رواية خليجيات في الامارات -52
بدور : دوام معضد تدرين عاد
خلود : شكلج هلكتي فيج رقاد ههههه
بدور هزت راسها : اي والله فيني رقاااد بموووت خلااااص من التعب
خلود : يلا عاد تصبحين على خير
بدور وهي طالعه : وانتي من أهله
تقدمت بدور عن جناحهم وهي ميته رقااااااااد ...!! دخلت وسارت صوب التسريحه بدت تفتح شعرها عشان
ترقد
وهي قاعد تفتح شعرها شافت معضد ع السرير لفت متخرعه ومصدومه
بدور : بسم الله الرحمن الرحيم
معضد ابتسم وقال : بلاج تخرعتي
بدور مسكت قلبها : من متى انت اهني ..؟؟
معضد : من ربع ساعه
بدور هزت راسها : هيييي ..!! خرعتني الليتات مصكره عاد أنا روحي ما اشوووف من الابجوره هذي
معضد : يلا بسرررعه سيري غيري برقد
بدور راحت صوب الكبت تطلع لها ملابس وقالت : لأأأ أنا برقد عند خلوود
معضد عدل قعدته وقال : من صجج انتي ...؟؟
بدور هزت راسها : هي برقد عند خلووود وبعدين لو تبا انت ارقد في صالة القسم وأنا في الحجره
معضد وقف وتقدم عن بدور
بدور طالعته بربكه وقالت : يلا اختار وين تبا ...؟؟
معضد : لا اهني ولا اهناك
بدور وهي تلعب بأزرار ثوبها اللي بيدها : خلاااص عاد جان ما تبا ... انا بسير بغير وبروح عند خلوود
معضد : لأأأ ما تسيرين شو بيقولون عني عقب متضارب وياج
بدور : انزين برقد في الصاله..!!
معضد مسك يدها ابتسم وقال : بدووور انتي ليييش خواااافه
بدور : بس أنا ........................
معضد حط يده ع حجلها وقال : اسكتي وسيري بسررررررعه
بدور : آآآآ .............
معضد قاطعها وهو مبتسم : قلت لج بسررررررعه
/
.
/
نور تمشي وهي تأفأف : ما فيني شي
عبدالعزيز يمشي معاها : اشلون ما فيج شي ..!! السفره وخربتيها ...؟؟ الدراسه وخلاااص ما عاد بنكمل الكورس اش تبين بعد ...؟؟
نور : مابي شي غير انك تتركني بحالي
عبدالعزيز وقف وقال بجديه : وقفي ..............
نور وقفت وقالت : نعم ...!
عبدالعزيز : انتي اش فيج ؟؟؟
نور امتلت عيونها دموع : قلت لك ما فيني شي
عبدالعزيز بطولة بال : نور سيري البسي عبايتج بنطلع
نور : الساعه اثنعش وين تبينا نروح ...؟؟
عبدالعزيز : اي مكان
نور بسخريه : لا والله اش يقولون عني بعدين ..؟؟
عبدالعزيز مسك كتفها : نور انتي زوجتي ما فيها لو طلعت معاج
نور نزلت ايده وقالت : لا تقووول كذا
عبدالعزيز عرف ماشي مجال للتفاهم غير انهم يطلعون لأن أصواتهم بدت تعلا
عبدالعزيز : اوووكي سيري البسي عبايتج
نور : مابي بروووح بنام
عبدالعزيز مسك ايدها بقوووه وقال : اوقفي اهني بتصل بالهنوف تييبها
نور : قلت لك ماني طالعه
عبدالعزيز : نوووووووور سكتي دخيلج
نور امتلت عيونها دمووووع وتريت
عبدالعزيز اتصل بالهنوف وطلعت من باب الصاله الكبير تقدم منها عبدالعزيز وخذا عباة نور
الهنوف مبتسمه : على وين .....؟؟
عبدالعزيز معصب مبين عليه : دشي داخل
الهنوف عرفت فيه شي وسكتت ..! اصلا هي شاكه من البدايه من المانيا ونور مو على بعضها
عبدالعزيز تقدم من نور وعطاها العبايه : البسي
نور لبست العباه وهي يالسه تلبسها
الهنوف تقدمت منهم
عبدالعزيز طالعها وقال : مو أنا قلت لج دشي داخل
الهنوف مستغربه : لا اشوووف اش صاير
عبدالعزيز : اش صاير يعني فلم ...!! دشي داخل الهنوف
الهنوف تطالع نور مستغربه ونور يالسه تصيح .. مسكت يد نور وقالت : نواري اش فيج تصيحين ..؟
نور مسحت دموعها : ما فيني شي حبيبتي ادخلي داخل
عبدالعزيز : يلا نور ... وانتي الهنوف دشي داخل
الهنوف مستغربه : عبدالعزيز اش سويت بها ..!! بخبر ابوي عليك
عبدالعزيز مسك يد الهنوف بهداوه وقال : حبيبتي ما بينا شي بس نور متضايقه من شي ممكن تتركينا
الهنوف : بس نور متضايقه منك صح نور ..؟؟
نور هزت راسها : لا حبيبتي .. انتي ادخلي داخل
الهنوف : يعني مو متضايقة منه
عبدالعزيز : الهنوووف انتي دشي داخل وبعدين هذي سوالف بيني وبين مرتي مالج شغل ... وابوي ما يدري ان نور متضايقه سمعتي ..!
الهنوف هزت راسها وقالت : أوووكي ..!! بس عبدالعزيز حرااام لا تقووول لـ نور شي روحها مسكينه وما عندها أحد غيرررك الحين
عبدالعزيز مسك راسه : بتدشين ولا لاأأ ...!!!
الهنوف ابتعدت عنهم عبدالعزيز ابتسم لنور يهديها : شفتي كيف تحبج ..!! اذكر قبل كانت تكرهج كره العمى والحين تحبج ..!
نور بصوت متقطع : ع الأقل تبين كرهها مو مثل ناس حتى ما يخلون لغيرهم مجال يبينون وجهة نظرهم
عبدالعزيز : نور انتي كلامج كله على بعضه الغاز ممكن تيين نتمشى بالسياره وتكلميني عن كل شي
نور مسحت دموعها وتنهدت ...!
عبدالعزيز مسك يدها ومشا معاها الين وصلو للسياره وركبو
عبدالعزيز وهو يحرك السياره : نور ارمسي قولي اش فيج ..؟؟
نور تطالع برع وتصيح : قلت لك ما فيني شي
عبدالعزيز مسك يدها وقال : نور انتي فيج شي ولا ليييش تصيحين ..!! حتى انتج متغيررره
نور سحبت يدها وقالت : عبدالعزيز رجاءا بطل تمثيل لأني صج زهقت
عبدالعزيز سكت شوي .. ورد يتكلم : أحد قال لج عني شي ..؟؟ كلمج بشي وضايقج
نور : هه .. اسأل روحك ..!
عبدالعزيز : انزين قولي لي اش قلت لج عشان أفهم
نور مسحت دموعها : ما قلت لي شي عبدالعزيز ممكن ترجعني للبيت
عبدالعزيز : نور قولي اش فيج ..؟؟ ع الأقل أفهم
نور : عبدالعزيز دخيييييييلك أعصابي لحالها تعبانه .. دخيييلك رجعني قبل لا يستوي فيني شي
عبدالعزيز شاف الشارع وضرب السكان تنهد بقوووه وقال : أوووووووكي برجعج لأن روحي تعبان .. بس باجر نور تقولين لي عن كل شي وبالضبط
نور سكتت وما ردت عليه
/
.
يوم الجمعه الصبح الساعه سبع
رفعت عن ويهها البطانيه وهي متضايقه منها
مسحت عيونها عشان تتعدل الرؤيه وتشوف جآن هي بحلم ولا لأأأأ ... شافت جنبها وما شافت مروان ..
ردت تتذكر كل شي صار أمس بليل ..!!! كان تعبان .. حرارته مرتفعه وما يقدر يتكلم
بس وينه ..؟؟ وين راااااح ليكوووون كنت أحلم أنا ...!! لأأأ ما كنت أحلم اللي اتذكره اني كنت معاااه صج
وكان تعبان
وقفت روان وتقدمت عن الحمام الله يعزكم .. عشان تتغسل ... سمعت صوت من الصاله تقدمت عن الباب شافت مروان قاعد ومتلحف ببطانيتين
تقدمت منه بسرررعه
روان : مرواااان
مروان لف راسه يطالعها ..
روان تقدمت منه ومسكت راسه تشوف اذا حرارته مرتفعه ولا نزلت
ما حست الا ومروان يسحب ايدها ويبعدها عن ويهه
روان امتلت عيونها دموع وقالت : شخبارك الحين ..؟؟
مروان : بخيررر
روان لفت عسب تدش .. ردت طالعته وقالت : أمس بليل مدري اش كنت تقول لأن حرارتك وايد ارتفعت .. انصحك تروح الطبيب
مروان ما رد عليها
روان مشت بألم وانكسار تعلن هزيمتها ودخلت الحجره وهي بقمة حزنها .. عبراتها خانتها وبدت تهل
/
.
/
الساعه اربعه العصر
معضد طالع خلود وابتسم : لا خليه معانا
بدور تكلمت بسررعه وقالت : أنا وخلود بنروح نشتري لنا أغراض صح خلود ...؟؟
خلود سكتت وما ردت ..
معضد ابتسم لـ بدور وقال : لأأأأ خلود فيصل يوديها تشتري الحين خل تروح تلعب حمدان صوب الألعاب
خلود ابتسمت وقالت : أوووكي
معضد : حمدان تروح مع خلود لصوب الألعاب ..؟
حمدان استانس دام السالفه فيها العاب : هي بابا بلعب
معضد : خلود سيري لعبيه وجان في خاطره شي خذي له
خلود : ان شالله .. بدور ما بتيين ويانا
بدور طالعت معضد وسكتت ..
معضد : لأأأ أنا وحرمتي بنتمشى
خلود ابتسمت ودها تضحك على شكل بدور وقالت : أوكي برايكم .. يلا حمداني
معضد شاف خلود وحمدان يبتعدون .. مسك يد بدور وقال : يلا نروح نقعد في هـ المحل
بدور طالعته وما قالت شي
معضد وهو يمشي معاها : اش فيج ساكته ..؟؟
بدور : ما فيني شي
معضد وهو يدخل المحل : فـ خاطرج تروحين مع خلود ..؟
بدور : عآدي
معضد : اش تشربين
بدور : أي شي
معضد ابتسم وهو يقول : كل شي عندج عادي
بدور : خلاص نفس اللي تختاره
معضد : أنا اشرب بلاك كوفي يعيبج
بدور هزت راسها : عادي قلت لك أي شي
معضد : أوكي مع اني اشك انه يعيبج لأنه مرررر
بدور ابتسمت وقالت بعفويه : اي تراااه يعدل المزاج
معضد ابتسم لها وقال : فـ خاطرج نرد دبي
بدور .. الحين لو رجعنا لـ دبي ترد تعاملني بقسوووه اهني ع الأقل يدام اهلك تحترمني شوي : لأأ
معضد مستغرب : غررريبه بدور تكره دار الحي
بدور : لأأأ بس ما أدري قمت ارتاح اهني عند خالتي
معضد ابتسم : آها عند أمي ..
بدور تطالع الكوفي اللي قاعد يحطه العامل ع الطاوله ..
معضد استغرب من تصرفاتها .. طول الوقت تسرح ..
معضد : بدووور
بدور رفعت راسها : هلأأأ
معضد : ياب الكوفي خذي لج
بدور طالعت صوب العامل اللي رووح عنهم من شوي : اي شفته
معضد وهو يشرب : انتي ليييش تخافين مني جني مسوي لج فلم رعب..؟؟
بدور حست انه وقت حلو للنقاش وما راح يصير احتكاك بينهم لأنهم بمكان عام
بدور نزلت راسها وقالت : ما سألت عمرك ..؟؟
معضد مستغرب : ليييش ..؟؟
بدور : ما ادررري انت غيرر معضد
معضد : كيف غيررر
بدور : تصرفاتك غررريبه ما ينعرف لها .. وقت معصب ووقت راضي
معضد ابتسم بسخريه : بالعكس أحس عمري وايد متساهل معاج ع اللي سويتيه .. الصراحه شي ما ينسكت له
لو ميره موجوده جان ذبحتج ولا انتي اصلا كيف رضيتي تتكلمين مع غريب ..
بدور امتلت عيونها دموع : بسسسس أنااا والله من أخر يوم كلمت ميرررره وأنا بطلت هـ السووووالف
معضد سكت وما قال شي
بدور : انت ليييييش تعاملني جذي ..!! والله ما سويت شي .. خلاااص معضد والله ارحمني
معضد طالع بدور وقال : بدور اهدي
بدور : معضد انت ليييش ما تعاملني مثل ما كنت تعامل ميرررره .. وبعدين هـ الشي ما يرضيها تأكد ..!!
معضد بجديه : انتي ولا شي يدام ميرررره .. ميره كانت شي وانتي شي
بدور بدت دموعها تتيمع بعيونها : هذيك كانت مرتك .. واليوم هم أنا مرتك .. مب يعني تاخذ حقوقك مني وما تعطيني حقوقي ..!!
معضد عصب : بدور لا تقارنين نفسج بميررره وخلااااص ..!!
عم الهدووووء وسكتت بدور وسرحت لـ ماضيها الملئ بالألوان والأأزهار عكس حاضرها مجرد لوحه مرسومه بالفحم ..
/
.
/
ملاك باحباط : رشوووود شو تقوووووووول ..؟؟
راشد : ملاك اهدي ترا والله السالفه ما تستاهل وبعدين عسا أن تكرهو شيئا وهو خير لكم
ملاك : أدررري بس لييش ما كلمت ربعك
راشد : كيييف يروحون له بدوني وبعدين حبيبتي افهمي ان هذي السالفه يبالها وقت
ملاك : لو أمس مودينه كنا افتكينا وخلاااص
راشد : ربج ما كتب ان أمس يصير هـ الشي خلاااص اليوم ان شالله
ملاك : أكيييد اليوم ...!!
راشد : أكييييد ان شالله بس انتي لا تحاتين
ملاك : آمييين مع اني مب مرتاحه
راشد : لا ارتاحي وادعي له
ملاك : يالله متى يخلص اليوم ويصير كل شي على خيررر
راشد : بكلم ربعي
ملاك : وبعدين شـ يصير ..؟؟
راشد : وانا اش دراني شفتيني مطوع
ملاك ابتسمت : لا أقووول يمكن تدري
راشد : لا تحاتين
ملاك : الحين هو اليوم بيرد لنا البيت خلاااص
راشد : ما ادررري برمس المطوع
ملاك : تصدق رشووود أنا خايفه
راشد ابتسم وقال : ما تضحكين لو قلت لج ..!
ملاك : قووول
راشد : ما تضحكين ..؟
ملاك : انت قووول
راشد : ترا والله أنا عن نفسي بعد خايف هههههههه
ملاك ابتسمت : آفا ..!! لا تقووول
راشد : تراني أنا اللي بدخل معاه مب انتي
ملاك : ههههه دام جذي خلاااص مسامحه
راشد : يلا باااي بروح عند ربعي وديري بالج ع عمرج
ملاك : أوووكي .. يلااا باااي
/
.
/
عبدالعزيز : أوووكي بس انتي قولي كلمه وحده ع الأقل عشان افهم
نور لفت ويهها وهي منزعجه ما ودها تتكلم
عبدالعزيز مسك ويهها وقال : نووور ع الأقل فهميني الأسبوع الياي برجع الااامارات تراااني
نور طالعته وقالت : ونحن ..؟؟
عبدالعزيز : بتقعدون هـ الفتره اهني
نور : مابي اقعد هنا .. عند بنات عمك ماني قااااعده
عبدالعزيز مستغرب : لييش شفتي منهم شي
نور نزلت دموعها : قول اش ما شفت منهم
عبدالعزيز قعد يمبها لأن توها وأخيرا نطقت وقال : اش سوو لج ..؟؟ رهام ردت عليج فجر ردت عليج ولا ضايقتج ..؟
نور : لأأ رهام مالها خص ولا فجر
عبدالعزيز : عاد منو ... محد غيرر هذيل اللي ييون عندنا وبعدين بنات عمي يمزحون مب قصدهم
نور نزلت دموعها وقالت : ود تمزح ..؟؟
عبدالعزيز عقد حياته : ود
نور : اي أقول لك ود ..!
عبدالعزيز مستغرب : شو علاقتها ..؟؟
نور : عبدالعزيز لا تعمل حالك على نياتك وما تعرف انت فاهمني زين
عبدالعزيز مسك يد نور وقال : نور اتركيها هذي مريضه
نور تصيح : وليييش انت تخرب حياتي
عبدالعزيز : نووور كيف اخرب حياتج
نور : عبدالعزيز انت من البدايه امك غصبتك تاخذني أنا ادررري
عبدالعزيز سكت
نور تصيح : أدررري انه غصب بس ليييه تعذبني معاك ...؟
عبدالعزيز : من قال نور ...؟؟
نور : عبدالعزيز لو ما تبيني وتبي أحد غيررري عادي عندي والله عادي .. ولا اني اعيش معاك شفقه
عبدالعزيز مسك كتوف نور وطالع عيونها .. : نور طالعيني
نور نزلت عينها مرتبكه
عبدالعزيز : نور قلت لج طالعيني ..
نور نزلت يده بسرررعه وقالت : دامك تبي ود عادي عندي بس ما اعيييش معاك غصب عني
عبدالعزيز : ومن قاااال اني ابي ود ...؟؟
نور تصيح : والكلام اللي سمعته بألمانيا
عبدالعزيز طالعها وتذكر : نووووور ... انتي فهمتي غلط
نور : لا والله اكذب اللي سمعته يعني ...!
عبدالعزيز مسك كتوفها وقال : نور ود كانت تحبني من هي صغيررره بس والله مالي علاقه فيها .. ود مجرد اخت لا أكثر .. هي من نفسها تحبني بس أنا لأأأ ..
نور نزلت يده وقالت : عبدالعزيز وخر عني واتركني بحالي خلاااص تعبت
عبدالعزيز : نوووور اسمعيني ع الأقل .. وعطيني فرصه وحده ع الأقل
نور لفت بتطلع من الحجره : لما تكون مقتنع فيني وصدق بتاخذني لأنك تبيني ومحد جبرك وقتها بسمعك
عبدالعزيز مسك نور ولفها له قال : نور والله أحبج ولاني مجبور أخذج
نور وهي تحس بنفسه الساخن نزلت دموعها : عبدالعزيز اتركني
عبدالعزيز رفع راسها وقال : طالعيني
نور غمضت عيونها و ضغطت على اسنانها : عبدالعزيز اتركني
عبدالعزيز ضغط على ويهها بحيث تتألم وتفتح عيونها وقال : طالعيني وبتعرفين نور ...
نور نزلت دموعها وهي تطالعه : توعدني
عبدالعزيز : اوعدج
نور : قل والله انك ما بتتركني ولا انك مجبور تاخذني ومقتنع فيني
عبدالعزيز : والله
نور حطت راسها على صدره وبدت تصيح وهي متمسكه فيه
عبدالعزيز مسح على راسها وقال وهو يبتسم : والله اني كنت أعدج أخت بس من يوم ملكنا حبيتج أكثر وأكثر عن أول
نور ابتعدت عنه وهي منحرجه منه : عن اذنك بروووح لـ شوووق
عبدالعزيز مسك يدها وقال : نور لو تسمعين أي شي .. تعالي تأكدي مني وعقب احكمي
نور هزت راسها وابتسمت
عبدالعزيز ضربها ع الخفيف : خربتي سفرتي والكورس راااح علينا
نور ابتسمت : لا تصير لي ضاري .. اربع وعشرين ساعه يضرب
عبدالعزيز : لو يضرب مرتي لأكسر يده
/
.
/
ملاك : والله اروووج
اريج : احلفي ملوووك
ملاك : صج والله كلمته واليوم بيودونه للمطوع
اريج : ياربـــــــــي ان شالله يشفى
ملاك : آمييين
اريج ابتسمت : وبيرد لنا ميووود الحبوب
ملاك : آميين يارب
اريج : تصدقين خايفه
ملاك : وأنا أكثررر والله
اريج : كيف بيودونه
ملاك : راشد وربعه بيسحبونه
اريج : الله يستر قلتي لهم يقرووون على عمارهم
ملاك : هي رمست رشووود وأنا حدددددي خااايفه
اريج : لا ان شالله المطوع يقرا عليه ويشفى بالرقية الشرعيه
ملاك : آمييين يارب .. وهذي أم السحور والله لـ بهدلها بهدله
اريج ابتسمت : ما يخصنا فيها المهم مايد يرجع مثل أول وهذي تطلع من حياتنا
ملاك : ياربي اروووح أتريا متى ايي باجر
اريج : ومايد ..؟؟ اليوم ما بيرد البيت
ملاك : لأأأ رشووود عقب ما بيطلعه عن المطوع بيوديه المستشفى
اريج : هي احسن عن يكون متعور ولا شي
ملاك : يارب متى ايي باجر اتريااا باااجر بـ فارغ الصبر
اريج ابتسمت : ما عليج الأيااام تمر بسرررعه
ملاك : صدقج والعمر بعد يمر بسررررعه
اريج : يلا عاد حبيبتي بودرج بروووح بشوووف أمي
ملاك : سلمي ع خالو
اريج : يوصل يلا مع السلامه
ملاك : مع السلامه ..
/
.
/
روان تمسح دموعها وقامت من ع السياده وتقدمت عن السرير عشان تريح شوي .. بس طلعت للصاله
شافت مروان قاعد
روان تقدمت عنه شوي شوي .. شافته راقد وملحف عمره
روان رجعت شعره لورا وقالت : مروااان
مروان : لارد
روان : مروااان
مروان : لا رد
روان تركته وابتعدت عنه عشان تدخل الحجره .. بس سمعت صوته وهو يقووول : روان ييبي لي ماي
روان : ان شالله
راحت روان صوب الثلاجه وطلعت له ماي .. تقدمت منه وعطته في الكوب
مروان عدل قعدته وقال : الساعه كم ..؟
روان : سبع المغرب
مروان وهو يشرب ماي : بطلع شوي
روان مستغربه : وين تروووح ..؟؟
مروان رد بجمود : انتي اش لج ..!
روان مستغربه : مرواان حرااام عليك وانت بـ هالحال وين تروووح ...؟؟
مروان طالعها وقال : روان اسكتي
روان تقدمت عنه وقعدت عند ريوووله : مروااان دخيييلك لا تطلع انت ما تشوووف حرارتك كيف مرتفعه
مروان طالعها بنظره وما رد عليها
روان : أدررري اني غلطانه وانت ماخذ مني موقف بس دخيلك لا تهلك عمرك عشاااني أنا ما أستاهل
مروان بسخريه : ومن قال اني أهلك عمري عشانج ..؟؟
روان امتلت عيونها دموع وقالت : مروااان لا تظلمني دخيلك
مروان وقف بيطلع
روان مسكت يده وقالت وهي تصيح : مروااان والله فهد ما جاسني الا وأنا مو بوعييي وهو معطني منوووم والله والله العظيم ... صدقني مروااان ما أجذب ... اسمعني لو اليوم وبسسسس ....
مروان طالعها باستحقار وقال : وتعترفين
روان يلست ع الأأرض وبدت تصيح : لو مب مصدق .. وانته اللي يييت للمستشفى وعرفت اني كنت اتعاطى .. مروان والله مو بيدي هو اللي نومني أنا ما يخصني
مروان مشى ولا عطاها أي أهميه وطلع من القسم بأكمله .. ترك رواااان تصيح وهي بـ قمة حزنها وكارهه حياتها
/
.
/
خلود تطالع الملابس وهم يتشمون : بدووور هذا حلو
بدور : لا رد
خلود : بدووووور
بدور لفت طالعتها وقالت : هلأأأ
خلود : شو ما تسمعيني
بدور : لا بس كنت اطالع هذيج اللبسه
خلود ابتسمت : أي وحده
بدور اشرت عليها : هذي
خلود : وااااو حلوووه تصدقين ..
بدور : هي عجبتني
خلود : اش رايج ناخذها
بدور : لأأأأ أنا عندي اش كثر بدل ولا ألبسهن جآن تبينهن
خلود : لأأأ الا يوم من الأيام بتلبسيهن
بدور ابتسمت وقالت : خوخه بسرررعه هلكت من الدواره
خلود ابتسمت : اش عليج مشتاقه له ههههه .. وبعدين خليه هو وحمودي يتمشون
بدور ابتسمت : انزين خلصيني والله فيني رقاااد
/
.
/
شوق : لا تقوووولييييييييين
الهنوف : والله ودوها المستشفى
نور مستغربه وتركت اللي بيدها : من ..؟؟
الهنوف : فجووور
شوق : ليييش اش فيها ..؟؟
الهنوف : فجأه تمت تصيح وتقول بطنها يعورها
شوق : مسكييييينه .. انزين ما تدرين ليييش
الهنوف : لأأأأ يمكن فيها الزايده ..؟؟؟
شوق : تهقين ...؟؟
نور : فال الله ولا فالك .. مسكينه البنيه .. ان شالله مجرد الم عادي من سوء تغذيه وبترد مثل أول
الهنوف : لاااأأأ انتو ما شفتو شكلها كيييف كااان
نور : والحين وينها ..؟؟
الهنوف : في المستشفى
نور : من وداها ..؟
الهنوف : اخوها من بعد
شوق تذكرت براااك ونواف .. بس طردت هـ الأفكار من راسها وقالت : ما بنروووح نزورها
نور : انتظري شوق وبعدين ما ندري اش فيها كيف نروح لها .. انطرو شوي
شوق : مسكييينه اليوم الصبح كانت أوووكي
الهنوف : ما يصير اصلا نروووح خلاااص مب باقي شي ع الزياره .. لأن الساعه قربت تصير تسع
نور : كلمتي أمك ..؟
الهنوف : اي خبرت ماما وبتكلم مرت عمي
نور : بتصل بـ رهام بشوووف اش صار
شوق : اي والله قلبي عورني مسكينه فجووور مدري اش فيها
/
.
/
دخل مروان هلكان وميت تعب لأنه من المغرب وهو برع .. والحين نص الليل وهو بعده على هـ الحال
رمى غترته في الصاله وبغا يتمدد ع الكنفه بس حس بتعب وحرارته مرتفعه تقدم من الثلاجه يطلع له ماي بارد
سمع صوت روان وهي تصيح .. حقرها ... بس سمع ان صوتها مكبوووت ... قال أكيييد تتدلع .. تقدم عن الحجره .. شافها قاعده تصيح وويها محمر بشكل فضيييع وعيونها ورمانه
تقدم مروان من السرير وهو متردد ..
رفعت روان راسها تفاجئت بوجوده .. بس سرعان ما تقدمت عنه وقعدت عند ريوله وبدت تتوسل له وهي
تقول : مروااااااااااان دخييييييلك سامحني والله مالي ذنب .. أنا شو ذنبي انت تظلمني والكل ظلمني وتخلا عني والله مالي ذنب ارحمووووني دخيييييييلكم والله بمووووت ارحموووني
مروان استغرب منها وقال : انتي من المغرب تصيحين ..؟؟
روان بدت تصيح : ما يهمني من متى أصيييح .. مروااان دخيييلك ارحمني والله مالي ذنب
مروان نزل لمستواها ومد يده لراسها ورجع شعرها لورا ... بالفعل شكلها يخلي الواحد يشفق عليها .. ويهها شاااحب وعيونها محمره وورمانه ..
مروان بصوت عذب : انزين قومي حبيبتي غسلي ويهج
روان حطت راسها على ريوله وبدت تشتكي : مروااان والله ما استحمل ولا شي .. خلاااص احس روحي
بتيينن .. أنا مع هـ النفسيه الزفت بموووت خلااااص ...
مروان وقف ووقفها معاه ومشا معاها وتقدم عن المغاسل : غسلي ويهج حبيبتي
روان بدت تغسل ويهها وبسرعه لفت تطالعه وما بين شهقاتها كأنها شوي وتموووت .. اللي يطالعها يقول طفله وحارمينها من اللعب برع
مروان مشا معاها وقعدها ع السرير عطاها كلينكس : نشفي ويهج
روان وهي تنشف ويهها رفعت عيونها تطالعه وبدت تصيح مره ثانيه
مروان قعد يمبها : روان حبيبتي خلااااص
روان حطت راسها عليه وقالت : مرواااان والله مالي علاقه بكل اللي صار .. هم سو كل شي أنا مالي علاااقه بأي شي والله مروااان ..
مروان : انزين حبيبتي خلاااص ادررري
روان تصيح وتكمل : فهد بروووحه خلاااني ادمن .. هو بروووحه حطالي منوم بالعصير .. هو اللي سوا كل شي .. أنا ما دريت الا بعد ما صحيت .. والله صدقني .. مروان ما أجذب عليك
مروان حطا راسها ع المخده وقال : مصدقج حبيبتي مصدقج بس انتي ارتاحي وارقدي وباجر يصير خيررر
روان مسكت يده وهي تصيح : والله مروان صدقتني ...؟؟ لا تجذب علي ..
مروان : مصدقج .. بس انتي ارتاحي الحين .. اعصابج وااايد تعبانه .. ارتاااحي يلا
/
.
/
اليوم الثاني الصبح
اريج تطالع امها : ياربي ماما يلا نطلع
خالو أمينه : مالي خلق يا يما لو تبين اطلعي بروحج
اريج : لأأأ مابي
خالو أمينه ابتسمت : والله اتعب
اريج ردت لها الابتسامه : أووكي عآدي بس تدرين ان امس راشد ودا مايد لـ مطوع
خالو أمينه : الحمدلله انهم ودوه ..! اش صار عليه ..؟
اريج : مدري ما كلمت ملاك .. بس اعتقد ان امس ودوه حسب كلامها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك