني رجال بمعني الكلمه يخاف علي ويحميني ومايأذني وهذه كل الصفات لقيتها فيك
عبد الله: شكراً ع الإطراء
مروج:مو إطراء هذه حقيقه ...
( بعد مرور عدة ساعات وصل محمد لبيتهم .. الكل جالس ع طاولة الأكل ) ...
محمد: السلام عليكم
الكل متفاجأ<< لينا: ياااااي حمودي ( رمت نفسها عليه )
أبو محمد بإستهزاء : جيت بدري كان جلست سنه, سنتين, مثل ماتحب خذ راحتك
محمد: أبوي أنا عارف ...
أبو محمد قاطعه: أووص ولاكلمه ماأبى أسمع منك أعذار انا اللي يعصيني مااسامحه
محمد: أبوي تكفى اعطني فرصه أقلك ليه سافرت
أبو محمد بعدم إهتمام: الحمد لله انا شبعت << توجه لغرفته
أم محمد: وينك ياولدي حتى إتصال ماتصلت شغلت بالي حرام عليك
محمد: السموحه ياالغاليه << سلم ع يدها وراسها
اني تكفين كلمي ابوي انا والله ماسافرت إلا للعلاج مو لشئ ثاني
أم محمد بخوف: علاش إيش:؟؟
محمد بتهرب: مبروووك ياأبو عبيد وسامحني ماحضرت ملكتك
عبد الله: الله يبارك فيك .. ومرا زعلان منك ملكة أخوك وماتحضركان أجبت السفره لوقت ثاني
محمد: آآسف كنت مضطر ووعد مني لكم ماعاد أسافر لمناسبه أي أحد فيكم
جنى: جبت لنا شئ ولا يدك فاضيه ؟؟
محمد: ههههه أكيد
جنى: وناااااسه يللا ورينا
محمد: بعدين اللحين بروح لأبوي
أم محمد: أول شئ كلك لقمتين وبعدين كلمه
محمد: لاحق ع الأكل عن إذنكم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،
حسن: شفت ياحامد بالله مو من زمان أقلك تأكد تعبت وانا اكررها عليك هيا اللحين إيش إستفدت
حامد:حسن وربي مو بناقصك اللي فيني مكفيني
حسن: لا.. لازم ألومك لأن كل ماأتكلم معاك تسكتني لين سويت اللي ف راسك وطلعت إنت الغلطان والظالم
حامد بعصبيه: حسن قلت خلاص ,, يكفي ان ضميري معذبني وخجلان من اللي سويته
حسن: بعد إيهــ ها. ... اللحين كيف تصحح غلطك قوول
حامد:مالك دخل انا اعرف اتصرف انت خلك بعيد ياخي اخرج من راسي..
حسن: اوكي ... ماراح افتح معاك مرا ثانيه ونشوف ايش بتسوي
حامد:يكووون أحسن
حسن: لاتزعل مني ,, انا ماقلت كذا إلا لأني مقهور من اللي سويته سكت كثير بحجة إنك الصح
حامد:عارف خلاص صكر ع الموضوع تكفى
حسن: حاضر ... سعاد عيوني حطي الغدى لنا
سعاد: دقايق ويكون جاهز
<<<<<<<<<<<<<<<<<<<<<<<<<<<<<<
( فـــــــــــــــــــــــ الــــــغــــــرفــــــــــــهــــــــ)
محمد: أبوي ممكن اتكلم معاك
أبو محمد بعصبيه:محمد مو بناقصك إطلع برااا ولاعاد تتناقش معاي فاهم ..
محمد: طيب,, إسمعني ع الأقل بعدين أحكم
أبو محمد:والله.. سافرت من غير رضاي ولاتركت أي وسيله تواصل وإنت حضرتك فرحان وداااااج براا
محمد: والله ياأبوي مو دجه أنا رحت عشان أتعالج والله أتعالج
أبو محمد:لاتقول تتعالج قول تغير من نفسيتك ,, عساك إستانست هناك
محمد بتردد:ابوي انا كنت مريض بالفشل الكلوي
أبو محمد بصدمه: إيش؟؟
محمد: إيهــ.. كنت مريض وخبيت عنكم فتره طويله وكل بعد 15 يوم أسوي غسيل كلى من دون ماتدروا ورحت للهند أتعالج
أبو محمد: لحظه,, شوي .شوي علي ماني فاهمك
محمد: عارف انك مصدوم ,, سامحني اني كسرت كلمتك وعصيتك قلبي ماطاوعني أروح لكن ماعندي غير الوسيله هذه
أبو محمد:وليه ماقلتلي انك مريض هاـــ ساكت ليه
محمد:ماكنت أبى أحد يشيل همي ومحد يدري بالي حصلي غير صاحبي توفيق حتى سالم ماقلتله عشان مايوصلكم
أبو محمد:ليه تسوي كذا إحنا مو أهلك أنا مو أبوك
(محمد نزل راسه ع الأرض<< إلا ياأبوي ,, بس انا كنت أتألم وأتعذب ماحبيت أحد يتألم معاي وسيت العمليه والحمد لله نجحت لاتخاف عليه
أبو محمد:ومن متى سويتها؟؟
محمد: قبل أسبوعين وشويه
أبو محمد:الله يهديك ,, هذه المرا سامحتك لكن المرا الثانيه ماتقلي أي شئ عنك إتأكد مافي سماح
محمد بفرح: توبه ياالغالي ماعاد تتكرر
أبو محمد:وكيفك اللحين حاس بشئ
محمد:لا الحمد لله,,, راح أعيش مثلك ومثل أي شخص إن شاء الله
أبو محمد:ان شاء الله ...
( مـــر يوم ورى يوم , شهر ورى شهر ع أبطالي بكل مافيها من أحداث.....)
حسن: دكتوره طمنيني
الدكتوره:مبروووك ,, جاتك بنت زي القمر ماشاء الله
حسن بفرح: الحمد لله,, طيب زوجتي كيفها
الدكتوره: زي الفل ماشاء الله
حسن: لك الحمد يارب طيب ممكن أشوفهم
الدكتوره:مو اللحين ,, لمن تخرج من غرفة العمليات
حسن: مشكوره << حامد باركلي صرت أبـــــ
حامد: مبرووووك تتربى ف عزكم
حسن: الله يبارك فيك
حامد: إيش بتسموها؟؟
حسن: انا وسعاد متفقين ع الأسامي من زمان راح نسميها ان شاء الله < ريــــنــــــاد>
حامد: عاشت الأسامي والله يحفظها لكم
حسن: آآآمين ,, حدي مستعجل بشوفهم
حامد: راح تشوفهم ياخي أصبر
( حامد حل المشكله اللي سواها وتقريبا رجع شوي من المبلغ لأبو سالم وصار مجتهد ف عمله أكثر وأمين)......
$$$$$$$$$$$$$$$$$$$$$$$$$$$$$
إياد: ألف مبرووك يادبه ع التخرج
جنى:الله يبارك ف عمرك وي مابغينا
إياد: ههههه والله صرتي مثل العجائز
جنى: ههههههه من كثر ماني فرحانه مو بعارفه أعبر
إياد: يللا اول مايفتح التسجيل ف جامعتنا العزيزه راح أسجلك
جنى: مع نفسك ,, دراسه ماراح أكمل أنا ماصدقت اختمها
إياد: مالت عليكي ,, والله مو بكيفك بكيف ابوي ياستي
جنى:والله لو يجبرني لأبكي ليل ونهار
إياد: المفروض تغاري ,, تشوفينا كلنا مكملين دراسه سوي مثلنا
جنى:خلي الدراسه لكم ,, ويللا فارقني
إياد:كنت بمشيكي وأعزمك ع مطعم عشان قلتي فارق هيا حامض ع بوزك مافي خرجه
جنى:لا لا لا والله أمزح إنت اخوي وحبيبي ومالي غيرك
إياد: أرانب تنط ف الصاله
جنى:هههههههه هيا بلا عبط خرجني تكفى
إياد: كسرتي خاطري ,, خلاص روحي تجهزي لاتتأخري
جنى:ياااااااااااي,,, غمض عينك وفتح تلاقني جاهزه
إياد: كثري منها ....
( فــــــ شهـــر الــعســـل فـــــــ دولة تـركـــيــــا)
خالد: ف شئ راح أعترفلك عليه عمري ماقلتلك
لجين:كلنا آآذانٌ صاغيه
خالد: تدري إني كنت أتعذب كل يوم
لجين: بسم الله عليك ,, تتعذب من ايش ؟
خالد: اتعذب بحبك
لجين:............
خالد: انا من أول ماشفتك ف بيت عبد الله وإنتي مارحتي من بالي ولادقيقه واتعذب أكثر لمن اشوف أصحابي يتزوجون خفت ما تكوني لي وتروحي مني
لجين: انا سويت فيك كذا ؟؟
خالد: وأكثر... خفت أخطبك وماتوافقي علي وأموت من حسرتي
لجين:بسم الله عليك لاتجيب طاري الموت ع لسانك
خالد: لوجي حبيتيني ؟
لجين:وليه السؤال هذا ؟؟
خالد: جاوبي إنتي مرتاحه معاي, مبسوطه, حبيتيني , اخذتيني بإقتناع داخلي
لجين: صار مو سؤال واحد كثروا .... ولايهمك راح أجاوبك لكن قبلها حابه أقلك شئ حطها طول مانت عايش ف بالك..... انا عمري ماهمتني الفلوس ولاغيرها لاجي ف بالك إني احب التفاخر والكبرياء لا ...
خالد: وانا أشهد
لجين: أبوي مربينا أحلى تربيه عمرنا ماشفنا نفوسنا ع الغير عندنا قاعده إن الناس سواسيه عمر الماديه ماتبعدنا عن الناس إنت معاي...؟
خالد: ايوا ... كملي أسمعك
لجين:هذا أولاً..... ثانياً: مرتاحه معاك وأحبك ومستعده أعيش معاك لو ف كهف ,, لوتعيشني ع بساط الفقر مستحيل أسيبك وأروح لوسخ الدنيا اللي هي الفلوس .... خالد من يوم ماملكنا وأنا عارفه إنت ايش تفكر وكيف .. لاتنسى إني دارسه علم نفس ,,, حبي انا لك وببقى لك ان شاء الله لآخر أنفاسي ..
خالد: ماني عارف ايش اقلك صراحه كشفتي عني أشياء كانت ف بالي وماقلتها غير لعبد الله بس
لجين:آآسفه تجرأت معاك وقلتلك هذا الكلام لكن لازم أثبتلك واريحك من أشياء إنت راسخها ف بالك
خالد: ماأقول غير الله يخليكي لي ولايحرمني منك ونبقى مع بعض دووم مو يووم
لجين:آآآمين ياعمري ..
محمد: وأنا بعد ياعمري أعد الأيام عد ,,خلاص هانت كلها شهر ونكون مع بعض
ريم:ان شاء الله حياتي .. ايش باقي ف البيت ماخلصته
خالد: بس باقي المطبخ ..ان شاء الله اليوم نازل وأخلص نهائي
لجين:حــلــو... حبيبي بعدين أكلمك أمي تنادي علي
خالد: لاتتأخري علي,, تعرفيني ماأصبر عنك ثانيه .
لجين: هههههه ان شاء الله
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عبد الله بصراخ: أمي ,, أمي إنتي وين؟؟
أم محمد:نعم نعم إيش فيك تصارخ خير
( عبد الله مسك يدها وجلس يرقصها)
أم محمد: والله ولدي إستخف
عبد الله: أنا أسعد إنسان ف الدنيا ياأمي
أم محمد:زايش هو اللي مسعدك ومن صباح الله خير ترقص
عبد الله: أمي,, ولدك المصون بيصير أب إن شاء الله
أم محمد بفرح: صدق ألف مبروووك
عبد الله: الله يبارك ف عمرك ياالغاليه حدي بموت من الوناسه مو مصدق ...
أم محمد:ههههههههه الله يسعدكم يارب ,,إصحك عينك تقصر مع مرتك بأي شئ خليك جنبها فاهم
عبد الله: أكيد ,, ياأمي لاتوصي بكون ظلها
جوري: والله ياجمانه خايفه هذه أخر ماده تحدد مستقبلي ياأنجح ياأرسب
جمانه: لا إن شاء الله ناجحه ,, يللا تعالي نروح للعماده ونشوف
جوري: الله يستر ... يللا
( بعد ربع ساعه خرجت النتيجه ..........)
سالم: هـــا.... حبي بشري
جوري بتمثيل: ايش أبشر حملت الماده
سالم: من جد .. كيف؟؟ لاشكلهم غلطانين إنتي حاله ف الماده هذه روحي راجعيهم لاتخرجي من عندهم فاهمه
جوري:هم يعرفوا أكثر مني .. والله حدي مقهوره ماني عارفه إيش أسوي ..
سالم: خلاص أخرجي انا منتظرك ف السياره والله مااخليهم لألصق ف حلقهم وأنا بكرا راح أروح للعميد
جوري: الله يعين... يللا انا خارجه لك بااااااااااي
جمانه: حرام عليكي ياجوري
جوري: هههههههه خلي أسوي آآكشن يستاهل عشان ثاني مراا مايتريق عليه لمن أذاكر واللحين مسوي فيها مهتم ...
جمانه: والله إنك نذله روحيله يللا وفرحيه
جوري: هههههههه طيب يللا أشوفك ع خير
جمانه: الله معاكي
( فــــــــــ الـــــــســـــــيــــــــــارهــــ)
سالم: ماعليكي ياقلبي أما أوركي فيهم لاتزعلي
جوري:إيش تقلهم؟؟
سالم: انا أعرف أتصرف وراح أدورلك ع واسطه
جوري:إيش تسوي؟؟
سالم: جوجو إيش فيكي إيش هذه الأسأله؟
جوري:من جد أتكلم إيش تقلهم راح يكتشفوا إني ناجحه وإيش راح يكون موقفك قدامهم راح تتفشل
سالم: لحظه ,, يعني إنتي ناجحه ولا لا؟؟
جوري:إيوا ناجحه
سالم: أنا أوريكي تلعبي بأعصابي
جوري:ههههه تستاهل عقاباً لك
سالم: هين ,, انا راح أجلسك ف البيت مافي شغل
جوري:لا لا والله أمزح سامحني كله إلا هذا
سالم: مشكلتي ماأقدر ولاتهوني علي
( بــــــعــــــــــد مــــرور ســـــــنـــــــــهـــــ ...... نبذه كامله عن أخر أحداث أبطالي.....)
_ نواف_ طلب يد جنى بس مجرد حجز لين يخلص دراسته ويتوظف
_ عبد الله_ ربي رزقه بولد زي القمر سماه فيصل كان يبى عبيد بس مروج رفضت رفض تاام << يحقلها يبى الولد يتعقد هههههه
_ خالد ولجين _ ربي مارزقهم وجالسين يتعالجوا ان شاء الله ربي يرزقهم بالذريه < وحده متأثره...
_ محمد _ عنده بنتين تؤام سمر وسحر ... وريم جالسه تكمل دراستها الدكتوراه ...
_ جوري _ تخجرت من جامعة الملك عبد العزيز بشهادة طب إمتياز وصارت تشتغل ف مستشفى ..... وأجلت موضوع الحمل مؤقتاً هي وسالم ..
_ سعاد _ ماعندها غير دارين وهيا ماليه كل حياتهم ووقتهم .. تركت التدريس عشان تفضى لبيتها ..
_ حامد _ توفى بحادث سياره قبل شهرين والكل متأثر بفقدانه خاصه سعاد وعمته ..
( وصــلــى الله وبــــــــــاركـــــــ)..........
< إنتهت روايتي بعد عناء وصراعات وخيانه وتجريح وحب وكراهيه وإنتقام ........ الروايه من نسج خيالي >
....إن شاء الله تكون نالت إعجابكم وهذه أول روايه وتجربه ليه....
وإن شاء الله تكون كتابتي للروايه الجديده أحلى من كذا ... لن مافي تجربه تنجح من البدايه ,,,
وأنا مستعده لإنتقاداتكم وآآرائكم ,, وسوف أتقبل رأيكم وأحترمه ...
" منكم نستفيد" عشان أتعلم من أخطائي ف هذه الروايه لكي لاأقع فيها مرا أخرى ف الروايه الجايه..... تقبلوا إحترامي ......
<< لا أحلل ولا أبيح لكل من ينتسب روايتي له .. وللأمانه المقدمه تنسخ مثل ماهي مكتوبه وخاصه إسمي للكاتبة: Queen of night
(انا اطري على بالك كثر ما انته علي تطري؟)
تجميع ورد الجوري
اللهم لك الحمد حتى ترضى وإذا رضيت وبعد الرضى ,,, اضف تعليقك