بداية

رواية ياروح الروح حبك فرضته -28 البارت الاخير

رواية ياروح الروح حبك فرضته - غرام

رواية ياروح الروح حبك فرضته -28

بيت طلال
ساره:انا تأخرت ولازم امشي
لجين:سارونه ماشبعنا منج قعدي شوي
ساره:الحين عمار يطلع من الدوام ولازم ارجع البيت قبله
لجين:دام جذي مانقدر انقول شي
اميره:سارونه وديني البيت
طلال:لا انتي قعدي
اميره بخوف:طلال مابي بروح بيتنا
مريم:ههههههه يحليلج يامرت خالي
طلال:ماكو روحه اليوم
اميره شوي وتبجي:طلال بروح بيتنا
طلال:ههههههههههههه ليش خايفه جذي
اميره:مو خايفه بس اشتبي اناس اتقول رايحه بيت ريلها قبل العرس
لجين:اميره عفيه قعدي عندنا اليوم
اميره:لجون والله ماقدر عندي شغل لي الراس ولازم اخلصه
طلال:انا اوديج اتخلصين شغلج
دلال:وااي طلال اشفيك عليها خلها على راحتها وبعدين كلامها عدل موحلوه تدخل بيت ريلها قبل العرس
وبهل وقت وصل مسج حق لجين
لجين من قرت المسج انصدمت...وبعدها بشوي وصلها مسج ثاني...ولمن قرته ملامحها تغيرت بالمره
طلال:لجون من منوا لمسج
لجين مرتبكه:هلا... من ارفيجتي
طلال يطالعها وهوه رافع حاجبه:قومي جدامي ابيج
لجين:انشالله
قامو ادخلو الغرفه وبعدها بعشر دقايق طلال من الغرفه وهوا معصب
طلال:اميره تبين اتروحين البيت الحين
اميره بستغراب:مو مشكله اي وقت
طلال:عيل قومي يالله
اميره:اوكي..... طلولي ماما بتنام عند خاله لجونه
طلول:اي ماما
اميره:طلولي حبيبي اسمع كلامها ولاتأذيها انزين
طلول:انزين
اميره:شاطر حبيبي وباسته...يالله مع السلامه
البنات:الله يسلمج


بسياره
اميره:طلال شفيك
طلال:مافيني شي
اميره:لا فيك شصاير
ورن تليفون طلال
طلال:هلا ليث
ليث:هلا فيك ....شلون معرسنا
طلال:بخير انت اشلونك وشلون الشغل معاك
ليث :ماشي الحال بس يبيلي وقت عشان اتعلم اكثر
طلال:الله يوفقك انشالله
ليث:آمين ...طلال وينك
طلال:طالع بغيت شي
ليث:اي والله بغيت اقولك شغله مهمه
طلال:خير
ليث:طلال بصراحه ودون لف ودوران انا ابي لجون
طلال :نعم نعم ماسمعت شتبي
ليث:ابي اتزوج لجون فيها شي
طلال بعصبيه:اي فيه وفيها انت ماتستحي على ويهك البنت ماصارلها يومين متطلقه داق اتخطبها
ليث:عمي مافيها شي انا قلت اعطيكم خبر عشان اذا احد خطبها اتقولوله محجوزه لي
طلال بعصبيه:لا انت اكيد ينيت انت ناسي انها الحين بالعده مايصير تخطبها.
ليث:لا مانسيت بس ابي اعطيك خبر قولها خل اتفكر واذا خلصت العده نملج على طول
طلال بصراخ:ليوث اعتقد كل شي له وقت وقاعد اقولك البنت الحين بالعده ومايصير تخطبها تفهم ولا لاء
ليث:انا بس بغيت اعطيك خبر
طلال بصراخ:لا انت اضاهر ماتفهم وصك التليفون بويها
اميره:حياتي ممكن اتهدي شوي
طلال اخذ نفس عميق:غبي والله اقوله يمين يقولي يسار
اميره:تبي الصراحه لو انا مكانه بسوي جذي لجون ماتتطوف
طلال :اوكي ماقلنا شي بس كل شي بوقته
اميره:ميخالف حبيبي هد شوي ماحب اشوفك جذي
طلال يبتسم
اميره:اي جذي هذا حبيب قلبي موالي توه بس يصارخ
طلال مسك ايدها:حياتي انتي
اميره وهيا متضايقه:طلال اذا لجون خلصت العده بتزوجونها ليث
طلال:لي ذاك الوقت الله كريم
ورن تليفون طلال
طلال :هذي لجون
اميره:اكيد طلول قاعد يبجي
طلال:هلا لجون
لجين:طلال وصلتني مسجات غير الي قريتها
طلال:وشنو مكتوب فيها<<<مايبي اميره اتحس
لجين:..........هذا كل شي
طلال:اوكي انا اتصرف الحين
لجين:طلال عفيه بهدوء وبدون عصبيه
طلال:انشالله...الا السمي وينه
لجين:نومته
طلال:اي زين مابجى
لجين:لا قتله قصه ونام
طلال:اي زين اميره كانت اتحاتي
لجين:قولها ولدها بأيدي امينه
طلال:لا اهيا تخاف يبجي الانها مو عنده
لجين:والله ولا سأل عنها
طلال:هههههه هذا جنه يبي الفكه منها
لجين:اتلاقيه مستانس بس انشالله مايقوم باليل
طلال:لا اهوا مايقعد بليل
لجين:اي اشوه...خلاص ماأعطلك يالله باي
طلال :باي.. ويلتفت على اميره....ولدج نام ولا سأل عنج
اميره:الخاين من شافها نساني
طلال :انا ابيه ينساج
اميره:ليش
طلال بخبث:ابيج لي بروحي
اميره:وانا لك بروحك
طلال :يابعد قلبي .... متى ايي يوم العرس بس لاعت جبدي
اميره:هانت كلها جم يوم.
طلال كان واقف عند باب بيتهم
اميره :ماتبي تنزل
طلال:لا خليها باجر الحين عندي شغله ولازم اخلصها
اميره:اوكي تصبح على خير
طلال :وانتي من اهله
اميره:باي
طلال:باي ويعطيها بوسه بالهوا
طلال مسك تليفونه ودق


ثاني يوم اساعه 9الصبح
طلول قعد من النوم وهوا يبجي يبي امه ولجين اي شي حاولت اتهديه ماقدريت...اطلعت من غرفتها وراحت غرفت طلال شافته نايم مابغت اتقعده من النوم الانه الساعه 7 دخل البيت...لجين ادخلت غرفتها وطلول ميت بجي يبي امه
لجين:طلول حبيبي الحين الحين اوديك بيتكم بس لاتبجي
طلول يبجي وشاهق:ابي ماما
لجين بدلت ملابسها وحطت فاونديشن وقلوس وردي فاتح وكحلت عينها ومسكره ..كانت تخفي الورم الي بعينها الانها طول اليل مانامت وبس تبجي
لجين:يالله حبيبي امش ..بس بالاول ماتبي تاكل شي مايصير تطلع وانت مو ماكل
طلول:ابي ماما
لجين انزلت تحت وحاولت اتريقه لاكن ماقدرت عليه الانه طول الوقت كان يبجي ...خذته وطلعو على طول ...ولمن اوصلت عند بيتهم
لجين:يالله حبيبي وصلنا عند ماما
طلول استانس بس كان ليلحين يبجي
لجين:خل ادق على ماما تطلع ...ودقت على اميره بس ماردت...تدري شلوني الله قوم خل نروح انطق الجرس
طلول:دين
لجين شالت طلال ونزلت طقت الجرس وضلت واقفه اتسولف معاه وتبوسه على خده اليمين
طلول يبجي:بوسيني بعد
لجين:هههههههههههههه انشالله وباسته..وبهل لحظه عبدالله بطل باب البيت
طلول قط روحه على عبدالله
عبدالله:اولله شمسوين فيك كل هذا بجي
لجين نزلت راسها:يبي امه وترا ماتريق
عبدالله:شلونج
لجين قلبها كان يطق بقوه وبدت ترجف :الحمدالله ...عن اذنك و راحت اركبت سيارتها بسرعه
عبدالله نطرها تمشي ومن مشت دخل داخل البيت
عبدالله كان يشم ريحة طلال وبوسه:ياحلات ريحتك والله ..وي بوسه....ياريحت اهلي ويبوسه مكان الي باسته لجين الانه خد طلال كان عليه رسمت شفايفها من القلوس
حنان:طلول من يابك
عبدالله وهوه لامه يبوسه:لجون
حنان: بس ذبحت الولد خله
عبدالله:ماقدر رحته حلوه
حنان تبتسم:اكيد حلوه اترد الروح بعد
عبدالله وبدون انتباه:آآآآآآآآه اترد الروح وبس
حنان:هههههه


مرت الايام ووصلنا لي اليوم الموعود يوم عرس طلال على اميره و بقاعة الرايه دقت الساعه وحان موعد دخول عروستنا .. ادخلت اميره وعلى زفت راشد الماجد كانت تمشي بخطوات بطيء
حد منكم شاف في الدنيا بدر *** مقبلٍ يمشي و من حوله بشر
من حلاه يزف للناظر ضياه *** ان ظهر للناس و لا ما ظهر
هذا ما هو بدر ليل يختفي *** مع طلوع الصبح و بزوغ الفجر
او بدر يصبح بعد مده هلال *** هذا بدر مكتمل طول الشهر


هي عروس النور في هذا الزمان *** هي ملاكٍ بس في صورة بشر
من غلاها انقول صلوا على الرسول *** يا اللي شفتوها بقلبٍ او نظر


الله يا نور في ها الدنيا نراه *** مستحيل ان نشوفه في بشر
و التقت شمس الظهيره بالقمر ***
و في محياها بدى الصبح بضياه *** مشرقً و خدودها واحة زهر
و العيون الي كما عين المهاه *** تمتزج فيها البراءة بالسحر


الليله .. الليله محلاها الليله *** الليله .. الليله حلوة و جميلة


شعرها ليل كسا الدنيا دجاه *** حالك متحدر كانه نهر
يحسبه قطعة حرير من رآه *** و الحقيقة هو حريرٍ من شعر
و الحسام الي صفا الوجنه كساه *** يبعث اشواق الحواجب للثغر
و الثنايا كالبرد بين الشفاه *** او كحبات الندى و لا المطر


عذبةٍ لو تلمس اطراف الحياه *** كل غصن فتح بوردٍ حمر
و العفاف بروحها يسقي بوفاه *** و الوفا في عينها النجلاء سهر


شاعر الوجدان واحلامه سماه *** مبدع و احساسه المرهف شعر
ماخذ من وصفه مبتغاه *** يا عسى الله يوهبه طولة عمر
الله يحفظها و يسعدها معاه *** شيخ بطيبة فواده يشتهر
والله يجعل كل دنياهم هناه *** يكتسي بالسعد كله و البشر
اوصلت اميره على الكوشه والبنات كانو حوالينها
بس لجين ماكانت موجوده والكل كان يسأل وين لجين..وليش مو يايه عرس عمها واقرب الناس لها
خلود:خولو العله شكلها مو موجوده
خوله:ليش ماسمعتي آخر خبر
خلود:لا قولي
خوله:يقولج السبوع الي فات تطلقت
خلود:كلللللللللللللللللللللللللللللوش....هذا احلى خبر سمعته بحياتي ..الحين انا المتزوجه وهيا مطلقه
خوله:واخيرا قدرنه نكسرها ونحرق قلبها
البنات كانو مستانسين يرقصون وصورون لين صار وقت دخول المعرس ..دخل طلال وهوه لابس البشت ومعاه عبدالرحمن وراشد وعبدالله وباجي الشباب العايله ..سلمو وباركو وطلعو والي ضل عبدالله وعبدالرحمن ووقفو على الكوشه عشان يصورون
طلال:امور حبيبتي عن اذنج
اميره وهيا تبتسم : اذنك معاك حبيبي
طلال نزل من الكوشه وكل كان مستغرب اشلون يطلع وهد عروسته على الكوشه
عبدالله:ريلج وين راح
اميره:بروح الحمام
عبدالله:الحمدالله وشكر يعني عيزان ينطر اشوي
عبدالرحمن:اي والله شكلنا غلط واقفين جذي وريلج كشت فينا
اميره:لاتخاف مانحاش الحين بيي
طلال قبل مايوصل عند الباب عشان يطلع غمز حق دلال وطلع
طلع طلال من القاعه وبنفس الوقت انطفت كل الاضواء
على الكوشه
عبدالله:ليكون طفت الكهربه
اميره:هههههههههه الحين اتعرف

وشتغلت زفت الجسمي بسم الله المعبود
بسم الله المعبود(بطيئه)


ودخلت احلى عروس وهيا لابسه بدلتها البيضه والطرحه نازله على ويها وماسكه بيد وحده باقتها الناعمه والايد اثانيه ماسكها طلال...لجين ادخلت بخطوات بطيئ وكانت مرتبكه وايد
طلال يهمس بأذنها:لجون ليش تتنافضين جذي مابتروحين على حبل المسنقه
لجين تبتسم


على الكوشه

عبدالله واقف ومومستوعب الي يشوفه
عبدالله:يعني شنو
اميره:يعني روح اخذ مرتك
عبدالرحمن:انت ماطلقتها
عبدالله:لا
بردكم اشوي لي اليوم الي كان فيه عبدالله عند المحكمه
عبدالله بعد ماوصله مسج لجين ماراح طلق الانه بالاساس عبدالله ماكان ناوي يطلقها...رد البيت على طول وقالهم خطبولي وحده الانه ...كان يبي الخبر يوصل حق لجين عشان تغار وترد بس الخبر ماوصلها ...و نفس اليوم الي شاف البنت فيه طرش مسج حق لجين
عبدالله(انا مابي غيرج الاني احبج )والمسج الثاني(لجون انا ماطلقتج ولا افكر اطلقج )
لجين لمن شافت المسج اعتفست
طلال:لجون من منو المسج
لجين برتباك:هلا من ارفيجتي
طلال يطالعها وهوه رافع حاجبه:قومي جدامي ابيج
لجين:انشالله
وقامو ادخلو الغرفه
طلال:عطيني تليفونج
لجين:طلال شفيك اقولك
طلال يقاطعها:وانتي من متى تجذبين علي اقولج عطيني التليفون
لجين:تفضل
طلال قرا المسجات وبعصبيه:هذا شايفنا لعبه عنده ولا يهال
لجين:طلال عفيه لاتتهاوش معاه
طلال:انا اعرف اشلون اخليه يطلقج غصبن عليه
لجين تضايقت ونزلت راسها
طلال حس فيها:انتي تبينه
لجين:....
طلال طرش من تليفونها مسج حق عبدالله (وليش ماطلقتني)
وبعد دقايق وصل مسج من عبدالله( احبج ماقدر اعيش بدونج)
طلال:لجون انا الحين اروح اكلمه وتفاهم معاه
لجين:طلال عشان خاطري لا تتهاوش معاه
طلال وهوه يبتسم: لاتحاتين بس بعرف ليش سوا جذي ..باس راسها وطلع
ولمن وكان طلال بسياره مع اميره ...دقت عليه لجين


طلال:هلا لجون
لجين:طلال وصلتني مسجات غير الي قريتها
طلال:وشنو مكتوب فيها<<<مايبي اميره اتحس
لجين: (اول مسج كلام حب )(وثاني مسج عندج مهله لي عرس طلال اذا مارديتي بتصرف معاج تصرف ثاني) وثالث مسج (اذا تبيني اموت لاتردينلي) وهذا كل شي
طلال:اوكي انا اتصرف الحين
لجين:طلال عفيه بهدوء وبدون عصبيه
وبعد ماوصل اميره مسك تليفونه ودق
عبدالله:هلا طلال
طلال:هلا فيك ..عبدالله وينك
عبدالله:بالبيت خير
طلال:ابيك بموضوع
عبدالله:حياك شقتي ماكو احد
طلال:اوكي انا عند الباب
وفوق بشقت عبدالله
طلال:ممكن اعرف ليش ماطلقت
عبدالله:بل امداها تقولك
طلال:لجون ماتخش عني شي
عبدالله بجديه:طلال هذي مرتي وانا ابيها ومومنحقكم تحرموني منها
طلال:بس البنت ماتبيك اتخاف منك
عبدالله بستغراب:ليش اتخاف مني
طلال:لجون اتخاف اترد وتفترقون مره ثانيه على سبب تافه او انك اتعايرها بحمد
عبدالله:معقوله..طلال كل الناس اتغلط مو بس انا ....والزواج لازم فيه مشاكل كبيره ....وبعدين انتو ماعطيتونه فرصه نتفاهم كلكم تدخلتو بالموضوع وهذا الي زاد الطين بله
طلال:يعني افهم من كلامك انك مو ناوي اتطلق
عبدالله:على جثتي لجون لي وماراح اخليها لو اموت
طلال من داخله طاير من الفرح :واذا اهيا ماتبيك
عبدالله:مستعد انطر العمر كله لين اتغير رايها وانا عطيتها مهله لي عرسك اتفكر وبعدها انا بتصرف
طلال :ناوي تطلبها ابيت الطاعه
عبدالله:لا ولا افكر اسوي جذي مو انا الي اطلب مرتي ابيت اطاعه في مليون طريقه اردها فيها....بجديه اكثر..طلال انت بتتزوج وبتسافر مافكرت فيها اهيا وين بتروح
طلال:عند عاليه
عبدالله:عبالك بترتاح ..لجون ماترتاح الا بمكانها وانا مابيها تتبهدل كل يوم ابمكان
طلال وعبدالله ضلو على هل حاله لي الصبح وطلال وعد عبدالله انه يكلمها بالموضوع ويعطيه خبر قبل العرس وعبدالله طلب منه محد يعرف بالموضوع مايبي احد يتدخل اكثر من جذي

نرد ..بقاعة الرايه
عبدالرحمن فصخ بشته ولبسه عبدالله:يالله الحين روح
عبدالله نزل من الكوشه وهوا يمشي بخطوات سريعه
...ولجين كانت ترجف اكثر وموعارفه سبب الرجفه هذي
..عبدالله من وصل عندها لمها حيل ..هني علا صوت اليباب وساره كانت اتصفر ههههههههه..
عبدالله:حبيبتي انتي احبج والله احبج...وباسه على راسها وخدها
طلال بخبث:عبدالله لادش بالعميق لاحق
عبدالله:طلال مشكور وماقصرت والله ماراح انسالك هل جميل طول عمري
طلال:لاشكر على واجب يالله اخذ مرتك وطس ...امووره ناطرتني
لجين وهيا ماسكه ايده بقوه:طلال تعال معاي
طلال:ههههههههههههه الي يسمعج يقول هذي اول ليله لكم....وامووره شسوي فيها
عبدالله:روحلها لاتكفخك الحين... وخلني انا مع القمر
طلال :عبدالله لجون امانه عندك ومابي اسمع بيوم من الايام انك مزعلها
عبدالله:لاتوصي حريص لجون بقلبي وعيني
طلال سحب ايده من ايد لجين وراح على الكوشه..وعبدالله شال لجين وطلع من القاعه ولحقوهم ساره ودلي وملي

عبدالله:وين ليش لاحقينا
ساره:بنوصلكم جناحكم
عبدالله:انتو حاجزين
دلال:اي طلال حاجزلكم جناح


وصعدو الجناح وكانت المصوره ناطرتهم...خذتلهم جم صوره وبعدها طلعت بس البنات ضلو
عبدالله:خير شعندكم واقفين
دلال:بنبدل لجون
عبدالله:انا ابدلها بعد شعندكم
ساره:عبود جنها طرده
عبدالله:لا مو جنها اكيد يالله بره
البنات اطلعو بره وعبدالله راح وراهم صك الباب ورد حق لجين...لجين كانت قاعده ومنزله راسها وكانت ترجف بشكل واضح...عبدالله قرب منها ومسك ايدها وخلاها توقف ولمها حيل كان مشاقلها بشكل جنوني ..قعد يبوسها مثل المينون ...وهوه يبوسها حس يدموعها تنزل على خدها ...باسه دمعتها الي كانت على خدها
عبدالله بحنيه:حياتي ليش كل هل دموع
لجين من حطت راسها على صدره انفجرت ..كانت تبجي مثل الطفله تبجي بحرقه ...لجين حست بالحنان الي فقدته ..بالصدر الدافي الي بعد عنها ..بالحب الي رجع ينبض بقوه بقلبها
عبدالله:لجون ياقلبي ليش تبجين جذي
لجين تبجي وتشاهق:عبدالله سامحني انا ادري اني قسيت عليك وايد واحملتك فوق طاقتك ...بس والله ماكان قصدي اهينك او اجرحك كنت مستعده اتحمل كل شي عشانك بس لمن شفتك تدعي انه بنتي اتموت عشان بس تفتك مني ...هشي هزني بقوه وماقدرت اتحمل اشوفك وكل ماشفتك تذكرت دعوتك عليها....عبدالله والله العظيم الي صار غصبن عني ...سامحني على كل شي سويته والله ماكان قصدي
عبدالله كان لامها بقوه :حبيبتي والله انتي الي سامحيني انا الي سببتج كل هل حزن ...كل الي صار من تحت راسي
لجين:لاتقول جذي انا غلطتي اكبر من غلطتك
عبدالله يقاطعها :اوووش لجونتي ممكن ننسى الي فات مابي شي يخرب علي اليوم وكل يوم خلاص الي صار درس لنا ولازم نبدي حيات يديده
لجين:انشالله
عبدالله:حبيبتي والله ...لجون ليلحين تحبيني
لجين وهيا تبجي:اي
عبدالله:ابي اسمعها
لجين:والله اموت فيك واموت بالتراب الي تمشي عليه
عبدالله بصوت عالي:وااااي ياناس والله احبها واموت فيها ...وخرها عنه شوي وباسها على شفايفها ...لجون ممكن سوال
لجين:تفضل
عبدالله يتحرش فيها:انتي عندج دموع وايد ومو عارفه شتسوين فيهم ...ليش تبجين على كل شي
لجين:....
عبدالله:شوفي شكلج مكياجج كله خترب ودشداشتي كلها توصخت...بالله من ويلي ملابس الحين
لجين وهيا تبتسم:لاتحاتي يايبيلك ملابس
عبدالله:منو يايبلي ملابس
لجين:ساره
عبدالله:ههههههههههههه والله اختي صايره حرامية ملابس
لجين:حرام عليك
عبدالله بخبث:لجونتي ماشتقتيلي
لجين انحرجت ونزلت راسها
عبدالله:فديت الي يستحون والله
لجين:عبادي ممكن اتوخر اشوي
عبدالله:ليش
لجين:بروح اغسل ويهي الحين شكلي مثل دلاكولا على قولت طلال
عبدالله:ههههههههههه....اوكي بس هذا آخر مره اوخر فيها عنج
لجين :عن اذنك...ودخلت الحمام غسلت ويها وطلعت
عبدالله:والله ويهج بدون مكياج مليون مره احلى
لجين :عبادي مسامحني
عبدالله:اذا انا ماأسامح نظر عيني اسامح منو
لجين:تسلملي عيونك...يابعد عمري
عبدالله:لا ماأقدر جذي ..لجونتي قومي ابدلج
لجين:لالا انا ابدل ابروحي انت اطلع بره وانا ابدل
عبدالله:انسي
لجين:عبادي
عبدالله:عيونه وقلبه وروحه وحياته ودنيتا كلها انتي
لجين:حبيبي انت ..عبادي خلني على راحتي
عبدالله:آسف
لجين:عبودي عفيه
عبدالله:انسي انا الي ببدلج ...وقام من مكانه وراح وقف عند لجين وكل ما قرب منها لجين ترجع لي ورا شوي
عبدالله مسك ايدها وسحبها صوبه:تعالي زين ولمها حيل
لجين حطت راسها على صدره:احبك
عبدالله: والله الحين اموت
لجين:اسم الله عليك يعل يومي قبل يومك ..عبادي لاتقول جذي
عبدالله:انشالله ..وباسها على راسها ...احبج..ورفع راسها وباسها على شفايفها
وبهل وقت رن تليفونه
عبدالله:منو هل قليل الادب الي داق هل وقت
لجين:اكيد طلال
عبدالله:هذا آخر واحد اتوقعه...مسك تليفونه هههههههههههه اي والله اهوا...هلا بالمعرس
طلال:باجر طيارتنا اساعه 9 نام امبجر موتنسى روحك
عبدالله:ليش باجر بنسافر
طلال:اي انا مضبط كل شي وجوازك عندي..نام مبجر زين
عبدالله:والله يخوفي انت الي ماتنام امبجر
طلال:لا انا ماني نايم بضل قاعد لي الصبح يالله باي
عبدالله:ههههههههه باي
لجين وهيا حاطه راسها على صدره:شفيه
عبدالله:خلينا من طلال وقوليلي مومشتاقتلي...وباسها
لجين بحراج:عبادي
عبدالله:عيونه ونبض قلبه انتي
لجين: الله لايحرمني منك وخليك ذخر على راسي طول العمر
عبدالله :ولا يحرمني منج يااحلى شي بدنيتي كلها
لجين:عبادي اوعدك اني اسعدك وكون لك الزوجه الي تحبها وترضيك طول العمر
عبدالله:حياتي انتي ويلوموني ليش احبج كل هل حب مايدرون انج انتي النبض
لجين:احبك
عبدالله:لي هني وبس ماقدر
عبدالله ولجين كانت فرحتهم ماتنوصف بهل يوم ....حياتهم الي كانت على وشك الانهيار ارجعت تماسكت وصارت احسن من قبل..رغم كل المحاولات الي التخريب الي صارت ..عبدالله ولجين ردو الانه حبهم كان اقوا من كل المحاولات هذي



بعد مرور سنه

خلود تطلقت من عمر بعد ماكتشفت خيانته لها مع اختها خوله وهذا كان اكبر صدمه بحياتي ولي خلتها تفقد النطق بشكل مؤقت
مريم تزوجت محمد ولد عمها
دلال وزيد الله رزقهم ابتوم صبيات وسموهم راشد وفهد وطلال يسميهم شحيت ومحيت
ساره وعمار الله رزقهم بولد وسموه (اوس)
طلال واميره .طلال تعلق بأميره وايد وفج اشوي لاحضو شوي عن لجين والله رزقه ابنت وسماها لجين وهوا طاير فيها
اما عصافيرنا الحلوين
لجين كانت بغرفت الولاده وصارلها اكثر من 17ساعه ولادتها كانت حيل والكل حاط ايده على قلبه لايصير فيها نزيف
عبير:وايد طولت هذي مو بجر الي طول جذي
حنان:الله يسهل عليها انشالله ودام عبدالله معاها لاتحاتون
عاليه:والله ماحاتيت دلول كثرها
شوي وطلع عبدالله شايل ولده بيده
حنان:حمدالله على سلامتها ومبروك علينا هل حلو
عبير:مبروك ماياكم ويتربه بعزكم انشالله
عبدالله:الله يبارك فيج عمتي
عاليه:عبدالله يمه لجون شلونها
عبدالله:بخير الحمدالله بس اتعب من بو صماخ
عبير:ههههههههه يحلاته ويحلات صماخه والله
طلال:هذا نسخه منك كوبي
عبدالرحمن:اي مو يقولون هذا الشبل من ذاك الاسد
عبدالله:عن اذنكم بروح اتطمن على لجونتي
عبدالرحمن:عطني ولدي وانت روح
عبدالله:لا يبه الحين بياخذونه غرفت الاطفال
عبدالله دخل وقعد عند لجين ....وبعد ساعه من ولادتها
لجين :عبادي
عبدالله:حياتي قعدتي
لجين:انا ولدت
عبدالله وهوه ماسك ايدها :اي يقلبي ويبتي يوسف
لجين تبتسم:قصدك عبدالرحمن
عبدالله سناتس وايد:لجون تبيني اسميه على ابوي
لجين:اي انت وحيده وحلو يكون اول ولد على اسم ابوك
عبدالله:حبيبتي والله لا الله يحرمني منج
لجين:عبادي انت موبس ريلي وحبيبي انت كل شي كل شي احبك
عبدالله :ياروح الروح حبك فرضت فرض ياروح الروح اصبحت انت النبض


على لسان عبدالله:لو اي واحد بمكاني جان طلق مرته من زمان حتى لو ماكان لها ذنب بس موكل مره بتحصل زوجه زينه وبهزمن صعب انك اتحصل على بنت الحلال.....بس نصيحه مني لكم لاتتسرعون بالحكم على حياتكم ولاتعطون مجال حق اي واحد يدخل وخرب بينكم...بعد عشرت 8سنوات اقولكم لجونتي موبس حب حياتي لجونتي شي ماينوصف ....طيبه وحنونه وصبوره ومطيعه لي ابعد الحدود وكافي انها ماتعرف اتنام وانا متضايق اوزعلان حتى لو كنت انا الغلطان وعمري ماتحسفت على دمعه انزلت من عيني بسببها الانها فعلت تستاهل كل الحب ..والله موبس احبها اموت بالتراب الي تمشي عليه


على لسان لجين:كلامي بكون مختلف عن عبادي شوي ...ابي اقول حق كل بنت مرت بنفس ظروفي البنت الي انظلمت بحياتها لكل بنت تعرضت للاغتصاب وهذا ابشع انواع الظلم انا لي يومكم هذا ماني قادره انسى كل شي صارلي الانه فعلن اثر على حياتي بشكل كبير ولو لافضل الله وفضل عبدالله كان الله العالم بحالي والي اهم من كل هذا اني تعلم درس عمري ماراح انساه انه الله يمهل ولا يهمل
ونصيحه مني لكم كونو مثل الكتاب المفتوح ..كونو الصدر الحنون لأزواجكم ولاتنسحبون من حياتكم من المشاكل الي تواجهكم بالعكس كونو اقوا منها وتخطوها مع بعض بكل حب وصدقوني بتنجحون

بنهايه اشكر
بعلولي حبيبي قلبي الي سمحلي اني اكتب الرويه و تحملني كل هل وقت الاني كنت بعيده عنه شوي
اشكر كل الي تابع ونقل روايتي من اولها اشكركم من كل قلبي على تفاعلكم معاي و سامحوني على القصور وانتضروني بروايتي الثانيه
ملاحضه:ماأحلل اي وحده تنقل روايتي بدون ماتذكر اسمي او هل جزئيه
اختكم @أحلاهم وأتحداهم@
تجميع ~ورد الجوري~
تعليقات



    حجم الخط
    +
    16
    -
    تباعد السطور
    +
    2
    -