رواية خليجيات في الامارات -49
ملاك : اش فيج حبيبتي
اريج : ما فيني شي بس أحس بضيج
ملاك مستغربه : بضيج ..! ليييش انزين حد قال لج شي
اريج : لأأأأ مدري بس أحس عمري خلاااص ودي أمووت
ملاك : استغفري ربج اروووج قووومي صلي واقري قرآن بالج بيهدا
اريج : ان شاء الله
ملاك : فيج شي ..؟؟
اريج : لأأأ بس أحس بالوحده
ملاك : اروووج من فينا ما يحس بالوحده كلنا وحيدين ما في شخص فينا مب وحيد .. وبعدين انتي احمدي ربج كلنا حولج وهذي فتره وبتعدي ان شاء الله ونرد شرات أول
اريج تصيح : ملااااك والله تعبت ما عندي حد يقعد معاااي ما عندي
ملاك : نحن وين رحنا اريج
اريج : ملااااك هذاك قبل بس الحين والله حتى ما نقدر نتقابل
ملاك : اروووح كلن له ظروفه عاد اسمحي لنا
اريج : ادررري بس والله تعبت
ملاك : ربج يفرجها ان شاء الله بأقرب وقت
اريج : آمييين
ملاك : رحتي ملكة روان ..؟
اريج : هي بس هي وااايد متوتره
ملاك : ليييش ..؟؟
اريج : مدري عنها بس هي ما خبرت مروان عن فهد
ملاك : ما خبرته ..!! كيييف وهو يدري عن كل السالفه
اريج : أدررري بس ما خبرته انه .................
ملاك قاطعتها : لا تقووووووووولييين ...!
اريج : اي والله
ملاك مستغربه : هذي تخبلت ولااأ ...!! المفروض من البدايه يدري
اريج : أنا أدري ..!! والله انها قهرتني اليوم يالسه تقول لي
ملاك : يلا الله يتمم على خير ان شاء الله
اريج : أمييين والله لو صار بها شي هـ المره هـ البنيه بتتجنن
ملاك : لا تحاتين ان شاء الله كل شي يصير يكون خير لها
اريج : آمييين
ملاك تتثاوب : اروووج أنا برقد الحين
اريج ابتسمت : خربت عليج
ملاك : لا بالعكس ..!
اريج : أوووكي وانا بعد بروووح برقد
ملاك : لا تحاتين واشغلي عمرج بأي شي
اريج : ان شاء الله
ملاك : يلا باي
اريج وهي تسده : باي
حست اريج بضيق ..!! حتى ربيعتها اللي هي ربيعتها استحت انها تقول لها عن اللي فيها .. حست أريج بـتأنيب ضمير ليييش انها ما قالت لـ ملاك عن اللي صار .. بس ملاك اللي فيها يكفيها يعني أزيدها ..!!
/
.
/
تقدمت شوووق عن أمها وهي مبتسمه
أم شوق : ها رجعتي ..؟؟
شوق : اي يما ..
أم شوووق : عسا بس اشتريتي أشيا مفيده
شوق ابتسمت : مووو وايد
أم شووق : خلاااص يا بنيه كبرتي خذي لج الشي الزين انسي الخرابيط
شوق ابتسمت : ان شاء الله يما
أم شوق : وين ضاري ..؟؟
شوق : نزلني وقال بيروح لـ دوانية عمي بو سعود
أم شوق : هـ الولد من يينا ما يقر بمكان واحد
شوق مبتسمه : يما خليه على راحته وبعدين توه صغير حرااام تحملونه مسؤوليه فوووق طاقته
أم شوووق : صغيررر تقوليييييين ..!! ترا خلاااص اللي بعمره بيتوضفون ويدرسون بالجامعات بنفس الوقت
شوق : يما بس ضاري غيررر
أم شوق : شاللي غير لا تدافعين عنه ..!
شوق : بس نرجع الامارات سوي اللي تبين بس في الكويت خليه على راحته .. مدري بعد كم سنه بنتجمع
مره ثانيه
أم شوووق : انزين يلا قومي بدلي وتعشي
شوق : تعشيت
أم شوق : خلاااص عاد روحي غيري
شوق : يما روحو عماتي ..؟؟
أم شوق : اي من وقت
شوق : آهاا ما قعدو وااايد
أم شوق : تدرين عاد الجمعه الكل يطلع
شوق : اي صح
أم شوق : ترا مرت عمج أم براك سألتني اليوم عنج وقلت لها انطرو ع البنيه لما أخوها يرجع من السفر
شوق حست بضيق وقالت : اش قالت ..؟؟
أم شوق : صح انها تعجبت بس قالت عادي ننطر
شوق : يلا ان شاء الله خير
أم شوق : بس حطي ببالج مو زين هـ التأخير
شوق ابتسمت : يما دخيلج ما فيني ع المحاضرات بروووح
أم شوووق : أوووكي يلا روحي دارج
شوق رجعت صوب أمها وقعدت : يما بسألج سؤال ..؟؟
أم شوق مستغربه وقالت : خيررررر
شوق : يما ابوي صار لي يومين ما أشوفه وينه ..؟؟
أم شوق : وينه يعني ..؟؟ أكيييد بالشغل ولما يرجع انتو محد ولا نايمين
شوق : بل حتى اهني شغل ..؟؟
أم شوق : صلي ع النبي عن تحسدينه
شوق ضحكت : اللهم صلي وسلم على نبينا محمد وعلى آله وصحبه أجمعين
أم شوق : اشوفج دخلتي الاسلام
شوق ابتسمت : من يوم تخرجت
أم شوق : الله يهديج ان شاء الله
شوق : آمييين يما الحين أبوووي ليييش ما يخطب لـ ضاري
أم شوق بطلت عيونها : شوووووووه ..؟؟
شوق ابتسمت : أمزح امزح بس ضاري خلاااص كبير
أم شوق : جان انتي تبين تزوجين عيالج من ثمنتعش سنه زوجيهم أنا ما أزوج ولدي وهو توه متخرج
شوق : يما زمان كلهم يتزوجون بهالعمر
أم شوق : أدرري بس زمان غير الريال يعتمد على عمره من يوم هو صغير بس الحين خوانج بعدهم ياخذون مصروفهم مني وتبيني أزوجهم ..!! لا حشا والله
شوق تضحك : وعزوز هكو زوجتيه
أم شوق : عبدالعزيز كبير ومعتمد على نفسه
شوق : آهااا خلاااص خلاااص فهمت يلا مع السلامه بروح بنام
أم شوق : نوم العوافي
شوق مشت وهي حاسه عمرها خلااااص بتموووت من الملل والروتين الممل .. هذا غيررر السالفه اللي مستويه ..!! ما تدري ترفض ولا توافق ..!!
/
.
بدور وهي قاعده في المطبخ ما حست الا بكل الأضواء تنطفي ............!!! وصااار البيت ظلاااااااااااااام
بدت ترتجف بدور لأنها تخاف من الظلام ...!!
ما حست الا بعد ثواااني أصوات أقدام ...
خافت بدور أكثر وبدت تقرا آية الكرسي .. وكل ماله يتقرب الصوت ما حست الا والقلاص اللي بيدها يطيح ع الأرض ...!! وينكسرررررررر
حطت بدور يدها على ويهها وهي ترتجف ودموعها تسيل ...!! الا وضوء خفيييييييييييييف في المطبخ
شالت يدها من على عيونها شافت معضد واقف
بدور ودها تتحرك بس حست جسدها كله متشنج ما تقدر تتحرك أو تقول أي كلمه
معضد قال بسرررعه : صااار فيج شي ..؟؟
بدور هزت راسها وهي تصيح : لأأأ
معضد تقدم مع البجلي الصغير اللي بيده لكيبل الكهربا الصغير اللي في ممر المطبخ وبدا يحرك فيه بس بدور ما لاحظت غير انه يحرك يده
فجأه اشتغلت الأنوار كلها ..!! غمضت بدور عيونها من الخوف بس رجعت فتحت عيونها ..!!
معضد رجع صوب باب المطبخ وهو يقول : فيج شي
بدور خايفه وترتجف : لأأأأ
معضد : تخافين من الظلام صح ..!!
بدور هزت راسها وقالت : هي
معضد شاف صوب ريول بدور كله زجاج .. قال وهو يتقدم : حاسبي عن يدخل في ريلج
بدور مشت بحذر بحيث ما يدخل الزجاج في جلدها الين وصلت للباب وهي تطالع الزجاج المتناثر
معضد مسك يدها وقال : ليييش خايفه انزين ما صااار شي بس التماس بسيط
بدور مشت يمب معضد وهي تمشي بدون ما ترد عليه لأنها مو بوعيها حاسه انها نست كل شي من بعد ما راحت الكهربا من الخوووف وما قامت تركز
معضد وقف يمب الدري وطالعها : بدوووور
بدور رفعت راسها وكل شي فيها يرتجف
معضد مسك ويهها وقال : بدووور لا تخااافين ما صااار شي مجرد شوط بسيط وتدرين صيف ضغط ع الكهربا
بدور نزلت راسها وبدت دموعها تنزل بصمت
معضد مسك يدها ومشا معاها للحجره
بدور وهي تطالع معضد وماسكه يده بقوه : تعال نروح لـ حمدان
معضد : خلااااص الكهربا ما بتروح
بدور : بس هو بروحه
معضد رص على يد بدور وقال : لا تخافين عليه انتي سيري ارقدي
بدور طالعت معضد وقالت بأسلوب طفولي : برقد عند حمدان أخاااف بروحي
معضد دخلها حجرته وقفل الباب
بدور وهي ترتجف : برد
معضد مسك خصلات من شعرها وقال : توج سابحه
بدور هزت راسها وقالت وهي ترتجف : بسير برقد
توها بتطلع معضد سحبها من يدها وقال وهو يبتسم : تعالي
/
.
/
شوق وهي تشغل الكام : ها الحين أوكي
نور وهي تطالع شوق : اي كذا واضح
شوق : وشخبارج بعد ..؟؟
نور ونفسيتها مو أوكي : بخير انتو شخباركم
شوق : بخيرررر
نور : دوم يارب
شوق : شخبار عبدالعزيز ..؟؟
نور حست ان لون ويهها تغير وقااالت : بخير الحمدلله
شوق عقدت حياتها : اش فيج ..؟؟
نور : ما فيني شي ..!
شوق : بلا فيج شي
نور مسكت عمرها عن تصيح وقالت : لا بس ملانه
شوق : وينه عزوز عنج ..؟؟
نور مب قادره تستحمل أسئلة شوق : طلع يتعشى
شوق : أوووفو في أحد يتعشى الحين
نور : وقتنا غيررر
شوق : اي صح نسيت والبنات وين ..؟؟
نور : طلعن
شوق : ولييش ما طلعتي معاهم
نور : مدري بس أحس اني زهقت
شوق : اللي يسمع عاد يقووول اربع وعشرين ساعه الحرمه تروووح لأماكن راقيه
نور ابتسمت غصب عنها وقالت : يالدبه لا تتمسخري علي
شوق : نواري ..؟
نور : هلأأ
شوق : تدرين اليوم براك ونواف دخلو مع بعض
نور مستغربه : والله ..!
شوق : اي والله وعاد أنا انحرجت يعني هم أخوان ولو خذيت براك لااازم أتعود على هـ الحال وان نواف بيطلع يدامي يوميا لااازم أعود عمري على انه مافي شخص بحياتي اسمه نواف
نور : انتي صلي استخاره وأي شي فيه خير ربج بيقدمه لج ان شاء الله
شوق : آمييين يارب وتعدي هـ السالفه على خير
نور تنهدت : آمييييييين
شوق مستغربه : يه شكلج مليتي مني تبين تفصلين ..؟؟
نور : لأأأ بس فيني نوم
شوق : آهاا وأنا بعد تصدقين ههههههه
نور : ههه يلا حبيبتي أجل قومي نامي
شوق : أوووكي وانتي بعد
نور : طيب تصبحي على خير
شوق : وانتي من أهله
نور وهي تسجل خروج من المسن وصكرت اللاب طالعت صوب الساعه
نور : ياربي كل ذا تأخير اش يسوون هذيل ..؟؟
طالعت صوب حجرة ود انقهرت عن خاطر ودها تروح للحجره وتذبحها .. بدت تهل عبرات نور بصمت وهي تدعي بداخلها متى ايي يوم الثلاثاء عشان ترجع للكويت ومستحيل بتقعد شهر كامل مع عبدالعزيز وهي
مقهوووره منه وتحس ان وجودها فرض وانها شخص مو مرحب به ..!
/
.
/
نهاية الحلقه قبل الأخيره ...!!
تتوقعون نور وعبدالعزيز لوين بيوصلون وشو نهاية الخلاف اللي بيصير ..؟؟
شوق تحس وجود نواف يأثر على حياتها وايد .. شو الحل اللي بتتخذه شوق عشان تبعد نواف عن تفكيرها ..؟؟
ملاك وراشد شـ سالفة مايد اللي صايره وشاللي تبي تقوله ملاك لـراشد عن مايد .. هل شي كايد ولا صار شي أثناء وجود وصايف ..؟
بدور ومعضد .. هل اللي صار بيغير مجرى حياتهم ويتأقلمون ولا بيعقد المشكله اللي بينهم ..؟؟
أريج .. محمد تركها بعد ما اعتقدت انه الأمل الوحيد بانها تعيش بـ هالحياة ..؟؟
روان ومروان .. مروان شو بيكون موقفه من روان بعد ما خبت عليه أشياء كثيررره ..؟؟
الأحد 5-12-2010, 6:40 pm
ღ الحلقه الثلاثون ღ
الأخيرة
الساعه تسع الصبح
روان فتحت عيونها من بعد ما جافاها النوم بليل
طالعت الساعه وهي تتذكر كل شي صار حست بتعب من كثر التفكير راسها بينفجر وقفت عشان تروح تتغسل شافت يمبها .. مروان محد من أمس بليل طلع وما رجع ..!! غريبه ليييش ما رجع يعني لاااازم ينكد علي وهذا من أول يوم .. أدرررري اني غلطانه بس كل انسان يغلط ومب لااازم يكبر السالفه وهي ما تسوى ...!!
استغفر الله وين ما تسوى الا تسوى ونص ..؟؟ يعني الريال ياي طالبني من الباب وتزوجنا على سنة الله ورسوله وآخر شي أطلع أنا كذابه وما أقووول له عن الصدق .. بس أنا شو ذنبي لو كنت بقووول له عن الصدق ما كان بياخذني وعاد أنا موتي ولا فراق مروان ما صدقت على الله رجع لي أروح أطيره من يدي مره ثانيه ..!
دخلت روان تتغسل وهي ميته قهر على تصرفها الغبي
بعد دقايق طلعت روان وشعرها مبلل تقدمت من المستواليت وبدت تسحي شعرها وهي مقهوووره وتشد فيه حست عمرها تعبت رمت المشط ولفت شعرها بطريقة مهمله وحطت راسها ع المستواليت وبدت تصيح
ثواني الا وباب الجناح ينفتح لفت ويهها شافت مروان دخل مسحت دموعها بسرررعه
مروان تقدم من الكبت يطلع له ملابس
روان وقفت تروح له
مروان قال بجمود : جهزي ملابسج اليوم بنروح البيت
روان تيبست بمكانها وقالت : ان شالله
مروان خذا ملابسه وتوه بيروح يغير
روان : وين كنت أمس بليل ...؟؟
مروان لف ويهه قال بصوت عالي : ما يخصج
روان تخرعت أول مره مروان يعاملها جذي طول عمره الانسان الهادي الحنون
مروان : جهزي عمرج بنروح بيتنا اليوم
روان : اش بيقولون أهلك ..؟؟
مروان : يقولون اللي يقولونه سوي اللي أنا أقوله لج سمعتي
روان هزت راسها : ان شالله
مروان مشى بدون ما يطالع ويهها بعد
روان تقدمت عن السرير ودفنت راسها بالمخده وبدت تصيح من الألم اللي فيها يعني لااازم أطلع من مشكله أدخل بغيرها ..!
/
.
/
نور وهي تاكل شوي شوي
عبدالعزيز مستغرب : علامج ما تاكلين ..؟؟؟
نور رفعت راسها وطالعته بنظره احتقار وردت تاكل
عبدالعزيز طالعها معصب بس ما تكلم لأن البنات قاعدين
الهنوف : نور اش فيج ما تاكلين
نور بعصبيه : قاعده أكل اش فيكم علي ..؟؟
رهام مستغربه : بل نوروه أول مره اشوووفج تعصبين
فجر تضحك : هذاك كان هدوووء ما قبل العاصفه
نور وقفت بعصبيه ومشت
الهنوف تطالع عبدالعزيز : اش فيها مرتك ..؟؟ أقووول نور شكلها صج معصبه ..!
ود وهي تاكل وتتكلم بغنج : خلوها يمكن متضايقه من شي
عبدالعزيز طالع ود وعطاها نظره بمعنى ما يخصج وطالع البنات : قلتو لها شي ..؟؟
رهام : لا حشا والله ما قربنا صوبها بعد
عبدالعزيز وقف : بروح بشوفها انتو كملو أكلكم
فجر : ترا راااحت لحمام السيدات
عبدالعزيز : سيري ناديها أنا واقف قريب
فجر وقفت وهي تهرول : أوووكي
الهنوف لحقت فجر وروحن لنور
فجر دخلت وشافت نور تغسل يدها
الهنوف : نوووور
نور رفعت راسها : نعم
الهنوف : اش فيج ..؟
نور : ما فيني شي
فجر : امبلا انتي فيج شي ولا انتي ما تعصبين جذي
نور : طيب خلاااص اتركوني الحين لحالي
الهنوف : انتي فيج شي صح
فجر : خلاااص شكلها ما بتتكلم أكثر .. المهم نحن يايين نقول لج عبدالعزيز ينطرج برع
نور : قولي له ماني بطالعه
فجر : ما يخصني زوجج وتصرفي قولي له
نور طالعت الهنوف وفجر بنظره ومشت معصبه طلعت من قسم حمام السيدات شافت عبدالعزيز واقف قريب .. مشت بدون لا تعطيه أي اهتمام أو أي اعتبار
عبدالعزيز قال بسرعه : نور ..؟؟
نور لفت تطالعه وقالت : نعم ...؟؟
عبدالعزيز : تعالي ابيج
نور : خير
عبدالعزيز تقدم منها ومسك يدها : فوووق أكلمج
نور سحبت ايدها وهي معصبه : عبدالعزيز رجاءا لا تلمسني
عبدالعزيز وهو يدخل المصعد معاها : نووور اهدي
نور معصبه : أنا هاديه بس انت ابعد عني
عبدالعزيز : نور اسكتي فوووق بنتكلم
نور معصبه منه وما ودها تقعد معاااه أكثررر ودها تصرخ بويهه وتقول له ليييش خذيتني ما دامك ما تبيني
عبدالعزيز وهو يأشر لها تروح للسويت
نور : ماني بداخله قووول اش تبي ..؟
عبدالعزيز : ما يصير أكلمج ونحن واقفين
نور : لأأ يصير قووول
عبدالعزيز سحبها ودخلها قال وهو يطالعها : ممكن أفهم لييش سويتي جذي
نور : اش سويت أنا ...؟؟
عبدالعزيز : ليييش تتكلمين بهـالأسلوب يدااام البنات ..؟؟
نور : على كيفي انت مالك علاقه فيني أتكلم مثل ما انا أبي ..!!
عبدالعزيز مسك عمره عن يضربها وقال : نووور اوزني الكلام اللي قاعده تقولينه
نور : عبدالعزيز رجاءا لا تتدخل بحياتي من اليوم ورايح
عبدالعزيز قال وهو ماسك أعصابه : لا والله .. وكيييف بلا وأنا زوجج
نور : كذا .. ما يصير يعني ما يصير
عبدالعزيز : نوووور اسكتي أحسن لج قبل لا اسمعج كلااام ما تحبينه
نور بدت تصيح وقااالت : شـ اسمع أكثر من اللي سمعته شـ اسمع ..!! حرااام عليك والله حرااااام
عبدالعزيز مستغرب : نور اش فيج ..؟؟
نور طلعت من السويت وبدت تمشي بسرررعه وهي تصيح
عبدالعزيز لحقها : نووور اش فيج .....؟؟
نور دخلت سويتهم وقالت : عبدالعزيز وخر عني .. خلااااص خلني بروووحي خلني بحااالي دخيييييلك
عبدالعزيز استغرب من تصرف نور وفضل انه يتركها شوي الين ما تهدا ..!! بس هو اش سمعها أمس اش قال لها ..؟؟
نور بدت تصيح عن خاااطر وهي مكسوووره ..
لا والأكثر يعمل حاله ولا يعرف بالسالفه شي ..!! كأنه برئ ماله علاااقه بكل اللي قاعد يصير .. والله يا عبدالعزيز لخليك تندم على كل كلمه قلتها بحقي بس أنا شو ذنبي يحملوني هموووم غيري وذنوبهم ... أنا من انولدت وأنا كذا .. حرااام عليهم خل يحسووون فيني ولو شوي أنا يتيمة ومالي أحد بـ هالدنيا يعني لااازم يقسووون علي عشااان يحسووون انهم موجودين ويفرضون وجودهم ..!
/
.
/
بدور فتحت عيونها شااافت انها مو بحجرتها .. بدت تسترجع كل شي صااار أمس .. قعدت ولمت عمرها وهي ترتجف من الخوف والبرد حست انها بتموت
أنا اش سويت ..؟؟ بس أنا مالي علاااقه أنا كنت خااايفه ومالي أي علاااقه باللي صار هو اللي يالي وسحبني بروووحه أنا عييت وما كنت أبي بس هو اللي أجبرني .. والله ما كنت أبي بس هو اللي سحبني
وبدت دموعها تسيل شافت صوب باب الحمام وانتو بكرااامه وبدت تسمع صوووت الدش دقايق الا ومعضد يطلع شافته بدور وزاااد خوفها ...
معضد طالع بدوور وهو عاقد حياته : اش فيج ..؟؟
بدور ما ردت عليه
معضد تقرب من السرير وقعد
بدور سحبت البطانيه عشان تتدفا بها وتحتمي بنفس الوقت
معضد مستغرب : اش فيج ..؟؟
بدور : ما فيني شي
معضد : متأكده ..؟؟؟
بدور شالت اللحاف عنها وركضت تطلع من الحجره
معضد : بدووور
بدور بدت تصيح : انت ما تحس ..؟؟؟؟ ما عندك ضميررر يعني شفتني بروووحي وما عندي أحد أحتمي فيه تجبرني على شي مابيه ..!!
معضد طالعها وقال بعصبيه : اسكتي بدووور لأني بروحي مب مستحمل وجودج في بيتي فاسكتي وخلي النفس عليج راضيه أحسن لج وبعدين انتي زوجتي أوديج وأييبج على كيفي وهواااي فاهمه
بدور طالعته وما نطقت بولا كلمه غير انها تصيح
معضد طالعها باحتقار وقال : وبعدين شو هذي وحيده وما عندي أحد .. يعني ريلج وين راح ..؟؟ هذيني موجود يدامج
بدور بدت تصيح ومشت لحجرتها بسرررعه قبل لا تنهار وتبدا تتضارب
دخلت الحجره ورمت عمرها ع السرير وهي ترتجف من الخوف ومن كلااام معضد اللي ما يدل انه ناوي على خير
يبي يكسرني بأي طريقة يحاول ييب راسي ثم يذلني .. يحاااول يخليني أتعلق فيه وبعدين يتركني ويبيعي برخيص
بس مستحيل أسكت لك يا معضد مستحيييل حتى ولو أنا انسانه خوافه وما أعرف أخذ حقي بس مب لدرجة اني أنجبر على كل شي بحياتي ..!!!
/
.
/
أريج وهي تطالع التلفون وتهز ريولها بتوتر
خالو أمينه : اش فيج بنتي ..؟؟
اريج : ما فيني شي ماما
خالو أمينه : امبلا فيج شي ....؟؟
اريج : ماما قلت مافيني شي
خالو أمينه : عاد وين بالج وأنا قاعده أكلمج من الصبح
اريج : ماما بس انتي ما كلمتيني
خالو أمينه مستغربه : امبلا كلمتج من شوي
أريج : سوري ما سمعتج
خالو أمينه : سيري نامي بقومج على أذان الظهر
أريج : مابي توني قاعده من النوم
خالو أمينه : الله يهديج انزين ركزي لا تسرحين وايد مو زين ترا
أريج : ان شاءالله ماما
خالو أمينه : بروح بسوي لنا شي ناكله ع الغدا
اريج : لا تتعبين عمرج ماما أكل أي شي
خالو أمينه : أوووكي
أريج شالت موبايلها ومشت للحجره وهي تفكر بـ محمد
يعني يستاهل اني أذبح عمري وأفكر فيه كل هـ التفكير واشغل بالي عشااانه يعني حتى ولو محمد انسان مهم بحياتي بس ما يستاهل اني أذبح حالي عشااانه المفروووض أنسى اللي صار وأفتح صفحه يديده محمد كان مجرد تجربه في حياتي والحمدلله ما غلطت ولا تكلمت معااه للحين وكلن بيروووح بحال سبيله .. لااازم أغير روتين حياتي وأعرف اني لاازم أشتغل بأقرب وقت وأكون نفسي عشاني أنا وأمي نعيش بأمان وأشيل هالأفكار كلها من بالي لأن محد يستاهل نعيش عشانه ..!
صح تذكرت روان المسكينه اش صار عليها البارحه ..؟؟ ليكوووون صار فيها شي لأنها قالت بتتصل فيني اليوم خل أتصل فيها وأشوووف شخبارها
مسكت أريج التلفون واتصلت بـ روان ...
روان : السلام عليكم
أريج : وعليكم السلام
روان : هلا أريج
اريج : شخبارج ..؟؟
روان بدت تصيح
اريج : آفا ..!! أروووج اش فيج
روان : اريييج مروان مب طايع يفهمني
أريج تنهدت : الله يهديج جان قلتي له من أول
روان : وانا اش دراني خفت نفترق
اريج : بس بعد يكوون دااري بهالشي
روان : ادررري وبعدين مجرد غلطه وكل انسان يغلط
اريج : انا ادري بس هو ما يدري
روان : المفروض يدري لأن غلطتي اني ما خبرته وبس ..!! بس الشي هذا صااار غصبا عني ومو برضاي انتي أدرى اريج .. حتى انه صار وأنا مو بوعيي
اريج : أدري روان بس انتي لاازم تفهمينه
روان تصيح : واذا هو مب طايع يفهم شسوي بروحي أنا ..؟؟
اريج : اصبري عليه شوي انزين
روان : اش كثر اصبر أريج كافي اني صبرت طووول هذيج المده وأنا أتعذب نفسيا وجسديا
اريج : بتفرج انشالله بس انتي ادعي ربج
روان : آآآآه اريج والله مب قااادره استحمل
اريج : انتي حاولي تفاتحينه بالموضوع
روان : اش كثر أحاول بس هو مب طايع يسمعني بعد
اريج : بيسمعج انشالله بس انتي تريي
روان : انشالله .. يلا اريج بصكر عنج لأنه بنروووح بيت عمتي اليوم
اريج : اوووكي وما أوصيح على عمرج
روان : انشالله وانتي بعد
اريج : يلا مع السلامه حبيبتي
روان : مع السلامه
صكرت اريح وتنهدت : آآآه هذي روان مشكلتها أكبر عن مشكلتي ..! والله اللي يشوف مشكلة غيره بـ هالزمن تهون عليه مشكلته
/
.
/
شوق توها نازله شافت ابوها واخوها قاعدين يتريقون ..
تقدمت شوق وقالت : صباح الخير
أبو عبدالعزيز : صباح النور
شوق وهي تبوس راس ابوها : اشلونك يبا ..؟؟
ابو عبدالعزيز : بخير الحمدلله بنتي انتي شخبارج ..؟
شوق : بخير الحمدلله وينك ما تبين يبا ..؟؟
ابو عبدالعزيز ابتسم : شسوي والله تدرين اني ياي للشغل عاد مب محصل وقت
شوق ابتسمت : صح انك مقصر بحقنا وما قمنا نشوفك ع العموم الله يوفقك
ابو عبدالعزيز : مقصر بحقكم ..؟
شوق تضحك : اي لأن ما نشوفك يوميا
ابو عبدالعزيز ابتسم : لا بس أخلص شغلي بتشوفوني
أم عبدالعزيز وهي يايه من المطبخ : العمر يخلص والشغل ما يخلص
بو عبدالعزيز : وانتي الصاجه
شوق طالعت ضاري : اش فيك ..؟؟
ضاري وهو فيه رقاد : بروح الشركه
شوق ابتسمت لابوها : زين تسو يبا يوم تاخذ هذا معاك للشركه
ضاري طالع شوق : ان شاء الله نشوف فيج يوم
شوق : فال الله ولا فالك
ضاري ابتسم : يبا شووف بنتك تضحك علي
بو عبدالعزيز : راحت الهنوف يت مكانها شوق .. بس تستاهل
شوق ضحكت : اي والله تستاهل
ضاري : يما شوفيهم ..!
أم عبدالعزيز : لا عاد الا ولدي ابعدو عنه
ضاري ابتسم : فديتها ماماتي
أم عبدالعزيز تضحك : ويه ذكرتني يوم كنت بالروضه
ضاري ضحك : قلنا امدحينا بس عاد مب تذلينا ههههه
أم عبدالعزيز : والله اشتقت لعزوز ونور
بو عبدالعزيز : اي والله لهم وحشه
شوق ابتسمت : كلمت نواري
أم عبدالعزيز : عساهم بخير
شوق : اي الحمدلله بخير
ضاري : بأي يوم بييون البنات
شوق : الثلاثا
ضاري : اي صح يبا عمي بو سعود يقول خل أحد من عيال عمامي يروح ييبهم
بو عبدالعزيز : وانت ليييش ما تروح
ضاري ابتسم : عاد هم هل الكويت أدرى بها
شوق : ليييش انت أهل وين بلا ...؟؟
ضاري يضحك : المريخ هههههه .. صج يبا ترا والله بعدني اضيّع
أم عبدالعزيز : خلاااص أنا بكلم عمتك وتقول لـ نواف يروح لهم
شوق من سمعت اسمه حست روحها تموت قالت لأمها : يما بتروحين ..؟
أم عبدالعزيز : لأأ ترا بييون البنات وبعدين الا هو اسبوع
شوق : اي احسن أنا بعد اقووول جذي
ام عبدالعزيز : لو تبين تروحين لهم المطار ترا عادي
شوق : لا لا اترياهم بالبيت أحسن
أم عبدالعزيز : على راحتج
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك