رواية حلم الطفولة -6
الفصل الثلاثون
الســـــــــــــــــــــــــــــــــــــــــــــــ ـــاعة 9 مساء
راكان ومحمد داخلين القصر وفوزية وبدرية بالصالة
محمد وراكان: السلام عليكم
فوزية اول ماشافت راكان صارت تبكي
راكان ومحمد: عسى ماشر
بدرية:اسأل زوجتك ياراكان
راكان بإستغراب: ليه وش صاير
بدرية قالت لراكان ومحمد السالفة طبعا بعد مازودت عليها كثير
راكان صعد فوق وهو معصب حده دخل غرفته وشاف نواره قاعدة على الكنبة
نواره حست براكان انه معصب ومابغت تتكلم
راكان ببرود يخفي وراه بركان من العصبية: لاتحسبين اني احترمك واقدرك خلاص راح اسمح لك
تسويين اللي تبين لا يا بنت عمي الزمي حدودك
إلا امي ترا والله ثم والله لو تشكي منك مرة ثانية ماتدرين إلا انت وقشك برا
اظن عرفتي قصدي يا تحترمين اهلي او بيت ابوك ينتظرك
راكان قال كلامه وطلع برا
اما نواره حست انها انذبحت من الوريد للوريد حست وكأنها قطعة اثاث إذا خربت او ملو منها
انرمت بالزبالة وجابو غيرها حست ان مالها قيمة ولا أي اعتبار لكن رغم كل هذا حاولت انها
ماتبكي وتتماسك دخلت الحمام وتوضت وراحت تصلي وتدعي ربها
رب اني مسني الضر وانت ارحم الراحمين
من جهة ثانية وتحديدا في غرفة فوزية
فوزية : كيف جا على بالك تقولين كذا
بدرية بخبث: عشان تعرفين ان اختك يعتمد عليها
فوزية : متى بس اشوف راكان مطلقها
بدرية: قريب ان شاء الله يا الله الحين ابي اروح مع السلامة
فوزية: مع السلامة
( طبعا بدرية قالت لراكان ان نواره اول مادخلت عليهم استلمت فوزية بالسب والشتم وانها قالت مثل ماجبت رأس راكان للارض راح اجيب رأسك واخلي عمي يطردك وانها بعد حاولت تمد يدها على فوزية لكن هي
منعتها طبعا ماقالت ان فوزية ضربت نواره كف)
بعد اسبـــــــــــــــــــوع
راكان ماكان ينام بغرفته من هذاك اليوم ولاشاف نواره ولا كلمها
نواره قاعدة بغرفتها الساعة 7 الصباح : ياربي انا وش صار لي احس اني تعبانة وماني قادرة اتحرك
معقولة قلبي فيه شيء بس انا ماخليت الدواء اللي كتبه لي الدكتور
الظاهر انها جرثومة المعدة اللي يقولون عليها
وقامت للحمام تستفرغ بعدين طلعت ورمت نفسها على السرير ونامت
في بيت احمـــــــــــــــــــــــــــــــــد بعد العصر
ريما تكلم خالد بالجوال: خالد يسلم عمرك لاتتأخر تعال بسرعة احس اني تعبانة
خالد: خلاص خلاص جاي الحين
في المستشفــــــــــــــــــــــــــى في غرفة الولادة
الدكتور : ماتخافيش ياريما كل حاجة كويسة
ريما بتعب شديد: وش لون ما اخاف
الدكتورة: أيه ياريما دي مش اول مره
خالد وراكان برا غرفة الولادة
راكان: لاتخاف يابو احمد الامور كلها زينة الدكتورة طمنتني على كل شيء
خالد: الله يسهل
وعلى الساعة 12.30 مساء كانت ريما والدة وجابت بنت
راكان: مبروك يابو احمد تتربى في عزك
خالد: الله يبارك فيك وعقبالك
في قصــــــــــــــــــــــر فهد
روان : كللللللللللللللللللللللللللللللللللوش اخيرا جابت البطة
لينا: تركي يقول لي تهبل طالعة علي
روان: القرد بعين امه غزال
لينا: قرد بعينك
روان: هههههههههههه
وعلى صراخ البنات وضحكهم في غرفة روان
طلعت نواره وراحت لهم
نواره:السلام ياحلوين
البنات: وعليكم السلام
روان: مادريتي ريما جابت بنت
نواره: صحيح الف مبروك
روان ولينا: الله يبارك فيك
لينا: نواره وش فيه وجهك صاير اصفر
نواره: الظاهر جرثومة المعدة
روان : وش تحسين فيه
وبدت نواره تشكي لهم الاعراض
لينا : الله يعينك
روان: يقولون الثوم والزبادي زين للجرثومة
نواره: الله يكرم النعمة عاد الزبادي اكرهه ولا احب ريحته
واثناء السوالف دخل عليهم راكان
نواره اول ما شافته انسحبت وطلعت برا راحت لغرفتها واخذت دفتر لها صغير وقلم وتمددت على السرير
فتحت الدفتر وكتبت فيه( كم هو صعب على الانسان ان يشعر بعدم رغبة الناس فيه وانه شخص
ليست له قيمة وانه عالة عليهم حقا كم هو شعور مؤلم
كم هو صعب علية ان يتحدث ولا يجد من يرغب ان يسمعه وان لايستطيع ان يدافع عن نفسه امام
من ظلمه وان يبتسم والدموع تملىء عينيه وان يخذله من كان ينتظر منه ان يساعده اااااااااه كم هومؤلم
هذا الشعور)
بعـــــــــــــــــــــــــــــــــــــــــد مرور شهر ونصف على الاحداث كان يوم تمايم بنت ريما وخالد اللي سموها دانة
خالد فضل ان العزيمة تكون بالاستراحة اللي بالقرية والكل وافق
الكل مجتمع بالاستراحة طبعا نواره جات مع محمد واهله لان راكان وتركي عندهم شغل بالمستشفى وراح يتأخرون شوي
في قســـــــــــــــــــــــــــــــم الحريم
الحريم مجتمعات سوالف وقهوة وشاي
إلا نواره كانت فوق متمددة على السرير لانها كانت تعبانة من الطريق
نواره: ياربي والله اني تعبانة لكن لازم انزل لهم حتى ما احد يحس ان فيه شيء
لبست تنوره جنز اسود لنصف الساق وبدي مخطط بالعرض اسود وابيض
وحررت شعرها اللي طال ووصل لنصف ظهرها
نزلت نواره واول مادخلت على الحريم
انفجرت رهف ومنى ولما ضحك بصوت عالي وهم يناظرون لها
وفوزية كانت تطالعهم وعلى وجهها ابتسامة خبث
بدرية: ماخبرت ان فيه حديقة حيوان قريبة
فوزية :ههههههههههههههه
نواره حاولت تبين نفسها ماهي مهتمة جلست واخذت القهوة وصارت تتقهوى
منيرة: نواره خويتك مريم تسلم عليك
نواره: الله يسلمك ويسلمها
منى : تدرون ياشين الشخص ثقيل الدم
رهف: ياربي احس ودي اتوطى ببطنه
لينا وريما ساكتات مايبون يتدخلون خصوصا بعد موقف امهم ونواره
رغد وحست بوقاحة البنات : نواره تعالي ابيك
وطلعو برا
رغد بحنية: نواره وش صاير فيك
نواره هنا ماقدرت تتحمل لانها فعلا كانت محتاجة احد تشكي له انفجرت بالبكاء وصارت تبكي
مثل الطفل الصغير اللي فاقد امه وعلمت رغد بكل شيء وكانت تمسح دموعها بكفوفها
مثل حركة الاطفال
رغد: وانت ماحاولتي تكلمين راكان كل هالمدة
نواره وهي تبكي: رغد راكان مو بس جرحني راكان طعني بالصميم ذبحني بدون رحمة
رغد : بس راكان يحبك
نواره بأبتسامة سخرية وراها حزن عميق:يحبني هههه
إلا حياتي كلها ماتهمة انا ما انكر انه سوى لي معروف لكن كله من باب الشفقة لا اكثر
رغد: تعوذي من ابليس
بعد العصــــــــــــــــــــــــــــــــــر
جا راكان وتركي واجتمع الشباب في بيت الشعر
بدر قاعد عند محمد ويسولف له بهمس
محمد: ابشر بالخير والله ما القى احسن منك
بدر : يعني انت ووجهك تصير عمي
محمد: اقول اسكت ترا اهون
بدر: خلاص خلاص اسف
( طبعا بدر خطب روان ووافقت)
عند المراجيح نواره كانت تكلم مريم بالجوال
نواره : مريم انا خلاص ماعاد لي داعي بحياة راكان
مريم: نواره انت عاقلة وتعرفين مصلحتك زين
نواره: اسفة والله يامريم صجيت رأسك بمشاكلي
مريم : لا حنا خوات وبعدين انتم متى ترجعون للرياض
نواره : اليوم الاربعاء والجمعة ان شاء الله راجعين
مريم:طيب نواره عندي لك خطة وش رايك تقولين لراكان انك تبين تقعدين بالديرة
وشوفي ردة فعله إذا هو شاريك ماراح يوافق وهو يعرف معاملة اهلك لك
نواره : ما اقدر اناديه اخاف يفشلني وما يجي
مريم: ارسلي له مسج
نواره: طيب
وسكرت من مريم وارسلت لراكان مسج كتبت فيه ( السلام عليكم راكان بعد اذنك يوم الجمعة ابي اقعد عند اهلي
كم يوم ماني راجعة معكم الرياض)
شوي ويجيها مسج من راكان( يكون احسن ولو تقعدين على طول بعد افضل )
نواره قرت المسج وصارت دموعها تنزل وارسلت له مسج( لاصرت بايعني اشوفك على خير****
مع السلامة دام مابه سلامة
قلت انتهينا قلتلك خير ياطير***
ماني بأول شخص يخسر غرامه
محذرك من قبلها الف تحذير***
لا عفتني بيعيف قلبي هيامة
مانيب ميت لا ولا احتاج تبرير***
علمتني معنى الندم والندامة
حسبي على الذكرى إذا مرت اعصير***
ما عاد تنفع شرهتي والملامة
وقعدت نواره على الارض وضمت رجولها لصدرها ونزلت راسها على ركبها وهي داخلها ودها
تصرخ وتشتكي وتركض وتبعد مسافات ما احد يشوفها ودها بأعلى صوتها تقول لالالالالالا
لكن............................................... ................................... للأســــــــــــــــــــــــــــــــــــــــــــــ ـــــف
انتهى البــــــــــــــــــــــــــــــــــارت
الفصل الحادي والثلاثون
يوم الخميــــــــــــس في الاستراحة
لينا تكلم تركي بالجوال
تركي: ابشري ما طلبتي شيء تجهزو واطلعو عند الباب
راكان: وش عندها لينا
تركي: تقول البنات يبون يتمشون برا
راكان: يا الله وانا معك بعد
تركي : يا الله
عند مدخل المزرعة كان تركي واقف بسيارته الجيب
ركبت لينا والبنات وكانو هم ( رغد وحلا ونواره وروان)
نواره ركبت بدون لاتنتبه من اللي جنب تركي
راكان : تركي اطلع من ورا الاستراحات
نواره لما سمعت صوت راكان انصدمت وقالت قبل لايحرك تركي : لحظة لحظة
راكان على طول التفت لها
نواره بصوت مهزوز: ابي انزل ما ابي اروح
لينا : يا خوافة
روان: خليها تنزل لاتموت علينا
نواره فتحت الباب ونزلت بسرعة لانها خافت من راكان يسمعها إهانة او كلمة وهي خلاص
ماهي قادرة تتحمل
راحت للساحة الخضراء لقت جدتها متمددة هناك راحت عندها وباست رأسها ويدها
وصارت تسولف عليها
ام صالح: نواره ليه وجهس تسذا انت ماتأكلين
نواره بضحكة : اسوي رجيم
ام صالح: هو بتس شيء عشان هالرجيم
نواره:ههههههههه ياحبي لك ياجدتي
بعد ساعتيــــــــــــــــــــــــــــن رجع تركي وراكان والبنات
البنات دخلو الاستراحة وشافو نواره وجدتهم بالساحة الخضراء راحو لهم
شوي ودخل تركي وراكان وراحو عند جدتهم نواره تغطت على طول
ام صالح: هلا والله بالتخاترة
تركي بسخرية: تعال ياتختور اقعد نتقهوى عند ام صالح
راكان وهو يقعد : ماهي شينة
نواره كانت على اعصابها لانها تتوقع من راكان اي شيء وراكان
كان يسولف ويضحك ولا على باله
شوي وجت ريما متغطية بجلالها
ريما بعصبية باينة من صوتها: السلام عليكم
الكل : وعليكم السلام
تركي : وش بلاها مرت اخوي زعلانة لايكون خويلد مزعلك
ريما : لا والله هالعلة زهقتني
راكان: من
ريما : هالشغالة طيحت رضاعة دانة وكسرتها وامس احرقت شماغ خالد بالمكوى
زهقتني ماتعرف تشتغل وقلت لها ترا اذا ماتعدلتي راح اطردك وصارت تبكي
وتقول الله يخليك لاتطرديني
نواره هنا فار دمها وقالت: والله ياريما مافيه احد يرضى بالذل والاهانة إلا اذا كان محتاج
يابنت الحلال طولي بالك عليها
الله يقطع ابو الحاجة للناس بس
وبعد كلمتها قامت بسرعة ودخلت داخل
راكان كانت عيونه على نواره لحد مادخلت وهو في نفسه عارف وش تقصد
يوم الجمعـــــــــــــــــــــــــــــــــــــــــــــ ــة الكل راكبين السيارات
متجهزين للرجوع
نواره راحت ركبت مع ابوها بالجمس
صالح : وين يانواره رجلك سامح لك
نواره: ايه
صالح بصوت عالي: راكان
راكان وهو يتجه لعمه: سم
صالح : انت سامح لمرتك تروح معنا او انها تبي تجي من غير شورك
راكان: لا والله ياعم انا اللي سامح لها ابيها تغير جو شوي
صالح : لايكون مزعلتك علمني ياولدي ترا أأدبها لك
راكان: وش مزعلتني نواره مافيه منها
صالح : على راحتك اجل
بعد اسبوع في بيت صالح العصــــــــــــــــــر
نواره صارت تتعب اكثر
ام صالح: نواره انت متغيره يأمتس انتي توجسين شيء
نواره: والله ياجدتي معدتي توجعني
منيرة : طيب ليه ماتروحين للمستوصف تأخذين علاج
نواره : الظاهر مافيه إلا كذا
ام صالح :روحي الحين مع محمد
نواره : خلاص
وراحت نواره مع محمد اخوها للمستوصف الحكومي القريب من بيتهم
نواره عند الدكتور
الدكتور: لازم فيه سوي تحليل
نواره : اي تحليل
الدكتوره : تحليل حمل
نواره : ليش
الدكتوره: يمكن هذا اعراض حمل
وراحت نواره وسوت تحليل حمل وبعد نصف ساعة طلعت النتيجة
الدكتور: هذا مافيه جرثومة ولا شيء هذا حمل مبروك
نواره وهي مفهية: هاااااه
الدكتورة: انا الحين يكتب لك حامض الفوليك انت لازم تستمرين علية ثلاثة شهر
نواره: طيب
وطلعت نواره وهي شايلة الدنيا كلها على رأسها
الساعة 11 مساء وتحديدا في غرفة نوار
كانت مظلمة مافيها إلا ضوء الابجورة الحمراء الخافت
نواره: ااااااااااه اخاف اجيب نواره ثانية وتتكرر القصة من جديد
يعني الحين راكان ماهو متقبلني وش لون عاد لو درى بحملي والدكتورة تقول لي تقربيا الحين شهر
واسبوع
لازم ما احد يعرف بحملي
في نفس الوقت ولكن في مكـــــــــــــــــــــــــــــــــان اخر
راكان منسدح على السرير في غرفته وهو يفكر بنواره
راكان : والله اشتقت لها حيل مشتاق احضنها احس اني جرحتها لكن هي بعد الله
يهديها تمادت
بعـــــــــــــــــــــــــــــــــــــــــــد مرور شهرين على وجود نواره في بيت ابوها
صالح: نواره راكان يكلمك
نواره :ايه ويقول متى ماخلص اشغاله راح يجي يأخذني
منيرة: والله غريبة مخليك كل هالمدة
ام صالح: مايبيها تمل من القعدة لحالها وهو مشغول حيل مايقعد بالبيت
منيرة: كل شيء يجوز
ام صالح: اقول يا صالح
صالح: سمي
ام صالح : ودي اروح الرياض بكرا
صالح : ليه يمه
ام صالح : نسيت عرس رغد يوم الخميس واليوم الاثنين يعني باقي عليه يومين بس
صالح: اي والله خلاص اجل اكلم راكان يجي يأخذك بكرا انت ونواره وحنا نجي يوم الاربعاء
صالح طلع جواله وكلم راكان وقال له اقتراحة راكان انحرج من عمه ووافق مع انه مافكر يجيب نواره
اصلا
نواره ضاقت من تصرفات ابوها وقامت لغرفتها
نواره تناظر نفسها بالمراية : الحين صار لي ثلاث شهور واسبوع والله احس بطني صار واضح شوي
افففففففف الله يسامح ابوي
شوي ويدق جوال نواره
نواره: هلا
مريم: اهلين يأم كرش
نواره:هههههههه الله يقطع شرك لايسمعك احد
مريم : تعالي عندي الليلة عندي السهرة
نواره: لاياعمري ابي اجهز اغراضي
مريم: ليه
نواره: اروح الرياض
مريم بفرحة: راكان كلمك
نواره: ايه وقعد يترجاني ارجع بعد
مريم: قولي والله
نواره: هههه اقول يا كبر شرهتك بس
مريم: ليه
نواره وصوتها تغير: راكان ماصدق متى يفتك مني
مريم: اجل
نواره: ابوي العزيز دق عليه وقال له يجي يأخذني وعاد خبرك خويتك كلن عايفها
مريم: نواره انت وش صاير بك احس انك متحطمة حيل حتى ما انتي مثل اول تذكرين يوم
يطلقك راكان ما سويتي كذا
نواره: مريم الانسان مثل البالونة اللي نعبيها هواء وإذا عبيناها زيادة انفجرت
وانا كذا تعبت والله ماعاد فيني اتحمل اكثر
مريم: والحمل ماراح تقولين عنه بعد ترا بطنك واضح الحين
نواره : يابنتي هو فيه احد اصلا راح يهتم
مريم : اقول بس تعوذي من الشيطان وروحي جهزي اغراضك
من بكرا جا راكان وجت معه روان لانها تبي تغير جو
روان : نواره كانك سمنانة شوي
نواره واللي من صارت بنهاية الثالث وبداية شهرها الرابع تلبس ملابس فضفاضة شوي
عشان ما يبان بطنها
نواره: هههههههه من ابو كأس
وركبو مع راكان طبعا الجدة قدام وروان ركبت ورا الجدة ونواره اللي راكان ماسلم عليها
ركبت وراه
ام صالح طول الطريق تسولف عن وحدة من صديقات نوف( زوجة عبدالعزيز ) شرت
لها بيت وساكنة فيه هي وزوجها طبعا ام صالح ناقدة على الوضع
ام صالح: وش لون تشتري بيت وتسكن رجلها معها
روان: جدتي يمكن متفاهمين مع بعض او زوجها حالتة المادية ضعيفة
وتبي تساعدة
نواره قالت بنبرة باين عليها العصبية: ويمكن تبي تضمن إذا زعل عليها ما يطردها هي
اللي تطرده
راكان اللي كان ساكت طول الطريق رفع عيونه على المراية اللي قدامه وخز بنواره
اللي انتبهت له
طبعا ما احد فاهم قصد نواره إلا راكان
انتهى البـــــــــــــــــــــــــــــــــــــارت
والليل لما نطق قالت رياح الليل
الليل هم وقلق حزن وظلام وويل
والقصة قصة عشق بس الكلاااااااااااام طويل
ياريح صيحي بقهر صيحي على كل البشر
لا تلومو هالاقدار اتنو الحطب والنار
الفصل الثاني والثلاثون
راكان اول مادخلو الرياض وكان الوقت تقريبا بعد المغرب
ام صالح: راكان ابي اروح عند احمد
راكان : خلاص خليك الليلة عندنا وبكرا ان شاء الله اوديك
ام صالح: لا يالغالي تعرف ابي اروح عندهم ونقعد معهم نسولف قبل هالعرس
راكان : خلاص انت تأمرين امر
وراحو لبيت احمد
نزلو وسلمو
راكان يا الله ياروان
روان : لا ياراكان ابي اقعد عند البنات نسهر خبرك ما باقي الا يوم واحد وتودع رغودة العزوبية ونبي
نسوي اكشن
راكان : ههههههه على راحتكم
ام صالح : نواره قومي مع رجلتس
نواره: ابي اقعد معهم
ام صالح : اقول روحي بس الرجال مبطي عنس تلقينه مشتاق
نواره: انشاء الله .
وطلعت مع راكان وهي بنفسها تقول باين الشوق
وركبت السيارة مع راكان
نواره : راكان
راكان: خير
نواره: ترا ماهو انا اللي قلت لابوي يكلمك
راكان التفت على نواره وناظرها ببرود: يعني انا اللي ميت عليك
نواره: ليش تقول كذا
راكان ببرود يقتل نواره: أسألي نفسك
ووصلو عند القصر نزلت نواره وهي تندب حضها ونزل راكان وراها
دخلت نواره مالقت احد وطلعت فوق لغرفتها
صلت العشاء ونامت على طول
من بكــــــــــــــــــــــــــــــرا نواره ماطلعت من الغرفة لانها ماتبي تشوف فوزية وحتى ما احد ينتبه لبطنها
يوم الخميـــــــــــــــــــــــــــــــــــــــــــــ ـــس بعد صلاة العشاء
نواره كانت منسدحة على الكنب اللي بغرفتها ونايمة
دخل راكان الغرفة وشافها نايمة ببرأة مثل الاطفال
راكان وقف شوي يتأملها ولاحظ انه فيه تغير في شكل نواره
لكن ماعرف ليش
بعدين دخل دورة المياه واخذ له شاور ونواره ماحست بشيء
طلع راكان لاف الفوطة على خصرة ودخل غرفة الملابس يبي يلبس حتى يروح للعرس
في هذي الاثناء دق جوال نواره مره ومرتين لما ردت
نواره بصوت باين عليه النوم : الو
مريم: هلا نواره
نواره : اهلين
مريم: بسم الله عليك وش فيه صوتك
نواره: ابد والله بس نايمه
مريم: ليش نايمة والعرس
نواره: مارحت
مريم: ليش مارحتو للحين
نواره: كلهم راحو مافيه احد الا انا مارحت
طبعا وراكان يسمع نواره وهي تتكلم
مريم: وليش ان شاء الله مارحتي
نواره: وليش اروح اصلا
مريم: ياربي منك تبين تجننيني
نواره: مرايم ليش اروح هو فيه احد سأل عني او فقدتي كلن لاهي بدنياه
مريم: نواره انا وش قلت لك لازم تصيرين قوية
نواره: اي قوية واي خرابيط لعلمك ترا ما احد مهتم فيني انا قايله لك يامريم من قبل
انا مثل الكورة كلن يرميني على الثاني
مريم: وراكان ماصار بينك وبينه اي حوار او تفاهم
نواره :إلا
مريم : با الله
نواره بسخرية : يقول ماهو ميت علي يعني بالعربي انا بالنسبة لراكان مثل
الشوكة اللي ناشبة بالبلعوم هههه
تدرين عاد راكان كاسر خاطري احس اني كاتمه على انفاسه حيل
ودي اريحه مني بس تعرفين والله يذبحني ابوي
مريم بضحكة:هههههههه يابنت الحلال ومن لم يمت بالسيف مات بغيره
نواره:هههه على قولتك الموته وحدة الظاهر اني بس ارجع بيت ابوي وكيف الله بي
وابوي انا متعودة على اهاناته وضربة يعني ماهي جديدة علي
واترك هالمسكين يشوف نفسه كفاية اني فرضت نفسي عليه
مريم: نواره انت اكبر مجنونة شفتها بحياتي
نواره: يا الله عاد اقول لايكثر انا من امس ماكليت شيء ابي اروح ادور شيء أتسمم فيه
خبرك لازم اتغذى يا الله مع السلامة ضفي وجهك
مريم: هههههههه مع السلامة
وطلعت نواره من الغرفة ونزلت للمطبخ عند الشغالات
راكان طلع من غرفة الملابس بعد ان لبس ثو ب ابيض وشماغ وتعطر حتى يروح للعرس
وكانت على وجهه ابتسامة عريضة
راكان: والله مجنونة بس احبك
ولازم تتأدبين
نواره كان لابسه فستان ابيض شيفون ناعم فيه ورود صغيره مره وردية ناعم مره ضيق من عند الصدر وواسع من اسفل يشبه ملابس الحوامل
نواره طالعة من المطبخ ومعاها توست وتمشي تبي تروح فوق قابلت راكان على الدرج نازل
نواره وملامحها تغيرت وبان عليها الارتباك قالت بنفسها: بسم الله من وين طلع لي هذا
راكان ولاحظ تغير ملامحها: ماتبين تروحين للعرس
نواره: لا
راكان: احسن
نواره: وش يحس به ذا
راكان سمع كلمتها ابتسم وطلع برا
في العـــــــــــــــــــــــــــــــــــــــــــــــ ـــــرس
بدرية: وين العلة ماجات
فوزية : إلا جت بس ما اظن تحضر
بدرية: ليش
فوزية : من بيجيبها يعني راكان وشكله طاقه كبده منها حتى منيرة تقول ان صالح هو اللي كلمه وقال له يجي يأخذها
بدرية: اللهم لاشماته
فوزية: ههههههههه
في القصــــــــــــــــــــــــــــــــــر
نواره جالسة بغرفتها: اففففففففف مليت والله ابي اطلع احس اني بسجن
راكان وهو في سيارته متجه للعرس فجـــــــــــــــــــــــــــأة................... ..........
انتى البـــــــــــــــــــــــــــــــــــــــــــــــ ـــــــــارت
الفصل الثالث والثلاثون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك