رواية love to be loved by you -18
انتي...عاد مايحتاج احكيلك عن رويكين راكان ولد خالتك وتربينا سوا رجال والنعم فيه وانتي بنتي اللي ماجبتها اللي ربيتها بهالايدين
<<حلا بقلبها تربينا سوا كبر داخله هو شعور اني اخته وكبر فيني شعور انه حبيبي شفتوا الفرق؟؟ شفتوا شلون الاهل ظلمونا؟؟ الله يكون بعوني...آخ لوتدري يااخوي وش كثر قاعده اتعذب هو خذاني شفقه لااقل ولااكثر
نزلت رايها وبخجل مبتذل:الله يبارك فيك
عبدالعزيز:حلوو ام الحلابتعرس وانا جايب لكم احلى الاخبار العم راشد جا اليوم وسال عني وحولني لمكتبه بقصره وراح اكون نائبه وراتبي يما راح يصير ثلاث اضعاف الحمدلله يارب
ام عبدالعزيز:الحمدلله لك يارب الف مره فرحتين بليله الف حمد وشكر لك يارب
لا تلمني في هواها
أنا لا أهوى سواها
لست وحدي أفتديها
كلنا اليوم فداها
نزلت في كل نفس
وتمشّت في دماها
فبِها الأم تغنّت
وبها الوالد فاها
وبها الفن تجلى
وبها العلمُ تباهى
كلما مرّ زمان
زادها مدحا وجاها
لغة الأجداد هذي
رفع الله لواها
فأعيدوا يا بنيها
نهضة تحيي رجاها
لم يمت شعب تفانى
في هواها واصطفاها
In uk
خلصت المحاضره وطلعت منها وانا بكامل عصبيتي ومتحلفه العن سلسفيله هالصيني طلعت ومعي لموي وبديت اتحلطم حلطمة ام السنافر
لجين :كله منه هالحقييير لكن مردوده والله مردوده
لميا:أي حقيير؟؟
لجين:ماغيره الصيني
لميا:أي صيني هذاك اللي مطيحك برجيله جعلها القص؟؟
لجين:ايه ماغيره جعله بحرقه بالمعده ومغص عشر ليالي متواصله<<اعجبكم لاعصبت
لميا:لا يالخبله هذاك ياباني ماهوب صيني اصلا مابه فرق بينهم
لجين :احلفي؟؟
لميا:وربي ليش؟؟
لجين:شلون مابه فرق الا ابو الفروق
لميا:ناظري هذا هو البهيم ماغيره
<<رحت له وانا قرووني شاطحه ميت كيلوو ...بعصبيه وانا موطايقه نفسي مسكت معه باللهجه السعوديه خط كره حياته
لجين:ايا قليل الادب والتربيه ....اصلا تدري اهلك ماربوك الا على مدت الرجول ياجعل مالك اطراف انشاء الله<<الزبده كنت مشتطه بالحكي وجمبي لمووي ميته ضحك..تجمعوا كل الطلبه على صراخي وصار مسخرة الجامعه بكبرها <<تدرون ليش؟؟ لان الياباني اكثر شي يكرهه احد يكلمه بلغه مايفهمها لا واذا رحتو لليابان يكلمك الياباني بلغتهم غصب تتعلمها حتى لو هو يعرف الانجليزي<<نذاله...بس عشان تعرفون وش كثر هم يعتزون بلغتهم ...وحنا اللي المفروض نفتخر بلهجتنا لان مافي لغه مقدسه غير اللغه العربيه ...الصراحه هالموضوع بحد ذاته نقطه ولكن بداخلها بحور من السطور يصعب ان نتناولها بروايه ...الاجنبي يعشق هويته ويعشق كونه من يكون اما نحن فأين اعتزازنا وفخرنا بالدين قبل اللغه ...واكبر دليل اليابانيين والالمان والفرنساويين يعتزون ويفخرون بهويتهم ..ونحن ياابناء الحرمين ياامه محمد اكبر فخر للارض لما لانفخر <<يطول الحديث اعزائي...فنرجع لمحور حديثنا
الياباني :whats the matter with you please speak English<<مالمشكله؟؟ رجاءا تحدثي انجليزي <<ينقالها الترجمه
لجين قبل لاتروح كلمته اجنبي:We Arabs have got about you, the people of Japanese wanted that you will advance by ethics, but unfortunately, the opposite proved to me through your dealings and that made me hate the Japanese wanted all
<<بالعربي (نحن العرب اخذنا عنكم ايها اليابانييون بانكم شعب متقدم بواسطة اخلاقياته ولكن للاسف اثبت لي العكس من خلال تعاملك وجعلتني اكره اليابانييون جميعا)
ولفت على البقيه وصارت ترفع صوتها :And you also made me hate and I Here is a free i do what I want
بالعربي(حتى انتم جعلتموني اكرهكم فانا هنا حره افعل مااريد)
<<سحبت لميا بعدها ومشيت ..وكنت حديث الجامعه ذاك اليوم ....كانو يحسبوني بنظره بضعف بس هيهات مادروا انهم بنظرتهم هذي بنوا داخلي قوة تهز جبال واصرار وعناد محد يقدر يهزه
عند سعود
سعود:اووه ياربي وقته تقطع الماي..اوف وش اسوي الحين ؟؟ ..وصار يفكر:مالي غير اروح لبيت ابوخالد عسى القى ماي عندهم ولا شي
<<عند بيت ابوخالد
مرام:رهيفه ماتسمعين صمخه قومي شوفي من عند الباب
رهف:اوهوو وانتوا ماعندكم الا هالرهف صرت شغالة البيت
مرام :لاحشاك ياانسه يللا قومي فكي وعن الهذره
رهف:مانيب قايمه تعبانه
رغد:اووووه خلاص انتي وياها انا قايمه
<<عند الباب كانت واقفه رغد وراه:مين؟؟
سعود ايه هذي اللي ذاك اليوم نفس الصوت الا هي:السلام عليكم اختي
رغد:وعليكم السلام
سعود:مدري اختي ابو خالد موجود؟؟
رغد:لاوالله موموجود
سعود:طيب اختي كنت بسال عندكم ماي؟؟
رغد:ايه
سعود:ماادري الماي عندي مقطووع عموما مشكور لاهنتي
رغد سكرت الباب:العفوو
مرام:من؟؟
رغد:العزوبي جارنا
رهف:تدرون عاد كل ماشفته طالعته غصب
مرام:بنت استحي وجع رهيفه مالنا قيمه عندك
رهف بحزن:لاموكذا يشبه خالد الله يرحمه حيل
رغد بحزن:ايه والله يشبه كثير الله يرحمك يااخوي
مرام:لاوين مايشبه ولاشي
رغد :انتي شفتيه؟؟
مرام :لالمحته على خفيف
رغد:زين اسكتي اصرف
أدري إنّك من نصيبيْ | ب الأحلام . .
وإنّك لغيري لا بغيتك [ حقيقه ] . .
مازن &حنان
حنان:خلاص يامازن عده وخلصت ةوش تحتري بعد؟؟
مازن بقلبه آه ياحنان سلام الله على حبنا
حنان:مازن اكلمك ليش ماترد علي؟؟
مازن:وش تبيني اقول؟؟
حنان:انا عارفه يامازن بتقولي اهلك صح؟؟
مازن:لاياحنان هالمره مو اهلي
حنان:مازن ماهقيتك ولاعهدتك كذا اناني حرام عليك ريّح بالي وقلي وش فيك؟؟
مازن بضيق:حنان وش اقولك وش تبيني اقول؟؟ اقولك ا ن اهلي خطبولي بنت عمي وبيزوجوني لها غصب؟؟ شقوولك ياحنان اقولك اني لوخذيتك بيطلع علي كلام و....
حنان تقاطعه وصارت تضربه على كتوفه:انت شقاعد تقول وش قاعد تقول؟؟
مازن:اووه نزلي يدك موقدام الناس...شوفي يابنت الناس اظني سويت معك اللي اقدر لجل اكون معك...انا بعت الدنيا عشانك ...خويي واغلى خوي بعته وشريتك اهلي زعلتهم مني امي وتعبت عشاني وش تبيني اسوي اكثر من كذا حاولي تتفهمين الوضع حنا مولبعض ونصيبي مومعك وهذا جزا من الله سبحانه غدرت بخويي وانت غدرتي به والحين وقت الجزا مانكون لبعض وتتعذب قلوبنا
حنان تبكي بقهر:انشاء الله تشوف اللي سويته فيني باللي خذيتها وتشوفها مع غيرك ويحترق قلبك مثل ماحرقت قلبي وقلب راكان
مازن ماقدر يتحمل الموقف الانسانه اللي حبها تدعي عليه كره ذيك اللحظه لحظة الفرقى اللي ماعمل لها أي حساب تركها تتوجع وتنفرد بالالام وتتحسر على نعمه كانت بيديها
من لآيعرف شخصيتي لآيحق له الحكم على تصرفآتي !
.............. ومن لايستطيع ان يقدرني , لآيتوقع مني اي تقدير
In uk
احمد:آآ لوسمحتي
لجين:نعم
احمد:ممكن سؤال؟؟
لجين :تفضل
احمد:انتوا كويتيات؟؟
لجين"لاسعوديات خير في شي؟؟
لحمد:والنعم والله ...لا مابه شي بس حنا عندنا قروب كله عرب دايم نجلس هناك اذا حابين تشاركون ونجلس سوا تحت ذيك المظله الكبيره وفي بنات اذا انتوا من النوع اللي يستحي
لجين رفعت حاجبها:لا والله ليش مااشوف وليه كلهم عيال
احمد يضحك:ههههههههههه قسم انك رهيبه قلتلك تحت المظله هذيك الزرقا
لجين تفشلت :اهاا
لميا تدز لجين:يللا امشي خل نروح حنا وش ورانا؟؟
وبعدها توجهنا لعند القرووب ~
احمد:السلاااام يااقاايز اسمعوا هذول بنات سعوديات وحابين ينضمون لنا بالقروب هالله هالله لحد يزعلهم..حياكم
اماني:اهلا بيكو ياحبايبي منورين وربنا<<هذي اماني المصريه حبووبه حييل دفره احيل من الحيل تبارك الرحمن دايم لاعزمتنا فول وطعميه وهز ياوز
رؤى:اهلا وسهلا انا رؤى من فلسطين ماتعرفنا
لميا/:انا لميا سعوديه من هواياتي السفر والنت ومعكم بنفس الكلاس واحب اتعرف عالناس واحب الضحك والوناسه
لجين توشوشها:أي سفر هذا اللي للبر كل خميس
لميا:اووص روقينا عاد
اماني:والامر اللي قمبك ؟؟مش عاوزه تعرفنا بنفسها
لجين كانت مشغوله بالبي بي تطق طق عليه
لميا تدزها:عرفيهم بنفسك يالرفله
لجين بفهاوه:هاااه ايه انا لجين
الكل:ههههههههههههههههه
لجين:كاكاكا مافي شي يضحك
احمد:طيب ياجماعه سلكوا ...طيب وش هواياتك
لجين ماعندها وقت:نفس اللي قالته لموي اسمي يكفي ومع الوقت بتتعرفون علي اكثر واكثر
احمد :اوك ..اعرفكم عالبقيه..انا احمد ال ...سعودي وهذول بندر نواف وخالد كلهم من السعوديه<<من جابو طاري اسم خالد انهز فيني حنين الماضي للحين الاسم لامرني لعب فيني لعب... قلب وجهي وبان علي الحزن اللي الكل يجهله الا لميا..لميا اللي لاصرت ضايقه القى يدها ورى كتفي تطبطب علي بحنان وتهونها علي رفيقة دربي عسى الله يخليها لي<<ويخلي كل صديق لصديقه<<محد جاب العيد
لميا:تشرفنا والله
احمد:هذا عبدالعزيز من الكويت
لميا خقت وبهمس:يالبيييه لووقي قزي يهببببل
لجين رفعت عينها :ايييه عرفته هذا اللي ناشر صوره بالنت
احمد:وهذا ناصر من الامارات بعد هاوي تصوير ومحترف
لجين :تشرفناJ
احمد:حنا بعد تشرفنا والله
لميا بفهاوه:حنا اشرف
لجين تدزها:اشرف بعييييينك
لميا:اجل وش اقول
لجين ينقاله ترقع:قولي حنا اكثر شرف<<بدل لاتكحلها عمتها الا عورتها بعد
نواف:الصراحه موقفك مع الياباني حيل اعجبني رهيبه الصراحه سكتيه صار مصخره
لجين:ايه يستاهل
نواف:الا ماعرفت ليش بالبدايه كلمتيه عربي مع ان شكله ابد مايوحي بانه من العرب
لجين:الياباني طال عمرك اذا تبي ترفع ضغطه كلمه بغير لغته يطق يموت يزر عقله
شوي الا جا نايف:سلاااام
احمد:هلا بالطيب الغالي وينك ولا تسال ولاهم يحزنون ولاشاغلتك البنت الجديده اعترف
نواف:نعرفك على الطالبات الجدد
احمد:هذي لميا وهذيك لجين
نايف بقلبه لجين حلو ياحلو:تشرفنا
لميا تهمس للجين :وش اقوله؟؟
لجين :قوليله لاعاد تعيدها صارت قضيه
خالد:اخبار الرحله معك وينك كنت بعيد عننا
نايف يخز بلجين:ابد حذفوني بعيد جمب وحده الله لايوريكم قرويه لاوتسب ياحمار ياثور ويوم عرفت اني عربي انطمت وحالتها صارت حاله الكل:ههههههههههههههههههه
نايف:كذا القراوه ماعليهم شرهه
لجين بعصبيه:اظن مافي غيرك قروي وحقير بعد
نايف عصّب:وش قلتي؟؟انا حقيير لاااه طالت وشمخت
لجين بسخريه :تقلع مناك بسرعه ترى مالي خلق
نايف بعصبيه:لا الظاهر اهلك ماربوك..لو ماسكتي صدقيني راح اخليك تندمين
لجين :يماا خفت ....وبغرور:انا تكلمني بهالطريقه تعدل واصحى صدقني انت اللي بتندم
احمد:لاياجماعه موكذا اذكروا الله
لجين :لااله الا الله بس الظاهر هو مومحترم المكان اللي فيه ولاناسه <<وجايه تبي تقوم
نواف:لجين على وين
لجين:مكان به حثاله وناس مومتربيه مثله مااجلس فيه
هنا نايف ثار وجا يبي يضربني وهو مآد يدهْ~
خلـــــــــــــــص البارت
ياترى هل راح يتجرا نايف يمد يده؟؟
كيف راح تتقبل حلا الزواج من شخص مافكر فيها؟؟
اكيد راح نعرف بالبارت الجاي
وديْ~
Part 16
يـآإكثثر النـآسسس السخيفه في الحيـآإه
In uk
نايف قام يبي يضربهاااا والكل مسكه
لجين بصرخه:خلووووه
نايف ثبت مكانه
لجين :كذا علموك اهلك المراجل قبل لاتجي هنا تطق بنيه ...اللي يطق بنت ويتقوى عليها وش حاله مع الرجال اللي مثله ...تعال يللا طقني ..اتركووه خل يضرب لايكوون يوم طلعلك شعر بوجهك وشنب تحسب انك صرت رجال...شف الصرصور له شعر بوجهه ولو كان الرجال بشعر وجهه لكان الصرصور سيد الرجال
نايف بعصبيه:قلتلك اسكتي ولاكلمه
احمد يهمس له :اجلللس نايف مايسوى عليك اللي تسويه خلاص
نايف:صدقيني لاتعضين اصابع الندم واخليك تبكين دم
عبدالعزيز:بس يارجال انت خليت روحك مصخره باللي سويته مايصير جذيه
نايف:انت اسكت شف من جاي يتكلم ...وبصوت عالي:قولو لها القرويه اني بسكت عنها هالمره موعشان شي لان اترفع عن الكلام مع وحده قرويه مثلها
لجين بفصاحه: يخاطبني السَفِـيه بكل قُبحِ وأكره أن أكون له مُجيـبا يزيد سفاهة .. وأزيد حُلما كعودٍ زادهُ الإحراق طيـبا
نايف بتهديد :شوفي هالمره بترك لك المكان زين بس المره ثانيه راح اشرشحك شرشحه مابقا الا هالقراوه الحمدلله والشكر والله واللي خلق هالسبع سماوات لاتندمين ياحقيره
أبي صوت يعبر عن شعوري
وأبي قلبي يحس بـ يوم راحة
أبي أعرف مكاني وويـن دوري
وأبي أعلن محبتنا بـ صراحة
اليوم الموعودْ~
زوآج رآكان& حلا <<جهز الطار ياولد
ركضت تلك الايام ليصبح اليوم ..يوم الفرح للعائله ولكن يوم حزين بالنسبه لانسآنه ...يوم جمع قلب طفله بقلب رجل شامخ رغم الجراح..ظروف اجتماعهم لم تكن بيدهم بل كان قدر ولكن هل سيخذلهم القدر مع الوقت كما خذلنا ام يحسن؟؟
بالقاعهْ~
صبا:الووو ريان ..امم وين اطلع؟؟لالالا
ريآن :تكفين قلبي بس اشووفك يالغزال الشارد وبعدين ارجعي
صبا:لالا وين تشوفني صعبه
ريان:ذليتينا على الصوره والحين ماتبين تطلعين ابي افهم ليش تسوين فيني كذا؟؟
صبا:ماادري شقولك ريان بس
ريآن:بس وشو انتي موعارفه اني بخطبك ولامشككه فيني
صبا:لاياروحي لاتزعل واثقه فيك كل الثقه<<كوولي على راسك احلى طراق
ريان:طيب هالشي موواضح عموما انا بسكر يالغلا عسى القى من يجبر بخاطري
صبا:لالالا ريان خلاص حبيبي ولاتزعل الحين اصور لك صوره وارسلها لك هاا رضيت
ريآن بضحكة نصر:ايه يابعدي وانا انتظر
عند العروس~
حلا والدمع بعينها وتكلم لجين بالجوال:لجين صدقيني موبيدي خايفه
لجين وهي تفكيرها بعالم ثاني:الله صوت طق ابيييييييي
حلا:وش تبين
لجين:ابي اهز يامرت اخووي لاااا ليش استعجلتوا؟؟<<لجين يووه شقلت انا صبا قالتلي السالفه مايحتاج احرج البنيه
لجين:تصدقين عاد كني معكم الحين انتي لاتكدرين بعمرك ياوخيتي ...... اشتقت لك وحشتني سواليفك وافلام شاروخان يالبيييه آآخ بس ابي ارجع
حلا:انا وين وانتي وين لووقي خايفه
لجين :وش منه خايفه.... خايفه وخايفه حسستيني ان راكان غول ولا ضبع بياكلك
حلا:لاموكذا تعودت انام بحضن امي
لجين :ايه شعليك الحين بتنامين بحضن الحبيب
حلا ابتسمت بالم:أي حبيب؟؟ اللي موحاس فيني حلا تبيني اكذب على نفسي واصدق انا عشت طول عمري على التمنّي لكن الاماني موكلها تتحقق
لجين :هونيها وانا اختك بس كان ودي اتطنز عليك يااختي الغربه اقبح شي بالحياه<<تعبير من قلب
حلا:ههههههه اقبح هااا...يللا عقبال مااحضر انا عرسك واستلمك طنازه
لجين قلب لونها وبقلبها من بآخذ عقبك ياخالد ...بعد ترى الدنيا عفتها ماعاد فيها شي يغريني
حلا اللي لاحظت سكوتها وفهمتها:انا اسفه ماقصدت الله يعوضك خير
لجين:لاعادي يامرت اخوي فديتك انتي الحين امسحي دموعك نبيك تطلعين اربكن وتربكين لنا رويكين
يا مهجتي يا وردة الوجودِ
يا نسمة الأنفاس بالوريدِ
يفرح قلبي حينما أراكِ
بالأبيض الفستانِ والنضيدِ
كأنما يزفُ عرش قلبي
في يومكِ المبهجِ والفريدِ
عروسةٌ والنور منكِ أضحى
كالبدر في إشراقهِ الجديدِ
فكلما أرفع راح كفي
تدعو لكِ الأرواح بالسعودِ
فهذه جوارحي تنادي
مباركٌ لعرسك المديدِ
عند الامهات~
ام راكان :الف مبرووك ياخيتي والله من زمان وانا اتمنى راكان لحلا والحمدلله الله بلغني
ام عبدالعزيز: الحمدلله ياوخيتي انا اللي طايرتن من الفرح والله
ام راكان:الا يامهره ماهوب جاي ابوعبدالعزيز
ام عبدالعزيز وطت راسها:لاياوخيتي وين يجي هو من اخذ القروش ولاعاد شفناه
ام راكان:لاياوخيتي ارفعي راسك يكفي الحمدلله انك بخير وعيالك بخير هذا اهم شي وانا اختك اليوم فرح بنتك لاتقلبينها غم
ام عبدالعزيزوالدمعه بعينها:والله ياوخيتي فرحتي لاشفتها اليوم بفستانها الابيض هذا اللي يسعدني
ام راكان:الله يسعدهم ويوفقهم انشاء الله ويهني سعيد بسعيدهJ
عند سعود
بالفتره اللي عرف سعود فيها خالد تعلق فيه بشكل فظيع كان يبث له كل همومه ويشكي له الحال
سعود:آه ياخالد الله يرحمك....من رحت وانا اكتم الضيق بصدري يووم ارتحت لك رحت وخليتني...ليت الموت جاني ولاجاك انا اللي استاهله لامت محد بيزعل علي اما انت ابكيت قلوب وعيون وخليت وراك خلان ...ابو يبكي وحريم تنووح الله يرحمك ياخالد ماصرت اسلى غير بهالكتب<<مسك دفتر خواطره اللي كتب فيه اشعار وابيات عن نوف ...شقه وبعده احرقه وبعثره مابقا الا رماده
سعود:كذا مثل الحب تماما يحترق ولكن يبقى رماده
,
,
,
,
عادتي . . لآ ضقت آدوّر حضن وَ عيون آلرفيق~
مشگله ..!
لآ صار ضيقي " منه و . . أحزآني[ عشآنـه
In canada
رادا تبكي:هذا ثاني عرس لااخوي ولااحضره
بدر ببرود:وانا وش تبيني اسوي ..سؤال تقدرين تركبين الطياره بلحالك؟؟ موانتي تجيك حالة هلع وخوف من الطياره
رادا:.............
بدر:اذا حابه احجز لك ..احجزلك ماعندي مانع تروحين
رادا:وعادي عندك اروح لحالي
بدر:لحووول ماعرفنا لك اقولها ثور تقول احلبووه
رادا قامت:اووف عيشه تقصر العمر
بدر مسكها من كتوفها:عيشه تقصر العمر هاه....طيب طال عمرك قوليلي وش تبيني اسوي....اصلا تدرين خالتي قالتلي لاتركبين طياره عشان اللي ببطنك يعني صعبه روحتك من الاساس
رادا:اوووف وش قصدك يعني تعايرني هي غلطه مايسوى علي غلطتها ومسكتوها متى بتنسى يابدر متى؟؟
بدر:لانسيتي نسيت ورجعتي لعقلك ولصوابك
رادا بعصبيه:بدر اكررررررررررررررررهك اكرررررررررررررهك
بدر ببرود:بس انا احبــــــــــــــــــــــــك
حان الان موعد الزفهْ~
حلا:يماا خايفه
ام عبدالعزيز بحنيه:اسم الله عليك يما لاتخافين ولااشي اقري المعوذات لاتخافين شوفي شحلاتك طالعه قمر تهبلين
<<حلا تقدمت بفستانها الابيض وبملامحها الجذابه
كان فستانها مميز ورائع فخم وتحليه الطرحه
ومكياجها خلآب ناعم يناسب ملامحها ممزوج بتدرجات البني
وكانت تسريحتها اكثر من روعه ويتوسطها تاج لتتوج به وتكون ملكة الحفل..كانت غريبه ويمكن جريئه بس قمه في الروعه
ومسكتها كانت عبآره عن ورد طبيعي عبق الرائحه وجذآب
وكانت القاعه قريبه من هالصوره
إجتمعنا والله اعلم وش نهاية هالطريق .. !
هو بدايه لـ السعاده او بداية هم و ضيق ؟
حآن الان موعد الزفه
حلا:يماا خايفه
ام عبدالعزيز:وش هالحكي يا حلا يابنيتي اذكري الله بتهدين انشاء الله وانا امك بعدين انا معك يابنيتي لاتخافين
حلا:بس يما ماادري شفيني خاايفه مو قادره اهدى
ام عبدالعزيز بحنان:هذا يما امر طبيعي لاتخوفين روحك يللا يما جاا راكان
<<يوم نطقت اخر جمله ..صلبت مكاني على قد ماكنت اتمنى هاللحظه بس ماتوقعتها راح تكون مروعه هالقد صراحه ..تحركة حلا بفستانها الفخم الابيض وبجمالها اللي سحر القلوب تلك الليله...قربت منه وهو مسك يديني هنا صخيت مكاني ماعرفت انطق ولاكلمه جا الوقت اللي يرفع فيه الطرحه...رفعها وهنا حصل لي لعثمه بالمشاعر قبل الحكي اما هو تلعثم بكلامه :آآآآ بلبسك الخاتم ممكن
حلا اكتفت بهز راسها دلاله عالايجاب
<<لبسها الخاتم وبعدها طلبوا مني البسه عاد هنا قمة الاحراج ماعرفت كنت ارجف فهو مسك يدي عساس اني انا اللي كنت البسه وهو اللي لبس روحه بروحهJ
موقف يفشل عادة مايصير الا من قبل اطفال...مسكت خالتي يدي وشبكتها بيده حسيت برجفه سرعان ماختفت يوم شد على يدي وهمس لي :لاتخافين هدي اعصابك
<<بعدها كانت الزفه على الحان شرقيه غآيه في الروعه والصاله وانوارها كانت قمة في الجمآل
~~~~~~~~~~~~~~~~~~~~~~~~~~~~~~~~~~~~~~~~
لو كثرت عيوبي بـ عينك ..تباهيت.. !!
أبقى الوحيده اللي عفست لك ..{مزآجك}..
In uk
احمد:لجين انتي جايه هنا بلحالك
لجين بكذب:ايه
نايف يقط كلام:غريبه القراوه يسمحون
لجين عصبت:احمد قله يسكر اثمه ولاوربي طلعت فيه ام العبيد
احمد:ههههههههههههههههههههههههه وشهي هذي ام العبيد
لجين :مايضحك<<ام العبيد طال عمركم حاله مستعصيه لاجت محد يقدر يهديني
نايف:قلها يامصطفى اني ماقلتش الا الحق
لجين:هذا موحق هذي قلة ادب
احمد:هوب هوب ياجماعه مايصير اللي قاعدين تسوونه
لجين:هو اللي بدا بقلة الحيا
نايف:هههههههههه انا اللي بديت قسم بالله انك نكته
نواف:خلاص ابو عبدالله هد امورك
نايف:انا حذرتها راح تندم هي اللي تمادت
لجين :قل لخويك يقضب ارضه ولاراح يشوف شي عمره ماشافه
نايف بكذب:يووه شوفي اللي بيدك وش ذاا
لجين بخووف:وشو أي شي
نايف:يد ياحمااااره ههههههههههههههههههه
لجين بعصبيه:بزر قسم بالله بززززر
نايف:تكفين يالكبيره اتحطم خلوود نوااف حمود الحقو خفت
لجين :تدري عآد اهم شي اني اكبر منك
نايف:مستحيل ياماما انا اكبر واحد بالدفعه سقطت لين حجت البقره على قرونها
احمد يحك راسه:ليش البقر يحج
نايف:لاياتنكه سلّك بس وانت ساكت...وانتي لاايكون يوم انك سويتي المشهد الخورافي مع الياباني على بالك خلاص بنهابك وحلالك الوضع قسم بالله كل واحد هنا معطيك على قد جوك بس خلني ساكت
لجين:ياكثر اللي حكوا بس من وراي وياكثر ماتمنيت اواجههم بالحكي لكن للاسف ماتعلمت اشيل اللي يطيح من عيني
نايف:لحوووول مسويه فيلسووفه لودرى عنك شكسبير ماكتب خلاك تتفلسفين على راحتك نفسيييه قسم بالله
لجين:شف لوماانطميت اطلع فيك حرة الياباني بزر
نايف:هههههههه ..وبصوت طفولي وطنازه :انشاء الله ياماما بنطم قرويه
لجين:انت ابو القراوه ياعمي اصلا
نايف:ايه انا قروي صح صح
لجين:قولوله اني اترفع عن الكلام مع مثل اشكاله
اماني:لاياقماعه مايصحش كده بس يانايف عشان خاطري
نايف:بلا نايف بلازفت حتى انا مااكلم اشكالك هزلت اكلم وحده مثلك
احمد ينقاله يلطف الجو:اسمعوا هالنكته
نواف :قوول تكفى
احمد: يقولك فيه يمني نزل البحر فضح كل ملابسه الا الخنجر ليه؟؟
لميا:ليه؟؟
احمد:يقول البحر غدار هههههههههههههههههههههههههه
لميا فحطت من الضحك :ههههههههههههههههههههههههههههههههههههههههههههههههه هههههههههههههههههههههه
لجين ونايف بنفس الوقت:سقااامه
لجين خزته:اوف عالتقليد
نايف:مااقول غير الله يصبرني على مابلاني مدري على وشو شايفه نفسها حمدلله والشكر
خالد :يللا امشوا بيبدى الكلاس
لجين :أي واحد
خالد :شفيك كلاس بي
لجين خزته:الله لايسامح اللي خلاني اغلط
نايف قرب مني وهمس:مانسيتي للحين ؟؟
لجين :انت واحد حقير
نايف باءبتسامه تفلج الصخر:توك ماخذتي كورسات بالحقاره الايام جايه وبتتعلمين مني احلى دروس
بندر:ياليل متى بتقضون هواش انتي وياه قضينااا
بيت ابومشعل
طلعت رزان ..عفوا طلع راشد من المستشفى على غير الصوره اللي دخل فيها ..وصار متقبل للموضوع بشكل جزءي ولكن الناس هل راح تتقبل ياترى؟؟
ام مشعل:اقول ابومشعل بنتك ماادري شفيها للحين مانزلت من امس
ابومشعل وهو مومعها يقرى جريده:تصدقين ام مشعل ان سوق الدوحه نازل<<ماهوب حولها
ام مشعل:انا وين وانت وين اقولك بنتك مانزلت من امس اخاف فيها شي
ابومشعل:أي بنت فيهم؟؟
ام مشعل:هاه ماعندك الا بنت وحده
ابومشعل:ايه تقصدين شادن زين شوفي شفيها<<يابرودة اعصابك
راشد:ايه يما وينهم اخواني اللي ينقآلهم اخوان يوم كنت بالمستشفى محد كلف على خاطره وجا وسال عني هم دورا يما ؟؟
ام مشعل :لا ياولدي مادروا
ابومشعل:انسى حركات البنات والحساسيه اللي انت فيها اخوانك هذول واكيد كانو بيزورونك بس كانو مشغولين
راشد بقلبه اكيد مشغولين مثلك يبا
نزلوا مشعل وشادن عقب مانادتهم الشغاله
مشعل يتثاوب وتوه صاحي من النوم:هااه
اما شادن اللي شكلها صار يخرع من كثر الصياح :انتوا ناديتوني؟؟
ابومشعل:ايه وابيكم بموضوع ضروري
مشعل:وش موضوعه؟؟
ابومشعل:اختكم رزان
مشعل:شفيها؟؟
ابومشعل بتردد:آآآ رزان ....ماادري وش اقولكم ..رزاان اختكم طلعت
مشعل :شفيها يبا تكلم
ابومشعل:آآآآآ اختكم ..اختكم ...طلعت صبيّ موبنيه
مشعل وشادن بصدمه:ولد!!
راشد قام بعصبيه:ايه ولد ..وينكم يوم اني احتاجكم ولا لقيتكم الحين صرتوا تهتموون ..ليش انصدمتوا؟؟..ايه منصدمين لي شاني الحين صرت شي تستعيرون مني وتتفشلون شلون بتقولون للناس عني صح
ام مشعل قربت منه وحضنته:خلاص كافي وانا امك
رآشد بعصبيه وصراخ :وخري عني يمااااا انا اكرهكم كلكم انتوا السبب انتوااا}}وركض على غرفته
- تُعًتْريِنُيّ رغٌبُهْ عًارمْهّ بُ البًكُـآَ " بُيِنّ أَحًضُانْكً " ......... [ أنُتً فُقًط ّ|‘
عند اسيل
ام اسيل بعصبيه:والله والله ماتروحين له لوتحبين قدامي فااهمه
اسيل تبكي:ليش يما هو وش ذنبه ؟؟ والسنين والعشره تروح بكل سهوله
ام اسيل :اسكتي ولاكلمه الحين لوالناس درت وش بتقول الظاهر انتي مابترتاحين الا لاقلت لابووك
اسيل بترجي:تكفيين يماا لاااا...مقدر يما مااكلمه حرام والله حرام اللي قاعدين تسوونه انا اذا ماكلمته يوم احس بشي ينقصني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك