رواية خليجيات في الامارات -28
اريج : ما أدري بس أحسج كنتي تبين راشد
ملاك : مو ذاك الزود عاد
اريج : المهم تبينه هههه
ملاك : همممم اش دراني هههههه
اريج : ملوك حياتي أنا بنزل السوبر ماركت وبتصل فيج عقب
ملاك : أوكي حبوبه
اريج : لأني واقفه يدام باب الشقه
ملاك تضحك : انزييين يلا انزلي بسررررعم
اريج : أوكي باااي
ملاك : باااي
اريج ابتسمت .. خل اركب المصعد أحسن لي .. أتأخر بالسلم ... اريج وهي ماشيه وتبتسم ملاك وانخطبت وروان وانخطبت .. شوق احتمال كبير ولد عمها ياخذها بهاليومين .. وبدور حبت أحمد .. باجي أنا ونور .. الله يعينا بس عن نعنس ...
نفتح باب المصعد ودخلت وهي تفكر في البنات .. ياربي حياتنا كيف حلوووه بس لو نفترق حرااام راح تصير حياتنا غير عن الحين كل شي بيتغير .. حتى نحن وتصرفاتنا بتتغير ..
لفت ويهها تطالع بالمصعد .. انصدمت وهي تشوف محمد واقف بالمصعد لاهي بتلفونه ..!
اريج ضغطت على حرف الجي عشان بنزلها للطابق الأرضي بسرررعه ولا مب راضي .. طالعت يمبها ما في أحد غيرهم
أريج متروعه : محمد .....!
محمد رفع راسه وطالعها : نعم ...؟
اريج : المصعد ...؟
محمد : بلاااه
اريج : مو ملاحظ انه واقف ومو طايع يفتح
محمد تم يركز وهو مندمج .. هز راسه وقال : هي الظاهر جذي
اريج ترجف من الخوف : شسوي ..؟؟
محمد مد يده وهو مبتسم ... اريج ابتعدت بسررررعه وقالت وهي تصرخ : والله لو مست شعره مني ما تلوم الا نفسك ..
الأحد 17-10-2010, 10:32 pm
ღ الحلقه الثانيه و العشرونღ
محمد ابتسم وقال : بلاااج متروعه وتفهمين غلط ..
اريج ترتجف وهي لاصقه بالباب : محمد حذرتك
محمد ابتسم ومد يده لجرس الانذار وقال : يالحبيبه ترا الدقم صوبج لا أكثر يعني ..!
اريج احمرت وافتشلت : آسفه
محمد ابتسم وقال : اعوذ بالله من يوم يومج تفهمين غلط
اريج : متى بيجووون ...؟؟
محمد : خلاااص الحين الحارس بيشوووف
أريج تطالع الساعه : خلاااص المحل بيصكر الحين
محمد : شو تبين ...؟
اريج : باخذ اشياء من السوبر ماركت وعقب بمر الصيدليه باخذ دوا للوالده
محمد : السوبر ماركت ما بيصكر .. بس الصيدليه يمكن .. عطيني اسم الدوا وباخذه
اريج صدت وقالت وهي متنرفزه : لا شكرااا ..!
محمد ضحك وقال : محد فار عقلج غير هالمهرجات اللي مرابعتنهن
اريج عصبت وقالت : لا تقول لرفيجاتي مهرجات
محمد ابتسم وقال : لا تخليني أعصب ترا نحن بروحنا
اريج احمرت وقالت : متى يجي هالحمار بعد
محمد يضحك : خلاااص شكله يااه ما تشوفينه يتحرك
اريج خذت نفس طويل وقالت : الحمدلله ما بغى ..!
محمد : ما تبين الدوا ..؟؟
اريج شافت ما في حل غيره وقالت : خذ هذا الكرتون
محمد شافه وقال : عرفته خليه عندج
اريج طلعت بيزات من الجنطه ومدتهم له : خذ
محمد : ما ابي
اريج : على كيفك هو ..؟؟؟
محمد : قلت لج مابا
اريج : خلااص ما ابغى الدوا
محمد ابتسم وقال : والله بييبه وبشتريه بعد بفلوسي
اريج : انت اللي حفلت انت اللي بتصوم ثلاث اياام
محمد ابتسم : اش فيها يعني لو شريته ..!
اريج نزلت راسها وقالت : هذا باب المصعد تبطل ..
محد مد يده وقال : شرفي يا المهرجه
اريج طالعته بنظره وطلعت من المصعد وهي تطالعه وقالت : أوووف منك ..
محمد : حاسبي حاســـــــــــــبي ...!
اريج طالعت يدامها .. بالفعل باب البنايه .. وضحكت وقالت : كله منك
محمد ابتسم : حتى هاللوم تفرينه علي ...! أعوذ بالله منج
اريج ابتسمت وطلعت تروح للسوبر ماركت ..
ياربي اش جاه محمد مستوي حنون ومتغير ...! لأأ هو من يوم شفته حنون وطيب بس أنا اللي أفهمه غلط دايم واقول عنه مب زين .. بس تصرفاته تظهر لي العكس ...
/
.
شوق تطالع نور مستغربه : احلفي قالو جذي
نور : اي والله سمعت أمك تقول ان عمك قال بيسافرون بكررره
شوق : يعني اليوم بليل ابوي بيكلمني
نور : والله مدري .. بس هم على اساس يسافرون الاثنين بس عبود كان مرقد من كذا عمك أجل السفره
شوق : آهااا
نور : حتى مدري اش قالو .. المهم خالتي قالت لي نجهز لهم شي زين اليوم لأن طول الأيام وخالتي بالمشفى ومسؤولية البيت علينا .. فـ اليوم هي بتطبخ
شوق : اي أحسن
نور ابتسمت : وجع ان شاء الله ههههه
شوق : اي والله نرتاح اسبوع كامل ونحن نطبخ
نور ابتسمت : عادي انزين بكره في بيتنا أكيييد كذا
شوق : نور أنا خايفه
نور : ليييه طيب ..؟؟
شوق : اليوم أخر يوم لهم أكيييد ابوي بيكلمني عن براك
نور : انتي خليك قويه ولا تحاتين وان شاء الله خير ...
شوق ابتسمت : ان شاء الله
نور : وبعدين ما عليك يحلها ربك ان شاء الله
شوق : الله يسمع منج نويره
نور : ودي نتجمع بكره
شوق : اي والله بس المشكله عمي بيسافر بكره ما يصير
نور : ليه هم الساعه كم تعتقدين طيارتهم ..؟
شوق : يمكن الصبح
نور : خلاااص بشاااور البنات ويصير خير
شوق ابتسمت : يصير خييير ..
/
.
/
يوم الجمعه ..
روان تكلم أريج : والله العظيم يعني مو مصدقتني ..!
اريج تضحك : لا لا صدقتج
روان : تصدقين عاد ..! يهبببل والله
اريج ابتسمت : واااي روانو لا تخبليني
روان : ويه ويه عن تحسديني بس ..! ههههه
اريج : اسويها ليييش لأأأ
روان : انتي شو مسويه
اريج : ماشي .. بس في سالفه خطيييررره
روان : اشلون ماشي ..! وفي سالفه خطييييره
اريج : ههههه أقول لج ..؟؟
روان : اي أكيييد قولي بسررعه
اريج : الله يسلمج امس وانا نازله استخدمت المصعد وأنا أكلم ملاك الا ادخل ومو حاسه بالدنيا
روان : اوكي
اريج : انزيييين ودخلت بعد ما تصكر الباب شفت ...! توقعي منو ..؟
روان : منو يعني ...؟؟ من غيره محمد ..!
اريج تضحك : شطوووره المهم ولا يعلق المصعد
روان : لا لاااا له ..!
اريج : والله
روان : واش صار ..؟
اريج : جآن اخاف وهو مد يده يدق جرس الانذار وأنا فهمته غلط وجآن أصرخ عليه بس كلمني عدل وجذي
,, حتى شرا لأمي الدوا
روان تبتسم : والله فيه الخيـــر
اريج : اي والله بس بعد ملقووووف
روان تضحك : الله ياخذ بليسج على هالأفكار يالدبه
اريج : المهم ..! ما قلتي لي اش صار ..؟؟
روان : ما صار شي بس يا مع ابوه وطلعت لهم شوي ... وطبعا كله يقز ما شاء الله عليه هههههه ..
اريج : قولي والله تم يطالعج
روان تضحك : أمزح .. شكله محترم .. وبعدين قعدنا شوي وطلعو
اريج : آهااا ..! يا ليتني موجوده ههههه
روان تبتسم : أونج عآد تبين تسرقينه ها ههههه
اريج : منو قال ..؟؟ كله تفكيرج غلط
روان : دريتي ملوك وافقت
اريج : اي أقول لج توني أمس مكلمتها
روان : يلا زين أنا وملاك انخطبنا الدور عليكم
اريج : ويه ويه بعيييد الشر عنا والله
روان تضحك : ههههه لا تقولين جذي .. وبعدين هذي سنة الحياااه
اريج : روان بسألج سؤال وتجاوبين بصرآحه
روان : آمري ..؟؟ تدللي ..؟
اريج تبتسم : يه يه كل هالدلع لي ..؟؟
روان تضحك : أقوووول قولي بسرررعه لا ايي بيتكم واذبحج
اريج : انزيييين انزييين .. رواني انتي مقتنعه باللي وافقتي عليه ..؟
روان بحزن : اي أكييييد ولا كيييف بوافق عليه
اريج : روان أكيييد ... ومروان ..؟؟
روان : يا أريج مروان تركني لازم أنساااه
اريج : بس ..؟؟
روان : روان هو اللي اختار هالشي مو انا
اريج ابتسمت بحزن : أوكي
روان : اقووول اروووجه شكله الوالد يناديني بروح بشوفه وبكلمج عقب
اريج : أوكي حبوبه
/
.
/
ملاك : ادخــــل ...؟؟
مايد دخل وهو مبتسم : مسآء الخير يا عروووس
ملاك ابتسمت بحيا وقالت : مسآء النور ميود
مايد تجدم ومد يده لها .. ملاك استغربت ومدت يدها .. مايد باس راسها وقال : مبرووووك
ملاك ابتسمت له : الله يبارك في حياتك
مايد : كبرتي ملوووك ههههه
ملاك ابتسمت بحيا : ميووود وبعدين توني مخطوبه شو كبرت .. جني صرت يده
مايد يضحك : هههههه لا بس أتخيلج ههههه
ملاك : مليييييق
مايد يبتسم : تعالي تحت
ملاك بسرررعه : لالا .. مابا أنزل ..!
مايد يضحك : ترا ما بياكلج الريآل
ملاك : مابا .. يصير خييير عقب
مايد ابتسم : ممكن تيلسين الحين بكلمج شوي
ملاك مستغربه : ان شاء الله
مايد : ملاك بسألج سؤال وجاوبيني بصراحه
ملاك قعدت وقالت : اش سالفة الصراحه اليوم ...! اسأل ..؟؟
مايد : انتي موافقه على راشد صدق ولا مستحيه مني ومن أمي ..؟؟
ملاك مستغربه : ليييش ..؟؟
مايد : بس أسألج سؤال ..؟؟
ملاك : لا مقتنعه حتى اني صليت استخاره ..
مايد : آها .. يلا عاد خير ان شاء الله
ملاك : ان شاء الله
مايد ابتسم : عاد ابااج تعقلين الحين ههههه
ملاك : جييييه تشوفني مينونه
مايد ابتسم : شوي هههههه
ملاك : ميوووود لا تتمسخر
مايد : يلا ننزل ..!
ملاك : مابا
مايد : برايج عاد
ملاك ابتسمت : ما بنزل يعني ما بنزل ههههههه
مايد : يلا عاد أنا بنزل
ملاك : أوكي
مايد وهو طالع : للمره الثانيه مبرووووك
ملاك نزلت راسها وابتسمت ...
كنت اتريا هاليوم طول عمري .. ما اصدق يا راشد وأخييييررررا صرنا لـ بعض ..! يلا الحمدلله وعسا الله لا
يفرقنا عن بعض ونظل طول عمرنا عايشين بأمان وسعاده ..
/
.
/
نور مبتسمه : شفتي يالدبه .. قلت لك انهم ما بيقولون لك
شوق : منو قااال ..؟؟
نور : الصبح راحو وخلاص الحين اكيييد واصلين الكويت ومن ساعات
شوق : اش دراج ..؟
نور : كأني انا الكويتيه مو انتي .. حبيبتي الحين نحن الساعه ثمانيه العشا
شوق ابتسمت : والله
نور : اي والله
شوق : يعني ابوي ما بيكملني ..؟؟
نور : لأأأأ مستحيل لأنو ولد عمك راح للكويت
شوق ابتسمت : الله يبشرج يالخير نواري
نور : آمييين
شوق مستغربه : بس ليييش ابوي ما كلمني ..؟؟
نور : والله مدري
شوق : تتوقعين ..؟؟
نور : أكيييد شافك تعبانه وغير ان هذي آخر سنه وبعدين اخوك عبدالله نوموه بالمستشفى
شوق هزت راسها : اي صح
نور : يلا ان شاء الله تمر هالفتره بسرررعه
شوق : ان شاء الله .. بس نور ..؟؟
نور : ايييش ..؟
شوق : تتوقعين مره ثانيه عمي بشهر سته يجي ويخطبني لولده بعد الامتحانات
نور : والله ما أعرف
شوق : نواري أنا حاسه والله حاسه .. ويمكن براك بيي معانا المانيا لأنه رفيج عزوز
نور عقدت حياتها : والله ما اعرف
شوق : يااااربــــــــــي
نور : انتي طولي بالك ولما يجي شهر سته يصير خييير
شوق دمعت : الله يعيني طول هالأشهر يا نور
نور ابتسمت : انتي اذكري ربك وديري بالك على حالك وع الدراسه وما يصير الا كل خييير
شوق : ان شاء الله
... في طرف آخر من المنزل ...
أم عبدالعزيز : يعني ما بتكلمها ..؟؟
بو عبدالعزيز : اي ما بكلمها ..
أم عبدالعزيز : لييش انزين ..؟؟
بو عبدالعزيز : بو براك قال انطر لما تخلص البنيه دراستها وبعدين مب باقي شي
أم عبدالعزيز : اي صح
بو عبدالعزيز : بس بو براك وعدني اني أكلمها بس مو الحين .. لما تخلص امتحانات ان شاء الله وتتخرج
أم عبدالعزيز : يصير خير وقتها ان شاء الله
بو عبدالعزيز : وينهم الحين ..؟
ام عبدالعزيز : كل واحد بداره
بو عبدالعزيز : هذيل حتى يوم الجمعه منعزلين عن العالم
ام عبدالعزيز تبتسم : تصرف مع عيالك ههههه
بو عبدالعزيز ابتسم : الله يحفظهم
ام عبدالعزيز : متى قررت تكون السفره
بو عبدالعزيز : بعد ما العيال يأجزون ان شاء الله .. شوق وعبدالعزيز ونور بيسافرون .. ونحن بنروح
الكويت
أم عبدالعزيز : ان شاء الله
بو عبدالعزيز ابتسم : عاد الكل مشتاق لج هناك
أم عبدالعزيز تضحك : فيهم الخير والله اسبوعيا يدقون علي
بو عبدالعزيز : الله يديم هالمحبه بينكم
أم عبدالعزيز : آميييين
بو عبدالعزيز : عاد قبل ما نروح للكويت بناخذ شوق معانا عشان كل شي عن الخطوبه والكلام اللي بيدور بينا
بيكون في الكويت
أم عبدالعزيز : ان شاء الله
بو عبدالعزيز ابتسم وقالت : عاد الحمدلله ما كلمنا شوق الحين لأنه بتنشغل عن الدراسه
أم عبدالعزيز ابتسمت : اي بتهمل دراستها ... تخلص أبرك لها
/
.
/
بدور : لأ محد طلع ..
أحمد مستغرب : في العاده ما شاء الله يوميا طلعات
بدور : اي والله
أحمد : شاللي تغير ..؟؟
بدور : صكونا بعين ههههههه
أحمد : اي والله يوميا طلعات لااازم يصكونكم بعين
بدور : خلاااص بنروح لشيخ يقرا علينا هههههه
أحمد : والله انج هبله
بدور تضحك : لا تخليني أزعل ها ...!
أحمد : لا لا دخييييلج
بدور : انزييييين
أحمد : وبعدييييييييين
بدور : ماشي
أحمد : اليوم ملل
بدور : اي والله لأنه يوم الجمعه والعاده نطلع عاد اليوم انحبسنا
أحمد : وين الله يخليج ..! أنا طالع وملل
بدور ابتسمت : تعالي خذني معاك
أحمد ابتسم : يلا عاد تجهزي هههه
بدور : ويروح الملل مووو ...؟
أحمد : أكيييييييد
بدور : تدري أحمد اشتقت لأهلي وايد
أحمد ابتسم : تراج بتردين لهم بعد كم شهر
بدور ابتسمت : هو ودي وما ودي بنفس الوقت
أحمد ابتسم : وليييش يعني ..!
بدور : والله ما ودي أفارق أهل دبي
أحمد ابتسم : وأهل دبي ما يبون يفارقونج
بدور : لا والله ...!
أحمد : ما تصدقين برايج
بدور تبتسم : خلاااص خلاااص صدقت ههههههه
أحمد : أشوه ع بااالي بعد ...!
بدور : أحمد أنا بروح بتابع الفلم
أحمد : فلم شو ..؟؟
بدور : على ام بي سي اكشن
أحمد ابتسم : مدمنة افلااام ..؟؟
بدور : اي ههههه
أحمد : أوكي عاد روحي شوفي بس اعرفي اني ميت ملل
بدور : شوف الفلم واعتبرني اشوفه يمبك ...!
أحمد ضحك : لا والله ..!
بدور : اي صج
أحمد : أوكي عاد عن تتخبلين روحي شوفي الفلم
بدور : ههههه الظاهر جذي ..
أحمد : يلا عاد مع السلامه
بدور : مع السلامه
/
.
/
راشد ابتسم لـ مايد : حلو يوم الجمعه صح ...!
مايد ابتسم بحزن وهو يطالع البحر : لأنك خطبت اللي تباها طول عمرك .. اليوم ...؟؟
راشد : تقدر تقول جذي
مايد ابتسم له وهو يحط يده ع كتفه : الله يوفقك يارب ..
راشد ابتسم له : آميييين
مايد بحزن : دير بالك عليها .. ترا ملاك مالها أحد غيري وغيرك ..!
راشد وهو يطالع البحر : حتى نحن ما كان لنا أحد غيركم ويا الوقت اللي أرد الجميل
مايد ابتسم : نحن أهل وبنتم طول عمرنا أهل
راشد ضحك بسخريه وقال : ميووود ليكووون زعلان لأن ملاك بتروح عنك ...!
مايد يضحك : هههههههههه الله يغربل عدوينك قول آمييين
راشد : لا لا مساكين خلهم يتهنون شو الله يغربلهم بعد ..!
مايد ابتسم وقال : ويا راسك ...! ع بالك بنيه أصيح يوم أختي تتركنا وتروح
راشد ابتسم وقال : ميووود أنا متأكد انك حزين لملاك
مايد ابتسم له وقال : ولييش أحزن لملاك وأنا أعرف انها بتروح لـأحسن انسان عرفته بالدنيا ويعرف قدرها
وبيعشها أحسن عيشة ان شاء الله
راشد ابتسم وقال : أصيل ميووود
مايد ابتسم له وقال : بس ها لو تتضايق منك شوي شوف شسوي فيك
راشد يضحك : قول أنا شسوي بروحي ..!
مايد ابتسم وقال : شوف أقول انه يقدرها ..
راشد يعقد حياته : منو هذا اللي يقدرها ...!
مايد يضحك ويقول : ارمس البحر انا ههههه
راشد ابتسم وقال : ميووود أكيييد انت مب حزين لملاك ..؟
مايد ابتسم بألم وقال : يا ريت ياراشد لو اني حزين لملاك .. ع الأقل تروح لبيت ريلها وأتعود ع العيشه
عزوبي .. مهما صار تظل أختي .. يا راشد أنا همي أكبر عن جذي بواااايد
راشد مستغرب : اش فيك ميووود ..
مايد حبس الدمعه وقال : يا راشد الانسانه اللي كنت أتمناها شريكة حياتي وأم عيالي وزوجتي وأختي وأمي
وكل شي ...! فقدتها
راشد مستغرب : فقدتها ....!! ميووود لا تقول سعاد صار فيها شي ...؟؟
مايد بألم : ياريت لو صار فيها شي ع الأقل أدري اني ما راح التقي فيها أبد ..! بس يا راشد سعاد اليوم
عرسها ...!
راشد مصدوم : عرسها ....؟؟
مايد : هي عرسها يا راشد
راشد : وكييف ومتى صااار ..؟؟
مايد : قبل فتره ولد عمها خطبها ..
راشد : وهي جبروها ولا كيف ...؟؟ ما أحيد عمي بو سالم معقد
مايد : لا بروحها اختارت الفراق
راشد : مايد ترا الدنيا ما تسوى ..! لا تسوي بروحك جذي
مايد وهو يطالع البحر : بروحها اختارت هالشي .. روحها وافقت على ولد عمها ..!
راشد : لا تظلم البنيه يا مايد يمكن عندها ظروف ..!
مايد : شو ظروفه يا راشد ...! وبعدين ع الأقل تبرر لي وتقول يا مايد أنا ما اقدر لـ كذا وكذا ..
راشد : يا مايد مهما كان البنيه لا يمكن تبين لك هالشي ..! وبعدين مهما صار أكيد البنيه يكون فيها حياء ولا غير جذي لييش بنيه
مايد ابتسم بألم وقال : خلاااص مهما صار وبيصير سعاد اختارت غيري والله يسعدها
راشد ابتسم له وحط يده ع كتف مايد وقال : يا خوي لا تكدر بخاطرك ترا الدنيا ما تسوى
مايد ابتسم له وقال : اللي صار صار وهذا نصيبي
راشد : يا خوي وبعدين الديره ماشاء الله فيها بنات أشكال وألون
مايد ابتسم وقال : بس سعاد غير كل هالبنات يا مايد
راشد : شاللي غير ..؟؟
مايد : مثل ما ملاك غير بنظرك .. سعاد غير بنظري
راشد ابتسم له وقال : استغفر ربك ياخوي وبعدين اليوم عرس البنيه ما يصير ترمس عنها جذا
مايد ابتسم وقال : استغفر الله العلي العظيم
راشد ابتسم له وقال : تعال نركب السياره ونفتر شوي
مايد : أنا بسوووق ..!
راشد ابتسم له وقال : لا والله وبعدين أدري بك بتموتنا
مايد ابتسم : ع الأقل ارتاح
راشد قال بجديه : ميووود اش هالكلام وبعدين انت اش سويت بدنياك عسب تموت ..! غير جذي خبرني انت جاهز للحساب ...؟؟
مايد نزل راسه : وين بقى فيني شي يحس يا راشد ...؟؟
راشد : تعوذ من ابليس يا مايد .. وغير جذي ترا البنيه لو راحت ييي مكانها عشر وانت مليون وحده تتمناك
مايد سكت لأنه ما عجبه الكلام
راشد : مايد لا تستوي شرات هذيل اللي ما عندهم سالفة ..! أونهم ابا أموووت وأفتك ...! يا خوي اش سويت لآخرتك وبعدين أدري انك بتفتك .. اي أكيييد بتفتك من عذاب الدنيا ..! بس عذاب الدنيا ع الأقل له نهايه .. أما عذاب ربك غيير ..! يا خوي خاف ربك وبعدين الموت ماهو بـ لعبه ..!
مايد ابتسم : ونعم بالله
راشد ابتسم وقال : اسمح لي ع الأسلوب اللي مب شي ..!
مايد ابتسم له : والله أدري ان كل كلمه قلتها لـ مصلحتي
/
.
/
مرت أيام على حياة البنات ... شهرين ..! شهر يناير محد حس فيه .. صارت فيه كل التغيرات ..! اللي انخطب واللي ملك واللي حب .. كل شي تغير ...! أما شهر فبراير مر حلو وبسررررعه ع الكل .. دراسه شغل ولاهيين مع بعض .. واللي مع تجهيزات العرس .. وكل وحده بوادي ..!
شهر مارس
ملاك ملكت .. وراشد صار ما يقدر يستغنى عنها ..
روان بعد ملكت .. أمورها ماشيه أوكي مع فهد وتحس انها تأقلمت معاه من بعد ما تركها مروان
يتبع >>>>
شوق أفكار توديها وأفكار تييبها .. براك متى بيخطبها وغير جذي شو بيكون موقفها جدامهم وموقف نواف من أخوه ..
نور مهتمه بدراستها ومب باقي شي ع الامتحانات .. شهر ابريل كله بتخليه مراجعه وشهر مايو راح يمتحنون وبيتخرجون ان شاء الله
بدور علاقتها صارت أقوى مع أحمد .. صارت ما تخلي التلفون يرتاح أربع وعشرين ساعه لق لق لق .. غير جذي تعودت عليه أكثر وأكثر ..!
أريج حست روحها تميل لـ محمد وغير جذي تنتظر متى تروح للكليه وتشوفه الصبح ومتى ترجع عشان تشوفه .. حست انه شخص طيب وحنون غير اللي كانت تشوفه قبل .. يمكن الحياه غيرته أو يمكن غيرت نظرتها له
بالنسبه لـ سعاد .. تزوجت من شهرين خلاااص ونست شخص اسمه مايد .. لأنها مهما كان راح توفي لأبو عيالها بالمستقبل
مايد حياته متدهوره مابين جزر ومد ...! مايدري منو الصح ومنو الغلط .. ومن كثر التفكير بدا يتخذ قرارات فجائيه بدون ما يستشير أحد
مروان انعزل عن الكل ... لدرجه غير رقمه وكل شي .... وهو المفروض العكس .. يحس بالوحده والفراغ والملل بحياته ..! بس شـ يسوي هذا نصيبه ..!
/
.
/
يوم الأحد الصبح ...
مايد نزل وهو مشغول بالتلفون .. فجأه قال : أمي ..! ملاك اباكم في سالفه ..؟؟
ملاك مستغربه منه حتى ما سلم ..!
أمي فاطمه : آمر ولدي ..
مايد نزل وقال : صباح الخير
ملاك وأمي فاطمه : صباح النور
مايد يلس وهو مبتسم : قررت اتزوج ..!
ملاك مستغربه : تتزوج .............؟؟
أمي فاطمه : تتزوج ميووود ...!!
مايد : هي بتزوج ...؟؟
أمي فاطمه : والله هذي الساعه المباركه ولدي
مايد ابتسم وهو يقول : الله يخليج لنا يارب
امي فاطمه : سألت نسيبك أول ..؟؟
مايد يضحك : صار نسيبي هي ..! هههه لأأ بعدني
أمي فاطمه : عاد نسأله ونشوف
مايد : ما عليج أمي .. راشد موافق .. شوقلتي ..؟؟
أمي فاطمه : أنا موافقه بس خبرني منو البنيه عسب أشوفها ولا تباني أختار لك
مايد : لا لا اخترتها
ملاك مستغربه وهي متأكده انها سعاد : منو .......؟؟
مايد ابتسم : وحده تشتغل عندي في الشركه
ملاك متخرعه .. تشتغل عنده ..! بس سعاد ما تشتغل عنده ..! منو عاد : منو هذي ..؟؟
مايد : وحده اسمها وصايف
ملاك بغيض : عن مسوية لك سحر بس ..!
مايد عقد حياته : شو هالكلام ملاك ..؟؟
ملاك نزلت راسها : لا ما اقصد شي
أمي فاطمه : ومن وين هذي وبنت منو ..؟؟ وبنت جبايل ولا ..؟؟
مايد : هي أمي .. دارسه ومحترمه ..! ومن قوم الـ .............. بس مشكلتها انها عايشه مع عمها وما
عندها أحد غير عمها وحرمته وعياله .. قلت البنيه فقيره خل اتزوجها وجذي ..!
أمي فاطمه : بس الفقر مب عيب يا ولدي ..
مايد : ادري مب قصدي فقيره فقيره بيزات ..! قصدي على نياتها
أمي فاطمه : هي .. عيل بنروح أنا وملاك نشوفها ويصير خير
مايد : ما يخصني تشوفونها ولا ما تشوفونها ..! بخطبها يعني بخطبها
أمي فاطمه : يصير خير ان شاء الله
مايد وقف : يلا عاد بروح الشركه
أمي فاطمه : الله وياك
مايد : مع السلامه
أمي فاطمه وملاك : مع السلامه
بعد ما طلع مايد ملاك طالعت أمي فاطمه وقالت : امي ليكووون هذي ساحرتنه ..!
أمي فاطمه : شو هالكلام يا بنتي ..؟؟ وبعدين قال لج البنيه على نياتها
ملاك : مو بعيده تكون حيه من تحت تبن ...!
أمي فاطمه : انتي اذكري ربج وان شاء الله ما يصير الا كل خير
ملاك وهي توقف : ان شاء الله
أمي فاطمه : يلسي ..! توج ما كليتي شي ..؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك