رواية شقائق النعمان -12
عند الباب الخارجي وقفين عيال عمها وسمعوا صوتها
ابراهيم : لا حول ولا قوه الا بالله يارب صبرها والله كنت شايل همها انها تسوي كذا عشان كذا قلت لـ أبوى لا تشوفه
عامر : يارب هونها عليها كما جعلت النار بردا وسلاماً على سيدنا إبراهيم
يزيد : يكره الصريخ بهل مواقف : الله ياخذها ان شاء الله فضحتنا الله يفضحها شوف الرجاجيل سمعوها وتجمعوا ابعد خلني ادخل اعطيها كف على وجها قليلة الحيا
ابراهيم : يمسكه مع يده : خاف ربك لا تدعي عليها وقول الله يصبرها انت عارف وش كثر متعلقة بأبوها
يزيد: ايه بس ما تصرخ كذا وتفضحنا قدام الرجاجيل وبعدين حرام صراخها كذا
حمد : منزل راسه متلطم بشماغه ودمعته نازله : هي مهي بوعيها الحين ادعيلها انت
,,,,,,
عند الحريم اول ما سمعوها تصرخ قامت امها بتروح لها
ام عامر: تعالي هنا وين رايحه انتي وجهك مغسول بمرق فوق انك جايه بيت طليقك بتدخلين عليه بعد والله طالت وشمخت يا انواروه ...........((اللهم لا تجعل قلوبنا تموت من كثرة الذنوب والمعاصي واجعلها غضه لينه بنور وجهك يا كريم يارب ))
ام احمد :عصبت منها : اتركي ايدي خلني اشوف بنتي وش فيها
ام براهيم : عايشه سكتي عن الفضايح مهو وقتها
ام عامر : انا ادور الفضايح ولا هذي قليلة الحيا هي و بنتها الي فضحتنا بصراخها واصل الرجاجيل كان ابوها اول واحد يموت بهل دنيا
ام احمد: وبعدين معك خافي ربك يمهل ولا يهمل ولك يوم انتي بعد
ام عامر : الله ياخذك انتي وبنتك تدعين علي يا انواروه
مريم : تمسك امها يمه الله يهداك وش هالكلام هذا وقته الحين
ام عامر : وخري عني ..وتدفها وتروح عنهم
ام ابراهيم : ام احمد ابو محمد يناديك ياوخيتي لا تشيلين بخاطرك علينا انتي عارفة طبعها زين
ام احمد : راسها بينفجر من الصداع : الله يصبرنا ويجيب الي فيه الخير
,,,,,,,
بريطانيا
فيصل :يلعب بشعرها يلف خصلة بين اصابعه الحلو فين سارح
شذى : تلف وجهها عليه فيصل
فيصل : ياعيون وروح فيصل نعم امرى
شذى : فييييييييييصل اتكلم جد
فيصل :يبوسها على خدها وانا بعد اتكلم جد شوشو
شذى: وخدودها مورده ياربي بيذبحني هذا : صولي حبيبي انجي ما جت وكل ما اتصل جوالها مقفل
فيصل: حط يده على رقبتها انا كم مرة اقلك لا تقولين صولي والله تحسسيني كاني خبز صامولي
شذى: هههههههههههههههههههههههههههههه عشان ما تقولي شوشو
فيصل: هههههههههههههههههههههه شوشو حلو مهو مثل صولي
شذى : هههههههههههه طيب وخر ايدك ههههههههههه قلت لك اقل للشيطان شوشو انا شيطان
فيصل : هههههههههههه انت احلى واجمل شيطان بحياتي ولا كيف اخذتي عقلي وقلبي من مرة وحدة
شذى:هههههههههههه
وتحاول تبعد عنه وتوقف يسحبها ويجلسها على رجوله ويضمها لصدره
فيصل : ويبعد شعرها ويبوسها على رقبتها
شذى: حبيبي والله اخر مرة اقلك صولي بس اتركني
فيصل : لا ويرجع يبوسها
شذى: انا اوريك وتتكلم بدلع :فصولى وتلعب في ازرارالتشيرت المفتوح وتحرك اصبعها على صدره من فتحة التيشرات انجي احس فيها شي
فيصل: انا الي حاس بتجيني جلطة منك : آآآآآآآآآآآآه يا قلبي (ويضمها لصدره ويدفن وجه بشعرها ويقرب من اذنها) حياتي انجي مع اهلها مو قلتي ما خذة اجازه يمكن مددتها
شذى :نبضات قلبها فوق الالف تنفسها مضطرب تحاول تتماسك و ما يبين اضطرابها : بس حبيبي اهي ...
فيصل: حط ايده على فمها : ششششششش انسي كل احد وانتي معي حبيبي وووو راحو بعالمهم الخاص
,,,,,
يــتـبـ ع؛؛
تـــــــــ بع ــــا::
في الكوفي شوب
بعد مانتهو من المحاضرات وراحو تغدوا
خالد : يتكي على الطاوله والكوب بيده : محمد وش فيك لا تضيق خلقك
محمد : مستند على الكرسي و يحرك اصبعه على فوه الكوب بشكل دائري : كيف ما اتضايق و اهلي نفسيتهم كلهم تعبانه
خالد : انت كلمت ابوك اليوم
محمد : يرفع عينه يناظر فيه : ايه وخالتي بعد ...يا خالد ودي اكون جنبهم انت ماتعرف خالتى كيف هي حنونه وهذا الشي اثر عليها حتى ابوي يقول احمد واخواتي تعبانين
خالد : الله يصبرهم و قولوا الحمد لله انها كانت عند امها لو كانت برا لحالها وش صار فيها
محمد : الله كريم
,,,,,,
بيت ابو محمد :
وبعد مرور اسبوعين
في الصاله
منى :لها ساعه راجعه من المدرسه توقف : هلا امي.. وتبوسها على راسها و تأخذ عباتها ...هاهـ امي طمنيني على ملاك
ام احمد : وش اقول على حالها الله يرفع عنها ويقومها بالسلامة
منى : الدكتور ما قال شي جديد
ام احمد: آآه يا بنتي نفس الكلام كل مرة مالنا الا الدعاء مي عندها بغير وروح لها
ويدخل ابو محمد السلام عليكم
..وعليكم السلام
منى : تسلم على راسه هلا يبه اطلبلك الغدا
ابومحمد: ايه روحي يبه خليهم يحطونه عشان امك تتغدا وترتاح
ام احمد : بطلع ابدل ملابسي واريح شوي تغدوا ما لي خاطر بالأكل
ابو محمد : ويجلسها وهو ما سك يدها انوار شوفي وجهك كيف صاير لازم تاكلين وتكونين اقوي من كذا هي لو قامت وشافتك على هالحال راح يزيد حالها سوء
ام احمد: ودمعتها على خدها : انفطر قلبي ..خايفه انها تجن ..انت شفت حالها من اول ماتفتح عيونها يرجعون يعطونها المهدي
ابو محمد : ادعي لها بصلاتك وانتي ساجده وقوى قلبك شوفي عيالك كيف حالهم احمد من الصدمة حتى الضحك واللعب ماعاد هو مثل اول و المدرسه اليوم مكلميني يقولون صاير انطوائي ولا تنسين منى توجيهي انا معك وان شاء الله نعدي الأزمة الي نمر فيها على خير
ام احمد : ان شاء الله تمسح دموعها
منى : يبه حطوا الغدا
وهم على الغدا
احمد يقلب الاكل بصحنه وما اكل شي
ابو محمد : احمد حبيبي ليه ما تاكل
احمد : يبه ابي اروح معكم المستشفى
ابومحمد : تغدا والعصر اخذك معي وبعدين اخذك الملاهي
احمد :لا ما ابي ملاهي بس بروح المستشفى اشوف ملاك
ام احمد : لاحبيبي روح الملاهي واختك نايمه اول ما تقوم تروح تشوفها وش قلت
احمد : ابي اشوفها حتى لو هي نايمه كلكم تشوفونها وانا لا
ام احمد : طيب حبيبي بشرط تخلص كل الي بصحنك وتروح تلعب بالملاهي
احمد : بفرحة وبصوت عالى اوكيييييي (عشان اول مره يزورها )
ابو محمد : شاطر حبيبي ويطالع بأم احمد ويبتسم
منى : شعرت ان اللقمة وقفت بحلقها لان احمد قال اوكي بنفس طريقة ملاك وتذكرت لما زارتها ثاني يوم مع ابوها ومي
دخلوا مي ومنى وابوها وكانت امها عند ملاك
..السلام عليكم
ام احمد : وعليكم السلام وسلموا البنات على امهم
ابو محمد: وشلونها الحين ؟
ام احمد : على حالها ما بعد فاقت من المنوم
مي : خالتي روحي البيت ارتاحي انا بجلس عندها اليوم
ام احمد : وين احصل الراحة وانتي وراك كليه
منى : كانت واقفة عند ملاك : ملاك حبيبي قومي وحطت يدها على راسها وتعدلها حجابها وتكرر سبع مرات الدعاء "اسأل الله العظيم رب العرش العظيم أن يشفيك "وجلست تمسح على وجها وبعد فتره تحركت ملاك وتحاول تفتح عيونها بثقل
منى : امي صحية ملاك
ام احمد : تقرب من السرير: الحمدلله.. الحمد لك يارب ..الحمدلله على السلامة ..ياعيون امك
ملاك تناظرهم
الكل.. الحمدلله على السلامه
منى : اخيرا صحية الاميره النائمه وتبوسها
قرب ابومحمد منها واول ماشافت الثوب
ملاك : قامت جالسه بسرعة أرعبت الكل : وصرخت فين بااااابا ....هاتوا لي بااابا
ابو محمد: اهدي يا بنتي انا طالع انادى الدكتور
ام احمد : مسكتها : بسم الله الرحمن الرحيم
ملاك: (تطالعهم وتدور بنظراتها بالغرفة وتصرخ بخوف) بابا اخذتوه فين (وتشوف الشرشف الابيض وتتخيل ابوها وهو بالكفن...وتصرخ بصوت عالى) لاااااااااااااااااااااااااااااااااااااااااا (وتشيل الشرشف) ...وتصرخ ...... شيلوه عني... و تنزع المغذي من يدها .. وتحاول تمسكها امها والبنات ....ابعدو بدي اروح عند بابا ....لا يشيلوه ...انا بدي روح معاه ...ويدخل الدكتور والممرضة
الدكتور: لو سمحتوا ابعدو عنها
اول ما بعدو عنها قامت من على السرير لابسه بجامه طويله وساتره واسعه لونها ازرق وتصرخ ..بااااااااااابا حاولت الممرضة تمسكها تصرخ.. ابعــــــــــــــــدي... دفتها وتجري ناحية الباب مسكها الدكتور قبل ماتخرج ودخل ممرض ثاني ومسكها معه وهي تصرخ وتضرب فيهم .ابــــــــــعد ..شو بدك مني باااااااااااابا ..فك ايدي ..وتحاول تعض الممرض .. بااااااااااااااااااااااااااااااااااااااااااابا..
الله يخليك اتركني خليني اروح لا يخذوه ...باااااااااابا ما مـــــــــــات يضحك عليهم ما مـــــــــــــــــــــــــات
باااااااااااااااااااااااااااااابا مامــــــــــــــــــــــــــــــــــــــــات
الدكتور: لو سمحتوا الكل يطلع برا وكلم الممرضة تجهز المهدي وبعد ما اخذت المهدي خرت قواها .. تركوها وشبك المغذي وهي تهذي وتردد
ملاك : بابا ...ما مات .....قلهم ....انك... رح.. تاخذني.. معك .. بابا... تعال... بابا... لا تروح تعا..ل ...با...با...... با..با.... ...با.....با وغابت من تأثير المهدي
خارج الغرفة منى بحضن ابوها منهارة وتبكي وتشهق مصدومة من الي شافته اول مرة يمر عليها ومع ملاك و تخيلت لو اهي مكانها وفقدت ابوها ومسكت بثوبه بقوه وتبكي خايفه انها تفقده ومي وخالتها حاضنين بعض وكل وحدة تصبرالثانية
الدكتور بعد ماخرج
ابومحمد:طمنى كيف حالتها
الدكتور: وضحت لكم من البداية انها عندها انهيار عصبي حاد واعلى درجة منه راح تجلس فترة على المهدئات
ابومحمد : كيف راح تصحى اذا بتقعد على المهدي
الدكتور : راح تاخذها على جرعات اذا صحت ممكن تكون هادئه فترة واذا توترت تاخذ الجرعة وما احاول اخبي عنكم ان الانهيار الي عندها بينه وبين الجنون شعرة والله يشفيها لكم ان شاء الله مافي شئ صعب على رب العباد
ابومحمد : والنعم بالله
منى شهقت من الكلام الي سمعته ومي ضمت خالتها بقوة الي زاد بكائها...
منى : تشرب مويه : يبه وش سويت مع الجامعه
ابو محمد: كلمت عمها وراح ارسل لمحمد يقدم لها اعتذار هذا الترم بس خليه لمن اشوف حالتها
ام احمد : الله يقومها سالمه والدراسه لاحقه عليها ان شاء الله
,,,
شقه يزيد
هند تحاول فيه من اول مادخل البيت وهو معصب : حبيبي هونها
يزيد: والله مهو حارق قلبي الا امي ما كن الي متوفي اخوها تخيلي ناس مكلمينها من قبل ما يتوفي خالي تجي وتشاور ابوي قدامنا انها تبي ترد لناس الحين انها موافقه بدون ما نسأل عن الولد
هند: طيب انت تعرفه
يزيد: يلتفت لها : لا ما عرفه بس عشان ولد وحده من الي معها موافقه عليه
هند: بهدوء تسحب غضبه : حبيبي خذ الامور برويه وبدون عصبيه الشي بعصبيه عمره ما راح يتحل
يزيد: بصراحه انا ما ابي ادخل لان امي هذى الايام مهي طايقتلي كلمه
هند: حبيبي هذى مهما كان امك لا تنسي ما تقول عنها كلمه شينه ربي يحاسبك
يزيد : يناظرها بمتنان وحب : ياقلبي عليك ...لا تخافين عشان محتد معها ..قلت لعامر هو يتصرف في الموضوع
هند : خير سويت
,,,,
بيت ابومحمد
ام احمد : بغرفتها بعد ما خلصت صلاه العصر رافعه يدها وتدعي (( اللهم يا من على العرش استوى ....يا من خلق فسوى ....وقدر فهدى .....واعطى كل شيء خلقه ثم هدى ........يا من اضحك وابكى .....وامات واحيا .....واسعد واشقى .....واوجد وابلى ..ورفع وخفض...... واعز واذل ....واعطى ومنع .....ورفع ووضع .....يا من شق البحار ...واجرى الانهار...... وكور النهار على الليل ....والليل على النهار..... يامن هدى من ضلاله ...وانقذ من جهالة... وانار الابصار ....واحيا الضمائر والافكار.... اللهم ارفع عن ابنتي واشفها انت الشافي فلا شفاء الا شفائك واعنها و الهمها الصبر والسلوان يا كريم يارب العالمين اللهم صلى وسلم وبارك على عبدك ورسولك محمد وعلى آله وصحبه اجمعين والحمد لله رب العالمين
قامت و نزلت شرشف الصلاه وجمعت سجادتها على دخول ابو محمد
ابو محمد : السلام عيكم
ام احمد : وعليكم السلام
احمد : ماما يالله لا نتأخر
ابو محمد : لا حبيبي ما راح نتأخر خلي امك تخلص براحتها
ام احمد : خلصت بس البس عباتي
ابو محمد : روح شوف اختك اذا خلصت يالله
منى: دخلت وهي لابسه عباتها :انا جاهزه
في المستشفى
دخلو الغرفه : السلام عليكم
مي : وعليكم السلام
منى : تقرب من ملاك وتمسك يدها وتبوسها على راسها ودمعتها بعينها
احمد : يقرب من منى ويطالع بملاك
منى : تعال حبيبي سلم عليها
احمد : يسلم على يدها : ملاك قومي اشتقت لك مو انا اخوك وانتي تحبين ابوى زي ابوك اعرف انك تحبين عمي خالد وعمي مات بس انا معك ما مت احبك الله يخليك قومي وحط راسه على يدها وبكي
منى ومي وامه يبكون وهو يتكلم
ابومحمد : رفعه عنها : احمد حبيبي اختك ان شاء الله راح تقوم وتلعب معك يالله مشينا
ام احمد : حضنت ولدها وتمسح على شعره الله يحفظكم لي كلكم ياحبيبي.. ابو محمد خذ حماده روح لعبه
احمد : لا ماما بجلس معك هنا يمكن تقوم
مي : حماده حبيبي حتى انا ابروح معكم على البيت
ام احمد : حتى انتى منى روحى مع اخوانك اجلسى ذاكرى دروسك
منى : لا امي خلصت بجلس هنا ما عندى شي بعدين ابوي يمر علي
ابومحمد : سلم على راس ملاك الله يقومك سالمه يابنتي ويحفظك لنا ويمسك يد احمد يالله مي عشان اوصلك البيت مع السلامه
...مع السلامه
منى جلست على السرير عند راس ملاك وتلعب بشعرها تمشطه لها وترجع عليه المنديل ....ودق الباب
ام احمد :فتحت الباب ودخلت نوره معها امها ومريم
نوره :السلام عليكم
الكل :وعليكم السلام سلموا عليهم
ام ابراهيم : وش اعلومك يا ام احمد عساك بخير
ام احمد : الحمد لله بخير
نوره : وش اخبارك يا خاله وكيف ملاك
ام احمد : الحمد لله بخير ادعيلها يابنتي
مريم : وشلونك يا خاله
ام احمد : الحمد لله بخير حياكم تفضلوا ارتاحوا
منى : بعد ما جلسوا صبت القهوه
ام ابراهيم : وش اخبارك يا بنيتي هذى مي ولا منى
منى : الحمد لله
ام احمد : هذى منى
ام ابراهيم :ما شاء الله اكبرت عن اخر مره شفتها فيها
ودق الباب
نوره : خاله ابوى يبي يدخل
ام احمد : حياه خليه يدخل وتغطت هي ومنى وقفت على جنب
ابو ابراهيم : من عند الباب : السلام عليكم
الكل : وعليكم السلام
ابوابراهيم : وش علومك يا ام احمد
ام احمد : الحمد لله بخير
ابو براهيم :وشلونها الحين عساها تحسنت؟
ام احمد : مثل ما هي و الحمد لله على كل حال
بعد عشر دقائق طلعوا
منى : امي مريم غير عن امها حبوبه وطيبه
ام احمد : ايه فرق السماء عن الأرض ما تقولين بنتها طالعه لأبوها
منى : امي انتي وشلون كنتي عايشه معها ؟
ام احمد : يا بنتي الماضي ماحب اتكلم فيه لانه انتهى والله يخليكم لي ويقوم لنا ملاك سالمه
منى : هي ما جت ولا مره
ام احمد : اذا بتجي بشرها الله يصرفها عنا محنا ناقصين وجع قلب
,,,,,
بيت ابو عامر
ام عامر جالسه في الصاله مهي من عادتها هل وقت تكون بالبيت : قومي الله يشيلك من بنت روحي عن وجهي
شهد : خافت وتسحب في اختها
شوق : ليه انا وث ثويت تعثبين علي (ليه انا وش سويت تعصبين علي)
ام عامر : ولك عين بعد تردين تعالي وتقوم وتمسكها مع يدها وتعطيها كف انا الي بربيك امك متعرف تربي
شوق : تبكي وتصرخ : مااااااااااااااااااما
شهد: خايفه : جده الله يخليك سيبيها
ام عامر: ترمي شوق عليها : انقلعي انتي وهي عن وجي
شهد : تاخذ اختها وتطلع قسمهم
,,,,,
في المستشفي
الساعه عشره
ملاك : صحيت من النوم وسمعت القران بصوت الخياط ظلت مغمضه عيونها وتسمع القران ويدور في بالها كلام ابوها كوني قويه حبيبتي خليك عند امك ومثل ما وصيتك اتركي عنك العصبيه و اذا زعلتي دمعتك غاليه علي لا احد يشوفها وما وصيك على دراستك اعرفك شاطره بنتي ترفع راسى عن الف ولد شايله اسمي نزلت دمعتها رفعت يدها ومسحتها حاسه كانها بحلم وراح تصحى منه وفتحت عيونها وتطالع في الغرفه شافت امها جالسه على الكنب وفي يدها قران نزلت دمعتها وعرفت انها ماتحلم وكل الي يصير معها واقع حست بجفاف في حلقها نادتها ...ماما..
ام احمد :رفعت راسها وشافتها انها فاقت وراحت عندها هلا يمه وباستها على جبينها
ملاك تمسح دوعها : ماما عطشانه
ام احمد : طيب حبيبتي وتصب لها كاس مويه وتشربها اشربي ياقلبي
ملاك : بعد ما شربت المويه عدلت جلستها وساعدتها امها و رفعت على صوت القران وظلت ساكته
ام احمد : وش فيك حبيبتي انادي الدكتور
ملاك : تناظر امها ..لا ما فيه شيء وسكتت شوي ...ماما ..تناظر فيها امها ...كم لي هنا
ام احمد : الدمعه بعينها: سبوعين ومسكت يدها حبيبتي كلنا راح نموت بهالدنيا محد راح يعيش للابد فيها وكل نفس ولها يومها
ملاك : دمعتها على خدها وتمسحها لها امها : ماما خرجيني من هنا بدي اروح البيت
ام احمد : طيب حبيبتي اشوف الدكتور وش يقول
ملاك : لا ماما ما بدي اجلس هون الله يخليكي خذيني البيت
ام احمد : طيب حبيبتي لا توترى نفسك الصباح اذا جاء الدكتور اكلمه يكتب لك خروج ..خايفه انها تصرخ مثل كل مره
ملاك : ظلت ساكته وتطالع بيدها الي امها ماسكتها وبعد فترة غمضت عيونها سوت نفسها نايمه جلست امها جنبها فتره وبعدين راحت نامت
ملاك :ظلت صاحيه طول الليل وهي تفكر بأبوها وتكلمه الى ما غلبها النوم ونامت
,,,,,
بيت ابو عامر
عامر: دخل القسم الخاص له :السلام عليكم
نوره: هلا وعليكم السلام
عامر: جلس: نوره الله يسعدك جيبيلي العشاء بموت من الجوع
نوره : العشاء جاهز تعال تعشاء
عامر: يدور بعيونه : وين البنات ما لهم صوت
نوره : نايمين انت اتاخرت عليهم اليوم
عامر: يلف وجهها عليه: حبيبتي وش فيك
نوره: مضايقه بس ماتبي تبين له : لا مافي شي تعال تعشاء
بعد العشاء
عامر: قولي لي وش فيك انتي فيه شي مضيق خلقك لا يكون امي بس هي السبب؟
نوره : ماتقدر تخبي عنه : ايه
عامر: ياربي وش سوت بعد
نوره: وهي مقهوره من عمتها معد هي قادره تعيش معها والدمعه بعينها ونزلت راسها
عامر: يرفع راسها : علميني
نوره : ضربت شوق اليوم وهي المسكينه من كثر ما بكيت نامت وشهد من خوفها كل شوي تقوم من نومها مفزوعة
عامر: كيف وانتي وين كنتي عنهم
نوره: ونزلت دمعتها : كنت ازور ملاك في المستشفى
عامر: خلاص نوره امي انا راح اتفاهم معها انتي لا تدخلين ان شاء الله ما كلمتيها بس
نوره: لا بس انا معد فيني اتحمل عمتي اكثر من كذا تتكلم علي انا وتحملت لكن بناتي لا عامر الله يخليك خلنا نخرج من هنا ونروح بيت لوحدنا نرتاح
عامر: صعبه يا نوره ابوي بيظل لوحده وهو كبير قلت لك راح اكلم امي و اتفاهم معها
الى لقاء اخر ؛
اتنمنى ان يكون نال على حسن رضاكم
تحياتي؛؛
الفصل الثامن
ملاك : صحيت من النوم وقبل ان تفتح عينها ما زالت في شتات مع نفسها المبعثر قبل ان ترى اشراقة النور كانت تدعو ان تكون بغرفتها وان ترى والدها مثل كل صباح وهو يرحب بها فاتح ذراعيه لترتمي بين احضانه وتقبله و تستنشق عبير دهن العود لينعش قلبها و ترى السعادة بعينه تتراقص ليومها الجديد حاولت بثقل ان تفتح عينيها وخفق قلبها بسرعه عند رويتها لغطائها الابيض فأطبقت جفنيها لا تريد روية شي وبردة اطرافها و اخذة تتنفس بعمق وتردد لا تخف يا نبض قلبي راح كون معك هناك وقبضت يدها على الغطاء تعصره كقلبها المحطم و تردد لا تخف لاتخف و فتحت عينيها ....وشاهدت امها جالسه على الكرسي الذى جنبها عند السرير
ام احمد : المسبحه بيدها وتسبح وشافتها تهتز بترانيم تسبيحها : صباح الخير ياعيون امك..وتروح عندها
ملاك : بقلب يرجف وهي تشوف عيون امها وسعادتها بها و بابتسامه باهته اغتصبتها لظهور : صباح النور ..ماما كم الساعه؟؟؟
ام احمد : تناظر بساعة يدها: الساعه سبعه
ملاك : جلست : ماما بصلى ما صليت الفجر
ام احمد : طيب حبيبتي تعالى اساعدك ومسكت يدها وساعدتها تقوم و سحبت معها المغذى ودخلت توضأت وصلت
ملاك : وهي ساجده تدعي وتبكي غسلت سجادتها بنزيف عينيها وقلبها الكسير رفعت راسها وعيونها كلها دموع خلصت صلاتها وسلمت ومسحت دموعها وفضلت تسبح وتدعي وراحت على السرير
ام احمد : تسبح وتحمد ربها انها رجعت لوعيها و تمسح بقايا الدموع الي على خدها وتبوسها على خدها : حبيبتي اطلب لك فطور
ملاك : تحرك راسها بمعنى لا وتحط راسها على صدر امها وهي ساكته تبي تشعر بدفئ يوقف ارتجاف قلبها
ام احمد : تمسح على راسها : الله يحميك ويحفظك ويخليك لي يا بنتي ودق الباب عدلت المنديل الي على شعر بنتها و عدلت عباتها و تغطت ...ادخل
الدكتور : السلام عليكم
ام احمد : وعليكم السلام
الدكتور : ما شاء الله ملاك صاحيه اليوم متى صحت
ام احمد : والسعاده ظاهره من نبرة صوتها : الحمد لله صحت بالليل ورجعت نامت وصحت قبل نص ساعه
الدكتور : قرب منها وكشف عليها : كيف تشعري تحسي بالم معين
ملاك : وكتسها البرود ولا مبالاه وبدون ما تناظر فيه : لا... امتي راح اخرج من هنا
الدكتور : خروجك يعتمد على حالتك النفسيه اذا تحسنت او لا ...لانه انتي ما تشكي من شي عضوي وكل شي الحين سليم
ملاك : بنبره واثقه وبرود: اذا ممكن اليوم بدي اخرج
الدكتور : ابتسم عارف انها دخلت بمرحله ثانيه اقوى من الاولى : خليكي كم يوم عندنا نتطمن على صحتك وبعدين اكتب لك خروج
ملاك : رفعت راسها تشوفه و تتكلم بكل هدوء :دكتور انا بعرف اني انهرت بس هلأ انا منيحه بدي اخرج اليوم
الدكتور : يناظر عيونها مسكينه ما تعرف انه من عيونها باين ضعفها وتحطمها : راح ارسل الدكتور النفساني يشخص حالتك وبعدها ننظر بمسألة خروجك
ام احمد :واقفه قريب منها عند راسها : ليه الدكتور النفساني هي ما فيها شي
الدكتور : الاخصائي النفسي مهو معناها ان فيها شي بس للاطمئنان على حالتها وكلنا نعاني من ظروف ممكن نستشير فيها الأخصائي النفسي
ملاك : طفشت من كلامه وتبيه يخرج عنها : اوكي دكتور يقدر يجي اليوم
الدكتور : اوكي راح يجي بعد شوى ممكن اعرف على وش مستعجله انتي توك صحيتي ومحتاجه للراحه
ملاك : اوف منك : عندي جامعه ما بقدر اتاخر اكثر من هيك
الدكتور : مستغرب طريقة كلامها غير عن اهلها : ماشي انتي ارتاحي وهو راح يجي اوكي تبين شي قبل ما اخرج
ملاك : شكرا
ام احمد : ارتاحي حبيبتي الجامعه لاحقه عليها
ملاك : مخنوقه وتحس كان شي جاثم على صدرها سامحيني ماما الحياه معد لها طعم بعد ما راح نبض قلبي و ما ردت على امها وبعد فتره جاء الدكتور النفساني سألها كم سؤال وبعد ما جاوبت عليها بكل برود
الدكتور : تقدرين تخرجين راح اكتب لك شويه مهدئات واذا شعرتي بأي توتر راجعيني و خذي من العلاج في مواعيده وراح يكون عندك مراجعه مستمره لغاية ما نطمأن على وضعك
ملاك : عينها بحضنها شوف الي بيجيك قالوا لك مجنونه اتابع معك عشان استخف : اوكي ماشي
الدكتور : يكلم ام احمد : ممكن تجين معي نخلص شوي إجراءات للخروج
ام احمد : طيب اكلم عمها و يجيك
الدكتور : ماشي انتظره في المكتب وطلع من الغرفه
ام احمد : حبيبتي ليه مستعجله على الخروج ارتاحي شوي خليه بكره او بعده انا ماصدقت على الله انك رجعتي لي
ملاك : بكل برود: لا ماما حاسه بخنقه هنا بدي اخرج اليوم
ام احمد : تجلس جنبها على السرير وتحضنها : سلامتك ياعيون امك من الخنقه خليني اكلم عمك ناصر يجي
,,,,
بغرفة الدكتور
الدكتور : مثل ما خبرتك لازم الانتباه لها هي ما زالت تحت تأثير الصدمه وحالتها الحين اخطر انها تتعامل بمثل هذا البرود بعد الانهيار الي جاها بتأخذ فتر الغاية ما تتقبل الي حصل من داخلها ولحد يضغط عليها بالكلام هي اذا حبت تتكلم تتكلم وممكن أي انفعال او زعل يأثر عليها وتنتكس اكثر وتحافظ على اخذ الدواء في المواعيد المحدده
ابو محمد : ماشي يا دكتور وخلص كل اجراءات الخروج وراح للغرفه ...السلام عليكم
ام احمد : حطت الشنطه الهاند باك عند الدولاب : وعليكم السلام ...هاه بشر خلصت الاوراق
ابو محمد : ايه يالله مشينا ...ويروح يشيل الشنطه
ام احمد : ملاك خذي البسي عباتك
ملاك : لبست عباتها وطلعوا وطول الطريق وهي ساكته ومغمضه عيونها وموقفه عقلها عن التفكير تحاول تركز على انعكاس الضوء والألوان الي يتم رويتها مع النور عند إغماض عينيك
اول ما وصلت البيت كان فاضي الكل في دوامه احمد ومنى في المدرسه ومي بالكليه
ام احمد : تعالي حبيبتي ارتاحي بغرفتك
ملاك طلعت مع امها غرفتها الي جهزتها لها جنب غرفه منى ومي لأنها اول كانت ترفض يكون لها غرفه لوحدها وتنام مع منى دخلت الغرفه ونزلت عباتها وجلست على السرير
ام احمد : تبي تشغلها انها متفكر كثير : هاه وش رأيك فيها
ملاك : وجهها باهت و اضح عليه الارهاق والتعب وعينها على الارض وبدون ما تناظرها وما تدري عن الوانها ...حلوه
ام احمد : شافت انها مهي معها الله يصبرك ويدفع عنك كل مكروه ويردك مثل ما كنتي : ارتاحي بروح اجيب اكل تاكلينه انتي ما فطرتي
ملاك : تبي تنفر بنفسها : ماما مو مشتهيه اكل بدي نام
ام احمد : طيب حبيبتي نامي لين يجون اخوانك
ملاك : تبي تهرب من نظرات امها الي مركزه عليها : اوكي بروح اخذ شور ماما فين ملابسي
ام احمد: عندك بغرفة الملابس
ملاك : قامت ودخلت الحمام وهي في الحمام جلست في البانيو تحت المويه تصب على راسه تركت العنان لدموعها للنزول وضلت تبكي بصوت وتشهق ودها تقتل نفسها بس كل ما تفتكر انها اذا انتحرت راح يكون سبب بدخولها النار ترجع وتبكي اكثر وتلوم نفسها على تفكيرها لو سويت كذا عمري ما راح شوف بابا و راح انطرد من رحمت ربي ..وما شعرت بالوقت الا لمن دق عليها الباب
ام احمد : تتكلم بخوف ..مـــــلاك ...حبيبتي فيك شي افتحي الباب
ملاك :وقفت وبصوت مجروح وكسير ..لا ماما انا منيحه
ام احمد : سمعت صوتها خافت اكثر : طيب بنتي اخرجي لك ساعه في الحمام
ملاك : ما ودها تخرج وبضيق : اوكي ماما خارجه خلص... وخلصت استحمام وخرجت بالروب والمنشفه على شعرها
ام احمد : اول ما خرجت شافت عيونها المنتفخه وحمرا من البكي ....حبيبتي فيك شي
ملاك : لا ماما بس حبيت اخذ حمام دافي
ام احمد : حبيبتي انا امك لا تحاولين تخدعيني شوفي عيونك كيف حمرا
ملاك :تتكلم وهي معطيتها ظهرها وتمسح دموعها : ماما انا وعدت بابا ما راح ابكي وهذا الشامبو دخل في عيني وانا استحمي و دخلت غرفة الملابس لبست بيجامه ورجعت عند التسريحه مشطت شعرها ولفته و تمددت على السرير وتغطت
ام احمد : طول الوقت وهي تطالعها وتدعيلها بصمت ...خذى كٌلي لك لقمه ولا تقولين موب مشتهيه وجلست جنبها ومعها صينية الاكل يالله حبيبتي خذي
ملاك : اخذت العصير وشربت منه شوى واكلت شي بسيط من الخبز وجها بمعدتها : ماما خلاص شبعت
ام احمد : ما كلتي شي وتقولين شبعت حبيبتي كٌلي عشان تاخذين الدواء
ملاك : ماما خلص بليز معدتي بتوجعني و بدي انام
ام احمد : طيب حبيبتي خذي الدواء وعطتها الحبوب
ملاك : ماما انا منيحه مش محتاجه دواء
ام احمد : لا حبيبتي خذيه عشان ترتاحي
ملاك : اوكي واخذت الحبوب من امها وشربتها وحطت راسها على المخده
ام احمد : سلمت على راسها ...نوم العوافي حبيبتي واخذت الصينيه وطفت النور وخرجت وسكرت الباب
ملاك: اول ما خرجت امها قامت بسرعه وراحت الحمام رمت الحبوب الي كانت في يدها في المغسله وفتحت المويه عليها ورجعت على السرير ودفنت وجهها في المخده وعيونها تدمع من غير صوت وتكلم نفسها ليه بابا تعال محتاجتك والله احبك ما اقدر اعيش من غير ما شوفك كيف بكمل حياتي من غيرك يارب خذ عمري وريحني ما بدي شيء من هالدنيا من بعد بابا وضلت تبكي وغرقت مخدتها بدموعها
,,,,
اول ما خرجت امها من عندها
ابو محمد : هاه طمنيني كيفها الحين
ام احمد : ونزلت دمعتها على خدها ..آآآآآآآه وش اقول تكابر ان ما فيها شي بس ما قول الا الحمد لله على كل حال
ابومحمد : ايه الحمد لله وين كانت وين صارت بين يوم وليله يغير الله من حال الى حال مع الايام بتتحسن ان شاء الله
ام احمد :ان شاء الله بروح اجهز الغدا قبل ما يرجعون من المدرسه
ابومحمد : انا برجع المكتب اذا احتجتي شي دقي علي
ام احمد : ان شاء الله .. الله لا يحرمني منك بحفظ الرحمن
ابو محمد : ولا منك يالغاليه مع السلامه
اول ما خرج وهو في السياره اتصل على عمها
ابو محمد : الو السلا م عليكم
ابو براهيم : هلا ابو محمد وعليكم السلام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك