بداية

رواية خليجيات في الامارات -26

رواية خليجيات في الامارات - غرام

رواية خليجيات في الامارات -26

نور : وبعدين انتي لا تسوي بحالك كذا .. مستويه كئيبه لا تضحكي ولا شي .. خليك ريلاكس
شوق ابتسمت : ان شاء الله
نور : يلا حبيبتي قومي
شوق : نور ادعي ان براك ما يخطبني
نور ابتسمت : وانتي وش دراك .. يمكن هو نصيبك .. وغصب عنك تقتنعي فيه
شوق : لا تحبطيني نور
نور : انا اقول لك كذا عشان تحطين احتمال ولا تضيع أحلامك
شوق : يلا ننزل لأني بالفعل بديت اتنرفز
نور ضحكت : يلا
شوق : وينها هذي الهنوف بعد تأخرت وهي تسوي العصير
الهنوف تصرخ من المطبخ : اقووول سمعتكم وانتو تحشون فيني
شوق تضحك : اقووول اسكتي وسوي العصير يلا
الهنوف تبتسم وهي تطالع نور وشوق في المطبخ : لو ما تأدبتو ما بسوي لكم عصير
نور : هه يا شيخه خلاااص تأدبنا
الهنوف ابتسمت : اي خلكم جذي شطار
ضاري يدخل المطبخ : سلاااام
البنات : وعليكم السلام
ضاري : شو تسووون
الهنوف : اسوي لهم عصير
ضاري : سوي لي أنا بعد وزيدي الآيس
الهنوف هزت راسها : ان شاء الله
ضاري يضحك : بلااج مستويه عنز بس تهزين راسج
الهنوف : طلبات أخوك عزوز يقول أي أحد يقول لج شي قولي ان شاء الله
ضاري يضحك : أوكي يلا خلصي بسرررعه
شوق : انت من وصلتنا البيت طلعت ..! وين رحت
ضاري : اهني جريب
شوق : اي لا تتركنا بروحنا تعرف عاد البيت ما فيه رياييل الحين
ضاري يضحك : ترا نحن مب في الهند
شوق : الدنيا مالها أمان
ضاري هز راسه : أوكي ..
نور تبتسم : يلا الهنوف اسرعي ما صار عصير
ضاري يضحك : اي والله صار غوزي
الهنوف : أنا الغلطانه قاعده اسوي لكم اياااه
/
.
/
بدور تضحك : صج والله عجبكم ..!
معضد : هي لذيذ
ميره : كل يوم سوي لنا عشا أوكي
بدور تبتسم : لا والله متفيجه لكم أنا ههههههههه
ميره : حرااام عليج ما تقولين أساعد أختي المسكينه
بدور : خلاااص خلاااص بساعدج ههههه
ميره : مب باجي شي وتردين قطر
بدور : لا تحزنيني أكثر ..!
ميره مستغربه : أحزنج وانتي بتردين ديرتج عند أهلج
بدور : لا بس بفارق رفيجاتي
ميره تبتسم : رفيجاتج تعالي كل سنه اهني وتلاقي معاهم
بدور تبتسم : من لقاااء كل يوم يصير بكل سنه
معضد : ترا دوام الحال محـــال
ميره : اي والله صدقت
حمدان : شو يعني ماما ..؟؟
بدور : كل شي يتدخل أعوذ بالله
ميره : حرااام عليج بدووور .. لا تقولين لولدي جذي


بدور تضحك : أمزح معاااه انزين ههههه
ميره : شفت معضد كيف توم وجيري
معضد : خلاااص يبي لنا نسوي لهم رسوم ههههه
بدور : تتمسخرون علي
حمدان : منو يقول لج تضربيني انزين
بدور ابتسمت : حياتي أنا ما أضربك
حمدان ابتسم : عطيني حلاوه انزين
بدور هزت راسها : يا العياااار ...! ان شاء الله حبيبي بعطيك حلاوه
معضد : تقردن الولد أعوذ بالله
بدور : هو اش فيها ..! ولد أختي
معضد يضحك : ما قلنا شي كليتينا
بدور ابتسمت : الحمدلله شبعت
ميره : تو النااس ما كليتي شي
بدور : لا الحمدلله شبعت
ميره : باجر الساعه كم تبيني أقومج ..؟
بدور : الساعه عشر الصبح
ميره : أوكي
بدور : تصبحون على خير
الكل : وانتي من أهله
بدور قامت وراحت للمغاسل تغسل يدها .. طلعت وراحت حجرتها عشان ترقد .. دخلت وقفلت الباب .. راحت
صوب السرير حطت راسها .. ابتسمت وهي تتذكر كلامها وحديثها اللي دار بينها وبين أحمد ...
ابتسمت ووقفت وطلعت لها بجامه من الكبت .. وغيرت ... تجدمت عن التلفون وراحت تلحفت بالبطانيه ..
ابتسمت : غريبه ما دق .. مب من عوايده
ثواني الا وين الموبايل ..
بدور ابتسمت وهي ترد : السلام علييييكم
أحمد : وعليكم السلام


بدور : والله والله يشهد الله علي توني يالسه أتذكرك
أحمد ابتسم : واللي يتذكرنا ما يكلمنا
بدور : ترا حلفت لك والله
أحمد ابتسم : زين زين مصدقنج ههههه
بدور : اي الحمدلله هههه
أحمد : شخبارج
بدور : والله يسرك حالي ..
أحمد : دوووم يارب ..
بدور : انت طمنني عنك
أحمد : بخييير يوم سمعت صوتج
بدور ابتسمت : تسلم والله
أحمد : ها باجر بتحضرين ..!
بدور : اي أكيييد
أحمد : هي اتحرا بعد غبتي يومين وبتتكاسلين ههه
بدور : مب لهالدرجه عااااد
أحمد : وانتي شو تسمين اللي غيابه يزيد
بدور ابتسمت : وبعدين أنا غبت عشااان ميروووه والله مب عشان شي ثاني
أحمد ابتسم : فيج الخير .. هي ابااج جذا
بدور : وه وأخيييرا صدقتني ..
أحمد ابتسم : أختج ما شاء الله اسمها ميره ..!
بدور : اي
أحمد : عاشت الأسامي
بدور : عاشت اياامك .. اسمي أحلى مو ...؟؟
أحمد ابتسم : هههههه هي
بدور : وانت عندك اخوات ..؟؟


أحمد : هي عندي
بدور : كم أخت ..؟؟
أحمد : خمسه
بدور : ما شاء الله الله يحفظهم يارب
أحمد : آمييين
بدور : تدري عاد ودي اروح قطر
أحمد : ترااج بتردين لها للأبد
بدور : لا لا أبى اقعد اهني عند رفيجاتي
أحمد ابتسم : هههه شو تسوين دام أهلج هناك ...!
بدور : لا لا مقرره اتزوج اماراتي ههههه
أحمد ابتسم وقال : شكلج واثقه


بدور هزت راسها : اي واثقه هههه
أحمد : باجر الساعه كم بتتطلعين
بدور : عشر الصبح بقوم لما اجهز يبي لي ساعه الا ربع
أحمد : آهااا
بدور : بس مو تلحقني للكليه ترا أزعل
أحمد : ليييش أنا عرفت بيتكم
بدور : همممم الله يسلمك بيت أختي من هالبيوت العربيه
أحمد : هي هي عرفتهم
بدور : وانت ..؟؟
أحمد : في شقه هههه شو تبين بعنوانها بعد ..!
بدور هزت راسها : اي صح نسيت ان اهلك بإماره ثانيه
أحمد : يلا عاد يالدبه ارقدي
بدور ابتسمت : تو الناس
أحمد : يا بنت الناس ترا وراي دوام وانتي وراج كليه
بدور : عادي اش فيها ..! ههههه
أحمد : لا لا تتطنزين حضرتج
بدور : لا لا من صجي
أحمد : ولو فصلوني وأنا راقد
بدور ابتسمت : منو بيفصلك ..! وبعدين انت مدير العلاقات العامه
أحمد : انتي خليني أكمل دراستي وعقب يفصلوني
بدور : ما شاء الله تدرس ..!
أحمد : هي
بدور : بأي سنه
أحمد : الرابعه
بدور : آها شي طيب والله ..
أحمد : بس أتخرج بروح بقدم وظيفه في البلديه
بدور : شو بتصير ...!
أحمد : مهندس معماري ان شاء الله
بدور : روح للقطاع الخاص أحسن لك
أحمد : لا لا شغل الحكومه أحسن لمستقبلي
بدور : اي حلو
أحمد : يلا عاد بسولف معاج وقت ثاني
بدور تتثاوب : اي وانا بعد فيني نوم
أحمد يضحك : ويا راسج فيج رقاد وما ترقدين
بدور ابتسمت : يلا عاد مع السلامه
أحمد مع السلامه ..
/
.
/
بليل الساعه وحده ونص
قعدت من النوم .. ربطت شعرها ع السريع بالمقبض اللي ع الكوميدينه .. لبست شيلة الصلاه .. ونزلت ..
ملاك وهي تطالع محد ع الدري .. مشت شوي شوي عسب لـ حد يصحى من النوم .. ودخلت المطبخ ...
ملاك وقفت مكانها مستغربه .. : راشـــد
راشد صكر الدرج ولف بسرعه : ملاك
ملاك مستغربه : شـ تسوي بهالوقت في المطبخ
راشد : انتي شو تسوين نازله هالحزه ..؟؟
ملاك : ييت اشرب ماي .. ما عندي ماي فوق في الثلاجه
راشد ابتسم : آها
ملاك : انت شـ تسوي ..؟؟
راشد : ادور على المشرط
ملاك مستغربه : مشرط ..؟؟
راشد : مشرط أو سكين .. بس سكاكينكم مب صوب الملاعق
ملاك : شو تبا به ..؟؟
راشد : بقطع هالشاش
ملاك طالعت الشاش : خير مستوي شي ..؟؟
راشد : انجرحت أمس ونحن نلعب طايره .. والعصر يوم نصلح السياره ياه بترول ع الجرح وحرقني
ملاك متخرعه : ولييش من أمس ما عالجت الجرح
راشد : نسيت
ملاك مستغربه : هذا وانت دكتور ما شاء الله .. وبعدين لا سمح الله الجرح يمكن يلتهب
راشد : لا لا عقمت مكان الجرح اليوم بليل بس ما عندي بلاستر جروح
ملاك وهي تفتح الكبت : اهني جنه شي لزقة جروح
راشد ابتسم : زين عاد حصلتيه من ساعه وأنا محتاس ورا السكين .. وطلع فيه لزقة جروح ..!
ملاك ابتسمت وهي تاخذ لزقة الجروح وتطلعها من جيستها ..
راشد مد يده : عطيني اياها ..
ملاك هزت راسها : لاأ ما تروم تضمده روحك
راشد ابتسم واستانس : أوكي ممرضتنا
ملاك شالت الأكياس الصغيره اللي ع البلاستر .. وحطته مكان الجرح ...


رفعت راسها وتوها بتتسم .. الا وراشد يطالعها .. نزلت راسها بسرعه وقالت : خلصت
راشد ابتسم وهو يطالع مكان الجرح وقال : كان يحرقني
ملاك : هي لأنه معرض للهوا والجراثيم
راشد : يلا صاار أحسن الحين
ملاك ابتسمت : بشرب ماي وبرد برقد وراي كليه
راشد ابتسم : وأنا بعد بروح برقد وراي مراجعه
ملاك : تصبح على خير
راشد : وانتي من أهله
ملاك راحت خذت غلفة الماي ومشت بسرررعه عشان ترد حجرتها ...
ياربي يا راشد .. نظراتك ذبحتني وأسرتني .. بس معقوله مهمل جذي ..!! معقوله يهمل نفسه .. اي والله الدكاتره ينصحون غيرهم وما يطبقون الشي بروحهم .. الله يهديك بس .. ما تعرف اش كثر مخاطر هالجرح وخاصتا لو مفتوح ومعرض للهوا والجراثيم ...
/
.
/
اليوم الثاني الصبح
في الشركه عند مايد ..
مايد وهو يمر على مكتب وصايف .. دق الباب ودخل
مايد مبتسم : صباح الخير
وصايف وقفت وقالت : صباح النور استاذ
مايد ابتسم : ها اشوفج يايه بدري اليوم
وصايف : هي أمس تأخرت في تجهيز الأوراق
مايد : زين زين شكلج نشيطه
وصايف ابتسمت : ههههه لأني تأخرت أمس
مايد : شخبارج وشو الشغل معاج ..؟؟
وصايف : والله تمام التمام
مايد : زين .. صح في أوراق لازم نخلصها خلال يومين
وصايف مستغربه : اي اوراق


مايد : اوراق الفندق
وصايف هزت راسها : اي عرفتهم استاذ
مايد : عاد لاااازم ترتبين الأوراق اليوم
وصايف : ان شاء الله استاذ
مايد : وصايف أنا شفت أوراقج .. الظاهر اني قريت انج كنتي في بلاد برع الفتره الأخيره
وصايف هزت راسها : اي استاذ
مايد ابتسم : ما شاء الله
وصايف : الغربه تذبح .. عاد الحمدلله ردينا البلاد
مايد ابتسم : نورتيها
وصايف : منوره بأهلها
مايد ابتسم : يلا عاد أنا بروح مكتبي .. عندي شغلات بخلصها
وصايف : تبى شي ثاني استاذ
مايد : لا سلامتج
وصايف : الله يسلمك أستاذ
مايد : يلا اشوفج ع خير ..
وصايف ابتسمت وهي تطالعه قاعد يطلع .. قعدت وحطت ريل على ريل وبدت تلعب بالقلم : والله صرتي شي يا وصايف ...! قرب المنال قرب بس انتي اصبري شوي ...
/
.
/
بدور تطالع البنات وهي تضحك : فديــــــــــــتكم .. والله اشتقت لكم حييييييييييل
ملاك : ونحن أكثر يالدبه
بدور : اي والله يومين بس جنهم سنتين
روان ابتسمت : وأنا بعد .. أحس نفسيتي تغيرت اليوم
بدور ابتسمت : اي سمعت انج مثلي كله غيااااب
روان : لا لا مو بس أنا وانتي ... ترا شوق معانا
شوق ابتسمت : اليوم داومت هههه
نور : اي والله من طاااح علينا عزوز ونحن متدهورين راسا على عقب
ملاك : هي صح شو سالفة عبوود
نور : الله يسلمكم وهو يلعب بالسيكل في الفريج الا وسياره تجي وتدعمه بس الحمدلله ما صار شي غير انه الحديده دخلت بيده وسوو العمليه خلاااص
ملاك : الحمدلله
اريج : اي وأنا اشوووف نور وشوق لا يتصلون ولاشي
شوق : سمحو لنا عاد تدرون هذا أخر العنقود
ملاك ابتسمت : بس حبوب عبووود
شوق : ما يشوووف دربه اش كثر أمي تحذره
روان : حرااام عليج شوووقاني
اريج : اي لأنه هذا مكتوب له
نور : ههههه صرتو ناصحات
روان : شـ نسوي بعد الحياااه علمتنا
بدور : وكبرتن يا بنات الأمس
ملاك تضحك : وصرنا أمهات اليوم ... وعجوزات غد هههههههههههه
البنات : ههههههههههههههه
فجأه يرن موبايل بدور وينبهها برساله جديده
بدور شافت الرقم .. ابتسمت .. وفتحت الرساله وبدت تقراها ..
وبدت تضحك : هههههههههههههههه
نور : ضحكينا معاك خير اش صاير ..؟؟
بدور تبتسم : وصلني مسج
ملاك : وتضحكين ..؟؟
بدور : اي لأنه نكته هههههههه
اريج : ضحكينا معاج
شوق : اي يمكن نفسيتنا تتغير ..!
بدور : الله يسلمكم واحد محشش بغا يطير من الأرض للقمر بصاروخ .. وصار وركب الصاروخ بس الصاروخ وقع في صحراء سيناء المصريه ... والمحشش ولا يدري انه بالصحرا ع باله انه بالقمر .. جا واحد مصري وقال له حتموت من الشمس .. فـ قال المحشش وهو مبتسم تشرفنا وأنا حشحوش من الأرض
البنات : ههههههههههههههه
بدور تضحك : ههههه عجبتكم
روان : هههه اي حلوه وايد .. ارسليها لي
بدور : ان شاء الله
اريج : من رسل لج اياها
بدور : أحمد
شوق مستغربه : أحــــمد ...!
بدور : اي أحمد اللي شفته بالمستشفى
نور : ليييه انتي متواصله معاه
بدور : اي متواصلين وشفنا بعض
ملاك : بدور انتي تخبلتي ...!
بدور : لأأأ لا تخبلت ولاشي .. عادي ما فيها شي
نور : ولو أخوانك درو ..!
بدور : شاللي يدريهم وبعدين نحن وين وهم وين ..؟؟
نور : بس ربك بكل مكان يا بدور
بدور : انزين بس أحمد وبعدين أنا أحس روحي اميل له
روان : بدور لا تغلطين الغلطه اللي غلطتها بحق نفسي
بدور : بس أحمد غييير
روان : وأنا كنت أقووول مروان غييير
بدور : المهم خلونا بالسالفه منو تباني اطرش لها النكته
نور : الله يهديك بس
شوق تغير الموضوع : نزلو نكت وارسلوها لي لأني بالفعل ودي أضحك وما اسكت
بدور : أوكي خليها علي .. وناويه هالأسبوع أنزل افلام
شوق : اي نزلي كل شي يديد
بدور : طييييييييييييييييب
ملاك : بنات من يومين رحت البحر
نور ابتسمت : يا حظك ونحن كنا منشغلين مع عبووود
ملاك : يقوم بالسلامه يارب
اريج : بناااات ...............!
الكل لف صوبها مستغرب : خييييييير ...!
اريج ابتسمت : تدرون ان في واحد خطب روان ..!
شوق مستغربه : صج رواااااااان ..!
روان هزت راسها : اي
بدور : ومنو هذا ..؟؟
روان : واحد من عيال ربع ابوي
ملاك : آهااا .. تقدم لج ولا كيف
روان : اي متقدم لي بس بعدني ما رديت عليه وبعدين قلت اخذ رايكم
بدور : ومروان ..؟؟
روان : كلكم سألتوني نفس السؤال .. بنات ترا مروان باعني وخلاااص
بدور : يمكن يرجع
روان : متى ..؟؟ لما أعنس بلا
بدور : بكيفج والله
ملاك : هو زين ولا كيف ..؟؟
روان : ابوي يقول انه زين
ملاك : مب عشان بيزاته
روان : بيني وبينكم أكيييد ابوي عنده مصلحه ولا منا والدرب وين يسوي لي شي
نور : فكري عدل وصلي استخاره بعدين ردي عليهم
روان : اي قلت جذي ..
اريج : بناااات البريك خلص يلا ع المحاضره
نور : اي صار لنا ساعه وحنا نسولف
اريج تضحك : بسرررعه بسرررررعه
/
.
/
بعد مرور يومين ...
مايد : شو الوظيفه معاك ..؟؟
راشد : أوكي .. وبعدين توني دكتور يديد مب معروف
مايد : ان شاء الله تصير من أكبر الأطباء
راشد : آمييين الله يسمع منك
مايد : شو المرضى معاك ..؟؟
راشد : والله أنا أعامل الكل عدل وبعدني ما شفت معقدين ههههه
مايد يبتسم : زين زين .. الوظيفه وحصلتها وكل شي عندك بس باجي الحرمه
راشد يضحك : تو الناس يا ريااال
مايد : شو تو الناس بعد هههه
راشد : وانت بعد كل شي عندك جيييه ما تعرس
مايد ابتسم بحزن وقال : خلها على الله يا راشد
راشد ابتسم : ربك كريييم يا ريااال وبعدين بلاك جذا ..!
مايد ابتسم : ماشي .. يلا رمسني شو بخاطرك ..
راشد : ولاشي ههههه
مايد : لاازم تعزمني عاد بعد ما توظفت
راشد : ان شاء الله بس استلم راتبي
مايد ابتسم : يلا زين عندنا دكتور بالعايله
راشد ابتسم : ميووود برمسك عن شغله .. بس ليكووون يروح بالك بعيييد
مايد : آمررر ولد العم
راشد ابتسم : ليتني ولد عمك هههه
مايد ابتسم : والله انت أحسن عنهم
راشد : ما علينا .. بس حبيت أكلمك بسالفه تخصني
مايد : تكلم يا خوي
راشد : أنا مفكر هه مجرد تفكير بس اني أكمل نص ديني
مايد ابتسم : والله خبر اش حلاااته .. هههههه .. بس مب توك تقول مابا
راشد : تدري عاد يباله شوية قردنه
مايد يبتسم : انت بس أشر والوالده تروح تخطب لك
راشد ابتسم : جنك انت أخوي العود .. لا ابوووي تراني أنا العود
مايد يضحك : عاد جييه تستشيرني
راشد يبتسم : مالي أحد غيرك هههههه
مايد ابتسم : حاط عينك ع وحده
راشد هز راسها وقال : لأأأ عاااد
مايد : علييييينا هالسوالف رشووود
راشد ابتسم : تبا الصراحه عاد ..
مايد هز راسه : أكيييد
راشد : أختك ...
مايد وقف مستغرب : أختي ............!!
راشد مستغرب منه موقف مايد : هي أختك ملاك .. جيه عندك غيرها
مايد يلس وهو ميت ضحك : هههههههههههههههه
راشد مستغرب : بلااك يارياااال ..؟؟
مايد : بس ملاك بعدها ياااهل رشووود
راشد ابتسم له : وين ياهل الله يهديك .. بتتخرج وانت بعدك تقول عنها ياهل
مايد ابتسم : هي صدقك
راشد : شو قلت ..؟؟
مايد : والله أنا ما عندي مانع بس رايها بعد لازم ناخذه
راشد : هي أكيييد أنا ابا رايها هي ..
مايد : والوالده بعد لازم تشاورها
راشد : لا الوالده خلها علي


مايد : رشود انت اخوي بقول لك شي بس لا تزعل
راشد : قول ..؟؟
مايد : ملاااك ما ادري كييف ...!
راشد مستغرب : كييف
مايد : أحسها ما تعرف تتعامل عدل
راشد : أدري
مايد مستغرب : شكلك حاط عينك عليها من زمان .. آفا آفا وأنا أعدك أخوي
راشد ابتسم : يا ريال والله طول هالسنين وأنا أحافظ عليها وبعدين لو اني افكر بشي ثاني جان ما ييت
واستشرتك
مايد ابتسم : ادري ادري أمزح وياك انزين
راشد ابتسم : يلا كمل كلامك ..؟؟
مايد : المهم .. والله ما أدري جان بتوافق ولا لأأأ وما أدري اذا انت بتعرف لها ولا لأأأ
راشد : يا ريال قلت لك اباها تكون حرمتي يعني غصبا عني أرضى
مايد ابتسم : خلاااص عاد رمس الوالده وخلها ترمس ملاك
راشد : انت رمسها أحسن
مايد : لا لا ملاك روحها لسانها اش طوله تبا تاكلني بعد وبعدين ملاك ما أدري كيييف ..!
راشد مستغرب : هذا وانت أخوووها
مايد : هي صدق لأنها زعوله وأحسها تفهمني غلط وبعدين الحريم يفهمون للحريم أكثر
راشد يضحك : لهالدرجه تخاااف من الحريم
مايد : ويا راسك منو قااال ..؟؟
راشد يبتسم : انت بعد منو
مايد يضحك : يلا عاد يالنسيب رمس الوالده
راشد : خلااص عاد برمسها وبرد لك خبر
مايد : أوكي
/
.
/
روان : مساء الخير يبا
ابو روان : مساء النور روان
روان : اشلونك يبا ..؟؟
ابو روان : بخير الحمدلله انتي اشلونج ..؟؟
روان : تمام الحمدلله
ابو روان : اشلون الدراسه معاج ..؟؟
يتبع ............>>>>
روان : أوكي
ابو روان ابتسم : نسيتي الموضوع اللي كلمتج عنه
روان ابتسمت : لا يبا بعدني أتذكره
ابو روان : بشري ..! ان شاء الله فكرتي عدل
روان هزت راسها مبتسمه : اي يبا
ابو روان : بشري اش قلتي ..؟؟ ترا ابو الولد سألني أمس
روان ابتسمت : الراي رايك يا يبا
ابو روان ابتسمت : يعني موافقه
روان هزت راسها وقالت وهي بداخلها متألمه : اي يبا
ابور روان : خلاااص يعني اكلمهم
روان نزلت راسها وما ردت عليه
ابو روان ابتسم وقال : خلاااص من باجر الصبح بكلمهم
روان : يبا ..؟؟
ابو روان : هلأأ
روان : بس مابي الزواج يكون الحين
ابو روان : أوكي بكيفج .. لو تبين تخلصين دراسه
روان : أوكي
ابو روان : يلا عاد بروح بكلم أمج
روان : أوكي
ابو روان صد وطالعها وقال : انتي متى أخر مره كلمتي أمج
روان نزلت راسها وما ردت
ابو روان : يعني ما تكلمينها ..؟ ترا مو زين جذي يا روان ..!
روان مشت وقالت : زواج وبتزوج على شوركم اش تبون أكثر
ابو روان : روان ..؟؟
روان : نعم
ابو روان : لييش انتي مب راضيه
روان : امبلا راضيه يا يبا
ابو روان : عاد خلاااص ما يبي له كل هاللف والدوران يا بنتي
روان : عند اذنك يبا بروح برقد
ابو روان : نوم العوافي

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -