رواية خليجيات في الامارات -48
الهنوف : وانتي الصاجه اقووول خذي فطورج ونروح فوووق
فجر : لا نقعد على هذيك الطاوله أحسن
عبدالعزيز : اكلي انتي وياها وانتي ساكته يلااا ..!!
فجر : اممممممف اخوووج ليييش جذي
عبدالعزيز طالعها بنظره وفجر صخخخخخخخت
نور ابتسمت وهي تقول : تستاهلي
الهنوف : عبدالعزيز ممكن نقعد على هذيك الطاوله قريب منكم
عبدالعزيز هز راسه بالايجاب وقال : أوكي
الهنوف وفجر ابتسمن وتقدمت فجر بسرررررعه من الطاوله الثانيه
نور ابتسمت وهي تقول لـ عبدالعزيز : الدبه فجر فوضويه
عبدالعزيز : اي وااايد .. دبل عن الهنوف
نور : الله يحفظها
عبدالعزيز : وين باقي البنات ..؟؟
نور : نايمات
عبدالعزيز : لييش ..؟؟ ما قاامو
نور : مدري والله أنا نمت بدري أول ما طلعنا بس هم الظاهر سهرو
عبدالعزيز : آهاااا
نور : يلا بيقومون بعد شوووي ان شاء الله وبيجون يفطرون معنا
عبدالعزيز : كلمتي شوق ..؟؟
نور : اي كلمتها
عبدالعزيز : شخبارها
نور : بخير الحمدلله بس مدري ليييه ما جت تقول مو بخاطرها
عبدالعزيز : اي قالت لي جذي
نور : طيب ليييه يعني ..!! لو مو بخاطرها تاخذ الدوره تجي مع البنات اسبوووع تدور وترجع
عبدالعزيز : برايها محد يقدر يجبرها على شي ما تحبه
نور : اي والله برايها ..!! المهم متى بنروح المعهد ..؟؟
عبدالعزيز : من اليوم الظهر
نور : والبنات ..؟؟؟
عبدالعزيز : بيتمون بالفندق
نور : لحالهم ..؟؟
عبدالعزيز : اي وبعدين ما بيطلعون عادي
نور : آهااا بس وصيهم لا يطلعون لأنهم أمانه معنا
عبدالعزيز ابتسم وهو يقول : انتي ليييش شكاكه جذي
نور عقدت حياتها : شكاكه ..؟؟
عبدالعزيز : مثل العجايز والله ان أمي أهووون منج ما تسأل وتحاتي هـ الكثر ..!
نور ابتسمت وهي تقول : هذي غلطتي أخااف عليكم
عبدالعزيز نزل راسه يطالع الكوب وبدا يلعب بيده اليمنى بالكوب ويده الثانيه اكتفى انه يحطها على خده
نور طالعته وقالت : اش فيك ..؟؟
عبدالعزيز وهو يبتسم : لا بس ذكرتيني بـ أمي واشتقت لها
نور ضربته على كتفه بـ خفه وقالت : عبدالعزيييييييييييييييييز ..!!
عبدالعزيز ابتسم وهو يقووول : خلاااص خلاااص هههه هذيل البنات يووو
نور وهي تطالعهم : هههه شكلهم كانو سهرانين البارحه
عبدالعزيز : زين شوق مو معاهم لو شوق معاهم جان الحين العالم بخبر كااان
نور ابتسمت : هي لحالها أمس سهرانه لسته الصبح لو معهم عاد للحين تشوفها واعيه
عبدالعزيز ابتسم : ههههه والله مفتقدها
نور ابتسمت وهي تطالعه أوووول مررررره يقووول انه يفتقد أحد ومعاها ..!! ما عمره عبر عن مشاعره أو قال شي عن نفسه ...!
/
.
يوم الخميس بليل الساعه ثمان بتوقيت الامارات
بدور وهي طالعه من الحجره قالت للخدامه : ميري ....... ميررررررري
ميري : يس مدام
بدور : سيري فتحي الباب ..!! ما تسمعين
ميري : أوكي مدام
بدور وهي رايحه لحجرة حمدان ابتسمت وهي تطالع سريره ..!! طالع مع ابوووه رايح يلعب في الألعاب يا حظه مب أنا اللي معفنه في البيت صااار لي شهرين ولا أطالع الدنيا بعد ..!! ما اقووول الا الله يرحمج يا ميررره رحتي وتركتي كل هـ الحمل علي أنا بروووحي
امتلت عيووون بدووور وهي تسمع الخادمه تزقرها
مسحت عيونها بسرررعه ونزلت من ع الدري بحيييث تشوووف من ياي
ابتسمت عن خااااطر وهي تشوووف خالو أمينه مع أريج
بدور وهي تمشي بسرررعه : تو ما نور البيت
خالو أمينه تقدمت وهي تسلم على بدور : السلام عليكم
بدور بفرح : وعليكم السلام يا هلا والله
اريج مبتسمه : اش حالج دبوووه ..؟
بدور وهي تبتسم : بخيرررر الحمدلله انتي اش حالج ..؟
اريج : بخير
بدور : دوم يارب .. خالو طمنيني عنج ان شاء الله صحتج أحسن عن قبل
خالو أمينه : الحمدلله يا بنيتي
بدور : الحمدلله .. حياااكم حيااااكم ايلسو
خالو أمينه : ضعفانه بدور
بدور ابتسمت وهي تقوول : عاد المسؤولية تضعف غير ما شي وقت للأكل بعد ههههه
خالو أمينه : زين زين عسب تصيرين حرمه سنعه من الحين
بدور وهي تضحك : عقبال أروووج
اريج ابتسمت متلومه : ماااالت ترا بعدني صغيرونه
بدور : ويـــن اللي كبرج صااار عندهم عيااال
اريج تضحك : هههههههه اي والله ربيعتي فطامي صااار عندها ولد والحين حااامل
بدور : أنا اقووول لج ههههه
خالو أمينه : شخبارج بعد بدووور .. واش حالج أهلج وأمج وقوم خالاتج اللي صوب العين
بدور : بخير الحمدلله خالو كلهم يسلمون عليكم
خالو أمينه : الله يسلمهم
اريج : هي صح اليوم رمست رواااني
بدور : خيررر ..؟؟
اريج : ماشي بس تراها باااجر بتملج
بدور مستغربه : تمللللللللللللج ...............؟؟
اريج : هي مروان من ثلاث ايااام خاطبنها وأهله يو شافو البنيه وعاد هو والبنيه اتفقو ما يكلفون والملجه تكون عايليه وبياخذ البنيه
بدور مستغربه : ملكه وخطوبه بثلاث ايااام .........؟؟
اريج وهي تغمز لها وبنغزات : قصدج ثلاث سنين
بدور بدت تضحك : ههههههه هي توني فهمت بس حرااام هله ما مداهم يتعرفون عليها
اريج : باااجر بيتعرفون عليها ان شاء الله وبعدين أمه شافتها من يومين
بدور : آهااا .. يلا الله يتمم على خير
اريج : آمييين
خالو أمينه مستغربه : روان بتاخذ منو ..؟؟
بدور تضحك : خالتي هذا مروان بن فيصل .. ما عرفتيه
خالو أمينه : لا والله ما عرفته
بدور : عاد خالو فاطمه أم قوووم ملاك تعرفهم
خالو أمينه : يلا الله يبارك لهم ويوفقهم
بدور : آمييين يارب
أريج : بدوووره ..؟
بدور : هلأأأ ..؟؟
اريج : وين حمداني ..؟؟
بدور مبتسمه : حمدانج راااح عالم مدهش ...!
اريج مستغربه : ليييش نحن شهر كم ..؟؟
بدور : راقده انتي نحن في الصيف الحين
اريج : ويه ويه خل اروووح السوق الحق لي على كم بدله واشتريها
بدور تضحك : هاللي يهمكن
اريج : وش ورانا يعني ..؟؟؟ غير هالملابس والميكب
بدور مبتسمه : حمداني فديته وايد يحب مدهش
اريج : كل اليهال يحبونه
بدور : هههههه بس صج صج في يهال يشبهون مدهش جذا اربع وعشرين ساعه مبطلين حلوجهم ومبتسمين
اريج : واااااااااي فديت حمووودي والله مشتاقه له ولسوالفه
بدور : خلينا الحين شوية مفتكين من صدعته
اريج : ههههه حرام عليج بدوووور ..!
/
.
/
روان رايحه راده وهي متوتره ..!
ابو روان : اش فيييييييييييج ..؟؟
روان : بابا اش فيني يعني ..!! باجر ملجتي وبعدين انا ما عندي لبس ..؟؟ ولا حاجزه
ابو روان : يا بنتي كل شي فيه خير ان شاء الله ربج يقدمه لج
روان : آمييين بس أنا بعدني مب جاهزه ما عندي غير الملابس القديمه
ابو روان : انزين انتي خذي لج واحد من فساتينج هذيل وبوديج باجر الصالون
روان : أوووكي بس أنا بعدني ما أعرف أهله
ابو روان : عادي تعرفي عليهم
روان : بس أنا مب معاااي أحد بروووحي
ابو روان : اتصلي برفيجاتج خليهم ييون
روان : هن الحين كل وحده لاهيه بعمرها محد متفيج لي
ابو روان : وليييش ما يحضرون الملكه انزين ..؟؟
روان : ما أدري عنهم بس أكثر ظني نوروه وشوق مسافرين وملاك أخوها ما يخليها وبدور تزوجت ماشي غير أريج
ابو روان : خلاااص قولي لها تيي
روان : ان شاء الله وبعدين ليييش مروان مستعيل ..؟؟
ابو روان : مدري عنه
روان : هي صح قلت لهم نحن ظروفنا هـ الفتره ما تساعد ..!!
ابو روان : اي ومروان قال بيسوي عرس ومدري شو .. بس قلت له البنيه ما تبي ..
روان : اي صح ..!! لأن توني صحيت اشلون أروح اتجهز واسوي هذا روحه يبي له شهر .. عاد بتعب مره ثانيه وبيرقدوني
ابو روان : خلاااص ملكه عايليه أحسن
روان : اي وبعدين باجر أهله كلهم يايين ..؟
ابو روان : أكيييد
روان ابتسمت مستحيه : بابا استحي
ابو روان ضحك وهو يقول : ههههه والله ذكرتيني فيج يوم كنتي خمس سنوات
روان : ههههه خمس سنوات مره وحددددده
/
.
/
يوم الجمعه
نور : لا مابي
رهام : تعااااااااااالي نور
نور : رهوووم صج مابي
رهام : لييييييش انزين
نور : بقعد هنا مع عبدالعزيز
رهام : نطلع شوي وبس
نور : مابي بقعد هنا انتو روحو لحالكم
رهام : حرااااام عليج نوااااااااري يلا شوي
نور مسكت راسها : رهووووم والله راسي يوجعني
رهام تأففت وهي تقول : ماااالت عليج والله لو انها شوق من أول مره تيي ما نقعد نترجاها اربع وعشرين ساعه
نور بدت تضحك : هههههههه
رهام معصبه : اي انتي اضحكي وخليني جذي .. والله أحر ماعندي ابرد ما عندج
نور : حرااام رهووووم والله تعبانه امسكي راااسي وشوفي الحراره
رهام : صدقتج صدقتج خلاااص
نور : يلا روحو الله معاكم
رهام : امف منج .. !! ماااالت
نور ابتسمت : ود بتجي معاكم ..؟؟؟
رهام : لا بس أنا ووداد وفجوور والهنوف
نور : طييييب ... يلا مع السلامه
رهام : مع السلامه
نور : مثل ما قال لكم عبدالعزيز : ما تروحو بعيد
رهام : أوووكي
نور : اي صح وين ود بقعد معها
رهام : ود نزلت الكافتيريا تشرب كوفي
نور : آهااااااااا ..!! طيب يلا بااااي
رهام : بااااااي ... يلا الهنوووووووووووووف وفجووووووووووووووور
نور ضحكت : ترا بيقولو لي طرشه والسبب انتي
رهام ابتسمت ابتسامه عريضة وكأنها تقول لـ نور .. تمي في البيت ونحن بنطلع وانتي بروحج
نور بدت تضحك على هبال رهام النسخه من شووووق وماخذه طبعهاااااا ..!
رهام وهي تطلع : بااااي نور وانتي عفني هنا في البيت
نور ابتسمت وهي تقووول : روووحي زين فكينا من شرك يالدبه
طلعن البنات ونور تقدمت من التلفون تتصل بـ شوق وتشوف شخبارها
/
.
/
ملاك تطالع مايد ووصايف وهي محتاره تتكلم مع مايد ولا لأأأ
ملاك : مايد
مايد بدون ما يطالع ملاك : نعم ..؟؟
ملاك الله يستر : مايد ممكن أروح اليوم ملجة ربيعتي
مايد : اي وحده ..؟؟
ملاك : روان
مايد عقد حياته وقال : لأأأأ لا تروووحين خلج قاعده
ملاك طالعت مايد بحزن قالت وهي توقف : ان شاء الله
مايد ولا عبرها
ملاك استغربت مايد صااااير انسان مب طبيعي من يشوووف ملاك وكل اللي كان يحبهم يتقزز منهم ما تدري شالسبب السالفه أكيييد فيها انه ولا مايد ما عمره فكر يسئ لملاك بكلمه والحين يمد يده عليها
مشت ملاااك وهي تفكر بـ حل لـ مايد عشان تطلعه من الحاله اللي فيها لأن مر فتره وهم بعدهم على هـ الحال لا يسلمون على بعض ولا يطالعون بعض بعد
مشت ملاك بسرررعه وصلت لـ حجرتها وقفلت الباب
سحبت التلفون من الدرج واتصلت بـ راشد
ملاك : السلام عليكم
راشد : وعليكم السلام
ملاك : اش حالك راشد ..؟
راشد : تمام حبيبتي انتي اش حالج ..؟؟
ملاك : بخير الحمدلله
راشد : فيج شي ..؟؟
ملاك متضايقه : لأأأ ما فيني شي
راشد : مايد ...!
ملاك : في غيره يعني ...؟
راشد : سوا لج شي
ملاك : لا بالعكس اليوم ما كلمني بعد بس ما أدري أحس عمري أشفق عليه .. راشد تدري أحس ميووود
انسان مب طبيعي
راشد : كيييييف ..؟؟
ملاك : ما أدري بس أنا أحس ان أخوووي بالفعل فيه شي
راشد : كيف يعني .. فهميني ع الأقل ..!
ملاك : راشد ما يصير ع التلفون ابي أقابلك بأقرب فرصه
راشد : ليييش حد رمسج عنه
ملاك : لأأأ بس ما ادري ذاك اليوم كلمت أريج ومن كلام أمها ما أدري يت لي فكررره
يتبع >>>
راشد : خلاااص يصير خير
ملاك : متى بشوفك
راشد : عاد من عاشر المستحيلات أيي بيتكم بس بشوووف ان شاء الله
ملاك : سألته اروووح ملجه روان اليوم بس ما قااال لي شي وتم يقول لا تروحين
راشد : خلاااص عيل بدبر يوم
ملاك : ترا صج والله ما كنت بروح الملكه كنت بيي عندك
راشد : صااار خير حبيبتي
ملاك : متى بشوووفك ..؟؟
راشد : خلاااص ان شاء الله بأقرب فرصه أقدر
ملاك : ان شاء الله بس حاول تسرع أوووكي
راشد : ان شاء الله ولا يهمج
ملاك : ماما اش حالها
راشد : يالسه تدعي له
ملاك : الله يستر على شبابنا اللي حالهم جذا
راشد : ان شاء الله يصير أحسن بس انتي لا تحاتين
ملاك : ان شاء الله ما أحاتي بس لا تنسى بأقرب فرررصه
راشد : من عيوني خلاااص انتي تريي مني اتصال
ملاك : أوووكي أتريااااك
راشد : تبين شي ثاني ..؟؟
ملاك : لا سلامتك
راشد : يلا مع السلامه حبيبتي
ملاك : مع السلامه
/
.
/
بدور تطالع حمدان وتبتسم : ها حمووود استانست أمس
حمدان : هي مدهش حلوووو
بدور : شفته ..؟؟
حمدان : هي بس ما يتحرك واااقف
بدور ابتسمت : حبيبي هذا تمثال على شكل مدهش
حمدان : انزين مدهش وينه
بدور : ايي بس مب كل مرررره يكون قاعد
حمدان بطفوليه : ليييييييش انزين نحن نبي نشوفه
بدور وهي تضحك : ترا مدهش يروح ياكل ويدرس ويرقد
حمدان صدق : صدق والله
بدور : هي وترا مدهش شطووور يحب المدرسه
حمدان ابتسم : أنا بعد
فجأه سمعت صوت أحد قاااعد ينزل من ع الدري ارتبكت بدور وقالت
بدور : حموووود باباتي روووح حجرة الألعاب
حمدان هز راسه وهو يقول : لأأأ بطالع رسوم
تقدم معضد وقال : السلام عليكم
بدور : وعليكم السلام
معضد يلس يمب حمدان اللي مسوي حاجز ما بينه وبين بدور
بدور وقفت تبي تروح
معضد : وين رايحه ...؟؟
بدور : بريح شوي
معضد : الساعه ثلاث ونص مب باجي شي ع الأذان
بدور : لا عادي ما برقد
معضد : ايلسي اباااج شوي
بدور ارتبكت وخافت : خير ....؟؟
معضد : كل خيررر بس بنروح العين اليوم
بدور : اليوم ..؟؟
معضد : هي ليييش ..؟؟
بدور : لأأأأ بس نحن مب جاهزين وجان نبي نروح العين ما يصير يوم اليمعه العصر روحه يباله وقت هـ الدرب
معضد طالع الساعه وقااال : صدقج خلاااص الخميس الياي بنروووح الهم
بدور : أوووكي
مشت بدور تبي تصعد معضد قااال : أنا بطلع خلج عند حمدان المغرب
بدور قالت وهي تمشي : ان شاء الله
تقدمت بدور من حجرتها وهي حاسه ان معضد يكلمها من طرف خشمه أووول مره تحس انه مغرور لـ هالدرجه ما توقعته جذي مع اللي يكرههم طول عمرها ع بالها معضد الانسان المتواضع الحبوب مع الكل بس هذا كان أوووول أما الحين لأأأأأأأ غيرررررررر ...!
/
.
/
اريج وهي تصعد عشان ترجع الشقه من بعد ما راحت تتشرى شوية أغراااض وملااابس عسب تروووح الملجه تروووح لـ روان بعد شوي
شافت بدربها محمد نازل
اريج ابتسمت : يا محاسن الصدف ........!!
محمد : اش حالج ..؟؟
اريج : بخير الحمدلله وينك غرررريبه صااار لك فتره ضااايع لا تبين ولا تسلم بعد ..؟؟
محمد : شـ نسوي عاد انشغلنا
اريج : هي هي دام جذي عادي
محمد : وانتي وينج ضايعه ..؟؟
اريج : تدري روان تعبت وعاد ما مداني أسوي شي كله معاها
محمد : هي يزاااج الله الف خير
اريج : بتروح الملكه اليوم
محمد : له ما أقدر وبعدين مروااان روحه بيكووون قايل مب مسوي حفله عوده
اريج : هي بس يملجون اليوم
محمد ابتسم : أحسن له شو يبا بالمصاريف شراتي
اريج مستغربه ...!!
محمد : هي صح نسيت أخبرج
اريج : شو ..؟؟
محمد : ترا بعد اسبوعين عرسي .......!!
اريج مستغربه : شو .........؟؟
محمد مبتسم : عرسي يا أمي خلاااص بعرس
اريج حست انها بتنفجر من الصياااح بـ مكانها تماسكت وقالت : مبرووووك
محمد : الله يبارك في حياتج
اريج ابتسمت وهي خلااااص مب قاادره تستحمل توقف يدامه أكثر عن جذي
محمد ابتسم : عاااد بييب لج البطايق ع السبوع الياي ان شاء الله
اريج ابتسمت : هي زين خبرتني عشااان اروووح اتجهز واشتري فستان
محمد ضحك وهو يقول : يا حبكن للخساير
اريج وهي بتنفجر ومب قادره توقف ولا دقيقه زياده معاااه : يلا عاد عن اذنك بروووح
محمد : اذنج معاااج
اريج ابتسمت ومشت وهي حاسه انها بتطيح من الخبر اللي سمعته توها
دخلت الشقة مكتأبه
اريج : السلام عليكم
خالو أمينه : وعليكم السلام وينج تأخرتي ..؟
اريج : ماشي بس خذيت وقت لما أختار
خالو أمينه : خذيتي لها هديه زينه عاد ..؟؟
اريج هزت راسها : اي حلوووه
خالو أمينه : يلا عاااد روحي تجهزي انتي الحين
اريج : أوووكي ماما
دخلت أريج حجرتها ورمت روحها ع السرير وبدت دموعها تسيل ............!!
/
.
/
نور شافت الساعه ملت وهي قاعده تتريا البنات يرجعن بس صدق الطلعه عجبتهم عددددل
وقفت تروح لـ عبدالعزيز تقعد معاااه قبل لا تمووووت من الخووووف بروحها غير هذي ود راحت للمطعم تحت
مشت نور وطلعت من سويتهم وتقدمت من سويت عبدالعزيز تبي تقعد معاه وبعدين تكلم شوق مره وحده
ابتسمت نور وتوها بتدق الباب سمعت صوت وحده في الحجره ميزت هـ الصوت ما بين كل الأصوات
........... : حراااااااام عليك والله اني أحبك
عبدالعزيز : لا رد
............. : انت ليييش تعاملني جذي انزين
عبدالعزيز : ود أنا الحين متزوج خلااااص
ود : بس انت ما تحبها
عبدالعزيز : لو أحبها ولو ما أحبها هذا شي راجع لي
ود بدت تصيح مبين من صوتها وهي تقول : عبدالعزيز ليييش تعذبني وتظلمني
عبدالعزيز : ود هالشي مب من رغبتي .. أمي طلبت مني وأنا ما أقدر أرفض لها طلب
نور انصدمت من الكلااام اللي قاعده تسمعه من ورا هـ الباب ... ودها تدخل وتمسك ود من شعرها وتجرها جرررر
بس مسكت أعصابها وركضت للحجره دخلت ورمت روحها ع السرير .. تنفست بصعوووبه وهي تكتم آهاتها .. حست عمرها مذلوله مكسووووره ومعروووووضه له بنفس الوقت
/
.
/
شوق يالسه في الصاله مع عمتها وحريم عمانها وأمها
أم عبدالعزيز : يما شوووق روحي يلسي ع الجهاز ولا شوفي تلفزيون
أم براك ابتسمت : اي وانتي الصاجه ... بنتي بتزهقين من سوالفنا
شوق ابتسمت بحزن : لا أنا مرتااحه جذي عادي
أم عبدالعزيز : غريبه بنتي الصراحه
أم براك : خليها على راحتها يا أم عبدالعزيز
شوق طالعت أمها وقالت : يما متى بيرجعون قوم رهاااموه
أم عبدالعزيز : الثلاثا ان شاء الله
ام براك : البنات اش كثر تمنو انج تروحين معاهم بس يلا ان شاء الله المره اليايه
شوق : ان شاء الله
أم عبدالعزيز : اش كثر قلت لج روووحي وأخوووج معاهم بعد بس عنيدددده الا تسوين اللي براسج
شوق بملل : يمااا عادي انزين ما فيها شي
أم عبدالعزيز : اشلون ما فيها شي وانتي اربع وعشرين ساعه ملانه
شوق : يما اش فيكم علي ترا والله أنا صاحيه ما فيني شي
أم براك : خلاااص يا أم عبدالعزيز خلي البنيه على راحتها عن نضايقها بس
شوق : لا خااالتي ما تضايقوني
أم عبدالعزيز : بكلم ضاااري يطلعج انزين
شوق ابتسمت : أوووكي موافقه
ام عبدالعزيز توها بتتصل اندق باب الصاله
أم براك وقفت وقالت : تفضل
دخلو براك ونواف ومعاهم ضاري ...!!
شوق لفت ويهها تبي تطالع من .. انصدمت وهي تشوفهم .. نزلت راسها باحراج .. براااك ونواف مع بعض
ام عبدالعزيز : زين انكم ييتو
ضاري تجدم وهو يقوول : مصلحه أكيييد
أم عبدالعزيز ضحكت وهي تقووول : استح على ويهك يا ولد
ضاري : انزين اش تبين يما ..؟
أم عبدالعزيز : تودي أختك السوق
ضاري ابتسم وهو يقووول : اقووول لكم مصلحه ما تصدقوني
أم عبدالعزيز : عيب يا ولد هذي أختك وأنا أمك
ضاري ابتسم : انزييين أمززززج خلاااص والله من عيوني أوديها
براك ابتسم وهو يقوول : ولا يهمج خالتي جان ما بيوديكم أنا بوديكم
شوق رفعت راسها تشوووف ملامح براااك شافته مبتسم يطالعها حست بضيييقه وهي تشوووف نواف منزل
راسه ... ما حست شوووق الا وهي تقوووم
ضاري : على وين ...؟
شوق ابتسمت مجامله : بروووح بكلم نور ع المسن مواعدتني انها تكلمني
ضاري : آهااا أوووكي سلمي عليها وبعد الساعه سبع بوديج السوق
شوووق : أوووكي
مشت شوووق بدون لا تطالع أحد فيهم ما ودها تنحرج أكثررر من الموقف اللي هي فيه الحين .. لا والأخوان متيمعين
/
.
/
ابتسم وهو يطالع روان : مبروووك
روان : الله يبارك في حياتك
مروان : راضيه علي الحين ولا لأأأأ
روان تجمعت دموعها بعيونها وهي تقول : راااضيه
مروان : والله اني من البدايه كنت صااادق بس تدرين صااارت أمووور عرقلت كل شي
روان هزت راسها وقااالت : أدررري
مروان : يلا المهم انج من هـ اللحظه خلاااص لي
روان نزلت راسها ودها تصيح وقالت بهمس : بس تأخرت وااايد
مروان ما سمعها وقال : قلتي شي ..؟؟
روان تطالع صوب باب الجناح : لأأأ ... أهلك ما عرفتهم عدل...؟؟
مروان ابتسم : اللي يلست يمبي أول شي هذي أمي .. والبقيه بتعرفينهم بعد ما تعيشين معاهم
روان : ان شاء الله أعرفهم
مروان : عيبج رشوود أخووي ..؟
روان : اي ماشاء الله عليه يشبهك
مروان ابتسم : يعني حلووو مثلي
روان ابتسمت : يالواثق انته ...!
مروان : يحق لي
روان طالعت مروان بخوووف وهو يوووقف ..!! حست ان بعد لحظااات خلاااص بتنتهي وتصبح مجرد مااااضي بالنسبه له.... لا غيررر ...!!
/
.
/
اريج طلعت عباتها ورمتها وهي حاسه انها خلاااص بتموت ..!! معقوووله كل هـ الوقت كنت أتوهم معقوووله
يعني يطلع محمد ما يحس ..!! صج والله وطلعتي يا اريــــج ما تفهمين ..!!
تنهدت اريج بتعب من بعد يوم حزين في بدايته وبعدين راحت لـ روان وتعبت من كثر اليلسه وغير نفسية روان عدم ..!! الحين أداري عمري ولا أداري روان .. كلن طايح بـ مشكله الله يعلم متى بتنحل
مسكت تلفونها ما شافت غير ملاك اللي ممكن تشكي لها بهالوقت ...!!
ردت عليها ملاك بصوت نايم : السلام عليكم
اريج : وعليكم السلام
ملاك عدلت قعدتها متخرعه : خير اش فيج اريج ..؟؟
اريج : آسفه أزعجتج شكلج نايمه
ملاك : لأأأأ قولي اش فيج
اريج : ملوووك أنا تعبانه
ملاك : اش فيج حبيبتي
اريج : ما فيني شي بس أحس بضيج
ملاك مستغربه : بضيج ..! ليييش انزين حد قال لج شي
اريج : لأأأأ مدري بس أحس عمري خلاااص ودي أمووت
ملاك : استغفري ربج اروووج قووومي صلي واقري قرآن بالج بيهدا
اريج : ان شاء الله
ملاك : فيج شي ..؟؟
اريج : لأأأ بس أحس بالوحده
ملاك : اروووج من فينا ما يحس بالوحده كلنا وحيدين ما في شخص فينا مب وحيد .. وبعدين انتي احمدي ربج كلنا حولج وهذي فتره وبتعدي ان شاء الله ونرد شرات أول
اريج تصيح : ملااااك والله تعبت ما عندي حد يقعد معاااي ما عندي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك