بداية

رواية love to be loved by you -8

رواية love to be loved by you - غرام

رواية love to be loved by you -8

شوي الا انفتح الباب وكانو ديم وريم منتظرين اخوهم خلف هالباب وبالفعل كان خلفه ..طاروا عليهم وسلموا عليه
ريم بزعل :نيووف لاعاد تعيدها والله ازعل عليك
نايف يحب راسها:ياحبني لك ابشري
ديم تدزه:نيووف جرب تبات بره مره ثانيه اذبحك
نايف يضمها :ههههههه انشاء الله ياملسونه
لاحظ وجود جده ...قرّب منه ودنّق :السلام عليكم جدي شلونك
الجد راشد بحزم ضرب بالعصا الارض:طلعه من هالبيت ونوم برا ماعاد فيه فهمت والرجال مايطلعون من بيوتهم هذي البيوت لرجالها ماهوب لحريمها فاهم <<وخز ام نايف
نايف:انشاء الله جدي <<راح حب راس ابوه وامه
نايف:العذر والسموحه يما ماكان قصدي ازعلك عساك بس رضيتي علي
ام نايف:ويه انت بكري ولدي العود اكيد برضى روح يما بدل هدومك وتعال كل لك لقمه تلقاك ماحطيت بحلقك شي من طلعت
نايف:بالعافيه على قلوبكم مااشتهي يما <<وبالفعل توجه لغرفته ولكنه تذكر المربيه هيفا وعكس اتجاهه لها...راح لها وكان بيدها المصحف ولابسه جلالها متوجهه للقبله وتصيح
المربيه هيفا:ياربي ياحبيبي ترد لي نايف ولدي..داير قلبي مايغدر يستحمل فراقو..يالله ياكريم حرمتني من الضنا وهوا ضناي ردوا لي يارب
نايف قرب منها وحب راسها وباءبتسامه:هذا نايف وصل
المربيه هيفا و دموعها تنزل:نااايف <<وصارت تحضنه وتصيح...الله يافرق الاستقبال صحيح امي ماتوقعت انها بترضى بسرعه بس توقعت تدمع عينها مثل مااشوف عين من رباني تدمع
نايف:لا كذا بنزعل عليك يازوله
المربيه من بين دموعها تضحك:هههه وتعلمتا زوله كمان
نايف:ههههه آآآي
المربيه هيفا:ياولدي مالو وشك اصفر وجسمك ناحل ...اقوم بنفسي احط ليك الغدا
نايف:لاوالله اجلسي يما وربي مومشتهي
المربيه هيفا:اجل خلاص ماتكلمني وانسى اني امك ...وصارت تناشق:من رحتا وانا ابكي ولا اكلتا ولاشربتا لانو انتا الاكل بالنزبا ليا
نايف:افاا افااا ولايهمك خلاص وقليلهم يطرشون لي الاكل بغرفتي لين ماابدل هدومي
المربيه هيفا:لاوالله محد يحط الاكل ليكا غيري
نايف:هههههههه طيب
.................................................. ........
يشوفوني الناس يقولو الحمدلله الشكر
بس انا مبسووطه لانه هبالي كله سبب عشقك
بيت ام راكان
صبا :لووقي والله ماراح انسالك هالجميل ياوخيتي
لجين بفهاوه:من هذا جميل بعد؟؟
صبا:لاياحماره انا اقصد اللي سويتيه لي اليوم
لجين :ايييه طييييري بس لاياخبله مابيننا لا جميل ولاجمال خ خ خ ولاغيره
صبا:تدرين لجين قبل الفسحه كان معها فرجار قبل السكين ويوم جينا عالطلعه مدري من وين جابت هالسكين؟؟
لجين بققت عيونها :نعم !! فرجآر بعد انتي متأكده
صبا:ايه وتخيلي من جا وانقذني من الموت
لجين تحمست :سوبر مان مثلا من اللي انقذك؟؟
صبا:لا تهاني
لجين :أي تهاني؟؟ لاتقولين تهاني العصلا
صبا:ايه وربي كن ربك حط فيها كل القوه جت طايره ودفت رزان ..كان القاها فرصه واهرب الحمدلله ياشيخه كان صرت بخبر كان الحين
لجين تفكر :الحين صادقه بكلامك يوم تهاني انقذتك الصراحه مايجي صرصور يدف بعير فكري معي يجي؟
صبا:لحول وانتي هذا اللي شاغل بالك والله اخاف بكرا بعد تسوي شي هالمهبوله ترى ابسط شي عندها الذبح
لجين :اقوول ماضر السحاب نبح الكلاب ....والله انا اللي خايفه
صبا :افا خير وش فيه شصاير بعد معك
لجين :تخيلي صبوه اليوم وانا رايحه للجامعه شفت ريآن ولحقني لين باب الجامعه وصار يغازل ويقط كلام كنه وجهه هالواطي المهم وشوي الا شافه خالد وجا
صبا دخلت جو:احلفي عاد خالد ماغيره ولد جيراننا خوي طلال حبيبك
لجين :اخ تفوووو ...وجع انطمي قصري حسك عنبو مابقا الا تجيبين شجرة عايلتهم اصص انطمي
صبا:المهم شصار بعدين
الباب طق طااق:سلااام بنااات
صبا تتحلطم:وجعيه كنه وقته الحين
لجين :هلا هلا بالمسعد
صبا تتعمد تحرج متعب:لووقي تدرين رهف بنت جيراننا تسلم عليك
متعب صار الواان الولد :آآ..ايه كنت جاي اسلم عليكم ..يللا بيس
لجين تدز صبا:شدعوه ابو التعوب حياك اقلط معنا
صبا مستمره:ماتدرين عاد لوقي
لجين :وشو بعد
صبا:رهف بنت جيراننا بتجي اليوم
متعب تحمس:كذااااااابه
لجين ماقدرت تستحمل طاحت بالارض من الضحك :هههههههههههههههههه
متعب خزهم:تدرون عاد انكم اوصخ خوات بالعالم
لجين تضحك:هههههههههههه...متعب متعب في شي بخشمك
متعب راح للمرايا:وين ياكذاابه ياحيوانات انتي وياها
صبا ولجين :هههههههههههههههه
لجين :ههههههههههه واتسرشااااه واتسبدااااه..ياازمه اربكتي الولد
صبا :بس قووويه قوويه بخخشمك شي هههههههه ياعوني صدق
لجين :ايه المسيكين متعب كلمه وحده يقلب الوان ماهوب طلال اللي مضيّع الحيا بالحراج
صبا:الا تعالي كملي شسصار على خالد
لجين فهت ولاهي حولها.........صبا:لجيييين وجع ردينا عالفهاوه
لجين:عطيني فترة فهاوه شوي
صبا:يسمونهانقاوه يالعوبه نقاوه
لجين قامت :بعدين اقولك الحين برووح النادي
صبا:يووهلاتجيبين الطاري ولاودي اروح معك ابي اخس
لجين :انتي وجه خس انتي طماط كبسه مفطح ويخب
صبا تطالع بجسم لجين :ابي جسمك تكفين بس يوم واحد
لجين بغرور:بعيد عنك يالحولا
صبا تحرجها :ايه حظه هالخالد
لجين :وجعع وصصصصصصصخه
يؤلَمُنيْ أحتيِآجيْ لكَ ..!
يُعذّبِنيْ/ يُمزَقُنيْ / يَكسُرنَيْ علّى صَخرّة مِنَ حُبْ ..!
يُبعثَرنُيِ كأشَلاءْ تطّيِر بِهآ النَسمآتْ كَحبآتْ رَمل تتقآذّفهآ الموُجآتْ ..

مكه المكرمه

ام سعود :سعود ياولدي قدمت بجامعة الملك عبدالعزيز وام القرى
سعود:ايه يما قدمت فيها كلها وارسلت للرياض والشرقيه بعد
ام سعود:الله يوفقك ياولدي واشوفك معرس انشاء الله
سعود:يما تكفين ادعيلي بكرا نتايج الشرقيه راح يبين اذا قبلوني ولا لا انا ارسلت ملفي وكل شي بس انتظر النتيجه
ام سعود :الله يوفقك يما ويكتب لك اللي فيه الخير
سعود بتنهيده:ياليت ابوي كان عايش يشوفني وانا معيد بالجامعه يحضر تخرجي ويوقف جمبي الحمدلله على كل حال الله يرحمك يبا ....الا يما وين دفنتوا ابوي هنا ولابالشرقيه؟؟
ام سعود توهقت :هااا..أيه بالشرقيه الله يرحمه <<بقلبها اه ياولدي لو تدري ان ابوك مايبيك ولايبي يسمع عنك كان تموت قهر مثل ماامك ماتت قبلك
سعود :آمين الله يرحمك يبا<<سعود 27 سنه معيد بالجامعه جنتل مان رزه وشخصيه قياديه حنطي البشره مملوح<<مع الاحداث نتعرف عليه اكثر واكثر
.................................................. .
In Canada
سوزان تقرى المجله:بتعرفي زينه نسيت كل الرجال ماعدا دن بيهمني صار بيشغل تفكيري كتير مابعرف شواحساسي تجاهو بالزبط
زينه اللي امها لبنانيه وابوها مغربي:بتعرفي سوازان قلبي عورني عليكي<<تتكلم لبناني خبركم لوحكت مغربي بيشتغل التسليك مو هكا ياقرآءJ
سوزان :مابعرف شو بعمل كلو من ألبي هيدا معنّد مابدو يطيع المشكله انو متزوج وانا بعرف هالشي مابدي كون سبب بتعاسة غيري فهمتي عليي
زينه :انا عندي الحل بس مابزن انو راح يعجبك
سوزان رمت المجله :شو هو الحل؟؟
زينه:اممم انا بقول نعمل عمل
سوزان بققت عينها:شو عمل؟!! لالالا مافيي شو هالحكي
زينه:براحتك كان مجرد اقتراح
سوزان تفكر :آآآ وانتي بتعرفي تعملي؟؟
زينه :لا انا مابعرف عمتي اللي قلتلك رحت لها بتعرف تعمل
سوزان :لالالا حراام مرتو كتير بتحبو وهوي بيحبا ومتهنين سوي مافيي
زينه :لك ياعبيطه الدنيي مابتنعاش الا مره وحده وانتي هيك راح تضيعي ازا فكرتي بالناس ونسيتي حالك
سوازن :امم مابعرف انتي اعطيني فرصه منشان فكر مع اني مابزن اني بوافق بس بفكر
زينه :ايه فكري بمصلحتك كويس محدن راح ينفعك
.................................................. ...................
حآجتي لك]
حآجة آلأيتآم . .وَ . .آيدين آلغريق ,
طآلبك طلبه ,
ترآني ‘ أعشقك‘ . .
صُون آلأمآنـه. . } ~


عند خالد
خالد سرحان وساهي بجمالها ....بعذوبتها وبرائتها اللي كبرت معها تذكر نفسه وهو يخطف كل يوم أحد النظرات عليها من سطحهم اللي يطل على سطح بيتهم...كان كل احد يلتقط صور لها في باله وتذكار لجل اتسلى بها طول هالاسبوع حتى يتجدد موعد رؤياها الاسبوع الثاني ..تذكر يوم دعمها بالمستشفى ..الله عليك يالصدف..قرب ثوبه من انفاسه وصار يشمه:آخ للحين ريحتها فيني ...طلع منديلها اللي عطت له وصار يشمه:وش حاجتي للناس والكون مادامها موجوده بحياتي مالي ومال الحلم دام هي الحقيقه ...طالع لساعته :الحين وقت الغروب اكيد راح القاها بالسطح..طلع للسطح وانتظر ربع ساعه للاسف محد بيّن للحين...ضرب بيده عالجدار :قربت الشمس تغيب ولا جت مافيني صبر لين الاحد الجاي يكفي اني صرت انتظر هاليوم اكثر من الويك اند وغيره من الايام
خالد:اففف الظاهر ماراح تطلع اليوم....توجه لباب سطحهم وهو فآقد الامل كليآ..حتى تجدد بمجرد قرع صوت حذائها على مسمعه ...اما لجين فرفعت شعرها الطويل بربطه ولبسة حذاء الباليه ...وبدت ترقص باليه على سطحهم وتسمع لموسيقى البآليه اللي خلتها تدخل بعآلم الاحلام الورديه ...اما خالد فكآن يلتقط لها اجمل اللقطات ليخزنها فخياله طيلة هالاسبوع او حتى تجمعهم صدفه من غير ميعاد
قطع عليها صوت الموسيقى ..موسيقى لطالما اعتبرتها اجمل موسيقى ..تدرون وش كانت ..كان اسمي على لسآنه
خالد بهمس:لجين
لجين رفعت راسها وجت عيني بعينه:خالد
خالد بغزل :آخ ياليت عينك بحر لجل اسبح فيها ..وياليتني معرف اسبح تدرين ليه؟؟
لجين وطت راسها :.............
خالد يكمل غزل: لجل اغرق فيها
لجين بترجي :خالد تكفى وخر عن هنا لحد يشوفك وتجيب لي الكلام لو سمحت
خالدد :بس كذا تآمرين امر...انا ليا جيتك من الشوق ضاميك حط الخفوق بقيضة ايدك وخله
لجين عصبت:خالد لوسمحت ادخل ترى بتندم
خالد ابتسم على عصبيتها:ابك انتي خذيني كيف ماود ك النفس ترضى كل شي يجيها<<وصار يغني مع ان صوته موذاك الزود :بس قول ابغى وانا اقول حاضر انت الوحيد اللي كلامك اوامر
لجين كانت منزله راسها للارض وبقلبها يازين كلامه وحكيه..اختفى عن مسمعي صوته...وجيت ابي ادخل رفعت عيني لقيته للحين موجود
وبعصبيه :خالد
خالد بغزل:اموت بعينك ولا هان باقيك لبا عيونك كلك حلا بس عينك غير
لجين بقلبها دايم يخليني اروح فيها بكلامه انسحبت من حصار الغزل اللي حاصرني فيه..اما خالد فارقته صحيح بس مافارقت خيآله
.................................................. .......


‏?‏?‏?‏?‏?‏?‏?‏?‏?‏?‏?‏?‏?‏??‏?‏?‏?‏?‏?‏?‏?‏?و دي اضمك لين تقول !!مليت
وان قلت مليت ( اضمك زيآده)
من زود شوقي لـگ أقول (يآآليت
اني مريض وانت راعي العيآده
وتقول:-وش علتك ليہ ونيت !!؟
وأقول:-يآليت انآ ويآ? بنفس الوسآده


بالمستشفى
حلا تهدي برآكان وكانت تحاول تشوفه مثل اخوها عبدالعزيز بس ماكانت تقدر في شي يمنع قلبي والله موقادره
حلا بالم على راكان :راكان هونها شوي ويآصل طلال
راكان يتألم :بس ياحلا موقادر بمووت تكفين قوليلهم يعطوني مخدر أي شي تكفين
حلا فز قلبها يتالم ...يخسى الالم :انشاء الله الحين اعطيك...راحت جابت الابره اللي فيها المخدر وبقلبها والله مايهون اغزك ابره والله مايهون
راكان :هذا المخدر
حلا والدمعه بعينها:ايه ابره ...سامحني راكان والله ماكنت ابي اعطيك اياها
راكان مافهم ليش تتعذر كل اللي يعرفه انها من صغرها ماتحب تأذي احد
راكان يتالم :بسرعه حلا بسرعه
عطته حلا الابره ..وبقلبها :والله ماودي اشوفك بهالملامح وانت تتالم ليته فيني ياراكان ولا فيك شفت القدر ياراكان مصّر يجمعني فيك مايبيني انساك والله مابيدي شي لوبيدي اضمك اشيل كل هالالام منك بس موبيدي ليت كل السهام اللي متوجه لك يحتضنها قلبي بدل قلبك ليت كل هم مرك دثرني وابتعد عنك ليت كل الم تحسه يجيني لاني خلاص ادمنت الالام ولاراح تأثر باءنسان اعتادها,,ليت الصحه تهدى اهديها واحطها بين ايديك آخ من ليت اللي تحسر قلوب حبت...دقيقتين بالعدد وتخدر راكان ..وشوي الا جا دكتور عمر
عمر :ها حلا شو خدرتي المريض..خيو برآ إجا
حلا:ايه دكتور ..ننقله لغرفة العمليات
دكتور عمر:ايه بسرعه ..بركي الزايده انفجرت وهيدا شي بيخوف لانو لو انفجرت بركي لاسمح الله بنخسر اعضاء<<تهقون؟؟
.................................................. .....................................
بيت ابونايف
ام نايف تطق غرفة ولدها طق طق طيييق
نايف جالس عاللاب:ادخل
ام نايف اول مره تجيه غرفته
نايف ماتوقع:يماا؟؟
ام نايف:أيه امك بلاك تخرعت
نايف:ابد بس هذي اول مه تجين فيها يما غرفتي
ام نايف:ماعلينا ..امم ولدي نايف ابيك بشغله بس لاتردني
نايف:آمري يما
ام نايف:ام رياض ياولدي بنت اختها مريضه المسيكينه وتبي احد يوصلها هي وبنت اختها كنت برسلهم هالسايق بس مايروحون مع سواويق تعرف ياولدي الناس موسوى ولو انها المره ماتآمني ولاتآثق فيني ماقالتلي ولدك
نايف:والمطلوب؟
ام نايف:انك توصلهم ياولدي لاتنسى الاجر الله يرضالي عليك <<قصدك المستحضر وانتي الصادقه
نايف:لحوول انشاء الله يما عشان خاطرك ولاذي ام رياض ماتستح ماعندهم ابو ولااخو
ام نايف تذكرت المستحضر:ايه ولاتنسى بتعطيك كيسه خذها ياروح امك
نايف:انشاءالله يما متى تبيني اروح؟؟
ام نايف:عقب العصر
نايف تنهد :انشاء الله
ام نايف طلعت من هنا وكلم نايف شادن من هنا
شادن وعندها ازعاج لانها بأحد البارتيز :الوو
نايف:شاادن مااسمعك زين رووحي مكان هادي
شادن:بيبي مي تو مااسمعك انا ببارتي نودي اكلمك بعدين ولااقولك خلك عالبي بي
نايف:اهاا اوكي سلام <<سكر نايف من هنا وضاق صدره من جدها هذي زودتها ماتدري اني ميت من الوله عليها<بقلبه مؤلم انكت عرف اني اللي تحبه يستخدمك ليشغل وقت فراغه وفي وقت حزنك تحتاجه ينساك بوقت افراحه...نايف يكلم نفسه:لالالا شادن مومن هالنوع
.................................................. .......
خذني ل أحلامك وفرحك أنا ب اعيشه معاك

In Canada

بدر :رادا حبي نقول لاهلنا عن حملك
رادا:امم براحتك
بدر:انا اقوول خلها شوي اخاف ياعمري عليك من الحسد<<السعوديين عليهم تفكيرخووخ
رادا:اوكيه سو اللي تبيه..وصارت ترجف:بدر برد مو؟؟والله مثلجه وفيني نوم
ماادري شلون بنام
بدر قرب منها وبهمس:لاتنامين بداخلي الليله زحمة حكي ودي افضفضلك
اولا:احبك ....رادا وطت راسها ورفعه بيده:وثانيا هم احبك
وثالثا :ودك تنامين؟؟
رادا بحيا:ايه
بدر بغزل يدوخ .وهو ياشر على صدره :هاتي راسك عند صدري وبلحفك بكلمة احبك لين ماتدفين وبحضني تنامين
عند ريان
<<من يوم ماسمع كلام خالد وهو حالته حاله غرقآن بالحزن بسبة اللي طول عمره حبها
ريان يكلم نفسه:كنت ادري ياقلبي ان مالك بهالدنيا نصيب من صغر سنك حبيتها ..خططت لحياتي معها ضاعت سنيني وانا مااشوف بالهوى سواها وان كنت اعرف ذيك وذيك مابقلبي غيرها هذا الجزا..كبرت وكبر حبها داخلي بس ماكنت ادري اني بقلبها صغير ..ماكنت عامل حساب هاليوم اللي يجي فيه وتهدم بيدها كل احلامي
وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه
ريآن :والله والله لاتندمين يالجين اجل خالد تبدينه علي والله لاتندمون كلكم لااخلي الدم ينزل بدل الدمع من عيونك<<الله يستر وش ناوي عليه
.................................................. .......
نايف بالسياره
يكلم امه بالجوال:هلا يما..انا الحين برى عند بيتهم كلميهم خل يطلعون ولايبطون انا مااشتغل عندهم ترى امشي وخل يدبرون اعمارهم
ام نايف:انشاء الله الحين اكلمها
وبالفعل كلمت ام رياض
ام ريآض:الووو هلا والله بام نايف
ام نايف:هلا بك زود ...اسمعي ياام رياض ولدي تحت ينتظركم لاتبطون
نايف بالسياره:الله يسامحك يما صرت سواق لخوياتك بعد ..وبعدين وينهم هذول تأخروا
عند عبير خايفه:خالتي تكفين تعالي معي مقدر اروح بالحالي استحي
ام رياض:يوووه هذي الللي بتخرب كل اللي بنيناه..والله بكيفك تبين الفضيحه والعار اجلسي يابنت امك
عبير باءستلام:زين خلاص بروح بس لوصار فيني شي انتي السبب
ام رياض سحبتها من عباتها :آ ياقليلة الادب انا السبب والاانتي ساس البلا تعرفين اللي يسوى واللي مايسوى وجبتيلنا الفضيحه
عبير:آآ لاخالتي والله مقصد
ام رياض:ماعلينا بعدين وش هالكحل اللي انتي حاطه ثقليه ياروح امك
عبير:تشوفين كذا ياخالتي؟؟
ام رياض وهي توايق من الشبااك :ايه ...وي وي شحلاااااته ولد لولوه شزييينه ..مالت عليك لو انا مكانك طرت ببوهتي ولاجلست دقيقه هنا كان الزق فيييه لين يطيح بدباديبي
عبير:يللا هذاني جهزت ياخالتي روحي اشغلي امي بالحكي على بال مااطلع من باب المطبخ
ام رياض باءبتسامه:لااوصيك يابنت اختي طبقي كل اللي قلتلك عليه بالحرف الواحد ..وامسكي هالكيسه اعطيها له قوليله يعطيها لامه
عبير:انشاء الله<<طبعا كانت حاطه كيلو ونص مكياج بوجهها ولابسه فستان مدري عبايه شي من هالقبيل يسمونها البومه<<جديده هالعبايه هع وطلعت من باب المطبخ
.................................................. .........
ليت ليه قلب على ..
.............الصدةقوي !
كان أصد ولاعلي من ..
.............. الغياب
بيت ابومشعل
اسيل كانت تدق على اسيل وتدق بس للاسف مافي احد يرد ..مالها غير انها تدز لها مسج ودزت لها هذا المسج(اسيل تكفين ردي علي انتي تدرين مالي بهالدنيا غيرك وبالنهايه تتركيني عطيني فرصه افهمك )
اسيل وصل لها المسج ..دمعت عينها مر بخيالها ذكريات ايام ..كانت من احلى الايام قضتها معها...مسحت دمعتها وارسلت لها هالمسج(اسفه يارزان مقدر ارد عليك لين يرد لك عقلك)
رزان قرت المسج وصارت تصييح بقهر :ياناس افهموا انا مااتصنع الرجوله انا كذا حتى في عز ازمتي ومصيبتي اعز صديقاتي تركتني ليش يا اسيل ليش الله يسامحك ..الله يسامحك <<دفنت راسها بالمخده وكأنها تدور مكان دافي ..او بالاحرى صار دافي من حرارة الدموع ..مسحت دموعها النهريه على خدها وتحسست وجهها حست بخشوونه وزاد صياحها خوفا من هالمستقبل اللي صار مجهول
.................................................. .....
بالمستشفى
محمد:حلا تقدرين تروحين الحين مشكوره ...ولاهنتي شيكي عالمريض عبدالرحمن غرفة 112
حلا اللي كانت تفكر براكان ولاهي معه
محمد:آنسه حلا اكلم كانا ولاموسامعه
حلا تفشلت:هاه ..هلا محمد آسفه ماسمعتك
محمد:كنت اقولك عالمريض غرفه 112 ياريت تشوفينه
حلا:انشاء الله ..استاذن
محمد :اذنك معك
توجهت لغرفة 112 وفي الطريق قابلت عهود
عهود:السلام عليكم
حلا:هلا وعليكم السلام
عهود:ها حلا شلون الشغل وياك؟؟
حلا:الحمدلله على كل حال
عهود:ايه نسيت اقولك مريض غرفه 112 تو ساءل عنك ..وبغمزه :الظاهر فقدك
حلا:هههههههههه فاهمه غلط
عهود :لافاهمه غلط ولا شي المهم حبيبتي انا عندي شغل اشوفك بعدين تشاو
حلا:هههههه مع السلامه
....
إشتقتلك ماهي بكلمه على لساني أرددها
إشتقتلك كلمةٍٍِ لاقلتها اقصد معانيها
صحيح حروفها سبعة إذا ودك تعددها
بس المعاني ما هقيت انك بتحصيها
وفا واخلاص وظروف تعاندني واعاندها
مشاعر صادقه والصدق ساكن معانيها


غرفه 112

عبد الرحمن يكلم نفسه:معقوله حبيتها؟؟ لا لا مستحيل ...بس حلا غير عن هند والله غير دخلت قلبي وانفرضت عليه فرض الصلاه موفاهم وش السبب ...معقوله هي حاسه بنفس الشعورولابس انا اللي حاس
شوي الا انفتح الباب ...واعتدل عبدالرحمن من شافها في جلسته
حلا:السلام عليكم
عبدالرحمن :وعليكم السلام
حلا:شلونك اخوي انشاء الله احسن؟!
عبدالرحمن:والله موذاك الزود ...بس كنت بسالك سؤال اذا ممكن
حلا تطالع ملفه وتسمعه:تفضل
عبدالرحمن :انا ضايقتك بشي؟؟
حلا رفعت عينها عليه :من قالك هالكلام انا شكيت لك ولااشتكيت منك؟؟
عبدالرحمن :لاموكذا بس
حلا:بس وشو ياعبدالرحمن انا ماشفت منك الا كل خير وهذا الكلام اللي عندي
عبدالرحمن:طيب ليش ماجيتيني اليوم....لان جتني وحده ثانيه ..؟
حلا فهمت قصده:اخ عبدالرحمن عندي حاله غير حالتك ولهيت فيها المريض ساءت حالته حيل ادعيله
عبدالرحمن بأنانيه:غير حالتي؟؟
حلا:اخوي لاتنسى ان في غيرك الف مريض خلي هالشي ببالك ولاتنساه
عبدالرحمن :انا اسف ماكان قصدي
حلا حست انها قست عليه :لاولايهمك حصل خير....وتضيع السالفه:طيب خل نشوف الضغط....قاست له الضغط والحمدلله كان سليم :لاالحمدلله زين الضغط
عبدالرحمن :الحمدلله مع ان الصبح كان مرتفع والسكر بعد ...وتنهد :الله يعين بس
حلا انصدمت :انت معك سكر؟
عبدالرحمن بألم :اييه انا من عرفتها ومعي السكر
حلا بفضول:منهي؟؟
عبدالرحمن :وحده حبيتها عطيتها عمري مهر ....جهزت كل شي لها ..مهر ...شقه ..تذاكر سفر كل شي وبالنهايه شاء القدر انها تاخذ غيري وتكون من نصيبه..طلعت زعلان من البيت وصار معي حادث ومثل ماانتي شايفه صرت طريح على هالسرير لاحول لي ولاقوه انا لي بالمستشفى اكثر من شهرين وقريب بطلع من جيت لهنا وكل يوم اتذكرها وتزيد بقلبي الجروح وتصير بدل الجرح جرحين بس يوم جيتي انقلبت احوالي صرت اشوف الدنيا غير وصرت اعرف اهدي الحب لمين ..بس للناس اللي تستحقه واعطي على قد مااخذت
حلا بقلبها آه ياعبدالرحمن ثلاث ارباع الشباب بالمستشفى ضحايا اللي يسمونه حب:الحمدلله على سلامتك ... بس العمر مايوقف عند مثل هالامور ..الحياه مستمره ...ومو كل من تتمنى تعيش وياه بتعيش معاه واقرب مثال امك وابوك انت اللي اخترت تعيش معهم؟؟ لا طبعا انت ولدت ولقيت نفسك بينهم...عبدالرحمن الحياه قدامك لسا وفيها اشيا احلى من اللي عشتها مستحيل الحياه تمشي على وتيره وحده راح الشين واللي جاي الزين احمد ربك جت على كذا ...خلي للامل محل بصدرك وللتفاؤل مكان واللي يحبك مايتخلى عنك انت رجال والرجال لازم يكون قوي الباس
عبدالرحمن :من كلامك واضح انك تحبين
حلا:موهذا موضوعنا ولايهم اذا كنت احب ولا لا...وبتهرب:بعدين اللي تحبها اكيد لها ظرفها ولاماتزوجت البنت عندنا في بعض البيوت مالها راي ولالها شور ماعليها الا انها تنفذ
عبدالرحمن :وحبنا والعهد اللي بيننا؟؟
حلا:اذا وثقت بشخص ثق فيه لين النهايه سواء الاحداث اللي بينكم كانت جميله اوجارحه بالنهايه اما يكون لك هالشخص خير صديق اويكون لك درس جديد
عبدالرحمن بقلبه هذي ملاك موانسان ملاك باخلاقها باسلوبها بكلامها اللي يشفي الاآمي بلسم على جروحي:صدقتي ..بس ماجاوبتيني تحبين؟؟
حلا بتهرب طالعة الساعه:آآ مااظنه يهمك انا اتأخرت ماعليك شر انشاء الله فمان الله
عبدالرحمن بندا:حلا
حلا لفت:هلا اخوي
عبدالرحمن ضاق خلقه من كلمة اخوي:لاخلاص مشكوره
.................................................. .........
بيت ابوراكان
متعب:يما شفيه طلال ماجا؟؟قالك ماراح يجي عالغدا
ام راكان :لاماقال شوي ويجي صبر
صبا ماسكه بطنها:يماا جوعااانه
لجين :لحوول اصبروا مفاجيع مافي صبر
شوي الا جوال متعب يدق على اغنية (اخافك ياعيون كحال انا ماقوى الوله فيني)<<اغاني زحف
لجين :شرف اخ متعب رد ازعجتنا بخلاقينك
متعب:ايه هذا طلال
ام راكان:عسى عمره طويل انشاء الله
متعب:الووو ...هلا طلال..بصدمه:هاااااااااا ..وشوو ووووووووووووو..لالالالالالالا ماراح اعلم ..خلاص زين مع السلامه
ام راكان :خير ياولدي شصاير
متعب وطى راسه:ماادري شقولك يما بس
ام راكان :شفيك تكلم متعب لاتعور قلبي
متعب من دون تردد :راكان اليوم الصبح سوى عملية الزايده والحين الحمدلله صار ازين قالي طلال لاتعلم احد<<لااسم الله عليك مطيع
ام راكان بخوف:ويي واعليا ولدي ..متعب ودني له الحيين الحيين ودوني له
متعب:لايما الله يهداك شوفي الساعه كم مابه زياره الحين حنا الحين خل نتغدا ويحلها الف حلاّل
ام راكان والدمع بخدها:قلتلك ودني الحييين
متعب:يما خل يجي ابوي عالاقل ماراح يدخلونا الحين
ام راكان :قلتلكم ودوني له ودووني
متعب:لاحول ولاقوة الا بالله
لجين تهمس له:حسبي الله ونعم الوكيل فيك هذا وهو قايلك لاتعلم احد ياصقل ماتنبلع فوله بحلقك
.................................................. .
. يّعْنِي عَـشـآنِك مَملُـوحْ تِـرمِي خَفُـوقِي وتْرُوحْ!




بالسياره عند نايف
عبير والعطر حقها واصل لين ابوعبيد راعي البقاله نهاية الشارع :هاي
نايف يقح وبقلبه بل موعطر :وعليكم السلام
عبير بدلع:تفزل<<تفزل=تفضل <<ومدت له كيسه
عبير:هزا لخالتي لولوه من خالتي
نايف اخذ الكيس منها بقرف وطيحت عبير خاتمها بالعاني
عبير:يؤيؤ ممكن بليز الخاتم حقي
نايف تأفف:اففف تفضلي
وعم السكوت لدقايق وقطعه نايف :الا خالتك مطوله
عبير:نوب اسلن مين قالك ان خالتي بتجي؟؟....انا رايحه برووحي
نايف استغرب وبقلبه معقووله يخلونها تروح معي ولحالها بعد وبهالوضعيه ...هذي مووجه وحده مريضه ولارايحه مستشفى هذي بتستعرض اكيد تستهبل هي وجهها اللي منترس صبغ :اقول بلا هبآل خالتك مطوله
عبير :الله يسامحك قلتلك خالتي مورايحه موفازيه
نايف حرك السياره :اووف الله يسامحك يما بس ...وانتي أي مستشفى تبين؟؟
عبير اللي سرحانه بجماله بكل مافيه معقوله هذا من البشر
نايف طالعها من المرايا وبقلبه بل عليها وش نوعية المكياج هذا حاطه حق اسبوع تلقاها وحده من صفادع هالسوق
عبير:أي مستشفى عادي
مشت السياره حتى ابتعدنا عن البيت وشوي صار يسمع نايف صوت بكاها وكل ماله يزيد وقف السياره على جمب
نايف:اختي فيك شي؟؟
عبير :....................<<تبكي
نايف:تبيني ارجعك البيت نرجع
عبير:لالالا واللي يرحم والديك
نايف:طيب ليش تصيحين ترى بديت اخاف؟؟
عبير اللي كانت تبكي بقوه شوي شوي بدى يخف صوت البكا حتى اختفى تماما وماعاد لها نفس ولا حتى صووووت
خلــــــــــــــــــــــــــص البارت
ياترى وش صار لها عبير؟؟وشلون راح يتصرف نايف؟؟
راكان طول القصه وهو مخوفنا هالمره قولكم بينجو؟؟
اكد راح نعرف بالبارتات الجايه
Part 7
تدري عُقبْ ما غِ‘ـَبتْ شـ إللي إ?تِش‘ـَفته :
............................................ إنْ أُ?سُجينْ [ ال?ُونْ ] يخنِقْ: وريدي. . !
بيت ابوخالد
ابوخالد بغرفته عالسرير رجع 27 سنه لورى~
بمكه المكرمه*
ابوخالد :قلتلك نزليه تبين تفضحينا
ليلي تبكي:لاياسالم ماراح انزله وليه افضحك موانا زوجتك
ابوخالد:ايه زوجتي بس بالسر مومستعد للمشاكل اللي راح تجيني من ورى راسك انتي وولدك لودرت زوجتي..قلتلك نزليه
ليلي باءنفعال:لا ياسالم الا ضناي اللي حلمت فيه ماتقدر تحرمني منه ...حطني ببيت اهلي وولدي بيعيش معي ماراح انزله ..وبعيد عنك بيعيش احلى عيشه وماراح يدري ان عنده ابوه راح اقوله انك مت..بس ارسلي ورقة طلاقي
ابوخالد :بالعدال يابنت الناس وش طلاقه وش هالكلام الفاضي..انا قصدي صعب ياليلي مرتي تدري انتي ماتدرين وش ممكن يصير فيها
ليلي:ايه وانا بالطقاق اللي يطقني..خايف على زوجتك وبتذبح ولدك
ابوخالد:ماقلتلك اذبحيه قلت نزليه وبعدين نجيب غيره قدري وضعي ياليلى
ليلي :قلتلك لا يعني لا مومنزلته لو تسوي فيني الللي تسويه
ابوخالد :ترى مومن صالحك اللي قاعده تسويه
ليليى :هذا اخر كلام عندي

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -