رواية love to be loved by you -7
طلعت رزان من جيب مريولها الفرجار اللي كانت بتغرزه بصدرها وبقوه وجهته عليها ...لكن من بعيد جت تهاني تركض ركض وكأن ربي حط كل القوه بهالمخلوقه ودفت ر زان على آخر لحظه ..وصار فرصه لصبا انها تهرب وبالفعل هربت ولحقتها تهاني
رزان صارت ترجف مع العصبيه:وين بتروحين مني ياصبا وين ميته اليوم يعني ميته و على يدي بعد
اسيل:استهدي بالله يارزان شوفي حالتك وشلون صارت هم بحريقه اللي تحرقهم
رزان بصوت خشن اكثر من اول :قلتلك ميته اليوم ميته <<وصارت تكح
اسيل:اسم الله عليك تبي ماي؟؟
رزان :لاماابي ماابي الا اني اشوف دمها
اسيل :بس البنيه ماسوت شي يستاهل هذا كله
رزان :الا يستاهل مهوب هي اللي تنصح خل تنصح نفسها ولانست من بنته جايه تنصحني انا وتتفلسف علي وترمي علي هي وخويتها ذيك النظرات للحين ماجابته امه اللي يسوي معي كذا للحين <<طبعا السالفه هي ان صبا راحت وحاولت تنصح رزان وتقولها وشلون نظرة البنات لها ...ورزان ماتقبلت بالعكس ثارت عليها ودايم تتهاوش معا على خفيف زياده على كذا كل ماشافتها صبا تهرب منها وكانها مرعوبه منها وكأنها كائن منبوذ وهالشي ولّد بداخلها رغبه في التخلص منها نهائيا حتى مثل ماشفتوا كانت تبي تآصل للقتل ..طبعا هي حبت تتبالغ بهالشي عشان لفت انتباه البنات حولها وتصير الابضاي على قولتهم <<تعرفون حركات بنات المدارس الدشير الله الهادي
رزان :نهاية الدوام راح اكمل الباقي ياقاتل يامقتول
اسيل:لا يارزان ماراح اخليك
رزان بعصبيه:مواانتي خايفه عليها خلك بصفها خلك
اسيل زعلت :ووالله ماكنت اقصد بس ماابي يجيك شي الله يسامحك
رزان مسكتها من كتوفها :اسيل بسألك سؤال
اسيل:همم وشو اسمعك
رزان نزلت يدها من كتآفها:لالا خلاص مو لازم
اسيل بعصبيه:وانتي كل ماجيتي تسأليني تهونين ...اسمعيني ترى خلاص انا ماعدت استحمل تصرفاتك التافهه هذي اللي مالها مبرر..متى ماصرتي رزان الاوليه تعالي كلميني وتذكري ا ن لك صديقه اسمها اسيل <<ومشت
رزان بندم ضربت راسها عالجدار:كله منك ياصبا كله منك <<تسمعون بالمثل اللي يقول ماتطيح السقيفه الاعلى راس الضعيفه <<هذا هو
عند ام ريآض
عبير تبكي:خالتي ماادري وش اسوي اخاف امي تحس ولاابوي يدري ولااخوي ابراهيم والله لايذبحوني كل يوم عن يوم بطني تكبر دبريني ياخالتي انا خايفه دبريني
ام رياض<<عانس ماعندها ولد اسمه رياض ولاهم يحزنون ولكنه اسم الشهره على مايقولون عايشه ببيت اختها ومصيّعه بنت اختها بحجة التفتح اللي طايحين فيه<<ياخي اذا موقد التفتح خلكم مغلقين اصرف
ام ريآض:وانا قلتلك اطلعي مع ولد الناس وبعدها يصير اللي صار صدق وهقه
عبير تزيد الصياح :خالتي احب رجولك دبريني لوواحد من اهلي درى يذبحوني والله يذبحووني
ام رياض تفكر :اصص خلا اسكتي لقيت الحل
عبير:اللي هو ؟؟
ام رياض:اليوم واناا طالعه من بيت لولوه شفت وليدها .واي ياعبير وش زينه وش حلاته
عبير:وانا شكو بولدها خالتي كل اللي ابيه انك تدبريني دبريني ياخالتي
ام رياض:يووه زين دوشتينا انا اقولك عليه ياخبله عشآن نحاول ندبّس البلا عليه لانهم طبقه غنيه وبمخططاتي راح تمشي الامور بكامل السريه من غير كل هالهجوله وعيآل الفقر اللي عرفتيهم يللا امسحي دموعك
عبير:شلون ياخالتي مافهمت ؟؟
ام رياض باءبتسامة خبث:انا اقولك شلون
وش حيلتي ؛ لا ذكرت انه ,.ْ
" ت ن ا س ا ن ي " !
................وش حيلتي لا بغيت انساه وانتظره..؟!
ثاني يوم بالمستشفى
بعد مافكرت فيه ...وكيف قلبها كل ماشافه ينغزها يألمها قررت الابتعآد ..اي نعم صعب مثل هالقرار ولكن الفرقى تسهل على القلب امور كثير عل وعسى بكره قطعة اللحم اللي تنبض بصدري تنسى شخصن سكنها ووسم باعماقها اجمل معاني وحروف الحب....أيقنت وقتها ان راكان مومن نصيبي والرضخ للواقع واجب على كل مرء لان الحياه مستمره مهما كانت الاسباب
محمد :صباح الخير حلا
حلا:صباح النور محمد
محمد :وشلون ا لنفسيه اليوم اكيد احسن من امس
حلا:يعني مومره احسن
محمد :افاا ليه وش صار ..وبقلبه اكيد ذاك الاثول غرفه 114
حلا:عندي طلب ممكن
محمد بقلبه ياليل البلشه محد ينعطى وجه بهالمستشفى :امري
حلا:تقدر تمسك مريض غرفه 114 وانا امسك بداله اثنين لوبغيت
محمد:لالالالا كله ولا رقم 114 لسى امس كان يمدح فيك ورافض كل البنات اللي كانو قبلك وارتاح لك كل البنات البقيه مسخره وقلة حيا وبعدين توك بالبدايه ماشفتي شي لومن الحين ماقدرتي تصمدين الله يعين على بكرى
حلا:خلاص طيب مشكور
محمد :ماابيك تزعلين بس صدقيني عندي الف مريض غيره
حلا:لازعل ولاشي انت سويت اللي عليك وزياده ...استأذن <<توجهت بعدها لغرفة راكان وكان قلبي ينبض اكثر واكثر بالفعل راكان كان يبيني انا من بد هالبنات امسك حالته ..لالالا هو قال كذا لاني اقربله ..تكفى ياقلبي لاتحن ..صحيح انه صفحه بحياتي واجمل الصفحات بس جا اليوم اللي بطويها وانتظر دفتر يملاه حياة جديده افضل من المآضي اللي مر علي
{~يآسعآدة..ْ
خبريني وينآرضك..؟!
...................... يآسعـــآدة ..~
بيت ابوعبدالعزيز
ابوعبدالعزيز بدى وقت الفصلان حقه ...تمدد وبيده قزاز الشر
ابوعبدالعزيز وهو سكران طينه:بوخمييس شفيك ماد البوز العكر شبرين هااا
بو خميس:موقلتلي بتجيب بنتك مانشوف شي
ابوعبدالعزيز :هههههههههههههااااي هذا اللي مضيق خلقك ومخلي ريحت حلقك مخنزه هههههههههههااااي دقيقه يالخوي ياحليييوه<<قام وهو مختل التوازن توجه لغرفة حلا مالقاها وصار يصارخ بأعلى صوته :ام عبالعزيييز ام عزووووز
ام عبدالعزيز كل ماسمعت ان الصوت اقترب تزداد خوف وتدعي بقلبها :آمر يابوعبدالعزيز
ابو عبدالعزيز يدور ام عبدالعزيز لان الغرفه مابها الا نور ضعيف:هههااااي انتي هنا تدرين بغيت ادورك تحت السرير ههههههههااااااي
ام عبدالعزيز:وش بغيت يابوعبدالعزيز قلي وانا اجيبه لك
ابوعبدالعزيز قلب ومسكها من كتفها بقوه:وين بنتك حلااا
ام عبدالعزيز اللي دب الخوف بقلبها:هااا بغرفتها وينها يعني
ابوعبدالعزيز:هههههااااي قلولك محشش مثلا توني رحت غرفتها مالقيتها <<سلامة عمرك ابد مومحشش
ام عبدالعزيز:روح انت وانا اجيب لك بنتك
ابوعبدالعزيز:شوفي يالعجوز لو ماجت بنتك بعد خمس دقايق ياويلك احرقك اخليك محمد نور هههاااااي ياملحه احلى منك يالعجوز فهمتي
ام عبدالعزيز :ايه انشاء الله انشاء الله...وصارت تكلم نفسها:ياربي وش هالبلشه منين اجيب له بنته الظاهر اليوم بتقوم قيامتنا
ابوعبدالعزيز بصراخ:ام عبدالعزيز
ام عبدالعزيز تخرعت:انشاء الله هذاني بروح
<<ام عبدالعزيز راحت لغرفة حلا وصارت تدعي ربها :يالله ان تدبرنا مدري وش اسوي ادق على عزوز لالالا اجل ادق على حلا هم لالالالا <<وصارت تفكر الاوطاحت عينها على عروسه (لعبه) حقت حلا مالنا الا هذي نعطيها لابو عبدالعزيز وانشاء الله تمشي عليه
ابو عبدالعزيز:هاا لقيتيها؟؟
ام عبدالعزيز:ايه لقيتها هذي هي <<ومدت له العروسه
ابو عبدالعزيز ومخه ماهوب معه:هههههاااي حلا بنتي شفيك تقلصتي ورى حجمك صار كذا ههههااااي.....وشوي الا يقلب عصبي وصار يضرب بالعروسه :وينك يابنت الكلب ساعه انادي فيك وينك ماتردين علي يابنت مهيره هاااا
ابوعبدالعزيز:مهره ووجع بنتك شفيها ماترد لايكون بنتك خرسه وانا ناسي
ام عبدالعزيز:تقولك انشاء الله ماراح تعيدها
ابوعبدالعزيز يسحب العروسه :امشي قدامي يللا
ام عبدالعزيز رغم الالم الا هالموقف اجبرتها تضحك لابد للبسمه بين سطور الالم حيّزJ جعل الله الضحكه تملاء كل حيّز بحياتكم
اما عند ابوعبدالعزيز بالمجلس مخبي العروسه ورى ظهره <<آخر تحشيش مصدق الرجال انها بنته
بوخميس:هاا بوعزوز وش خاش وراك
ابوعبدالعزيز:مومسوي زعلان وغثيت قلبي ابي بنتك ابي بنتك <<يطلعها من ورى ظهره :هذي بنتي جبتها لك بس الظاهر اخترعت من قبل لاتشوف خشتك وصغر حجمها ههههااااي
بوخميس:شنو هذا يابوعزوز هذي موبنتك هذي عرووسه
ابوعبدالعزيز يغمز له :ايه عرووسه وانت عريس ههههاااااااااااي
بوخميس:انا اقصد انها لعبه هاللي بيدك موبنتك
ابوعبدالعزيز:اللهم طولك ياروح جبنالك بنتي ماعجبك جبت لك احلى شراب مو عاجبك تدري ضف وجهك وحط لنا على قناة غنوه نشوف الوجيه السمحه مووجه الفحم انا اللي مومستوعبه للحين ماشبيت مع الحر يابوخميس ههههااااااي
بوخميس :يووه مجنوون رسمي مع السلامه
.................................................. ...............
قويتبلحظه غيآبك آدآري دمعتي لآ تطيح
لكن يوم آقفيت عجزتو طحت آنآ كلي
.
.
بالمستشفى
حلا:ممكن ادخل
رآكان :تفضلي
حلا:السلام عليكم اخ راكان
راكان ::..............................
حلا انقهرت من تجاهله :اظن رد السلام واجب اخ راكان
راكان :كم مره قلتلك بطلي هالرسميه البايخه
حلا بقلبها الله يسامحك:جيت آشوف الضغط ممكن
راكان :يووه وهو كل يوم يعني
حلا ناظرته بترجي:راكان لوسمحت هذا شغلي لاتعطلني لوسمحت
راكان باءستسلام :طيب سوي اللي تبينه
حلا قربت منه من غير ماتطالعه وخذت بسرعه الضغط اللي كان يهمها تعرف النتيجه وكانت تتحجج باءهتمامها لانه ولد خالتها ولكن الحقيقه القلب ادرى بها كان ضغطه مرتفع حيل انصدمت وقتها
حلا بخوف:راكان ضغطك مرتفع شفيك؟
راكان ابتسم بسخريه:قولي وش مافيني ..ولد خالتك ميت ياحلا ميت<<تعرفون العلبه اللي بها غاز مكبوت خله يلاقي مجال يطلق الغاز بيطلقه من دون تردد
راكان كان كذا
حلا من سمعت اسمها على لسانه فزت:شفيك ياراكان قول خوفتني
راكان :كل يوم يزيد الهم فيني ..انا ان استنشقت دخل هم وان زفرت طلع هم ودخل عشره بشهيق ثاني ....الهم لقى فيني خير مسكن وسكني من الراس للاقدام
حلا:اذكر الله ياراكان كل انسان مهموم بدنياه ولازم يشقى ..بس خل ببالك كل انسان مبتلى ربه يحبه
راكان :بس هذي مو أي هموم ياحلا مو أي هموم ..البنت اللي حبيتهاباعتني وابوي ماعاد يبيني لانها بنت اخوه بس محد فاهمني صعب ابوح صعب اقول لان ان قلت ضميري ماراح يرتاح وان كبت الهم بصدري اوجعني..وشوفيني عاجز بالمستشفى طريح مابيدي حيله اظن كل شعور اقسى من الشعور اللي قلبه
حلا وماسمعت الاجمله وحده وصارت تتردد ببالها الانسانه اللي حبيتها باعتني..وبصدمه:حنان باعتك!!وعمي زعلان عليك ليش وش السبب؟؟
راكان:انسي الموضوع خلاص
حلا عصبت :راكان انا بنت خالتك يعني قلتلي ماقلت لي لسالفه بتآصلني الله يسامحك محسسني اني غريبه يللا استأذن
راكان :حلااا .
حلا:نعم
راكان:آآآآ..انا
حلا:انتش فيك ؟؟
راكان بتردد:آآآآ...انا ...انا طلقت حنان ارتحتي
حلا انصدمت:طلقتها!!
راكان صار يشد بقميصه :حلا اذا تبين تزيدين الجروح جروح جيبي طاريها عندي ..انا خلاص عفت كل الحريم وحتى لو اخذت بعدها بعيش دنياي ميت خلاص ماعاد فيني شعور ولااحساس كلها ماتت ياحلا ماتت انا تعبآآآن حيل تعبآن ومحد حآس فيني محد ..وبتنهيده :ربي يعجل بوفاتي خلاص تعبت
حلا بقلبها ليته فيني:اسم الله عليك لاتقول كذا ....راكان امسك
راكان استغرب :وشو هذا؟؟
حلا:كتاب بعنوان لاتحزن حلو مره بحكم انك تمر بأوقات فراغ راح تستفيد منه حيل
راكان بدون اهتمام اخذه وحطه على جمب:طيب مشكوره...حلا بطلبك طلب
حلا:اللي هو؟؟
راكان وطى راسه :ابيك تدعين علي
حلا انصدمت:ادعي عليك؟؟
راكان :ايه تكفين لااوصيك بكل فرض ادعي علي ان الله يآخذ امانتي الناس ماترححم بس ربك رحيم
حلا باءنفعال صارت تبكي:انت جنيت ادعي على روحي ولا ادعي عليك
راكان انصدم من ردة فعلها:انا آسف حلا وربك ماكان قصدي تنزل دموعك بسبتي
حلا مسحت دموعها وقربت خذت السماعات:لاياراكان دموعي ياكثر مانزلوا لاتشيل همهم <<مسكت السماعات وانكشفت يدها...يدها اللي كانت مليانه بالجروح واثار الضرب اللي تتلقآه بشكل مستمر من ابوها
راكان مسك يدها :حلا وشو هذا
حلا وخرت يدها بسرعه وغطتها :ولاشي
راكان :للحين ابوك يضربك ماتاب يعني
حلا:لاموكذا انحرقت من المكوه و
راكان يقاطعها:تحسبيني معرف ...ابوك ماعاد ينسكت عنه اكثر من كذ1
حلا :راكان هذي امور خاصه لاتتدخل لوسمحت
راكان ببرود :براحتك
شوي الا حس بألم قوي ببطنه وبندا:حلاا
حلا:لبيه
راكان:بطني بمووت آآآه
حلا بخوف:لحظه انادي الدكتور
عند نايف
احمد:كنك اول واحد ينطرد من بيته شاب بينام عند خويه لان تمشكل مع اهله وين المشكله ؟؟
نايف:اوووف احمد ترى حدي موفايق لك...قمة القهر لاصار عندك مثل امي اغيب عن البيت وهي تدري والادهى هي كانت السبب وموفارقه معها كنت حي ولاميت ..ويوم تمسك جوالك تلقى الف دقه من المربيه اللي ربتك ومرسلتلك كم رساله تتطمن عليك ومن خوفها موقادره تنام وش احساسك ذيك اللحظه بيصير
احمد :الشكوى لغير الله مذله يااخوي ..انت الحين فكنا من هالمود واسمع هالنكته يقولك عجوز بمحو الاميه جاها سؤال 10ناقص 10 كم يساوي الضعيّفه ماعرفت وقالت للاستاذه يااستاذه ساعديني ماعرفت الاجابه جت الابله قالتلها عندك عشر برتقالات وكلتي عشره وش يبقى جاتها العجوز بضروس مكسره :يبقى القشور ههههههههههههههههههههههههههههههههه
نايف غصب ضحك ورماه بالمخده:سااامج سقيييييييم
احمد :اجل ورى تضحك يالسلنتح
نايف:اضحك على وجهك يالسلوقي
احمد :اعترف ان العجوز اعجبتك
نايف:اقو تلايط يالدرج<<طلع جواله ودق على شادن
شادن بصوت كله نوم:هاي بيبي
نايف:هلا قلبي نايمه؟؟
شادن:ايه
نايف:اسف اقلقتك حبيبتي
شادن:عاتي قلبي اكلمك لاسحيت بآي
نايف:باي<<وبعد ماسكر منها تكدر
احمد :لحوول شفيك بعد؟؟ الحب فيها شي؟
نايف:لاموكذا احسها انشغلت عني هاليومين ياخي اشتقت لسواليفها
احمد مسوي خاش جو:تحبها نايف؟؟
نايف:اكذب لو قلت مااحبها ياخي تعرف وش معنى مجنونها هذا انا
احمد بعبط:آخ بس ليتني مكانها
نايف مسك اقرب مخده وذبها عليه
احمد :ههههااي وانت كبريت عل طول تشب امزح يارجل عساك سالم
.................................................. ..............
بيت ابوراكان
ام راكان:يابو راكان هذا ولدك مايصير كذا ماتسال عنه عشان خاطري يابو راكان
ابوراكان :ناويتن تزعليني منك ياام اكان
ام راكان :الله وكيلك يابوراكان ماابيلك الا الراحه ومتى ماتصافيت مع وليدك بترتاح صدقني
ابوراكان:الله كريم هذا الموضوع الحين سكريه الله يرضالي عليك....وضيّع الموضوع:الاوش سويتي لنا غدا؟؟
ام راكان :سويت لك كبسة لحم اللي تحبها وفطاير وبسبوسه
ابوراكان :الله يقويك انشاء الله انا طالع ببدل هدومي
ام راكان تكلم نفسها وتتحلطم:راسه يابس
متعب جاها من وراها :من اللي راسه يابس؟؟
ام راكان فزت:بسم الله الرحمن الرحيم متعبوه وجع احد كذا يدخل عالناس لاسلام ولاكلام
متعب:السلام عليكم كذا حلو
ام راكان :وعليكم السلام ورحمة الله وبركاته ..هابشر شسويت بالامتحان؟؟
متعب:أي امتحآن ...ايييييه الامتحان زين ماشي الحال
ام راكان :الحمدلله
متعب:يما حدي ضآيق
ام راكان :وش اللي مضيق خلقك اسم الله عليك
متعب:اخوي راكان...يمه حاله لايسر لاعدو ولاصديق مهما كانت غلطته موكذا الكل يآقف ضده
ام راكان تنهدت :اييييه ياولدي انا شقول وهو قطعه مني ...ادري انه تعبان ومرقد وموقادره اروح له ياولدي سالفة طلاقه موداخله لي من زور ...ماشفت اخوك قبل لاياخذها شلون فرحآن اسم الله عليه وطاير فيها عند الناس ماادري وش اللي قلبه فجأه<<وصارت تفكر بقلبها معقوله حنان تكون ..تكون ....لالالا ياام راكان لا
متعب:يما اكلمك انا
ام راكان :شقلت ياولدي
متعب:ماقلت شي عموما الله يكون بالعون
ام راكان :هذا الحكي السنع ..انا قايمه احط الغدا
هذا دروبي وانا في حياتي حـــــر
أعيش ولو اني ماأعرف مصيري
اللي اتجاهلني اغض طرفي عنه و أمر
واللي { عرف قدري } له كل تقديري..
بالمدرسه عالطلعه
صبا:تهااااني خااايفه ميته خووف وربي تقل عايشه بفلم رعب تووفي والله عمري ماخفت مثل هالخوف بحياتي الحين ممكن تطلع من أي مكان كها جني ولجينووه مدري وينها تأخرت
تهاني بهياط :اقووول هونيها وتهوون دزه وحده اطيرها لك للنماص <<كفا بكش يابنت الحلال
اما عند رزا ن حست بالذنب لانها زمرت على اسيل وراحت لها
رزان :اسيل اسمعيني
اسيل رفعت يدها:رزان كفاايه اعذريني مقدر اسمعك متى مانظف قلبك صرتي مثل اول تعالي وكلميني نظفيه من هالحقد اللي اعماه من الظلم والجور<<ومشت
اما رزان زاد الحقد بقلبها على صبا وتوجهت لها وراكبها ميت جني وجنيه
قربت منها وسحبتها من شعرها
صبا :آآي شعري وخري عني ياحقييره وخري
رزان دفتها عالارض بقووه حتى صارت طريحه وتتلوى بالارض ..صارت تتلفت يمين وشمال وطلعت من ظهرها هالمره ....سكين صغيروسط حشد من المتفرجين طبيعي يكونون متفرجين اصلا محد يسترجي يقرب منها لانه راح يكون اخر يوم بحياتها الكل كان يهاب رزان ويعاملها باءحترام ويطعنها بظهرها نظرا لمظهرها لدرجة ان في بنات يخجلن من التعامل معها كون مظهرها مظهر ولد
رزان قربت بتطعنها باللي في يدها وفي المقابل السمساريه <<السمساريه هي البنت اللي تفتن على الهوشآت هع..راحت وخبرت احد الابلات ولكن قالتلها بيتفاهمون مع الطالبات عقب الاجتماع
الا ماينشاف الا رزان طاحت جمب صبا ..وصبا بصراخ :لجيييييين
لجين قربت منها وخذت السكين وبعصبيه:وصلت معك لين السكين بعد <<ورفستها ببطنها
رزان تتألم بالارض وتتلوى من شدة الرفس
لجين :والله لو الذبح حلال كان ذبحتك على وشو شايفه حالك على بالك معتز الحين يوم تكافخين بالبنات ومسويه مثل الصبيّان ...مستانسه طايره من الفرح انتي ووجهك يوم كل دقيقه متلعنه شي صراحه يونّس
رزان بألم :اسكتي انتي وياها اسكتوا ماعاد ابي اسمع شي يابنات اللقيطه
لجين من سمعت كلمة اللقيطه جن جنونها وبصوت عالي:ايه يابنات انا امي لقيطه الحمدلله عرفت تربي بناتها احسن تربيه روحن وانشدن عن امي وتجيكن العلوم الحمدلله شوفي تربيتها فينا لاطلعنا بويات ولامسترجلات اللهم ياكافي ولاحنا مريضات نفسيا نكافخ بخلق الله
رزان ماقدرت تتحمل اللي تسمعه هي بالفعل كذا مسترجله موبيدهاوش تسوي وبصراخ:اسكتي خلااااص كفاااايه <<وركضت لداخل
(نعم تحيه لكل لقيط و لكل من عآش بلا ام واب حقيقيين بلا هويه....تركوا الزمن لهم فصول ليتعلموا منه ...تحيه لكل شخص جعل من نفسه المجهوله شخص رآقي باخلاقه صامد بصبره...فكم من لقيط صآن نفسه عن الرذيله..وخلّد في الدنيآ اجمل معاني وذكرى ..تحيه ووقفة شكر لكل لقيط يعيش بيننا فأنت فخر لمن حولك لانك هذّبت نفسك واشخاصا شهدت لك بطيب المنبت والاصل دون معرفته)
لجين بصوت عآالي:بعض الناس مثل الكوره تحطهم فوق راسك يطيحون ..ولما تشوتهم للجدار يرجعون لك ..ولما تحطهم تحت رجلك يثبتون عندك <<خذت اختها وراحوا
.
.
.
لو الغلا والحب يوزن بميزان ماظن يوزن بالموازين حبي
........................وان كان فيه انسان يموت بانسان
انا جريح الحب من فضل ربي وان كان غيري يرسم اشكال
........................والوان انا رسمتك في شرايين قلبي
عند مازن
مازن :الو هلا قلبي
حنان :هلا مازن شفيه صوتك فيك شي؟؟
مازن:مافيني شي
حنان:شدعوه مازن يعني انا مااعرفك
مازن بضيق:حناااااااان مخنوووق حدي مخنووووق
حنان: اسم الله عليك مازن شفيك؟ قول خرعتني
مازن:امي ..آآآ فاتحتها بالموضوع وو
حنان تقاطعه:ورفضت بحجة اني مومن نفس القبيله ولا عاداتنا هي عاداتكم ولا انا من ثوبكم صح
مازن تنهد :ايه
حنان بيآس:والحل
مازن:ابيك تصبرين ياقلبي وربك يفرجها بكرا انشاء الله يلين راس امي وابوي يوافق <<وبقلبه هذي من سابع المستحيلات
حنان بكدر:انشاء الله
مازن بضيق:صدري مليان بالضيق احساس جاير موطايقه يسري بعروقي ويبكي خفوقي وانا اسمع صوتك متكدر..حنان كلمه وقلتها انا لك وانتي لي بس لايضيق صدرك
حنان:دامني معك هالشي يكفيني يامازن والله يكفيني ويمحي الكدر عني ويزول
.................................................. ...............
شكرآ على جرحك
مشكور وماقصرتْ~
عند ام نايف
ام نايف:يرضيك ياعبدالله اللي سواه فيني ابوك
ابونايف:قلتيها ابوي ..حنا مهماطال او قصر الدهر نظل ضيوف عنده يالولوه..احمدي ربك انه تحملك كل هالسنين رغم القيل والقال اللي جبتيه له
ام نايف:يعني هذا اخر كلام عندك؟؟
ابونايف:ايه اخر كلام وبعدين ماتدرين ان ابوي كذا بوقتها يزعل وبعدين يرضى
ام نايف:بس هالمره ياعبدالله زودها علي لاوبعد قدام العيال....لازم تشوفلي حل مع ابوك ولاترى مالي جلسه بالبيت
ابونايف:وانتي من متى لك قعده بالبيت يا ام نايف
ام نايف تجاهلته راده على جوالها:الووو ..هلا ام رياض
ابونايف يتحلطم:مستحيل تتغير بوطبيع مايجوز عن طبعه
ام نايف:ياهلا بالطش والرش
ام رياض:اقول ام نايف
ام نايف:سمي
ام رياض:لايفووتك جبت لك مستحضر توه جديد واصلني من لندن <<من ام حجاب قصدك
ام نايف انبهرت:صدق يالله ان تخليلي ام رياض فديتها
ام رياض:ههههههههه افا عليك بس
ام نايف:الا كم سعره ؟؟
ام رياض:افا تبين تزعليني يام نايف مابينننا شدعوه
ام نايف:الله يعطيك العافيه ياوخيتي غرقتنا جمايلك
ام ريآض:اقول ام نايف ممكن طلب
ام نايف:افا عليك انتي قولي وانا انفذ
ام رياض:بنت اختي مسكينه واعليا مريضه
ام نايف:عسى ماشر
ام رياض:ماشر انشاء الله مريضه شوي قلت مالي الا ام نايف ..الا تقدرين تخلين ولدك بكرا يمرنا تعرفين ياوخيتي ابوبراهيم مايرضى نروح مع سواوييق وبالمره اعطيه المستحضر حقك لاعطيته للسواق اخاف يقشه مني ولامناك تعرفين نادر وغالي وانا وخيتك
ام نايف استغربت بس عشان المستحضر كل شي يهون:ابشري ماطلبتي شي بكرا اخليه يجيكم وبالوقت اللي تبون مع السلامه
ام رياض باءبتسامة خبث:مع السلامه
عبير:ها بشري ياخالتي شصار
ام رياض:عيب تسالين ام رياض هالسؤال انا لابغيت شي اجيبه لوكان فوق السما اجيبه
عبير:صدق خالتي يعني نجحت الخطه
ام رياض:ههههههههه ايه نجحت يابنت اختي
خلـــــــــــــــــــــــص البآرت
ياترى وش ناويه عليه ام ريآض هالعنصر الجديد؟؟
راكان وشفيه؟
هل راح تستمر مضايقات رزان لصبا؟؟
اكيد راح نعرف كل هذا بالبارتات الجايه
وديْ~
Part6
عند نايف
نايف واحمدكانو يطالعون التلفزيون ولكن نايف سرح بفكره لبعيد ..فكر بأهله وبالاخص خواته ..صار يفكر بشآدن ليش هالفتره بعدت عني معقوله ماتدري للحين ان بعدها عني دقيقه يذوقني الهم ذواقه ...تتعب قلبي ولا تدري وانا اللي احبها من صغري اه منك ياقلبي اه
احمد يلوّح بيده :هييييه يالحبيب اللي ماخذ العقل يتهنى فيه ....ساعه جوالك يدق
نايف :بالله مانتبهت ...ومن غير مايشوف الرقم :الووو
ام نايف تمثل البكي:الوو هلا نايف يما ويينك؟؟
نايف تخرع :يما شفيك تصيحين شصاير جدي تعبان ولا خواتي احد فيه شي؟؟شفيك يما خرعتيني تكلمي
ام نايف تشاهق بكذب:انا اللي فيني يما انا
نايف:انتي!! شفي يما قولي شصاير
ام نايف:انا من رحت ياولدي وحالتي موحاله
نايف بقلبه انصدم عمرها ماسوتها تزعلني وتلعن ابوخامسي ولاهامها شعندها هالمره اكيد حست بالندم هذي امك يانايف عطها فرصه
ام نايف:يرضيك قلبي يصير فيه كذا وأدوده وحالتي مايدري فيها الا ربك تعال يما ارجع لبيتك واهلك انا امك مهما سويت فيك اظل امك تدري بامك اعصب كثير والشيطان يعميني وش تبيني اسوي ياولدي
نايف اول مره يحس بشعور ان هالمخلوقه امه معقوله اللي صار اليوم اثر فيها:ابشري يما
ام نايف استانست:اجل نحتريك عالغدا لاتتأخر وانا امك <<وبقلبها لايذبحنا العجيّز
نايف:انشاء الله يما ...فمان الله
مَكْتوْب لِلْكَامِل يَجِي فــيـہّ نُقْصَان
وَّمَكْتُوْب لِلنَاقِص زَمَانِه يَزِيْدُه
أَحْيَان نَتَكَبَّر عَلـے الْحُزْن..وَأَحْيَان
بِكُل أَدَب نَمْشِي مـع الْحُزْن سَيِّده
بالمستشفى
حلا طارت على دكتور عمر....وصارت تناهج من الركض:دكتور دكتور الحق مريض غرفه رقم 114
الدكتور عمر:شوفي
حلا:حالته تدهورت فجأه يادكتور وصار يتألم ماادري شفيه
الدكتور:اوكي اوكي انتي روحي وانا بلحقكم شوي
حلا راحت لراكان اللي صار يتألم بشكل فظيع
حلا:راكان اذكرالله هذا الدكتور جا
دكتور عمر:صار يتحسس ببطنه :وين الالم ياراكان هون
راكان يأشر على بطنه :ايه هنا آآه
دكتور عمر :آه عرفت شو
حلا بخوف :شفيه يادكتور؟؟
الدكتور عمر:
معـــــــــــــآه الزايده ..بسسرعه نيرس جهزوا غرفة العمليات
حلا :انشاء الله دكتور
دكتور عمر :ايه وكلمي حدن من اهلو منشان الموافقه على العمليه
راكان من بين المه :حلا كلمي طلال لاتكلمين احد ثاني
بالفعل طرت مثل الفراشه وخطواتي كانت سريعه ..آه ياراكان ليتني ماشفت الالم بعينك ليت الموت خذاني ولاسمعت منك الآه
قلت للنيرس يجهزون غرفة العمليات وطلعت جوالي دقيت على طلال
عند طلال الجوال ترررم ت نتن ترررم تن
طلال:لحووول بعد من هذا..وبعصبيه :هاااا<<احد كذا يرد يامروح
حلا انصدمت من رده:الوو ممكن اكلم طلال
طلال سمع صوت بنيّه احتاس:هااا انا طلال ياحيي آمريني
حلا:هلا طلال شلونك
طلال ينكت:من سمعت هالصوت صرت احمر كااااااااك الا من انتي وبعد تعرفيني
حلا:انا حلا بنت خالتك
طلال انهبل :حلا !!
حلا:ايه كنت بقولك ان اخوك راكان بيسوون له عمليه وقالي اكلمك عشآن تجي توقع ويسوون له العمليه
طلال:وانتي شدراك
حلا:انا اشتغل بنفس المستشفى اللي هو فيها
طلال:اهااا...حلا راكان شفيه تكفين قولي الصدق وش عمليته بعد هذي؟؟
حلا:لاتخاف طلال الزايده انشاء الله ماعليه الا العافيه
طلال:زين دقايق واكون عندكم
حلا:طيب مع السلامه <<سكرت وصرت اقول بداخلي:وسط غابه من الشموع احتفي بعرس الدمووع ..كل شي هادي وسآكن وحدتي..ظل الاماكن..ايه ابي انسى ولكن تعشق الذكرى الرجوع
.................................................. .....................
بيت ابونايف
الجد راشد:لولوه ولدك جاي عالغدا مثل ماوصيت؟؟
ام نايف تبلع ريقها:ايه جاي كلمته وقال بيجي
الجد راشد :ايه زين سويتي ولاكانت النيه شينه وانا عمك
ابونايف يضيع السالفه:الا يبا اخبار المستشفى معك؟؟ سمعت انك جيت امس الا وش اخبار المستشفى
الجد راشد :انت ادرى بعلومها
شوي الا انفتح الباب وكانو ديم وريم منتظرين اخوهم خلف هالباب وبالفعل كان خلفه ..طاروا عليهم وسلموا عليه
ريم بزعل :نيووف لاعاد تعيدها والله ازعل عليك
نايف يحب راسها:ياحبني لك ابشري
ديم تدزه:نيووف جرب تبات بره مره ثانيه اذبحك
نايف يضمها :ههههههه انشاء الله ياملسونه
لاحظ وجود جده ...قرّب منه ودنّق :السلام عليكم جدي شلونك
الجد راشد بحزم ضرب بالعصا الارض:طلعه من هالبيت ونوم برا ماعاد فيه فهمت والرجال مايطلعون من بيوتهم هذي البيوت لرجالها ماهوب لحريمها فاهم <<وخز ام نايف
نايف:انشاء الله جدي <<راح حب راس ابوه وامه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك