رواية love to be loved by you -19
ام اسيل بعصبيه:والله والله ماتروحين له لوتحبين قدامي فااهمه
اسيل تبكي:ليش يما هو وش ذنبه ؟؟ والسنين والعشره تروح بكل سهوله
ام اسيل :اسكتي ولاكلمه الحين لوالناس درت وش بتقول الظاهر انتي مابترتاحين الا لاقلت لابووك
اسيل بترجي:تكفيين يماا لاااا...مقدر يما مااكلمه حرام والله حرام اللي قاعدين تسوونه انا اذا ماكلمته يوم احس بشي ينقصني
ام اسيل بعصبيه:ياويلك ياسواد ليلك ان سمعت انك مكلمته والله لااطين عيشتك
اسيل تبكي:حرااام والله حرااام
عند الرجال
ابوداوود:وين ابو العروسه ماسلمنا عليه لا يكون متوفي؟؟
ابوراكان:لامو كذا بس هو حالته الصحيه شوي لك عليها ولاقدر يحضر العرس
ابوداوود:عسى الله يشافيه ويكون بعونه
ابوراكان:عموما هو يشكركم على حضوركم وكان وده بنفسه يكون بينكم ويشكركم ويقوم بالواجب
ابوداوود:بلغه سلامي وتبريكاتي وقله وصل
ابوراكان:على هالخشم
عبدالعزيز اللي شهد الموقف:تصدق متعب احيانا ودك مايكون لك اهل وتعيش الدنيا بلحالك
متعب:وش هالحكي عزوز ياخي يقولك الجنه من دون ناس ماتنداس وشلون الاهل
عبدالعزيز:خلها على ربك الحال مايعلم به الا ربك
متعب:صدقت بعدين مصير الايام ترجع لكم ابوكم مثل ماكان وقول متعب قالها
أصعب مراحل [ شقاك و قسوة الآمك ]
لا صار....حزنك.... معك [ حالة طبيعيه]
ولا قمت بـ ( شويش ) تتنازل عن ......احلامك
وترضيك .. حاجات.... ماهي : ذات أهميه
بالقاعهْ~
ام راكان:الوو هلا يما لجين ..الله يبارك فيك وشلون ولدي طلال..الحمدلله...اصبري يما لحظه
ام راكان:صبووه هذي موكنها بنت عمك حنان؟؟
صبا:الا سليمه تصكها
ام راكان وبيدها الجوال:لحظه يما لجين .....حنااان
حنان :هلا خالتوو
ام راكان:وش جابك هنا؟؟انتي ماتستحين على وجهك؟
حنان:يوووه وش سويت انا جيت ابارك لولد عمي وزوجي سابقا
ام راكان:اطلعي احسلك قبل البنيه تحس واختي لايحسون فيك تبين تجيبين لنا الفضايح اضنك
حنان:اوه خالتي هي اللي على الخط لجين...قوليلها عظم الله اجرها على خالد وانشاء الله تلقالها ببريطانيا حبيب عاد هناك ياكثرهم كل واحد احلى من الثاني<<كنت عالخط واسمع وش تقول عني بنت العم اللي سترت عليها صديقتي كانت وعاء اسراري ....صدق ان موكل صديق ينقاله صديق بعض الصداقه ماتتخيل خبثها..سكرت الجوال وانا حالتي صعبه ..تصعب لاجابو طاريه رحمة الله عليك ياخالد القلب
لميا:شفيك لوقي متكدره؟؟
احمد :افااا وش عندها المدمره مكشره وحالتها صعبه
نواف:افا احد من الاهل فيه شي
لجين:لااسم الله عليهم بس عرس اخوي كان ودي اكون مع اهلي
نايف:اذا انك موقد الغربه ورى جيتي
لجين :انت خلك ساكت ومنطم
نايف حط يده على فمه:يماا كلتنا هاه سكتنا
خالد :لجين
لجين :نعم
خالد :وشلون قدرتي تفعلين الخدمه حقت البي بي برآ
لجين:بسيطه عطني اسويلك
نايف:ياربي ذبحتونا بهالبلاك بيري مابقا واحد من الربع الا وعنده
لجين:غيره ولاحسد هذا؟؟
نايف:لانك عبيطه تفهمينه كذا ولاانا لابغيت اشتري.. حتى انتي اقدر اشتريك
لجين عصبت وقامت:وش قلت؟؟
نواف قرب:الله يهداك ماكان يقصد هالمره بوجهي ...يقولك لايهمونك الناس جمرة العذال نهايتها رماد
لجين:عشانك ولاكان طلعت كل جنوني فيه مابقا الا ولد الحكي من غير افعآل
نايف:وش حكيه ياهانم
لجين :قالها نواف جمرة العذال نهايتها رماد
"احد مثلي"
بكى لمآ بكى دمعه ولآ فادهـ
"احد مثلي"
قسم همه معه في شربه وزاده }~
بكنداْ~
بدر يكلم نفسه الحين اكيد اللي اسمها سوزان تحتريني ..خلني اروح لااتاخر عليها
رادا:وين رايح؟؟
بدر تلعثم:آآآآ ...بروح مع واحد من الربع وراد
رادا:روح اصلا انت عقب السالفه كثرت طلعاتك رح لخويك ينتظرك
بدر:انتي اكيد جنيتي ترى غثيتينا بهالسالفه
رادا:رح لخويك اصرف من انك تضيع وقتك مع وحده ماتستاهل...لعلمك يابدر اذا عفتني مره انا عفتك الف صار لك فتره وانت على هالحال تطلع من هالوقت لين انصاص الليول وش تفسر هالشي؟؟
بدر:افسر ه باني فاقد شي فيك ويمكن الاقيه بغيرك
رادا بعصبيه:حقيير
بدر بصراااخ:لاصار حبك مايعرف الا التغلي اعتبري نفسك وعاء لاحاسيس البرود
}} وترك رادا تفكر بالجمله الاخيره اللي قالها مرارا وتكرار...وانتابها شعور مرير ترجمته بدموعها بل بسيل من الدموعْ~
تمنــــيت
,,,,,,,,,,,,,,, أن تكون ..,,[لي]
,,,,,,,,, وأكون أمـ ـال : أبنائك
بالشقه
راكان:الف مبروك
حلا بحيا وصوت منخفض:الله يبارك فيك
راكان رفع راسها:ماشاء الله لاقوة الا بالله ماهقيتك بكل هالجمآل سبحان اللي خلقك
<<دوغري يعني
حلا بحيا:شكرا
راكان:مستحيه؟؟<<باللهي هذا سؤال بأول ليله لومكانها صفقته وش رايكن يابنات؟؟
حلا:...............
راكان رفع راسها:طالعيني ليش موطيه راسك
حلا رفعت عينها ....ياحلاته بالبشت والشماغ ويازين ريحة عطره ودخوونه ..ولاصوته ياحنيني لهالصوت يزلزل كل مافيني
راكان:حلا انا اعتب على الظروف اللي جمعتني فيك ادري ماهي كفو في انها تعرفني عليك ..قدامنا الايام وانشاء الله اتعرف عليك وتعرفيني و<<قطع عليه صوت جواله كان يبي يسكر:انا اسف
حلا:لاعادي
رد راكان:الووو
صوت انثوي موبعيد كأنه عرفه بس تجاهله لابعيد عن الصوت اللي اعرفه
.....:ممكن اكلم حلا انا صديقتها ولاقدرت احضر العرس وابي ابارك لها خ>ت رقمك من زوجي اللي يعرفك وقالي ان اليوم عرس حلا قلت اكلمها
راكان كان وده يقولها تستهبلين بقوه موقتك :آآآ طيب دقيقه
راكان بهمس:حلا وحده تبيك
حلا بقلبها تبيني ليش ماتدق على جوالي؟؟ من هذي ليش ماطرى على راكان هالشي ..خذت منه الجوال ورديت:الووو
المره تعدل صوتها:انتي حلا....روحي عسى الله لايهنيك هذي حوبتك اخذتيه وارتحتي اعيد واكررها عسى الله لايهنيك
حلا وكأن احد صاب عليها كتلة جليد صارت زرقا
|| قول للي من وراي ي?ذبون
واثق الخطوهــ مشى مشية : مل? :
وذ?رهم مهما ?انو يفعلون
مثلهم وااجد على دربي هل? ]
ببريطانيآْ~
لجين:يووه شفيه تاخر البآص؟؟
لميا:ماادري عنه صدق تأخر بالمره
احمد:السلااام عليكم
الكل:وعليكم السلام
احمد:آآ لميا
لميا:آمر
احمد:الا نكتت اليوم عجبتك ؟؟
لميا تتذكر:هههههههه ايه صراحه تستحق
احمد:تدرين عاد محد يعطيني وجه بالنكت بس دامك بتضحكين معي اسمعي هالنكته..يقولك عماني كل ماشافه حرامي يطق ليش
لميا:ليش؟؟
احمد:يحسبونه السندباد هههههههههههههههههههههههههههههههههههههههههههههههههه ههههههههههه
لميا ماتت ضحك ههههههههههههههههههههههههههههههههههههههههههه
لجين :ايه بدووو..وبعصبيه :اووووف
نواف:شفيك؟؟
لجين :مالي خلق هذول الاجانب سمعت اللي مر توه قط كلام كنه وجهه لاثرت ترى انسيه اسمه
نواف:وينه وليه ماقلتيلنا اذا عادها علميني مره ثانيه
بندر:انتي ولايهمك بس اشري عليه وحنا بنمسكه ونغسلك شراعه
لجين:مشكورين لاهنتو
<<شوي الا جا من بعيد نايف وبطفااقه وهو متعمد دزني...انا هنا عصبت
نايف باءبتسامة خبث:اوه سوري بالغلط
لجين :على فكره انت مستواك مو هنا مستواك تدرس مع القراوه اللي مثلك
نايف:شفتوا ياجماعه هي اللي تغلط علي
نواف:خلاص هالمره وكل مره امسحيها بوجهي
نايف:ليش وجهك بلاط الجامعه وحنا ماندري
احمد ولميا:ههههههههههههههههههههه
احمد:قوووويه الصراحه
نواف:صدقت لي قالت انك قروي
خالد:ياجماعه فضوها سيره هذا الباص جا
بالباص
اول ماركبنا جيت بجلس بمكان الا جا ركض وجلس فيه
صرت اهز برجولي بعصبيه:قووم بسرعه احسلك
نايف يرفع حاجبه :ليه المكان باءسمك؟؟
لجين :اوووف ياربي شف تراك حدك زودتها
بندر:لجين اجطليه جطلت الحلوين وتعالي اجلسي فيذا المكان فاضي
نايف بغرور:احم احم من زمان اناحلوو
<<حقرته وجلست وجمبي لميا
لميا:حدي تعبانه لارجعت بنام
لجين:حتى انا تصدقين ميته تعب بس مايجيني النوم الا بالليل صعبه انام العصر..شكلي بجلس عاللاب ولا اشوفلي أي شي
بندر:بناااات تبون تشوفون قطوه
لجين جمدت مكانها:وينها؟؟
بندر:ليش؟؟ شفيك ؟؟
لميا:لاابشركم الاخت عندها فوبيا من الحيوانات
نايف قام من مكانه وصار يصرخ:لجييييييييييييين تحتك القطووه
انا مت من الخوف كل اللي اعرفه رميت نفسي على لميا وصرت ابكي مثل الاطفال والكل يضحك
نايف:لحووول بدت البزر بالصيااح لو اني داري بتصيح ماسويتها ياخي الظاهر ماتسمع بالمزح
هم كانو جالسين ورانا لفيت عليه وبعصبيه ودموعي تقطر :حقيييييييييييييييييييييييير
نايف قرب يبي يمسح دموعي...وخرت يده بقوه:لاتلمسني ياقذررررر
وصار يبحلق بعيونها انا شفت هالعين بمكان ولايتهيا لي؟؟
نفس النظرات ولا يتهيا لي؟؟
لجين بقلبها ليش يطالعني كذا كأن عمره ماشاف مخاليق انا وين شفته ..لا ماشفته وين بشوفه يعني ارض الله واسعه ويخلق من الشبه اربعين
نايف :حرام العيون حلوه ذي تدمع
لجين بحرقه:الله ياخذك ويشيلك ونفتك
نايف:آمين وانتي معي يارب العالمين
لجين:واااااطي
نايف:ارفعيني اصير عالي خ خ خ خ خ خ
<<نايف يهمس لااحمد :شفت وش قالت؟؟
احمد:وش قالت؟؟
نايف:ماراح تنام
احمد:طيب وش دخل وبعدين حرام اللي سويته فيها البنت من جدها تخاف
نايف:انت مالك دخل
احمد:وش ناوي عليه؟؟
نايف باءبتسامه :على اشيا كثييييير راح تعرفها
انا لازم اخليها تتعلق فيني
احمد :نعم وش قلت؟؟ مستحييييييل بعنادها هذا وجمالها اللي صوره ربي مااتوقع ابد هالنوعيه صعبه حتى على الكبار خلك بعيد
نايف:بجيبها وقل نايف قآلها
خلــــــــــــــــــــــص البارت
ياترى نايف وش ناوي عليه؟؟
ياترى مين هاللي كلمت حلا وهل راح تقول لراكان؟؟
رادا هل راح تكتشف امر بدر؟؟
مـآبي أكون إلآ معـآك
................ الا معــــــاك
في هامشك او في سماك ..
PART 17
عند العرسان
حلا نزلت راسها وصارت تدمع عيونها
راكان بهمس:مين؟؟
حلا تذكرت كلماتها وصار دمعه تدف الدمعه
راكان بعصبيه:ميييين اللي كان على الخط ؟؟ماتسمعيني اقولك مييين؟؟
حلا بخوف:ماادري
هنا راكان هدى:حلا انا اسف بس ابي اعرف هاللي كلمتك من تكون وليش نزلت دمعاتك ترى دمعاتك غاليه مثل دمعة صبا ولجين صدقيني
حلا حسيت ا ني بموت في زوج يقول لزوجته دمعتك غاليه مثل خواته ....
حلا تكلمت وان كلي تناهيد وآهات:هذي .......هذي وحده ن صديقاتي زمان عنها
راكان:بس هذا اللي مصيحك الله يهداك خوفتيني عليك...عالعموم انا اخليك تغيرين هدومك وانا بغير بالغرفه الثانيه
حلا اكتفت بهز راسها
<بعد ماطلع زاد صياحي كان بعاملني وكأني وحده من خواته بالفعل وكانت حركه كفيله بانها تهدم كل احلامي...كنت احلم بهالليله كنت اسمع عنها كثير وان الطرفين يكونون اسعد الناس بس هالشي مالاحظته ابد عرفت ان الحلم صعب تحقيقه وان مواللي نحلم فيه يجي عالكيف..بعدها غيرت ملابسي وخذتلي بجامه ناعمه وكنت بحط كحل وقلوس مثل مااسمع بالروايات بس هونت..الحقيقه كليا مختلفه ...ليش اتعنى لشخص عمره ماتعنالي..وظروف الوقت فرضتني عليه
عند المسجد
عبدالكريم:اقول يوسف
يوسف:وشو
عبدالكريم:هذاك منهو تعرفه؟؟
يوسف:ايه هذا اللي مستأجر عند ابو خالد
عبدالكريم:شلون لحاله ولا معاه حريم؟؟
يوسف:لاه ماظنتي جاي لحاله اظن
عبدالكريم:لايااخوي هالوضع ماينسكت عنه انت تعرف بيت ابوخالد كله بنات وابوهم يجلس بالدوام فتره موهينه ويظل هذا غريب ماتعرف خيره من شره يظل ابو خالد عزيز وغالي جارنا ولازم نقوله ونكلمه وهو واحد جديد على الحاره <<الحين مسوي معتز مثلا؟؟
عــأإدٍتي ، لآ زآد فيني الح‘ـزٍن : " آهستر " ويسَم‘ـع الكلٍ ضح‘ـكتيِ
IN UK
لجين تتثاوب:لموي فيني نوم<<طبعا تبون الصدق ماكان فيني نوم كنت اشوف طيف يراود خيالي ..طيف حييل اشتقت له ..طيفك ياخالد الله يرحمك ...تذكرت يوم كان كل يوم احد ينتظرني وتذكرت يوم صدمت فيه بالمستشفى وصرت اضحك بهستيريا ومحد يدري ا نورى هالضحكه اكبر الم
لميا:وي بسم الله عليك يابعدهم وش جاك ..وبعدين لاوالله بتنامين بعد ماطيرتي النوم من عيني قومي بلا هبال
لجين منسدحه:تعبانه مو شايفتني منسدحه
لميا :وشو منسمه؟؟
لجين :بدى شغل العجايز اقوول صهووبه ضفي وجهك لاهنتي<<طبعا النك حق لميا صهووبه ..نسبة لدرس بالمتوسط خذناه لصهيب وهي كل ماجت تقرى تضحك وهددتها الابله وكرهتني بعدها وصرت اناديها صهوبه<<تذكرين لميا؟
لميا:اووف منك بروح اشوف أي شي انخمدي
عند احمد &نايف~
احمد:حرام عليك يااخي نايمين مايصير حنا جيران ياتبن بكرا نحتاجهم بشي<<تفكيره لبعيد..كل اللي ابي اعرفه ليش حاط دوبك ودوبها؟؟
نايف:اصصص انطم هي اللي حاطه دوبها ودوبي
احمد:يارجال عيش جوك وبطّل هالحركات عنبوك هذا طولك والعاب ناريه الا شلون دخلتها؟؟ماتخاف تحوشها سكته وتفنقش؟؟
نايف: يليت ياخي ههههههههههههه كان تفنقش وانا ارتاح
احمد:بعدين تعال الحين بيطلع صوت عالي تحسب انّا ساكنين بلحالنا هنا
نايف:بالطقاق الي يطقه شف انا اولعها من هنا وانت تشرد تدق الجرس وش قلت؟؟
احمد:امري لله نشوف وش تاليتها معك
نايف:ازبدها يارجل يللا
عند لميآ &لجين
لميا :هاه من جاي هالحزه سيرفس رووم يمكن<<ليش فندق يالطيبه
لميا:لجيييين لجيييين....يوه امداها نامت.راحت لميا فتحت البآب.....ومالحقت تشوف مين الا تسمع الصوت...طااااااااااااااااااااااااااخ طيييييييييييييخ طرررررررقع طررررررررررقع<<طرب مواصوات العاب ناريه
هنا لميا صرخت بخووف:آآآآآآآآآآه
فزيت من نومي رغم ان نومي نومة لبوه ابن امه يصحيني بس هذي صوتها فجر اذاني ...رحت ركضت عليها وحطيت حجابي على راسي:لموووي شفيك وش صار لك
لميا وشوشتها منفووشه:مدري من مسوي هالحركه الغبيه
نايف طلع من الشقه وباءبتسامه :سلامات شفيكم
لجين :آى ياقليل الحيا ياللي مومتربي توصل بك المواصيل لالعاب ناريه حقييير واااطي لاابعد الحدود
نايف جا بيهجم عليها مسكه احمد:نااايف اهدى يارجال كبريت انت
لميا :على فكره ان كنت قاصد لجين ترى انا اللي فتحت الباب
نايف بقق عيونه:هاه موانتي قايله بتنامين وهي بتجلس؟؟
لجين بققت عيونها على اخر زوم:نعم وش قلت؟؟ وبعد تتصنت على حكينا؟؟ من انت ؟؟وش تبي مني بالضبط؟؟شف ياولد الماما اذا كانك ولد نص كم دور لك وحده هنا ياكثر اشكالك ...ولايجي ببالك اننا مثلك حنا جايين هنا ندرس وبس
نايف:كلن يرى الناس بعين طبعه والايام جايه
لجين:دام الايام الجايه انت فيها عسى الله يعين عليها<<ومشت
نايف:احمد هدني عليها هالملسونه خلني اعلمها السنع
احمد:لابالله تستاهل اكثر امش خل ندخل انت وافكارك العبيطه
عند سعود
يوسف:طبعا انت تدري يااخوي ان البيت كله حريم وشكلك وانت طالع وداخل مره غلط ويجيب الشبهات انت تخيل معي انهن خواتك بترضى عليهن
سعود:يشهد الله علي اني مااشوفهن الا خواتي والله شاهد
يوسف:انا ادري بك رجالن شهم واجودي بس كلام الناس مايررحم وانا اخوك
سعود يفكر:والدبره يااخوي دبرني!!
يوسف:عندي اقتراح وعلى الله يعجبك
سعود:قل وكلي اذان صاغيه
يوسف:مالك الا تآخذ منهن بنات اصل وفصل والنعم فيهن شفلك وحده منهن وخذها
سعود صار يفكر لامستحيل وش قاعد يخربط:آآ اخذ منهن!! ماادري يااخوي الله كريم
<<راح يوسف من هنا وترك وراه سعود:معقوله أخذ غيرك يانوف؟؟عمري ماتخيلت اني اخذ من بعدك الله يسامحك عاللي سويتيه فيني ..بس بنات الناس حرام يجيهن حكي والسبه انا ابوخالد رجال مثل ابوي وعسى الله يكتب الخير
بيت ابومشعل عالغدا
ابومشعل:تدرين ياام مشعل توني ادري
ام مشعل :وش عنه؟؟
ابومشعل:ولد اخوك مسافر توها تآصلني الاخبار وله مده هناك
ام مشعل:ماشاء الله عسى الله يوفقه ..عاد الاخبار كلها اعرفها منك ولالولوه ماتواطني ولااواطنها بعيشة الله واخوي عبدالله ماادرى عني خير شر
هنا قامت شادن من على السفره
ام مشعل:يما شادن ماخلصتي صحنك
<<شادن مشت وفكرها مومع احد غيره ولاردت على امها
ابومشعل:هاه هالبنت شفيها؟؟...ماعلينا ياولدي ياراشد عندك اليوم موعد نفسيه
راشد باءبتسامة سخريه:وش بيسويلي الدكتور يعني بيرجع اسيل اللي انحرمت منها ولا بيشيل من همومي شي ...من الاخير ماابي اروح
ابومشعل:براحتك
<<كلمة براحتك بهالبيت اجبرت جدارنه على حفظها ...ولم يعلم ناطقها بانه سوف يدمر من خلف تلك الجدران
إذآ إختصآص آلوقت ( يخلق ) بيْ جروح , ...
يطيب "أنتْ إختصآصك : تلمس آلجرح , و "
عند العرسآن
نمت لااستغفر الله كنت مابين قايمه ونايمه..خصوصا وان المكان جديد علي وان راكان نايم جمبي والمشكله انه بعيد عنها مترين قمت على المنبه ودخلت للحمام وانتوا بكرامه وبعدها بدلت هدومي واستعديت للروحه لبيت خالتي
طوّل نومه ولاهو راضي يقوم ...جاتني فكره اني اصحيه بس قلت لامستحيل استحي اصحيه ..شويتين الا هو قام من نفسه
راكان بصوت مخلوط نوم:صباح الخير
حلا:صباح النور
راكان:الساعه كم الحين؟؟
حلا:اربعه ونص
راكان فز من سريره:ألله اربعه ونص ليش ماصحيتيني
حلا:خفت ازعجك
<<راكان دخل للحمام وانتوا بكرامه بدل هدومه ...وهو يسكر آخر ازرار:امسكي هذا مفتاح السياره خله عندك <<مدي لي المفتاح وبالغلط جرحني
حلا:آآه
راكان بخوف:صار لك شي؟؟
حلا بكذب:لا ماصار شي
راكان سحب يدها:هذا كله ماصار شي..فتح دولاب التسريحه وطلع منه لزق جروح وضمد الجرح ..مسكين مادرى انه ضمده يوم انه لامست اطرافه اطرافي
راكان:ماتشوفين شر وانا اسف لاني ماكنت اقصد
حلا:لاعادي ماصار شي
راكان سحبني من يدي :يللا مشينا تأخرنا
ياويلي ويآويل حآلي
هذا اللي دآيم ببآليْ~
بيت الجد راشد(بمكتبه)
عبدالعزيز جواله يدق حطه سايلنت:هذي ياعمي فواتير الجلديه اذا حب تشيّك عليها
الجد راشد:خل الملفات هنا ورح برا الحديقه كلم جوالك يدق
عبدالعزيز:لاطال عمرك لاتشيل هم مكالمه مومهمه
الجد راشد بحزم:سو الي اقولك عليك
عبدالعزيز:انشاء الله عمي
<<طلع برى للحديقه وكان المتصل حلا
عبدالعزيز:الوو هلا حلا
حلا:هلا عزوز اخبارك
عبدالعزيز:بخير ليش داقه هالوقت؟؟ ماتدرين اني بدوام الله يهداك
حلا:اسفه عزوز بس كنت بعرف اذا بتجي بيت خالتي ولا لا
عبدالعزيز لف بعينه الناحيه الثانيه:لاما.......<<جمدت الحروف بلسانه من بعد ماشاف الملاك وبيدها قطو كانت تداعبها ياليتني قطو بيدها وتداعبه...الملاك هذي كانت ريم ماسكه بيدها البسه الشيرازيه سومياتي <<لاتقولون
في اثناء انشغال عبدالعزيز بالنظر اليها غصب عن روؤياه كانت لابسه بجاما حمرا كاروها وااسود ورابطه شعرها الحرير على فوق بربطه حمرا وشكلها كان يدنن...لمح عبدالعزيز كلب الحراسه وبدى يقترب منها دون علمها...تسارعت خطوات عبدالعزيز لها و..............
ربّما غدٍ أو بَعد غدْ !
ربّما بعد سنين لا تُعد
, ربّما ذات مساءٍ نلتقي !
في طريق عابرٍ من دُون قصد
بيت ابوخالد
مرام :رغيد تدرين وش حلمت؟؟
رغد:وش حلمتي؟؟
مرام:حلمت اني انخطبت هههههههههههههه
رغد:طيب وين اللي يضحك بالسالفه؟؟
مرام تنهدت:ايييييه ياوخيتي وش اقولك الحال اللي يضحكنا غصب تاره منه تضحكين وشوي تبكين الله يعين بكل الاحوال
رغد:وش به حالك ياخيتي مابه احلى منه صراحه...والدليل ان للحين محد طالك
مرام باءبتسامة الم:تلعبين علي يارغد كل واحد يعرف نفسه انا الحين صرت من اللي ينقالهن عوانس وصارت كلمه تتردد على شفاه الناس حفظتها... حفظتها وكرهتها فوق كذا
رهف:شدعوه مرووم بكرا يجيك الفارس على حصانه الابيض ويآخذك للقصر وقولي رهف قالت
مرآم:الله كريم ياوخيتي
بمكان وبعيدْ~
سعود بيده قهوته وحوله كتبه ..حالته ماكانت تسر يقرى الكتاب ولا يدري محتواه شارد بأفكاره....وصار يكلم نفسه :معقوله اخذ وحده من بنات ابوخالد..طيب شلون ا فاتح الرجال بالموضوع وش اقوله؟؟.....صدق كلام يوسف هم بنات وانا مابرضى لو هن خواتي كلام الناس يجيهن بسبب واحد ..ياليت عندي عالاقل خوات كان ارتاح من اللي انا فيه..مالي غير اكلم امي واقولها المسيكينه خل تفرح
سعود:الووو هلا يما
ام سعود:هلا بحبيب قلب ميمتك هااا يما شلونك عساك بخير...عساك تآكل زين وتشرب زين وتتلحف زين وانا امك
سعود:الحمدلله يالغاليه كل شي زين وسالك
ام سعود:الحمدلله
سعود:يما بقولك على موضوع
ام سعود:تكلم ياولدي وشهو موضوعه؟؟
سعود بتردد:انا آآآآآ انا آآ انا قررت اخطب وحد من بنات ابوخالد اللي انا مستأجر عنده
ام سعود والفرحه موسايعتها:تقول الصدق ياولدي ياسعود
سعود:ايه والله يما من جد اكلمك<<آخ بس ليتني خطبتها عالاقل قبل لااجي شلون بتقبل الحين شخص غيرك يانوف؟
عند عبدالعزيز
ركض عبدالعزيز على ريم ووخرها وطاحت بالارض وبيدها قطوتها ..وصار عبدالعزيز يوخر بالكلب اللي موراضي يبعد ...حتى انه خلاه يسقط بالارض ودفه بقوه حتى هرب الكلب .....كنت انا وياها بالارض طايحين انا يمها وهي يمي ...لفيت يميني لقيتها..طاحت عيني بسود العيون ورمتني بالف سهم وسهم وغديت من ذيك اللحظه مفتونها...لاحظت الخجل على محياها حتى الخجل لامرها احسده عليها..دام الصمت دقائق اغتلست فيها النظرات وكان ماينسمع الا انفاسها وانفاسي..قطع الصمت عزوز:الحمدلله على سلامتك وانتبهي مره ثانيه
ريم:..................
عبدالعزيز:انا اسف اذا اوجعتك يوم دفيتك لكن خفت عليك من الكلب طال عمرك
ريم <<هذا الموظف اللي يتكلم عنه جدي الواضح عليه انه من الطبقه الفقييره ولكن ماشاء الله جدا وسيم وملامحه جميله...كبر بعيني وحسيت بشعور غريب اول مره احسه ماادري وش يسمونه مافي شي يوصفه
ريم:شكرا لك <<طبعا شكرته لان مستحيل شخص بمكانه يغامر بحياته عشاني..مشيت لداخل الا شوي ناداني
عبدالعزيز:طال عمرك نسيتي قطوتك
ريم حست باءحراج خصوصا وانها توها تستوعب وش لابسه ..ر جعت وخذت القطوه ....وقبل لاتشكره ... تولدت بيننا شحنه كهربائيه يوم لامست يديني يدينه
ريم وخرت ...عبدالعزيز باءبتسامه حلوه :آسف
ريم :على ايش تتأسف ماصار شي..دخلت داخل وهي مازالت الرعشه من لمسته فيها
ديم:ريووم تعالي شوفي الفلم لووؤطه
ريم:مووفاضيه لك ابد <<وطلعت لغرفتها تفكر باللي صار <<مسكينه البنيه اصغر التفاصيل تشغلها واعليا
اما عند عبدالعزيز ...قرّب يده من خشمه وصار يشمها ...ياحلو عطرها ونسيمها ...عزوز انت شقاعد تقول انا جاي اشتغل هنا وبس <<ورجع لشغله يحاول ينشغل عن طيفها اللي كل لحظه يزوره
هذآ اللي شآيف نفسه
ماشي ولامعبرني..يتلفت هنآ وهناك ولاكنه شآيفنيْ~
IN UK
طلعنا من الكلاس عقب المحاضره الطويله اللي رفعت ضغطي ....ولقيت بطريقي شخص استوقفني غاب عن بالي هالمد ه ...تدرون من هو؟؟ انه (ماماتسي) الطالب الياباني ماغيره...قلت لونطق بحرف لااقوم هالمره قيامته خصوصا وان اخلاقي خربآنه وقتها...قررب وصار قدامي وباعلى صوت <<اسمحولي دوغري بحط الترجمه
(اعزائي طلاب جامعة اكسفورد ...اود ان اقدم امام الجميع اعتذاري للطالبه لوقآين على مابدر مني في ذلك اليوم <<يازين اسمي على لسانه لوقآين خ خ خ خ
ماماتسي:( هل تقبلين مني العذر؟)
لجين:( انظر انا كنت في مقتبل الامراتحاشى وبتحدي نظراتكم لي بخصوص امر حجابي اتعلم لما؟؟ انه من اجل ديني الذي هو عصمة امري ..وانت الآن اتيت لتعتذر مني وسوف اصفح عنك لان ديني الاسلام يحث على التسامح والصفح J
هنا الجميع والكل تقريبا صاروا يصفقون تعرفون الاجانب موتهم والاكشن بالحياه ~
مد يده يبي يصافحني....وتكلمت قائله(بما انك قدرت ديني اشكرك فاكمل جميلك ..فالمراه المسلمه لاتصافح الرجل لانها شي عظيم لديهم ولانك ليس محرما لي )<<اخاف يفهم غلط بعد
نزل يديه قائله(وانا اقدر ذلك ايضا)
بعدها رحت طلبتلي شي انا وصهوبه ورحنا للقروب
لميا:صح عليه سكتيه
احمد:وانا اشهد تلقين محد ذله بالهشكل
نواف:صراحه كبرتي بعيننا وقسم بالله انك فخر للسعوديه يابنت
ناصر:صج اني موسعودي لكن يوم تحجيتي صرت افخر فيج كونج خليجيه ومسلمه بعد كلامج كان عين العقل
نايف وهو يشرب عصير ببرود:تبون الصدق...تعرفون يوم واحد يخش جو بفلم هندي هذا هو كان ناقصني فشار طولتي السالفه وهي قصيره
اماني:لاماتقلش كده دا الواد ماماتسي اخدلو درس مش حينساه طول عمرو
لجين:والله محد خذا رايك
نايف:هذا رايي عجبك اهلا وسهلا ماعجبك عندك طوف الجامعه كل ابوها اختاري طوفه تعجبك وطقي راسك فيها
نواف:احم ياجماعه هدوا الحرب
بندر:حمييييد هذيك الطالبه الجديده؟؟
احمد وهو طاير بشدوقه:ايييييه ياااازين الزيييين والله
<<من بعيد بدت تقترب ونظراتها على نايف
خالد:نيووف شوف قاعده تطالع فيك انت تعرفها؟؟
نايف يمثل انه خاق:يالبيييييييييه ايه هذا الزين ماهوب القراوه
لجين خزته وصار يهمس لها:يابنت بتندمين على نظراتك صدقيني
قربت اللبنانيه منه وهو موفاهم وش السالفه
جايب هالقسآوه منين ...منين ياطيبْ~
بدر&رادا
بدر بصوت واطي:سوزان انتي اطلعي قبل عشان محد يشك
سوزان:اوك انتبه ع حالك ومتل مااتفأنا بكرا بنفس الموعد
بدر:اووك يللا اطلعي<<طلعت قبله وكانت منقاد لاوامره ومستانسه لانه بدى يميل لها ويفضفض لها كل اسراره
دخل بدر ورمى السلام بكل قسوه:سلام
رادا كانت تتدعي انها تتابع المسلسل وهي في الحقيقه تنتظره:ماشاء الله كل يوم تجي ابدر من اليوم اللي قبله
بدر رفع حاجبه:ليش اساسا كنت منتظرتني؟؟
رادا:لا مومنتظرتك
بدر بأمر: اها هذا الللي واضح عموما بكرا بتروحين معي للدكتور
رادا :ماراح اروح
بدر مسكها من معصمها وبصراخ:من متى تعصين كلامي هاااا..يكفي اللي حنا فيه واللي صار لك كله من راسك اليابس هذا
رادا بعناد:قلتلك ماراح ارووح
بدر بعصبيه:راح تروحين غصبا عليك ورجلك فوق خشمك فاااهمه غصب بترووحين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك