رواية الا فراقك -9

رواية الا فراقك -9

طلعوا من الصلاة ...

بندر- خالد..ما شفت خالي...

خالد- يمكن بمسجد ثاني...

بندر- بالعادة هنا...

خالد- والله ما ادري عنه....احسن لنا ما نشوفه...

بندر سكت ومو معجبة انه ما شافه....

...............

دفها بالملحق وقال- ينفعونك اهلكى الحين...

كانت تصيح ....

سكر الباب بقوة ....وقفل عليها...

كان يقول- حسبي الله عليها...ما خلتنا نصلي مع المسلمين...

امل شهقت وكل مكان بجسمها حاااار...ضربها بقوة...

امل- الله لا يسامحك...الله لا يسامحك .........الله ينتقم لي منك....

مسكت يدها بخفيف وقالت- آآآه...

طاحت على سريرها وهي تصيح بقوة....

..............

دخل بندر وخالد-السلام عليكم

امهم- وعليكم السلام..

خالد- آآآه ابي الغداء ...

امهم- الحين تحطه نور...

بندر جلس وهو يفكر...

امه- تبي الغدا بندر..

بندر- ايه..

امه- طيب ..

كانت ناويه تقوم ..

بندر- ارتاحي يمه...ساااارة...يا سارة.....

ساره من بعيد- ســـــــم...

بندر- قولي لنور تحط الغداء...

سارة- طيب اخي...

خالد- هاه يمه ...ما تبن تروحين لاحد من خوالي اليوم....اكيد طفشانه...

امه- بنروح لخالك ابو وليد..

خالد سكت ...

بندر- يمه بتهينين نفسك.....

خالد- انا طردته تروحين تدخلين بيته....اكيد بيطردك ...

امه- وبنتي...

بندر- بنتك بخير ان شاء الله...

امه- بس ابي اشوفها...

خالد- يا يمه والله ما له داعي..لو ما طردته ما نقول شيء...بعدين تدخلين بيت اللي سبنا ليش؟؟

بندر- عندي دوام اليوم...الساعة ثلاث...

امه- انت ودوامك البلشة..

بندر- وش اسوي...امرنا لله..

خالد- ياخي كمل ادراستك...انت ما تفكر تزوج...كملها برا...او تزوج الحين...وخذ زوجتك هناك..

بندر- لا ما اني متزوج...

امه- لا اذا كان بيروح برا يتزوج..

خالد- انتي وش عليك منه ...يروح ويكمل ويرجع ..

امه- لالا ...مو رايح...

بندر- انا والله افكر فيها...

خالد- وش تنتظر

امه- لا مايروح...

بندر- يايمه

ندر- يايمه ...لمصلحتي ....

امه- تروح وين طيب..

بندر- اطلب بعثه ...او على حسابي اروح لستراليا

امه وهي تفكر ...وساكته

خالد- وافقت وافقت...

بندر- اجل اطلب

امه- لالالا ...خايفة عليك...

بندر- بكرة يا يمه ارتاح ...شوفيني ممرض واتعب ...طيب لاصرت دكتور..

امه- لا خلك ممرض اهون لك

بندر- يا يمه ...خايفه من ايش علي...

امه- من كل شيء...كثير اللي يروحون ويذبحونهم

خالد-هههههههه الدنيا فوضى ....خلاص هذا من زمان ...الحين خلاص..

امه- اجل....كيفك...على راحتك تعرف مصلحت نفسك...بس فقدت امل وبفقدك.

بندر- تبين تكلمينها؟؟

امه- ياليت...

بندر طلع جوالها ودق...حط السماعة على اذنه بيسمع صوتها .....ما ردت..

بندر- ما ترد...

دق مرة ثانية وثالثة..

امه- ياويلي كان بنيتي صار فيها شيء...

بندر - لا ان شاء الله...

..............

دخل الصالة وهو يقول- ام وليد ...ام وليد...

ام وليد- هلا ..

ابو وليد- اليوم وراي سفر لجده ...جهزي لي شنطتي..

ام وليد- وش له السفر..

ابو وليد- بروح لرجال يبي مني قطعة ارض..

((اوووه نسيت اقولكم...ترا ابو وليد عنده مكاتب عقارات ومع هذا بخيل...))

ام وليد- بسيارة او بطيارة؟؟

ابو وليد- لا ما ني برايح بسيارة...

ام وليد- اجل ليش ما نروح معك؟؟

ابو وليد- وامل؟؟

ام وليد- ودها عند خالتها..

ابو وليد - لا ...بعدين انتي وعيالك بتكلفوني...

..........

كانت نايمة بعد ما تعبت من الصياح...فتحت عيونها بشووووويش..وحست بالوجع ...قامت شوي شوي ...وجلست...كان المكيف مطفى ...امسكت ارموت وشغلته...

قامت وهي تمشي شوي شوي ....ظهرها مكسر....رجلينها مكسرة...

امل- ليش يسوي كذ...والله ما سويت شيء...

نزلت دموعها

طلعتلها ملابس عشان تتروش تبي اي شيء يبعد الالم...

تروشت بمويا بااااااااارد...ولا تحس برودته...لانه لقت شيء يهدي الضرب

.................

بندر كان يمشي بسيب المستشفى....جته ممرضه ...الممرضه هذي معجبة فيه...مو تحبه...معجبه..اسمها فايزة

فايزة- بندر..بندر..

التفت لها وقال- سمي؟؟

فايزة- السلام عليكم

بندر- وعليكم السلام..

فايزة- اخبارك؟؟

بندر- الحمد لله..

فايزة- والله ما عاد نشوفك ....وينك؟؟

بندر- الدوام يتغير ..

فايزة- الله يعين...

وسكتت

قال- تامرين شيء...عندي مريض..

فايزة -سلامتك...

بندر تركها

فايزة تطالع فيه ...كبر بعينها...يعني ما يحب البنات وسواليفهن..

..........

طلعت من الحمام ...كان على خدها ضربات ..صارت الوانهن بنفسجيه..وعيونها حمر...

غير الضربات اللي على يدها وبظهرها ...وبرجولها ...

كانت الغرفة باردة ...جلست على السرير ...وابعدت المنشفه عن شعرها ....شعرها طاح نصه من عمها وهو يسحبها معه...

ناظرت للأرض ...وتذكرت

(((لما كانت طفشانه وناداها

بندر- امووول....

وقفت وطالعت فيه ...وقالت- سم؟؟

بندر ابتسم بحنان وقال- سم الله عدوك...انتي مو معجبتني اليوم...))

((ويوم قال- تامرين امر يالغلا))

نزلت دموعها....وقالت- انت اللي دافعت عني ...ليتك موجود اليوم...

((بندر ناظر للارض وقال- تكفين امل.....لا تصيحين....امول....امل....ما راح ياخذك..ولا راح يقدر ياخذك دامني موجود.....

امل- بندر تركني لحالي.....اطلع ....اطلع.....

بندر- طيب....

طلع وسكر الباب قوة.))

امل- ليتك موجود...ليتك معي ....والله اوجعني ...

اتسطحت وهي تصيح...دموعها تنزل من عيونها وعلى المخده وعلى شعرها ...

...................

بندر جلس بالممر على الكرسي ودق على امل...

((إن الهاتف المطلوب ...))

بندر- اووه مقفل...وش فيها...

-السلام عليكم...

بندر- وعليكم السلام...

جلس الممرض بجنبه ...هو صديقه بالمستشى..

حسين-آآآآآآه ..بندر..

بندر-سم..

حسين- طلبتك...

بندر- عطيتك ..

حسين - خلص دوامك صح؟؟

بندر- الحين انا طالع .....

حسين- ممكن تاخذ عني لو اربع ساعات...

بندر- سلامات...

حسين- الوالده تعبانه...

بندر- اجل قم....رح لامك...ومتى ما خلصت...تعال بادلني..

حسين قام وهو فرحان- مشكوور...جزاك الله خير....اصيل والله....يلله مع السلامه..

بندر- مع السلامه.....

.................

لساعة عشر ونص...

ام وليد بعد ما مشى ابو وليد ...راحت لغرفة امل....

طقت بقوة....وادخلت ...

ام وليد- نومه بلا قومه.....قومي قومي..

ام وليد استغربت ...ما تحرك...

ام وليد حركت امل يمين يسار....ما قامت ..

حطت يدها على راسها....مو نار بس...الا اشد من النار...

ام وليد- انا لله ....وش اللي ابتلشنا به الحين....لازم ناخذها للمستشفى لا تموت علي بالبيت....من يودينا....

طلعت تدق على اخوها ....

بعد ربع ساعة...دخلت ام وليد واخوها سعود

سعود يطالع امل منهبل...وجهها الوان ...ويدينها اللوان...

سعود- من مسوي بالبنت كذا...

ام وليد- خذها بس ودها...

سعود- طيب ...عبايتها...

وقف عندها سعود وقال-هيه ...هيه..

ام وليد- خذ ...

عطته العبايه...

فتحت عيونها شوي شوي..

ام وليد- امل...

سعود- تقدرين تمشين؟؟

امل نزلت دموعها وحركت راسها بـ لا ...وغمضت عيوننها شوي شوي.واغمى عليها...

سعود ..شالها ولبسها العبايه واخذها هو وام وليد...

................

بندر جالس وهو تعبااااااان من الدوام...طول حسين ما جاء...

فايزة دخلت الكفتريا وقالت- بندر ...مناوب..

بندر- ما طلعت...وحط راسه على يده

فايزة- ممكن اجلس...

بندر- هاه..

فايزة- اوكي فهمنا...دريت بالبنت اللي بيسون تحقيق علشانها...

بندر- ليش...

فايزة- هي مرتفعه حرارتها...ويوم جابوها للمستشفى واكشفوا ...لقوها مضروبه..

بندر- كم عمرها؟؟

فايزة- 16...صغيرة وتهبل ياعمري..

بندر استغرب وقال- طيب وش اسمها؟؟

فايزة- اسمها ...آآآمممم اظاهر انه امال ..لا امل..

نط بندر ....وقا ل - هنا...

فايزة- ايه...

بندر- باي قسم...

فايزة- الطوارئ...وبينقلونها...

طلع وهو مستعجل...وشو مستعجل...طلع يركض...وهو يقول بداخله- يارب ما تكون هي...

وصل عند الاستقبال..واخذ نفس وقال- امل سلمان ....وين القاها؟؟

الموظف ...بغرفة رقم سبعه...

بندر- واسم ابوها سليمان..

الموظف - ايه...

بندر- متأكد...

الموظف- ايه..

بندر - طيب مشكور....

مشى وهو شايل هم...من بيلقى عندها....بيلقى خاله ...بيتهاوش معه...وضربها بعد...

تذكر ضربها...عصب...وقال - والله لو صدق الكلام ...ان يصير لي معه كلام ثاني......

طق الباب ...وطق...ما احد رد...دخل ...وشاف احد نايم على السرير وما عنده احد...

سكر الباب ...واتجه لها ..شافها..امل ..

بندر- امل!!...لا مو امل..

وقف جنبها...وحط يده على وجهها وهو يقول- يا حياتي...و ش ذا كله...

فتحت عيونها شوي شوي..شافت بندر...شهقت شهقة خفيفه...بندر- امل ..حمد لله على السلامة..من سوى فيك كذا..

حاولت تقوم...وساعدها وجلسها...حرارتها 40 ...

بندر- بعدين بتعلميني بكل شي ...انتي ارتاحي....

امل وصوتها متقطع-..ابي امي...

بندر حط يده على كتفها...وجلس على السرير جنبها وقال- اوعدك بجيبها لك...

زاد صياحها...ما شتاقة له مرة...وتشوفه بهالموقف هذا...

من دون شعور منها ...ضمته وقالت- ما ابي ارجع...

وتشهق...

بندر منصدم من حركتها ...وما استوعب كلامها...

امل- بندر ...لا تخليني...

طالع بيدها ....شاف الضرب...

قام وبعد عنها ...ومسك يدينها وقال - خالي؟؟

امل- ايه...ضربني....والله ما سويت شيء....والله العظيم...انا قلت...((شهقت ولا قدرت تكمل))

بندر- الله لا يوفقه...بس امل....امول لا تصيحين...

قام وكان ناوي يطلع...مسكت يده وقالت- لا ...تكفى بندر...اذا كنت تحبني لا تخليني...

بندر- ........

امل- والله بيضربني....

طق الباب وانفتح...التفتوا......وقف وهو يطالع...

امل اخذت طرحتها...وتغطت...

سعود- من انت؟؟

بندر- الا من انت ..؟؟

سعود- اشوف عليك لبس ممرض بس..

امل- هذا ولد عمي...

سعود سكت وهو يطالع بندر...

بندر- ممكن تتفضل معي برا...

امل- لا بندر...لا تتركني...

بندر- خلاص يا امل...انتي هنا ...ما يقدر احد يقول لك شيء.

امل وهي تصيح- لا لا ...

بندر التفت لها...وحط يده على كتفها ...وقال- انا واقف عند الباب ...وابن امه اللي يتعدى عليك.....وابو وليد ...له حساب ثاني معي..امول ..

التفت لسعود وسعود مطير عيونه...

بندر- قدامي....

يتبع  ,,,,

👇👇👇

تعديل المقال