رواية love to be loved by you -12
حتُىَ مآ أزعُلَ نآسُ تغُليَنيّ ,!
بيت ابوراكان
لجين عند امها:يماااا باركيلي قبلوووني انقبلت ..عاشوو عاشوو بروح لبريطانيا ولد ولد<<وصارت تنطط مع طلال
طلال ينطط:عاشت بريطانياا والله عاشت
ابوراكان:اركد الله يصلح حالك ياولدي
طلال يمثل الزعل:ليش يبا وش شايفني احشش
ابوراكان :لاحول ولاقوة الا بالله ...صباا ياصباا
صبا بفهاوه:هااا
ابوراكان:متى النتيجه؟؟
صبا توهقت:ايه النتيجه يوم الاثنين
متعب :الله واكبر يوم الاثنين ولاتقصدين ان عليك مادتين
صبا تدزه:جب مالك دخل
ابوراكان :الله يصلح احوالكم بس انا طالعن فووق لاتزعجووني
<<طلع من هنا ابوراكان
متعب:مالت عليكم ياعيال بريطانيا
طلال:انشعم ياولد الباديه بس نقطنا بسكاتك لارحت وشفت الشقر نسيت وضحى وعمشا وطوايف اهل اهلهم
صبا:يماااااااا
متعب:سكري حلقك يماااا ماكله ثووم الله يخسك
صبا:مالك دخل ..يما ابي بريطانيا مثلهم
ام راكان:لافلحتي مثل اختك وديناك لكل مجتهد نصيب وانا امك
لجين تغني:I believe I can fly
الكل:ههههههههههههه
طلال بصوت مخنز:I believe I can touch the sky
I think about it every night and day
Spread my wings and fly away
صبا:لاطلول والي يرحم والديك لاتكمل مانبي نموت
طلال:اقول ياكوره هونك شوي شوي لاتنبطين من زين صوتك الحين اللي طالع من بلاعيمك تقل نبيل شعيل بالع صرصور
لجين :ههههههههههههه قووية طلول قسم اربكن ...المهم يما انا طالعه ببدل بروح النادي زين
ام راكان :زين يابنيتي
شوي الا دق الجرس
طلال:كوورره ..احم اقصد صبووه قومي فكي الباب
متعب:شوف ا لحماره سافطه قومي فكي
لجين :دامه بطريقي انا بفتح
صبا:ينصر دينك ياوخيتي
.................................................. ...............
بيت ام رياض
ام رياض:ههههههههه خلاص لاتقعدين تتبكبكين لي نهاية الاسبوع بيخطبونك وش تبين اكثر من كذا
عبير:لاموقاعده ابكي توني ركبت عدساتي
ام رياض:هههههههه احسب بعد اهم شي ان خالتك عرفت تختار لك عريس المستقبل
عبير:ههههههههه احلى ذوق خالتي تصدقين ماتوقعتك كذا موهينه
ام رياض:هههههه حبيبتي اربع رجال مروا علي يعني صرت صامه الرياجيل واحد واحد
عبير:خالتي كنت بسألك عن اللي ببطني شسوي به؟؟
ام رياض:وش تسوي به بعد اكيد تنزلينه
عبير:بس خايف يكون الدكتور ماهوب زين ولااموت ويصير فيني شي
ام رياض:لاتخافين الحين خل نضمن الرجال وعقبها نزلي اللي تبين
..ألا مادريتي
عبير:وش اللي ادري به؟؟
ام رياض:اليوم وانا خالتك كنت عند بيت ام يوسف كان اشوف ام مناف
عبير:طيب وانا شكو بكل هذا
ام رياض:اسمعيني بالاول...المهم واجلس لك مع ام مناف وخرت لي الاول والتالي عن ام نايف وولدها اثره هالنايف يحب بنت عمته اسمها شادن وكان خالتك تفكر تفكر وطرت ببالي فكره
عبير:اللي هي
ام رياض:طبعا هذي اللي اسمها شادن لو درت ممكن تخرب علينا فقلت من الحين خل تعرف عشان نكتفي شرها
عبير:خالتي للحين موفاهمه وش اللي تبين توصلين له
ام رياض:تعرفين كيد الحريم شلون عظيم ...خذت من بنت ام مناف رقمها هالشينه
عبير:ايه وش تبيني اسوي يعني
ام رياض:تكلمينها
عبير:لالالا خالتي الا هذا مالي دخل فيها اخاف لاعرف نايف يهون
ام رياض:لاحبيبتي ماراح يهون انا حاسبه لكل شي واعرف وش اسوي انتي سمعتي كلامي بالاول اسمعيه لين آخره ماراح تخسرين شي يابنت اختي
عبير:اللي تبينه ياخالتي راح اسويه امري لله
مآ طآح
من عين المقـآديرْإنسـآنٌ .,
................... آصلآ جميـعْ آللي بـ هالعين { طآحوآ ~
إليـآ إستضـآقوآ .. جيتهم قلب ولســآن .,
.................. وإليـآ ( تضـآيق صدري ) الكل ,
رآحوآ ..
بيت ابوراكان
لجين عند الباب مصدومه:حنآن
حنان وطت راسها:ايه حنان ممكن ادخل بيت عمي؟؟
ام راكان جت :يما لجين من عند الب......وبصدمه:حنان
حنان:ايه خالتي تسمحين لي ادخل
ام راكان:شهالكلام يابنتي بيت عمك هوبيتك حياك
حنان:انا ابي اقول كلمتين لعمي وبطلع
لجين :وش تبين بابوي بعد خلاص ياحنان كفايه ان اخوي مرقد بالمستشفى بسبتك
ام راكان بعصبيه:قطع بلسانك يابنت مبارك بنت عمك مالها دخل بكل اللي صار لاخوك
حنان تبكي:معليه ياخالتي خلها تقول كل الل يبخاطرها انا استاهل
لجين : ان كان طاح من عينك دمع انا طاح من عيني اوادم<<ودخلت
ام راكان خذت حنان لدار عمها ودقت الباب
ابوراكان:ادخل
حنان:السلام عليكم ياعمي
ابوراكان رفع عينه:حنااان
حنان تحب راس عمها:ايه حنان ياعمي..جيت بقولك كلمتين ورايحه
ابوراكان:قبل كل شي يابنت حمد ابي اعرف ليه طلقك راكان ولدي..ادري فيه غلط بحقك وخلاك سالفه بحلوق اللي يسوى واللي مايسوى يابنيتي انا عمك وللحين ماادري وش سبب طلاقكم.... يابنت اخوي صرت احط الف سالفه وسالفه فما بالك بالناس
حنان:عمي السبب هو......
ابوراكان:تكلمي يابنت اخوي قولي وش السبب ريحيني الله يرضا لي عليك
حنان طلعت من شنطتها كيس اسود داخله شي
ابوراكان قضّب حواجبه:وش هذا؟؟
حنان بكذب:هذا ياعمي لقيته بالحوش وديته انا و امي لشيخ وقال انه عمل تفريق
ابوراكان:لاحول ولاقوة الا بالله من اللي بيكون مسويه يابنيتي
حنان:هذي وحده من قرايب امي زمان كانت تبيني لولدها
ابوراكان:انا لله وانا اليه راجعون يعني ظلمت ولدي
حنان الي درت بسالفة زعل عمها على راكان وجات تبي تصلح الغلط وتبي تفبرك القصه حتى ينتشر خبر انه معمول لها عمل بدل الهرج اللي طلع فيها ومس شرفها
حنان:ايه ياعمي ظلمته وانا الناس ظلموني
ابوراكان ضرب على صدره:وانا عمك بكرا اعزم كل الشناب بالديوانيه واقولهم بالحقيقه ماعاش يابنت اخوي من يحكي عليك وانا عايش اشم الهوا
.................................................. ...................
بيت ابونايف
دخل نايف البيت بوقت متاخر وكان البيت هدوء كالعاده ...شوي الا انفتحت الانوار
نايف بصدمه:يماا غريبه وش مرجعك اليوم بدري
ام نايف قربت منه وبنظرات اول مره اشوفها بعيون امي نظرات شر مع اني ماعهدت من امي سوى البرود المعتاد بالمعامله:طااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااااخ<<عطته كف
نايف وكنه فهم السالفه حط يده على خده:ليش يماا
ام نايف بعصبيه:جبتلنا الفضيحه ياولد عبدالله مالقيت الا بنت وضحى حسبي الله عليك من صبي ياليتني ماجبتك ولا بيوم كنت ولدي
نايف ابتسم بسخريه:افهم من كلامك يعني لوكان مع غيرها كان هانت
ام نايف:صدق اني ماعرفت اربيك
نايف:طيب ليش جايه تلومين؟؟
ام نايف:يعني صدق سويتها ياولد عبدالله
نايف:اذا انتي امي وشاكه فيني ماالوم الناس بكرا لالاموني
ام نايف:يعني ام رياض كذابه
نايف:لاحشاها يما ولدك اللي كذابب
ام نايف بصراخ:كلمه وقلتها لك يوم الاربعا نروح نخطبها لك فاااهم
نايف جمد بمكانه معقوله يكون هذا قلب ام مااصدق:وشادن؟؟ شوفي يما الى هنا وبس
ام نايف:غصب عن ورى خشمك راح تاخذها دام شادن وشادن ليه تغلط مع بنات الناس
نايف طلع من طوره :يعني مسويه فاهمه مصلحتي؟؟ وينك يوم ماكنت اطيح مرضان بفراشي وحرارتي فوق الاربعين ماتقوليلي وينك؟؟اكيد طبعايابزواج يابحفله
ام نايف:صدق انك ولد جاحد وناكر ..نسيت الدلال ومال والعز والجاه اللي انت فيه وش تبي اكثر منه
نايف ابتسم بسخريه:يعني بنظرك هذي التربيه دلال ومال
ام نايف:وان كان عالتربيه حطينا لك احسن مربيه
نايف:تدرين عاد هي عطيتني اللي ماعطيتيني اياه عطتني الحنان والعطف اللي ماشفتهم فيك اساسا لوخيروني بينك وبينها من اللي يستحق اناديه امي بختارها
ام نايف:ههههههه وانا فغنى عن هالكلمه
نايف بعصبيه:الكلام معك يما ضايع
ام نايف بعصبيه:المهم الاربعا بنروح نخطب لك وبتجي غصبن عليك
نايف:ابشري يما وبمشي معك لين النهايه بس صدقيني كلكم راح تندمون
.................................................. ........
بالديوانيه
احمد اسمعوا هالنكته:يقولك محشش يسأل زوجته وش تفكرين فيه حياتي؟؟
زوجته:نفس اللي تفكر فيه
المحشش عصب:الله ياخذك بتعرسين علي هههههههههههههههههههههه
نواف:ههههههههههه خوش والله
احمد:اخر شي بقوله لكم اسمعوني
نواف:لحوول قل وفكنا
احمد:يقولك زوج وزوجته بيربون ولدهم احسن تربيه وعلموه اذا بغى يروح الحمام يقول ابي اغني وبيوم راح نام عند جدته وبنص الليل قام جدتي جدتي ابي اغني جدته تقوله قصر حسك يابن الكلب وقته تغني ماتشوف جدك نايم...وهو مستمر ابي اغني ابي اغني رحمته الجده وقربت له اذنها قالتله طيب تعال غني باذني بس بشويش وسمعها احلى موااااااال ههههههههههههههههههههههههههههه
خالد:هههههههههههه عالوترهههههههههههههههه..... الا وين نايف ماينشاف؟؟
احمد:ماادري عنه كلمته مارد علي
نواف:ها شباب ناوين على السفر برآ صراحه ابي ادرس برا
احمد:انا بروح بالطيب بالغصب والله لايعوق بشر ياخي نبي نشم هواهناك شقر يالبييييييييه
خالد:هناك هوا ليه هنا كربون يالطيب
نواف:الله لايبلانا مااقول الا متى أعرس
احمد :اقول يبوو اشغلتنا زواج وزواج طاريه صار يحوم كبدي منك
الكل:ههههههههههههههههههههههههههههه
.................................................. ............
اللي يآخذ روحي مني ْ~
والله لآخذ منه روحهْ~
بعد مرور كم من يوم
عند نايف
صار يفكر وشلون ياخذ بتاره ..وكنه وصل لحل لطالما احتاجه والحمدلله لقاه ...تذكر وقاحة عبير وتذكر الورقه اللي كان فيها رقمها قال مالي غير اني ادق عليها بسيطه ياعبير بسيطه
نايف:الووو سلام
عبير:هلا من معي؟
نايف بقلبه توم كروز من يعني:نايف
عبير استانست وتظاهرت بغير هالشعور:اهااا وش تبي بعد؟؟
نايف مسك نفسه:ايه داق عليك بقولك اني لقيت حل للي ببطنك العمليه مضمونه والدكتور مضمون خصوصا وان له بهالمجال عمر
عبير:صدق نايف
نايف:ايه صدق بس الحين هو برآ ويوم الاثنين الجاي يجي ومنها بعد تضمنين حقك وتكونين خطيبت نايف آل ...وبعدين من اليوم صارت حياتك تهمني
عبير:اهمك؟؟
نايف بقلبه الا جبتيلي الهم:ايه ارتحتي
عبير طارت من الوناسه :خلاص اوكي اللي تشوفه امم توها امك كلمت خالتي وقالوا انكم بتجون تخطبون نهاية الاسبوع؟؟
نايف بقلبه فيه اوقح من كذا:ايه انشاء الله كنت بسالك عبير
عبير:وشو
نايف:عند اخوان؟؟
عبير:ايه عندي واحد واسمه ابراهيم
نايف:حلووو
عبير:انشاء الله تشوفه قريب
نايف استانس:انشاء الله اشوفك على خير مع السلامه
سكرت عبير من هنا وهي في قمة سعادتها
نايف:بسيطه ياعبير انتهى موضوعك من حياتي كل اللي ابيه اثبت لامي وللكل اني بريء
ام رياض:هو اللي كلمك؟؟
عبير :ايه ياخالتي هو وغير كذا خايف علي وقالي الاثنين الاسبوع الثاني بيوديني دكتور انزل اللي ببطني
ام رياض :قلتلك اللي يسمع كلامي مايخيب رجاه ...ألا كلمتي شادن مثل ماقلتلك عقب ذاك اليوم
عبير:لاياخالتي دقيت عليها مره ماردت علي وبعدها مادقيت
ام رياض:دقي اجل الحين اكيد لاشافت اصرار من اللي بيتصل بترد
عبير :اوك خالتي
.................................................. ..........
بالنادي
كانت لجين ترقص البآليه في احد صالات النادي وبآلها بمكان ثاني
مس جيني:لجين ارفعي رقليكي والبت لميا ماقاتش اليوم ليه
لجين:مدري ...وصارتتحلطم:لموي انهبلت يوم درت انها بتروح بعثه الظاهر ماراح تفوق الا عقب سنه
مس جيني:مافهمتش حاقه
مس جيني بصوت عالي:لند يو لق كم اون قيرلززز
كانت لجين تحاول تثني رجلها وبطيش ثنته بقوها وطاحت بالارض:آآآآآآآآآآآآآآآآآه
مس جيني:stop
مس جيني:انتبهي مره تانيه ياألبي ...ايه ده دا شد عضلي<<قومتني لين غرف الانتظار وصرت انتظر ومليت طلعت للحديقه وانا اعرج على رجل وحده كان الجو بالفعل خوقاقي يربك مشيت خطوتين على رجولي والالم بدا يزيد صحيح اني كنت قريبه من كراسي الحديقه ولكن الالم كان يمنعني من الوصول لها تحركت برجلي اللي ارتطمت باحد مخلفات الحديقه وطحت بالارض ...وحسيت وقتها بخوف اللي بدى يتلاشي لاني سمعت خطوات بالقرب مني وصوت شخص اللي ظننت نفسي اهوجس بصوت
.............:لجييييين
خلـــــــــــــــــص البارت
ياترى مين الشخص؟؟
نايف وش ناوي عليه بالضبط؟؟
ام عبدالعزيز وش صار عليها؟؟
اكيد راح نعرف بالبارتات الجايه
Part 10
لأنـه غيــر ...
[ كسرني ] بـ جروح ترضي غرور آلغير ? ?
ولأني غـير ...
[ تبسمت ] و جمعت آللي سقط من عيني وقلت :حصل خيـر !!
عند حلا
حلا بصراخ:يماااااا.يماااااااااااا<<وصاارت تصيح
راكان فز من مكانه شكلها كان يكسر الخاطر:حلا شفيك ؟؟خالتي فيها شي؟؟تكلمي شصاير
حلا تبكي:ايه ابوي ياراكان
راكان:شفيه ابوك
حلا يزيد صياحها:ابوي طق امي ياراكان طقها ....... وسمعته باذني وهو يطقها آآآآه يماااا
راكان بعصبيه:متى بيتوب هالحقيييير
حلا تبكي:انابروح لعبدالعزيز كله مني كله مني انا ....انا اللي تركت امي لحالها بالبيت عند ابوي وربعه انا السبب
راكان قرب منها وبحنيه مسك كتوفها:حلا انتي مالك ذنب بالعكس ياحلا انتي اشتغلتي عشان امك وعشان اهلك وبالنهايه تلومين نفسك؟؟
حلاحست باءحراج:انت الحين ارتاح ....انا استأذن
عند عبدالعزيز
عبدالعزيز بربكه:حلاا وش جابك هناا اول مره تجين قسمي خير فيه شي؟؟
حلا تبكي:يا عبدالعزيز ابوي
عبدالعزيز:وش فيه ابوي درى عنك
حلا:لا طق امي وانا كنت اكلمها تهجم عليها بالغرفه وبعدها راح صوتها ولاسمعت شي
عبدالعزيز:لاحول ولاقوة الا بالله امسكي هذامفتاح السياره دقي كرتك وانا بعد بستأذن
حلا:زين انتظرك لاتبطي
.................................................. ..........................................
ألًمٌ ..؛ ألمٌ .. ألمٌ !
يُتضَاعفٌ كلُ يومٍ ..
و كلّ صَباحٍ أبتسُمْ بِغيضٍ..
لعليّ أوُهمْ نفَسيْ ..
أنْ اليومَ سيكونٌ أفضلٌ مِنْ مَا مضَى !
بيت ابوخالد
رغد:يووووه اخلصي عاد مرام ماصارت مانبي نتأخر شوفي الساعه كم
مرام:زين اطلعي انتي شوي واجيك
رغد:اووف منك طيب
<<طلعت للحوش ولاول مره لمحت جارهم الجديد سعود تغطت وطلعت ..احترمت موقفه اول ماشافها لف جسمه كله وخلاها تطلع
السواق هاري بعصبيه:مدام رقد انا برا هنا واحد ساعه يستنى كلاس ادخل جوا انا مايبقوا وصل انتى<<مدام رغد انا لي ساعتن احتريكم برا خلاص مانيب موصلكم
رغد بترجي:خلاص هاري هذي اخر مره معليه بس هالمره ودنا
هاري بصراخ:هذي اخر مره انا ينتظر برا
هنا طلع سعود وبعصبيه:خير انشاء الله وش عندك صوتك طالع بكل مكان هاا
هاري ارتاع خاف يعلم عليه وينقطع رزقه:لا بابا انا كلام هوا سوي تأخير
سعود:لاوالله وانت وش شغلتك هنا ماهوب سواق؟؟
هاري:الا بابا بس دايما مدام رقد سوي تأخير
سعود:احمد ربك انك داخل السياره والسياره بها مكيف وبعد نهاية الشهر راتب اكل شارب وبعد لسانك ياطووله ...هالوضع ماينسكت عنه انا لازم اكلم بابا<<تعمد يقولها
هاري بترجي:لا بابا انا مسكين بتشا في هند يستنى فلوس هرام بابا مافي سوي يقطع رزق
سعود:لأاحول ولاقوة الا بالله هذي اخر مره
هاري:انشاء الله بابا
بالسياره~
مرام:اقول رغيده شفيه جارنا مع هاري وش عندهم؟؟
رغد:هالخبل هاري هاوشني ونتف صوفتي سمعه جارنا طلع رجالن ا جودي وعطاااه هوشه محترمه
مرام:ياحليله والله واضح انه ولد ناس
رغد خزتها:هييه انتي تراه اصغر منك
مرام استاءت من نظرة الناس لها وهالمره مواي ناس
رغد حست انها قالت شي غلط وداست على جرح دفين:انا اسفه مرام ماقصدت والله
مرام:لا ياخيتي حصل خير
.................................................. ...............
وأقول للعالم أحبـك .. أحبـك أنا أحبـك
ويسعدلي مسا هالحـب . ويسعدلي صباحة
بيت ابو نايف
نايف طالع جواله لقى رقمها ..آه من رقمها وشلون ماتبوني ارد وانا لاشفت رقمها رد لي كل ذكراها..غصب عني رد اصبعي وغصب قال الصوت الو:الووو
شادن:هلا نايف شخباارك
نايف بقلبه تسأل عن اخباري وبكرا بخطب غير اللي تمنيت ياشادن :تمام وانتي؟؟
شادن تنهدت وصارت تبكي:اشتقت لك يانايف
نايف:ماهوب كثري ...بس ليش سويتي معي كذا ليش صدقتي فيني
شادن:غصب عني يانايف حكمت عاللي شفته بس قلبي مصدقك وربي
نايف:حصل خير ياقلبي ..اليوم حدي موفاضي لارجعت الصبح كلمتك
شادن:نايف متاكد ان بقلبك مافي شي علي؟؟
نايف:مشكلتي لاسمعت صوتك انسى كل شي ولا ابي شي سواه
شادن:والله العظيم احبك
نايف:ومهما صار ماراح تصدقين فيني
شادن:مستحيل بعد اللي صار يانايف اشك فيك
نايف"طيب اجل انا بسكر فمان الله
شادن:مع السلامه
ريم:احم احم
نايف:بسم الله وش تبين
ريم:تحبها؟؟
نايف حك راسه ورفع حاجبيه:هذي المشكله ياوخيتي
ريم:طيب ليش ياخوي وافقت على عبير؟
نايف:لاتجيبين طاريها هذي موكفو تجيبين لها طاري
انا يوم وافقت عليها ابي اثبت لامي شي واحد وبس
ريم:اللي هو؟؟
نايف ارتبك لان خواته مايدرون بسالفة الحمل والخرابيط:هاه لاولاشي...الا وين ديم؟؟
ريم:بتروح لشادن وبترجع قبل اذان المغرب
نايف :عسى ماتقولها شي عن سالفة عبير
ريم:لامااتوقع انا حذرتها كم مره
نايف:اشوه الحمدلله
ريم:للحين موفاهمه ليش ما رفضتها دامك ماتبيها
نايف:بعدين تعرفون ليش لاتستعجلون كل شي راح يبيّن يوم الاثنين
ريم :براحتك
<<ياترى وش مخبي ذاك اليوم ؟؟
.................................................. ........................
تدرٍيُ وش اليُ فييييگ شدّ انتبإ‘هيُ , !
آنگ تسوِي نفسگ عَ النييييييهُ / :
.......... وٍآنتُ ملععععونُ
بيت ابوراكان
صبا بقلبها لالالا مانيب داقه الحين يحسبني من هالبنات القذرات صعبه..بس هو سوى الحادث بسبتي وانا داقه اطمن ماراح اسوي شي غلط ومحد راح يدري..وين الجوال خلني اكلم اعرف نفسي مستحيل اسوي شي غلط
صبا تدق ..وريان من شاف رقم غريب طار من الفرح حس انها هي
ريان يمثل التعب:الووو
صبا كسر خاطرها:الوو السلام عليكم ..انا
ريان عرف صوتهاويمثل الالم :انتي شنو انتي الحب اللي ضاع مني انتي الي خذيتي قلبي ويمكن كلها كم يوم وتكونين خذتي روحي وضيعتيها فيك
صبا استحت كلامه غصب يحرجها وقته هاللعانه:آآ ريان انا داقه عشان اطمن عليك
ريان:ليش اهمك؟؟
صبا:........
ريان:وش تفسرين سكوتك؟؟
صبا:مو سالفة اهتمام ...انا ياريان حاسه بالذنب كل ماجيت فبالي اقعد اصيح كل ماتذكرت الحادث اللي انحطيت فيه بسببي احس بالذنب احس بخنقه
ريان يمثل التعب:آآآآه
صبا بخوف:ريان شفيك؟
ريان:بعدين اكلمك لاني موقادر انطق ولاحرف ان مت سامحيني وسميني شهيد حبك فمان الله
سكرت صبا وصارت تصيح
ريان:هههههههههههههههههههههههههههه قلتلك ياابو الشعول راح اجيبها
مشعل:وانا قايل انك ذيب
ريان:هههههههه لايفوتك صوتتها وهي مخترعه الييييم
مشعل:يعني سويتها وطيحتها
ريان:افااا عليييك خلاص قربت للي ابي اوصل له
مشعل:كفووو والله كفووو
فِي ّهآلزٍمَن صَآرٍ ـآلوٍفآ بآلنآسْ .. ~
.......... مبدأ . . | | منعَدم | | . .
وِفيّ هآلزٍمن . . صَآرٍ آللعبْ بعيوٍن بعض . .
.......... |{ مرٍجلّه ..!
عند راكان بالمستشفى
صار يفكر بحلا واللي صار معها ...شكثر حقد على ابو عبدالعزيز اللي هدم فيهم كل شي من طفولتهم وحرمهم من كل شي حلو بحياتهم..قطع تفكيره رنة جواله ....ومن غير مايطالع رد
راكان :الووو
حنان :هلا راكان شخبارك؟؟
راكان تضايق من الصوت اللي سمعه:نعم
حنان انصدمت من رده:راكان انا رحت لبيت عمي
راكان مومعها يفكر باللي صار قدامه قبل شوي
حنان:راكان تسمعني؟؟
راكان:ايه اسمعك
حنان:رحت لبيت عمي وقلتله عن اللي صار بيننا
راكان:اهااا يعني دروا انك .....
حنان حست باءهانه:لاموكذا ياراكان تخيل الناس قامو يطعنون بشرفي ماقدرت اتحمل رحت لعمي وقلتله ان السبب في طلاقنا كان عمل
راكان :وش عمله؟؟
حنان:عمل تفريق بيننا
راكان:كالعاده كذبتي
حنان كلامه دايم يجرحني ويصيبني عالجرح:ايه ياراكان اضطريت هالمره
راكان :طيب وليش داقه تقولين لي دامك سويتي اللي تبينه
حنان: قلت اقولك عشان لاسئلك عمي تكون عندك خلفيه
راكان:اهااااا طيب عموما انا ماعندي وقت وبسكر... فمان الله
<<سكر من هنا وقام من فراشه:خلني الحق عليهم يمديني
.................................................. .......................................
حبك جريمة والجزا سجن الأشواق
............سجني مــؤبـــد بـس صـوتــك زيــــارة ..!
بيت ابومشعل
شادن :بدري ديوم وين رايحه؟؟
ديم:معليه شدون اجيك مره ثانيه امي قالتلي لااتأخر
شادن:تكفين اجلسي شوي زهقت من الجلسه بروحي
ديم:ليش وين رزان؟؟
شادن:تعرفين مااتأقلم معها وهي ماهمها الا الكوره والباسكت بول اووف شي ينرفزز
ديم:اهاااا<<طلعت ديم الجوال وصارت تقرى رسالة ريم يللا لا تتأخرين
ديم:ها شفتي هذي ريوم مرسله لاتتأخرين
شادن :ليش وش عندكم اليوم؟؟
ديم وهي تطالع جوالها وبدت تخور بالكلام:اليوم خطبت اخوي نايف
شادن بققت عيونها:وشوو شقلتي؟؟
ديم اللي لعنت نفسها الف مره ومره:هاه... آآآآ لا يابنت الناس امزح وانتي أي شي تصدقينه وش بيكون عندنا يعني ؟؟ هذا وش اسمه ايه اكيد زواج من زواجا ت امي وتبينا نروح معها
شادن قلبها نغزها السالفه بها إن:متأكده ديم؟؟
ديم:هاه ايه متأكده مومصدقتني يعني اكذب عيك انا؟؟
شادن:تيب خلاس سدقتك
ديم:يللا باي
شادن:باي قلبوو
<<وتركتها بحيره تحل معادله مالها أي تفسير
شادن تكلم نفسها :اكلمه ؟؟....لالالا بس وش اسوي اشتقت له ..لاخلني اتصبر مامرت ساعات ...بس ياترى وش قصة ديم وحكيها اللي تو؟؟
.................................................. ...........................
بيت ابونايف
الجد راشد:دام الولد يبيها على بركة الله هذ ا الغالي ولد الغالي اول فرحه
ابونايف:اتفقت مع الرجال عقب صلاة المغرب
الجد راشد:ايه بس الولد للحين ماخلص دراسته؟؟
ام نايف تتدخل:صح كلامك ياعمي حنا اتفقنا مع المره بهالخصوص الحين بس خطوبه وبعدها يخلق الله مالا تعلمون
الجد راشد:ايه زين اجل على بركة الله ..ألا قلت لاختك
ام نايف تجاوبه باءرتباك:دقيت على رحمه بس ماردت
الجدراشد:اكيد انها مشغوله معليه يكفي حنا
.................................................. ..........................................
اجمل هندسه بالكون هو ان تبني جسر من الامل فوق نهر من اليأسْ~
بيت ابوعبدالعزيز
حلا تقوم امها وببكا:يمااا يمااا تكفين ردي علي
عبدالعزيز:شوفي حلا فتحت عيونها
حلا تأشر باصبعها:يمااا تسمعيني؟؟
ام عبدالعزيزتكح :اكح كح كح وبصعوبه :ححح للل اااا
حلا تحب راسها:ايه يماا شلونك الحين؟؟
ام عبدالعزيز: الحمدلله احسن
عبدالعزيز:قومي يما خل نوديك المستشفى
ام عبدالعزيز:لا الله يرضالي عليك ياولدي مستشفى لا
الا وين ابوكم
عبدالعزيز:وهذا يما يتسمى اب حسبي الله ونعم الوكيل فيه
ام عبدالعزيز:لا ياولدي لاتقول كذا على ابوك هذا يظل مهما صار ابوك
عبدالعزيز يضرب على صدره:مااصير عبدالعزيز اذا ماطلعتك من هالبيت
حلا:طيب وش السواة ياعزوز؟؟
ام عبدالعزيز:لاياولدي اللي ماله خير بداره يقل مقداره وانا امك
.................................................. ...................
بالمستشفى
عهود بخوف:دكتور دكتور
الدكتور :خير عهود في شي؟؟
عهود:دكتور مريض غرفه 114 مو موجود بغرفته
دكتور عمر:نعم؟؟وينو لاكان؟؟
عهود:ممااادري دكتور سالنا عنه بكل مكان محد شافه الظاااهر <<وسكتت
دكتور عمر:الظاهر شوو؟؟
عهود بأسف:الظاهر هرب من المستشفى
الدكتور يمسك راسه:شو هالحكي لاحول ولاقوة الا بالله
بالنادي
لجين<<مسكني هالشخص من يدي وانا مومصدقه اعتدلت على رجول وحده ورفعت عيني وطاحت بعينه....واصاب العيون الذهول اللي لطالما حلمت انها تلتقي بشخصه
قالها بوله وانا اللي دايم احلم انه يقول اسمي:لجين؟!
لجين:
جماااال؟؟ وش جابك هنااا؟؟<<طلع السواق
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك