رواية خليجيات في الامارات -44
روان مستغربه : كيييييييييييف ..؟؟
ابو روان : كنت مسجل أكبر الاشياء باسمها وما توقعتها حقيره لـ هالدرجه
روان : يبا هي مهما سوت تظل مب مؤمنه
ابو روان : بس ما توقعتها نذله لـ هالدرجه
مروان ينسحب : عن اذنكم
ابو روان : منت غريب يا ولدي ايلس معانا يمكن تشوف حل للمشكله
مروان : لا عمي بروح باخذ لي شي افطر لأني ما فطرت
ابو روان : الله معاك
روان تطالع ابوها : لييش اش سوت يبا
ابو روان : خذت كل شي وراحت
روان : يعني الحين نحن ع الحافه ..؟؟
ابو روان : لا الحمدلله اني استثمرت جزء من الفلوس في البحرين وما درت عنهم
روان : يعني نقدر نعيش يبا ..!!
ابو روان : اي ان شالله بس مو ببيتنا باخذ لنا بيت على قدنا
روان : ان شالله .. بس يبا طلبتك ..؟؟
ابو روان : أمريني
روان : ما تعاودها مره ثانيه ولا تنساني ..؟؟
ابو روان : انتي لو تبين عيوني اعطيج وما تغلا عليج
روان ابتسمت على كثر ما ابوها كان لاهي الا انه يظل يحبها بس فلوسه اعمته : تسلم لي عيونك
ابو روان في خاطره .. جعل ربي يطول بـ عمري واسعدج طول عمري يارب واعوضج عن الحنان اللي فقدتيه
روان تذكرت شي حست رجع حقدها لكن سرعان ما تلاشى وهي تقول : يبا انت لييش رفضت مروان ..؟؟
ابو روان مستغرب بحكم اللي تقدمو لها كثار : من مروان ..؟
روان : اللي كان توه هنا
ابو روان تذكره وقال : الفلوس كانت عاميتني يا بنتي
روان مسحت دموعها وهي تقول : لولا هـ السالفه جان نحن بخيررر الحين
ابو روان : ما يصير الا اللي كاتبه ربج يا بنتي
روان : ونعم بالله
ودي أكرهك ع اللي سويته فيني ودي ما أكلمك واقاطعك ..!! بس مروان اللي خلاني اسكت ... وغير جذي الحمدلله انك تغيرت .. من بعد ما أمي خذت كل شي وعرفت انك متزوج وحده لا تخاف ربها ولا لها دين بعد الله يهديك يا يبا وينور لك دربك
/
.
/
نور متوتره وحالتها حاله خلاااص ثواني وعبدالعزيز يدخل الحجره وبتكون معاااه ..!!
نور وهي تكلم شوووق : يـ ختي يعني لااازم نخلص دراااسه نحن
شوق بدون اهتمام وهي تاكل جالكسي : اذا انتي مستعده تكرفين طول عمرج روحي ادرسي بعد
نور وهي تطالع شوق : اقووول ارحمي نفسك مع هـ الكاكاو اللي تاكلينه
شوق ابتسمت : أنا بطلع تبين شي ..؟؟
نور : الا ..........!
شوق : اش تبين ..؟
نور : خليك عندي..؟؟
شوق : اي تبين عبدالعزيز يذبحني وياخذ عني هـ الجالكسي المسكين
نور حست روحها شوي وتموت قهر قالت : اقووول اطلعي برع يلاااا مع جسمك هـ اللي صاير جسم بقر
شوق وهي طالعه وتضحك بسخريه : عبدالعزيز ياااي
نور توترت أكثر وقالت : خليه يدخل
نور لبست الشيله وتناست انها خلاااص صارت مرته على سنة الله ورسوله ومو باقي ع العرس شي
دخل عبدالعزيز بعد ما دق الباب وسكره وتقدم عن نور
نور نزلت راسها مستحيه
عبدالعزيز : مبروك نور ...!
نور : الله يبارك في حياتك وانت بعد مبروووك
عبدالعزيز : الله يبارك في حياتج
نور سكتت ولا قالت شي
عبدالعزيز يا بيحسب الشيله من على شعرها بس حس فشيله واصلا الحركه مو حلوه لأنهم أول مره مع بعض
نور تبي تكلمه بس لأأأأ كرامتي فوق كل شي
وعبدالعزيز يبي يكلمها بأي شي بس ما يشوووف ان الوقت مناسب وهذا غير انه مب مستعد معنويا ولا نفسيا .. ومن أي ناحيه ..!
نور سكتت وحست الجو توتر
عبدالعزيز كسر الصمت وهو يقول : تجهزتي لـ السفر ..!
نور هزت راسها : ايه تجهزت ..
عبدالعزيز : باجر يوم الجمعه وبنسافر للكويت وعقب ثلاث ايام بنروح لـ المانيا
نور ما عرفت شو تقول بس قالت : ليه بنروح الكويت ..!!
عبدالعزيز : اي
نور احتارت ما عرفت شو تقول بس قالت : طيب لييييه نروح على طول المانيا أحسن
عبدالعزيز : لأن عمي بيخطب شوق اهناك وبتملج خلاااص الأيام اللي بنقعدها اهناك
نور مستغربه : شوق ......؟؟ وبتملك ..!!
عبدالعزيز : ايه
نور : بس هي لسا ما انخطبت ..؟؟
عبدالعزيز : ايه أدري بس الوالد يقول بيشاورها اهناك وان شاء الله بتوافق
نور مستغربه تقول لـ شوق ولا لأأأ بس عبدالعزيز سبقها وهو يقول : شوق ما تدري أوكي ..؟؟
نور : طيب
عبدالعزيز : وترا بنسافر بروحنا
نور توها تستوعب كلام خالتها قبل أشهر وتذكرت اللي صار ..!! هي خالتها ما قالت ان بيسافرون الا وهذا مرادها نسافر أنا وعبدالعزيز وبسسسسس
عبدالعزيز : نور
نور : هلاأأ !!
عبدالعزيز : وين سرحتي ..؟
نور ارتبكت : لا ما سرحت أقووول شووق لييه ما بتجي ..؟؟
عبدالعزيز : لأنها بتملج في الكويت واحتمال تتجهز لـ عرسها على ما نحن نيي تكون جاهزه وبتتزوج
نور مستغربه : كل هذا يصير من وراها
عبدالعزيز : لأأأ من قال ..؟؟
نور : انت تقووول ..!
عبدالعزيز : قلت لج يا بنت الناس بيشاورونها ترا
نور : ايـــــه توني فهمت
عبدالعزيز ابتسم : تبين تطلعين ..؟؟
نور : لأأأ مابي
عبدالعزيز استغرب من ردها بس مانع لأن هو من نفسه مو متـأقلم معها أبد ..........!!
نور طالعته وقالت : بس اذا تبي ما أمانع
عبدالعزيز : لا لا دام باجر مسافرين خلاااص نروح ندور في الكويت مب مشكله
نور : اي يكون أحسن عشان اليوم نريح
عبدالعزيز ابتسم وهو يوقف : بروح برقد أنا
نور وقفت معاه وهي تفرك بأصابعها فرك : وأنا بعد
عبدالعزيز : تصبحين على خير
نور وهي تمشي وراه : وانت من أهله
بعد ما طلع عبدالعزيز من الحجره نور رااااحت لـ حجرة الهنوف شافت شوق والهنوف قاعدين ع اللاب
نور عقدت حياتها : هي انتي وياها تجهزتو بكره بنروووح الكويت
الهنوف تضحك وتقول : نوار اليوم يبت الشهاده
نور : زيـــــــــن من اسبوع وانتو مخلصين امتحانات .. زين منهم عطوكم اياها
الهنوف : اي زين
شوق سنترت عند نور وقالت بخبث : احجي حرف حرف كلمه كلمه يلا
نور تضحك : شـ أقووول ..؟؟؟
شوق : كل شي ..!
نور ضربتها شوي شوي وقالت وهي تمشي : رحي زين يا شيخه
الهنوف قاعده : اقووول مرت أخوووي تحجي كويتي لـأبط جبدج واخليج تصيرين كويتيه متجنسه
نور تضحك : قصدك مهجنه
الهنوف عقدت حياتها وقالت : شووووووووو ..؟؟؟
نور : ولا شي ولا شي
شوق : وه بس وه باجر بروح لدياري ههههه
نور : لا ولا ديااار ليلى اقووول اهجدي مكانك أحسن لك
شوق تقعد وتبتسم
نور تطالع اللاب وهي مبتسمه بس فجأه تنصدم : انتي واياها يا قليلات الحيا اش تطالعن ها .........؟؟؟
شوق تتكلم قصيمي : يابنت ذبحتين وانتي قاعده تقولين لا تناظرين ولا تروحييييييين ولا تسويييييييييييين ..!!!
نور تضحك : اقووول هذي نون النسوه ولا نون وشو ..؟؟
شوق : نونج انتي يا نونوتي هههههههه
نور : لا والله ومن قال لك ان خوالك من القصيم
شوق بـ غباء : تصدقين والله ما أعرف من وين هم ..!! بس زين نبهتيني ..!! بس تدرين ودي يعني لو يكووون عندي ولد خال بس من جده ولا أقووول لا لا من الريااااض أحسن ..!!
الهنوف : مالت عليج شوق خذي لج من الاحسا أحسن لج لأنهم قراب عنا
نور ابتسمت : لا صدق انتن ما تستحن على وجيهكن ..!!
الهنوف : هو نوروووه اش فيج عادي
نور : لا والله مواقف مضحكه لـ يوم الملكه ها .........؟؟
الهنوف : يعني نتخيل انتي اش بيصير فيج
نور ابتسمت : بيغمى علي يعني اش بيصير ..!! ما اقووول الا مالت عليك انتي وياها وعلى هـ النت اللي فيه سوالف كذا
شوق ابتسمت : اقووول نور روحي لـ عبدالعزيز تراج حشرتينا ..!!
نور وقفت وهي تقول : والله انه اهووون منكم بـ مليووون مره ..!! اروح انام احسن لي ورانا سفره
شوق : فككككككككككككه
نور : مااااااااااااااااالت عليك
الهنوف : هدووووووووووووووووووووووووووووووووووووووء !!!
/
.
/
ملاك تكلم راشد : والله ما أدري ........!! خلاااااااااااااص احس روحي بنفجر
راشد : هدي ملوووكه ترا والله الدنيا ما تستاهل انج تسوين بروحج جذي
ملاك : كييييييييييف يا راااشد واخوووي ع الطالعه والنازله وين ووين ..!!
راشد : اخوووج يخاف عليج
ملاك : أدررررري بس والله انه يمشي ورا شور مرته يعني يسألني أوكي بس انه يضرني لأأأ!!!
راشد ابتسم : ملوووك هدي فتره وبتعدي وان شاء الله بنتزوج وينحل كل شي
ملاك : مب راضيه اتزوج الا لما أتاكد ان أخوووي بخيررررررررر
راشد : ان شاء الله مايد يرجع مثل أول وكل شي ينحل ويكووون بخييييير
ملاك : أميين يارب
راشد : أمي تسلم عليج
ملاك ابتسمت : الله يسلمها يارب
راشد : متولهه عليج واااااااااااااايد
ملاك ابتسمت : وأنا أكثررررر والله .. واعيه عسب ارمسها ..!!
راشد : لا رقدت من ساعه
ملاك : فديتها تصلي العشا وترقد
راشد : شو النتايج ..؟؟
ملاك ابتسمت : لا الحمدلله نجحنا بـ هالسمستر وخذينا الشهايد
راشد : موفقين يارب
ملاك : آمييين
راشد : صح نسيت أخبرج اليوم ملجة معضد
ملاك بحزن : أدررري
راشد : فيج شي ..؟؟
ملاك : لأأأ بس تذكرت ميررره الله يرحمها
راشد ابتسم وهو يقووول : ترا والله معضد يستاهل بدور هو وحمدان .. وبدووور ان شاء الله ما تقصر بحقهم
وأولى بتربية حمدان
ملاك : هي صح
راشد : الله يوفقهم يارب
ملاك : آمييين .. مب ناوي تكلم مايد
راشد : هه يا ملااااك .........!!!! انتي شكلج راقده
ملاك تتنهد : ولييييييييش انزييييين ..؟؟
راشد : مايد مستوي انسان ثاني ولو كلمته الحين اعرفي ان خلاااص كل شي اخترب
ملاك محتاره : شـ نسووووي انزززززززيييين ..؟؟
راشد : يصير خير ان شاء الله
ملاك : راشد انت كل شي يصير خير ويصير خير متى ناوي تتحرك ..؟؟
راشد : ملاااك انتي اهدي وترا ما في شي ييي بـ هالطريقه
ملاك : سووووري بس شكلي صدق النفسيه عددددددددم ..!!
راشد : ريحي واذكري ربج وان شاء الله مايد يرجع مثل أول
ملاك تتنهد : آميييين
/
.
/
أريج تطالع روان وتقول : يلا بس تقومين بالسلامه بنسوي لج حفلللللللله كبيررررررره
روان ابتسمت بتعب وقالت : رجعت بيبي
اريج : اي بيبي بعيووون أغلى رفيجه عندج
روان ابتسمت : لا الصراحه تنفعين أم
اريج : دبوووووه بعدني صغيره
روان : الساعه جم ..؟؟
اريج : ثمان ونص
روان ابتسمت وهي تقووول : الوقت بسرررعه يمر
اريج : اي وايد
روان : بس ملل بنفس الوقت
اريج تضحك : فوووق ما تتصورين
روان : مدري اش بنسوي بعد ما تخرجنا والله ملل
اريج تضحك : وين ملل يا بنت الناس احمدي ربج .. الحين خلااص مب مرتبطه بشي اسمه مواعيد
ومحاضرات أول طول الوقت نحاتي
روان تبتسم : هذي انتي ..!!
اريج : ادري انتي ما شاء الله عليج كنتي تبلعين المحاضرات مو بس تفهمين
روان تضحك : مو لـ هالدرجه عاد
اريج : يلا الله يوفقج
روان : تصدقين ودي اعيد هـ السمستر
اريج : لأأأأأأأأأأأأأأأأأأأأأ
روان تخرعت : انزين انزين شوي شوي علي هههه
اريج : والله انج فاضيه وبعدين يعني أحسن من لا شئ
روان ابتسمت : اي الحمدلله
اريج مستغربه : اي صح اليوم ما شفت مروان ..؟؟ غريبه مو من عوايده
روان : يعني هو عنده عيله مو فاضي لي أنا وبس وبعدين اليوم يوم الخميس تدرين
اريج : آهاااا .. بس قلت يمكن يتعرفون أهله عليج
روان بـ حزن : ع بالج اللي سواه ابوي شوي يعني ..!!
اريج : بس هو ياااه بروحه ومو معاه أهله
روان : أدررري بس كرامته يمكن ما تسمح له .. والصراحه انا ودي أشيل كل هـ الأشياء من بالي
اريج مستغربه : كيف يعني ..؟؟
روان بتردد : ودددي أكمل حياتي بـ ألمانيا
اريج تضحك : ليكوووووووون رايحه تاخذين الكورس مع عبدالعزيز ونور وشوق ..؟؟
روان تبتسم : لأأأ بعيش اهناك خلااااص
اريج متخرعه : شو انتي هبله ..؟؟
روان : ألأأأ وبعدين هذي حياتي وهذا قرار راجع لي أنا .. لأنها حياتي
اريج : تتركين المكان اللي ربيتي فيه
روان : يعني لو رجعت البحرين بـ تعارضين ..؟؟
اريج : لأأأ طبعا بس البحرين تفرق عن ألمانيا عن انج تكملين حياتج
روان : بـ شو تفرق يعني ..!! الصراحه بلاد برع أحسن لأنهم ع الأقل يقدرون المره وحقوقها
اريج وكأنها مو مصدقه الكلام اللي تسمعه وقالت : رواني انهبلتي انتي ..؟؟؟ وبعدين حبيبتي اهناك البنيه لما
توصل لج لـ الثلتعش سنه خلاااص تفقد أغلى ما تملك وبـ رضاها تدرين ...!!
روان : أهووون من ان يكووون انسلب منها غصب ولا من دون علمها
اريج مستغربه من كلام روان وكملت كلامها : وبعدين اهناك لما توصل البنت لـثمنتعش سنه الأبو يتخلا عنها خلاااص يقووول لها روحي شوفي حياتج بكيفج وتدور على راحتها أما عندنا المرأه معززه مكرمه ما تطلع من بيت أهلها الا لـ بيت زوجها ويتكون معززه أكثر بعد ..!!! وما تطلع الا ومعاها محارمها اللي هم حراسها ويحبونها ويخافون عليها أكثر من أي أحد ثاني
روان تمسح دموعها : وفهد يعني اش كان ..!! كان محرمي بعد
اريج : بس فهد انسان نذل من وعا ع الدنيا وشكله جذي ما يخاف ربه
روان : خلينا من هـ السيره ..!! اش ناويه تسوين
اريج ابتسمت : بقدم أوراقي وبشتغل ان شاء الله
روان : وين ..؟؟
اريج : مستشفى دبي .. فكرررت بس مدري بعدني ما قررت
روان : آهااا شي طيب
اريج : وانتي ..؟؟
روان : كنت ناويه اسافر ...............
اريج تقاطعها وهي تقووول : أهوووووووووون عليج
روان ضحكت : انزين خليني أكمل ..!!
اريج : أوووك يلاااا كملي
روان : بس قلت يعني أقعد اهني احسن لي
اريج : اش رايج لما تطلعين تيين تقعدين عندنا كم يوم ..؟؟
روان : فكره مش بطاله ..!! بسسس
اريج مستغربه : بس شو ..؟؟
روان : ابوووي تدرين أمي خذت النصف الأكبر من فلوسه وأخااف يستوي فيه شي
اريج مستغربه : الحين ودي أفهم لييش وايد أماكن يحترمون الشخص الاسترالي أو النمساوي والانجليزي أكثر من العربي
روان تضحك بسخريه : ع بالهم هذيل اللي يايين ياخذون اللي يبون من بلادنا ويرجعون لـ بلادهم بيفيدونا
اريج تكمل عنها : هم أصلا يفيدون بلدهم هم ولا اش يبون فينا
روان : اقووول غيري السالفه مالي خلق السياسه ههههه
اريج تبتسم : بس لااازم في ناس بـ الدنيا فيها خير
روان : اكيييد . وبعدين اللي يسوي خير لـ نفسه لأنه باجر بيفيده هـ الشي ومأجور على هـ الشي
اريج : وتكلمت الفيلسوفه ههههههه .!!!
/
.
/
في العين وسط أجواااء جميله ومسليه للـبعض وأجواااء مخيفه وبداية حياة مأساويه للبعض
ابتسم معضد وهو يبوس رأس أمه : الله يبارك في حياتج يالغاليه
أم معضد تمسح دموعها : ما اوصيك يا معضد على بدووور
معضد ابتسم عشان يخلي الشكوووك تطير من ذهووون الكل وانه يحب بدور
قال وهو مستانس شكليا فقط ..! : افا يما ..!! يعني ما تخافين علي من بنت اختج بدور هـ المفترسه
الكل ضحك ما عدا بدور اللي استحت وهي مصدقه كلام معضد لأن اليوم ملجو وما بعد تكلمو
خلود : لا تتلكم على بنت خالتي وبعدين ما تشووف عمرك قول لـ ولدك لا يزعجها
معضد وكأنه يتذكر : هي وينه ولدي ما شفته من بعد المغرب
نوره واقفه يمب خلود وبنات عمها اللي لابسات جلابيات بيت ساتره مع شيل : رقدته
معضد طالع نور وهو عاقد حياته
نوره بسررررعه : ما يخصني هو روحه قال لي قولي لي قصه وأنا اقول له رقد
معضد يضحك وهو يقول : لا دخييييييييلج ما ودي ولدي يتعلم ع الروايات من الحين
نوره ابتسمت والكل طالعها قالت وهي مستانسه : ع الأقل يمكن يقدر مب انتو محد مقدر موهبتي ..!!
فيصل يكلم ولد عمه خليفه : اقووول اختك هذي ما ودها تترك شغل البطاليه مالها وتتعلم الطبخ ترا أحسن لها
خليفه يطالع بنات عمه وهو يقووول : مال أول انت .. ترااها تعلمت االرمضان اللي طاف
فيصل مستغرب : بل هذي ما خلت شي الا وعرفته
خليفه يبتسم : أونها تقول كل شي في الحياه موهبه
خلود تضحك وهي تقول : فيصل بلاااك ..؟؟
فيصل مسوي حزين : لا بس أقووول أخوي بيتزوج ويتركنا بروحنا
وفاء ابتسمت : عادي انزييين جنك انت كنت تو كلوووز معاااه ..!! وين أحيدك مودرنه روحه
معضد وهو يطالع بنات عمه وعيال عمه اللي زيهم عادي ومثل الأيام الباجيه
قال وهو وده دقايق المجامله تمر بسرررعه
معضد : ليييش لابسين جذا ..!!!
خلود : حضرتك قلت ماشي حفله ولا شي عرس ..!! يعني لييش الخساير
يتبع >>>
أم معضد : أحسسسن عسب تقعدن محتشمات بـ هالثوب الحلو
هند أخت نوره : ما اقوول الا هـ الثوب بيذبحني من الحر
أم عبدالرحمن تبتسم : عيب يا بنيه ههههه
أم معضد طالعت بدور وهي تقووول : لييش يما ساكته ..؟؟
بدور تلعب بالدبله : ماشي خالتي ..!
خليفه وبكل جرأه : عايبتنها الدبله ..؟؟؟
بدور ابتسمت غضب لأنه بالفعل يضحك وقالت : لأأأ بس ما شي
خلود : الجمله مب راكبه ههههه يبي لج دروووس في تركيب الجمل صح من عند نورووه
معضد وهو يوقف : عاد نحن بنرجع دبي اليوم
أم معضد مستغربه : دبي ..........؟؟ واليوم
معضد ابتسم : هي أمايه لا تحاتين ..!!
ام معضد : ولييييييييش ...؟؟
معضد : حجزت لنا اليوم في برج العرب وما ودي عاد يروح الحجز جذي
أم معضد : عاد حمدان بيقعد عندي اليوم
معضد : لا أمايه بناخذه معانا
أم معضد : لأأأأ يوم تبونه بطرشه مع فيصل
معضد : أمايه بس نحن نبا حمدان وبعدين حمدان ولدي
أم معضد : ماشي .. بتروووح بدون حمدان
معضد هز راسه باستسلام وقال : بدووور يلا جاهزه
بدور وهي مب مستعده بس ما عارضت لأنه في شنطه جاهزه هزت راسها بمعنى هي
خلود راحت لـ بدووور وقالت : مبروووك فديتج
بدور وهي تطالع البنات مبتسمه : الله يبارك فيج .. عقبالكم بنات
البنات كل وحده تلونت شكل ..!!!
أم عبدالرحمن تمسح دموعها وتضم بدور : مبروووك يما
بدور بدت دموعها تنزل : الله يبارك فيج يما
أم عبدالرحمن تمسح على شعرها : ديري بالج على عمرج يما
بدور : ان شاء لله يما
أم عبدالرحمن تمسك يد بدور وتقول : ما أوصيج على نفسج يما .. لأن باجر بنرجع قطر
بدور وما ودها تفارق أمها قالت : ان شاء لله نزوركم قريب
أم عبدالرحمن : آمييين يارب
بدور : سلمي على كل خواني يما وأبوووي بوسيه على راسه وقولي له اني مفتقدته حيييل وخالاتي وخوالي وأهل أبوووي كلهم
أم عبدالرحمن : ان شاء الله يما بس انتي ديري بالج على عمرج
بدور : وانتي بعد يما
أم عبدالرحمن وهي تضم بنتها للمره الأخيره : ما أوصيج يما ديري بالج على زوجج وحمدان وبيتج
بدور هزت راسها بمعنى هي وقالت : بسلم على خالتي
أم عبدالرحمن ابتسمت لـ بنتها راضيه وقالت : الله يوفقج يارب
هـ الكلمه أثلجت صدر بدووور وهي تمشي لـ خالتها عشان تسلم عليها
بعد السلام وبعد ما حل الوداع وكلٍ بيرجع لـ دياره
معضد حرك السياره وهو يقول : مبروووك
بدور وهي تطالع برع ودموعها تنزل لأنها فارقت أمها ..!! تذكرت للحظه هـ الوقت يمكن كنت برجع فيه قطر ... أنا الحين بـ مكان ميره أختي وأنا ما اسوى ظفرها بعد .. والله انج غاليه يا ميره
معضد حس نفسه انحرج لأنها ما ردت عليه
قال وهو شوي وبينفجر من العصبيه هذي على شو متكبره ..!
معضد : بدووور
بدور : ما ردت
معضد : بدووووووووور
بدور انتبهت وشافته ونزلت راسها : نعم
معضد : يعني أنا اكلم منو من ساعه ..!!
بدور : لأأأ بس كنت .................. وسكتت
معضد : لا ماشي بس كنت بقول لج تتعشين ..؟؟
بدور هزت راسها بـ معنى لا وقالت : ما ودي اذا انت تبي بكيفك
معضد ما جادلها ولا كلمها وركز ع الشارع وبدور في نوبة بكاء ولكن ........!! هادئه
/
.
/
يوم الجمعه الساعه ست العصر بتوقيت مدينه الكويت .... سبع المغرب بتوقيت دبي
شوق وهي قاعده مع بنات عمها اللي مجتمعين ببيت أبو عبدالعزيز اللي بالكويت
رهام : واااااااؤ فديتج شوجي والله لج وحشششششششششه
شوق وهي تضحك : وانا أكثررر والله
رهام : نور تدرين تغيرتي وااايد ...!!
نور ابتسمت : للأحلى ولا الأسوء ..!!
رهام : لا والله للأحلى .. حتى ذاك اليوم أخوي نواف يقول بنت خال عيال عمنا متغيره
نور مستغربه واستحت وقالت : ليه شافني ..؟؟
رهام ابتسمت : بالغلط والله
شوووق وهي تعقد حياتها وبأسلوبها الاجتماعي : ممنوع التعدي على ممتلكات الأخرين
رهام تضحك : سوري سوري .. صح نسيت أبارك لج نور .. مبروووك
نور استحت : الله يبارك في حياتك يارب
رهام : فديتج الله يوفقج معاااه
نور : آمييين
وعد : والله ان عزوز موفق بـ اختياره هههههه
نور : تسلمين والله من ذوقك
مريم : وه بس يا حظج تزوجتي هههههههه
نور : عقبالك هههه شكلك مثل شوق ميته ع الزواج
شوق تضرب نور شوي شوي وتقول : أقووول نور عن السخافه
نور ابتسمت : لييش أنا اش قلت ؟؟!
شوق : ولا شي
نور طالعت بنت عمهم ود أخت وعد اللي قاعده بطرف وتطالع نور بنظرااات غريبه وكأنها تقووول الزين عندي وانتي ولا شي قدامي
نور نزلت راسها بدون لا تقووول أي شي ..
الا هم كم يوووم لا اكثر .. بس اتحملي يا نووور اتحملي
نور وهي توقف : شوق وينها الهنوف ..؟؟
شوق : تطالعينها بـ الحديقه
نور مستغربه : في رجال ..؟؟
شوق : لأأأ الرياييل كلهم راحو لـ بيت عمي أبو براك
نور ابتسمت : طيب عن اذنكم بروح لـ الهنوف شوي
شوق : اوكي شوي وبس ارجعي هههههه
نور : ان شاء الله هههه
نور وهي تمشي راحت شوي شوي الين وصلت لـ الجلسه اللي برع .. وقعدت ع الكراسي وهي ما ودها تقعد
مع أي أحد ..!!
فجأه سمعت صوت رجولي وهو يتكلم بالتلفون ويضحك
............. : اي اليوم وصلت .... لا والله تونا من ساعتين واصلين .. اي اي الله يسلمك هههههه .. الله يبارك في حياتك يارب .. عقبالك عاد ........ لا لا ليييييييش عاد جذي ..!!
رفع راسه طالعها تراقبه قال وهو يتكلم : اقووول بونايف بتصل فيك بعد ربع ساعه ان شاء الله .... طيب ... يلا مع السلامه
رفع راسه بعد ما سكر .. تقدم عنها وهو مستغرب ..
عبدالعزيز : السلام عليكم
نور عدلت قعدتها : وعليكم السلام
عبدالعزيز : عسا مرتاحه
نور هزت راسها وقالت : اي الحمدلله
عبدالعزيز : وينها شوق ..؟؟
نور : بالصاله .. تبيني اناديها لك
عبدالعزيز : لييش مو قاعده مع بنات عمي ..؟؟
نور هذا من البدايه بنات عمي وبنات عمي .. يا أخي يمكن ما أطيقهم انت شكو ...!!
عبدالعزيز استغرب ما ردت عليه وقال : روحي اقعدي مع البنات
نور : كنت معهم بس الحين حابه اريح شوي
عبدالعزيز : آهااا ..!!
نور وقفت : عن اذنك بروح أنام شوي
عبدالعزيز : اقعدي مع بنات عمي وأهلي .. تدرين الحين هم صارو أهلج بعد
نور هزت راسها وهي تقول : انشالله
عبدالعزيز وهو يبي يروح .. بس وقفه صوت ..........
............. : عزوووز حبيبي
عبدالعزيز لف وهو مستغرب قال : عزوز بعينج
الهنوف ابتسمت وهي مع بنات عمها اللي عمرهم نفس الشي أو متقارب نوعا ما
عبدالعزيز طالع بنات عمه وقال : هلااا ..!! اش حالكم ..؟؟
وحده من بنات عمه مبين عليها توها بـ المراهقه وطايشه قالت : بخير .. انت اشلونك ..؟؟
عبدالعزيز ابتسم : بخير .. يلا عن اذنكم
الهنوف : اذنك معاك
بنت عمه فجر االطايشه قالت بسرررررعه بعد ما ابتعد : وااااااااااي فديته بـ الحمدانيه الاماراتيه ( العصامه ) طالع يهبببببببل
نور طالعتها حست بالغيره بس لأأأأ هذي توها صغيره .. بس ما يندرا الحين هـ المراهقات يسوون البلاااوي
الهنوف ضربت بنت عمها بـ خفيف : هي يالدبه تراااه أمس ملك
فجر ضحكت وقالت وهي ترفع يدها للسما وتدعي من قلب : يااااااااااااااااااااااااااارب أتزوج من واحد امــــــاراتي ياااااااااارب
الهنوف : ما اقووول الا مالت عليج عندج هـ المزااايين
فجر تضحك : لأأأ الا ابي واحد يشبه عزووز اخوووج
الهنوف : لو سمعج بيوديج بداهيه يالدبه
فجر : هههه كيفه المهم يشبهه
الهنوف تضحك : ما عندج غير ضاري نسخه منه ههههههههه
فجر تضربها ع الخفيف : ما اقووول الا مالت عليج وعليه .. وع ع ع مالقيتي غير هـ الضاري
الهنوف : احسن منج انزين يالدبه
فجر : لأأأأ ضاري أي شي أحسه بدوووي بـ زياده ابي واحد جذي نفس عبدالعزيز برستيج
الهنوف متخرعه : الحيييييييين ضاري بدوي وعبدالعزيز صااار متحضر وبرستيج ...........!!
فجر : ايه بدوي
الهنوف : مع هـ الاسبايكي والجينزات صااار بدوي عاد المتحضرين اش يلبسون هههههههههه
فجر : وع أنا ابي واحد جذي شخصيه وخليجي المهم يعني بالدشداشه
الهنوف : آهااا
نور ملت من سوالفهم مع انها كانت في البدايه مشوقه بس في النهايه حستها اي شي سوالف مراهقات
نور وهي توقف : عن اذنكم
الهنوف وفجر ابتسمو : اذنج معاج
نور مشت وفجر طالعت الهنوف وقالت : أوووووه ماي قااااااااااد
الهنوف : لييييييش ..؟
فجر : وأنا من متى طايحه على عبدالعزيز نسيت ان نور اهني ههههههههه
الهنوف : الشرهه على عقلج المصدي
فجر : مووولت عللليج يالدبه
الهنوف : اي وانا الصاجه
فجر : والله نور وطلعت مزيووونه هههههه ما هقيت ذوووق عبدالعزيز جذي
/
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك