رواية خليجيات في الامارات -27
روان : أوكي
ابو روان : يلا عاد بروح بكلم أمج
روان : أوكي
ابو روان صد وطالعها وقال : انتي متى أخر مره كلمتي أمج
روان نزلت راسها وما ردت
ابو روان : يعني ما تكلمينها ..؟ ترا مو زين جذي يا روان ..!
روان مشت وقالت : زواج وبتزوج على شوركم اش تبون أكثر
ابو روان : روان ..؟؟
روان : نعم
ابو روان : لييش انتي مب راضيه
روان : امبلا راضيه يا يبا
ابو روان : عاد خلاااص ما يبي له كل هاللف والدوران يا بنتي
روان : عند اذنك يبا بروح برقد
ابو روان : نوم العوافي
/
.
/
شوق تصيح .. : نور والله احترت
نور مستغربه : ياربي منك يا شوووق اش فيك انتي ..؟؟
شوق : نور حرااام عليج افهميني
نور : ولييش افهمك لو فاهمتك
شوق : الحين انتي تدرين ان براك يبي يتقدم لي
نور هزت راسها : اي
شوق : وتدرين ان ابوي بيكلمني
نور مستغربه : ومن قال انو بيكلمك اش دراك انتي يمكن ما يكلمك
شوق : ياربي منج يانور .. بيكلمني أكيييد
نور : واللي يسلمك يا شووووق لما يكلمك تعالي ابكي وبنطلعك منها
شوق : نور انتي ما تحسييييييييين
نور : يا شوووق انتي اللي ما تفكرين
شوق : خلاااص حجو مع بعض بس باقي موافقتي
نور : اي وانتي انتظري لما يكلمونك بعدين ابكي
شوق حطت راسها ع المخده وقالت : أنام احسن لي
نور : اقري شوي وبعدين نامي وبترتاحين
شوق : ان شاء الله
نور : لا تفكرين ترا ابوك بعده ما كلمك
شوق وهي تمسح دموعها : تصبحين على خير
نور : وانتي من أهله
نور وقفت ومشت شوي شوي وطلعت من الحجره .. شافت الهنوف قاعده بالصاله فوق ومعاها اللاب توب
نور ابتسمت : شو تسوين يا حلوه ..؟؟
الهنوف : قاعده اقرا روايه
نور : آهااا وأي روايه هذي اللي تقرينها
الهنوف : وشلون ما أغليك وانت الذي علمتني حبكـ ...؟؟
نور ابتسمت : وآآآآو من جد عجيبه قريتها
الهنوف : مسكينه شهود أمها أجنبيه وكافره غير جذي ..!
نور : اي الله يكون بعونها
الهنوف : تكسر الخاطر والله
نور : حتى روان أمها أجنبيه وكافره
الهنوف : الله يعينها الصراحه .. احس مو حلو
نور : اي مو حلو لأن أمج هي اللي تكلمينها وكذا ... توقعي لو أمج عاداتها غير عن عاداتج شـ تسوين ..؟؟
الهنوف : والله بتخبل
نور تضحك : اي والله
الهنوف : نحن ما في شي يصير الا ونخبر أمهاتنا عنه .. هذيل كيف يعيشون
نور : كثيررر منهم يلجأون للدرب الغلط
الهنوف الله يهديهم
نور : آمييين ويهدينا بعد
الهنوف : شوق وين ..؟
نور : نامت
الهنوف تطالع الساعه : توها عشر ..! غريبه كيف تنام هالحزه
نور : تعبانه شوي .. وبعدين تدرين تفكر بعبود
الهنوف : اي صج متى بيطلع من المستشفى ..؟
نور : يوم الخميس ان شاء الله
الهنوف : ان شاء الله
نور : يلا عاد حبيبتي بروح بنام
الهنوف : قعدي ويااااي
نور : ياليت بس وراي كليه
الهنوف : حرااام نواري حرااام
نور : والله وراي كليه وبعدين أنا قمت الفجر اليوم عشان نسوي ريوق للشباب .. تدرين خالتي عن عبود
الهنوف ابتسمت : اي فديتها ماما محد
نور : يلا فيني نوم هههه ولا بنام عليك
الهنوف : لالا دخيلج روحي ارقدي
نور : تصبحين على خير
الهنوف : وانتي من أهله
نور : لا تسهرين كثير نامي ع الساعه وحده
الهنوف : ان شاء الله
/
.
بدور : صار لنا كم من يوم على هالحال ..
أحمد ابتسم : وشو فيها يعني ..؟
بدور : لا بس نقلل مكالمات
أحمد : ما أقدر بدور الا اسمع صوتج كل يوم
بدور تضحك : ولو رحت قطر شـ بتسوي ..؟؟
أحمد : الله يعينني وقتها عاد
بدور تضحك : لالا بعطيك رقمي
أحمد : هي فواتير الدنيا ترخص عشااانج
بدور تبتسم : ههههه أحرجتني الصراحه
أحمد : اش صار ع الطلعه
بدور : ما أعتقد بنطلع ...!
أحمد : ولييش ..؟؟
بدور : مثل ما تدري شوق أخوها تعبان ونور معاها .. وروان شكلها بتنخطب أما ملاك ولا أعرف عن هواها
ارها يا أخي البنيه متغيره أما أريج وه فديتها مشغوله مع أمها
أحمد : ما شاء الله جيييش مرابعه
بدور تضحك : صل ع النبي لا تصكني بعين بس
أحمد يبتسم : ما شاء الله ماشاء الله تبيني أتف بعد
بدور تضحك : ههههه لا لا مابي تخيسني جذي
أحمد : وانتي انزين اطلعي
بدور : من يطلعني ..! نسيبي ..!
أحمد : اي
بدور : تباه يذبحني لو شافك ها ...؟
أحمد : امزح معاج انزين ..
بدور : اي اقووول بعد
أحمد : يلا عاد أنا برقد
بدور : وأنا بعد
أحمد : تصبحين على خير
بدور : وانت من أهله
/
.
/
أمي فاطمه مبتسمه عن خاااطر : صدق والله
راشد يهز راسه ويبتسم : هي صدق
أمي فاطمه : عاد أشر لي على أي وحده تبا وبزوحك اياها
راشد ابتسم : لا لا من هالناحيه استريحي ... حاط عيني على وحده
أمي فاطمه تبتسم : صدق يا ولد ..؟؟
راشد ابتسم : شو ياهل جدامج أمي هههه
أمي فاطمه : بنظري بعدك ياهل مهما تكبر
راشد : أوكي عاد تبيني اقوول اسم البنيه ولا لأأأ
أمي فاطمه : هي اكيييد اباك تقول لي وابا أعرف منو هااي
راشد ابتسم وهو يرفع راسه : ملاك ..؟؟؟
أمي فاطمه مستغربه : مــــلاك
راشد ابتسم : هي أمي ملاااك
أمي فاطمه : ملاك مره وحده ...!
راشد : هي أمي بلاااج استغربتي
أمي فاطمه : لا بس فاجئتني يا ولدي
راشد : لييش مب عايبتنج ملاك
امي فاطمه : لا وين بالعكس ..! ملاك ماشي أحسن عنها هذا غير اني أنا اللي ربيتها
راشد ابتسم : يعني موافقه
أمي فاطمه : هي أكيييد ومستانسه بعد
راشد : بتكلمين البنيه
أمي فاطمه : هي ان شاء الله
راشد : متى ..؟
أمي فاطمه : عاد تريا عليه مو اليوم باجر ان شاء الله
راشد : أوكي أمي ... بس رمسيها بسرررعه انزين
أمي فاطمه : انزين
راشد ابتسم : مستانسه ...؟؟
أمي فاطمه : هي اكيييد منو اللي ما يستانس يوم يعرف انه ولده بيتزوج لا وأحسن البنات وأحلاهن
راشد : يه يه كل هذا لأني قلت باخذ ملاك
أمي فاطمه : هي والله .. وبعدين من زمان وأنا ودي انك تاخذها ...
راشد ابتسم : انتي رمسيها أمي .. وان شاء الله ما يصير الا كل خييير
أمي فاطمه : ان شاء الله
راشد : يلا عاد بروح برقد .. وانتي بعد ارقدي الوقت قاعد يتأخر
أمي فاطمه : نوم العوافي ولدي .. ان شاء الله
راشد : هي صح بالنسبه لميووود تراني كلمته وموافق بعد
أمي فاطمه : زين الحمدلله وملاك خلوها علي
راشد ابتسم وهو يمشي وراح لحجرته ...
/
.
/
يوم الخميس الصبح
شوق تبتسم له : يا مرحبا يا مرحبا نورك غطا ع الكهربا
عبود يبتسم : أهلين
نور : حياك حياااك عبووود ..
عبدالله يبتسم : كل هذا اهتمام
أم عبدالعزيز : رتبتو حجرته يا يمه
شوق ونور : اي خالتي
أم عبدالعزيز : روح دراك يبا
نور : بنوصله بنوصله
أم عبدالعزيز : بروح بريج صار لي كم من يوم ما رقدت عدل
شوق : أوكي يما خلي عبود علينا
عبدالله ابتسم : ترا بس يدي اللي تعورت مب ذاكرتي
شوق : هي انته ترا نحن نسوي لك خدمات مجانا
عبدالله ابتسم وقال : وصلوني انزييين
نور تمشي يمبه هي وشوق : اشلونك الحين ...؟
عبدالله : بخير الحمدلله
نور : وايدك ...؟؟ توجعك ..؟؟
عبدالله : يعني
نور : انت الله يهديك بس طايح لي على هالسياكل من كذا تعورت
عبدالله ك شسوي أنا انزين هذي السياره اللي طلعت بويهي
شوق : بس انت لازم تدير بالك على روحك
نور : بس مكتوب له
شوق : اي صح
عبدالله ييلس ع السرير : وه فديت سرير اشتقت له هههه
شوق : اي تراك من اسبوع تنام بالمستشفى
عبدالله ابتسم : وأخيراااا طلعت
نور : قول الحمدلله
عبدالله يبتسم : الحمدلله الحمدلله ههههه
عبدالله : ابغى ماي
شوق تطلع ركض : أنا بييب لك
عبدالله يضحك : كل هذا حب من بعد الحادث
نور تبتسم : عشااان تعرف اش كثر نحبك
عبدالله : ههههه أدري أدري من زمان ..
يدخل عليهم ضاري : صباح الخير يالحبيب
عبدالله ونور : صباح النور
ضاري : اشلونك بو الشباب
عبدالله : بخير الحمدلله
ضاري : اشلون يدك ..؟؟
عبدالله : مثل ما تشوف بعدها ..!
ضاري ابتسم : اشووف نور وشوق مو مداومات اليوم ..؟؟
نور : اليوم خميس مافي محاضرات وبعدين أنا وشوق على أساس نغيب اليوم عشااان عبووود
ضاري ابتسم : آهااا .. السالفه فيها الولد المدلل
عبدالله يبتسم : تغاار مني ..؟؟
ضاري يضحك : لاأأ منو قال ههههه
عبدالله : هذا انت ههههه
ضاري : أمزح انزين حرااام ندلعك يا ولد
شوق داخله معاها الماي وتبي تشربه : خذ حبيبي
ضاري يضحك : كل هذا دلع من بعد الحادث
/
.
/
أبو روان : يبي يشوفج الولد
روان احمرت : اشلون يبا ..؟؟
ابو روان : نظره شرعيه يا بنتي
أم روان وهي مستغربه : شو هااادا كمااان ...؟
ابو روان : الولد يبي يطالع البنيه
ام روان : خليييه يجي
روان لفت ويهها وقالت : اعتقد أنا اللي بتزوج مب انتي
أبو روان : لا يا روان مو جذي عاد
روان نزلت راسها وقالت : خلنا بموضوعنا بابا ..
ابو روان : يبي يشوووفج
روان : والمطلوب ..؟؟
ابو روان : باجر المغرب تجهزي واكشخي لأنه بيي وبيشوفج معاه ابوه
روان : أهله ..؟؟
ابو روان : هو وحيد عايش مع ابوه أمه متوفيه بالنسبه لأهله بيحضرون في الحلفه وبشوفونج بس من قبل لأأأ
روان هزت راسها : يكون أحسن .. خلاااص عاد اتفق معاهم وباجر المغرب أكيييد
ابو روان : اي أكيييد
روان : ننطرهم عاد
ابو روان : أوكي بروووح بكلمه عشان يتجهز وييي
روان وقفت : عن اذنكم الحين
ابو روان : وين تو الناس ..؟؟
روان : بروح بكلم رفيجتي شوي
ابو روان : أوكي
روان لفت وصعدت ع الدري بسررررعه وهي في داخلها مليون عله ..!
دخلت الحجره وقفلت الباب ... لهالدرجه يا مروان ارخصت بي ..! يعني هانت عليك كل هالأيااام وطول هالسنتين ..! معقوله ترخص بي وأنا اللي عديتك ابوي حبيبي اخوي زوجي حتى أختي وأمي ..
يلا يوم لك ويوم عليك .. والله يوفقك بحياتك
نزلت دمعه حاره على ويهها .. ما توقعت بيوم من الأيام بكون لأحد غيرك يا مروان والله ما توقعت
مسكت تلفونها : خل أتصل بأريج ع الأقل أطلع اللي بقلبي وافضفض لها يمكن ارتاح
اتصلت روان على اريج .. اريج ردت عليها : السلام عليكم
روان : وعليكم السلام
أريج مبتسه : هلا روان
روان : اهلين اريج
اريج : شخبارج ..؟
روان تصيح : مو بخير يا اريج مو بخير
اريج : خير عسى ماشر
روان : اريج خلاااص انا مو لمروان ....!
اريج : شهالكلام اللي تقولينه يا روان .. فهميني ع الأقل
روان : خلاااص ابوي كلم الجماعه وبييون باجر
اريج : ان شاء الله انزين .. شو فيج ..؟
روان : تذكرت مروان
اريج : يا روان انتي اخترتي هالدرب ومثل ما عرفتيه انسيه
روان : صعب يا أريج صعب
أريج : مو صعب .. خلج قويه وكل شي سهل ان شاء الله
روان : ما توقعت بيوم أكون لأحد غير مروان
اريج : توقعي بهالزمن كل شي جايز يا روان
روان مسحت دموعها : الظاهر كدرت عليج
اريج ابتسمت : لا بالعكس استانس لما أكلمج
روان : مشكوووره فديتج
أريج : يلا قومي اغسلي ويهج وريحي شوي
روان : تدرين اريج ..؟؟
اريج : قولي ..؟؟
روان : ودي أكلم مروان ..؟
اريج : لأأأأأأأأأأ روان .. أكبر غلطه بتسوينها
روان : ليييش
اريج : ما تدرين اش كثر هذي الغطله كبيررره
روان : ليييش ...؟
اريج : انتي خلاااص تسميتي لواحد غيره لو رجعتي كلمتيه يعني تخونين خطيبج
روان تصيح : والله لو درو بحالي يا اريج جان ما قالو جذي
اريج : روان فديتج اغسلي ويهج وخلاااص لا تصيحين ترا والله مو زين لج
روان مسحت دموعها : عاد أنا بصكر الحين
اريج : على وين ...؟
روان : برووووح بتسبح
اريج : أوكي
روان : يلا مع السلامه
اريج : مع السلامه
/
.
/
أمي فاطمه : هلا ملاك
ملاك يلست : صباح الخير
أمي فاطمه : صباح النور
ملاك : اش حالج أميه
أمي فاطمه : بخير الله يسلمج
ملاك ابتسمت : طبعا عارفه لييش يايه
أمي فاطمه ابتسمت : هي أدري ..
ملاك نزلت راسها : والله ما أدري شو اقووول
أمي فاطمه ابتسمت : ترا الشور شورج والراي رايج بنتي
ملاك ابتسمت : والله أمي اسألي ميووود وأي شي هو يقوله أنا موافقه عليه
أمي فاطمه : عاد هذي الساعه المباركه يا بنتي
ملاك : ما كلمتي ميوود ..؟
أمي فاطمه : مايد موافق
ملاك مستغربه : يعني كلكم تدرون الا أنا
أمي فاطمه مبتسمه : ههههه فديتج لا ندري ولا شياته بس راشد عاد رمس فجأه وقال بيخطبج
ملاك نزلت راسها مستحيه
أمي فاطمه : ويـــه فديت البنات اللي يستحون
ملاك ابتسمت : تحرجيني أمي
أمي فاطمه ابتسمت : بروح ببشر راشد
ملاك ابتسمت : عاد أنا بروح فوق
أمي فاطمه : جيييه ..؟؟ تمي بزقر راشد
ملاك : ليييش ما داوم
أمي فاطمه : اليوم اجازه عنده
ملاك : آهااا
أمي فاطمه : بروح ببشره عاد
ملاك ابتسمت وهي رايحه فوق .. صدت وراها شافت أمي فاطمه مستانسه .. ابتسمت وصعدت وهي ترتجف خوف وحيا ... من الأيام اليايه
/
.
/
بدور : لا والله ..!
أحمد : هي والله من صدقي
بدور : ومتى بتروووح ..؟؟
أحمد : قلت الصيف ان شاء الله
بدور : ياربي حتى نحن نازلين قطر بالصيف
أحمد : يلا ان شاء الله نتلاقى بقطر
بدور : لا لا هناك صعب ..
أحمد : وليييش صعب
بدور : تدري أبوي وأخواني بقطر
أحمد : هيييه .. لا ان شاء الله وقتها ربج بيحلها
بدور : ان شاء الله
أحمد : شخبار حمداني
بدور : والله مفطرنا ومطلع لنا قرووون
أحمد يضحك : هههه ما شاء الله عليه
بدور : شو ما شاء الله عليه بعد ..
أحمد مستغرب : جيييه
بدور : صكه بعين أحسن ...! خل يتأدب
أحمد يضحك : عاد أنا عيوني مب حاره
بدور : لاأ بس أسولف ههههه
أحمد : شكله وايد معذبنكم
بدور : اي والله فوق ما تتصور
أحمد : باجر يكبر ان شاء الله وبيصير أوكي وفاهم وعاقل
بدور : امييين بس متى ..! بعد ما أشيب أنا
أحمد يضحك : مب لهالدرجه عاد ههههههه
بدور : اي والله بعد ما يكبر بشيب أنا
أحمد : زييين زييين خلاااص بيكبر هو وانتي تمي بعمرج هههه
بدور : لا لا حلاته كل سن وتعيشه وجذي
أحمد : باااجر يوم يطلع لج شعر ابيض بتعرفين
بدور : فال الله ولا فالك
أحمد يضحك : جيييه يعني ....؟
بدور : ما ابغى شعر ابيض
أحمد : ترااج بتعيزين
بدور : بس مابي شهر ابيض
أحمد : اش قال بعد ما تبين شعر ابيض ..؟؟
بدور : مابى يعني مابى
أحمد : الله يهديج بس يا بنيه ههههه
بدور : بس أكبر بصبغه
أحمد : يوم يبيض بس الحين لأأ
بدور : لييش يعني ..؟؟
أحمد : لأن كثر ما تحنين شعرج وتصبغينه كثر ما يبيض مبجر
بدووور : وااااو معلومه جميييله جدا
أحمد : شفتي كييف ذكي
بدور : اي والله الحين اكتشفت انك بمستشفى ههههه
أحمد ابتسم : ويا راسك ..
بدور : أقووول أحمد
أحمد : هلأأأ
بدور : في أحد يدق الباب بكلمك عقب
أحمد : أوكي حبيبتي
بدور انصعقت من هالكلمه وتأتأت وقالت : أوكي يلا باااي
أحمد : باااي
بدور صكرته وهي مستانسه ومنحرجه ومتوتره .. لبست شيلتها وتقدمت عن الباب .. وفتحته
ميره واقفه : بدور وينج ما تريقتي ..؟؟
بدور : موجوده
ميره : شو تسوين ..؟؟
بدور : ماشي بس كنت نايمه شوي
ميره : آها ... يلا عاد تعالي أنا وانتي نتريق ..
بدور : أوكي بي أغسل ويهي
بدور راحت صوب الحمام وانتو بكرامه وغسلت ويها بالماي لأنها ما كانت نايمه بس تبي تصحصح
ميره طالعتها : تعالي ايلسي
بدور نشفت ويهها وتجدمت عسب تقعد وقالت : غريبه تاكلين فوق ...؟؟
ميره ابتسمت : اي مليت من تحت
بدور تبتسم : هالحمل يسوي عجايب
ميره تبتسم : فوق ما تتصورين بعد
بدور : الله يعينا ويستر علينا
ميره تضحك : لاحقه يا يما لاحقه ع التعب والشقا
بدور : وين معضد ..؟؟
ميره : في الدوام
بدور : هي صح نسيت اليوم الخميس..
ميره : تراج غايبه
بدور : من قال ..؟؟
ميره : لا جنج في الكليه وانا ما أدري
بدور تضحك : لأأأ بس اليوم مافي محاضرات
ميره ابتسمت : آهااا .. هههه ع بالي ما رحتي
بدور : لا لا
ميره : بس انتي مستويه شوي مهمله
بدور : مو وايد عااد
ميره : لا وايد
بدور : انا من يوم يومي مهمله وتعرفيني عاد أختج
ميره تبتسم : أدري بج مهمله بس عاد كل شي وله حدود مب جذي
بدور : اقول ميررررووووه خليني أكل
ميره تشرب عصير البرتقال ..
بدور ابتسمت وقالت : شكلج ادمنتيه ..؟
ميره تبتسم : اي والله من بعد هالحمل وأنا مدمنة هالعصير
بدور : بس زين لأنه فرش
ميره : اي والله زين يعوضني عن الفيتامينات اللي يالسه انقصها بالحمل
بدور : الحمدلله شبعت
ميره مستغربه : على وين ..؟؟
بدور : حجرتي
ميره : شو تسوين ..؟؟
بدور : بروح بقعد شوي وبحضر
ميره : بس اليوم وباجر وبعده اجازه
بدور : لا ابا أحضر
ميره : يلسي معاي شوي .. تراج ما قمتي تيلسين معاي
بدور ابتسمت وقعدت : هه طلباتج أوامر أختي العزيزه
ميره ابتسمت : ترا مب باقي شي وترجعين قطر
بدور : اي والله شهر اثنين دخل .. مب باقي الا ثلاث واربع .. وخمسه نمتحن ونهج لدارنا
ميره ابتسمت : بفتقدج
بدور : وأنا أكثر والله .. بس اش دراج يمكن سكنت اهني ههههه
ميره مستغربه : وانتي اش دراااج
بدور : لاأأ بس أخمن يعني لو خذيت اماراتي
ميره : لا خذي لج قطري أحسن لج
بدور : حلاال عليج وحرام علي يعني
ميره : خذي لج قطري وتعالي اسكني اهني ,, ويا كثر القطريين اهني
بدور ابتسمت : فكره مش بطاله .. بس بعد مابي
ميره ابتسمت : شكله ببالج في أحد
بدور : لا لا أنا وين وهالسوالف وين ههههه ...!
/
.
/
اريج وهي تفتح باب الشقه ...
ياربي خل انسل بسررررعه قبل لا يتأخر الوقت ويأذن الظهر ..
رن تلفونها .. اريج : الو ..
ملاك : الو
اريج : اهلين ملاك
ملاك ابتسمت : هلا اروجه .. اش حالج ..؟؟؟
اريج : تمام الحمدلله .. انتي شخبارج ..؟؟
ملاك : والله توني رديت عليهم
اريج : بشري اش قلتي لهم ..!
ملاك : شو تتوقعين..؟
اريج : وافقتي
ملاك هزت راسها وقالت : صح ربحتي مليووون ههههه
اريج ابتسمت : حسيت الصراحه
ملاك : لا والله وكييف
اريج : ما أدري بس أحسج كنتي تبين راشد
ملاك : مو ذاك الزود عاد
اريج : المهم تبينه هههه
ملاك : همممم اش دراني هههههه
اريج : ملوك حياتي أنا بنزل السوبر ماركت وبتصل فيج عقب
ملاك : أوكي حبوبه
اريج : لأني واقفه يدام باب الشقه
ملاك تضحك : انزييين يلا انزلي بسررررعم
اريج : أوكي باااي
ملاك : باااي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك