رواية خليجيات في الامارات -47
أم عبدالعزيز : يما أنا يوم السبت كلمتج وبس ما جبرتج على شي
شوق تحضن امها وتقول : ماما صج والله مابي اتزوووج دخييييييييلكم
أم عبدالعزيز ترفع راس شوق وتقول : يما فيج شي ..؟؟
شوق تهز راسها : لأأأأ يما بس مابي
أم عبدالعزيز : انزين يا بنتي محد جبرج
شوق : يما ما أقدر أعيييش معاهم ما أقدر
أم عبدالعزيز : ليييييييييش شفتي شي غلط منهم
شوق : لأأأ يما بس أنا ما افكر انتي ارتبط الحين
أم عبدالعزيز : يا يما اش هـ الكلااام صاير كلامج مثل الأجانب نحن مسلمين من ثمنتعش سنه خلاااص البنيه تكون كبرت وفهمت كل شي
شوق : بس يا يما أنا ما بي اتزوج الحين
أم عبدالعزيز توقف : انزين يا يما أنا بخليج الحين
شوق مسكت يد امها : لا يما خلج معاي شوي
أم عبدالعزيز قعدت وضمت شوق : يما فيج شي .. خبريني ترا انا أمج
شوق : نور وين ..؟؟
ام عبدالعزيز : اليوم سافرو
شوق : اي صح نسيت
أم عبدالعزيز : ليييش ما رحتي معاهم أخوووج قطع لج تذكره
شوق : مالي خلق
أم عبدالعزيز : يا بنتي لو انج متضايقه من عيال عمج خبريني
شوق : لأأأ يما عيال عمي كلهم زينين بس أنا مابي اتزوج الحين
ام عبدالعزيز : يا يما أنا بعطيج مهله اسبوعين ثلاااااث اربع الين نهاية الصيف
شوق : لأأأ يما ردي عليهم
أم عبدالعزيز : ما يصير يا بنتي وبعدين اذا رفضتي ابوووج اليوم قبل باجر بيرجعنا الامارات تدرين هو وخوانه ماشاء الله طول عمرهم مع بعض
شوق : يما ما يصير تعلقين السالفه
أم عبدالعزيز : يصير بقول لهم انطرو ع البنيه هي نفسيتها عدم بـ هالفتره
شوق مسحت دموعها وقالت : اللي يريحج يما
ام عبدالعزيز طالعت بنتها وقالت : ما عليج يما الين اخر يوم بنتم في الكويت بـ الصيف ما بتكلم معاج عن
الموضوع الا قبل السفره بيوم قولي لو انج موافقه ولا رافضه
شوق هزت راسها : ان شاء الله يما
ام عبدالعزيز توقف : خلاااص يما انتي اهدي وانا بروووح بشوف اخووج هذا ضاري وينه
شوق طالعت امها : لييش وينه ..؟؟
ام عبدالعزيز : يوم يبات ببيت عمج سعود واليوم اللي بعده يبات بيت عمج خالد كل يوم ببيت أحد
شوق ابتسمت : ما فيها شي يما هذيل أهلنا
أم عبدالعزيز : ادررري بس بعد خل يركد شوي ما يصير هياته اربع وعشرين ساعه
شوق : اوكي يما أنا بنام تبين شي
أم عبدالعزيز : لا يما بس انتي ارتاحي وهدي نفسج
شوق هزت راسها : ان شاء الله يما
ام عبدالعزيز : اي صح اتصلي في نور المسكينه تحاتيج
شوق : بس يوصلون بتصل وبعدين هم الحين أكيييد بعدهم في الطياره يبيلهم وقت على ما يوصلون
أم عبدالعزيز وهي تتقرب من شوق : ان شاء الله يوصلون بالسلامه .. يما شوق ابي اسألج سؤال ..؟؟
شوق : أمري يما .؟؟
أم عبدالعزيز : اخوووج اش فيه ذاك اليوم كان معصب
شوق : بـ أي يوم ..؟؟
أم عبدالعزيز : اليوم اللي وصلنا فيه
شوق : والله مدري يمكن تشوفين الهنوف مسويه شي
أم عبدالعزيز : لا ما أعتقد
شوق : ما يندرا والله
أم عبدالعزيز : أوووكي انتي خلاااص نامي الحين وارتاحي
شوق : لوسمحتي يما قبل لا تطلعين اطفي النور
/
.
/
روان طلعت من الحجره
ابو روان ابتسم وهو يطالعها : ها بنتي اش رايج في البيت
روان ابتسمت : حلو .. أحلى من بيتنا
ابو روان : وين أحلى بيتنا كان قصر وهذا بيت صغير
روان ابتسمت : بس صدق هذا أحلى
ابو روان ابتسم وهو يقول : الحمدلله على كل حال .. الحمدلله ان انا وانتي الحين مع بعض
روان وهي تبتسم : الحمدلله
ابو روان : عاد ان شاء الله ببتدي بـ مشروع جديد وانجح فيه
روان : آمييين يارب
ابو روان : اي صج مروان كلمني اليوم الظهر
روان تطالع الساعه : ليييش الحين نحن متى ...؟؟
ابو روان يطالع الساعه : ما تشوفين الساعه خمس
روان ابتسمت : والله الوقت يروووح بسرررعه
ابو روان : المهم ما تبين تعرفين اش قال لي ..؟؟
روان مستغربه : خيررر يبا
ابو روان : قال بيزورنا اليوم
روان ابتسمت : صج يبا ..؟
ابو روان طالع روان : بس مابيج تطلعين قدامه
روان كشرت : لييش يبا .؟؟
ابو روان : بنتي نحن وين عايشين ..؟؟
روان نزلت راسها : يبا بس .................
ابو روان قاطعها : لا بس ولا شي .. انتي كنتي بتروحين من يدي المره اللي طافت الحين خلاااص ما أقدر
روان ابتسمت : اللي تشوفه يبا
ابو روان : عاد ما اوصيح بالفواله
روان ابتسمت : ما اعرف اسوي شي
ابو روان ابتسم : هاي نهاية الدلع
روان : لا يبا بس صدق اللي اعرفه على قدي .. بيت السنافر وشوية حلويات بارده
ابو روان : لا اش يبي له قصدي جهزي القهوه ومعاه حلو خفيف
روان هزت راسها : آهااا ع بالي قصدك عشااا
ابو روان : اقول لج فواله ما قلت عشا
روان ابتسمت : اسمح لي ما سمعت بابا
ابو روان : اوديج الطبيب ..؟؟
روان ضحكت : لا ما صدقت اني طلعت ..!! انزين يبا ما قال اش يبي
ابو روان : قال يبي يكلمني بموضوع
روان مستغربه وبعدها متوقعه ان في امل ولو بسيط : اش هو ..؟؟
ابو روان : مدري عنه بس اعتقد عن موضوع فهد
روان : لييش فهد قضيته ما خلصت
ابو روان : امبلا بس شوية اجراءات
روان وضاااع منها الأمل اللي كان باقي .. : أوووكي يبا بروح برتب الميلس وبجهز الفواله
ابو روان : ديري بالج في المطبخ
روان ابتسمت : ان شاء الله يبا
/
.
دخل شافهم رقووود استغرب شاللي مرقدهم اهنا ..!!
بدا حمدان يتحرك ..
معضد تحرك بهدوووء بحيث ما يقومون
حمدان فتح عيونه شوي شوي شاف ابوووه وقال وهو فيه رقاااد : بــــــــــــــابــــــــــــــــا
معضد ما تحرك عسب يرجع حمدان يرقد
بس حمدان رجع كرر : بابـــــــــــا
بس تفاجأ معضد لما بدور مدت يدها على حمدان وقالت وهي تغطيه بالبطانيه : ارقد حبيبي ابوك ما بيي الحين بعدنا الظهر
حمدان رجع غمض عيونه يكمل نوم
بدور لفت عشان تكمل نوم بس شافت التلفزيون شغال ..!!
أكييييد هذا حمدان رقد ونسى يصكره ..!! خل اصكره مسوي لنا حشررررره
بدور قعدت تبي تصكر التلفزيون بس لمحت معضد واقف
حجت عيونها تتأكد شافته رمشت عشان تتأكد أكثررر تأكدت من وجوده
قالت وهي مرتبكه : انت من متى اهني .؟؟
معضد مشا من غير ما يرد عليها
بدور ارتبكت ورجعت مكانها .. شافت الساعه خمس العصر هذا الوقت يرجع فيه من الدوام ..!!
ضربت راسها بخفيف وقالت : أنا الهبله راااحت علي نومه ونومت حمداني معاي ..!! الله يهديني مب نوم علي ..
/
.
/
روان تطالع ابوها : راح ..؟؟
ابو روان يقعد ع الكنفه : اي راااح
روان ابتسمت وقعدت يمب ابوها : ها ...!! كيف قهوتي ..؟؟
ابو روان ابتسم : يا حلوووووووووها
روان تضحك : عن الطنازه عمرها القهوى ما تكون حلوووه ههههه
ابو روان : قصدي حلوة يعني لذيذه
روان : اي اي اقووول بعد يقردنني والدي العزيز
ابو روان : يلا عاد أنا بطلع شوي
روان : أوكي وأنا بصلي المغرب
ابو روان : صح لا تسوين لي عشا ما بتعشا
روان ابتسمت : اصلا من قال بسوي عشا .. ما اعرف بعد
ابو روان ابتسم وقال : حشا ..!!! خلاااص من باجر بقدم طلب على خدامه ولا بنموت يوووع
روان ابتسمت : وينهم خداماتنا
ابو روان : الأجنبيه رتبت أوراقهم وسفرتهم
روان بطلت عيونها : كلهن ..؟؟
ابو روان : اي كلهن
روان : بل عليها والله انها عفريته
ابو روان ضحك : عيب يا بنيه
روان : أحسن والله هـ الناس يتباهون بعدد الخدامات بس الخدامه مب شي أساسي
ابو روان : علمي نفسج أول ههههه
روان : صح صح اش صار على فهد ..؟
ابو روان مستغرب : اش صار ..؟؟
روان : مو انت تقول مروان ياي يكلمك عنه
ابو روان يبتسم : اييييييييي عنه ..!! لا لا مو عنه
روان مستغربه : عاد ..؟؟
ابو روان : عاد شو ..؟؟
روان : عن شو كلمك ..!
ابو روان ابتسم وهو يمشي : بعدين تعرفين
روان تلحقه : يباااااااااااا
ابو روان صد وراه : هلأأأ
روان : اش يبي مروان ..؟؟
ابو روان : اش يبي يعني ..؟؟ اكيييد شغل
روان : شغل شو ومروان شغله في الشرطه
ابو روان : يعني الشرطه حرام يكون لهم علاقه بالتجار
روان : لأأأ بس ما أظن
ابو روان ابتسم وقال : بطلع وبرجع بليل
روان : يباااااااااااااااا
ابو روان : وحطباااااااااااااا
روان ضحكت : بدينا تراني بزعل
ابو روان رجع معاها ويلس : نعم ...........؟؟
روان : صج باباتي مروان اش يبي ..؟؟
ابو روان : همممم خلاااص بقول لج بس قولي موافقه
روان : موافقه بس شو ..؟؟
ابو روان ابتسم : مروان خطبج مني وأنا وافقت وأهله بييون قريب
روان ارتسمت على ويهها ابتسامه بس سرعان ما اختفت الابتسامه
ابو روان طالعها مبتسم : اش فيج ..؟
روان : ممماااا فيني شيييي
ابو روان : فيج شي ..؟؟
روان : لأأأأ بسسسس
ابو روان : بس شنو ..؟ تراني قلت له نحن موافقين
روان طالعت ابوها وقالت : ولا شي
ابو روان : يعني مو موافقه
روان ترددت بس قالت بسرررعه وهي ما تعرف شـ تقول : بلا موافقه
ابو روان ابتسم وقال : يلا بطلع وبرجع بليل
روان : الله معاك
ابو روان وقف وتقدم من الباب عشان يطلع
روان رجعت راسها على ورا وغمضت عيونها
شاللي سويته في انسان عاقل بالدنيا برد بنفس الدقيقه .. بس انـــــت يا مروااان والله عشانك أسوي المستحيل ولو أخسر حياتي بعد ..!!
اللي يالسه اسويه صح ولا خطأ ..!! بس أنا جذي قاعده أخدع مروان وأخونه وأخون نفسي بـ ذات الوقت
تنهدت روان وقالت : اللي يصير يصير ياما ندمت على قرارات سريعه اتخذتها بالماضي ..!!
/
.
/
الساعه 10 بليل بتوقيت برلين
ود وهي توقف : أنا أخر وحده بقوووم
نور ابتسمت مع انها شبعانه : لا أنا شكلي بقعد للفجر ميته جوع
ود ابتسمت : عن اذنكم
نور : اذنك معاك حبيبتي
ود مشت عنهم نور طالعت البنات كلهم قامو أول شي .. ما بقى الا هي وود وعبدالعزيز وود توها قامت
تنهدت نور تطالع عبدالعزيز اللي قاعد
نور : وراك ما تاكل ..؟
عبدالعزيز : بسني الحمدلله
نور ما ردت عليه ودها تقوم بس ما بتقوم الا يوم هو يقوم لأنها تدري ان ود بعدها موجوده وما بتطلع فوق الا يوم نور تروح
عبدالعزيز : أكلمج انا ..؟؟
نور طالعته : نعم ..؟؟
عبدالعزيز : ما شاء الله ما شبعتي ..؟؟
نور ابتسمت وقالت : امبلا شبعت بس احتريك ..!
عبدالعزيز مستغرب : لييش ..؟؟
نور : عشان أقوووم معاك
عبدالعزيز وقف وهو يتثاوب : عاد قومي لأني قاعد انطرج
نور : ليه ما تكلمت ..؟؟
عبدالعزيز : ع بالي يوعانه
نور ابتسمت : لا أنا شبعت
عبدالعزيز وهو يروح للأصنصير : دشي
نور دخلت : شكلك تعبان ..؟؟
عبدالعزيز : اي من الفير وانا واعي
نور : يلا ارتاح الحين
عبدالعزيز : كلمي البنات لا يصوتون ويزعجون العالم
نور : ان شاء الله
عبدالعزيز : اي صح اذا ما كفاكم قولي لـ فجر والهنوف ييون لـ سويتي لـأنه مثل سويتكم فيه حجرتين
نور : طيب .. بس ما اعتقد بيجون لأن البنات تعودو يسهرون
عبدالعزيز : أوووكي على راحتهم
انفتح باب الأصنصير
نور : تصبح على خير
عبدالعزيز وهو يمشي ومسطل : وانتي من أهله
نور ابتسمت وقالت : عن تدعم العمود
عبدالعزيز ابتسم ودخل السويت ماله
نور دخلت شافت البنات في الصاله الصغيررررررررررره للسويت
نور : السلام عليكم
البنات : وعليكم السلام
الهنوف : كل هذا تتعشين ..؟؟
نور ابتسمت : لأأأ قعدت مع زوجي فيها شي ..؟؟
فجر بطلت عيونها : كل هذا سوالف مع زوجج
نور ابتسمت : اقووول اسكتي لا يجيج بكس يأدبك فجووور
الهنوف ابتسمت : شكلها نور حبت فجر
فجر بغرور : اي تراااني فجوووره
الهنوف تتمسخر عليها : وانتي الصاجه عصوووووره ولا ظهوووره أحسن ههههههههه
فجر : ما اقووول الا مالت عليج يالدبه
نور : الحين من كبر الصاله حقت سويتكم مجتمعين فيها ..!! روحو للحجر تراها أوسع والله
رهام تقلم اظافرها : ادررري بس الصاله احلى
نور : أهاا .. يلا تصبحون على خير بنااام
رهام مشغوله بتقليم الأظافر : صح وين ود ..؟؟
نور مستغربه : ليييه هي ما رجعت ..؟؟
رهام ووعد : لأأأ
نور رفعت كتوفها : ما أدررري
رهام : تشوفونها تحت بتيي بعد شوي
نور : تدل ولا تظيع ..؟؟
وعد : ما عليج تعرف تتصرف
نور : طيب ..!! يلا تصبحو على خير
البنات : وانتي من أهله
دخلت نور الحجرررره وهي محتاره وينها ود ..!! ليكووون تسولف مع عبدالعزيز ..!! لأأأ أكيييد راحت
رجعت نور راسها لورا بهدوووء : استغفر الله العلي العظيم ليييش هـ التفكير .. ولييش ظن السوووء
نبهها صوت الموبايل وهو يرن .. تقدمت منه بسرررعه وردت بفرح : آلوووو
شوق : يا هلاأأأ
نور : اهليييين حيااااااااتي
شوق : وصلتو ..؟؟
نور : من زمااان
شوق : يلا الحمدلله ع السلامه
نور : الله يسلمك فديتك
شوق : غرررررريبه ما اتصلتي فيني يالدبه
>>> يتبع
نور : هههه اسمحي لي فديتك والله اني انشغلت ورتبنا اغراضنا
شوق : آهااا .. ليكووون تبين تنامين
نور : اي كنت بنام الحين وانتي ..؟؟
شوق : فرق الوقت بينا وايد ترا
نور : يعني انتو عندكم قريب الفجر
شوق : يب
نور : وش مسهرك ..؟
شوق : ماكو بس أفكر فيج هههه
نور : يالدبه
شوق : لا صج بالي مشغوول يانور محتاجتج
نور : خيررر
شوق : والله ما ينفع لااازم اشوووفج
نور : بس ارجع ان شاء الله قولي لي عن كل شي
شوق : متى بترجعين بعد شهر ولا شهرين ...؟؟
نور : تراك انتي الدبه قلت انك ما بتجين معانا
شوق : شسوي والله مليت من السفر
نور : اللي يسمع يقووول ما خلت دولة بالعالم الا وزارتها
شوق تضحك : عاد أنا حدي الخليج
نور ابتسمت : مافي احلى منه والله
شوق : بدينا ..!! المهم أنا بصكر لأني بديت أنعس
نور : هههه طيب يلا نامي
شوق : تصبحين على خير وسلمي على كلهم
نور : وانتي من أهله .. ان شاء الله فديتك
/
.
/
الساعه ثمانيه بتوقيت الامارات
بدور طالعت من الدريشه ..!!
أكييييد رووح .. هو يوم الأربعا يداوم ع الساعه كم ..؟؟؟ أحيييد الساعه ثمان كان يطلع من البيت بس الحين ...؟؟
رجعت بدور سحبت الستار ومنعت الضوء من انه يدخل الحجره .. تقدمت عن السرير ورمت نفسها عليه
بدور وهي تتنهد : ياربي اش هـ الحياااه الأرف والممله متى أرجع قطر وأفتك ..
نبهها صوت موبايلها وهو يرن .. ابتسمت وهي تشوف الرقم ردت بسررررررعه
بدور : هلا والله
اريج : صباح الخير
بدور : صباح النور
اريج : شخبارها العروس ..؟
بدور بسخريه : قصدج الأرمله ههههه
اريج تضحك : حرااام عليج بدورووه
بدور : والله صج ما امزح
اريج : المهم شخبارج ..؟؟
بدور : تمام التمام انتي شخبارج ..؟؟
اريج : تمام الحمدلله
بدور : قدمتي على وظيفه ..؟
اريج : بـ شهر ثمانيه بيردون علي
بدور : آهااا شي طيب
اريج : وانتي ...؟
بدور : أنا خليني ألحق على حياتي وعمري بعدين بفكر بالوظيفه ..!
اريج مستغربه : ليييش انزين ..؟؟
بدور : تدرين عاد روحي طايحه بـ مشكله مادري اش حلها
اريج : ادعي ربج وان شاء الله تفرج
بدور : آمييين
اريج : عندي لج مفاجأه
بدور مبتسمه : اش هي ..؟؟
اريج : ماشي بس ماما تقول انها تبي تزورج
بدور فرحت عن خاطر : صــــــــــــــج
اريج : اي والله
بدور : حياها الله
اريج : الله يحييج
بدور : متى بتييون
اريج : والله حسب ماماتي عاد
بدور : لا لا ان شاء الله توافق ماماتج تيي اليوم
اريج : ان شاء الله
بدور : ما أوصيج عاد تمرين عـ المحمصه وتيبين لي ذاك البيتيفور والبقلاوه اللي ما ذقته بـ حياتي
اريج : ههههههههه لا عاد خلاااص ما بيي بيتكم
بدور ابتسمت : موووو صج أمزززززح انزين
اريج ضحكت : أدررري انزين أنا بعد أمزززح بييب لج المحمصه كلها
بدور : كلمتي البنات
اريج : أمس رحت لـ ملاك
بدور : صج ..؟؟
اريج : اي صج
بدور : شخبارها ..؟؟
اريج : مثل ما هي أخوها كل ماله يزيد عصبيه وعنجهيه
بدور : وااااع مايد ليييش صاير جذي
اريج : أنا ادررري من يوم تزوج وهو متغير
بدور : الله يهديه بس .. مسكينه ملاااك تعاني والسبه أخوووها
اريج : ما عليج ان شاء الله يصير أحسن عن قبل بعد والله يهديه
بدور : آمييين
اريج : أما شوقاني ونور ما اعرف عنهم شي لأني أخر مره كلمت شوق يوم السبت وقالت لي نور يوم الثلاثا بتروح المانيا مع عبدالعزيز
بدور : وشوق ...؟
اريج : لا قالت ما بتروح
بدور : لييش انزين ..؟؟
اريج : والله مدري بس أكثر ظني انها ما تبي تروح معاهم
بدور : غرررريبه
اريج : المهم ما علينا بس قالت بعد شهر وشوي بيرجعون
بدور : اي على بداية ثمانيه
اريج : ان شاء الله
بدور : ونور ..؟؟
اريج : تقول هم بيقعدون يا شهر يا شهرين عاد ما أدري حسب الكورس وعبدالعزيز كل يوم رااااي
بدور : الله يرجعهم بالسلامه
اريج : آمييين
بدور : عاد هه ما اوصيح تقولين للوالده تيي معاج
اريج : اي أكييد تراها هي اللي قالت بروح لـ بدور
بدور : وااااي فديت خالوتي والله
اريج تضحك : ههههههه شخبار اهل العين ..؟؟
بدور : ولا أعرف عنهم شي من ييت دبي وأنا متغيره لا أتصل ولا امسج
اريج : يلا عاد بدوره بودرج أنا
بدور ابتسمت : وانا بروح بتريق
اريج : بالعافيه حبيبتي
بدور : الله يعافيج
اريج : يلا مع السلامه
بدور : مع السلامه
بعد ما صكرت بدور من عند اريج وقفت وهي مبتسمه وارتاحت شوي لما كلمت اريج عاد لما تشوفها كيييف ..؟؟ أكيييد بتكون أسعد انسانه
بدور افكار توديها وتييبها تقدمت عن باب الحجره وفتحته ونزلت عشان تروح تتريق
وهي ماشيه خطفت على حجرة حمدان شافته نايم ابتسمت وكملت دربها وقررت انه من اليوم بتنوم حمدان عندها لأنه بعده صغيررر وحرااام ينام بروحه .. يعني لو قام ولا شي من بيشوفه .. غير ان البيت عود ..
ابتسمت ما بين هـ الأفكار ودخلت المطبخ
/
.
/
ملاك تطالع وصايف وهي تتريق ..
ملاك سحبت الريموت وغيرت القناه
وصايف حطت كوب العصير ع الطاوله وقالت : رجعي القناه
ملاك وهي تتأفف : مابي .. شوفي ها أحسن لج
وصايف كملت أكل وهي مقهوووره ..
ملاك صدت صوبها وطالعتها بنظره احتقار بمعنى مالج شغل فينا اطلعي من حياتنا أحسن لج
وصايف ولا عطتها أي اهتمام وكملت أكلها
انغاضت ملاك وقالت : انتي لييييييش دخلتي حياتنا ..!!
وصايف : قصدج ليييييش اخوووج خذاني ..!!
ملاك : هه من زينج عاد يعني لو أخوووي ياااخذج
وصايف : اقووول اسكتي الحين من حلاتج انتي واخوووج والله فلوسكم اللي رازتكم
ملاك : وأخلاقنا الحمدلله مب انتي تربية شوااارع
وصايف : تربيه شوارع فـ عينج سمعتي ..!!
ملاك وقفت وقالت : هي والله تربية شوارع مدري من كم سنه رايحه بلاد برع تدرس ياليت لو تدرس بعد شي عادي عندنا .. بس تتقابل مع فلان ولد فلاان لا يدييييييده تونا نسمعها
وصايف وقفت ورفعت كوب العصير وجبته على ملااااااااااك بشكل فجائي
ملاك فزعت وشهقت من الخوووووووف والعصير البارد اللي توه انكب عليها
وصايف ابتسمت وقالت : تعلمي كيييف تكلمي اللي أكبر عنج سمعتي
ملاك تقدمت من وصايف وهي ترتجف ومسكتها : والله براااويج يا وصااايفوووه وقسم بالله مثل ما دخلتي هـ البيت وقلبتي راس أخوووي علينا ... أخوووي بيعرفج عددددل وبيطلعج من هـ البيت
وصايف ابعدت يد ملاك من عليها بقوووه وطالعت ملاك باحتقار وهي تقول : قووووووومي عني أحسن لج
ملاك ابتعدت وهي ترتجف من برودة العصير اللي انسكب عليها : تريي والله ان ما راويتج
وصايف ضحكت بسخريه وهي تقووول : سيري تسبحي قبل لا تبردين وتمرضين
ملاك مشت وهي مقهوووووووره ومذلوووووله في بيتها
/
.
/
نور دخلت مع الهنوف وفجر الكوفي تقدمت عشان تطلب
فجر : نور عبدالعزيز
نور صدت وهي تقول لها : نور حمد .. عبدالعزيز بـ عينـ .................. ( سكتت وهي تطالع عبدالعزيز )
فجر وهي تضحك : قصدي عبدالعزيز جا .. ما اقصد ان اسم ابوووج ههههههه
نور انصدمت هذا من متى وراهم
عبدالعزيز ابتسم وقال : صباح الخير
نور : صباح النور
الهنوف وهي تطالع نور : خلاااص انتو روحو اقعدو ونحن بنطلب
عبدالعزيز : تعرفين تتكلمين انجليزي ..؟؟
فجر وهي متخصره : اي أكييييييد أعررررف من قال لك ما نعرف
الهنوف : اي نحن مناهجنا جديده مب مناهجكم انتو مال سنة جرب
عبدالعزيز ابتسم وهو يقول : اسكتو كليتوني انزين
نور استغربت الريال شكله راااايق مرررره اليوم
فجر : خلاااص يلا عطونا الحساب وانتو روحو
عبدالعزيز : لا أنا بشتري انتو روحو اقعدو
نور : يلا بنات
الهنوووف : أوووكي أوووكي بنروووح
فجر مسكت يد نور وهي تقول : يا حيااااااااااتي
نور : بسم الله اش فيك ..؟؟ حرارتك ارتفعت
فجر وهي تبتسم : لاااا بس كلمه تطلع لا اراديا مني هههه
نور : حاسبي ما تطلع بمكااان غلط ههههههه
الهنوف : اي اي وبعدين اللي قدامج يفهمها غلط
نور : هههههه اي وانتي الصادقه
عبدالعزيز ياااي ومعااااه الفطور : انتو بعدكم ما قعدتو
فجر مبتسمه : لا شكلك انت اللي استعجلت بالمجئ يا ابن عمي العزيز
عبدالعزيز يحط الأكل على أقرب طاوله : اقعدي انتي وياهاا يلااا
الهنوف : ههه نور يقول لج انتي بعد
نور تقعد : لا اللي موجه له الكلام عارف نفسه
فجر : ما بقى غيري أنا وانتي
الهنوف : وانتي الصاجه اقووول خذي فطورج ونروح فوووق
فجر : لا نقعد على هذيك الطاوله أحسن
عبدالعزيز : اكلي انتي وياها وانتي ساكته يلااا ..!!
فجر : اممممممف اخوووج ليييش جذي
عبدالعزيز طالعها بنظره وفجر صخخخخخخخت
نور ابتسمت وهي تقول : تستاهلي
الهنوف : عبدالعزيز ممكن نقعد على هذيك الطاوله قريب منكم
عبدالعزيز هز راسه بالايجاب وقال : أوكي
الهنوف وفجر ابتسمن وتقدمت فجر بسرررررعه من الطاوله الثانيه
نور ابتسمت وهي تقول لـ عبدالعزيز : الدبه فجر فوضويه
عبدالعزيز : اي وااايد .. دبل عن الهنوف
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك