رواية love to be loved by you -31
اول ماطلعنا من القاعه ونزلت دمعاتي غصب عني راح افقد قومتي كل صبح راح افقد الجامعه وناسها وكل ركن فيها
احمد :افاا الحين بذمتك احد يصيح يوم قضى الشقا وبيروح لاهله
نواف:تدرين عاد ماعرفنا لك استانستي صحتي زعلتي صحتي
لجين من بين دمعاتها :شسوي راح اشتاق لكم
خالد :عادي عندنا ايميلات وارقام راح نتواصل من خلالها
نايف :انت هيييه اذا رجعت السعوديه رجع نيتك مال اول تحسب نفسك ببريطانيا ارقام وايميلات هناك كل حركه محاسب عليها
لجين :من يقول اني قد اخذت رقم ولاايميل حتى هنا ؟؟
ناصر:عاد اذا يتي الامارات حياج عندنا البيت بيتج
لجين :اكيد ناصر مانستغني
عبدالعزيز :واذا يتي يامعوده للكويت الدير ديرتج لاتستحين والمكان مكانج
لجين:اكيد لاهنت والله
لفيت الا ولقيت نادين قدامي
نادين :لجين
لجين :هلا نادين
نادين :لجين مابعرف شو احكيلك بس عن جد انا كتير اسفه انتي الشخص الوحيد اللي ماتوقعتو بيوم ينقذني انا اسفه كتير
لجين :لاولايهمك هذا انا واختي دايم نتهاوش بس احلى خوات احنا عشنا مع بعض ولابد تمر علينا هالمواقف
نادين :عن جد سوري ازا فهمتك بيوم غلط
لجين :لاعادي اصلا يقولك افلاطون لكي تكون عظيما لابد ان يساء فهمك...عموما سلمي على لبنان واهلها بااي
~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
أدعي علي بالموت ولاسمني
بس لاتفارقني دخيل الله وتغيب
طال السفر يابعد عمري همني
وشلون أودع بالمطار أغلى حبيب؟
تعال قبل تروح عني ضمني
أقرب من أنفاسي ترى حالي صعيب
ابنتثر قدام عينك لمني
وبسألك هل نلتقي عما قريب
نسيت حتى اسمي دخيلك سمني
باللي تسميني ألبي لك وأجيك
مجنون عاقل ماعلي من لامني
انا مع نفسي وأحس اني غريب
الحظ اوفر للأسف ماعمني
ماعمني غير بعذابي والنحي
يسألني عنك العطر من بيشمني
وان قلت بتسافر همل دمعه سكين
<<جرتني عقبها رجولي لمكان راح اشتاق له حيل مكان انا وياه كنا نلتقي فيه ونقضي فيه الوقت بالساعات والحمدلله كانت النتيجه مرضيه وكان مشروعنا من اروع المشاريع ..لفيت وكنت امتع نظري بمنظر الغروب ومنظر الموج اللي يدف الموج اللي يليه ..وكنت افكر بشوقي للمكان وناسه وقطع علي التفكير ريحة عطره اللي اميزها من بد كل الخلايق ..ولفيت للاسف مالقيته عرفت وقتها اني قاعده اهوجس فيه وفقدت الامل اني ممكن اشوفه او اودعه ..ولكن رجع الامل يوم لفيت بعيني الناحيه الثانيه :وش جابك ..
نايف :نفس السبب اللي جابك هنا جابني...وبالم :خلاص بكرا بتسافرين ؟؟
لجين غصب عني نزلت دمعتي :ايه <<تذكرت امس كلام احمد يوم يقول ان نايف بيروح الرياض عرفت انه من سكان اهل الرياض ومستحيل اشوفه ولااظن الصدف بتخدمني وتخليني التقي فيه مثل ماشفته اول مره
نايف :ان كانت عينك تبكي مره ..فانا جوارحي كلها على فرقاك تبكي الف مره ...موكل ساكت وسط خاطره شي ولاكل صرخات الحناجر لها صوت ..آه بس فكوا صدري ومالقوا قلبي فتشوا بين الضلوع العوج ومحدن لقاه سالوني وينه من خذاه جاوبتهم انه معك امانه في يدينك قلبي اللي يحبك ..تدرين عاد صرت اناجي نفسي بالليل حبك وصلني لدرجة الهبال الله وكيلك
لجين بقلبها ليش فرقاه عندي بالدنيا كلها ليش احس بالالم كل ماتذكرت اني ببعد عنه انا صدق حبيته الا ياعاللم حبيييته
نايف :ماعاد يرضي خاطري شي الاانتي جعلني فدوه لك تدرين عاد ماعاد يشبع ناظري غير زولك
لجين تبكي :نايف يكفي والله يكفي
نايف:تبين تحسين شلون انا بالحيل احتاجك ابي تحبسين نفس صدرك وتحسين بحاجة الشهقه
لجين :خلاص نايف انا بروح
مسكني من كتفي وصار يهز فيني :تعرفين وش قد احبك ولاباقي تجهلين .؟ تعرفين وش قد يترك صوتك بحالي شجون ؟؟..وصار يرفع صووته ...احبببببببببك ايه نعم احبـــــــــــــــــــــك واحلف يمين انك انتي اللي سكنتي مابين ضلوعي والعيون
لجين تطالعه :احلف انك صاددق باللي تقوله
نايف :والله اللي خلق بداخلي حبك اني احبـــــــــــــــــك اعشقك واني صادق بكل حرف قلته لك ..بقولك شي ماقلته لمخلوق لاني اصلاماحسيته مع غيرك اسمعيني باءحساسك ابيك تنسينه العالم وتكونين وياي بس اخاف تستغربين لان احساسي فيك دوخني وعن كل هالناس اشغلني صرت اهني كثير اشيا صرت اهني النوم بعيونك قدر يضمك قدر يلمك ياحظه قدر يتغطى بجفن عينك؟؟واهني غرفتك قدرت تهمس قدرت تلمس وتضمك بين جدرانها ياحظها قدرت تحتويك بكل مافيك اهني واحسد الكاس ب يدينك قدر من انفاسك يتعطر قدر يضمى فبعادك و على ريقك قدر يروي قدر يوصل للي ماقدر يآصله انسان اهني قلبك اللي قدر يملكني كلي
لجين بقلبها :ماغيره يملاني فرح لاتغيب عيونه لايموت وجوده مابي افقده لايختفي صوته مااستحمل يوم بدونه الله يعين قلبي على فرقاه بشتاق لكلامه وحكيه وحروفه
لجين :صدقني يانايف ماراح انساك وانا متأكده انك ماراح تنساني
نايف:لوقلبي قالي انساك اسقي عروقه سم واتبرى منه عشانك
لجين :نايف لاتقول كذا
نايف :آآخ بس حالي لو اني بوصفه لك مايسرك ..دمي من التفكير شوفيني حرقته كن الضلوع تقول محتاجه تضمك وكن الظروف تقول ماهو بوقته
لجين بابتسامه :سقييم
نايف:لبى عيونك ولبا الخد والشفه وخشمك اللي على حلوه برى حالي
<<هالمره بدى هطول ولكن مومطر لا مع كلامه الشاعري هطلت ثلووج الله المنظر كان خيالي لايوصف ....هنا نايف بدى يجمع الثلج بيده وبدت الحرب بيننا حرب الثلج J يرمي علي وارمي عليه
لجين :ههههههههههه هين يانايف <<جمعت ثلج وصرت ارمي عليه
اما هو لانه كان خايف علي امرض فكان يرمي على رجلي بس عشان ماامرض <<يالبيييه
نايف بصراخ :لجيييين
لجين :نعم اسمعك لاتصارخ
نايف :بقوووووولك شييي
لجين :وشوو
نايف قرب منها وبنظرات وداعيه مسك يدينها وبصوت عذب دافي غنى :
أدعي علي بالموت ولاسمني
بس لاتفارقني دخيل الله وتغيب
طال السفر يابعد عمري همني
وشلون أودع بالمطار أغلى حبيب؟
تعال قبل تروح عني ضمني
أقرب من أنفاسي ترى حالي صعيب
ابنتثر قدام عينك لمني
وبسألك هل نلتقي عما قريب
نسيت حتى اسمي دخيلك سمني
باللي تسميني ألبي لك وأجيك
مجنون عاقل ماعلي من لامني
انا مع نفسي وأحس اني غريب
الحظ اوفر للأسف ماعمني
ماعمني غير بعذابي والنحي
يسألني عنك العطر من بيشمني
وان قلت بتسافر همل دمعه سكين
انا هنا نزلت دموووعي بغزارة الثلج ...اللي هطل ..اما هو كان يطالعني ويمسح دمعاتي بيديه وكان يهديني بهمسه لي بكلمة احبك ...وفجآءه نزل على ركبته :لجين انا قررت
انا قررت اخطــــــــــــبك من اهلك اول مانرجع للسعودي خذت رقم اخوك واسمه بالكامل
انا هنا حسيت بقمة الاحراااج ماقد حسيت بهالاحراج من قبل ...الناس كلها هجت لان الثلج زاد وبصعوبه تكلمت :نايف انا بروح فمان الله ...مشيت وسرعت خطواتي وانا اشعر بحرارة دموعي الساخنه ...راح اشتاق له بالحيل طبعا هو من عائله غنيه جدا ولاظنتي اهله بيوافقون خصوصا وانه حكا لي عن امه ..حسيت بخطواته وركضه خلفي وقفني ولفني عليه
نايف:لجين ابي اعرف تحبيني ؟؟
لجين هذا اخر شي توقعته انه ممكن يسالني هالسؤال ماعرفت وش اقوله شلون بقدر اقوله ايه احبك وان انت ببالي مثل ماانا ببالك شلون ؟؟
نايف بصراخ :لجييين تحبيني ؟!!
لجين بتردد :آآآآآآآآ ....وطت راسها وبصوت واطي جدا يصعب سماعه :ايه يانايف ايه
هنا جيت ابي اروح لكنه ماسمع لي ....او بالاحرى احضانه الدافيه ماسمحت لي حضني لصدره وضمني ضمه لو تحكي الضلوع العوج المشتاقه للضلوع كان حكتلكم عن شوقها للي وراها للقلب السجين بحبها ..كانت ضمته اشبه بشخص لقا جوهرته الثمينه الي ماوده يخليها ...لو رقبتي تحكي عن حرارة زفيره كان وصفت حرارة انفاسه الموادعه ....بعدها ودعته بنظراتي وودعني بنظراته ....اختفيت عن ناظره واختفى عن ناظري
خلـــــــــــــــــــــــص البآآآرت
تفرقوا ابطالنا بارض هل سيلتقون مجددآ ؟؟
خالد امر او لغز محير وش توقعاتكم ؟؟
عبدالله من هو الشخص اللي زجره وكيف راح يتخلص من اخته وزوجها ؟؟
Part 31
بيت الجد راشد
ابوراكان :سم ياابو نايف بغيت مني شي ؟؟ ماقومتني من المجلس الا ان السالفه كايده قول وانا اخوك
ابونايف يراقب اذا احد جا :اسمع ياابو راكان ..كم اعطيكم وتحلّون عن سما ابوي ؟؟
ابوراكان مافهم:ابونايف مافهمت قصدك
ابونايف :يعني بالعربي كم تبي فلوس وتفارق انت وزوجتك وعيالك ؟؟انت على بالك السالفه موواضحه ..لا يااخوي السالفه واضحه وباينه ووضوح الشمس انكم ماتبون غير القريشات ومسويين لنا هالفلم الهندي عشان نصدق
ابوراكان بقق عيونه ولسانه منربط
............. بصراخ :عبدالله
عبد الله بصدمه ارتبك :آآآ يبــــــــــــــــــــــــــــــــــــــــــــــــ ـا انا ما قصدت وآآ
قرب منه الجد راشد وبعصبيه وبتهديد :اسمع ياعبدالله الكلام اللي بقوله لك وخله على بالك
انت ماعدت طفل صغير اعلمك الصح من الغلط وان كنت تحتاج توعيه انا جاهز ...اختك وزوجها وعيالها بتحترمهم غصب طيب فهمت ..وانت ياابوراكان انسى كل الكلام اللي قاله عبدالله واعتبر نفسك ماسمعته ...وانت ياعبدالله ان سمعت انك مضيّق على اختك ولا زوجها او عيالها صدقني راح ارفدك من عندي وانت ادرى فيني مااسمع لا بولدي ولاابوي وكلمتي انفذها لو يكون اللي يكون
عبدالله :انشاء الله يبا
مــــا ادري والا طفــــاقــهعـــــلاقـة حــــب
بـس الوكـــاد انـي على شوفهـ ادمـنــت
.. ..
بناحيه اخرىْ~
صبا اللي كانت تفكر باللي شافته معقوله يكون هو الا هو واللي خلقني هو بس اخاف يطلع شبهه وانا من كثر ماافكر فيه اشوف كل الناس هو
قطع عليها تفكيرها ..ديم :صبا انتي أي صف
صبا:انا متخرجه من حوالي سنتين وادرس بمعهد ال....
ديم :حلوو
ريم :انتي البنت الوحيده
صبا:لاعندي اختين كلهم برى وحده مع زوجها والثانيه مع اخوي طلال
ريم :ومتى بيرجعون
صبا ابتسمت :اختي لجين وطلال بكرا انشاء الله يوصلون ..واختي رادا ماادري متى
ديم :حتى انا اخوي نايف كل ماجيت اساله متى بترجع يقول قريب والله اشتقت له ماادري متى هالقريب حقه
وش فيك ماتسمع
أقولك
.....أحببببك هـ الكثثثثر
بيت ابوراكان
راكان :السلام عليكم
حلا:وعليكم السلام
راكان :وين خالتي؟؟
حلا :نامت ...الا وش جيبك بدري ؟؟ شفت اهل امك ؟؟
راكان برومنسيه :اشتاق لك لوتغيبين دقآيق والدقيقه كأنها عام لحظة غيابك ..فيها قلبي يتضايق وشلون لو خليتك كل هالساعات
حلا بحيا :وانا اشتقت لك اكثر
راكان :آخ بس مااقول الا يابختي بكل هالحلا
وبغمزه :حلا ليش مانرجع لشقتنا
حلا ماتت حيا :لا شلون نخلي امي بروحها
راكان :ليش هي بزر صغير شدعوه حلاي قوليلها ا ن اهلي ماراح يتأخرون وبعدين خالتي ماراح تقول شي
حلا: انشاء الله بقولها
راكان :حلا
حلا:هممم
راكان بتردد :امم لاولا شي
حلا بزعل :راكان اكره هالاسلوب ترى
راكان قرب منها وحوطها بيده وصار يضحك :هههههه ادري تعمدت اسويها احب اشوفك بكل حالاتك بسمتك فرحك وحياك وحتى زعلك ..وش اسوي بي احب كل تفاصيلك
حلا بحيا :حتى انا
راكان يمثل الغباء وبدهاء :حتى انتي ايش؟
حلا :نفس اللي قلته
راكان ينقاله زعل :تدرين فيني مااحب الغموض
حلا باءبتسامه عذبه :شفت احبك بكل حالاتك
تدوج بخاطري ذكرى .. على اسوارها " فقدان "
و على كتوفْ احبابك تشيلك والدمع همَّال
وعلى ذكر " الفقد" جيتكْ وفيني من اشتياقي اوطان
وفيني عبرتن غنتْ من احزان العرب موال
الا ياخوي لو تدري عن الحال اللي بعدك هاان
وجثْ يسوق احزانه ويرقاه الحزن يختال
الا ياخوي ما بعدكْ ولا عقبكْ سوا الاحزانْ
وشعرن يذكرْ وصوفكْ ويبكي صفحتكْ ولا زال
يكتبْ من قصيده حزنْ ويسرقْ ضحكتْ الاوجانْ
ويصرخْ الى متى غايبْ وانا واقف على الاطلال
اذا جا الغيمْ وامطاره ذكرتك للنقا عنوان
واذا جاء للصدرْ " برده " ذكرتك في برادي شال
تحبكْ كل هذي الناسْ سواً كان او ما كآنْ
ولك بين العرب واجبْ كما راسٍ عليها عقال
فقدتكْ واسال الاهات و دمعٍ سال بالاوجانْ
وبيتٍ من زوالك ماتْ وبابْ ودرفتينه أميال
فقدك الناسْ والماره .. فقدك الضامي العطشان
ببريطانيا
عند طلال
قتيبه :طلال وين رايح ؟؟
طلال اللي مومعه :انطر شوي واجيك
قتيبه :هاه شفيه هالصبي ين ؟؟
ركض طلال وهو فاقد نص عقله يلاحق نسخة خالد وهو موقن بان خالد مات ..لكن شلون ياناس قاعد اشوفه قدامي الحين معقوله لهالدرجه الشبه ؟! عجز موعارف وش يصدق عقله ولاعينه ..ركض وراه وكل ماقرب منه الرؤيا تزدادوضوح ولكن العقل ينشل عن التفكير ويزداد تعقيد ..قرب منه ومسك كتفه ولفه عليه وهو متعجب ...دقق بملامحه ونزلت منه دمعه حاره وصار يتمتم :خ خ خ آآآآآلد
.............:!!!!!!!! <<مافي رد
طلال اللي مسح الدمع اللي شك انه حجب رؤيته ورجعت صورة خالد بعينه :انت خالد ؟؟
.......:ايه نعم خالد
طلال اللي ضمه لصدره :خالد شلوونك اشتقت لك خالد ليش سويت فينا كذا ليش كل هالسنين قالولنا انك مت ماتدري وش صار فيني يوم قالولي ليش كل هذا صار ليييش ؟؟ وبعد تزوجت طيب ليش ماقلت لنا والله قلوبنا تعذبت اشتقت لزمانك وايامك والله الفرحه موسايعتني ياخالد موقادر اصدق انك قدامي الحين الكل لودروا بيموتون من الفرح ...شفيك ساكت ؟؟
خالد باءستفهام :من انت ؟؟
طلال حس بان العبره خنقته :خالد ماعرفتني ؟! انا طلال ..طلال خويك الروح بالروح من يوم ماانولدت على هالدنيا وانا مااعرف غيرك صديق وحنا جيران وتربينا سوا وكبرنا سوا معقوله ماتذكرني ؟؟
خالد مارد عليه وهالوقت ردت ساره <<وهي زوجة خالد وتصير اخت عبداللطيف صديق خالد وطلال
ساره :من انت ؟؟انت طلال صديق خالد وعبداللطيف مو ؟
طلال :ايه ...بس ليش ماذكرتني ياخالد ؟؟شفييك انا موقادر اصدق كلمني قول انك مانسيتني ياخالد ليش تغيرت وش صار فيك ؟؟
ساره : سالفة خالد سالفه ...راح اقولها لك بالمختصر
<<طيب لين ماساره تسرد لطلال السالفه انا راح ارجع معكم سنتين ورا اسردها عليكم
صار الحادث وتجمع كل الناس ....زف المسعفين خبر وفاه خالد ونقلوه للمستشفى رغم ذلك ......وصل للمستشفى وحاولوا يرجعون له النبض ولكن بالبدايه باءت المحاوله بالفشل ..دخل بغيبوبه وكانت المستشفى بذاك اليوم مكتظه بالناس والحالات متشابهه والاخطاء وارده ...ونفس الحاله كانت بالقرب منه وصار الخطا هنا بحيث ان الدكتور اخطأ بين حالة ماجد اليتيم وخالد ...وبالفعل تبع جنازة ماجد اهل خالد وزف لهم الخبر وعم الحزن على ارجآء وسماء اخلاء خالد ...حتى اكتشف الطبيب خطاه وكان يبرره بان الانسان ليس معصوما من الخطأ ..ولكن اعترف عقب مافات الاوان ..والشخص الوحيد اللي عرف بالقصه الحقيقيه هو عبداللطيف اللي انصدم وقتها خصوصا وانه هو السبب بالحادث اللي صار ...عرف عبداللطيف بهالخبر وكانت حالة خالد وقتها سيئه واعطاه الطبيب بصيص امل في تحسن حالة خالد ..وقاله مايخبر احد باللي صار لان احتمال كبير يتوفى حتى لا يعطي لاهله امل برجوعه ..عبداللطيف من عائله غنيه ضبط اموره وعمل المستحيل في تصليح الخطأ اللي ارتكبه بحق صديقه وسوا المستحيل لاجل يطلع من الغيبوبه وتتحسن حالته ..وسافر هو وخالد واخته اللي افصح لها بهالسر حتى تكون حجة سفره لبرآ من اجل ان يكون مرافق لاخته عشان يدرسون برآ ....وبالفعل مشت على اهله وسافروا ومرت الايام على امل ان يتحسن خالد او يخبرونه بوفاته ولكن الحمدلله الله كريم تحسن خالد كثير ولكن للاسف فقد الذاكره نهائيا ...وحينما رجعت حالته المتدهوره لطبيعتها ماكان يتردد على لسانه غير اسمها ...ايه اسمها ..اسمها اللي مافارق خياله ولاعقله حتى في فقدانه وبيده دفتر يكتب فيه اوصافها ويرسمها لانها الشي الوحيد العالق بذاكرته الممحيه ...فهي علامة جوده لاتمحوها السنين ولايمحوها أي كائن كان ....كنت ارسمها على امل احد يخبرني عن مكان وجودها ..ارسمها ابي ارجع يوم من ايامها ولكن بلاجدوى ....قبل كم شهر نوى عبداللطيف انه يعود هو وخالد وساره للسعوديه ليفاجئوا الاهل برجوع خالد ولكن للاسف هالمره فقدنا احد منهم ..نعم فقدنا (عبداللطيف ) المتوفي قبل كم شهر مات بمرض الايدز الله يكفينا واياكم الشر .....بعد ماراح على غفلته للسينما على احد الكراسي الملغومه بأبر ملوثه بالمرض وتوفى بعد صراع مع المرض الله يرحمك ياعبداللطيف ...توفى ليعيش خالد الذي علم الناس خبر وفاته ....وتوفى عبداللطيف الذي علم الناس خبر حياته ...تلك اقدار وان تنافت تظل اقدار لانتحكم بها وان وقفنا متعجبين فالاحوال احيانا تكون كالطقوس تتبدل ولانعلم اتمطر ؟؟ام نعيش بقحط
توفى عبداللطيف وقبل وفاته وصى خالد على ساره الذي عقد عليها وتزوجها ووقف بجانبها ووقفت بجانبه باءختصار هذي كانت قصة خالد J <<اكيد انبسطتوا مو؟
بيت الجد راشد
الجدراشد :امش يامبارك العذر والسموحه ياولدي ..انا عارفن بان ولدي عبدالله ماهوب رجالن كفو
ابوراكان :لاياعمي حصل خير حنا اهل
الجدراشد :ايه ياولدي الا ماقلتلي متى عيالك بيردون للديره ؟؟
ابوراكان :انشاء الله بكرا لجين وطلال
الجدراشد :ماشاء الله يامحاسن الصدف
ابوراكان :خير ياعم
الجدراشد :حتى ولد عبدالله بيجي باكر كلمني اليوم وقالي
ابوراكان :صدق والله اجل يمكن يكون من نفس الدفعه
الجدراشد :ولد عبدالله يدرس طب ببريطانيا
ابوراكان :حتى بنتي تدرس طب مع اخوها
الجدراشد بحزم وكلام كبآريه :اسمع يامبارك بقولك كلمتن ولاابيك تردني
ابوراكان :حشا ياعم لك اللي تبيه
<<تبون تعرفوون انزلوا تحت
الجدراشد بحزم :ولدنا نايف لبنتكم لجين بهالمناسبه ها شقلت ياولدي
ابوراكان وهو عازم بكلمته :وانا ياعمي عطيتكم بنتي <<خروف هي ؟!
مآإ آإبي آإحد ..
ـآنت بس آللي آإبيه ..!
تسمـع` ..
آإيه وربّك
آإيه وربّك
آإيه وربّك
ـآإنت بس آإللي روحيّ تبيهـ ،
......................... روحيّ تبيهـ ،
................................. روحيّ تبيهـ ،
عند حلا &راكان
راكان :حلا بقولك شي بس موعارف منين ابدا
حلا :قول ياراكان اسمعك
راكان :رحت انا ورجال تبع المستشفى اللي قلتلك ورحنا لبيتكم الاولي عشان السالفه اللي قلتلك عليها
حلا اللي انسجمت :ايه وبعدين شصار
راكان بتردد :ووو لقينا ابوك آآآآ
حلا:راكان تكلم لاتعور قلبي
راكان :لقيناه طايح بالارض لانه تعاطى جرعه اكثر من اللازم
حلا بخووف:ياحسرتي عليك يبا
راكان :لاتخافين ياقلبي نقلناه ووديناه للمستشفى
حلا :طيب هو شلونه الحين ؟؟
راكان :ماادري شقولك بس انتي ادعيله
حلا تبكي :ياليته فيني يايبا ولافيك
راكان حضنها وحب راسها بحنان :لاتقولين كذا ياحلا انشاء الله بيخف ويطيب ويرجع لكم مثل اول واحسن
حلا تبكي :بس انا ياراكان ابي ازوره
راكان :ابشري غاليه والطلب رخيص
حلا:طيب عبدالعزيز مادرى بهالسالفه ؟؟غريبه عزوز كل اربعا يروح له
راكان :موانا خايف من هالشي اخاف عبدالعزيز يشيل بخاطره علي
حلا:لا ياراكان بالعكس انت لازم تقوله
تعال
وشوف بغيابكـ شلون سوابي
ببريطانيا
طلال :صدق ياخالد
خالد وطى راسه :آآآ ايه صدق
طلال :ارفع راسك يالخوي حشا ماتنزله دامني عايش
خالد :الله يعز شانك ...آآ طلال
طلال:آمر
خالد :بسألك سؤال وابيك تجاوبني
طلال:سم
خالد ارتبك يوه اساله ولا مااساله الا انا لازم اساله :آآآ تعرف وحدها اسمها ...آآآآ
طلال:وش اسمها ؟؟
خالد :اسمها لجين ؟؟
طلال انصدم ماتوقعه يساله هالسؤال وحس باءحراج :ايه اعرفها ..طلال يضيع السالفه :آآآ اسمحلي ياخالد انا بروح لان رحلتنا مابقا لها شي
خالد اللي صار يتامله ويحاول يتذكره وموقادر عجز ..ضم طلال لصدره وصار يترجاه :تكفا طلال لاتخليني بروحي ابي اعرف من اكون ومن هم اهلي وليش انا هنا ..تكفا ياطلال لاتخليني تظل زوجتي مره ولاتعرف لعلوم الرجال
طلال طلع له الكرت :امسك ياخالد هذا رقمي وفيه عنوواني ولاتحاتي ماراح اخليك يااخوي ..انا ماعاد بقا عندي وقت على الطياره وتقلع
خالد :زين انا كلها يومين والحقكم
طلال :زين ياخالد ياخوي اشوفك على خير
ساره اللي سمعت كل الكلام اللي دار وبقلبها الف سؤال وسؤال ..وبطبيعة المراه الغيور سالت خالد :خالد
خالد :نعم
ساره :منهي لجين ؟؟
خالد توهق:هاه ...آآ ماادري ليش انا قلت لجين ؟؟
ساره :ايه قلت مين ياخالد هذي؟؟
خالد :ماادري ياساره والله ماادري هذا الاسم الوحيد اللي بقا لي من ذاكرتي
ساره وعينها ابتلت دموع:لاتكذب علي ياخالد هذي اللي انت دايم تناديني بأسمها ودايم تكتب عنها بدفترك
خالد :تكفين لاتزيدين الجراح جراح وامسحي دمعك صرت عايش ولاادري شي عن ماضيي حرام عليكم والله حرام
بيت ابوراكان
ام راكان :ولدي يامتعب متى رحلة اخوانك ؟؟
متعب :الساعه 6
ابوراكان :ايه ياام راكان نسيت قولك ان عمي راشد يقول نستقبل عيالنا هناك ..منها يتعرفون على جدهم ويشوفونه ..ايه وتعالي ابيك لاهنتي على جمب
ام راكان بخوف:شفيك ياابوراكان تكلم
ابوراكان :لاتخافين السالفه ان عمي راشد امس قالي انه يبي بنتنا لجين لولدهم نايف هو بعد دكتور ومبتعث للخارج
ام راكان بفرح :صدق ياابوراكان ؟
ابوراكان :ايه عاد وانا ماقدرت ارد عمي
ام راكان :شقلتله ؟؟
ابوراكان :ماقدرت ارده وبعدين البنت ماتآخذ برآ العايله هذا اللي ربينا عليه
ام راكان بفرح :صدقت خير ماسويت ..والله ان االفرحه صارت فرحتين الله يوفقها ويسعدها انشاء الله
عند لجين ْ~
ركبنا سلم الطياره وحزمنا امتعتنا ..راح اشتاق لجمعتنا ولمتنا بس يظل الشوق والحنين لحضن امي وحضن ديرتي اكثر من أي شي ....ودعت بعيني بريطانيا واهلها وناسها وشوارعها ...لفيت بعيني ولقيت اخوي طلال اللي جت عيني بعينه ولمحت الحزن بعينه ماعرفت وش سببه لا مستحيل يكون حزين لاننا بنرجع لانه دايم يقولي يبي يرجع اليوم قبل باكر غريبه كنت بساله عن السبب ولكن دريت انه مستحيل يجاوب علي لانه يستحي يتكلم قدام لموي
لميا:اقول لوقي وين العبايه ؟؟
لجين :ايه توك ذكرتي العبايه هااا
لميا:يووه لووقي لاتدققين عاد والله اشتقت لارضنا لبا ارضنا وديرتنا ياناس
عند نايفْ~
احمد :نايف
نايف:.........<<موحوله ابد
احمد :يابووو نكلمك حنا
نايف :همم وش تبي
احمد :شفيك احسك مومستانس وش بك ؟؟
نايف:تبي الصدق ايه مومستانس ابد
احمد :افا ليه ؟
نايف تنهد :آخ يااحمد انا من جيت هنا ونسيت هناك وكل شي لقيت هنا نصي الثاني لقيت فيها كل اللي كنت ابيه كل اللي كنت محروم منه
احمد :تقصد لجين؟!
نايف:ايه اقصدها
احمد :يعني تحبها
نايف تنهد مره ثانيه :تسألني احبها وانا مجنونها وربك احبها ايه احبها ورب البيت احبها
احمد :اقول يارجال عساك سالم بس قصر حسك
فضحتنا
بيت الجد راشد
شادن تخز بالبنات ..ديم تهمس لصبا:وجع يوجعها انشاء الله شوفي شلون مشتغله خز عمة عينها
ريم تدز ديم وبصوت عالي:اقول شادن متى العرس ؟؟
شادن تتكلم من طرف خشمها :الا سبوع الجاي
ديم تبي ترفع ضغط شادن:ايه عشان عيال عمتي واخوي نايف يحضرون مو كذا شادن
شادن ماتت غيظ وقامت :انا رايحه اعدل الميك اب
صبا:شفيها ؟؟
ديم :هذي طال عمرك كانت تحب اخوي نايف وكان هو بعد يحبها وصارت سالفه وبعدها كرهها وهج من الديره بكبرها تخيلي عشان حضرتها كلنا كرهناها وحقدنا عليها
صبا:الله واكبر هججته من الديره
ديم :حبيبتي هذي نسره ماشفتي شي
عند الحريم
ام نايف :والله ياام راكان من رحت لندن وانا خلاص تعلقت فيها احس عفت كل اوروبا <<قرد ولقى له شجره <<اوت
ام راكان :الحمدلله ياوخيتي اهم شي انك ونستي عمرك
ام مشعل :ايه ياوخيتي بس اللي راح من العمر اكثر من اللي جاي
ام نايف انقهرت :تكلمي عن نفسك انا توني الحمدلله ماعجزت
ام مشعل :ويه ياام نايف شدعوه ياحافظ كنا ندرس سوى والمفروض انك كبري انتي ناسيه انك اكبر من اخوي عبدالله
ام نايف طاح وجهها وقفطت :هاه ..اصلا كل هالكلام مومهم كل اللي يهم ان اللي يشوفني يقول اني كبر بناتي
وتغير السالفه اللي انقلبت ضدها :ايه تدرين عاد ياام راكان ان عبدالله للحين مومصدق انك اخته
ام مشعل :الحمدلله الله بلّغني وقرت عيني بشوفتك ياخيتي <<وصارت تخز بأم نايف يعني انطمي
عند الرجال ْ~
عبدالله :وش تشتغل ياابوراكان ؟؟
ابرواكان :اشتغل محامي
عبدالله :ايه ماشاء الله
الجد راشد بحزم :عبدالله
عبدالله :سم يبا
الجد راشد :ترانا خطبنا بنت مبارك لولدك
عبدالله:أي ولد؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك