بداية

رواية love to be loved by you -9

رواية love to be loved by you - غرام

رواية love to be loved by you -9

ليلي:ايه وانا بالطقاق اللي يطقني..خايف على زوجتك وبتذبح ولدك
ابوخالد:ماقلتلك اذبحيه قلت نزليه وبعدين نجيب غيره قدري وضعي ياليلى
ليلي :قلتلك لا يعني لا مومنزلته لو تسوي فيني الللي تسويه
ابوخالد :ترى مومن صالحك اللي قاعده تسويه
ليليى :هذا اخر كلام عندي
ابوخالد :اوهوووو ...طيب دام هذا كلام اللي اوله شرط اخره نور روحي ياليلى انت طــــــــــالق طـــــــــــــالق طـــــــــــــــآلق
ليلي طاحت بالارض:حسبي الله عليك يالظالم الله فوقك الله فوقك<<كلها يومين وارسل لها ورقت طلاقه وبعدها انقطعت اخباره.......
ام خالد تقطع على ابوخالد تفكيره :ابوخالد
ابوخالد بعالم ثاني :سمي ياليلي وش تبين؟؟
ام خالد بققت عيونها وحط ايدها على قلبها :وش قلت؟؟ ليلى
ابوخالد اللي وعى عالغلطه اللي غلطها ....اللي كان يعمل لها الف حساب وعمره ماغلطها من 27 سنه واكثر ..وقام يرقع:أي ليلى؟؟
ام خالد:توك ناديتني باءسم ليلى منهي ليلى يابوخالد منهي؟؟
ابوخالد:سلامة سمعك ياام خالد بعد هالعمر قمتي تخورينها منهي ليلى هذي بعد
ام خالد بحسره :اسال نفسك انت اللي نطقت اسمها مو انا
ابوخالد بعصبيه:ام خالد اذا انتي قمتي تتخيلين اشيا مالها وجود وتسمعين اسمك اسم ثاني لاتحطين علي اللوم وتدوشين راسي لاني موناقص واللي فيني مكفيني
ام خالد:شقصدك يعني انا خرفت؟؟
ابوخالد قام بعصبيه:الجلسه بهالبيت صارت تقصر العمر شيلي عنك هالهواجيس لان ماصرت اقدر اتحمل<<تركها وطلع
ام خالد تمسك راسها:اعوذ بالله منك ياابليس شلون سمعتها ليلى الحين وش يرضيه بالله
.................................................. ........


أنا ماني على الضيقات متكدر
ولاني ناسي ماضي بابه متسكر
أنا لي حبيب .. تركته وهو
............................... متعسر !
عسى الله يجبر الخاطر
بالمستشفى
طلال وقف احد النيرسز اللي كان واضح عليها انها سعوديه لانها متغطيه
طلال:لو سمحتي المريض اللي داخل شلونها حالته؟؟
حلا ابتسمت :انا حلا ياطلال
طلال:باللهي طيب ورى ماقلتيلنا انك توظفتي هنا وقطعتونا مره وحده تقل ماهوب اهل وينكم ياعرب
حلا ابتسمت على هباله:لاموحكاية قطاعه بس كل الناس ياطلال تمر بظروف الله يكون بالعون
طلال فهم قصدها ابوهم شر لابد منه:ايه على قولتك وعزوز بس مره شفناه حتى هو قاطع...المهم راكان كيف حالته؟؟
حلا:والله ماادري ياطلال صراحه هي عملية زايده بسيطه انشاء الله يقوم بالسلامه<<وبقلبها حتى انا خايفه عليه ياطلال لاواكثر بعد
شوي الا طلع دكتور عمر والابتسامه شاقه الحلق:اخو المريض
طلال:ايه نعم اخوه ...ها بشّر يادكتور


الدكتور عمر :انتوا لازم تعملوا حفله قد الدنيا كلها تعرف ان الزايده اذا انفجرت داخل بطن المريض ممكن نفقد اعضاء بس الحمدلله راكان اثناء مافتحنا بطنه انفجرت لوتاخرنا دقيقه كان النتيجه عكسيه تماما
طلال:الحمدلله يارب..يعطيك العافيه يادكتور
الدكتور عمر:هذا الواجب
طلال:الا يادكتور متى بيطلع؟؟
الدكتور عمر:لا وشو متى بيطلع مستعجل ...لاتنسى انه سوى حادث قبل وهذا عمليه ماخطرت على البال بس اهم شي ماتماطلون بمرض مره ثانيه لواشتكى من شي بسيط ...يللا استأذن
هنا حلا ارتاحت تحركت من مكانها هذا الخبر اللي انتظرته ...جرت دموعها على خدها فرح ...او بالاصح لشعور داخلها ماتدري وش سببه احيانا تحس بشعور مجهول غصب يذرف دمعاتك
هُنَالِكْ قُلوبْ لاتَسْتَحٍقْ العَيش أبَداً , بلّ أنّها
لاتستحقُ أنّ تنبُضْ [ نبضةً] أخرى غيرّ مانبضتْ
لِـ أنّها تَتَفَنَنْ فيّ إيذّاءّ الآخرينْ وّ تعذيبْ قُلوبّهمْ!
عند نايف بالسياره
ركن نايف السياره على جمب...وصار ينادي عليها لان صوتها اختفى تماما :ياربي وش هالوهقه
نايف:آآ انتي ياا انتي فيك شي؟؟
عبير تعمدت ماترد ....نايف اخترع مافي صوت نفس ولاحركه لايكون ماتت..استمر على هالحال عشر دقايق بدى الخوف يذب بقلبه نزل وفتح الباب من جهتها والظاهر عليها انها كانت فاقده الوعي رفع النقاب عن وجهها وانصدم ...بل بل تقل ماسكين وجهها ومغطسينه ببركة مكياج ..المهم صار يهف على وجهها بعلبة الكلينكس وهو لاف وجهه الناحيه الثانيه...فتحت عينها عبير وماتت قهر هذا ماعنده احساس ليه لاف وجهه عني اووف ...مثّلت انها فاقت من الاغماء ...عبير :شكرا خلاص صرت احسن
نايف مدلها علبة الكلينكس وركب مكانه قدام ....:اختي متأكده الحين احسن؟؟
عبير انقهرت منه :اسمي عبير
نايف تجاهلها:طيب أي مستشفى تبين ؟؟
عبيرتمثل الصياح <<دموع تماسيح:تخيل تخيل ان لي ثلاث ايام ماكلت شي ولاحطيت لقمه بفمي تخيل<<ول مامتي؟
نايف فهم قصدها :والمطلوب اختي
عبير :قلتلك اسمي عبير
نايف تنهد:اللهم طولك ياروح....طالعها بالمرايا:لوسمحتي قبل كل شي غطي وجهك
عبير بدلع:يؤيؤ سرريع سريع غرت علي
ابتسم نايف بسخريه:نفسيه ...لاموكذا خايف من الشبهه طال عمرك
عبير بقلبها اشتعلت النار:طيب ودني أي مجمع آكل أي شي جوعآنه اقولك 3 ايام ماكلت شي
نايف بعصبيه ضرب الدريكسون:اووف خلاص فهمنا...موعساس تبين مستشفى والحين مجمع؟؟انتي وش قصتك بالضبط؟؟
عبير بتمثيل:قصتي..آه من قصتي..قصتي ماتكفيها سطور ..قصتي تعجز تشيلها بحور
نايف طنشها لوموخايف انها ممكن تموت وابلش فيها ماوديتها بس للحين موفاهم قصتها وش قصتها هالانسانه ...رحت لاقرب مجمع وبقلبه:يارب وش هالبلشه
.................................................. ..
.
.
ليتني حجر..!
لا أحنُّ إلى أي شيء ..
فلا أمسِ يمضي ، ولا الغدُ يأتي .,
ولا حاضري يتقدم أو يتراجع..
لا شيءَ يحدثُ لي .
بيت ابوراكان
ام راكان ماصدقت يجي زوجها طارت عليها
ام راكان :ابوراكان طلبتك ولدك مسوي عمليه خلني اروح له الله يطول بعمرك ويخليك لنا
ابوراكان انصدم :عمليه وش عمليته؟؟
ام راكان:الزايده هذا اللي يقولونه
ابوراكان :بس انتي يام راكان تدرين رايي بهالموضوع اللي سواه ولدك فينا مو شوي غلط غلطه قويه ولازم نبين اننا شايلين عليه لجل مايعيدها وبالنسبه لاخباره خوذيها من طلال ولدك
لجين لاول مره تتدخل:بس يابوي اخوي راكان ماغلط
ابوراكان:شلون ماغلط وهو مطلق بنت عمك وهم توهم متزوجين قوليلي شلون
لجين دمعت عينها على حال اخوها:الله يسامحكم والله اخوي مظلوم وغيره الظالم الله على الظالم الله عليه<<وبعدها طلعت لغرفتها
ابوراكان :لاحول ولاقوة الا بالله العلي العظيم
ام راكان تبكي:يابوراكان شفت بحياتي من الظيم اللي محد شافه بس الا ضناي طلبتك لاتحرمني منه يابوراكان تكفى لاتحرمني منه
ابوراكان قام وبحزم:والله ياام راكان لوسمعت انك رايحتله ...انسي ا ن لك زوج <<وطلع بعصبيه وقفل الباب باقوى شي
متعب حب راس امه:يايمه لاتكدرين عمرك والله مايسوى
ام راكان:ياولدي يامتعب هذا ضناي قلي من بيطمن قلبي عليه
متعب:الحين يما اذا صحى اخلي طلال يطمنا عليه
ام راكان :ماادري ياولدي ليه ابوك قسى على راكان كذا حتى لوانها بنت عمه البنت موقسمته ياولدي موقسمته هي راحت من طريق وهو من طريق
متعب:اييه يما بس الناس قامت تتكلم على البنت
ام راكان :هذا هو الناس الناس وحنا نموت من الحسره هذا ولدي لوانه غلط اشوف معه الحق انا امه ياولدي امه
متعب:ايه يايما اللي مايعرف الماضي يظلم الحاضر
ام راكان :بس ياولدي هي راحت بطريقها الله يستر عليها مع اني للحين احس ان السالفه مومثل اللي حكوها وقلب الام دليلها
متعب:فاهم عليك يما انتي الحين امسحي دموعك وانا اللي بخليك تشوفين راكان
ام راكان:لاياولدي انا ثلاثين سنه عمري ماعصيت كلام ابوك اجي الحين بنهاية عمري اعصيه لاياولدي ...صح انا عتبانه عليه بس الا هالشي مااسويه لو يخيروني بين عصيانه والموت اخترت الموت..آه ياولدي خاطري اشوفه وألمه هذا ولدي قطعه من قلبي
متعب ابتسم:انا راح اخليك تشوفينه من غير ماتروحين له وتعصين كلام ابوي
ام راكان :تلعب بعقل امك حلاوه يامتعب
متعب:لاوالله يما من جدي اكلمك لاالعب ولاشي
ام راكان بلهفه:صدق شلون ياولدي
متعب :بالجوال يما تقدرين تشوفينه وتكلمينه
ام راكان :تقول الصدق يامتعب
متعب:ايه والله يما وبكذا تكونين ماعصيتي كلام ابوي
..................................................

عند الشباب

مشعل :تكدر نفسك عشان بنيه
ريان يخبط الجدار:هذي مواي بنيه يامشعل مو أي بنيّه
مشعل:شدعوه لاتقول حبيت ا لسندريلا والاميره النائمه يبا فوق من الوهم اللي انت عايش فيه بس فوووق
ريان بنظره حاده:تدري متى راح افوق يامشعل؟.
مشعل:متى.؟
ريان :اذا حرقت قلبها مثل ماحرقت قلبي كل هالسنين
مشعل:ايه كذا تعجبني يالذيب الانتقام هو افضل وسيله ترد في الاعتبار<<لمن لايجيد المجاراه وفن اخذ الحقJ
ريان :صدقت <<وصار يفكر
مشعل:اقول يالحبيب وش تفكر فيه؟؟
ريان باءبتسامه خبث:لقييتها
مشعل:وش اللي لقيتها موفاهمك؟؟
ريان:افكر في طريقه تخليها تندم كثر دقات قلبها
مشعل:وانا معك لين تآصل للي تبيه كفو والله كفوو
تًكْفىِ . . !
يِغْيبْ آلكَونْ وَ آلنْآسِ ألآ أنْتَ ]|
لآتتركْ آلليّ صِرتْ تسْوىَ
........................... [ حَيآإتِه !
بالمجمع
نايف:لوسمحتي قلتلك امشي وراي ماابي شبهات
عبير انقهرت :اووف طيب
<<توجهو للمطاعم عشان تطفح شي هالعبير
نايف:من أي مطعم تبين؟؟
عبير مالها نفس:أي شي
نايف:اها طيب <<راح طلبلها مطعم شامي..تبوله وكباب وورق عنب...الخ)
عبير بدلع:نايف في واحد يغازلني
نايف بقلبه :وعع ياشين اسمي على لسانها
نايف:ايه بعذره فاتشه ونص كيلو مكياج صاير فرجه للي رايح واللي جاي
عبير استانست:صدق يعني اعجبتك؟؟
نايف طالعها وابتسم بسخريه:صدق بزر...حط الاكل عالطاوله :اذا خلصتي اكل تلقيني واقف هناك
عبير:اوك
راح من هنا نايف وكلم شادن...شادن:الوو هاي بيبي
نايف بعتب:لاتقولين بيبي لو من جد حبيبك كان ماتحقريني هاليومين
شادن :ههههههه احبك حتى وانت زعلان بيبي...يعني يهون عليك تزعل من شدونتك
نايف:هذا اللي مخليني اسكت ولا اقول شي
شادن:ههاهاهاا امم بيبي وينك الحين؟؟
نايف توهق:ها..ايه بالمجمع
شادن :وذ هو؟؟
نايف:مع مين بعد الله يهداك مع احمد
شادن:ياحظ هالاحمد معك 24 ساعه
نايف:اجل انا وش اقول وانا اللي ابيك كل لحظه وكل دقيقه ترى هاليومين اللي راحوا كنت بغيبوبه واليوم فقت منها بعد ماسمعت هالصوت
عند عبير
عبير:الووو ..خالتي..ماادري هالانسان ماعنده احساس كل عيال المجمع ماتو علي وهو ولاهو صوبي شسوي فيه
ام رياض:انتي ماعليك ياعبير حطي يدك بماي بارد اهم شي الفكره الاساسيه..والحين سكري قبل لايشك بشي وروحي له
عبير:زين خالتي مع السلامه
عند نايف
نايف:يااهلي وطوايفي انتي يكفي بسمتك اللي تروي خافقي العطشان وتهز كياني هز ..آخ بس متى يجي اليوم اللي اصير انا وياك فيه بلحالنا متى
شادن:يوه نايووفي استحي
نايف بغزل:وانا اذوب بحياك<<فجأه سكت لانه لمح عبير جايه
نايف ارتبك:آآ اوكي حبي اكلمك بعدين العيال ينادون
شادن:اوك بيبي باي
نايف عصب:انتي وبعدين معك منين تفهمين غطي وجهك وامشي وراي
عبير:موتقول موغيران اجل ليه تبيني اغطي؟
نايف:اووف استغفر الله ياربي واتوب اليك انتي بلشه بلشت فيها خلاص اكشفي بس امشي وراي
عند البنات بالمجمع
ابتهال:ساره ساره
ساره مشغوله بالمحل :هممم
ابتهال:الحقي بسرعه لايفووتك
ساره :وشوو شفيك؟
ابتهال:شوفي اللي هناك ماهو بنايف ولد خالة شادن ولاانا غلطانه
ساره:ايه والله هو
ابتهال:اجل منهي ذيك اللي معه؟
ساره:وانا شدراني منهي ؟؟تهقين اخته
ابتهال:لالا مااتوقع انا شايفتهم لاهي ديم ولاريم وبعدين مايكشفون لاكانو معه هو لادرى ان شادن كاشفه ذبحها
ساره :صدق الرقاله مالهمش امان
ابتهال:صراحه هالسالفه ماينسكت عنها
ساره :لالالا حرام نخرب بينهم
ابتهال:روحي بس يعني نخليه يضحك عليها لاحرام ضميري مايسمح
.............................................
ربي آإًلهمني يقينآإً يجعلني أؤمن بأنْ گُل مآإً أحّلمَ به سيّأتي يَومآإً ..
بيت ام سعود
(مكــــــه)
سعود يحب راس امه يما باركيلي جامعه الملك فيصل قبلوني بالمنطقه الشرقيه
ام سعود :بالمبارك ياولدي بالمبارك ....<<رفعت يدها للسما:يالله ياكريم تسعد لي قلب ولدي دايم ولاتخليني منه
سعود:آمين يالغاليه آمين <<وسكت لفتره وتكلم :بس يما انتي............
ام سعود :انا شفيني ياولدي؟؟
سعود :شلون اخليك بلحالك هنا
ام سعود:لاتخاف ياولدي من بيدير باله على جدتك وبعدين انت كل ماصارت لك فرصه انزلنا مكه وانا امك
سعود:طيب يما انا بروح لغرفتي بنام انهد حيلي اليوم
ام سعود :روح ياولدي ارتاح الله لايشقيك
ام سعود بعد ماراح ولدها:آخ ياربي وش السواة كل ماله الولد يكبر ويصير يشابهك ياسالم الله يسامحك عاللي سويته فينا والله كل اللي ابيه ان يكون ولدي بخير ويكبر قدامي واشوفه معرس بعيد عنك ياسالم
.................................................. .......
بيت ابومشعل
ام مشعل:يما رزان شفيك مارحتي اليوم المدرسه؟؟
رزان:مالي خلق
ام مشعل:تعبانه يما فيك شي؟
رزان :لامافيني الا العافيه ليش من متى احد يهتم اصلا
ام مشعل تضيع السالفه:الا شفيها اسيل ماجت اليوم غريبه في بينكم شي.؟
رزان:لا هي قالت بتغيب قلت اغيب معها
ام مشعل:اهاا
رزان:يما انا بطلع لداري تبين شي؟
ام مشعل:ايه يما تجهزي بكرا
رزان رفعت حاجبه :وشو له اجهز؟؟
ام مشعل:بكرا حفل نجاح اختك عندنا بالبيت
رزان :اهاا بشوف ان كان لي مزاج <<طلعت ولغرفتها
والجرس تن تيين تناتيييين
ام مشعل:سيري شوفي مين عند الباب
جات سيري:ماما هادا اسيل جا
ام مشعل:طيب ورى مادخلتي البنيه؟؟
سيري:مدام هيا كلام خلي رزان يتلع برا
ام مشعل :خلاص روحي انتي شوفي شغلك انا اطلع لها
عند الباب
اسيل استحت لان ام مشعل طالعت لها:هلا خالتي
ام مشعل:شفيك يابنتي مادخلتي؟؟
اسيل:آآ كنت ابي رزان وو
ام مشعل تقاطعها:وش هالكلام يابنيتي البيت بيتك رزان بدارها ادخلي واطلعيلها
اسيل:خالتي قبل لااطلع كنت بقولك ديري بالك على رزان
ام مشعل:شلون يعني يابنيتي مافهمت قصدك
اسيل:خالتي رزان تغيرت في اسلوبها ومعاملاتها مع الناس صارت كل يوم بمشاكل بالمدرسه طاقه هذي ومتهاوشه مع ذيك انتي ياخالتي مادريتي عن هذا كله؟؟
ام مشعل تسوي حالها تدري:الا شلون مدري يابنيتي ادري بس الشكوى لله وانا بكلمها انشاء الله حياك يما<<بدى النصب
.................................................. .........
عيشيْ حرَّةة في زما?? ?ا? ?د?ْ تفرحي? ,
( اله?ى ) بَ مفه?م آدم سسَد رغبات ?َ ضياع *
لآيغر?ْ فيْ بيإ اْ ضهُ ححقدةةْ أبيضُ مَ يبينْ . !
فيً ذرآعةة يحتوي?ْ ?ْيطعنً بِ نفسْ الذرا إْ ع

IN CANADA

زينا:مابتسدقي سوزان فادي صار بيحبا لريتا
سوزان :شو هالحكي لك فادي مابيطيق يطالع بوشّا اصلا كيف صار بيحبا وبهالسرعه
زينا:ايه حبيبتي صار بيحبا بس ماراح احكيلك كيف
سوزان :ليش ماتحكيلي شو اللي بيمنع؟؟
زينا:لاني بخاف احكيلك بتقولي كزابه بكرا ازا شفتيهون عم يمشوا سوى بحكيلك شو القصه
سوزان:زينا بلا حكي ماإالو طعمه شو القصه؟؟
زينا:انا حكيتلك عن خالتي اللي هون بكندا وبتعمل عمل...حكيت لريتا عنّا وفورا راحت لا وبعدها بأسبوع فادي صاربيترجا ريتا لتمشي معو
سوزان :ااهاا هيك القصه
زينا:ايه هيك بس في ناس مابدا تصير حالا من حال بقية الناس
سوزان:ازا كان قصدك بدر قيمي هالفكره من راسك هيدا اخر شي بفكر فيه
زينا:والله والله بكرا ازا شفتي فادي مع ريتا لايجن جنونك
سوزان غرقانه بتفكيرها ...وزينا راحت لها خمس دقايق تركتها بدوامه مع تفكيرها
سوزان :زينه ...زينه اوووف وين راحت
آحتاجُ لِـ/ بعضِ مِن مرآسِم الهُدوء,
والمزيِد مِن الجُرعآتِ الصامِته ,
لآعلمُ مالذِي آصآبنِي ,
فقط (مُشتته ) , ولم يعُد ينفعُ (تجميعي) ,
ومازالتُ تمتمة آلوآقع تؤلمنـــي.!
عند نايف
نايف طالع الساعه :ارجعك البيت؟؟
عبير:زهقت مني؟؟
نايف لف عليها:ليش من الاساس بيننا معرفه جاوبيني تبين البيت..لان الوقت متأخر والصراحه انا عندي مشآغل واهلك بالبيت اكيد يحاتونك
عبير باءستسلام:طيب
عبير بتردد :امم ممكن سؤال؟
نايف رجع راسه عالمقعد بقوه واخذ نفس :هممم
عبير بدلع :انت مرتبط
نايف بعصبيه:لوسمحتي بطلي حركات التميلح وشغل النص كم حقكم ترى طول الطريق مستحملك وساكت عنك خمبقاتكم يالحريم ماتطوفني بس اسلك بمزاجي جد نفسيه
عبير طمت فرتها وشوشتها
نايف مازال معصب:قلة حيا ...ويقلد صوتها :انت مرتبط ..الحمدلله والشكر<<مالومه لو ليّخ العقال بظهرها
.................................................. ......................
لْـَـَـَإ ععّإدْ تِسّألْ عنْ مصَيرٍرٍيْ و تِشتَإققْ !
:/ {فكِكرٍرٍ بِنفسَككْ و لْـَـَـًـًإ يهمَككْ ضيًـًـَـَـَإععيْ~
بيت ابومشعل
(غرفة رزان)
الباب طق طق
رزان:ادخل
اسيل فتحت الباب بس كان مقفل بالمفتاح
قامت رزان وفكت الباب ولفت الناحيه الثانيه وبعصبيه من غير ماتطالع من ورى الباب:انا ماقلت لكم لحد يطق علي الباب
اسيل:السلام
رزان ماصدقت الللي سمعتها حتى لفت الناحيه الثانيه وبصدمه:اسيل!!
اسيل:ايه اسيل يارزان ..انا جايه اقولك كلمتين وبعدها بروح..امسكي هذي كل هداياك كل ذكراك <<رمته عالسرير
اسيل:ماابي أي شي يذكرني فيك افضل حل اننا نصير اغراب ذيك الساعه تحسين بقيمة الناس اللي ظلمتيهم وانا اللي كنت معك بكل شي بس يوم شفت ان مافي سبب يستحق اني اوقف معك هنا اسمحيلي ماقدرت اكمل حتى وانا معك يارزان احسك بعالم ثاني لاهيه بأفكارك السوداويه ..واحاسيسك اللي صارت ميته كل شي تغير فيك كل شي..كل ماجيتي تساليني وانتظر سؤالك مالقاه جرحتي ناس كثيره وانا ماانتظر دوري لجل تجرحيني اسمحيلي يارزان
رزان :اسيل انتي اكثر انسانه فاهمتني أي نعم صبا ماسوت لي شي بس يا اسيل انتي تعرفين اني اكره الناس النصووح اللي مثل اشكالها انا كذا لبسي كذا واستايلي وشكلي كذا وبعدين خوفها مني وكل مامريت تهرب كني وحش حسستني بأني كائن غير مرغوب فيه هي اللي ولدت فيني حب التخلص منها
اسيل:زين عرفتي انك غلطانه وظالمه عموما يارزان ماتوقعت ولاعملت حساب انه يجي يوم ونتفارق فيه لكن للاسف جا وتصرفاتك هي اللي اجبرتني اخذ هالقرار..مع السلامه يااااا ياارزان
<<طلعت رزان من هنا وتركت رزان في حيره من امرها حتى اقرب الناس لها تركوها وهي بعز حاجتها لهم من بقالي بهالدنيا غيريك يانفس حتى نفسي ماعدت ابيها ماعدت ابيهااا
.................................................. ..............
خذني على صدك ياكل الحب ..
{وأحظني}
وأضحك وسولف وشتت فكري
>> الضااايق ..
أبي لاجيتك تتبسم لي و( تسمعني ) !!
بسمتك هذا تخلي حبيبك
>>رايق
وأدوخ وأتبعثر غلا وهناك ( لملمني ) ,,
والشوق في جيتك جاهز .. وفايق *_^
وأخذ معاي قلبي وأقول ( دلعني ) "
مدام جيتك والله ما أروح
>متضايق<


IN CANADA

بدر:ياربي كم مره اقولك الاشياء انا اشيلها
رادا باءبتسامه:تخاف علي؟
بدر:تسأليني اخاف عليك وانا حتى الهوا اللي تاخذينه اخاف عليك منه
رادا:اعترف خايف علي ولا على اللي ببطني؟؟
بدر:تبين الصدق خايف عاللي ببطنك
رادا بزعل:طيب يابدر
بدر حوطها من خصرها:وميت خوف عليك وميت من الشوق بعد وميت بكل شي فيك
رادا:بدر وربي احبك
بدر:الحكي واجد بس مدري وش اقول الوكاد اني معك رحت فيها<<وطبع قبله على خدها
رادا:بدر احس بخوف ماودي ابعد عنك ولادقيقه
بدر:بنت ابوها الدقايق تحيل بينك وبيني......................
.................................................. ....................
بيت ابوراكان
متعب يدق على طلال له نص ساعه ولارد عليه
طلال:الوو
متعب:لايالطيب كان مارديت احسن
طلال:عادي ترى اسكر يالسملق ماعندي مانع
متعب:اقول انطم ...راكان وشهي علومه؟؟
طلال:هذا هو قدامي توني دخلت له
متعب:زين اسمع بدق عليك مرتن ثانيه وشغل الكاميرا امي تبي تشوف راكان
طلال كشر :هااه ورى ماتجي بنفسها يالجحش
متعب:اصص قصر حسك ابوي مانع امي تجي تزور راكان
طلال:لاحولاوقوة الابالله ..يللا دق ياروح امك ماابي اخسر رصيد
راكان بتعب:من امي؟؟
طلال:هاه ..لاماهوب امي هذا متعب الهيس بيدق مرئي امي تبي تشوفك
راكان فهم السالفه:اهاا يعني موجايه اليوم
طلال:الا جايين ...بقلبه وش هالوهقه؟....الا جايين ياخيي بس بكرا تعرف اليوم صعبه الدكتور بنفسه قايل
راكان :اهاا
جوال طلال tn tn trrm tn
طلال ضغط على زر الرد وانفجع:يمااا
ام راكان تطالع بالجوال:صدق والله هذا طلال
طلال ميت ضحك:هههههههههاااي رويكين الحق الحجيه مومصدقه اني طالع عندها بالشاشه تحسب مثل زمان اول
ام راكان:آياقليل الحيا تضحك على امك والله هالتكنلوجيا مابقت شي عطني اخوك نظر عيني
راكان باءبتسامه باهته سحب الجوال:هلا يما
ام راكان بدت دموعها تهل:هلا بطوايف اهلي كلهم شلونك ياولدي طمني عليك يانظر عيني
طلال يدز راكان:قول للحجيه تتغطى وتقصر حسها الجوال مراقب وغير كذا صوت المره عوره
راكان يضحك:ههههه بس عاد قضينا......انا الحمدلله يما بخير بس ورى ماجيتوا عندي هقيت لاقمت اشوفكم كلكم عندي
طلال سحب الجوال يكلم امه:يمه هذا ولدك شفيه ضربت فيوزاته قلتله ان الدكتور قال بكرا الزياره انا بالموت رضالي ادخل له
ام راكان حمدت ربها ان مخ طلال هالوقت اشتغل موبالعاده:ايه على قولة اخوك انشاء الله بنجيك يما ...بس قبل كل شي طمني يما احلف ان مافيك شي
متعب يناقز ورى امه:يماااا خلااص رصيدي طليّل ماهوب خسران انا اللي خسران
طلال:ههههااااي كملي يما كملي وش ورانا مسلسل وببلاش عالام بي سي كملي يما بقى نشرة التاسعه ماعطيتينا اياها
راكان:بس انت وياه...أيه يما وش كنت بقولك والله مافيني الا العافيه
ام راكان:الحمدلله لك يارب...وانت ياطلال حسك عينك تقرق فوق راس اخوك توه طالع من العميله فهمت
طلال:ايه نحن الخبائث وهم الطيبون زين ياحجيه هاه سكتنا
ياهل الروح "تعبانه"
................. جيبولي دكتور (نفسيه)
من مثلي مايتكلم وفيه نبرات مخفيه
عند حلا
حلا بقلبها يووه زمان ماكلمت لجين ....وش بتقول عني اكيد بتقول اني زعلت عشان راكان....خلني ادق عليها
جوال لجين بنغمه سودانيه (طولتا مارديت بعدين معاك لوجيت يازوول)
لجين :الووو مرحبا
حلا:هلا لجين اخبارك؟؟
لجين :لحظه كح كح كح وش هالغبار وش هالرياح الشماليه الشرقيه ..ماصارت يابنت الناس مابغيتي من عرس راكان ماسمعنا صوتك شدعوه
حلا:وش اسوي يالجين انتي ادرى بالظروف وغير كذا باركيلي
لجين :وش عليه حامل؟؟
حلا :انتي خبله وش حامل ..لا توظفت
لجين :الف مبروووك ..بس تدرين عاد ادري وبمستشفى ال..... وغير كذا انتي اللي مسؤوله عن حالة راكان صح
حلا تفشلت :هاه ايه صح انتي شدراك؟؟
لجين :وش هالكلام ياحلا حنا خوات وتربينا مع بعض معقوله مثل هالامور مااكون اول وحده تدري فيها
حلا:صدقيني ياحلا من اول ماداومت كنت راح اكلمك بس
لجين تقاطعها :بس انشغلتي مع مرضاك وكانت الصدمه اكبر يوم دريتي ا ن اول مرضاك كان راكان صح ياحلا؟
حلا نزلت دمعاتها وتداريها:لجين انا بسكر الظاهرعزوز يناديني
لجين :لاحلا موعزوز اللي يناديك دموعك اللي تناديك وتبيك تفسحينها المجال تنزل صح
حلا تبكي:والله محد بهالدنيا فاهمني كثرك..لجين تخيلي للحين ابوي اشوفه موبوعيه وكل يوم يطقني تخيلي ياحلا يغصبني ادخل للمجلس واجلس معه هو واصحاب السوء متخيله معي سوء المنظر اللي اشوفه كل يوم والالم اللي اعيشه


يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -