رواية خليجيات في الامارات -25
روان : تبي شي ثاني يبا
ابو روان ابتسم : لأأ بس يايج بخصوص موضوع
روان : هلا يبا .. أمرني
ابو روان : ما يامر عليج عدو
روان : ولا عليك
ابو روان : واحد من الربع كلمني أمس ويبي يخطب لولده وقال انه يبي بنتي اللي هي انتي ..!
روان مستغربه وقفت وقالت : أنا .................؟؟
ابو روان ابتسم : اي انتي اش فيج ..؟؟
روان مستغربه : لا يبا ماكو ...
ابو روان : استغربتي ..؟؟
روان : الصراحه اي فاجئتني ..!
ابو روان : بس انتي كبرتي خلاااص
روان : يبا مابي .. ابي أكمل دراستي ..
ابو روان : انزين كمليها ما يصير شي
روان : أنا ما افكر بالزواج حاليا
ابو روان : انزين ما بنسوي عرس بس يخطبج وبعدين يملك عليج .. وبعد ما تخلصين العرس
روان : والله ما أدري يبا
ابو روان : فكري يا بنتي فكري
روان : يبا أنا مابيه
ابو روان : وانتي تعرفينه ..!! روان فكري وبعدين الولد ابوه تاجر معروف بالبحرين ..
روان : أنا مابي أرجع البحرين
ابو روان : ولييش هذي ديرتج وأنا ابوووج
روان : أنا بكمل حياتي اهني
ابو روان : عادي الولد بيي يعيش في دبي لأن ابوه عنده فرع اهني
روان : أفكر يبا ويصير خييير
ابو روان : عندج الوقت اللي تبين ..
روان ابتسمت بحزن : عن اذنك يبا
ابو روان : تو الناس بنتي ما سولفت معاج
روان استغربت من اسلوب ابوها وقالت : يبا تعبانه بروح برييح شوي
ابو روان : على راحتج بنتي
روان صعدت .. ابو روان قال في خاطره : لااازم أمسكها من الحين لا يصير فيها شي باجر لا سمح الله ..
وروان على كثر ما هي غاليه لااازم أزوجها من واحد باجر بيقدرها ويعيشها بعز ودلال مثل اللي أنا معيشها فيه ..
/
.
/
يوم السبت العصر ..
أريج : يمـــــــــــــــــــــــــــــــا
أم اريج : نعم بنتي
اريج : اليوم مشتهيه جوانح دجاج
أم اريج تضحك : تبين تطيرين
اريج تبتسم : لا والله مشتهيه
أم اريج : خلااص عاد بسوي لج
أريج : أنا بروح بجهز لج كل شي بس انتي اطبخي أوكي
أم اريج : ان شاء الله
اريج تضحك : والله اني جوعانه وميته جوووع بعد
أم اريج مستغربه : ما تغديتي
اريج : لأأأ
أم اريج : لييش ..؟؟
اريج : ما اشتهيت الغدا بصراحه
أم اريج : كيف ما تشتهينه يا بنتي وبعدين لااازم تاكلي ولا تهملي صحتج
أريج : ان شاء الله ما .. يلا بروح بجهز كل شي
أم اريج : يلا بس اسرعي قبل لا يأذن المغرب
أريج : أوكي ثواااني
أريج قامت بسررررعه وراحت للمطبخ تجهز أشياء الغدا ..
أم اريج : أريج يما .. أريج
أريج تطلع من المطبخ : نعم أمي
أريج : تلفونج يرن
اريج تروح ركض للحجره قبل لا يصكر .. وترد : السلام عليكم
روان : وعليكم السلام
اريج : هلا والله روان
روان : أهلييين اريج ..
أريج : شخبارج ..؟
روان : بخير انتي شخبارج
اريج : بخير الحمدلله
روان : اش قاعده تسوين
اريج : بروح بجهز اشياء العشا
روان : آها ..
اريج : ترا مب مشغوله قولي اش تبين هههه
روان ابتسمت : عاد خلاااص مسافة الطريج وأنا ببيتكم
اريج : حياج الله
روان : احسبي حسابي ع العشا أوكي .. ولا تسوين شي لما ايي ابي أطبخ هههه
اريج : أوكي يلا أنتظرج
روان : مع السلامه
اريج : مع السلامه ..
/
.
شوق تبوس عبدالله : عبادي حبيبي الحمدلله ع السلامه
عبدالله يبتسم بتعب وعلى ويهه كدمات بسيييييييييطه .. لأن الضربه في اليد : الله يسلمج
نور تبوس عبدالله وتقول : معافى يارب
عبدالله : الله يعافيج
ضاري يرمس ويقول : نور استحي هذا ولد خالتج تبوسينه
نور انحرجت لأن كلهم في الحجره .. غير جذي عيال عمهم موجودين وحتى عمهم ..
بو عبدالعزيز يضحك ويقول : يخس ابليسك يا ولد .. وبعدين عبدالله صغير مب كبيرررر
ضاري ابتسم : حتى ولو يوم يكبر يتذكر هههههه
أم عبدالعزيز : حسبي الله عليك من ولد أحرجت البنيه زين جذي ..!
ضاري يضحك : أمزح انزييين
الهنوف ابتسمت لـ عبدالله وقالت : سلامااات سلااامات ما تشوف شر يا توآمي
عبدالله يبتسم : مستانسه لأني متعور ..!
الهنوف ابتسمت : لا والله منو يقووول ..؟؟
عبدالله يبتسم ويقول بتعب : ما في أحد يشد شعرج الحين ..!
الهنوف : هههه لا والله لو كل يم تشد شعري المهم عندي سلامتك
شوق تبتسم له : شفت كيييف كلنا نبي سلامتك
عبدالله ابتسم : أدري
بو براك : يلا عاد اسمحو لي بطلع شوي
بو عبدالعزيز : وين تو الناس بو براك ..؟
بو براك : عندي شوية شغل
بو عبدالعزيز : لو بخصوص المعرض بيي معاك
بو براك : لا انت اقعد مع عبدالله
عبدالله : يبا لو تبي تروح روح لأنك من أمس وانت بالمستشفى .. يقولون حتى ما ريحت
بو عبدالعزيز يبتسم : دام ولدي عطاني اجازه أوكي بيي هههه
أم عبدالعزيز : اي انت ميت ع الشغل
بو عبدالعزيز : شسوي من وأنا صغير ههههه
بو براك : مره ثانيه الحمدلله ع سلامة ولدكم
أم عبدالعزيز : الله يسلمك يا بو براك
بو براك : بو عبدالعزيز أنطرك في السياره
بو عبدالعزيز : أوكي الحين بلحقك
عبدالله ابتسم : يبا متى بيطلعوني
بو عبدالعزيز ابتسم : اش فيك مستعيل .!!
عبدالله : ملل المشفى ..!
بو عبدالعزيز : منو يقول لك لا تنبته وسوق بالشارع
عبدالله : آسف يبا وبعدين أنا كنت منتبه بس السياره مسرعه
بو عبدالعزيز : صار خير والمهم عندي سلامتك
عبدالله ابتسم : مشكووور يبا
بو عبدالعزيز ابتسم له وباس راسه وقال : يلا بمركم بليل ان شاء الله
أم عبدالعزيز : الله وياك ..
براك ابتسم وقال : أنا بعد بترخص ..
أم عبدالعزيز : تو الناس ولدي
براك : بروح مع عبدالعزيز ونواف نخلص شوية شغل
أم عبدالعزيز : الله وياكم
عبدالعزيز : مع السلامه يما
أم عبدالعزيز ابتسمت : مع السلامه
نواف ابتسم لـ عبدالله وقال : الحمدلله ع السلامه يالدب وتقوم بالسلامه
عبدالله ابتسم له : الله يسلمك
نواف مشى مع براك .. عبدالعزيز قال : يما خلي البنات يرجعون مع ضاري
أم عبدالعزيز : اوكي ..
عبدالعزيز : اليوم ضاري بيرقد عند عبود
أم عبدالعزيز : لا أنا بقعد عند ولدي
عبدالعزيز ابتسم : أدري بج تعانديني .. يلا فمان الله
أم عبدالعزيز : فمان الكريم
ضاري : متى بترجعون بنات ..؟؟
نور : هو انطر شوي .. ما مدانا نقعد
ضاري يضحك : تتحجى كويتي البنيه
نور : انت خليت أحد بحاله .. والله انك طلعتني من طوري
ضاري يضحك : هدي هدي
عبدالله : متى يطلعوني يما ..!
أم عبدالعزيز : بس تصير زين ان شاء الله
عبدالله : يعني متى ...؟؟
أم عبدالعزيز : قريب ان شاء الله ولدي
ضاري : ويو ويو ويو .. راحت عليك الاجازه يا عبووود ..
عبدالله : لا ان شاء الله بيطلعوني
ضاري يضحك : منو قااال .. بتخيييس عندهم اهني ههههههه
عبدالله : لا ان شاء الله بطلع
ضاري ابتسم : وراحت عليك الاجازه يا بو حميد
عبدالله : يما شوووفيه
أم عبدالعزيز : ضاري خل الولد بحاله
ضاري يبتسم : دافعي عنه دافعي عنه اش عليه
أم عبدالعزيز : أخر العنقود لاااازم أدافع عنه
ضاري : خلاااص عاد بروح بسوي حادث عشان تدافعين عني
أم عبدالعزيز متخرعه : فال الله ولا فالك الله يحفظك يارب
ضاري يبتسم : لا تخليني أصدق عمري واروح اسوي حادث
أم عبدالعزيز : بعيد الشر عنك يا ولدي لا تقووول جذي .. يكفي أخوووك اللي مرقد
/
.
/
ميره : تعالي حسي والله حسي ..!
بدور توقف بسرررعه وتروح لميره وتلمس بطنها : وين ما أحس
ميره : ع اليمين المسي .. والله قاعد يرافس
بدور : لا تحلفين يالدبه توج بالرابع .. بالسادس بيبدا
ميره تبتسم : منو قال .. صدقيني قاعد يرفسني
بدور تبتسم : يلا بحس فيه الشهر الياي
ميره : لما تحملين بتعرفين
بدور تحمر : فال الله ولا فالج
ميره تضحك : هذي سنة الحياه يا بنيه
بدور تبتسم : عاد قولي تزوجي .. موتقولين تحملين ..!
ميره تضحك : البنت تستحي .. في البدايه من كل شي .. بس أخر شي الحياء يروووح
بدور تبتسم : بس مع ذلك بكل المراحل اللي تمرها وصح انه يقل الحياء في أشياء كثيررره بس تظل المرأه
تستحي
ميره : شي طبيعي ان المرأه يكون فيها حياء
بدور : شوفي مثلا انتي قبل الزواج كنتي تستحين من معضد .. بس بعدين صار شي عادي
ميره : وكنت أستحي من انه يكون عندي طفل بس الحين خلاااص صار شي عادي
بدور : شوفي هو على كثر ما يقل الا انه يظل بالمرأه حيا
ميره تبتسم : اش فينا اليوم مستوين دبلوماسيات ونحل قضايا المجتمع
بدور تضحك : ههههههه اي والله صدقج
ميره : مو صوت معضد هذا ...!
بدور : أعتقد ايه هو وحمداني
ميره : والله مدري اش فيه زوجي ياخذ حمدان ويدور معاه
بدور : يمكن متزوج ..!
ميره تضربها بالفروحه وتقول : يالحيواااااااااااااانه
بدور تضحك : أمزززززح انزيييييييين
ميره تبتسم : اصلا زوجي فديته ياخذ ولدي عشان يخليني أنا ارتاح وانتي تدرين عاد حمداني ماشاء الله عليه شيطووون
بدور : اي اشوفه مطلع لج قرووون
ميره تفر عليها الفروحه وتقول : تأدبي يا بنيه
بدور تضحك وتقول : والله لو مب انج حامل كنت بردها
ميره تبتسم : مالت عليج يالدبه .. والله انج اي شي
بدور : هذا ريلج يالس يدخل
ميره تطالع صوب الباب : هلا بو حمدان هلا والله
معضد يدخل وهو شايل حمدان ومعاه بوكيه ورد أحمر .. ويقول : السلام عليكم
ميره وبدور يبتسمون : وعليكم السلام
معضد يتجدم عن ميره ويقول : كيف الحال ..؟
ميره : نحن بخير .. انتو اللي وينكم ضايعين ..؟؟
معضد يبتسم ويعطيها الورد : رحنا نييب ورد لج
ميره تاخذ الورد وتبتسم : مشكووور حبيبي
حمدان يصرخ : هالورد أنا يبته
ميره تضحك : ههههههه خلاااص مشكوور حمدان
حمدان يعقد حياته : قولي لي حبيبي مثل بابا
معضد يضحك ويقول : هالولد مب مخلي حد في حاله
ميره تبتسم : الله يخليكم لي يارب
معضد : حمودي قول لماما ويخليج لنا يارب
حمدان : يارب
ميره ابتسمت : اش فيج قاعده سمنديقه ..!
بدور تبتسم وتقول : عايله مثاليه
معضد يمزح وهو يقول : قولي ماشاء الله عن تصكينا بعين بس ..!
بدور تضحك : تف تف تف عن الحسد ما شاء الله
معضد يبتسم ويقول : خيستنا أختج تراها
ميره تضحك : قلت حمدان وبدور طلعت أخس عن ولدك
بدور توقف بصف أختها وتقول : أقول أنا حمدان طالع على منو .. ترا هذا الشبل من ذاك الأسد
ميره ضحكت : اي والله وانتي الصادقه ..
معضد : ميره تعالي اباااج شوي
ميره تلحق معضد وتروح فوق ...
بدور ابتسمت .. ياربي .. معقوله ..! معقوله بيوم من الأيام بكون جذي مع أحمد ونكون مع بعض ونعي
ش حياااه حلوه .. وربي يرزقنا بولد يشبه حمدان وياخذ اطباعه ..!
يارب متى بس ييي هاليوم وأعيش معاك يا أحمد .. متى ...؟
حمدان : خـــــــــــــــــــــالو
بدور : لا رد ..!
حمدان : خـــــــــــــــــالو بدور
بدور سمعته وانتبهت له : هلا حمداني ..؟؟
حمدان : خالو حطي لي طيور الجنه ..
بدور : ان شاء الله حبيبي
حمدان : خالو انتي تحبينهم ..!
بدور هزت راسها : اي حبيبي أحبهم
حمدان : كلنا طيور الجنه صح ..؟؟
بدور : اي كلكم حبيبي وبعدين كل الأطفال طيور الجنه
حمدان ابتسم لها : حطي لي
بدور : بس هاااا ..! اللي يسمع كلام أمه وابوه بس هو من طيور الجنه واللي ما يسمع كلام أمه وابوه
الله ما يحبه
حمدان هز راسه وقال : أنا شاطر أسمع كلام أمي وابوي
بدور تضحك وتهمس : اي مبين ..! ما شاء الله عليك تخليهم يسمعون كلامك وانت ولا تسمع كلامهم ..
حمدان ابتسم وهو يزاعج : خالو حطي حطي أنا رغــــــــــوده
بدور تضحك : يخس بليسك من الحين عينك طويله .. يوم تكبر الله يستر عاد ..
حمدان يبتسم وهو يردد الأنشوده مع البنيه وينقز ع الكنفات ..!
الأربعاء 13-10-2010, 10:15 pm
ღ الحلقه الحاديه و العشرونღ
ملاك وهي يالسه تحط الصور في اللاب .. ابتسمت لصورة مايد وراشد وهم واقفين حذال بعض ..
ملاك في خاطرها .. عيني عليك بادره ما شاء الله عليك الصراحه وسييييييم ... كل الصفات فيك ما شاء الله ..
دكتور ومحترم ومتدين وكل شي .. حتى ميود اللي هو ميووود أخوي ميت عليك بس يبي يكون معاك بأي مكان ..
ميود الفتره الأخيره نفسيته كانت وايد تعبانه بالفتره الأخيره .. بس من يوم يا راشد وهو أوكي .. الحمدلله
حالته تحسنت وايد عن أول .. والفضل يعود لرب العالمين ثم لك يا راشد .. الله يحفظك ويبعد الشر عنك ..
ههههه اي صح تذكرت .. أنا صار لي فتره أحاول أحصل صورتك بس للأسف امس حصلتها .. يلا الحمدلله
على كل حال هههه أحسن من لا شئ ..
همممم خل أتصل بغرام الحين .. مو زين أنا قاطعه ..!
وبعدين البنيه زينه ما شاء الله عليها .. لا شفت منها شي شين ولا سوت لي شي يضرني لا سمح الله .. اتصل
فيها أحسن لي ..
دقت ملاك على رقم غرام .. وتريت الين ما غرام ترد ...
ملاك وهي تتصل بغرام .. اندق باب حجرتها ...
ملاك بسرعه سدت التلفون ورمته ع السرير وقالت وهي مرتبكه : ادخل ..!
دخل مايد وهو مبتسم : سلاااام
ملاك ابتسمت له وهي مرتبكه : وعليكم السلام
مايد : اش حالج ..؟
ملاك : تمام ..
مايد : تعالي تحت
ملاك : بعد شوي
مايد مستغرب : اش فيج ..؟
ملاك : لا لا ما فيني شي
مايد عقد حياته وقال : أوكي يلا انزلي
ملاك هزت راسها : أوكي بس ألبس مخوره وشيلة صلاه بنزل
مايد ابتسم لها وقال : راشد مضايقنج بيسلته ..؟؟؟
ملاك ابتسمت آه لو تدري اني لو أدور بالنقاب بوجود راشد يعني الحياه حلوه عندي ...
مايد مستغرب : ما رديتي عليه ..؟؟
ملاك : لا بالعكس وبعدين هو أخونا
مايد ابتسم : ترا راشد كلمني انه يروح يسكن بروحه بس أنا قلت له لأأأأ لأن البيت عود وبعدين محد تحت .. والحجر اللي تحت كلها فاضيه
ملاك ابتسمت : هي صح
مايد : يلا عاد اترياج لأن أمي تسأل عنج
ملاك : بس أبدل وبنزل
مايد : أوكي .. يلا بسرررعه
طلع مايد ملاك تجدمت عن الباب بسرررعه وقفلته .. وسندت راسها عليه .. الحمدلله دق الباب .. والله لو انه يكتشف سالفة كلامي مع غرام بياكلني .. حتى ولو هي بنيه .. بيقول شو انتي غبيه .. الدنيا مالها أمان .. يلا الحمدلله عدت على خير ..!
تجدمت صوب الكبت وطلعت لها مخوره وشيله .. غيرت ع السريع ورتبت شكلها بدون ما تحط لا بودر ولا جحل .. لأنها في البيت حتى ولو راشد اهني .. عادي .. من وهم صغار يداك بعض يعني اش يفرق لو حطت ميكب ..!!
ابتسمت وهي تطالع شكلها في المرايه وخذت معاها الموبايل وحطته في مخباها وطلعت عسب تنزل ...
شافت محد فووق .. ونزلت ..
وهي نازله طالعت أمي فاطمه ومايد وراشد تحت ..!
بس مايد وراشد شكلهم يسوون شي أو يشتغلون ..!
ملاك تجدمت وقالت : مساء الخير ..
الكل : مساء النور
أمي فاطمه : تعالي بنتي تعالي .. وينج من الصبح ما نشوفج ...!!
ملاك ابتسمت : موجوده أمي ..
أمي فاطمه : الظهر ييتج الحجره شفتج راقده
ملاك ابتسمت : هي الصبح يوم نشيت شفتج محد قالو لي رحتي الجمعيه ..
أمي فاطمه ابتسمت : هي رحت أخذ أغراض البيت ..
ملاك : جان أتريق ويلست شوي تريتج الين أذان الظهر ما شفتج رحت رقدت ونشيت ع أذان العصر
أمي فاطمه ابتسمت : هي تراني رحت الخياط عسب المخاوير ..
ملاك ابتسمت : فصلتيهن ..؟؟
أمي فاطمه : هي خلاااص .. وملابسج جاهزه براويج اياها عقب
ملاك : أوووكي
مايد ابتسم : بلاااج مب مصدقه ان ملابسج جهزت
ملاك ابتسمت : بنيه شسوي يعني ..!
مايد ضحك وقال : رشووود الله يستر حرمتي وحرمتك شقايل بيطلعن هههه
راشد ضحك وقال : أمي من قبل قولي لها ما أحب أوديها واييبها أوكي
أمي فاطمه : ويلي منكم انتو الثنين باجر جان ما بتكونون سكان حرمتكم زيييين
راشد يبتسم : نمزح وياااج انزين
ملاك ابتسمت وفي خاطرها يعني ما يبي له وحده كشيخه وراعيه سوالف .. يبي له وحده غجريه ما تعرف
بهالسوالف ... لأأ لأأ منو قااال هو قصده ما يبي وحده تتأمر وايد .. يلا الله يستر
مايد : ها شربت جايك ولا ..؟؟؟
راشد : تريا يا ريال خل أتمزز فيه
مايد يغايض ملاك : تشربين ..؟؟
ملاك تقززت وقالت : ميووود وخر عني ..!
مايد : حرام عليج نعمه
ملاك وهي قرفانه : مب من الجاي ... منك انت
مايد يطالع روحه ويضحك : ههههههههههه
ملاك : شو هذا .. ريحتك مقرفه
مايد يبتسم : ريحة الآيل والبترول مال السياره
ملاك : جيييه شو قاعد تسوي
مايد : قاعد أصلح سيارتي مع رشووود
ملاك : جيييه ما توديها الكراج ..؟؟
مايد : جيييه أوديها وأنا أعرف اصلحها
ملاك رفعت حياتها : ما ينعرف لك والله
أمي فاطمه : يلا لو خلصتو نشو جابلو سيارتكم
مايد : ان شاء الله اميييه
راشد يبتسم : لهالدرجه ريحتنا مقرفه
أمي فاطمه : بييني بلاعيم والسبب هالريحه
راشد يبتسم : يلا ميووود عن تمرض الوالده
مايد : يلا ترا قرب يصير المغرب ..
طلع راشد مع مايد .. ملاك ابتسمت لأمي فاطمه وقالت : أمي وين ملابسي ..؟؟
أمي فاطمه : في حجرتي
ملاك : أمي صدق الحين كل لبساتي حلوه اللي فصلتهن ..!
أمي فاطمه ابتسمت : هي ما شاء الله وايد
ملاك ابتسمت : يلا عيل استعيلي بشوفهن
أمي فاطمه ابتسمت : يلا عيل نشي عسب نشوفهن
ملاك وقفت وهي مبتسمه : بسرررعه أمي بسرررعه
أمي فاطمه : بلاااج مستعيله
ملاك : بشوووف ملابسي
أمي فاطمه ابتسمت : ياالله متى اييي اليوم اللي قاعده تتجهزين فيه لزهبتج
ملاك انحرجت ونزلت راسها : أمي شو تقولين ..؟؟
أمي فاطمه ابتسمت لها : ما اقول الا الصدق
ملاك ضحكت : أوكي يلا بسررررعه بشوووف ملابسي
أمي فاطمه تضحك : الله يهديج بس يا بنيه
/
.
/
أريج ابتسمت وهي قاعده تقطع الدياي : شوفي كيف يشيلون طرف الجناح
روان ابتسمت : اي لأنه ييب المرض
أريج : بس طرفه شيليه
روان ابتسمت وهي تقطع البذنيان : تدرين أموووت ع البذنيان
اريج ابتسمت : بس تحملين ما يصير تاكلينه الا شوي
روان احمرت : ويا راسج شو هالكلام ...؟؟
اريج ضحكت : خلاااص كبرنا وبعدين هذا تخصصنا يعني ما فيه حرج
روان ابتسمت : اي والله نسيت
اريج تبتسم : تراااج غبتي يومين لااازم تنسين انج ممرضه
روان : ضحكت أمزح انزين ..
اريج : وبعدين البذنيان والتمر والمنجه والأناناس هذي كلها أشيا مو زينه للحامل بالشهور الأولى بس توصل
للتاسع عاد تبدا تاكل بهالأشياء
روان : تنطر متى تربي هههه
أريج : والله كشخه الوحده تكون أم
روان ابتسمت : اي والله .. عندها عيال تربيهم
أريج : لا تحلمين وايد .. فكري بالأكل الحين عن تقطعين يدج بس
روان ابتسمت : اي على طاري الحمل والزواج ..
اريج مستغربه : خييير
روان : تدرين في واحد تقدم لي
اريج مصدومه : تقدم لج ..!!
روان هزت راسها : اي واحد من البحرين بيي يعيش في دبي .. وتاجر وله مكانه
اريج مستغربه : ومــــروان ...؟؟
روان عقدت حياتها : مو انتو تقولون انسيه ... كاني نسيته
اريج مستغربه : لا بس استغربت كيييف ما حزنتي
روان ابتسمت بحزن : اريج مروان نساني .. وأنا لااازم أنسااااه
اريج : بس انتي ما تعرفين شو ظروف مروان ..!
روان : خلاااص انزين الولد متقدم لي ما صار شي
اريج : والحين بتوافقين عليه ولا ..؟؟
روان : اي فكرت وتسعين بالميه بوافق
اريج مستغربه : والله على كيفج بس أنصحج تصلين استخاره
روان هزت راسها : اي بصلي استخاره
اريج : يلا الله يسهل امورج وييسر لج كل شي بحياتج
روان : آميييين
اريج : خبرتي البنات ..؟؟
روان : لأأأ بعدني
اريج : كلميهم عاد
روان : اي ان شاء الله
اريج : باجر في الجامعه ان شاء الله نتلاقى معاهم
/
.
/
شوق تطالع نور : ملل ..!
نور هزت راسها : اي والله البيت خالي ..
شوق : متى يطلع عزوز وترجع ماما
الهنوف تطالع نور وشوق : حتى ابوي وعمي والشباب محد
شوق طالعت نور وبعيونه ألف سؤال وسؤال ..
نور استغربت وهي تطالع شوق .. قالت : الهنوف ممكن تخلينا لحالنا شوي
الهنوف وقفت : بروح بسوي لنا عصير وبرجع
نور : أوكي .. وطولي لو تبين
الهنوف ابتسمت : لا ما بطول
نور ابتسمت لها وقالت : يلا انقلعي
الهنوف مشت وهي رافعه خشمها
نور : اقووول امشي عدل لا أكسر خشتك هذي
الهنوف تضحك : اقووول اغسلي ويهج نواري
شوق ابتسمت على خبال نور والهنوف وقالت : عساكم بهالحال دوم
نور مستغربه : شو تقولين انتي ..؟؟
شوق مستغربه : اش قلت بعد .. ما قلت شي غلط ..!
نور : تبينا نتهاوش اربعه وعشرين ساعه
شوق تضحك : لا لا ما اقصد جذي ..
نور مستغربه : اش تقصدين عاد ..!
شوق : اقصد انكم تحبون بعض وتمزحون مع بعض دوووم
نور هزت راسها : آهااا ... وأنا اقووول بعد
شوق : نور أحس روحي تعبانه
نور : خير اش فيك يا شوق ..؟؟
شوق : من الموضوع اللي صاير ..
نور : عبود وطيحته ..!
شوق : لأأأ
نور : من موضوع ولد عمك ..؟؟
شوق : اي من ولد عمي
نور : ابوك كلمك ..!
شوق : لأأ بعده
نور : عاد عيني خير وان شاء الله ما يصير الا كل خير ..
شوق : ان شاء الله
نور : انتي انتظري لما ابوك يكلمك وبعدين ابوك بعده ما كلمك
شوق : متى بيكلمني يا نور ..! متى
نور : ان شاء الله ما يكلمك يا شوق ..
شوق : يارب
نور : انتي قومي اغسلي وجهك وانزلي معنا وتعالي نشرب عصير ونسولف ... وشيلي موضوع براك نهائيا
من بالك
شوق هزت راسها : أوكي ..
نور : وبعدين انتي لا تسوي بحالك كذا .. مستويه كئيبه لا تضحكي ولا شي .. خليك ريلاكس
شوق ابتسمت : ان شاء الله
نور : يلا حبيبتي قومي
شوق : نور ادعي ان براك ما يخطبني
نور ابتسمت : وانتي وش دراك .. يمكن هو نصيبك .. وغصب عنك تقتنعي فيه
شوق : لا تحبطيني نور
نور : انا اقول لك كذا عشان تحطين احتمال ولا تضيع أحلامك
شوق : يلا ننزل لأني بالفعل بديت اتنرفز
نور ضحكت : يلا
شوق : وينها هذي الهنوف بعد تأخرت وهي تسوي العصير
الهنوف تصرخ من المطبخ : اقووول سمعتكم وانتو تحشون فيني
شوق تضحك : اقووول اسكتي وسوي العصير يلا
الهنوف تبتسم وهي تطالع نور وشوق في المطبخ : لو ما تأدبتو ما بسوي لكم عصير
نور : هه يا شيخه خلاااص تأدبنا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك