رواية خليجيات في الامارات -53
خالو أمينه ابتسمت : والله اتعب
اريج ردت لها الابتسامه : أووكي عآدي بس تدرين ان امس راشد ودا مايد لـ مطوع
خالو أمينه : الحمدلله انهم ودوه ..! اش صار عليه ..؟
اريج : مدري ما كلمت ملاك .. بس اعتقد ان امس ودوه حسب كلامها
خالو أمينه : الله يشفيه يارب ويرده مثل أول
اريج : آمييين .. اش كثر ملاك متعذبه والسبب مرته
خالو أمينه : بس مايد الله يهديه من البدايه ما كان يقرا على عمره
اريج : صدقتي وايد شباب بس يصلون وما يقرون على عمرهم الأذكار والمعوذات
خالو أمينه : زين منهم يصلون يا بنتي في بعضهم حتى المسجد ما يروحون له غير صلاة الجمعه
اريج : الله يهدي بنات وشباب المسلمين كلهم ويحفظهم
خالو أمينه : آمييين يارب
اريج : بتصل بملاك وبسألها
خالو أمينه : لا فديتج انطري شوي العصر اتصلي يكون احسن
اريج : تقولين جذي ...!
خالو أمينه : ما تدرين يمكن منشغله الحين ولا شي
اريج : اوووكي ماماتي
/
.
/
بدور وهي تنزل من السياره بدون لا تلتفت لصوب معضد بعد .. ودخلت الفله
بدت تمشي بسرررررعه ووصلت حجرتها طلعت عباتها ورمتها ع السرير .. قعدت ع الكرسي تعض أصابعها من الندم ...
أنا ليييييييش تكلمت معاه جذي أمس ..؟؟ لييييش قارنت عمري بـ ميره ..؟؟ أدري ان هـ الشي يزعجه بس والله مالي خلق مشاااكل غصبببب عننننننني ...!!
قلت بنرجع دبي مستانسين وما بينا اي شي .. بس للأسف رجعنا وبيننا سد مب بس حاااجر .. أمس حتى ما تنازل يطالع ويهي بعد ..!! طلع للصاله ورقد فيها ولا كلمني .. حتى ما سألني أي سؤال يخص أي شي ثاني
قطع تفكيرها صوت الباب
لفت تطالع شافت حمدان
ابتسمت له رغم الألم اللي فيها وقالت : هلااا حمداني
حمدان ابتسم وتقدم منها : انتي ليييش ما نزلتي معانا الأغراض من السياره ..؟
بدور : فديتك أنا .. لأني تعبانه
حمدان : حتى ابوووي تعبان ..
بدور مستغربه : تعبان ..؟
حمدان هز راسه : هي يكح
بدور ابتسمت على براءة هـ الطفل وقالت : فديتك الخدامه بتنزل الأغراض
حمدان : وأنا بعد لأني ريااال وبطل
بدور : الله يحفظك
فجأه حمدان وبدور سمعو صوت معضد وهو يصرخ بصوت عالي يزقر حمدان
بدور : يلا حمداني انزل باباتك يباك
حمدان : هو بيي عندي ما بنزل له
بدور ابتسمت : عيب حبيبي يلا انزل
حمدان : ماباااا تعباااان برقد
بدور ابتسمت له : انزيييين يلا بغير لك عشان ترقد
حمدان هز راسه : ترقدين وياي
بدور هزت راسها : أوووكي
حمدان : يدووو كل يوم تقول لي قصه
بدور ضحكت : خلااااص أنا بعد بقول لك .. عسب لا تزعل أوووكي
حمدان : أوووكي
دخل معضد فجأه بدون لا يدق الباب بعد .. بدور ارتبكت من دخوله المفاجئ وشكله مصدوم من شي
معضد مسك حمدان : حمداااان حبيبي انت اهني
حمدان ضحك وقااال : هي قصيييييت عليك هههههههه
معضد حضنه بقوووه وقال : خفت عليك يالدب
حمدان يضحك : ههههه بابا كنت العب وياااك أنا ما طلعت برع
بدور وقفت تقدمت منهم وقالت لـ معضد : ليييش اش صار ..؟؟
معضد رفع راسه طالعها بنظره ورد نزل راسه يطالع حمدان : كان واقف معاي برع ع الشارع .. رمست في التلفون يوم خلصت ما لقيته
بدور مسكت يد حمدان وقالت : عيييب حبيبي مب زين تخوف باباتك عليك
حمدان ابتسم : عادي انزيييين
معضد عيونه احمرت وطالع حمدان قال يكلم نفسه بصوت واطي وبنبره حزينه : فقدت أمك من فتره .. تباني افقدك انت بعد ..!!
بدور طالعت معضد .. أووول مره في حياتها تشوووف معضد بـ هالانكسار .. الشاد الجامد اللي يربكها بمجرد ما يقول اسمها .. عيونه تدمع ..؟؟ .. بس من حقه فراااق زوجته أم ولده مو سهل
تقدمت بدور منه ونزلت لمستواه هو وحمدان ع الأرض .. مدت يدها لكتف معضد ودمعت
بدور بألم : ادع لها بالرحمه .. هي محتاجه لدعائنا الحين
معضد رفع راسه تذكر وجود بدور بـ حياته .. كره حياته وحس عمره ضعف يدامها بس لا يمكن يخلي العاطفه تغلبه ..
معضد طالع بدور وقال بجديه : وأنا من ساعه ازقرج انتي الثانيه جيييه ما تردين ..؟؟
بدور ارتبكت وتذكرت الحواجر : ما كنت أدررري
معضد طالع حمدان ومسك يده وطلع معاااه للصاله
بدور بندت باب الحجره ورجعت لوضعها الأولي ... بدت تسترجع آلامها وذكرياتها .. ودها لو ترجع بس شهوور ورا ..
/
.
ملاك تكلم راشد بفرح : احلف رشوووود
راشد مبتسم : يعني مب مصدقتني
ملاك : امبلا بس والله من الفرحه
راشد : احمدي الله وصلي ركعتين
ملاك : ان شالله .. أمس يوم اتصل بك جيييه ما ترد
راشد : والله ما تفيجت ملاك ... مايد من صوووب وكل شي حسيته متخربط
ملاك : يلا الحمدلله .. وينه ميووود الحين
راشد : مرقد في المستشفى
ملاك : اش قال الطبيب
راشد : الشي الأهم المطوع سوااه الحمدلله وفك السحر والطبيب الحين ما عليه الا يعالجه شوي .. تدرين عاد فتررره طويله ومايد صار عنده ضعف
ملاك : هي فديته أهمل نفسه وااايد
راشد : صح وصايف ماباها تدري بالسالفه .. بس أعتقد انها بتدري .. وجان ما درت لا ترمسين وابتعدي عنها
ملاك : ان شالله بس متى بنجلعها من بيتنا هـ النجسه
راشد ابتسم : بس مايد يطلع من المستشفى
ملاك : يلا ياررررب اليوم قبل باجر يطلع
راشد : هي ان شالله اليوم يطلع لأنه عطوه مغذي من أمس وبيعطونه حبوب وفيتامينات يعوووض اللي فقده
ملاك : يا ربي مشكووووور رشووود الصراحه والله ما اعرف شـ قول لك .. الحمدلله رب العالمين
راشد ابتسم : اقووول ملاك فديتج باي .. الدكتور يزقرني
ملاك : باااي .. اتصل بي وخبرني عن كل شي
/
.
/
يمشون بالممر ..
الهنوف تطالع صوب الحجر : الحين هذي فجووور وين مرقدينها
نور : تعالي نسأل الممرضات يعرفون
يتبع >>>
شوق : لحظه شوي بتصل بـ عبدالعزيز وبيخبرنا
نور طالعت شوق وقالت : مشكله اللي يتدخلون بحياتنا
الهنوف تضحك : دبــــــــــــه
رهام : هي انتي وياها يلا بسرررعه بشوووف أختي
شوق : اللي يسمع عاد يقووول رهااام وفجروووه يحبون بعض للموت
رهام ابتسمت : بس عاد تتم أختي
شوق : يلا يلا الحين بتصل بـ عبدالعزيز
نور : يلا بسرررررعه
شوق وهي تتصل بـ عبدالعزيز ..
الهنوف : نور انتي ليييش رجعتي من المانيا صدق
نور ابتسمت وهي تجذب : لأن عرسي قريب هع
رهام تضحك : وانا أشوووووف
نور : لا امزح بس ما ارتحت عندهم
الهنوف : آهااا ... اقووول قولي لفجور السبب ترا مو بعيده هالحشريه مرضت والسبب فضووولها
نور : ههههه حرام عليك يالدبه مسكييينه فجوور كلكم ظالمينها
رهام : هه اسمع انته ..!! تعالي عاشريها يوم واحد شوفي شو بيستوي بج
نور ابتسمت : والله حرام قعدت معاها أياام للحين ما شفت منها شي
شوق لفت تطالعهم : يلا بنااات دلاني ع الحجره
نور وهي تمشي مع شوق : وينه ..؟؟
شوق : وانا شكووو زوجج انتي وسأليه بروحج
نور : مااالت
الهنوف : انزين انطرو رهام
شوق لفت تطالع رهام : تراها تمشي على بيض
الهنوف تطالع يدامها : هذا عبووووود ..!
شوق تطالع : هي والله عبووود
عبدالله يتقدم منهم وهو مبتسم : هاااااااااي قاااايز
نور : وعليكم السلام ورحمة الله وبركاته
عبدالله : بدت المطوعه ..!! ههههه
الهنوف : انت من متى هني ..؟؟
عبدالله : من الساعه تسع
الهنوف : آهااا .. قايم مبجر
عبدالله ابتسم : اي لأنه ضاري بيطلعني معاه اليوم
شوق : وأنا اشوووف ليييش زعبله قااايم مبجر اليوم ههههههههه
عبدالله : يلا يلا بسررررعه امشو .. مو زين واقفين بالممر تسووون استعراااض
نور : يلا امش انت اللي أخرتنا
عبدالله يمشي يدامهم وهو يقوول : هذي الحجره
شوق تجدمت ودقت الباب ودخلن البنات معاها
البنات : السلام عليكم
الكل : وعليكم السلام
ابو براك كان موجود وام براك وام عبدالعزيز ونواف وضاري
شوق والبنات تقدمو عن فجر وسلمو عليها
نور : الحمدلله على سلامتك يالغاليه
فجر ابتسمت : الله يسلمج
عبدالله : اقووول لكم تمثل مب مررررريضه
شوق طالعته بنظره وقالت : خلك بعمرك
عبدالله ابتسم وقال : تفضلو بنااات البيت بيتكم
بو براك ضحك وقال : الله يهديك يا ولد
أم براك : خله على راحته يا بو براك
بو براك ابتسم وقال : هو ما قلنا شي ... يلا عاد أنا استأذن
فجر : تو الناس يبا ..!
بو براك : معلي بنتي برجع العصر ان شاء الله
فجر : أوووكي اترياااك لأنهم بيرخصوني العصر
بو براك : يلا فمان الله
الكل : فمان الكريم
عبدالله ابتسم وقال : براويكم شي بتضحكون
أم عبدالعزيز : صخ يا صبي
عبدالله : والله أخر شي يما .. شوفو شووفوو أمس فجوور شو كانت تقول يوم بطنها عورها ..
( آآآآآآآآآآآآه يماااا بطني يعووورني .. لحقووو علييييه بمووووت ..)
ابتسم .. : ههههههههه والله وكانت تصيييييح جنها ياااهل
فجر بوزت : انت الله بيراويك صدقني
عبدالله : فال الله ولا فالج
شوق وهي قااعده تسولف مع فجر والبنات وصلها مسج فجأه .. فتحت المسج وقرته مستغربه .. رفعت راسها حست الكل يطالعها بس طردت هـ الأفكار لأن محد قرا المسج غيرها
فجر : شوووقاني
شوق : هلأأأأ
فجر : اش فيج ..؟؟
شوق ابتسمت وقالت : لأأأ بس قلت اش فيج ...؟؟
فجر : اي قااالو تسمم
شوق مستغربه : اش كليتي ..؟؟
فجر : ذاك اليوم طلبنا من المطعم أكل وبعد ما كلينا محد تسمم غيري
أم براك : اي الله يهديكم مدري اش حادكم على أكل هـ المطاعم
أم عبدالعزيز ابتسمت : اي والله طباخنا اش زينه مافي أحلى منه
نور : دلع بنااات خالتي ههههه
شوق وقفت وقالت : عن اذنكم بطلع شوووي
نور استغربت : على وين ..؟؟
شوق : لأأأ بس بروح التواليت وبعدين بشتري بطاقة رصيد
نور : اجي معك ..؟؟
شوق : لأأأ ما يحتاي ثواني وبرد
نور : طيب
شوق تقدمت عن الباب وهي مرتبكه وطلعت .. مشت في الممر الين وصلت آخر الممر ودخلت صوب الممرات الثانيه ووصلت قريب المصلى اللي موجود في المستشفى
لفت وراها شافت واحد يلحقها ارتبكت أكثررر
وقفت تطالعه مرتبكه وتترياه الين ما وصل
نواف : مرحبا
شوق مرتبكه : مررحــبتيين
نواف ابتسم : شخبارج ..؟
شوق نزلت راسها : بخيررر
نواف ابتسم : اش فيج ..؟؟
شوق : ما فيني شي ..!! نواف قول اش تبي بسرررعه برجع للحجره
نواف ابتسم وقال : شوووق لييييش كل هـ التأخير .؟؟
شوق مستغربه : أي تأخيررر ..؟؟
نواف : صار لي مدري كم اسبوووع متقدم لج ليييش ما تردين علي ..؟؟
شوق مستغربه : متقدم لي .......؟؟
نواف هز راسه : اي اش فيج ما تستوعبين ..؟؟
شوق : لأأأ بس ما ادري
نواف مستغرب : محد خبرج
شوق : امبلا بس ما أأدررري
نواف ابتسم وقال : فكرري زين شوق واتمنى تردين علي قبل لا تسافرون بفتررره
شوق هزت راسها وهي مستحيه منه : يصير خيررر
نواف ابتسم : يلا روحي للبنات .. بروح الشركه
شوق : عن اذنك
نواف طالعها وابتسم وشوق مشت للحجره
/
.
/
روان طالعته وردت نزلت راسها : تتريق ..؟؟
مروان ابتسم وقال : لأأ بروحهم بييبون لنا الريوق
روان : أووكي
مروان طالعها وقال : تعالي ايلسي ..!
روان تقدمت ويلست
مروان رجع شعرها لورا وقال : ليييش الخووووف ...؟؟
روان هزت راسها وقالت : مب خااايفه
مروان ابتسم وقال : ارتحتي امس بليل ولا ..؟؟
روان : حسيت عمرري مخنوقة من المشاااكل
مروان ابتسم : وليييش ..؟؟
روان : مدررري أحس الدنيا ضايقة فيني
مروان ابتسم : ما عليج اليوم بعد ما ننزل نسلم ع الوالده بنطلع
روان طالعته ابتسمت وقالت : مروااان صدقتني
مروان هز راسه وقال : من زمان مصدقج بس ما أدرري قلبي ما طاوعني في البدايه
روان ابتسمت : والله ما كان قصدي اني ما أخبرررك بس خفت تروووح من بين يديني
مروان ابتسم : صاار خيرر
روان : الله يهديه ابوووي خلاااني اتزوجه وأنا وقتها كانت نفسيتي زفت .. من جذي وافقت
مروان : مب غلطتج روحج غلطه اللي حوالينج بعد
روان طالعت مروان وقالت : صح اش سالفتك مع ابووي أول
مروان : ماشي بس تقدمت لج وهو رفض من جذي قلت لج بسااافر وقطعت علاقتي فيييج
روان : الله يهديه ابوووي بس الحمدلله الحين عرف من عدوووه ومن رفيجه
مروان : يلا الحمدلله على كل حال
روان : وفهد ليييش سوا كل هذا وحول أملاكي باسمه
مروان : اللي خذاه فهد مجرد أشياااء بسيطه يدااام اللي خذته امج
روان : أدرري ابوووي قال لي
مروان : هو اصلا ما خذاج الا لثار جديم كان بين ابوووج وابوووه
روان : وش هو ..؟؟
مروان : خلاااص اطوي صفحات الماضي مو لااازم تعرفين السالفه
روان : ع الأقل افهم
مروان : السالفه كان فيها تركه وورث وابوه ما ورث شي مع انه ما كان له حق بس مع ذلك تدرين الجهل شـ يسوي وعاد بدا يحارب ابوووج بأي طريقه
روان : وشافني وسييله ..؟؟
مروان : احمدي ربج انها ما وصلت لأكثر عن جذي
روان : الحمدلله رب العالمين
مروان ابتسم : يلا ننزل للوالده انتي من ييتي ما تنزلين وااايد
روان : لأأ خلاااص بسنتر عندهم الحين
مروان : ههههههه الله يعينج على رشووود أخوووي
روان : اللي شفته بالمستشفى ايااام التدريب
مروان : هي ابو عصير اريج هههه
روان مسكت يده وقالت : مروااان اوعدني انك ما تتركني
مروان ابتسم : ولا يهمج وباخذ حقج من هذا اللي ما يتسمى
روان ابتسمت : علني أفداااك
/
.
/
بدور رفعت راسها تطالعه : نعم ...؟؟
معضد : تعالي حمدان يباج
بدور تقدمت من حمدان شافته يصيح وقالت لـ معضد : اش فيه ..؟؟
معضد : اش دراني مب طايع يقول لي ..!
بدور مسكت حمدان وقالت : حبيبي شو تبا ..؟؟
حمدان وهو يصيح : أبااا اروووح العين
بدور طالعته وقالت : لييش حبيبي
حمدان : هناك يديده كله تقعد معااي انتو ما تقعدون معااي
بدور طالعت معضد وهي مستغربه ياااهل ويتكلم جذي
بدور : انزين انت قووول اش تبا وبنسوي لك اللي تباه
حمدان : ماااباا أباا اروح عند يدوووه
بدور : ما يصير حبيبي نحن تونا رادين من عندهم بعدين يدووه تمل منا
حمدان طالع بدور وهو زعلان : انتو ما تقولون لي قصه
بدور ابتسمت له وقااال : الحين كل هاللولو اللي قاعد ينزل بس عشاان تسمع قصه
حمدان : هي اباااج تقولين لي قصه
بدور : ولا يهمك حبيبي بقول لك
معضد ابتسم لحمدان وقال : نتغدا وعقب تعال فوووق عسب بدور تقول لك قصه
حمدان : أوووكي ابا قصة سندريلا
معضد ابتسم : انت ولد شو تبا بسندريلا
حمدان : انت ما تعرف يدوووه تقووول حلووه قصتها
بدور ابتسمت : خلاااص معضد بقووول لحمدان قصة سندريلا
معضد : أوووكي والحين يلا نتغدا لأني ميت يوووع
بدور ابتسمت : ثواااني بس انجب الغدا
معضد مسك يد حمدان وقال : نترياااج نحن
بدور ابتسمت لهم وقالت : الحين بيي
/
.
/
نور : ياربي طيب اش فيك انتي من جينا مو على بعضك
شوق تطالع الهنوف وتقول : بعدين بقول لج
نور : وليييييييه
الهنوف وقفت وقالت : خلاااص بطلع حشا مب اختتت جني بنشر أخبارج للعاااااالم كله
شوق : انزين يلا بسرررعه
الهنوف : مااالت ما تقووول اختي واطردها باحترااام
شوق ابتسمت : انزييين فارقي يلا بسرررررعه ... ليييش اكو طرد باحترام ..!
نور : هاااه وطلعت الهنوووف يلا تكلمي ..؟؟
شوق ابتسمت : الله يسلمج تعرفين اش صااار اليوم ..؟؟
نور : لا والله تستهبلي ..؟؟ كيييف اسألك وانا ما اعرف
شوق : المهم نوااف دز لي مسج بالمستشفى
نور : وانا اشوووف ليييه عينك بالموبايل
شوق ابتسمت : وقال لي بالمسج اطلعي بلحقج .. وجان اطلع رحت لأخر الممر وابتعدت شوي .. لحقني وانا
مرتبكه قال لي لييييييش ما رديت عليه بسررررعه
نور مستغربه : على ايش تردين
شوق : على شو بعد ..؟؟ لأنه يبي أرد بسررعه قبل لا نرجع دبي .. اذا أنا موافقه عليه ولا لأأأأ
نور مستغربه : نوااااااااف
شوق : اي نواااف يالذكيه
نور ضحكت : مب براااك متأكده
شوق : لييش اللي كان معانا اليوم بالمستشفى منو ...؟
نور : نوااف
شوق : عيل ..!
نور : لأأأ بس ما توقعت
شوووق : رووحي والله ما توقعت .. أنا بعدني على الكلام اللي سمعته بدبي من شهووور ع بالي براااك بس طلع نواف ..!! غررريبه صح
نور : لأأ يمكن لما كانو بدبي بالفعل كان براك يبي يتزوج بس بعدين كلم ابووه ان ما يبا خلاااص دام السالفه تأجلت ونواف خطبك بالكويت
شوق ابتسمت : وانا الذكيه ما أسأل منو العريس ..! هههه
نور ابتسمت : عشان تكوني عبررره يالذكيه ولا في أحد يرفض عريس وهو ما يعرف من هو ...؟؟
شوق : للأسف كنت بصحح غلطتي بس محد بيخطبني مره ثااانيه
نور ابتسمت : والحين موافقه ولا ..؟؟
شوق : أكييييييد حبيبتي
نور : يلا بسرررعه روحي ردي على امك
شوق : بروووح بقول لها اني مواافقه بسرررعه قبل لا يفلت مني عريييس الغفله واعنس
نور : ههههههه والله انك هبله .. يلا استعجلي
/
.
/
العصر ..
ملاك دمعت وهي تشوووف راشد ومعاه مااايد داخلين الفله
تقدمت ملاك عن مايد وضمته بقووووووووه : الحمدلله على سلااااامتك
مايد حظنها : الله يسلمج حبيبتي
ملاك ردت طالعته وقالت : متغيرررر وااايد
مايد ابتسم بارهاق : برد شرااات أول واحسن ان شاء الله
ملاك ابتسمت له : آميين يارب
راشد مسك يد ملاك وطالع مايد : يا خوووي بنتزوج خلاااص كله منك صار لنا مده مأجلين عرسنا
مايد ضحك وقال : لأأأ ماشي ...
راشد : اونك عااد خلاااص ادرري انها مب من قلبك .. ادرري تبي الفكه من ملاااك
مايد باس راس ملاك وقال : سامحيني .. وايد ظلمتج
ملاك حظنته وبدت تصيح : لااا تقووول جذي مب ذنبك
مايد ابتسم لها وقال : عاد مب تصيحين يلا مسحي دموووعج
ملاك مسحت دموعها وقااالت : راااشد ود مايد للصاله وخله يرتاح بييب له ماي
راشد : يلا ميووودي حبيبي طفلنا المدلل
مايد ابتسم لراشد وقال : تريا علي اسبوووع بس ترد صحتي شوووف شسوي فيك هههه
راشد ابتسم له : ها بو الشباب بشررر عن أحوال الشركه
مايد : وايد متدهوره بس ان شاء الله كل شي يرد شرات أووول
ملاك يايه ومعاها ماي : صح مايد وصايف سألتني عنك أمس وتقول انك ما ترد بس أنا ما رديت عليها
مايد عصب شوي بس تمالك اعصابه : وينها ..؟؟
ملاك : فوق في الحجره
مايد : خلاااص بتصرف معاها
راشد طالع مايد وقال : شو تبا بها يا ريااال طلقها
مايد : هي ان شاء الله من باجر الصبح ورقتها بتوصلها
ملاك دمعت وهي تطالع أخوووها : الله يبعد أمثاااال هـ الناس عنا
راشد : آميين .. الحمدلله حرمتي ما تعرف بـ هالسوالف ههههه
مايد ابتسم لملاك وقال : اسحريه عسب يحبج أكثررر
ملاك : أعووذ بالله تباني ادش النار
راشد ابتسم : عز الله جرعه زياده بصير العاشق المجنون
ملاك : ههههه ولا يهمك ميووود بنزوجك من أحلى بنااات الامارات ولا يهمك انت لا تحاتي
مايد هز راسه وقال : من يوم يومي عايف الحريم .. والحين زياده
ملاك ابتسمت : مب عشااان وحده تدمر حياااتك
مايد ابتسم : يصير خييررر
راشد : ها متى العرس ان شاء الله
ملاك : مب قبل ما نزوج ميووود ..!
راشد ابتسم : قولي بعد مب قبل ما نشوووف عيال ميووود ولا أحفاااده
ملاك ابتسمت : هي شو المانع
/
.
/
نور : يالله عبدالعزيز وأنا شو يخصني
عبدالعزيز وهو يضحك : لأأأأ غصبا عنج
نور : والله مالي دخل .. شوق تبي تقعد هنا تقعد بس أنا ماني قاعده برجع معك
عبدالعزيز : اوووف يعني ما بتقعدين اهني
نور : ولا دقيقه بدووونك
عبدالعزيز : خلاااص عاد ما برجع الامارات
نور : نرجع سوا أحسن لنا والله
عبدالعزيز : يصير خير
نور : لا والله ايـــش يعني يصير خير ..! قلت لك أنا ماني قاعده ولا دقيقه بالكويت من دووونك
عبدالعزيز وهو يحك شعره : هذي مشكلة المتزوجين .. من قال لي تزوج
نور تضحك : محد غصبك .. يلا روح قولي لخالتي منت مسافر وبعدين عرس شوق خلاااص مو باقي عليه شي
عبدالعزيز : أدررري بس مالي خلق والله أقعد .. يوم العرس برجع لأن شغلي كله هناك وما يصير اهمله
نور : بس أختك أهم من شغلك عبدالعزيز .. شوووق محتاجه من يرفع معنوياتها ويشجعها
عبدالعزيز : يعني انتي ملكتي عااادي وبتعرسين عادي .. ومحد رفع معنوياتج ولا شي ..!
نور : بس شوووق غيررر انت اخوها الكبير عبدالعزيز .. شوووق هبله ترا عادي يوم الزفه تصيح وتقول ماني طالعه خلاااص ما اريد انزف تعرف اختك
عبدالعزيز يضحك : اي والله هذي هبله تسويها
نور ابتسمت : ها اش قلت ..؟؟
عبدالعزيز : خلاااص بقعد معاكم الين العرس وعقب اثنينا نرد دبي
نور : اصلا وقتها حتى خالتي بترجع لأنه رمضان وبعدين بتبدا مدارس العيال
عبدالعزيز : اوووكي خلاااص بقعد
نور : تدري وصايف اللي كلمتك عنها زوجة ماجد اخو ملاك
عبدالعزيز مستغرب : اي وديتكم لعرسهم أظن
نور : اي هم .. ماجد طلقها خلاااص
عبدالعزيز مستغرب : ولييش جذي حرااام توهم متزوجين من قريب
نور : بس هي مو زينه البنيه
عبدالعزيز : آهاا دام جذي أوووكي
نور : والله افتكو منها ما بغت
عبدالعزيز يطالع نور وهي ترمس .. قال : انتي تمثلين ولا ترمسين ...؟؟
نور عقدت حياتها : ويا وجهك اقووول لك قصص ما تستاهل
عبدالعزيز يضحك : قالو لج بـــزر تقولي لي قصص
نور : هه زعلااانه بروح لفجووور احسن لي وبعدين أنت لييش تنكت على كلامنا ..!!
عبدالعزيز ضحك وهو يشوفها تطلع : تعالي تعالي محد مخربج غير هذي فجووور .. بطلت أسمي بنتي فجر والسبب فجووور
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك