رواية love to be loved by you -32
ام مشعل :الحمدلله الله بلّغني وقرت عيني بشوفتك ياخيتي <<وصارت تخز بأم نايف يعني انطمي
عند الرجال ْ~
عبدالله :وش تشتغل ياابوراكان ؟؟
ابرواكان :اشتغل محامي
عبدالله :ايه ماشاء الله
الجد راشد بحزم :عبدالله
عبدالله :سم يبا
الجد راشد :ترانا خطبنا بنت مبارك لولدك
عبدالله:أي ولد؟؟
الجدراشد :ماعندك الا واحد لولدك نايف ..انا عطيت مبارك خبر ووافق وانشاء الله اول مايرجع الولد بنخطب البنيه رسمي
عبدالله بقهر :اللي تشوفه يبا
الجدراشد :انا رايح اعطي بنتي خبر
عند منى ْ~
ام راكان :ايه يبا قالي عبدالله بهالخصوص
الجدراشد :هاه بنتي منى شفيك يما؟؟
ام راكان :مافيني شي يبا
الجدراشد :الا فيك شي شصاير يابنتي تكلمي ولاتخافين
ام راكان بصراحه :يبا الصراحه اخوي وزوجته يرمون علي نغزات وكانهم للحين مومصدقين باني اختهم انا مااقدر اتحمل اسمحلي يبا
الجدراشد قام بعصبيه :شغلهم عندي
ام راكان :لايباا انا ماقلت لك كذا عشان تعصب انا قلتلك كذا عشان....
الجدراشد:وش عشانه ؟؟
ام راكان :قلتلك كذا عشان نسوي فحص ال DNA عشان يتاكدون ويعرفون الحقيقه
الجدراشد :لايابنتي بلا فحص بلا كلام فاضي
انتي بنتي غصب عن اللي يرضى واللي مايرضى
ام راكان تبكي :تكفا يبا عشاني ان كان لي غلا عندك
الجدراشد تنهد :اذا هالشي بيريحك يابنتي سويه
ام راكان:ايه يبا بس انت قولهم بالاول وفهمهم الموضوع
الجدراشد :انشاء الله يابنتي يللا قومي شوي ويآصلون عيآلك
هذي: مراجلِنا/ وهذي~ مراجلهم!
..................... " شِبيهَه".وكلن : يحمل بـ إيده/
بالمطار
لفت لميا بعينها ولقت اهلها اللي طارت عليهم وصارت تسلم عليهم رحت معها وسلمت على امها وخواتها وودعتها .....وصرت انا وطلال نحتري احد من اهلنا وبالفعل سمعت اسمي :لجييييييييييييييين
لفيت لقيت متعب وصبا قداامي ركضت عليهم وسلمت عليهم وصرت اشم ريحتهم اللي اشتقت لها مووت آآآخ بس والله دموع ماراح انساها ..دموع على اخواني اللي دمي دمهم وروحي روحهم
ركبنا بعد هاالسياره ..متعب :اووخص طلّيل تغيرت وربي اللي يشوفك تقل كانك واحد من هالاجانب
طلال :...........<<ماعلق
لجين :لااسم الله على اخوي منهم وش جاب لجآب
متعب:طليّل شفيك صاخ لايكون موهاين عليك بس تفارق الحلوين ببريطانيا ؟
طلال: لا موكذا بس شوي تعبان
صبآ:لووقي وش جبتي لي هديه ؟؟
لجين :تدرين بغيت اجيب لك اكل خ خ خ خ بس بحكم انك صرتي عصلا جبت لك مفاجاءه لاوصلنا البيت وريتك اياها
صبا تضمها /يابعد طوايف اهلي كلهم
لجين بجديه :صبا وضعك ابد موعاجبني يبيلي اجلس معك على جمب كذا واشوف وش سالفتك
صبا وطت راسها :خير انشاء الله
ولايكون حنا نسينا بس الطرق
المهم مشى بالسياره خطوتين وقف عند قصر فخم بكل ماتعنيه الكلمه من حيث التصميم والكبر والفخآمه ...طبعا هذا القصر دايم يجذبني وكنت اتمنى انه يكون بيتي <<اوت .....
متعب باءبتسامه :يللا انزلوا
طلال: وش قاعد تخربط انت حرك السياره وين ننزل؟؟وين البيت ؟؟
متعب :هذا البيت طال عمرك عفوا اقصد القصر حق جدك
طلال رفع حاجبه :وش قلت جدي ؟؟
متعب/ايه جدك المفقود لقوه
لجين بصدمه :جدي ؟؟
متعب :ايه امي وابوي وكل اهلنا داخل ينتظرونكم
عند نايف واحمد
نايف:تصدق مالي خلق اروح البيت
احمد :شلون يعني ؟؟
نايف :توني كلمت جدي قلت له ببات عندك الليله ..بس قالي ضروري اجي بكرا عنده سالفه مدري وشهي احسها كبيره من كلامه اول مره جدي يهتم لحضوري بهالشكل ويفهمني ان السالفه كايده
احمد :عادي يارجال عساك سالم بس متعودين على قطات الفيس هذي
نايف:اقول سر اومها بس ادري ان البيت بيتي بزعمك بهالكلمتين انك بتذلني ولا بتفشلني تخسي
احمد :ماقلنا شي البيت بيتك ولاتزعل ولاتتعب شعورك <<وصار يغني
نايف:اشششش يرحم اوومك تذكرني بالقمل بشعر عبدو مع هالصوت
يابوي يا امي يا بعد كل هالناس .........يا قلب ينبض بالمحبة والاحساس
يامن غلاكم في حيــاتي حيــاتي .........يسري بصدري مثل ترديد الانفاس
لوقلتــــــلك يابـوي عمري هديه.............واقدمه لجــــلك بـــــراحة اديــــه
ماظن بوفي ربـــــع فضلك عليه .........لانك عطيت الحب من غير مقـياس
امي حنانج في عروقـــي ودمي........ وان شــفتج انسى كل ضيقي وهمي
وان قلت انا امــي امــي وامــي.........تتبسم ايــــامــي ولاحــــــس بالياس
علمتني يا بوي معنى السعادة ........واهديتني من طيب قلـــــــــــــبك قلاده
فيك الوفا يلقى وطنه وبلاده......... وانت الوطن لي عشت له رافع الراس
امي يا وجه النور والضي والخير......،..بيدج سنيني يا سنيني غدت غير
مهمى كبرت ابقى وسط عينج صغير......وابقى بقلبج غير عن كل هالناس
لا حرمني الله من غلاكم ومنكم .................والله يبعد ضيق الايام عنكم
بدعي عسي الرحمن دوم يحفظكم ..........يا بهجة الدنيا ويا كل الاحساس
نرجع لابطالنا
دخلنا للقصر اللي ساحاته وافنيته جذابه بالمجسمات والنوافير الكبير ...وجذبتني رصة السيارات الفخمه من الطراز الحديث والقديم ..مشينا شوي ولقينا رجل كبير بالسن استقبلنا كان عمره تقريبا يناهز السبعين سنه ....متعب تكلم :هذا جدي
غصب عني نزلت دمعه من عيني ...لمحت بعينه نظرات شووق وحنان على الرغم من هيبته ...ركضت عليه ولاادري اذا هو صدق جدي او انه كان مجرد حلم
الجدراشد :دامك قمر اكيد انك بنت القمر انتي لجين مو
لجين :ايه انا لجين <<وصرت ادور بعيني يمين ويسار ولقيت ابوي ركضت عليه وضميته اشتقت لحنانه ولصوته ولكل شي فيه وبعدها صرت ادور على الصدر الحنون ..والحمدلله لقيتها وهي تبكي فرح علينا....بكيت على صدر امي اللي كنت اضم المخده كل هالسنيتن على امل ارجع لها واضمها بدل المخده اللي مليتها ...وبعدها اكتشفت اني محاصره ياشخاص مااعرفهم ..وشوي الا مرأه بعمر الخمسين تقريبا قربت مني وهي ماده يدها وقالت :تعالي بحضن خالتك ياعيون خالتك
ديم بصوت عالي: صباا ماتدرين
صبا :وش عنه ؟؟
ديم :ايه تدرين جدي خطب اختك لجين لاخوي ناايف <وخزت شادن
شادن بقهر :انتي وحده كذابه وتراك حيل زودتيها
ديم :ماانتظرتك تصدقيني
صبا بفرح :أي واحد هذا المزيون اللي بالصوره
ديم :اييه بس تدرين ماشاء الله اختك احلى من القمر
اما لجين سلمت على خالها وعلى زوجته اووف ماارتحت لهم ابد شيوون مادخلوا قلبي ابد ...وبعدها سلمت على البنات اللي اتضح لي انهم حليلات مررره
ديم :ماشاء الله لجين تجننين ماتوقعتك كذا
لجين بحيا :تسلمين يالغاليه
ديم:انتي حاطه واقي شمس مو ؟؟
لجين :ايه
ديم :انا حقي خلص خاطري بواحد
لجين صارت تدور بشنطتها :ايوه هذا هو لقيته ..تفضلي
ديم :لالا انتي شقاعده تسوين ؟؟
لجين :يللا عاد لاتردييني اعتبريه عربون صداقه حنا خوات مابيننا
وقطع علينا حديثنا صوت جدي العالي :بهالمناسبه احب اقول لعيال بنتي الحمدلله على السلامه ...واحمد ربي على النعمه يوم انه لم شمل العائله من بعد 40 سنه ....وبهالمناسبه احب اعزمكم على زواج بنت ر حمه شادن نهاية الاسبوع وابي اقولكم على خطوبة ولد عبدالله على بنت مبارك
هنا انا صخيت بمكاني ....طبعا ماجا ببالي انه انا قلت يمكن صبا لانها هي اللي مشفوحه على العرس وطاريه اما انا لا مستحيل
الجدراشد لف علي وقال :ولد عبدالله على بنت مبارك لجين
انا هنا جمدت مكاني الكل كانوا يحسبوني استحيت مادروا اني انتهيت ..على طول جا ببالي نايف وصورته وكل تفاصيله
الجدراشد :عاد انا اخذت الموافقه من الاهل بس خلي الولد يرجع وبنفاتحهه بالموضوع الحمدلله اشكر ك على هالنعمه <<طبعا جدي تكلم بهالطريقه واخذ الموافقه بدل عني وعن ولد ولده لان تفكيره مثل اول ان البنت ماتاخذ الا من اقاربها ولاتطلع برآ العايله ولا احد من الطرفين له رآي
لجين بصدمه :............
خلــــــــص البارت
ياترى لجين وش ردة فعلها ؟؟
كيف راح يصرح طلال بالظهور المفاجيء لخالد ؟؟
ياولد الخآله
وقفتك معي وقفة رجآل
مانسآاها ياسندي ياعز الجبآلْ~
بيت راكان
عبدالعزيز :راكان تكلم وش فيك واترك عنك المقدمات
راكان :الصراحه يااعبدالعزيز انا جمعتك انت وخالتي عشان اقولكم عن ابوك
عبدالعزيز :ابوي!! شفيه ابوي؟؟
راكان:كلام الناس عن ابوك وحالته اللي كل مالها تتدهور هالشي خلى فيني فضول اني ارسل له جماعه من مجمع الامل الطبي حتى يبتدون بعلاج عمي صدقوني هذي كل نيتي وبالفعل الرجال ماقصروا
عبدالعزيز :طيب والحين ابوي شلونه ؟؟
راكان :ماادري شقولك ياعبدالعزيز المشكله مو هنا المشكله هي اننا يوم دخلناعلى عمي لقيناه ممد بالارض ومغمى عليه لانه تعاطى جرعه زايده ...وآآآآ
عبدالعزيز :وايش ياراكان تكلم
راكان :ودخل بغيبوبه
عبدالعزيز مسك راسه :لاحول ولاقوة الا بالله
ام عبدالعزيز :انا لله وانا اليه راجعون .... والحين شلونها حالته
راكان :والله ماادري ياخالتي انتوا الحين ادعوا له الله يقومه لكم بالسلامه
عبدالعزيز :الله يقوم معه ويتوب عليه من هاللي يتعاطاه
راكان :ارجوك عزوز سامحني انا ادري ان مالي دخل بالموضوع بس قلت اقوم بالواجب دامني قادر
عبدالعزيز :لاياراكان لاتقول كذا انت كبرت بعيني ياولد خالتي وهالجميل ماراح انساه لك طول العمر
بيت الجد راشد
لجين :امممم بس انا
صبا: بس انتي شفيك
لجين بقلبها وش اقولهم اقولهم اني كل ليله وكل لحظه ودقيقه ابكي دم ..اقولهم اني حبيت نايف اللي تعرفت عليه بغربتي وش راح يقولون عني ؟؟....محد راح يفهمني شقولهم بالضبط ..اقولهم انهم حكموا علي بالاعدام وانا عايشه ؟.....اكسر كلام ابوي وجدي ؟؟
الكل كان ينتظر مني كلمه ولا تكلمت ...بعض الحكي يوجع ولو كان حرفين وش بينفعني لامني حكيت وتندمت
لعنبوا جد المفارق
... لعنبوا جد المفارق
عند نايف بالجهه الاخرى
نايف تذكر وطلع جواله وقال بفرح :عندي رقم جوالها ..ادق عليها ؟؟
احمد :كيفك
نايف: الا بدق عليها بقولها اني بخطبها من اهلها واني بتقدم لها قريب وبقولها عن كل شي
احمد "براحتك بس لاتستعجل
نايف:اووه وانت على بالك اني قاعد اخذ رايك مثلا؟ّ!
<<دق عليها نايف من غير تفكير صار ينتظر صوتها يبث الحياة بروحه
سمعت صوت جوالي وبغيت الهى عنه ولكني ماابي اسمع شي من حكيهم ورديت من غير نفس وانا موحول اللي داق :الووو
نايف:الووو لجين ؟؟
لجين :ايه نعم مين معي ؟
نايف بغزل :انتي الغلا والعمر دونك ولا شي انت الوله والروح تامر عليها ..ان قلت الووا ذوب كلي وانا حي وان قالت احبك آخ بس تروح الروح فيها
لجين بقلبها لا مستحيييل آآه بس ياقلبي ...الا هالصوت لوخيروني بس قبل لايختارون عني كان اخترته بس خلاص مالبيد حيله ... قلت بقلبي وانا احس بالغصه ..كلها كم يوم يانايف واصير لغيرك ...رحت لمكان بعيد عن الحضور ...وانفردت بصوته وغصب صحت يوم دريت اني ماراح اشوفه مره ثانيه وراح انحرم العمر قربه وفضحتني شهقاتي ..ساعات اقول ياليت مابه بكا ولاشهاق لاسمعت صوتها اختلط فيه...سألتها وانا خايف/ليش تصيحين ؟؟احد مزعلك قوليلي وش اللي مضيقك وانا اجيك واقلب عاليه واطيه
لجين جاوبته وهي تبكي :امسح رقمي يانايف من جوالك ولاعاد تدق علي
نايف:ليش طيب ؟؟
لجين :كذا يانايف كفايه العذاب اللي انا فيه كلها كم يوم بيرجع ولد خالي وبيآخذني ..رجعت ولقيت نفسي مخطوبه له
نايف بصدمه :شقلتي ؟؟
لجين :اللي سمعته
نايف :مستحيل اللي قاعد اسمعه ...تعالي وقدري ظروفي فيني هموم من دونك ولالقيت احدن يوفي معي سواك ماكان ودي احرجك ولاتسبب باءحراجك بس نقطة الضعف فيني اني احتاجك ..لجين انتي تدرين وش قلتي ؟؟ انتي توك زفيتي لي خبر وفاتي
لجين /نايف صدقني والله موبيدي
نايف :زين خلاص انا بخطبك واجي قبل لايآصل شقلتي
لجين :نايف لاتتعب نفسك خلاص اهلي قرروا وخذوا بدالي القرار وهالشي مستحيل ....انا الحين بسكر <<وخنقتها العبره وهي تقو لي :وانشاء الله تلقى اللي تسعدك بحياتك
نايف والدنيا ضاقت عليه :لجين ارجوك قبل لاتسكرين ابي منك كلمه ..ابي منك احبك عشان اذا ضاقت علي اذكر انك بيوم قلتيها تكفين لاتحرميني كثر ماانا محروم طلبتك
لجين وهي تشهق :نايف
نايف :ياعيونه ياكله ياعروق قلبه
لجين وهي تبكي قالت :نااايف احبــــــــــــــــــــــــــــك<<قالتها وسكرت
قفل من هنا نايف وصار بعصبيه يضرب بالجدار وصار يتنفس بقوه
احمد:ناايف شفيك ؟؟
نايف وهو يعض على قبضة ايده :رااااحت من يديني ياااحمد رااااااحت
احمد :منهي؟؟
ناايف :ماغيرها اللي سكنت كل زاويه فيني ...احمد حاول انك تقدر وضعي ...افهمني بسالك وش بتسوي لو عشقت لك انسان ماهو نصيبك ..لالك بهالوضع يد ولا له بهالوضع سبه وش ذنبي لوغدت هي من بد خلق الله حبيبتي ...آآخ يااحمد وانا اعرف ان قربها محال ...وصار يأشر على قلبه :وهذا مصمم يحبها
احمد :الله يكون بعونك يااخوي الله يعينك
آبتصل فيك لاا .. مانيب متعني ..!
آخاف لاقلت ( آلووتخنقني العبره )!
عند عبدالرحمن <<اكيد ذكرتوه
عبدالرحمن غاب فتره صح ولكنه ماغابت هي عن باله دقيقه مازال يفكر فيها ...عبدالرحمن دق عليها هالمره ولكن من رقم غريب بعد محاولات متعددده بآءت بالفشل
عند حلا اللي توها طلعت من الحمام ولقت جوالها يدق وبصوت انوثي :الووو
عبدالرحمن :رجيتك لاتسكرين كل الابواب علي انا حبيتك ومازلت احبك ولاني بناسيك مازلت احاول بحبك عل وعسى قلبك علي يلين
حلا اللي ماعاد تطيق تصرفاته اللي زادت عن حدها :عبدالرحمن ماادري شقولك ولكن فكرة انك تدق علي وانت تدري اني على ذمة رجال هذي السالفه بحد ذاتها خلتك تطيح من عيني كافي ياعبدالرحمن افهم انا مونصيبك ...وحكاية انك تجيني لين شقتي وتسببلي كل هالمشاكل والتخوفات انا ماراح اسمح بتصرف مثل هذا وبعدين انا وولد خالتي عايشين ا حلى حياة ومستحيل اخونه ..وخلي ببالك هالكلمتين راكان لوصار فيه شي ياعبدالرحمن صدقني راح تندم
عبدالرحمن :طيب انا وقلبي مافكرتي فينا وش بتكون حالتنا ؟؟
حلا:الله يسخر لك بنت الحلال اللي تسعدك وتغنيك عن كل الحريم ..واسمحلي الحين انا بسكر لان ضميري مايسمحلي اكمل كلام مع غريب وزوجي مايدري وخل ببالك انا ماحبيت ولاراح احب غير راكان ..فمان الله
<<سكرت وخلت انسان تائه ...يفكر بقساوة القدر عليه واعوجاجه كل ماحب ....الحظ لانام نام وش يقومه ؟؟
بيت ابومشعل
شادن بقهر :اووف تنرفز هاللي اسمها لجين مغروره وشايفه حالها وش عليه انا مدري الكل حلوه حلوه ..لاهي حلوه ولامر عليها الحلا
راشد :هههههه لهالدرجه تغارين ؟؟
شادن :لاموحكايه اغار بس ....
راشد يقاطعها :بس انتي للحين موقادره تنسينه هذا هو صح ياشادن
شادن :ولا ظنتي بنساه ياراشد
هنا راشد جته رساله قراها وتغيرت ملامحه
شادن :شفيك ياراشد ؟؟
راشد بألم :اسيل
شادن :شفيها اسيل ؟؟
راشد :انخطبت واهلها بيغصبونهاعلى واحد وهي ماتبيه
شادن :لاحول ولاقوة الا بالله ابوها اقشر اذكره من يومه ماعليه ياراشد هذا حال الدنيا مهما صفت لازم بيوم تعاكس كل شي بغيته ...احيانا عادات تفرض عليك اشيا ماوودك فيها وبعدها جيل جاي يدفع ثمن اغلاط هالعادات والتقاليد
راشد :بس الاحوال حنا البشر نقدر نغيرها
شادن :شلون يعني
راشد بحزم :انا قررت اخطبها
شادن بصدمه :تخطبها ؟؟من جدك ؟؟
راشد :ايه بخطبها ليش في شي ؟؟
شادن :لاموكذا بس تهقى ابوي يوافق؟؟
راشد :انا بسوي اللي علي واسيل مستحيل تآخذ هالانسان
شادن :الله يكون بعونك
عند بدر&رادا
بدر:رادا شفيك محتاسه ؟؟
رادا:سلومي عمل عملته وابي احد يشيله عشان انظف له J
بدر :بس كذا بسيطه <<وشاله بدر
رادا تنظف له وتغير له الحفاظه وهي متقززه <<بنات الحين
بدر:هههههههههههه والله اني ارحم امي يوم اشوف مثل كذا والله الامومه بحد ذاتها معاناه
رادا دمعت :صدق والله الام شي عظيم لاجبت وربيت تذوق اللي ذاقته ودك يرجع بك الزمن تحب التراب اللي تدوس عليه
بدر :هذا غير اذا كبر وبدى يمشي ويحوس الدنيا وهي تلقط من وراه ...فضل الام كبير علينا مهما حكينا عنه ماراح نوفيه
رادا :الله يخلي كل ام لعيالها
بدر بغمزه :ويخلي كل زوج لزوجته
لوفآرقت شخص عآدي مصيبه!!
شلون لو فارقت من تحب!!؟
بيت الجدراشد
ديم :ريوووم
ريم :همممم
ديم :وصل نايف
<<فتحوا الباب وركضوا عليه وباحضانه صاروا يصيحون
ديم :اشتقت لك حييل يانايف
ريم تبكي :والله ماعاد نخليك تسافر مالي دخل
الجدراشد دخل بهيبته :احم السلام عليكم
نايف يحب راس جده :هلا وغلا بجدي اشتقت لك يالشايب شلونك ؟؟؟
الجدراشد :بخير عساك بخير ..عسى بس بيضت الوجه
نايف:الحمدلله ياجدي كل شي تمام وجبت لك شهاده ترفع الراس بعد
الجدراشد :كفوو ياولدي
شوي لف بعينه نايف لقا المربيه هيفا وهي تبكي من قلب وشكلها كان يكسر الخاطر ركض عليها وضمها وهي ضمته لاحضانها اللي ربى فيها وبحنانها ...نايف:ليش الصياح يما دموعك غاليه
الجده هيفا :كل يوم بدعي ربي يطول بعمري عشان هادي اللحظه اشوفك قبل لاااموت واطمن عليك
نايف: لاتقولين كذا يما الله يطول بعمرك ....ألا وين ابوي وامي ؟؟
ديم :ابوي بالشغل وامي نايمه
نايف: اها
الجدراشد :نايف
نايف: سم ياجدي
الجدراشد :الحقني عالمكتب
نايف اللي استغرب :سم دقايق واجيك
ديم تغمز له :الحق خبر ولافي الاحلام
بالمكتب
الجدراشد :شلون كانت دراستك برآ ؟؟
نايف:الحمدلله كل شي تمام..خير ياجدي وش تبيني فيه ؟؟
الجدراشد :ايه ..اسمع الكلام اللي بقوله لك زين ..في اثناء غيابك لقينا واحد من افراد الاسره كان مفقود
نايف كشّر موفاهم :شلون يعني مافهمت ؟؟
الجد راشد :تذكر يوم حكيت لكم عن جدتك الله يرحمها وعمتك اللي ضاعت
نايف:ايه
الجدراشد :لقيت وانا جالس ادور بغرفة المرحومه ورقه قديمه باليه لها اكثر من 40 سنه ...وكان فيها وصيه من جدتك مكتوب فيها مواصفات عمتك اللي ضاعت وان فيه علامه دلتنا عليها والحمدلله لقيناها
نايف بفرح :صدق والله وينهي ؟؟ومنهي ؟؟
الجدراشد :اسمها منى وعندها 3 عيال وبنتين
نايف:ماشاء الله
الجدراشد رجع لجديته :نايف
نايف:سم ياجدي
الجدراشد :انا عارف انك ياولدي عمرك مارفضت ولاراح ترفض لي طلب
نايف:اكيد ياجدي انت تآمر امر
الجدراشد بحزم :نايف ترى بنت عمتك لك كلمه وعطيتها لعمتك وزوجها ووافقوا
نايف موقادر يستوعب :نعم!!وش قاعد تقول ياجدي
الجدراشد :موتوك تقول مانت برافض لي طلب اللي سمعته
نايف: انا مستحيل اوافق
الجدراشد بعصبيه :تعصي كلامي ياولد عبدالله ؟
نايف بجرأه :لاياجدي ماهوب هذا القصد بس انا حاط وحده برآسي وابي اخطبها وانا احبها
الجدراشد :حب.!اي حب أي خرابيط وممن تكون هذي ومن بنته
نايف :وحده شفتها بالغربه ...وبألم :بس ياجدي يبون يزوجونها غصب
الجدراشد :تحب وحده حيروها لغيرك يانايف ...وبحزم :اسمع اليوم بنروح لهم ولاابي اسمع منك ولاكلمه
نايف قام وهو شبه ميت :سوو اللي تبونه ..حتى لوتبون تذبحوني اذبحوني انا ماعاد بقا فيني شي حي اصلا
ترجمي ..
يا دمعتي له واوصفي ..
حالتي ..
فالحب مكسور الكفوف :( ..!!
عند حلا
كلامه امس مازال يتردد علي..مسكت الجريده وقعدت اقرى العناوين وانتظرت وصول راكان ..طاحت عيني على احد العناوين وصدمت ...نعم صدمني ..العنوان كان كالآتي وجهزوا منديل عشان الدموع (حادث مروع بشآرع ال..... ادى الى مصرع ومقتل الكاتب (عبدالرحمن ال.....) وانتقل الى رحمة الله غفر الله له واسكنه فسيح جناته )<<وكانت متبوعه بصوره له
حاولت اكذب اللي قريته ورديت اقراه اكثر من مره حتى ثبت لي الصدق ..مسحت دمعتي وصرت امسح بدل الدمعه دموع ....اللي حبها ماكانت نصيبه وحبني ولاني نصيبه ايقنت ان الموت هو نصيبه وانشاء الله جزاه بالاخره حور عين ...وزاد بكاي وشوي الا انسحبت من يدي الجريده
حلا شهقت بصوت عالي:راكان
راكان اللي مسكها من كتوفها وصار يهزها بعصبيه :حلاااا انتي تحبينه ؟؟
حلا وهي زاد بكاها :لاوربي ياراكان ماحبيت ولا راح احب غيرك والله وربي شاهد عاللي اقوله
راكان بصراخ :كذااابه انتي وحده كذاااابه <<ودفها على الصوفا وطلع وتركها مع حزنها اللي حالف مايتركها
يحسب اني بفقده حييل لاغاب
مايدري اني "فقدت الحيل" بغيابه =(
بيت ابوراكان
الكل اجتمع فيه ومن بد خلق الله العبره تجيني..ياشينها لاصرت ودك تحكي وتخنقك العبره من كثر ماانقتل فيني احساسي حتى الدموع خلصت ومااعاد صار لي قوة على البكا ...آخ يانايف ليتك تدري وش اللي عقبك ادمنته امحق حياه ادمنت شرب الدموع وطعمها المالح
عند الرجال
نايف ..كانو يباركون له ومادروا انهم كانوا يعزونه ..وانقتل بعدها فيه كل حي ومابقا في داخله حياة
طلال بقلبه هالوجه موغريب ياربي انا وين شايفه ؟؟
طلال:راكان
راكان :نعم
طلال:شفيك موعلى بعضك ؟؟
راكان تذكر حلا وضاق صدره :مافيني شي <<وطلع بعدها للحوش وصار يكلم نفسه اكلمها ولامااكلمها ؟ اممم لامومكلمها بس لازم اكلمها يووه ماادري شسوي <<وبعدها مشى خطوتين وداس على حجر بارز وصار يتألم :آآآآآآه
متعب اللي جاه يركض:راااكان يااخوي شفيك ؟؟
راكان بألم :ولاشي
متعب :اصبر يارجال شف رجولك تصب دم لازم اوديك المستشفى
راكان :لاماله داعي
متعب:شلون ماله داعي
عند الرجال ْ~
ابوراكان :انت درست طب
نايف والدنيا بعينه سودا ياليت عمتي للحين مالقوها كان قلبي للحين بخير :ايه درست طب <<درست طب وللحين مالقيت لقلبي دوا
الجدراشد بهمس:ماتبي تشوف البنيه ؟
نايف:لاماابي ماله داعي
الجدراشد :بكيفك
ابوراكان :الف مبروك ياولدي
نايف بغصه :الله يبارك فيك ياعمي
عند الحريم
ام نايف تتطالع بالبيت المتواضع وتتحلطم :ويه وش هالعيشه ....وبصوت عالي:الا ياام راكان كم لكم صار بهالبيت ؟؟
ام راكان :حوالي 12 سنه
ام نايف :اييه .. الا بنتك تدرس؟
ام راكان :ايه تددرس طب في جامعة الملك فيصل وبعدها طلعت بعثه مع اخوها طلال
ام نايف: ايه بعد زين لقينا شي نرفع فيه الراس
ريم ترقع لامها :ايه اصلا مناسب عمتي اكبر فخر
ام راكان :تسلمين يابنتي الله يسعدك ويوفقك واشوفك عروسه انشاء الله
ريم طرى ببالها عبدالعزيز ضاق صدرها واكتفت باءبتسامه كاذبه عكس مابداخلها
آهَ
ياطعم الحزن بشفاي .
عند البنات ْ~
ديم :لووقي
لجين سرحانه :هاه
ديم:اووه وش علينا من الحين الحبيب خذا التفكير
لجين بقلبها أي حبيب واللي يرحم والديك :لاموكذا وش كنتي تبين ؟
ديم عطتها ظرف:امسكي الظاهر مابه شوفه تو سمعت جدي يقول تعرفين اخوي يستحي ومن هالسوالف
لجين بقلبها تكفين انا اللي بموت واشوفه ليته يموت وافتك منه :والظرف وش فيه ؟
ديم تغمز لها:فيها صورة اخوي اذا حابه تشوفينه لاني لومكانك بموت عشان اشوفه والله زوجي ولااشوفه اجن
لجين :هههههههه مهبوله ..انا بطلع لغرفتي تآمرون بشي
ديم تبوسها :لاسلامتك والف مبرووك ياااحلى عرووسه بهالدنيا كلها يامرات اخوياا ههههههههههه
لجين :سقيمه
<<مرت الايام والاسابيع وانا اهملت حالي وهو مازال يستوطن فكري ...خسرت كثر من وزني ..وكان اهتمام يومي وقوته رساله منه تطمني عليه ...ماكنت ارد عليه ابد ماكنت ابي احط نفسي بموقف انسانه اخوون انسان توني ماعرفته ولاابي اظلمه عشان ماابيه يظلمني ...وكل اللي كنت اعرفه عن هالانسان فقط اسمه ...يالله يادنيا شاء القدر انه يخليني اذكرك يانايف حتى باءسمه شاركتني ...حتى اسمك ماراح يفارقني شفت شلون الصدف تتعمد تجرحنا ..عالاقل كان ماجمعتنا وخلتنا نصير احباب ....ابتسمت للقدر عله يخف علي من براكينه اللاذعه ...مسكت الظرف اللي فيه الصوره فتحت الظرف وجيت ابي اطلع الصوره ماقدرت رجعتها وصرت ابكي ألم ..تعب ووجع آآآه قلبي حيييل وقتها عوورني ....ماابي اشوف غيرك يانايف ماغيرك يملي علي دنياي
عند نايف ْ~
ايه مرت الايام وانا بس بالاسم خاطب اكذب عليكم لو اقولكم اني اعرف عن اللي خطبتها شي ..انا حتى اسمها مااعرفه اظن ان اسمها ياسمين نرمين شي من هالقبيل ..وطلعت بعدها من جيبي زقاير ..ايه نعم لاتستغربون صرت ادخن ..احرق العالم لجل سيجارتي هي الوحيد اللي تحترق عشاني ..آه بس من الهم اللي فيني ..موكل هم الشعر يقدر يقوله بعض الهموم اكبر من ابداع شاعر
طلبـتـك يآدنـيآ لآ تبكيني
تري والله مآإآعـّْآدِ فـيني
بالمستشفى
الدكتور :اخ راكان هذي مواول مره تنصاب بهالمنطقه صح
راكان :ايه هذي يمكن المره الثالثه بس كانت اقوى مره
الدكتور :للاسف يااخ راكان هالاهمال ماكان في صالحك ابد تدري بسبة اهمالك وش صار ؟؟
راكان :وش صار ؟؟
الدكتور :صارت الاصابه اشبه بعيب خلقي ...بل يمكن تكون تسببت لنفسك بعاهه مستديمه
راكان :شلون يعني يادكتور مافهمت
الدكتور :يعني انت راح تمشي وبيدك العكاز
راكان بصدمه :وراح اظل على هالحال؟؟ يعني انا صرت اعرج على رجل وحده ؟؟
الدكتور :والله يااخ راكان هذا قدرك ..بعدين انشاء الله مع اجتهاد منك راح تتحسن بمداومتك على العلاج الطبيعي وانشاء الله ترجع مثل اول واحسن بس السالفه يبيلها صبر
متعب :معليه ياراكان هذا قدر وانشاء الله بتصير احسن
راكان :اخوك يامتعب صار يمشي على رجل وحده
متعب:اذكر الله ياراكان انت مو اول واحد
راكان :الحين اكيد حلا ماتبيني لاني صرت ....صرت امشي على رجل وحده ...اعرج يامتعب اعررج
متعب:لاحول ولاقوة الا بالله
هاذي آنا ..
من عقبك ماشفت الخير
بيت الجدراشد
مرت الايام ..وصرنا عائله وحده ..يربطنا النسب والقرابه ....حبيت بنات خالي كثيير لانهم ينحبون بخلاف بنت خالتي اللي اسمها شادن اللي تكرهني من دون تبرير ولاسبب يذكر ....في يوم عزّم جدي اننا كلنا ننام ببيته ...اقصد بقصره الي مليان بالاجنحه ...وفيه مزرعه وافنيه ومجسمات اكثر من رائعه ....نمت بغرفة قريبه من جناح جدي ... وعيا لايجيني النوم ..وبالفعل ماجاني بعد رسالة نايف ....(لجين انا بالمستشفى ...واحس نفسي بموت تكفين ارجوك سامحيني ان مت واذا عشت وخذت بنت عمتي لاتزعلين علي ترى حتى انا اهلي غصبوني عليها والله شاهد علي بان هالقلب ماحب سوالك )
قريت رسالته وصرت اتعذب ابي اطمن عليه بس في شي يمنعني ...ايه يمنعني اللي هو كان (ولد خالي ) اللي كرهته قبل لااشوفه ...دورت بالدرج ولقيت الظرف اللي فيه صورته طلعته وصرت اشق فيه وبحرقه قلت :اكررررهك اكرررررررهك انت وكل اهلي انتوا السبب انتواااا
يضيق صدري .. وأحاول أخفي العبره
و الناس تسأل .. عيونك وش صايبها
أكذب عليهم .. واقول الجو{ به غبرة }!!
و أصدقُ الكذبه اللي صـرت كاذبهـا ..~
بالغرفه المجاوره ْ~
الجدراشد :وش قالولك ؟؟
نايف :يقولون عمليه
الجدراشد :لاحول ولاقوة الا بالله...شويتين واجيك
نايف:تكفى جدي لااحد يدري
الجدراشد : انشاء الله فمان الله <<وبعدها سكر جدي وطلع من داره ولقاني قباله
الجدراشد :بنتي لجين شفيك مانمتي..؟شفيها عينك كنتي تصيحين ؟؟
لجين :لاجدي كنت برآ طلعت والجو كان غبار
<<ضايق صدري واحاول اكتم العبره والناس تسأل عيوني وش صايبها ..اكذب عليهم واقول الجو به غبرا واصدق الكذبه اللي كذبتها
الجدراشد :اجل دامك الوحيد الي قايمه ادخلي البسي عباتك وتعالي معي
لجين :وين ياجدي ؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك