رواية حلم الطفولة -5
الفصل السادس والعشرون
نواره ارتاعت : بسم الله الرحمن الرحيم
راكان: ترا ما اكل انا
نواره:...............
راكان بحنان : اشتقت لك
نواره: راكان هذا اسمه حب او شفقة
راكان: احبك وربي احبك
نواره بحده: ما اعتقد ياولد عمي لاتوهم نفسك انك تحبني الحب غير والشفقة غير
راكان : طيب كيف اثبت لك
نواره وهي ماشية : لاتثبت لي ولا اثبت لك.
وراحت وتركته
بعد العشــــــــــــــــــــــــــــــــــــاء في بيت الشعر
بدر: محمد تعال قرب من النار
محمد: وش عندك هاليومين هاب فيني
ناصر:ههههههه الدنيا مصالح
تركي: كأني عارف وش تبي
بدر: على شحم انت وياه تعال يامحمد بس ابي اسولف معك
راكان وهو قايم
احمد: على وين
راكان: طالع للسيارة تبي شيء
احمد: ماعليك امر خذ مفتاح سيارتي وجب العلاج اللي على السيت
راكان: ابشر
طلع راكان وهو ضايق وخاطره متكدر من نواره
وهو مار من عند الساحة الخضراء متوجه للباب الخارجي
روان : عمي راكان
ركان: هلا
رولن : تكفى ياعمي ابي منك طلب
راكان :ههههه وانا اشوفك تقولين عمي اثر وراك مصلحة
روان : عمي ابيك تمشينا بالسيارة
راكان : انت ومن
روان بضحكة : ولو انا والمدام
راكان : خلاص اصبري اروح اجيب اغراض عمي احمد وراجع لك
روان : طيب بس ابيك تتحرك شوي ترا نواره مسكينة
راكان وفهم عليها : هههههههه ابشري
راح راكان لسيارة عمة احمد وجاب العلاج وعطاه وطلعو ركب سيارتة الرنج السوداء
شاف روان ونواره طبعا نواره ماكانت تبي تطلع بس روان غصبتها
نواره كانت لابسة بنطلون جنز وبدي احمر وماسكة جلالها وروان لابسة بنطلون اسود وبدي زهري ومعاها جلالها
راكان : وين عباياتكن
روان : اوه عاد بدت الغيرة ليل وخير ومافيه احد كلها بران
( طبعا الاستراحة كانت برا القرية لكن ماهي بعيدة مرة في منطقة كلها استراحات)
راكان : طيب طيب خلاص تعالو
ركبت روان وراء راكان ونواره ترددت شوي بعدين ركبت قدام حرك راكان السيارة
روان : راكان تكفى فحط على الطعوس
نواره بصراخ : لا وشو يفحط
راكان ابتسم والتفت على نواره: ماعليك معك سواق حريف
نواره وبدت ترجف : لا راكان يابعد عمري
نواره وانتبهت لكلمتها وسكتت على طول
راكان :هههههههه
روان : هههه الحين تموت علينا من الخوف
راكان اسرع شوي ونواره حطت يدينها على وجهها وصارت تصارخ
راكان لما شافها كذا استغل الوضع وقف السيارة جنب طعس مرتفع شوي والتفت على نواره
وقال لها بخبث: ابي اصعد فوق هذا الطعس تمسكي زين
نواره : لا تكفى
راكان : خلاص إذا ماتبيني اصعد بوسيني وقولي احبك
نواره صدت عنه
راكان حرك السيارة شوي
نواره: لالا خلاص
وباست راكان وقالت احبك
راكان : لا ماهو كذا
روان : احم احم نحن هنا
نواره : راكان خلاص اتركني
راكان : ترا اهون
نواره:............
راكان : طيب عطيني بوسة ثانية
نواره: لا
راكان : هونت
نواره: خلاص خلاص وباست راكان
في المزرعــــــــــــــــــــــــــــــــــــة
لينا : وين راحن الخاينات
منى : ميار وين اختك روان
ميار : راحت مع عمو راكان ومعاها نواره
انتهى البــــــــــــــــــــــــــــــارت
الفصل السابع والعشرون
راكان واقف عند باب الاستراحة نزلت روان ونواره فتحت الباب تبي تنزل
مسك راكان يدها وقال : تصدقين انا اللي كنت اعمى وما اشوف
نواره بعفوية : سلام ونزلت بسرعة
في قســــــــــــــــــم الحريم
هند: وين كنت ياروان
روان: كنت بجولة في ربوع بلادي
هند: هههههه الله يقطع شرك
لينا : وين خويتك الثانية يالخاينات
روان : قاعدة تسوي غراميات مع ابو الشباب
منى بهمس تكلم رهف: اي غراميات وخرابيط تلقينه قاعد يغسل شراعها
نواره داخلة على الحريم
ريما : الله الله سمعنا يقولون فيه ناس برا مسوين مسلسل تركي
نواره تطالع لروان : هين يالدبة اوريك
روان وهي تضحك : الحين اوريك وقبل شوي بغيتي تموتين من الخوف ترتجفين
كأنك محطوطة على الهزاز
الكل: ههههههههه
عند الرجـــــــــــــــــــــــــــــــــــــــال
راكان وهو قاعد مسك جواله وارسل مسج لنواره وكتب فيه ( اول مره ادري ان يدك خفيفة وسراقة )
نواره اول ما شافت المسج فتحت عيونها وارسلت ( ليش وش سرقت منك )
راكان ارسل لها ( كفاية انك سرقتي قلبي )
نواره شافت المسج وابتسمت
بعد انتهــــــــــــــــــــــــــــــــــاء الاجازة
بعد العشاء الكل متجهزين وراكبين السيارات
نواره طلعت مع روان متجهين لسيارة محمد
روان : وين وين ياحلوة شوفي رجلك واقف هناك
نواره مابغت تنبه احد على الخلافات بينها هي وراكان
وراحت وركبت مع راكان
راكان كان يسولف مع تركي وهو فاتح باب السيارة
اول ماشاف نواره سلم على تركي وسكر الباب
راكان : السلام عليكم
نواره بهمس : وعليكم السلام
راكان : حيا الله نوارتي تو مانورت السيارة
نواره:..................
راكان مسك يد نواره وباسها : نوارتي انا اسف
نواره : على ايش
راكان : على كل شيء
نواره تتنهد بصوت مسموع
راكان : سلامة قلبك
وحرك السيارة
وكان ترتيبهم
سيارة فهد ومعاه فوزية وسيارة احمد ومعاه نورة وسيارة تركي ومعاه رغد ولينا وسيارة خالد ومعاه
ريما وولدهم وسيارة ناصر ومعاه بدروسيارة سعود ومعاه بدرية وحلا ولما وسيارة عبدالعزيز ومعاه
نوف ورهف ومنى وسيارة محمد ومعاه هند وراون وعيالة الصغار
واخيرا سياة راكان ومعاه نواره
في الطريق راكان كان مصدع شوي لانه مانام وكل شوي يمسح وجهه يبدينه
نواره حست ان راكان فيه شيء وماحبت تسأله
راكان خفف شوي وصاريمشي على جنب الطريق
محمد دق فلشر لراكان بمعني ليش وقفت راكان :دق علية جوال: محمد ماعليك حرك مافيني شيء
هنا نواره خافت لما وقف راكان وبدون شعور قالت : حبيبي فيك شيء
راكان التفت عليها وعلى وجهه علامات التعجب والفرح بنفس الوقت : هاه وش قلتي
نواره : اقول فيك شيء
راكان : ابد بس قلة نوم
ونزل واخذ علبة موية وصبها على رأسة حتى يصحصح وركب السيارة
نواره : سكر المكيف
راكان : ليه بردانة
نواره :لا اخاف انت تأخذ برد
راكان : تخافين علي
نواره بدلع : لا اخاف تعديني
راكان : اهاا
وكمل الطريق
في قصـــــــــــــــــــــــر فهد بعد اسبوع
فهد : فوزية ترا هالكلام ما يرضيني
فوزية : يعني غصب يافهد ماقدرت اتقبلها
فهد: اسمعي عاد نواره بنتي قبل ماتصير مرت ولدي
على دخلة محمد
محمد : السلام عليكم
الكل : وعليكم السلام
محمد صار يسولف لابوه عن الشغل
فوزية : خلاص انا رايحة الحين لبدرية تبون شيء
فهد: الله معك
من جهة ثانية وفي غرفة راكان نواره جالسة لحالها وتفكر بتصرفات راكان معاها
نواره: ياترى ياراكان هذا حب او شفقة
نواره وهي غارقة بالتفكير انطق الباب عليها
نواره : تفضل
دخلت ميار وعبد الرحمن
ميار ببرائة : نواره انت زعلانة
نواره : لا ليش تسألين
عبدالرحمن : عشان امي فوزية ماتحبك
نواره: ليش وش دراك
عبدالرحمن : هي تقول لابوي فهد
نواره: لا حبيبي ماما فوزية تمزح عليكم
ميار : بابا فهد يحبك كثير
عبدالرحمن : ايه هو يقول
ميار : انت تحبينه
نواره : ايه احبه واحب ماما فوزية واحبكم كلكم
ميار ببرائة: اجل ليش تبكين هذاك اليوم
نواره: ابكي لاني كنت تعبانة
ميار :ايه حتى انا ابكي إذا صرت تعبانة
وطلع عبدالرحمن وميار من غرفة راكان وهم نازلين على الدرج قابلو راكان وكان توه جاي من المستشفى وعلية بنطلون اسود وقميص ابيض ميار راحت تركض جهة راكان : عمو عمو
راكان شالها ورفعها فوق : ياعمر عمو
ميار: عمو الحين عرفت ليش نواره تبكي عشانها تعبانة
راكان تغيرت ملامح وجهه ونزل ميار وراح بسرعة لغرفته اول مادخل ماشاف نواره راح فتح غرفة الملابس
شاف نواره بملابسها الداخلية بس كانت قاعدة تبدل ملابسها
نواره يوم شافته شهقت وقعدت على الارض وضمت يدينها لصدرها ونزلت رأسها للارض
راكان قرب منها وجلس على ركبه مقابل لها ومد يدينه تحت ذقنها ورفع وجهها له
نواره صارت ترجف وتبكي
راكان سحبها وضمها بقوة لصدره وهو يمسح على شعرها
راكان : نوارتي انت تعبانة
نواره اللي استسلمت لراكان :.......................
راكان : ميار خوفتني عليك تقول انك تعبانة
وشال نواره ومددها على السرير وغطاها باللحاف وقعد جنبها
راكان بحنية : حبيبتي فيه شيء يوجعك
نواره هزت رأسها بلا
راكان : طيب ليش الدموع
هنا نواره ماقدرت تتحمل ضمت راكان بقوة ودفنت وجهها بصدره وهي تبكي
راكان ماكذب خبر ضمها وصار يمسح على شعرها وظهرها العاري وهو يقول : يابعد روح راكان وعمره انت
نواره بصوت متقطع من الصياح : راكان احبك احبك اموت فيك تكفى لاتتركني انا مالي احد غيرك
راكان : ادري انك تحبيني اجل يامجنونة فيه وحدة تسوي اللي سويتيه
نواره : اسفة بس
راكان حط يده على فمها :اشششش خلاص انتظرين ابي اروح اسكر الباب واجيك لاتتحركين
وقام سكر الباب ورجع لنواره بعد ان خلع قميصة و
انتهى البـــــــــــــــــــــــــــارت
الفصل الثامن والعشرون
من بكرا في قصر فهد وتحديدا يوم الخميس الساعة 9.30 الصباح
فهد: اليوم احمد عازمنا على العشاء
فوزية: ياحياتي ياريما هي وهالكرشة الله يقومها بالسلامة
هند:إلا خالتي هي كم لها داخلة التاسع
فوزية: توها مالها كم يوم
فهد: يا الله انا رايح الشركة تبون شيء
هند ـ فوزية : سلامتك
فهد: مع السلامة . وطلع برا
في غرفة روان قاعدة تراجع ملازمها ونواره متمددة عندها على السرير
في الصالة
محمد داخل الصالة : السلام عليكم
هند وفوزية: وعليكم السلام
محمد: هند صبي لي قهوة
هند: ابشر
وقامت وصبت له قهوة
فوزية: محمد خالتك بدرية تسأل عنك تقول من زمان ماشافتك
محمد:والله اني مقصر لكن الواحد مايفضي يحك رأسة بس أن شاء الله امر عليها واطيب خاطرها
فوزية : اي والله ياولدي
هند: محمد إذا رحت لها ابي معك
محمد: خلاص ان شاء الله
الساعة 4.30 العصر
راكان توه راجع من المستشفى دخل الصالة مالقى احد راح لغرفته ماشاف نواره
فيها اخذ له شاور وبدل ملابسة وطلع راح لغرفة روان طق الباب
روان : تفضل
راكان وهو داخل شاف نواره نايمة على سرير روان
راكان : من متى وهي هنا
روان : اوه من بدري
راكان راح جلس جنب نواره ومسك يدها وصار بيوس وجهها
روان : بصراحة خدشتو حيائي خلاص انا طالعة وإذا خلصتو هالفلم نادوني
وطلعت برا وسكرت الباب
راكان وهو يهمس في أذن نواره: نوارتي وش عندها تاركة غرفتها ونايمة هنا
نواره وبدت تصحى من النوم وفتحت عيونها شافت راكان قدامها نواره ابتسمت
راكان: تسلم لي هالابتسامة
نواره :كم الساعة
راكان : الحين الساعة خمس
نواره بفزع: ياربي ماصليت العصر
راكان طبع قبلة على رأس نواره وقام يبي يطلع برا وهو ماسك الباب : إذا صليتي
تعالي بالغرفة انتظرك لاتتأخرين
نواره: طيب
في غرفة راكان نواره بعد ما خلصت الصلاة دخلت الغرفة وشافت راكان قاعد على السرير
وبيده علبة حمراء عليها خيوط دانتيل شكلها روعة
راكان :نوارتي تعالي جنبي
نواره بخجل واضح ووجهها صار احمر جلست جنب راكان
راكان مد العلبة لنواره
نواره اخذت العلبة
راكان : افتحيها
نواره فتحت العلبة شافت فيها سلسال ذهب ابيض فيه تعليقة قلب عليها حرف الماس r
راكان لبس نواره السلسال وطبع قبلة على صدرها
نواره بخجل شديد نزلت رأسها
راكان مسك بيده ذقنها ورفع وجهها وهو يقول: وش رأيك بذوقي
نواره بخجل: يعطيك العافية
راكان وهو يأشر على خده : وبس
نواره باست راكان على خده
راكان : نواره تكفين عيدي الكلام اللي قلتيه امس
نواره بدلع : اي كلام
راكان بخبث: الكلام اللي قلتيه امس وانت بحضني
نواره بدون شعور منها سرحت في عيون راكان
راكان : ياهوه وش عندك مكتشفة شي بعيوني
نواره : ايه
راكان : وشو
نواره وعيونها امتلت دموع : اكتشفت انك حبيبي وعمري وابوي واخوي وزوجي وصديقي وكل
دنيتي
راكان وهو يمسح دموع نواره : ول ول كلهم مرة وحدة
نواره : راكان انا صحيح في البداية فرضت نفسي عليك لكن يعلم الله اني ماسويت
هالحركة المجنونة إلا لاني اغليك غلا الله وحدة اعلم فيه
راكان ضم نواره وسدحها وحط رأسة على صدرها وهي صارت تمسح على شعر راكان بحنان
راكان : تصدقين اول ماقال لي ابوي اتزوجك على طول طرت على بالي صورتك وانت صغيرة
لما كنت تركضين بالشارع حافية مع بنت جيرانكم تصدقين عاد ماتوقعتك تصيرين مزيونة كذا
نواره:ههههه ياحبي لها هذيك مريم
نواره : وانا كنت اراقبك بس انت الله يهديك ماتعطيني وجه
راكان :هههههههه
.................
بعــــــــــــــــــــــــــــــــد صلاة العشاء
في بيت احمد
رغد وهي تقهوي الحريم : وش هالزين يانواره
نواره : عيونك الحلوة
( طبعا نواره كانت لابسه فستان زيتي فيه قصة تحت الصدر مرة ناعم يصل لتحت الركبة شوي ومسوية
شعرها تجعيد خفيف وحاطة وردة زيتية على شعرها مع جنب ومسوية مكياج خليجي وطالعة
اسطورة)
روان : نواره طول عمرها حلوة
حلا : اشتغل المحامي
لينا : نواره حلوة وراكان حلو لايقين على بعض
منى تكلم رهف: اما لايقين على بعض هذي كثري منها
رهف:ههههههههه
ريما سمعت كلمة منى وانقهرت
ريما: إلا منى انا ودي اشوف اللي بياخذك
منى : اكيد امه داعية له
ريما: إلا قولي داعية عليه
منى: وش دعوى ( طبعا ماتزعل من ريما لانهم ميانة مع بعض)
ريما : تلقينك من سوق لسوق لما تصفينه على الحديدة
الكل:هههههههههه
لينا وتبي تحر البنات : نواره وش هذا اللي على رقبتك
نواره انحرجت وحطت يدها على رقبتها
رغد وفهمت قصد لينا : وريني ههههه والله منت هين ياولد عمي اللي مسوي بنواره كذا
ريما: ما لوم اخوي زين ما يأكلها بعد
روان :ههههههههه اسكتي بس لو تدرين وش كانو يسوون بغرفتي العصر والله اني خفت على سريري
منهم ماهو متعود على هالحركات
نواره وصار وجهها احمر من الفشيلة
لينا : حركات يعني مستحية ياما تحت السواهي دواهي
الكل :هههههههههه
نورة: رهف امك ليش ماجت
رهف: تعبانة شوي وتقول اعتذري لي من ام خالد
نورة : لا ماتشوف شر
انتهى البـــــــــــــــــــــــــــــــــــــــــــــــ ــــــارت
الفصل التاسع والعشرون
على العشـــــــــــــــــــــــــــــــــــاء في بيت احمد الكل جالس على العشاء نواره كانت جنب ريما
وفي الجهة الثانية كانت جنبها وحدة من جارات نورة اسمها ام سامي ( راعية سوالف وحش)
ومقابل لها فوزية وجنبها اختها بدرية
ام سامي: فوزية ولد الدكتور ليش ماسويتو له عرس
فوزية بنبرة حقد وهي تناظر لنواره : اصلا كل السالفة مجاملات
ام سامي : يعني شلون
فوزية : كل عرسة مجاملة لعمة ولا هو ماهو مستعد الحين للعرس
ام سامي : عشان كذا ايه وانا اقول مستحيل فوزية تحب الكشخة وش معنى هالمرة مع انهم
يقولون ان ولدك مال وجمال ومنصب يعني ماناقصه شيء
فوزية : ههههه ماهي مشكلة ان شاء الله راح اعوضه عن هالمسخرة اللي انحط فيها وهو ماله ذنب
ام سامي: والله سمعت من الناس انه بعد كم اسبوع من عرسه هرب للخارج.
وكل هالكلام كان قدام نواره بدون اي حساب لمشاعرها
فوزية : حسبي الله على الظالم بس
هنا نواره رمت الملعقة وقامت طلعت برا غرفة الطعام
ام سامي: وش فيها هذي الله يعينك عليها يافوزية صدق ماعندها ذوق هالقروية.
ريما هنا ماتحملت ثقل دم ام سامي وقالت بنبرة حادة: على الاقل القروية احسن من بعض
اللي عايشات بالمدن ماعندهن من الذوق شيء.
في المغـــــــــــــــــــــــــــــــــــــــــــــا سل نواره كانت واقفة تغسل يدينها بالرغم من انها ماكلت شيء
وماسكة دموعها لاتنزل حتى ماتشمت بها احد
غسلت وراحت للمغاسل ودقت على راكان اللي كان عنده مناوبة بالمستشفى : هلا
نواره وصوتها تغير: راكان وينك
راكان: بالمستشفى ليه فيك شيء
نواره والعبرة خانقتها : راكان تكفى اذا تقدر تجي تأخذني من بيت عمي
راكان وحس فيها شيء: عسى ماشر
نواره: تكفى تعال
راكان : ابشري
نواره: مع السلامة
راكان: مع السلامة
بعد ربع ساعة جوال نواره يدق
نواره: الو
راكان: نواره انا برا اطلعي
نواره : طيب
وسكرت الخط
نواره وهي تلبس عبايتها رغد: على وين تو الناس
نواره وهي تبتسم: ركوني برا ( وشددت على اسم ركوني)
فوزية التفتت لها وقالت بنبرة حادة: بس راكان عنده مناوبة الليلة
نواره وهي تضحك : عاد الشوق جابه
وطلعت نواره وركبت السيارة مع راكان
نواره : السلام عليكم
راكان: وعليكم السلام
راكان : نواره وش عندك طالعة بدري
نواره:.....................
راكان: نواره انا قاعد اكلمك
هنا نواره انفجرت بالبكاء
راكان زفر يقوة:افففففففففف
عند مدخل القصر
راكان: نواره انزلي
نواره: وانت
راكان : ابي ارجع للمستشفى عندي دوام
نواره: راكان تكفى انزل شوي ابيك
راكان : طيب يا الله
ونزل معها ودخلوالقصر
نواره وهي تشيل عبايتها : راكان ممكن اسألك سؤال
راكان وهو فاتح عيونه منبهر من جمالها : اسألي
نواره : ليش كل الناس يقولون انك هربت بعد عرسك
راكان : وانت وش عليك منهم
نواره: اليوم خالتي فوزية احرجتني قدام الحريم تقول
راكان يقاطع نواره : اسمعي حبيبتي فيه مثل يقول من راقب الناس مات هما
وبعدين انت وش عليك منهم يقولون اللي يقولون انا ابيك وانت اعتقد انك بعد تبيني
نواره ابتسمت وقالت : من قال اني ابيك
راكان فتح عيونه
نواره : إلا ابيك وابي كل من يبيك
راكان ضحك ومسك خدود نواره وباس رأسها
راكان: يا الله عاد لا تعطليني عن مرضاي
نواره : الله معك يالغالي
راكان : مع السلامة
وطلع برا
من بكــــــــــــــــــــــــــــــرا على الساعة 5 العصر
في غرفة راكان
نواره وراكان على السرير
نواره : ركوني حبيبي اقعد يا الله ماصارت غطة
راكان : والله تعبان طلعت من المستشفى للمسجد وصليت العصر
وعلى طول للبيت يعني من الصبح وانا على رجل وحدة
نواره: قم عاد ابي اشوف عيونك
راكان : ماهي مشكلة افتحي الدولاب وشوفي بطاقتي فيها صورتي ناظري بعيوني لما تشبعين
نواره: انا ابي الاصل ما ابي الصورة
وباست راكان من بين عيونه
راكان : اقول تعالي بس
وسحبها له وضمها وصار يبوس شفايفها وصدرها ونحرها ووووو
بعد العشــــــــــــــــــــــــــــــــــــــاء
فهد وراكان ومحمد وفوزية وهند بالصالة قاعدين يسولفون ويتقهوون
نواره وروان بغرفة روان
نواره :وكانت تمشط شعرها عند المراية وكان واصل لتحت كتوفها شوي
نواره : تدرين ودي اقص شعري
روان : وش تقصينه
نواره : ابي اقصره حيل يعني لناهية رقبتي
راكان وهو عند الباب : ومن سمح لك
روان ونواره : بسم الله الرحمن الرحيم
نواره : من متى انت هنا
راكان: اوه من زمان
راون : وخزياه لايكون سمعت شيء ( طبعا كانو يسولفون سوالف خاصة عن الحريم)
راكان : مثل ايش يعني
نواره: هههههههههه لاتلعب بأعصابها عاد
راكان : يا الله تعالي ماتبين السوق
نواره طيب الحين البس واجي
راكان: انت يأم الاسرار تبين معنا
روان : نو
راكان : على راحتك
وطلع راكان ونواره للسوق
في المجمع
راكان : نواره اذا خلصتي نبي نروح للمطعم
نواره : خلصت يا الله
في المطعم
راكان : ليش ما تأكلين منتي جوعانة
نواره:إلا
راكان: طيب ليش ماتأكلين
نواره: بصراحة انا من الفرحة ماني قادرة اكل
راكان وهو يبتسم : عسى الفرحة دوم ان شاء الله
نواره: راكان انت سعادتي لولا الله ثم انت ماصرت سعيدة
راكان: لهدرجة
نواره: انا كنت ولاشيء لكن معك احس اني اسعد انسانة بالدنيا تدري ماعمر احد فكر
انه يوديني للسوق او يمشيني او حتى يسألني اذا محتاجة شيء
راكان: معقولة اجل وش لون كنتي تدبرين حالك
نواره: خويتي مريم عمرها ماقصرت عني بشيء
راكان : وش رايك اخذها عشان تونسك
نواره: ههههههه راحت عليك متزوجة
راكان : افاااا
نواره: لا ترا ازعل
راكان : امزح امزح ههههههه لاصار معي القمر مالي ومال النجوم
نواره: احبك وارسلت لراكان بوسة بالهواء
راكان ابتسم لها
بعـــــــــــــــــــــــــــــــــــــد اسبوع في قصر فهد بعد المغرب
فوزيو وبدرية وهند ونوف جالسين بالصالة دخلت عليهم نواره وسلمت وجلست
نوف : نواره مافيه شيء بالطريق
نواره ابتسمت لها: الله كريم
فوزية بقرف: اصلا راكان مايبغى عيال الحين
نواره فار دمها وبعصبية: والله ما احد رد لك الشور
فوزية وبدأ صوتها يرتفع: انت موبس قروية انت حيوانة وماتربيتي
نواره بعصبية: كلن يرا الناس بعين طبعه
بدرية : بصراحة الله يعينك يافوزية على هالعلة لاحيا ولاحشيمة
نوف: تعوذومن ابليس
هند ساكته ماتبي تزعل احد
فوزية قامت وعطت نواره كف وقالت لها : ان ما رجعتك خدامة مثل اول ما اكون فوزية
نواره قامت وقالت بعصبية: والله لولا سنك والا كان كسرت لك يدك اللي مديتيها على وعلقتها على رقبتك
بدرية : اطلعي برا يازبالة
نواره ناظرت لنواره نظره حادة وطلعت راحت لغرفتها
فوزية معصبة حدها وبدرية ما قصرت زادت النار حطب
انتهى البـــــــــــــــــــــــــارت
ياليل خبرني عن أمر المعاناة
هي من صميم الذات ولا أجنبية
هي هاجس يسهر عيوني ولا ابات
او خفقة تجمح بقلبي عصيه
هي صرخة تمردت فوق الاصوات
أو ونة وسط الضماير خفيه
أو عبرة تعلقت بين نظرات
أو الدموع اللي تسابق هميه
أعاني الساعه واعاني مسافات
وأعاني رياح الزمان العتيه
وأصور معاناتي حروف وابيات
يلقابها راعي الولع جاذبيه
ولاني بندمان على كل مافات
أخذت من حلو الزمان ورديه
هذي حياتي عشتها كيف ماجات
آخذ من أيامي وارد العطيه
الفصل الثلاثون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك