رواية خليجيات في الامارات -50
شوق : الثلاثاء
ضاري : اي صح يبا عمي بو سعود يقول خل أحد من عيال عمامي يروح ييبهم
بو عبدالعزيز : وانت ليييش ما تروح
ضاري ابتسم : عاد هم هل الكويت أدرى بها
شوق : ليييش انت أهل وين بلا ...؟؟
ضاري يضحك : المريخ هههههه .. صج يبا ترا والله بعدني اضيّع
أم عبدالعزيز : خلاااص أنا بكلم عمتك وتقول لـ نواف يروح لهم
شوق من سمعت اسمه حست روحها تموت قالت لأمها : يما بتروحين ..؟
أم عبدالعزيز : لأأ ترا بييون البنات وبعدين الا هو اسبوع
شوق : اي احسن أنا بعد اقووول جذي
ام عبدالعزيز : لو تبين تروحين لهم المطار ترا عادي
شوق : لا لا اترياهم بالبيت أحسن
أم عبدالعزيز : على راحتج
/
.
/
ملاك وهي تطلع من الباب الخلفي شوي شوي تروح لسيارة راشد
ملاك بدت تمشى بسرررعه وركبت السياره وهي تتنفس بسررررعه
راشد طالعها وهو يحرك السياره : اش فيج ..؟
ملاك : كنت بموووت لو أحد شافني
راشد : الحمدلله محد شافج
ملاك : هي لأنهم محد
راشد : ليييش وينهم ..؟
ملاك : طلعو يتمشون
راشد : آهااا متى ..؟
ملاك : هذي يوميا ماخذتنه معاها بتفلسه من كثر ما تصرف
راشد ابتسم وهو يطالع الشارع : ملوووك اشتقت لج يالدبه
ملاك ابتسمت : بداال لا تقعد تتفلسف الحين خذ لي ماي لأني بموووت من الروووع
راشد : بلااااج ..؟؟
ملاك : لو رد وما طالعني ميوود بيذبحني
راشد : بس انتي خلاااص معاي الحين وبعدين لو رجع بيقول أكييد راقده
ملاك : ما تعرف له يا ريااال
راشد ابتسم وقال : مستويه دفشه
ملاك ابتسمت : شسوي والله من هالساحره اللي عندنا
راشد ضحك وقال : الله يهديها
ملاك بحزن : راشد والله مايد انسان ثاااني أخوووي متغير واايد
راشد : ع بالج ما أدري مايد حاله أبد مب عايبني
ملاك : الله يهديه ان شاء الله
راشد : آميين .. بوديج المطعم نتغدا
ملاك : لاأأ لأأ مب مشتهيه
راشد : ولييش انزين أنا بتغدا
ملاك : خذ لك شي أنا ما باكل
راشد : انزين شو تشربين ..؟
ملاك : ماي
راشد ابتسم وهو يوقف صوب الكافتيريا : لهالدرجه متروعه
ملاك : فوووق ما تتصور
راشد : اوووكي تغشي بنطلب عقب برمسج
ملاك : أوووكي
راشد بعد ما طلب وحرك السياره : خذي الماي
ملاك خذت الدبه وقالت : والله احس عمري من دهر مب شاربه ماي
راشد ابتسم : هدي بلاااج ملوووك
ملاك ابتسمت : والله متروعه
راشد : أوووكي انتي اهدي لأن ما يصير نفكر جذي وانتي خايفه ومتوتره
ملاك وهي تحاول تهدا : ان شاالله
راشد : يلا قولي شو كنتي تبين تقولين لي
ملاك : راشد بقول لك شي بس لا تضحك علي
راشد : قولي
ملاك : راشد هذي وصايف ساحره
راشد بدا يضحك وقال : شووو عيدي دخييييلج
ملاك : راااشد والله أقووول الصج ما اضحك
راشد : شو دراااج ..؟؟
ملاك : أحس
راشد : وكيف تحسين
ملاك : انسانه مب طبيعيه أحسها تؤمن بالبدع وايد
راشد : الله يهديها ان شالله
ملاك : الله يهديها برايها بس أخوووي
راشد : قصدج مسويتله شي
ملاك : مب هي .. هي تروح لناس أكييد
راشد : آهاااا
ملاك : خالو أمينه تقول لاازم نوديه لمطوع
راشد : افكر وارد عليج خبر
ملاك : راااشد شو تفكر مايد ما بين الحياه والموت تدري شو يعني ..؟
راشد مستغرب : كييف ..؟
ملاك : اذا وصايف تقول له اذبح عمرك يذبح عمره تدري .. لهالدرجه صاااير انسان ثاني
راشد : بس مب هو ...!!
ملاك : أدررري هو ما يخصه .. لأن كل اللي يسويه مب أفعاله
راشد : خلاااص خلاااص بكلم ربعي
ملاك : دخيييلك راشد
راشد : بس ما بيرضى ييي وياي
ملاك : ادري انت وربعك يروووه من الشركه وودوه
راشد : بحاول ان شالله
ملاك : راااشد دخيييلك حاول معاه وايد
راشد : ان شالله
ملاك : وشوف وده لشيخ معروف مب أي أحد .. يعني بس يعالج بالرقيه الشرعيه ترا غير جذي حرااام
راشد : هي أدررري ان شالله بنروح لشيخ زين ويعرف عدل
ملاك نزلت دموعها : ما أوووصيك راااشد دخيييلك هذا هو الأمل الوحيد
راشد ابتسم وهو يطالع ملاك : امسحي دموعج فديتج مافي شي يستاهل تزعلين له
ملاك : بس هذا أخوووي
راشد : وان شا لله يرجع مثل أول واحسن
ملاك : آمييين
راشد قال وهو يطالع ملاك : بس مايد يرجع مثل أول أنا براااوي هذي اللي اسمها وصايف
ملاك : برايها ما يخصنا فيها المهم أخووي يرد مايد وبس مايد الطيب الحنون
راشد : ولا يهمج الأسبوع الياي بشوووف ان شالله
ملاك : وايد بعيد
راشد : بس أكلم الشباب اللي أعرفهم
ملاك : أوووكي وحاول
راشد : ان شاء الله
ملاك : والحين رجعني البيت لأن لو رجع مايد وما شافني بروح فيها
راشد ابتسم : مايد ولا .........؟؟
ملاك شوي وتصيح : راااشد دخيلك والله اللي فيني مكفيني
راشد ابتسم وقال : ما عليج اقري قرآن وادعي وكل شي يرد شرات أول ان شاء الله
ملاك : آمييين
/
.
بليل الساعه تسع
معضد دخل البيت وهو هلكااان من العصر ماخذ حمدان معاااه ويدورون ... معضد متعود من أول .. يوم السبت ياخد حمدان معاه من العصر للمغرب . . بس غريبه اليوم طول ..!!
بدور كانت قاعده وقفت تروح فوق ..
معضد انتبه لها وقال : السلام عليكم
بدور وهي تمشي لفوق : وعليكم السلام
معضد طالع بدور وقال : بدوووور
بدور وقفت بدون ما تلف
معضد : طالعيني
بدور لفت وهي منزله راسها : نعم ..؟
معضد : تعالي ..!
بدور مشت شوي شوي الين وصلت له
معضد قعد ع الكنفه وقعد حمدان ينبه
حمدان ابتسم وهو يطالع بدور ومشغول باللعبه : خاااالو ..............؟؟
بدور ابتسمت له رغم انه تعبانه : حبيبي ..؟؟
حمدان يأشر ع اللعبه : هذي لعبتي اليوم اشتريتها
بدور : واااايد حلوه لعبتك
حمدان : خالو ليييش ما ييتي معانا ..؟؟
معضد طالع حمدان وقال : حمدان .. بدور مب خالو ...
بدور استغربت من معضد
معضد قال بسخريه واستهزاء : قووول لها ماما أوووكي حبيبي
حمدان مستغرب : بدوور خااالو ... هي بابا ماماتي متى تييي بيتنا
معضد وقف بعصبيه وقااال : قوووم نام يلاااا
حمدان هز راسه بخوووف بدور نفسها بعد خااافت من أسلووووب معضد
بدور : قوووم باباتي عسب ترقد
حمدان مسك ايد بدووور بدور مشت معااه
معضد وهو يصعد ع الدري : بدووور رقديه و تعالي اباااج
بدور ياالله هذا شو يبي مني مب كافي انه يوديني وييبني على هواه .. اش يبي اليوم بعد
حمدان سحب يد بدور بدور انتبهت له وقالت : يلا حبيبي غير عسب ترقد
حمدان ابتسم : بدوور تعرفين كلمت خلووود اليوم
بدور : صدق والله ..؟
حمدان هز راسه وقال : اشترت لي لعبه
بدور : يالله منك ما تشبع من الألعاب انت ههههه
حمدان وهو يدخل الحجره : انتي تنامين عندي صح
بدور هزت راسها وقالت : هي بس بعدين بيي
حمدان : تقولين لي قصه
بدور : هي يلا نغير اول
حمدان : انزين
بدور طلعت له ملابس وبدت تغير له : انت بطل
حمدان : عندج حلاوه
بدور : عييب حبيبي بليل محد ياكل حلاااوه
حمدان : هي أنا شاااطر افرشي سناني
بدور ابتسمت : اسميييك متأثر من هالأناشيد
حمدان وهو يفتح حلجه ويرص ع ضروسه : امممممممممممم
بدور : حلوووين حلوووين
حمدان ضحك وقال : اشوووف مالج
بدور سوت له نفس حركته وقااالت : يلا ارقد
حمدان صعد ع السرير وقااال : لحفيني
بدور وهي تلحفه : حبيبي بروووح وبيي لك عقب شوي أوكي
حمدان هز راسه
بدور طفت الضو وطلعت من الحجره تقدمت من حجرة معضد شوي شوي دقت الباب سمعت صوت معضد
وهو يقول : ادخل ..
بدور دخلت شافت شعره مبلل شكله توه متسبح
معضد وهي يطالعها من المرايه : اقعدي ابااج فسالفه
بدور : مرتاحه جذي قول اش عندك ..؟
معضد : قلت لج اقعدي
بدور يلست على طرف السرير
معضد تقدم منها وقعد ع السرير
بدور : خير ..؟
معضد : مثل ما قلت لج أمس .. ترا السبوع الياي بنروح العين
بدور هزت راسها وقالت : أوكي
معضد : والشي الثاني اللي بغيتج على شانه ميررره كانت ماخذه من أم أريج ربيعتج طقم عسب تشتري مثله والطقم موجود الحين قولي لربيعتج تيي تاخذه جان ما يت بوديج
بدور دمعت وقالت : ان شاء الله بقول لها
معضد طالع بدور شوي وتصيح قال لها : خلاااص روحي لحجرتج
بدور طلعت بسرررعه من بعد ما سمعت طاري ميررره خلاااص شوي وتموت صياااح ما تقدر تستحمل أكثررر هذي أختها الوحيده
دخلت حجرتها ورمت عمرها ع السرير وبدت تصيح
يعني لاااازم تتركيني ميررره .. والله لو تيين وتشوفين حياتي من بعدج صااارت جحييييم وشوفي زوجج قاعد يحملني غلطة أهلنا ليييش اختاروني زوجه له ... لييش اني ييت بمكانج ..!! هذا وانا اختج يسوي فيني جذي لو وحده ثانيه الله يستر اش سوا فيها .. بأي طريقة يحاول يكسرني ويحطمني .. يبي يحسسني اني وحده ما اسوى بحياته وما يهتم بوجودي .. وجودي وعدمي واااحد .. يبي يراويني انه متقبلني بس غصب .. متقبلني عشااان حمدان وبس مب متقبلني كزوجه اشاركه بحياته واشيل همومه معاااه
بدت عبرااات بدووور تهل وهي تحس بحسرررره على أيااام حياتها اللي طافت وتتذكر ميررره ودها لو بس شهوور ترجع ورااا ...!! وتستعيد كل شي فقدته ..
أختها .. روحها .. وحياتها .. وحبها للدراسه .. وعشقها للأفلاام .. طلعاتها مع ربيعاتها .. كل شي تغيرررر
صارت بدووور ثااانيه اهتماماتها تغيرت .. وخلاااص ما عادت تهتم لشي ... بس انها تنتظر اليوم اللي بتتلاقى فيه مع ميررره
/
.
/
نور وهي ترتجف من الألم اللي فيها والخوف ..
فجر : نووووور
نور : لا رد
الهنوف : نووووووووووور
نور طالعتها وقالت : نعم ..؟.
الهنوف : وينج ..
نور : معاكم
الهنوف : لا والله علينا ..!
نور : اي معاكم اش فيكم علي
الهنوف وهي تقترب من نور
نور استغربت
الهنوف وفجر لصقو بنور ..
نور : خيرر
الهنوف بهمس : نور صج صج صاير شي بينج وبين عزوز
نور هزت راسها : لاأأ ليييش ..؟؟؟
فجر : ما أدررري بس أحس جذي
نور : لا ما فينا شي .. بس أنا من أتعب ما أكلم أي أحد
الهنوف : ولييش تعبانه ...؟
نور : ما شي بس تذكرت أمي وابوووي
فجر : الله يرحمهم بس هذا ريلج المفروض تشكين له بدال لا تتضاربين معاه
نور .. لو تعرفون شو فيني ما بتلوموني : لا بس نفسيتي كانت تعبانه شوي
الهنوف : آهااا
نور : على فكره مالي خلق للدوره بنرجع الكويت
فجر : وفلوس الدوره ..؟؟
نور : الله يعوضنا
الهنوف تضحك : صج والله بنت بطره
نور : ياربي منكن
فجر ابتسمت : يلا يالدبه انزين سيري لريلج وراضيه
نور : شـ اراضيه ..؟؟
الهنوف : مو انتي زعلتيه
نور : لأأأأ ما زعلته بس قلت له ما ودي أتكلم لأني كنت تعبانه شوي
الهنوف : أكييد
نور طالعتهن بنص عين وقالت : أقووول أنا الصراحه أشك ان بنات هـ الزمن يعطوهن كورسات
فجر ضحكت وقالت : هنوف قومي قبل لا تنفجر علي وعليج
نور ابتسمت ولحفت عمرها : اطفي النور طيب
/
.
/
روان راحت للصاله شافت مروان قاعد
روان : مروان ..!
مروان من غير ما يطالعها وهو يقرا الجريده : نعم ..؟
روان : تتعشا ..؟
مروان : لأأ
روان : لييش انزين تعال تعشا معاي
مروان : مب مشتهي هو غصب يعني ..!
روان خافت منه وقالت : لأأ بس قلت بسألك يمكن تتعشا معاي
مروان : لا مابي شكرا ..! جان تبين تعشي
روان ابتعدت وهي ترجع للحجره : لا خلاااص مابي
مروان حقرها ولا رد عليها
روان بدت تصيح وبندت باب الحجره .. تقدمت عن السرير ورمت عمرها
ياربي أنا لييييييييييش سويت جذي لييييييييش ..؟ اش ذنبي بشي أنا ما يخصني فيه اش ذنبي .. والله ان كل
شي صااار مو برضاي مو برضااااي افهمني مروووان ع الأقل بس قدر موقفي مو لااازم تفهمني .. افهم ان مالي ذنب بكل اللي صااار افهم
........ : رواااااان
روان لفت ويهها متخرعه وقالت : نعم ..!
مروان : تعالي ابي اتعشى
روان عدلت قعدتها بسرررعه ابتسمت وقااالت : يعني راااضي ..؟؟؟
مروان عقدت حياته : ع شو أرضى ..؟؟ وبعدين ماماتي غيرت راايي جذي وبس ...!!
روان : علي
مروان قال باستهزاء : قلت لج يعت ابي اتعشى .. ممكن تطلعي لي عشا
روان وقفت وقالت من غير نفس : ان شالله
مروان زخها من يدها ورص عليها وقال : والله لو عدتيها ما تشوووفين خيررر
روان سحبت يدها وقالت : والله ما أقصد
مروان : انزين تحركي يلا بسرررعه مالي خلق أعكر مزاجي أكثر من ما هو متعكر
روان نزلت راسها وقالت باستسلام : ان شالله بروح الحين
مروان طالعها بنظرة عتب .. حست روان بأنه يستصغرها ومشت وهي مذلوله
/
.
/
ملاك وهي نازله تبي تاخذ لها شي تاكله شافت مايد قاعد في الصاله
ملاك : السلام عليكم
مايد : وعليكم السلام
ملاك : اش حالك ميووود ..؟
مايد من غير ما يطالعها : بخيررر
ملاك : متعشي ..؟؟
مايد ما رد عليها عرفت ان ماله خلق يرد عليها .. اسكت احسن لي قبل لا يعصب ويتضارب وأروووح ضحيه
مشت ملاااك شافت وصايف طالعه من المطبخ ومبتسمه ابتسامه خبيثه
ملاك نزلت راسها وما شاافت صوب وصايف وهي قاعده تدعي بداخلها متى يفتكون من هـ الوصايف اللي طلعت لهم فجأه
دخلت ملاك المطبخ وفتحت الثلاجه تدور لها على شي تاكلها لأنها ميته يوووع من الظهر وهي مب بالعه شي
سمعت صوت مايد يزقرها
ملاك تقدمت بسررعه وطلعت من المطبخ : نعم ..؟
مايد طالعها وهو متضايج : تعالي اباااج
ملاك تقدمت منه وقالت : نعم ..؟
مايد : اقعدي بكلمج
ملاك يلست وقالت : أمر ..؟؟
مايد وهو يطالع وصايف : صاار لج مده وانتي ساكته
ملاك مستغربه : شو تباني أقوول ..؟؟
مايد : لا بس اقووول سالفتج انتي وراشد طولت وااايد
ملاك : لا رد
يتبع >>>
مايد : قووولي عاد جان تبينه أحس لج ولنا
ملاك استغربت من اسلوبه .. هذا الانسان بالفعل مب صااحي
مايد : ها اش قلتي ..؟
ملاك وقفت وهي شوي وتموت صياااح : يصير خير
مايد : يلا ارمسي قولي اش تبين ..؟
ملاك : مابي شي
مايد : عاد بتتمين معلقه جذي
ملاك طالعت مايد وقالت : لأأأأ كل شي بينحل قريب ( وعطت وصايف نظره )
وصايف انقهرت وقالت : جان تبين راشد قولي من الحين لأنج لو ما رمستي مايد بيروح له لبيته وبيرره للمحاكم
ملاك : والقاضي ما بيسوي شي أنا مجبوره عليه
مايد عصب ووقف : انتي تخبلتي
ملاك : مب قصدي بس هذي تستفزني
مايد بعصبيه : انزين سيري يلا برمسج عقب
ملاك مشت بعصبيه وهي حاسه عمرها بتموووت من برووودة أخوووها لي متى بيتم جذا ساكت ولا له كلمه على هـ الانسانه ..!
الخدامه : مدام ..؟؟
ملاك لفت : نعم ..؟
الخدامه : عشا ..؟
ملاك : لا مب مشتهيه في ناس سدو نفسي
ومشت بسرررعه وهي معصبه ومتنرفزه من كلااام وصايف واسلوب مايد اللي ابد ما تعودت عليه وهالفتره
صار هـ الكلااام عادي يطلع منه ولا كأنه قاعد يجرح أخته
/
.
/
يوم الأحد الصبح
نور : ياربي الهنووف طيب انزلو لحالكم
الهنوف : مانبي .. يلا نواااري صج نزلي معانا
نور : مب مشتهيه شي واللي يسلمك الهنوف انزلي لحالك مع فجر
الهنوف : وأنا بعد مب مشتهيه
نور : طيب خلاااص اقعدو هنا معي
فجر : وأنا ميته يوووع
نور : اجل خلاااص الهنوف بتنزل معك طيب
فجر : يلا الهنوووف
الهنوف قالت وهي مقهوره : أففففف طيب يلا بسرررعه
نور ابتسمت : ياالله كل ذا عصبيه
الهنوف : من هذي بنت عمي
فجر : خلاااص اقعدي ما ابيج تييين
الهنوف : اقووول فجووور تحركي لأني صج صج ميته قهررر قبل لا أفلعج ضرب
فجر ضحكت وقالت : يلا بسرررعه قبل لا اموووت ما فيني
نور : امشي انتي وياها بسررعه يلا وخلصونا
الهنوف : باااي نواااري
نور : باااي
فجر والهنوف طلعن من حجرة نور ..
نور تنهدت وهي تطالع برع من دريشة الحجرة
ياالله لييييش مكتوب لي العنا طووول عمري من انولدت لليوم .. طوول عمري كلما ابي أحقق اللي ابيه واحصل عليه لااازم تطلع لي مشكله جديده تخرب على كل شي سبق .. شكله مكتوب لي العنا طووول ما أنا عايشه .. استغفر الله اش هـ التفكير كل شي رب العالمين كاتبه أكيييد فيه الخير لي
............ : نور
نور لفت بسررعه وقالت : بسم الله
ود ضحكت وقالت : اش فيج تخرعتي ..
نور من غير نفس : لأأأ بس كنت سرحانه
ود تقدمت بغنج وقعدت على طرف السرير : يا بخته اللي شاغل بال نور
نور ابتسمت من غير نفس : ما حد شاغل بالي غير زوجي حبيبي
ود بقهر : آهااااا
نور : خير في شي ..؟؟
ود : لأأأ بس قلت ابي اسولف معاج
نور سكتت وما ردت عليها دامه باقي كم من يوم وبيرجعون الكويت بتكلم خالتها وكل شي بينتهي .. بس لأأأأ ليييش انا غبيه يعني اخلي الجو يحلا لود ..!!
ود : وين رحتي ..؟
نور : موجوده بس قلت عبدالعزيز فطر ولا بعده
ود ضحكت : من زمااان أنا وهو فطرنا تحت
نور حست عمرها شوي وبتقوم تضرب ود بس تمالكت أعصااابها
نور : طيب
ود : اي بس سمعت ان الهنوف وفجر يقولون انج بترجعين الكويت معانا
نور : وانتي شكو ..؟
ود : بس قلت استفسر
نور : لا تستفسري بشي مالك دخل فيييه
ود : يعني بترجعين الكويت معانا .. عسا ما شر
نور : قلت لك مالك علاااقه ارجع ولو ما ارجع أنا حررره
ود : اي شكلكم انتي وعبدالعزيز مررره مو عاجبتكم السفره
نور : اي لأنه معانا ناس مو لحالنا
ود : آهااا .. بس قلت غررريبه لأني سمعت انكم بتاخذون كورس
نور : لأأأ بطلنا ناخذه هـ الكورس الحين .. قلنا بعد الزواج
ود : آهااا
نور : عن اذنك بنزل تحت
ود : باااي
نور ما ردت عليها وطلعت من الحجره وهي قرفااانه وميته قهر من ود واسلوبها الفااااشل
طالعت رهام بدربها
رهام وهي قاعده تطالع تلفزيون : صباح الخير
نور : صباح النور
رهام : شخبارج ..؟
نور قعدت يمبها وقالت : زفت
رهام مستغربه : ليييش ..؟
نور : ما فيني شي بس أحس حالي متضايقه
رهام : اي لاحظت عليييج .. لييش ...؟
نور : تعبانه شوي
رهام : آهااا روحي الطبيب انزين
نور : لأا ما يحتاج برجع مثل أول ان شالله
رهام : على راحتج بس ديري بالج على روحج
نور ابتسمت : ان شالله
/
.
/
بدور وهي تغير حق حمدان : انزين باباتي ..!
حمدان هز راسه : أوووكي خالو
بدور : أباااك شاااطر وما تشاغب
حمدان : أوووكي
بدور : يلا يا شاااطر انزل تحت أنا مشغله لك اسبيس تون
حمدان ابتسم : باااي
بدور : شطوور يلا .. جان يعت تعال خبرني
حمدان : أوووكي
بدور ابتسمت له وهو يمشي عشان ينزل تحت .. وتقدمت عن الموبايل تتصل بـ اريج وتقول لها عن طقم أمها
مسكت التلفون ودقت الرقم .. بعد دقايق ردت عليها اريج
اريج : السلام عليكم
بدور : وعليكم السلام
اريج : هلااا بدووور
بدور : صباح الخير
اريج : صباااح النور
بدور : شخبااارج ..؟
اريج : بخيررر الحمدلله انتي شخبارج ..؟
بدور : أنا بخيررر الحمدلله اش حالها خالو أمينه
اريج : بخير الحمدلله
بدور : اروووج عادي تييني
اريج : هي عادي .. بس لييييش ..؟
بدور : لأن ميره الله يرحمها قبل لا تتوفى خذت طقم من عند أمج والحين برجعه
اريج : آهااا .... عادي ايي بس معضد ..؟
بدور : لأأأ لأأأ هو مو موجود ترا اليوم الأحد ودوااامااات
اريج : آهاا عاد بيي لج .. متى حابه ..؟
بدور : أي وقت تبينه انا فاضيه
اريج : أوووكي بيي لج وباخذه
بدور ابتسمت : شو الحشره اللي يمبج ..؟
اريج : ماشي بس يايه اراجع جان قبلوني ولا لأأأ
بدور : آهااا .. الله يوفقج وان شالله يقبلونج
اريج : آمييين
بدور : يلا عاد حبيبتي مع السلامه وسلمي على أمج
اريج : ان شالله مع السلامه
/
.
/
العصر الساعه خمس بتوقيت الكويت
شوق تطالع ضاري وتبتسم : الحين من صجك قالو جذي
ضاري وهو يتطالع التلفزيون : وأنا اش دراااني قالو جذي
شوق : لا والله ومتى خبرتك الهنوف
ضاري : اليوم
شوق : وهذي اش دراها ..؟
ضاري : اقول شوق لو تروحين تسألينها مب احسن
شوق : لأأأ بس مستغربه يعني سفرتهم ما كملت الا اسبوع وبيرجعون
ضاري : اي تقول نور مب عاجبها المكان اهناك
شوق : من حقها والله الأجنبيات مالهن أمان
ضاري ابتسم : يا خوفي بس
شوق ضحكت : لا لا .. وبعدين حرااام فلوس الدوره
ضاري : وأنا اش دراني ..!
شوق : يلا عسا ان تكرهو شيئا وهو خير لكم
ضاري : وبعدين بيني وبينج أحسن يرجعون
شوق : اي والله مب قادره أعيييش بدون نور
ضاري ابتسم : مب على سالفة جذي .. بس أنا ابي نرجع دبي واقدم أوراقي
شوق ابتسمت وقالت : اي صح يا حييك هـ السنه أول سنه لك
ضاري ابتسم : شفتي كيف ..!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك