رواية احبك بسكات -4
ابوي :: اذا اتصلوا الاهل في السعوديه لاتقولوا لهم
اتصل راشد ورد عليه رجل من fbi
راشد:: الو
الرجال:: سيد راشد انا العميل ليو
راشد :: مرحبا لقد وجدتها
ليو :: اين انتم؟؟؟
راشد :: شارع***** عند ميناء******* رقم********* في الجهة اليمنى رقم المبنى***
ليو :: انتظرنا
راشد:: لاتخافين انا وياك
انا:: بس ليه ورطت نفسك وياااي
راشد :: اضحي لعيونج
انامنزله راسي منحرجه :: تسلم
راشد:: لاتخافين بعد مانطلع بتكوون لي بالحلال
انا ببراءة:: وش تقصد
راشد شد على يدي وبابتسامه :: اذا طلعنا بتفهمييييييييييين
طلعنا من المبنى شفنا السيارة راجعه
انا خفت واجد راشد ضمني لصدره ومسح بيده على ظهري وقال :: لاتخفين راح احميج
ركضنا وركضنا وصلنا لنهاية الميناء وجلسنا
شفنا سيارات فريقfbi
وسيارة جيمس وسام قدامهم
جميس:: اين الشريط يانيكول
نيكول :: اعطوني الفتاة
جيمس :: سام احضرها
انا بصوت واطي:: راشد اخاف يكتشوفنا
راشد بنفس الصوت:: المخابرات عارفين
جاء اتصال لراشد
راشد:: نعم نحن عند بوابه الميناء ،،،،، حسنا ،،، سوف نأتي إليك
هيا يااهند بسرعه السياره جريبه واييييييييد
وركضنا لاحظ سام واطلق رصاصه من مسدسه
راشد سمع صوت الطلق وناظر للمكان:: هند انتبهي
مسكني وحماني خفت على راشد مستحيل يتركني ياارب تحفظه و تذكرت كل شئ حصل في الطياره تذكرت ان راشد كان اول من حماني راشد احبك راشد لاتتركني تكفى ياليت اموت اه يارب ليه حظي مثل وجهي نحس لالالالاراشد يارب احميه يارب خذ من عمري واعطيه
ماحسيت الا بالدم وبعدها اغمى علي
في الشرقيــــــــــــــــــه
لميووه:: بنات قلبي قارصني
اريجووه:: حتى انا
عبيرووه:: لاتخوفوني تراني حدي خايفه
عطوور:: وش فيكم
لميووه:: حاسه بيحصل شئ او حصل مادري
مشاعل :: لاتقولي كذا تكفين
في الامارات
ام راشد:: يمه سحر خايفه على اخووج
سحر وقلبها قارصه:: الله يهديج يمه من شنو خايفه الصباح اتصل فيج راشد
ام راشد :: مادري يمه احساسي
سحر:: خليج من احساسج وتعالي شوفي مسلسل (( رصاصة رحمه ))
نرجع للشرقيه
بيت جدتي ام حمد
جدتي توها صاحيه من النووم:: هند هند ابيها الحين بنيتي وييييينها
جاء عمي يوسف من غرفته::يمه بسم الله عليك وبصوت عالي اميره جيبي ماء بسرعه
شربت جدتي الماء
جدتي:: خايفه احس رووحي بتطلع اتصل على سعد ابي اتطمن على هند
جيان:: يمه ووين تتصلي الحين
يوسف :: من اصبح افلح يايمه الصباح ان شاء الله اتصل عليه
اميره:: يمه ليش هند بالتحديد خايفه عليها
جدتي :: شفتها تصارخ وتقول لاتاخذونه مني
يوسف :: هذي اوهاام
في بيت عمي بدر
خلود :: يمه 000000000هند000000 استغفر الله بروح اصلي واتصل فيها
صلت خلود واخذت موبايلها طبعا في السعوديه الوقت 2 في الليل وفي كندا 3 العصر
رد على موبايلي عبدالله
خلود:: هنووده يااحمااااااره شفت حلم مزعج انتبهي على نفسك
عبدالله:: لو سمحتي ياااختي انا مو هند
خلود:: اسفه بس وييييييين هند اهـ شكلي غلطانه اسفه
عبدالله احتار وش يقولها في نفسه :: صوتها عذاب
عبدالله:: يااختي الموبايل توني لاقيه اظنها نسته او طاح منها
خلود:: مع السلامه وسكرت على طويل من دون ماتسمع رده
عبدالله :: استغفر الله بس كان لازم اكذب عليها ابوها اللي قاال لاتخبروا احد
بس شكلها تحبها كثير شااف اسمها مسميتها في موبايلي القلب الحنون
جلس يفكر قطع حبل افكاره اتصال من موبايل
اخذه
شاف الاسم تؤام روحي
رد
ريوومه:: هندووه شلوونك انا والبنات مسووين اشتراك عشان نسوولف ويااك لان قلوبنا قارصتنا عليك
عبدالله :: اسف يااختي بس صاحبة الموبايل نسته او انه ضاع منها
سكرت ريوومه الموبايل
وعبدالله سكر موبايلي ورماه في الدرج ويفكر
الدكتور :: لقد حماها الشاب لو كان بعيد عنها لاصابتها في راسها فقد صواب سام المسدس على راسها
ولكن الشاب عندما جعلها في حضنه استطاع حمايتها ولكنه اصيب في كتفه
رجع عبدالله للواقع:: الله يحفظكم ويحميكم يارب تخلي راشد لهند وتخلي هند لراشد ونزلت من عيون دمعه مسحها وردد الله يحفظكم لبعض
البــــــــــــــــــارت الثامن
(( لاتتركني ))
صحيت حسيت بغثيان ودوار بدات ارمش بعيوني شفت صوره ضبابيه سمعت اصوات اهلي بس غاب عني صوت راشد وينه وينه لايكون صار له شئ لا لا مستحيل طيب انا وين الدم من راشد اكيد اصابه الحيوان قلت وانا اصارخ:: لاتتركني لاتتركني الدم كثير لاتتركني
امي:: بسم الله عليك
ابوي ::اهدي ماصار شئ انتي بخير
ندوش ::راشد بخير
كلهم ناظروا في ندووش وقال ابووي:: اييييييه راشد بخير لاتخافييييييييين يايييبه
انا :: بيقتلونه بيقتلونه بيقتلوني نار رصاص واصااارخ لالالالالالالالالالالالالالالالالالالالالالالالالا لالالالالا
امي:: ياااادكتوور
الدكتور :: بتهدى ان راشد بخير
جاء عبدالله وهو ماسك بيد راشد عشاان يمشي
راشد:: لاتخافي يااهند انا بخير
فتحت عيوون بقوه وبابتسامه ذوبت راشد:: لاتتركني الله يخليك لاتتركني
ابووي كان ساكت بطلب من الدكتور
راشد :: ولا يهمج مراح اتركج بس انتي تعافي بسرعه
امي:: لازم نرجع للديره
ابووي :: صاار بكره ان شاء الله بنرجع
راشد في نفسه:: مراح يطول الوقت يااابعدي واكحل عيوني فيج
طلعت من المستشفى وفي البيت
رؤى :: هنوده اشتقنا لك
انا:: وانا اكثر يالغلا
محمدووه:: كنت بمووت من الخوف
ضمت حموودي وقلت :: يعل يومي قبل يومك
هاجر :: والله نحبك يااهندووه
طبعت بوسه على جبين هجووره :: وانا اكثر
ندووش ::تعالي غرفتي ابيك تقولي كل شئ بتفصيل
امي::لا خليها تجلس عندي
محمدووه:: هند قولي كل شئ صار معك
انا :: اوكيه قلت لهم كل شئ مع الحذف طبعا
امي :: الله يخليه هالولد لاهله
ابووي :: صدقتي ياااامل (( امل اسم امي))
في شقة راشد
يتصل على امه
راشد:: ابي اكمل نص ديني ياايمه
ام راشد :: هذي الساعه المباركه وش رايك بأمل ولا علياولا
راشد يقاطعها :: يمه انا اخترت خلاص
ام راشد :: مييييييييين
راشد :: بنت سعوديه صغيره عمرها 17 سنه ابوها دكتور واهي من عايله
ام راشد:: بس يوليدي ياهل
راشد:: انا احبها احبها
ام راشد:: ومتى تبيني واخطبها
راشد :: اهلها بيروحون السعوديه واحنا نلحقهم قبل رمضان طيب
ام راشد:: اللي تشوفه
اليوم التالي من الاحداث
انا في نفسي :: شكلي مراح اشوف راشد مره ثاني يووه شكلي جنيت شلون افكر فيه لاهو سعودي ولا قريب لي على اي اساس افكر فيه اووف تعبت من التفكير
ابووي :: بنتاخر قدرنا نحصل حجز بكره الصبااح
امي:: اللي تشووفه اهم شئ نطلع من الغربه ونرجع لديرتنا
ندوش ورؤى يتهاوشوون على الروايات كل وحده تبي تقراء باارت
حمودي وهجوري وعصومي يلعبون بلاستيشن
والشغاله في المطبخ
نرجع لراشد
راشد:: عبيد خايف احد ياخذها قبلي
عبدالله:: اهي قماش عشان ياخذها قبلك
راشد:: طيب شوور علي تكفى
عبدالله:: كلم عمك احمد وقوله بالسالفه
راشد:: اخيرا قلت شئ مفيد
عبدالله:: دايما اقول الفوائد بس ووين اللي يعبرني
راشد طنشه واتصل على عمه احمد
راشد :: السلام عليكم ،،،، ابيك بموضوع،،،، ايه ،،، وانت وش تقول ،،،، الحمدلله،،،،، ممكن تكلمه
،،، برسلك الرقم ،،،، تكفى كلمه الحين ،،،، اوكيه يلا باااي
في بيتنا
كنت اكتب مذكراتي وخواطري
وندووش تكمل روايه بنات في بريطانيا ورؤى تلعب جيم بووي
وابوي وامي يتقهوون
رن موبايل ابوي
ابووي :: وعليكم السلام ،،،،،نعم انا سعد الـ ،،،، ايه عرفته ،،، حياك الله ،،،،،، طيب ولايهمك نرجع للديره ونشووف الموووضووع ،،، يلا مع السلامه
امي:: اي موضوع تتكلم عنه
ابووي :: بنتك هند انخطبت
امي :: بس بعدها صغيره
ابوي :: اللي طلبها راشد
كنت اسمع ابووي يتكلم وفي نفسي:: ياارب يوافق ياارب
ابووي:: وانا موافق بس باقي راي هند ورايك
امي:: انا من رايك
ابووي::الله يقدم اللي فيه الخير
امي :: متى بيتقد رسمي
ابووي :: بعد الرجعه للديره بيجوون اهله
امي :: انا موافقه بس ابي بنتي جنبي
ابوي:: طيب الله يقدم اللي فيه الخير
اختي رؤى سمعت الخبر جالسه تفحط في البيت :: عاشوا ورى وسرى كللللللللللوش
امي:: اسكتي ياالمهبووله اختك بااقي مواقفت والخطوبه بس كلام رجاجيل
رؤى:: اهم شئ نفتك من هندووه
ندووش:: الله وناسه برقص واستهبل وي
رؤى:: ياارب ارزقني بواحد مثل راشد حليو وعضلات وجسم وااااااااااي يجنن
ابوي:: هالبنت وجهها مغسول بمرق الحمدلله والشكر اهجدي يااابنت
امي :: اذا ماسكتي بالجزمه على وجهك فضحتينا
محمدووه:: ويك ويك لقطي وجهك من الفشيله
رؤى :: وانت وش دخلك داخل عرض
عصوومي:: احووي حمودي له دحل اكتر منت (( اخووي حمودي له دخل اكثر منك))
رؤى:: اذلف ياااالاطرم
هاجرووه:: انتي الطرمه
وبدات المعركه هواش وبوكسات وماوقفهم الا ابووي بالخيزراان
في الشرقيه
مشااعلووه:: لوتدري هندووه (( تقصد الخطه مانفذووها صح))
عطوور:: بتسامحنا اكيد
لميووه:: لوتدرون وش صار لي
تذكرت لميووه وش صار لها
بعد مانتهوا البنات من الاتصال علي قرروا ينفذون الخطة اخذووا الملح والفلفل الحاار
وراحوا لجهت الشباب كانت خيمة الشباب فاضيه والشباب عند البحر
لميووه: شوشو اخذي الملح
شوشو:: لا لا انتي اخذيه
لميووه:: طيب اعطيني راحت الدلخه لمكان الشااي كان على النار وحطت الملح بااقي اخر نقطه من الملح وشوي ويمسك يدها مراادووه شافها انبهر فيها ساكت عيونها عذااب
دفته لميووه وراحت تركض سمعت صووت
:: يالميووه حطيتي الملح في الشاي
مرادووه:: يااه هذي لميووه فديتها والله بس وش سوت شاف الشاي مليااان ملح اخذ الشاي ورماه وسوى شاي ثااني وبعدها طلع واستجوب اريجووه وامالووه طبعا اعترفووو وقاالوا ان هذي الخطه من افكااري المذهله
نرجع لكنـــــــــدا
امي:: تعالي يااقلبي ابوك يبيك
انا:: طيب لحقت امي كنت متاكد ان ابوي بيسالني وش اقوول بقوول ،،،،،،،رايي من رايك ياايبه
كنت واقف عند باب الغرفه
ابوي :: تفضلي ياااحبيبتي
انا:: زاد فضلك طلعت امي من الغرفه وكنت منحرجه كثير
ابووي:: انتي كبيره ودارسه ومتعلمه وتعرفي ان سنه الحياة لازم المره عند زوجها ياابنتي راشد تقدم لك وش رايك
انا:: رايي من رايك يايبه انا ماطلع من شوورك
ابوي :: يعني اقوول مبرووك
امي:: دخلت الغرفه واهي تضمني مبرووك يااقلبي
ورؤى مدرعمه:: اكشخ يااهند بتصرين عرسووه
انا وجهلي قلب علبة الوااااااااااااان
ندووش:: فديت اللي يستحوون
اخووي محمدوووه:: احسن برتاح منك
طلعت وركضت لغرفتي رميت بنفسي على السرير اخير استعوبت وش صار راشد تقدم لي طيب وش شاف فيني اهو احلى مني بكثير بس اكيد يحبني ياارب قدم اللي فيه الخير
في الكووفي شوووب
راشد:: حسنا ،،، الحمدلله،،، لقد تخلصنا منهم،،،، نعم لااستطيع المتابعه معكم وايضا زميلي عبدالله ،،،شكرا لكم،،،، واجبنا سكر راشد موبايله
عبدالله:: وش قالوا
راشد:: الحمدلله عصابة المخدرات العالميه انتهت في الخليج وبنرتاح منهم
عبدلله:: اييييييه انتهت بس هذي مو العصابه الوحيده هذي العصابه مرتبطة برجال كبار في كندا واكبر اثرها في الخليج الحمدلله اللي خلصنا منهم
راشد:: على فكره قدمتي استقالتي واستقالتك من المخابرات
عبدالله:: سويت زينة العقل
راشد:: بكره بتسافر قلبي للديره
عبدالله:: الحين انت واثق بموافقتها
راشد:: لاتخوفني يااريااال على فكره حجزت باجر برجع لدبي
عبدالله:: يااسلام بتتركني لحالي صدز اصدقاء اخر زمن
راشد :: ولايهمك انت الغالي
عبدالله::مالت عليك ويكش بيده بس احفظ هالكلام للعرووس
راشد:: يووه ابي تمر الايام بسرعه
عبدالله ::اصبر
نرجع للشرقيه
في بيت صديقتي الهاام كل اعضاء شله مخربها مجتمعات عندها
ريمووه:: هندووه لها وحشه
الهامووه:وش رايك نتصل فيها
خلود:: اتصلت فيها بس شكلها مضيعه جوالها لان رجال رد علي
مشاعلووه:: الايام تمر بسرعه وبترجع
غاليووه:: بنات جوعاانه ابي اكل
الهامووه:: الحين رايحه اجيب الحلى
ريوومه:: هذا اللي يهمك بطنك
مشاعلووه:: وفي اهم من الاكل
خلوودوه تكش على مشااعل وغاليه:: مالت عليكم اللي يسمعكم يقوول دببه
جلسوا يسولفون طبعا لايخلوا من الحش في خلق الله
جدتي ام عبدالله اتصلت على امي وبدورها الغاليه بلغتها بكل شئ بس ماقالت لها عن حادثه الطياره والاختطاف بس كلمتها عن الخطووبه جدتي كلمت جدي رفض واخوالي رفضوا وبعدين كلمهم ابوي وقالهم عن اخلاقه وصفاته وكلم اعمامي واقنعهم والحمدلله كلهم وافقوا انتشر خبر الخطوبه كنت فرحانه وخايفه بنفس الوقت 00000000
البـــــ التاسع ـــــارت
((( وفيت بوعدي وصرتي قربي)))
في كندا
نزلنا من الشقه متجهين للمطار ولقينا راشد في المطار طبعا كنت لابسه نقاب راشد شااف ابووي وجاء سلم عليه وباس راسه
راشد:: شحالك يااعمي ان شاء الله تماام
ابووي :: الحمدلله عال العال
راشد :: يوم السبت بنكون في الشرقيه
ابووي ::حيااكم
ندووش :: اليوم الاربعاء باقي يومييييييييين
انا:: اسكتي ياامال الوجع والعمي والمرض
رؤى:: طيب يااهندووه وش فيك معصبه قالت الصدق
انا:: انتي ويااها اسكتوا احسن لكم
احنا كنا في الطيار المتوجهه للسعوديه وراشد في طيااره الامارات
وصلنا لارض الوطن استقبلنا عمي الغالي يوسف الله يخليه لنا وخالي خالد وعبدالله وجدي وجدتي ام عبدالله وجدتي ام حمد تغيرت كثير اول ماشفتني اخذتني في الاحضان وبعدها سلم عليها ابووي وسلمنا على عمي يووسف واخوالي وجدي وجدتي
عمي يوسف:: تومانورت السعوديه
ابووي :: منور بوجودك يااخووي
خالي عبدالله :: الحمدلله على السلامه
امي:: الله يسلمك يالغالي ولد الغالي
جدي وهو شايل اخووي عصوومي ويبوسه:: اشتقت لعصومي اكثر منكم
هاجرووه :: وانا ياجدي
عمي يوسف يدور بهجووره :: وانا اللي اشتقت لك
انا:: شكلكم نسيتوا البقرات الثلاث
ندووش ورؤى:: نحنوا هنا ويييييييين التحيه
عمي يووسف:: مصدقين انفسكم
انا:: شلونكم كلكم
عمي يووسف :: تمااااااااااااااام وغمز بعيوونه وش الاخبااار
انا وصرت طماطم :كلووو تماام
رؤى:: يلا مشتاقه للبيت وللشوارع وكل شئ
وطلعنا من المطار
وصلنا البيت كنا منهكيييييييين نمنا من التعب وفي الصباح صحيت الدجاجه ندوش تشبه الانسه منشن كل شوي نظفوا رتبوا شوفوا الغرفه
انا:: منشن اطلعي برى ابي اناااااااااااااااااام
ندووش::ههههههههههههههههههه خخخخخخخخخخخخخخخخخخخخخخ واااااااااااع
رؤى:: ضحك بلا ضرووس وش فيك
ندوش:: ولا شئ بس ابي ارفع ضغطكم
انا اخذت المخده ورميتها على ندووش:: براااااااااااااااا يابقره الضاحكه
ندووش تطبل على الباب وتهز وانا من الحماس قمت ارقص وياها انا وكشتي ورؤى اخذت جلاباب الصلاه وتدوور
رؤى:: كللللللللللللللللللللللللللللوش
ندوش:: كلووووووووووووش يلا ورى ايوه خليلووه
انا:: هلي لاتحرموني منه هلي لاتبعدوني عنه
رؤى:: لا لا ولللللللللللللللللللللللوش لللللللللللللللوي
انا وندووش::سرى كلللللللللللللللللللوش
اللي يشوف غرفتنا يقول مستشفى مجااانين وشوي ويدخل ابووي الغرفه ويصارخ واحنا من الخوف نطينا على سرير واحد وخمدنا
في بيت جدي ابو عبدالله
جدي :: وش رايك يااامنيره في عزيمه كبيره لامل وزوجها وعيالها
((منيره اسم جدتي ام عبدالله))
جدتي:: شورك وهداية الله
عصامووه:: قدااااااااااااام
نواف:: انا وياااااااااااك
جدي:: انت ويااه كلموا اخوانكم
عصاامووا ونواف :: اوكيه يااابعدي فديتك ياااغلى ابو
جدي:: ايه اضحكوا علي بكلمتيييييييييين
في بيت جدتي ام حمد
جدتي:: شكل هند فرحانه في الخطوبه
عمي يوسف:: الله يوفقها تستاهل كل خير
عمي حمد:: اكيد سعد جن وشلون يزوجها بالغريب
عمي بدر:: سعد يعرفه ويعرف اخلاقه والله يسعدها معه وانت ياحمد لاتتدخل
عمي حمد:: طيب مراح اتدخل سعد عاقل ويعرف وش الانسب لبنته
مساعد في نفسه:: تمنيتها لي الله يوفقها دنيا واخره ويحيمها
عادل :: سعودي وييييييييينك
مساعد :: هلا هلا
عادل:: شكلك مضيع وشوف اخر لفه من اليمين وبعدها قاطعه مساعد بعلبة الكلينكس
مساعد:: الله ياخذك ياادب
عادل :: عدال ياااالرشيق
في الامـــــــــــارات ((دبـــــــــــــــــــــــــــــــي))
راشد رجع لدبي وكلم اعمامه واخواله كلهم وافقووه في خطوبته
سحر:: متى بنروح الشرقيه بشوف هنوده اكيد روعه
راشد:: بنروح باجر ان شاء الله
ام راشد ::وانت تقول السبت لييه باجر
راشد:: ابي اضبط اموري ولاتنسي باجر اليمعه وبعدا السبت
ام راشد:: ايه والله واخولك كلهم في السعوديه وبيون ويااك
راشد:: اعمامي راح يكونوا ويانا
سحر:: وناسه ابي ارووح للراشد وشارع التحليه اللي بريااض
راشد::انتي وش دراج بالاماكن هذي
سحر:: قريتها في الروايات السعوديه
راشد تذكر الروايات ::ايووه الروايات حلووه
سحر:: تيييينن
راشد:: رومنسيه ولاحزينه ولا شنو
سحر :: هيك وهيك
راشد في نفسه:: يااه هند تحب تقراء رومنسيه ولا لا
في الشرقيه
جدتي اتصلت على امي وقالت لها عن العزيمه واليوم المحدد اهو السبت
امي:: العزيمه يوم السبت
ابووي :: بس يووم السبت بنلتقي الجماعه
امي :: طيب وش رايك نعزمهم
ابووي :: شورك وهداية الله
اخذ ابوي الموبايل واتصل على راشد
ابووي :: السلام عليكم
راشد:: وعليكم السلام هلا عمي
ابووي:: البنت موافقه يااولدي
راشد :: الله يبشرك بالخير بكره بنجي عندكم الحين احنا في الشرقيه
ابووي:: تعالوا للمزرعه انت والاهل
راشد:: بس انا موب وحدي معي اعمامي واخوالي
ابوي:: اذا ماشلتكم المزرعه تشيلكم عيوني
راشد::الله يسلمك يالغالي وفي نفسه :: والد الغاليه فديتها
ابوي:: اسف اخرتك تامر على شئ
راشد:: سلامتك
ابووي:: مع السلامه
راشد :: مع السلامه
بلغنا ابوي بحضور اهل راشد للمزرعه كنت فرحانه ومرتبكه في نفس الوقت اللي بيجون للمزرعه هم اخوالي واعماامي وجدتي وجدتي بلس وجدي
يوم السبت في المزرعه
الشباب وصلوا قبلنا وبعدها سيارة جدتي وانا والشله فيها مع شلة رؤى واخوالي كل واحد في سيارته مع زوجته وخالاتي برضوا كانوا معنا واهل ابووي معنا
واول مانزلت من السياره:: ونااااااااسه يلا يابنات نستحل المسبح بسرعه
لميووه:: بسرعه قبل التماسيح طبعا ركضنا مدرعمين بعبياتنا اللي يشوفنا يقول اشباح واول مواصلنا للمسبح كنا نتسبح بالعباية ههههههههههه كان اشكالنا تضحك امهاتنا رتبو حجاتهم في فلة المزرعه
والشباب والرجاجيل وجدي جلسوا في الخيمه
مرادووه:: يلا للمسبح قبل الدلخااااااات
مساعد:: حرام لاتقول عن البنات كذا
عصاموه :: بلاك ماتعرفوهم وحوش قليل في حقهم
نوافووه:: يلا بسرعه يااااشيباان
احمدووه:: قداااااااااااااااام
عادلووه:: قدام ولا وراء
احمدووه وهو ياخذ بيد عادلووه:: يلا بلا كثرة حكي
عادلووه:: كثره ولا قله
احمدووه يدف عادلووه بظهره:: لاحوول دمك ثقيل ياااخوي
عادلووه ::خففه بالمويه
احمدووه:: مويه لا عصير
مساعد:: انتوا اللي يسمع حكيكم يضيع قووموا بسرعه
جاء اخووي حموودي وهو يلهث :: وييييييييين بترحون البنات في المسبح
نوافوووه:: بيطلعوون يلا يااعصامووه نسحبهم من شعورهم
عصامووه:: قدااااااااام
راحوا وشافونا فطسوا من الضحك على اشكالنا كنا متغطيات ونتسبح
عصاامووه:: الله ياخذكم شنو تسوون هههههههههههههههههه
نوافووه:: خخخخخخخخخ وهـ مجانيييييييين اشكالكم تووحفه ناظر ياعصاموووه لامال
انا:: يلا اذلف نبي نتسح على راحتنا شوفوا بنات عمي يبون راحتهم
خلود:: هندووه اسكتي
نوافووه::اسفييييييين السموحه بس 5دقايق وتطلعوون على فكره يااهندووه اهل راشد بيجون للمزرعه بعد العصر
انا:: شنو وطلعت اركض للبيت مثل المهبوله
عصامووه:: ههههههههههههههههههههاي بالله عليك ياانواف ماتذكرك برقيه ههههههههههههههههههاي
نوافووه:: خخخخخخخخخخخخخخخخخخخخخخخخخخخخخخخخخخخخخخخ
تكملــــــــــــة البارت
لميووه:: يلا اطلعوا البنات بياخذون راحتهم
عصامووه ونوافووه وهم يطلعوون :: اوكيه بس خمس دقايق
البنات طلعوا من المسبح ودخلوا البيت اخذت شوور وبعدي البنات وكانت لابسه فستان لونه وردي تحت الركبه وحزام اسود كبير وضيق من عند الصدر وخليت شعري سايح واكسسورات شعري كانت ورده ورديه على جهة وحده طبعا الحلق والخرابيطي كان لونها اسود والميك اب كان خفيف مرره قلوس وردي ورسمت عيون بس
والبنات لميوه لبست تنوره غجريه لونها اسود وبلوزه لونها احمر وفيها قلب وسهم ومكتوب فيها lolo واريجوه وندوش وخلود نفس الملابس بنطلون جينز ازرق وتيشيريت كروهات بنفسجي واسود ورؤى وشلتها نفس الملابس كان بنطلون جينز اسود وتيشيرت ابيض وفيها رسم وجوه تضحك ومكتوب فيها كريزي طبعا اتفقوا البنات يرفعون شعورهم ذيل الحصان
وجاء وقت اللحظه الحاسمه جاء اهل راشد وعبدالله ونهى وام نهى استقبلوهم اهلي الرجاجيل كانوا في الخيمه والحريم كانوا عندنا في الفله
جدتي ام عبدالله:: حيا الله من جانا
امي:: تفضلوا يالغالييين
ام راشد وام نهى:: زاد فضلكم
منالووه:: هلا وغلا فيكم شرفتونا
شوشو:: تفضلوا في المجلس
نهى لشوشو:: ويين هند
امي :: في غرفتها ياشريفه خذيها عندها
سحر:: ابي وياااج يااشريفه
شوشو:: حياكم
خالت راشد روضه :: اتنظري ابي ايي ويااكم
شوشو:: يلا تعالوا معي
طلعوا شوشو والبنات للغرفه
كنا في الغرفه محتاسين
خلوود:: شو رايكم ننزل
لميووه:: هندووه انزلي واحنا وراك
اريجووه:: هندووه بكوون معك
مشاعلووه:: ياارؤى تعالي ننزل
رؤى:: لالا بجلس معي ماي سيستر
ندووش:: احلى ياام العنقليزي
رؤى :: احسن منك
كنت متوتره وبخووف:: بنات وييييييين شوشو ومنالووه
امالووه:: عند الضيوف يحسبون انفسهم حريم ههههههههه
شوشو من وراء الباب :: واحنا شنو هـا وفتحت الباب شفنا معها ثلاث بنات
عطوور:: شرشر من اللي معك
شوشو:: هذولي سلمك الله اهل راشد
شفت نهى على طول ركضت لها وضميتها :: لك وحشه ياادبببببببه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك