رواية love to be loved by you -13
جماااال؟؟ وش جابك هنااا؟؟<<طلع السواق
احم امزحــــــــــــJ
لجين :خــــــــــــــــــــالد!! وش جابك هنا؟؟
خالد بغزل:جابني الشوق والوله عليك
لجين حسيت باءحراج:انت من متى هنا؟؟
خالد:من دخلتي للنادي <<وعم الصمت
خالد بألم يقطع الصمت:لجين صدق اللي سمعته؟؟
لجين :وش انت سامع؟؟
خالد:انك بتسافرين؟؟وتتركين قلبي اللي بيموت من الفرقا..
لجين وطت راسها:خالد تكفى طلبتك لاتقول كذا
خالد:تخافين علي؟؟
لجين بقلبها احد مايخاف على روحه:آآ ماادري
خالد ابتسم :احب حياك اللي زود يحليك....الا بتطولين هناك؟؟
لجين:لا يمكن حوالي سنتين
خالد بقق عيونه:دهرين ؟؟...انتي مستوعبه حجم الكلام اللي قاعده تقولينه على قلبي قوليلي وش مصير هالقلب لامنك رحتي؟؟هاك قلبي يعتذر لكل وحصل مني خطآ والسموحه يااغلى من عرفت لوجرحتك يمكن الليله اموت
لجين هنا رجعت دمعت عيني:لاياخالد قلبك بيعيش ويمديك بهالفتره لابغيت تنساني تنساني<<تعمدت اقول هالكلام ابي اعرف مشاعره قبل لااروح ابي اعرف موقعي بحياته
خالد:حشى وان قسى وجار الوقت والله مانيب ناسيك لو يشيب راسي
<وبدت تمطر خفيف والجو بدى يبرد
خالد فصخ جكيته وحطه علي
لجين:لا ياخالد الحين تاخذ برد
خالد:خل ياخذني اللي ياخذني..ولاياكل قلبي الخوف عليك
لجين:خالد تكفى روح لحد يشوفك
خالد ماهتم لكلامه وقال السؤال اللي بخاطره يجول ويبي يعرف له اجابه...وصوته اختلط بالبرد :لجين تحبيــــــــــــــني؟؟
لجين:..............
خالد يعيد يسالني وصوته يعتلي:لجين تحبيييني جاوبيني ارحمي حالي
لجين اكتفت بهز راسها
خالد رفع يده للسما:الحمدلله الحين تطمنت...لجين اذا حبيتي غيري طلبتك لاتنسيني ...ووعد اول ماترجعين لااخطبك من اهلك عسى ربي يبلغني ذيك اللحظه
لجين تسللت دمعه غصب عني من محاجر عيوني:خالد وش هالكلام ...والله والله لو شفتك تضحك مع احفادك مانسيتك
خالد بشوق وصوت مبحوح مسك يديني:قولي آمين ياعسى غيري مايتهنى بك دقيقه .....ويزيد شوقه :تعالي محتاج قربك لاتضيعيني خذيني من الصمت والحرمان والضيقه محتاج قربك حيل يانظر عيني
وبعدها صار يطالع بعيني:عهدن علي وناقض العهد خوان منساك لين الجسد يرقد بقبره ..انتي لو رحتي للقبر خاويتك واكتب على قبري عاشق ماتخلى عن محبوبته حتى في قبره ...ومد لي ورقه كنت بقراها ولكن
خالد:لاتقرينها الحين اقريها بعد اسبوع من الحين
لجين مافهمت ليش ولكن قدرت رغبته :انشاء الله انا بروح فمان الله<بعدت عنه ...ونسيت وجع رجليّ ومالقيت نفسي غير هاويه عالارض مره ثانيه
خالد بندا :لجين
لجين نسيت وقتها اصلا اني طحت عالارض:لبيه
خالد من بعيد وصوته خالط صوت الرعد العآلي وكان اعلى منه ووصلني:لجين ..انا
احبـــــــــــــــــــــــــــــــــــــــــــــــ ـــــــــــــــــــــــــــك
ركض علي وقومني من الارض وطحت بأحضانه الي بها كل الدفا وبالحشا كل الحنان ....حرق قلبي من انفاسه ....وصوت زفيره آلم قلبي وصدري بكى وقتها من وداعه...آه ياخالد لو بيدي العيشه كان اخترتها وياك وبين احضانك طول عمري الباقي
خالد :اسمحيلي ماهوب بيدي وش حيليتي لاصارت الضلوع تشتاق للضلوع والقلب يشتاق لنبضاتك...انا بروح صحيح وبدعي ربي انك تعيشين طول العمر بسعاده ..بودعك والقلب واللي خلق فيه الحياه ماهو بناسيك...الله معك
وبعدها وقفني على رجلي واتبعها بكلمة:ارفقي على روحي ولاتأذينها <<كان يقصد روحي
وبعدها صرت ابكي وامسح دموعي وصرت اراقبه حتى اختفى عن ناظري واختفيت عن ناظره <<الحب حرفين
ح:حيره عند اللقآء!
ب:بكآء عند الفرآقْ~
ممنـــو ع آحب غيركـ لآن الحقيقـہ ...؟
مـــآفيه ـــہ آحد يســو ىآ يجي في مكآنكـ....~
تصدق من كثـر مآأحــبكـ « « وصلت لـحــآلـه الأدمــان« « «
In Canada
بدر:حبي رادا ماخلصتي؟؟
رادا:الا هذاني خلصت..امم بدر
بدر:نني عين بدر آمري
رادا تغيرت ملامحها:مدري بدر شقولك بس حاسه بضيقه
بدر:اسم الله عليك ياقلبي
بدر حوطها بيدي:تعوذي من ابليس ووخري عنك هالهواجيس ..ترا اغار لامن شغل فكرك غيري حتى لو الضيقه
رادا:مايشغل فكري وبالي سواك
بدر طبع بوسه على خدها:فديتك انا كلك...يللا مشينا
رادا:يللا
<<طلعو من هنا وكان قبالهم زينه وسوزان توهم راجعين من الدجاله خالة زينه
رادا باءبتسامه:السلام عليكم كيفكم ياصبايا؟؟
سوزان انربط لسانها ودزت زينه:آآآ الحمدلله نشكر الله
رادا:الحمدلله انا استأذن حبيباتي تآمروني بشي؟؟
زينه:نو سلامتك
زينه سحبت نفس عقب ماراحوا:شو في سوزان شو بك مارديتي ماحكيتيلك شي كلمه
سوزان:مابعرف
شو حصل انربط لساني ماعرفت احكي ولاكلمه
زينه:ايه بكرا ازاشفتي النتايج كل اللي بقلبك راح يطلع ويفش غلو
سوزان بضيق: ضميري ماعم يهدى يازينه بحس اني غلطت بحق هالمخلوقه
زينه :اووه سوازن لك حفظت هالموال لك العمر مره ياهبلي ولازم تعيشي حتى لوكان على حساب غيرك انتي ازا اتالمتي ماحدن بيحس فيكي سو ماتعطي لنفسك مجال حتى انك تفكري بغير نفسك سدقيني
يايمه هو مو داري (( اني ابيه ))
واني لين اليوم (( احبه حييييل )) واغليه .. ونفسي يرد واشوفه الحين ..
وياليت اسمع ولو صوته .. واظن صوته بيبكيني
بيت ابوعبدالعزيز
عبدالعزيز:قلتلك يما شقه مفروشه يعني شقه مفروشه
ام عبالعزيز بنفي:لاياولدي الله يرضالي عليك حنا المصروف يالله يكفينا
عبدالعزيز:يما لازم نطلع من هنا حتى لو اضطر اشتغل كل يومي ولااشوف الذل لحظه بعيونك
حلا:وابوي ياعزوز لو درى بيفضحنا عند هالعالم
عبدالعزيز بحزم:اسمعي ياحلا ضبطي اغراضك واغراض الوالده واغراضي وانا رايح ادور لكم على شقه عطوني ساعتين وشوي اكون عندكم اكلم واحد من الربع اذا يقدر يساعدني واذا تحسنت الاوضاع آخذ لك يما شقه على قدنا
شوي الاانفتح الباب وكان خلفه
.......................
:لاياعبدالعزيز بيتنا هو بيتكم
حلا اول ماشافته تغطت واختبصت احوالها
عبدالعزيز بصدمه:راكان؟؟
راكان:يللا عبدالعزيز ياخوي سو اللي اقولك عليه الملحق مافيه احد وانتوا اولى به من الغريب
عبدالعزيز:لاياراكان مانبي نكون عاله على احد
راكان:افا ياعزيز ياولد الخاله هذا كلام
عبدالعزيز:تعال قبل انت وش مطلعك من المستشفى؟؟
حلا تذكرت :أي صح بكرا انت موعد خروجك من المستشفى
راكان تجاهلها قرب من خالته وحب راسها:ماتشوفين شر ياخالتي
ام عبدالعزيز:الشر مايجيك ياولدي
راكان:الكلمه لك ياخالتي الحين يهون عليك تروحين دار غرب وبيت اختك مفتوح لك وكل اللي فيه يبونك وسطهم؟؟
ام عبدالعزيز:لاحشى ياولدي
راكان:اجل يللا ياخالتي جيبوا عفشكم وتعالوا عندنا البيت بيتكم
عبدالعزيز:لحظه راكان ترى راح نجلس باءجار
راكان:وش ذا الحكي انت انجنيت
عبدالعزيز:راكان تكفى قدر وضعي وموقفي
راكان:زين يصير خير انتوا تعالو وبعدين نتفاهم
<<هنا وقف راكان تذكر انه صعب يحط عينه بعين ابوه اللي زعلان عليه شلون بروح البيت ..صد وراه لقا خالته اللي وجهها ملاه الشحوب من الظيم اللي ذاقته وبقلبه :لجلك ياخالتي كل شي يهون
.................................................. .........
الجفـا : كـ الحقن المخدره
يميت القلب ، يسم البدن ، يبلد الاحساس
ويروج في الخفـا
ولا يراالناس فيك سوى الجريمه! =/
بيت ابومازن
مازن:جمانه السالفه موكذا
جمانه <<أللي هي اخت مازن:اجل شلون عرفتها يااخوي؟؟
مازن:شفت لها صوره واعجبتني
جمانه:افا يامازن وقتها ماخفت ولاتذكرت ان ممكن احد يشوف خواتك ليش يامازن سويت كذا؟
مازن:جمانه انا شفتها بالصدفه وحبيتها ماكان قصدي سوء وبعدين انا نويت اخذها على سنة الله ورسوله
جمانه:اسمع يامازن غير سالفة انها مومن ثوبنا ..هي كانت تكلمك صح؟؟
مازن:ايه كانت تكلمني ومازالت بس ياجمانه هي غير عن كل البنات غير
جمانه:دام كلمتك يااخوي كان ممكن تكلم غيرك بلحظه لعب عليها الشيطان وكلمتك ولو واحد غيرك بعد كان لعب عليها الشيطان وكلمته انا يااخوي ماابي اشك بأخلاقيات البنيه الواحد بهالدنيا يدور رضا اهله امه وابوه اذا اخذتها بتكون خسرت رضاهم ..انا ماادري شلون راح تتحمل نظراتهم لك
مازن:جمانه حاولي تفهميني انا احبها ياجمانه احبها
جمانه:فكر بكل كلمه قلتها لكم وتقول انها تطلقت عشانك بكرا تطلب منك الطلاق عشان غيرك ..خذ لك وحده وانا اختك محد شافها غيرك ولاقد كلمت غيرك ولاتعرف الا انت
مازن يفكر بكلامها:لالالا مستحيل اصلا محد بهالبيت حاس فيني
شفته وقف وطاحت العين بالعين
ودي اسولف بس مامن ميــــانه
بيت ابوراكان
صبا:لووقي صمخا ماتسمعين الجرس
لجين تفكر بخالد للحين ببالها:هااا الا اسمعه وبعدين ياقليلة الحيا والمستحا انا اختك الكبيره ورى ماتقومين انتي ..اووف امري لله
<<راحت فتحت الباب وبفرح
لجين:راكااان ..خالتي حلاووووي يالله ان تحييهم ياعيني ياعيني والله انها احلا مفاجاه
ام راكان سمعت حس اختها:هلا هلا بوخيتي ياالف مسهلا والله تومانور البيت وتبارك
ام عبدالعزيز:منور فيك ياوخيتي باهله وسكانه
راكان يوخرها عنه :ههههههههه خلاص عاد ذبحتينا ضم
لجين:شسوي اشتقت لك يالدب
راكان:ههههه مايوحشك غالي ياوحشه
اما عند حلا اللي تراقبهم من بعيد بقلبها:حظك يالجين باحضان من بغيته وحلمت بأحضانه اللي انحرمت طول العمر منها
لجين تقرب من حلا:اشتقنا لك يالقاطعه اشوف الوظيفه اشغلتك عننا امبييه بكرا لاجبتي عيال بتنسينا مره وحده
حلا بصوت واطي :لاموكذا
راكان يتدخل:الصراحه انا اشهد شغلها ميه ميه
لجين:ااكشخ اكشخ يادختووووره
حلا:لامودكتوره نيرس
صبا بفهاوه وبيدها حلاو:وش معنى نيرس
لجين تضربها:لاعاد هذي قويه تقعلي من قدامي فضحتينا اجل وش معنى نيرس هااا
راكان بصوت عالي:ياجماعه اسمعوني وش بقول اول شي الحمدلله على سلامتي<<وابتسم و من ابتسامته بينت غمازاته من جهه وحده ضحكته حكايه ذوبت قلوب ذابت في سما ابتسامته
راكان:ثاني شي رحبو بخالتي وعيالها لانهم بيسكنون عندنا بالملحق
عبدالعزيز اللي دخل اما لجين وصبا دخلو عشانهم يتغطون عنه
عبدالعزيز:بس ياخالتي ترى اتفقنا اننا راح ندفع ايجار
ام راكان:ويه ياعيبه وش هالحكي ياعزيّز
راكان يغمز لامه:وحنا وافقنا
الكل:هههههههههههههههههههه
ام راكان :الا بوعزوز يدري؟؟
عبدالعزيز:لاخالتي اصلا هو السبب بنقلنا هذا يوم كنا بالشغل مد يده على امي والحمدلله لحقنا عليه
ام راكان تضم اختها:لاحول لاقوة الا بالله حسبي الله ونعم الوكيل فيه حياك ياوخيتي البيت بيتك
~ يخلف الله على عقل [ ن] ملكت كل تفكيره ْْْ ْ
بالمستشفى
بدر شاق الحلق:ها بشر يادكتور الجنين كيفها احواله؟؟<<الدكتور الاجنبي اشر لرادا بالخروج من الغرفه مستأذننا منها وكمل حديثه مع بدر مما زاد الخوف وأكد الضيقه اللي صابت رادا لايكون ولدي فيه شي
طلعت جوالها ودقت:الوو هلاميس<<ميس اخت بدر
ميس:اهننن اهنن كيفك ردود
رادا:هههههههههه حلوه ردود تمام الحمدلله
ميس:وينك فيه؟؟
رادا:بالمستشفى
ميس:اييه اخبار الجنين؟؟متى بتولدين
رادا:انشاء الله انه زين هههههههه وبعدين تعالي يمكن توني بالشهر الثاني بقى عالولاده مستعجله يمدحون الركاده
ميس:يوه يعني بنتظر كثير لين ماتجي ميوس الصغيره
رادا:ههههههههه وانتي على كيفك من قالك بسميها ميس هههههههههههههههه
<<شوي الا لمحت بدر من بعيد وملامحها متغيره
رادا:حبيبتي اكلمك بعدين جا بدر مع السلامه
رادا وهي خايفه:بدر شفيك؟؟شقال الدكتور؟؟ توني كنت اسأل عنك وافكر قولي شصار
بدر بقلبه :يخلف الله على عقل ملكت كل تفكيره و بضيق:............................................. ...................
.................................................. .......................
تـدري آإيـش ه?آ آإصعب سؤآل
?يجي مِ بععععدهـ آإلف علآمــة آسستفهـآإم . . !؟
[ ممـآإججـد آلمهندس لممـن يق?ل ]
لـييـه آنـآإ مششتآق ?آنـآ تآر?? : (
بيت ابو ابراهيم
ابوابراهيم ابوعبير:هذي الساعه المباركه والله مرحبا والف مسهلا تومازارتنا البركه
الجد راشد :ساعتك ابرك<<واشر لولده يتكلم
ابونايف:الصراحه يااخوي حنا جينا نخطب بنتكم عبير لولدي نايف على سنة الله ورسوله
ابوابراهيم :هذي الساعه المباركه لنا الشرف والله نناسب حفيد راشد ال......
الجد راشد:هذا من طيب اصلك ياولدي هذا ولدنا الكبير ودكتور العايله وبقا له كم من سنه يقضيهن وبعدها يعرس على بنتكم
ابوابراهيم ماصدق على الله يلقى مثلهم نسايب:ههههههههههه افا عليك يابو عبدالله البنت بنتكم
الجد راشد بهياط:ايه وابي ازيدك من الشعر بيت ترى حنا ناس لنا اسمنا بالديره ومكانتنا واذا تبي تعرف عننا زود مستشفى ال........... لنا وانشاء الله وظيفة الولد بحلال جده<<ماتذكرت هياط احد
ابوابراهيم ماصدق يحسب تشابه اسما:قلتلك يابوعبدالله البنت بنتكم
نايف بقلبه :صدق الفلوس تغير النفوس
نايف:اقول ابراهيم الاثنين عندك شي؟؟
ابراهيم :لاوالله فاضي تامر على شي؟؟
نايف:الصراحه عندي خوي منوم بالمستشفى وحاب اعرفك عليه ومنها بعد مانزوره نجلس لنا بمكان نسولف فيه ونتعرف على بعض اكثر ها شقلت؟؟
ابراهيم:حاضرين للطيبين ابشر
نايف:تسلم ياشنب عساك سالم<<نايف بقلبه قربت ساعة الحقيقه كل شي رح يبين على حقيقته..وطول الوقت يفكر بشادن اللي ماكلمها اليووم ابد وتاركها<<يعجبني الساحب
.................................................. ..................
عند الحريم
ديم تهمس لريم:وع وع شوفي وش لابسه هالهيقليه مدري شلون بتصير مرت اخوي ويييييع
ريم تهمس لها:انطمي وبعدين ماهيب مرته نسيتي كلام نايف صح مدري وش ناوي عليه بس مستحيل يتزوجها وهالكلام على لسانه قاله
ديم بصوت عالي:اقول عبير وش تدرسين؟؟
عبير:تسويق
ديم:وع
ريم تدزها:ماشاء الله الله يوفقك
ام رياض:ياهلا باام نايف تو مانور بيت اختي
ام نايف من غير نفس:منور باهله
ام رياض:والله ياام نايف محد ترى غصبكم اييه هذا كله من سوايا وليدك حسبي الله عليه
ام نايف:ايه موهذا اللي مصبرني
ام ابراهيم جت:هلا والله ياام نايف اسهلت وانورت واستهلت وامطرت
ام نايف من طرف خشمها :هلا بك زود<<وكملوا بعدها سوالف الحريم
.................................................. .........................
إنت ، ماتقدر تحب غيري وأنا " "
............................ ( قدرت ) ! ~ لو نويت أحب غيرك ما
بيت ابوراكان
لجين :روحي شوفي من ماتسمعين التلفون يدق
صبا:يووه اقول اذلفي لوقي مانيب فاضيتلك لااطلع فيك ام العبيد
لجين:اخ تفوو كوووره
لجين :الوو
بصوت رجولي يهز:السلام عليكم
لجين وقلبها يرقص تقل عرس:وعليكم السلام
خالد:شخبارك ياغلاي
لجين :تبي طلال؟؟
خالد:تمنيت اسمع صوتك قبل لاتروحين والحمدلله اني سمعته...تدري وش بيدي الحين؟؟
لجين:........
خالد:بيدي منديلك اللي تركتي فيه ريحتك...ودعتك الله ياحب زلزل كياني ..تنهد:عطيني مبرر الضياع وهمي اللي ماغفى والضيقه اللي كل مااخفيها ترجع تبين واعطيك قلب لاسالته عنك تأتأ واكتفى بالخفقه اللي لاخطرت في بالي تشتاق وتلين
لجين <<نوكومنت وقتها قزّحت من كلامه ياملح حكيه وياملحه
خالد حس عليها:صوبك طلال؟؟ دقيت عليه ولا رد اذا ماعليك امر تشوفينه لي؟؟
لجين :دقيقه ....صبووه وصم
صبا:هااااا
لجين :هوا ينفخك كثر مانتي منفوخه وين طلال؟؟
صبا تتثاوب :اظن نايم
لجين تبي ترميها بعلبة الكلينكس:سكري بوابة الراشد هذي
لجين :الووو ..والله طلال نايم تبيني اصحيه لك؟؟
خالد:لاياالغلا مشكوره لاهنتي...كنت بقولك اني بذوق الظيم بغيابك كل هالسنين واني باقي على وعدي بخطبك اول ماترجعين وبنتظر ذيك اللحظه لين تجي واعيشها وياك ياعساني الحقها
لجين وقتها طارت من الفرح اصلا يكفي صوته اللي جدد فيني الفرحه
خالد:قبل لااسكر ابي اقولك اذا حبيتي غيري ترى مسموحه بس طلبتك ويمكن للمره الثانيه لاتنسيتي واعرفي اني انا للقبر مو ناسيك
لجين وعينها دمعت:انشاء الله
خالد:فمان الله بحفظ اللي عينه ماتنام
لجين :مع السلامه
<<جلس خالد حاضن الجوال ويفكر وقطع عليه تفكيره عبداللطيف
عبداللطيف:خالد وينك ساعه ادورك
خالد :كنت بكلم طلال نايم الاخ هذا اللي متفقين معه امس
عبداللطيف:ماتعرف طلوول يللا امش سرينا<<ركبوا السياره
عبداللطيف:خلووود
خالد مومعه ابد
عبداللطيف:خلووووود اكلمك
خالد:هاه اسمعك وش تقول
عبداللطيف:وش هاللي بيدك؟؟
خالد بحالميه:منديلها
عبداللطيف:لاياشيخ؟؟
خالد:وربي ياخي مدري شصار فيني حبها لعب بحسبتي لخبط احوالي
عبداللطيف:اقول فضها سيره وحنا كل ماجبنا هالطاري قلبت عبدالحليم حافظ ...اسمع هالتحدي تتحداني ارقص السياره؟؟
خالد :اقول اركد بس من جدك مهبول ...منت صاحي
بداللطيف: اقول يبوو خلك قد التحدي وقول اتحداك
خالد بتحدي:اتحداااك
صار يقلب الدريكسون بيده عبداللطيف وكانوا مبسوطين والكل ميت ضحك على ضفاف طريق الكورنيش ..فلتت من ايده الطاره و................................................. ..........
خلـــــــــــــــــــــــــــــص البارت
ياترى شراح يكون مصير كل من عبداللطيف &خالد هل راح نفقد احدهم اوكلاهم وا ماراح نفقد احد؟؟<<تخيلو تطلع وحده من الاعيبي<<يعني اقول يمكن عشان ماانزف
نايف ماذا سيغير يوم الاثنين بحياته؟؟
بدر وش بحوزته من اخبآر ؟؟ووش اللي غير احواله؟
اكيد راح نعرف بالبارتات الجايه
وابي اقولكم البآرت الجاي الجمعه
واي تغيير راح اخبركم فيه اعزائي
وديْ~
Part11
أَحِبكْ ..|
كثر ما أحس بـ شِعُور إني عليك /
أغار
.....ي كثر ما أزيح هـ الغيره عني [ أفكاري ] ولا إِنْزاحتْ
بيت ابو ابراهيم
ام رياض:سالفة البنت هذي شادن ماقضت ورى ماكلمتيها
عبير:خالتي ماترد على ارقام غريبه ابد
ام رياض:اهوو هاتي الجوال انا ادق:امسكي بسرعه شوفيه يدق ياشينه الحلايا
عبير تمثل الدلع:الوو
شادن ينقالها تقززت<<صدق الجمل مايشوف سنامه:الوو هاي مين؟؟
عبير بدلع :شوفي قلبي بقولك كلمتين وبعدها بسكر
شادن :وش تبين
عبير:خلي هالكلام حلق باذانك نايف الحين صار ختيبي وياليت تشيلين عينك من عليه اليوم جا وختبني رسمي من بيت اهلي من بعد علاكه حب بيننا دامت 3 سنوات<<لكاعة حب وانتي الصادقه
عبير:بيني وبينك حبو الحين انا حامل منه بس محد يدري ياليت تطلعين من حياتنا حبوووو
شادن مومصدقه وبهستيريا:اننتي كذاااابه كذااااابه
عبير:ههههههههههه براحتك انا كذابه تيب اهم شي تسوين اللي قلتلك عليه تشاو<<وسكرت
شادن دخلت بنوبة بكا:مستحيييييييل يعني صدق يانايف سويتها كنت احاول ابعد كل الهواجس بس للاسف بانت الحقيقه <<وصارت تبكي
..................................................
بيت ابومشعل
رزان تضرب بالقزاز:آآآآكره العالم اكره النااااس
ام مشعل جت ركض على غرفة بنتها فتحت الباب واصابها الذهول ممارات خلفه..بنتها ايه نعم بنتها اللي شحب لونها وصار تحت عينها سواد كالح ركضت الام المفجوعه على بنتها:يما رزان شفيك؟؟ ليش مسويه بنفسك كذا
زران بهستيريا:وخروا عني اتركوني ماابيكم ماابي احد اكرهكم كلكم
ابي امووت ايه ابيه اموت ماابي اعيش زهقت العيشه...زهقت العيش ..العيش ه ه ه ه ه <<شوي بدى يختفي صوتها وصارت الدنيا ظلماااااااا
وطااحت
ام مشعل بصراخ:رزااااااان
~~~~~~~~~~~~~~~~~~~~~~~~~~~~~~~~~~~~~~~~~
ياالفرح‘ أَبَسْأَلِگْ ! ~»هو حاجزگ. . . . قزاز ؟
يعني بالمختصر~ لو گسرته ~ أَوصَلِگْ ؟
بيت ابوراكان
راكان:يللا عاد تقدرون تطلعون البيت صار بيتكم بكرا وراك دوام يالحبيب
عبدالعزيز:ماهوب بس انا حتى حلا
راكان كشر:لامن قال حلا بتجلس مع خالتي تداريها
حلا بقلبها على كيفه هذا ساعه يمدحنى ويقول ان شغلي ميه ميه والحين اجلس بالبيت على كيفه:لابداوم بشوف اذا يقرون يعطوني اجازه عشان اجلس فيها مع امي في مرضى كثير عندنا بالمستشفى
راكان بعناد :ايه بس امك اولى من هالمرضى ولاانا غلطان
طلال يتدخل ينقاله يلطف الجو:ايه مايخالف ياجماعه ياخبر اليوم بفلوس بكرا يبقى ببلاش
الكل:هههههههههههههههههههههههههه
هنا دخل ابوراكان :هذي اللحظه اللي كان خايف منها راكان ومرعوب منها
ابوراكان اللي له هيبته:السلام عليكم
الكل:وعليكم السلام
هنا تغطت ام عبدالعزيز وحلا بعد
ابوراكان:يالله ان تحي عبدالعزيز شلونك ياولدي شلون ابوك وامك واختك
عبدالعزيز:الحمدلله بخير عساك بخير
طلال:يبا مادريتا
ابو راكان:لاعلمني ياشكسبير
طلال:خالتي مهره وعيالها بيسكنون عندنا
ابوراكان فرح لان هذا كان دايم اقتراحه:يالله ان تحييهم هم اهل الدار وحنا الضيوف
ام عبدالعزيز:عسى عمرك طويل انشاء الله
ابوراكان اللي لاحظ وجود راكان بينهم:الحمدلله على سلامتك ياولد منى
الكل:انصدموا وعم الهدوء اللي بزر فيه انفاس راكان السريعه المتتاليه
راكان وطى راسه وحب راس ابوه:الله يسلمك يبا
ابوراكان يرفع راسه:انا قلت ولد منى عشان ترفع راسك ماتوطيه
راكان انحرج :انشاء الله يبا....انا اترخص<<وتوجه للباب
ابوراكان بحده:راكااان
راكان وقف:لبيه
ابوراكان:انا عاهدت نفسي ماتنام عيني الا وعيونكم نايمه قبلي وين بتروح اذا مانمت ببيت ابوك؟؟.... وين بتنام؟؟
راكان:................
ابوراكان:اطلع وانا ابوك لدارك ونام فيه واخزي الشيطان واعرف وانا ابوك ان العلوم وصلتني وقلبي رضا عليك لوكنت قايلن لي كان لنا حكي ثاني رح الله يصلحك انشاء الله <<قرب راكان من ابوه ودمعت عينه حب راس ويد ابوه<<كان مشهد يقطع قلوب من رآه ...دمعت له عيون كانت تتمنى لقاء اب حنون عطوف مثله...تجرحت قلوب بالخناجر تفتقد الرحمه والعطف والمأوى والراعي اللي للاسف لاهي بشربه عن فلذات كبده
حبيبي مــــــــــــــــــــــــــــــــــآت يايمهـْ~
عند خآلــــــــــــــــــــــــــد
عبداللطيف:خلووود
خالد مومعه ابد
عبداللطيف:خلووووود اكلمك
خالد:هاه اسمعك وش تقول
عبداللطيف:وش هاللي بيدك؟؟
خالد بحالميه:منديلها
عبداللطيف:لاياشيخ؟؟
خالد:وربي ياخي مدري شصار فيني حبها لعب بحسبتي لخبط احوالي
عبداللطيف:اقول فضها سيره وحنا كل ماجبنا هالطاري قلبت عبدالحليم حافظ ...اسمع هالتحدي تتحداني ارقص السياره؟؟
خالد :اقول اركد بس من جدك مهبول صاحي انت
بداللطيف:خلك قد التحدي وقول اتحداك
خالد بتحدي:اتحداااك
صار يقلب الدريكسون بيده عبداللطيف وكانوا مبسوطين والكل ميت ضحك على ضفاف طريق الكورنيش ..فلتت من ايده الطاره و................................................. ..........
دخلو بعامود لمبا واصاب اصابه بليغه احد الراكبين ...الاسعاف الذي وصل او شارف على القدوم عقب الستون دقيقه اللي هي ساعه ...خلال تلك الساعه تشاهدت روح طاهره واعتلت لبآرئها...تلك الروح التي لامكان لها بيننا..ذهبت لمن باءذنه سوف يرحمها الذي في اثناء تقلب السياره كان لاينطق سوى بالشهاده ...شهادة الحق اشهد ان لااله الا الله وان محمد رسول الله
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك