رواية ان جيتي عالعناد ترى محد فيه مثلي -20
ما صدقت اني لقيت وحدة احبها ودخلت قلبي بطقة اصبع منك اختفت مثل جوانا بالضبط
خربت عليها وخليت ولد عمي ياخذ وحدة غريبة ويقهرها ... نفس اللي كنت بتسويه في جوري
لما طلبها يوسف .. انت انسان ما عندك ضمير شايف نفسك عالكل تشوف كل الناس تحتك واقل منك وانت اللي محد مثلك
انا بسااااااافر وبدوووون رجعة ,, ما اقدر اتحمل شوووفتك يا طلال كل يوم تعبت منك خلاص تعبت من هالدنيا اللي مو راضية توقف معي
كله ضدي ,,,
وقفت جوانا وقربت بسررعة لفيصل : يعني من صدقك بتروووح ؟
فيصل : لا استهبل... وش راايك انتي وش تشوووفين ؟
جوانا : لا يا فيصل طلبتك .. خليك معاي يا فيصل
فيصل : معليش جوانا .. اسمحي لي هالمرة ما راح ابقى اكثر ,, بس لا تقطعيني
وقللي من طلعاتك الكثيرة يا بنت >>> قالها بهمس
جوانا : من عيوووني
وقفت الجوري وركضت لفيصل وبكت بحضنه
مسح على راسها وباسها وجاء لأبوه وباس راسه واعتذر وطلع من البيت ونيته انه ما يرجع لو ايش ما صاااار
...................................
خالد وسعود جالسين سوا يسولفون ..........
خالد : والحين وش ناوي تسوي ؟
سعود : ما ادري يا خالد ... الحين هدفي الوحيييييييد بحياتي هذي تدمير ماجد
عشان افتك وتفتك الناس من شره ,, بنته بتساعدني
خالد : مو من صدقك
سعود : ههههههههههه الا والله من صدقي ,,, هي ناوية على ابوها ,, كلمتها
وقابلتها اتفقت انا وياها وبقابلها اليوم الساعة 8 بالليل ومعها تقول اثنين واخوي ريان ماسكينه عندهم
ماجد حاول يطلع ريان بس ما قدر هي تقول كذا والله اعلم
.................................
تالا : ههههههههههههههههه اهم شي هبلنا بك
راكان وهو يتنفس بسرررعة : ههههههههه بس انطقيتو مني
فواز : هههههههههههه ااااه يا قلبي بمووت من الضحك من زمان عن هالحركات
راكان : ايه يالبزرااان من زمان عن هالحركات ...
رن جوال راكان ...
راكان : الوو
توليب : راكان .. اهيء اهيء راكان ابوووي تعبان بالمستشفى
راكان : وانا اقوول وش فيكم ما اتصلتوا علي ,,, واتصل عليك من اول وما تردين
توليب : جوالي عالسايلنت وجوة الشنطة ما حسيت
راكان : وش فيه ابوي ؟
توليب : بالعناااية يا راكان ,, بعد ما رحنا له عصب علينا ,, وطاح اهيء اهيء
راكان : خلاص خلاص انا جاي الحين
.... قفل الخط
راكان : اقوول انتي وياه .. انا رايح اشوف وش فيه ابوي وانتوا روحو للزفت ريان
وخلي تالا تشوفه يمكن نقدر نلعب عليه ونسحب منه الكلام
فواز : طيب .. يللا تالا
تالا : اوووكي يللا
...........................
بالمستشفى ...
طلال درى باللي صار وراح على طوووول .. وصل قبل راكان
اول ما شافته توليب وقفت وهي تبكي
طلال : سلام .... شلونه الحين عساه بخير ؟
توليب : لا .. لا مو بخير يا طلال اهيء اهيء
مسكها من كتفها يهديها
ضمته وهي تبكي ... انصدم بالاول بعدين حط ايده على ظهرها وجلس يكلمها بهدووء عشان تهدى
وصل راكان : سلام .. هاه شخباره الحين ؟
وخرت توليب عن طلال وراحت لراكان اللي ضمها بقوووة ومسك تولين بعد
تولين : احنا السبب يا راكان .. والله احنا
راكان : معلييش معليش .. ان شاء الله يقوم بالسلامة
توليب تبكي بصممممممت ,,,,,
بشركة راكان الصقر ..........
تالا وفواز وسعود جالسين سوا
تالا : اخوك مخفة
سعود وفواز : ههههههههههههههههههه
تالا : ترى اتكلم جد
سعود : ههههههههههه ادري
فواز : تالا تراه اخووه
تالا : يعني ؟؟
فواز : يعني حاااسبي على الفاظك
تالا : والله ما احااااسب .. الصراحة راحة
سعود : هههههههههه عادي عادي تموون بنت العم
تالا : وجع لا تقول بنت ماجد ,,, انا بنت امي مو بنته هو
فواز : وشلوون اعترف لك ؟
تالا : ابد .. قلت له ان ماجد راسلني ومثل كذا وسألته وين موقع التسليم الجاي
لأنه قال لي اسألي ريان ,, صدقني الخبل واعترف لي بكل شي
سعود : ههههههههههه ... طيب والحين وش بتسوون ؟
فواز : ننتظر راكان وهو اللي بيقول لنا وش نسوي
سعود : تصدقين .. مدري شلون جاتني الفكرة اكلمك
بس الحمدلله فكرة حلوووة
تالا : هههههههههههه والله انك ساعدتنا صح ؟
فواز : ايه ساعدتنا كثير ,, بس انت ليش تعلم عليهم ؟؟
سعود تنهد بألم : انتوا ما تدروون وش سوّى ماجد فيني ,, عذبني وخرب حياااتي
حرمني من اصحاااابي ومن البنت اللي حبيتها ,, حرمني من الحياة الطبيعية ... خلاني ادمر حياة كثير
ناس ..... ااااخ بس منقهر عالايام اللي رااااحت والله منقهر ,,, تدرووون انا تركت المخدرات وتعالجت منها
الحمدلله بس
تالا : انت شلوون ادمنتها ؟
سعود : هه .. السبب هو ابوك ,, حطه لي بالعصير وكل ما اجيه بالشركة يحط لي بالعصير من المخدر
ادمنته ... وصرت اترجاه يعطيني هالعصير وصار يعطيني العصير بس مقابل اسوي له اللي يبي
تالا : ورب الكعبة يجيه يووم يندم على خيااسته هذي وبتشوووف قريب
فواز : اهدي يا تالا ....
جلسوا يسولفون مع بعض بانتظار راكان ....
تالا تطالع بفواز وهو يتكلم ويبتسم ويضحك ... ضحكته مميزة
لها لمسة غريبة ,, سرحت بابتسامة وهي تشوفه يضحك نفس الضحكة من سوالف سعود
ميت فواز من الضحك وسعود عيونه تدمع من كثر الضحك
تالا انتبهت انها تمدح بنفسها فوازووه الكريه .. ( وش فيني انا ما لقيت اطالع الا بهالخشة هذي ,, هالتااافه حلفت اوريييه انا )
فواز لاحظ ان تالا هادية مو عوايدها ..
فواز : تاللووووه لسانك بلعه القط ؟؟
تالا زمت شفايفها : لا
فواز : هع وش فيك ساكتة ,, بالعاادة قلق الله لا يبلانا
تالا : كل تبن ,, مالك دخل اتكلم ولا اسكت
فواز : التبن لك موو لي ,, الله يقطع شكلك ما عندك ذووق ابدا
تالا : ياااا شينك يالغثيييث ,, انت وخشمك هذا
وقامت من عندهم وفواز شك بنفسه هع وش فيه خشمه ؟؟ مسك خشمه وسعود ميت من الضحك
فواز طالع بسعود : خير ؟
سعود : ههههههههههههههههههه شككتك بنفسك يالخبل ههههههههههههه
فواز : ايه ايه اسكت بس
....................................
انتهى البارت هنا وش رااايكم ؟؟؟
<< البــــــــــارت الــ 39 >>
في بيت راكان الصقر ......
توليب تبكي من قللللب وتولين مغمى عليها بالغرفة من التعب
راكان : لا حول ولا قوة الا بالله .. بس يا توليب تكفين راااااسي مصدع
طلال : توليب خلاص عاد .. ادعي له ولاختك يقومون بالسلامة بلا دلع
توليب : كله منك يا راكان .. والله كله منك انا حمااارة يوم سمعت كلامك
راكان بعيون حمر : توليب لا تنرفزيني والله اني تعباااااااااان واللي فيني كافيني
قام طلال وجلس جنب توليب بعد ما اشر لراكان انه يهدي اعصابه
طلال : بس يا توليب ..
توليب : انت مو حاس فيني يا طلال
حط ايده على كتفها
طلال : الا حاس فيك ,, بس بكاك هذا ما بيغير شي ,, ممكن تهدين شوي ؟
توليب : ما اقدر
طلال : الا تقدرين ..
هزّت براسها وهي تبكي بانها ما تقدر
طلال : طيب اذا قلت لك عشاني ؟؟
وقفت تبكي شوي وما ردت عليه ... صارت تهدي بنفسها وهو مبسوط
وقفت توليب : انا رايحة اشوف تولين قامت ولا لا
راكان : طيب
طلال وقف : انا رايح للشركة
توليب : ليه ؟ خليك هنا
ابتسم طلال : لا حياتي ما اقدر
استغربت توليب : ( قال حياتي .. ههههههههههه هالانسان هذا عجيب )
طلال : عندي كم شغلة لازم اخلصها ..لا تخافين برجع اتطمن عليكم ,, تامرين على شي ؟
ابتسمت توليب برضا عالاسلوب الجديد الحلووو
توليب : سلامتك
اعطاها بوسة سريعة على خدها جمدتها كما هي العادة وراكان ابتسم من هالحركة يا شينك يا طلال
ما تحسب لأي شخص حساب اللي براسك تسويه وما عليك من احد ... الله يقطع ابليسك
حط طلال عينه بعين راكان المبتسم بشكل غريب
طلال ونفس الابتسامة مرتسمة على وجهه : وانت راكان تامرني على شي ؟
راكان بنفس الابتسامة المايلة : سلامتك .. توليب مدامك واقفة وصلي طلال للباب وارجعي
توليب بنفسها تشتم راكان هذا وش يبي يسوي فيني
مشت توليب وهي ساكتة ومشى وراها طلال
اول ما وصلت عند الباب .............
طلال بصوت واطي : بتوحشيني..... ابتسم يوم شاف وجهها ولع اشااارة حمراء وطلع من البيت
توليب تسب وتشتم في راكان وطلال ومشت بعصبية لغرفة تولين
.............................
عند خزامى وجوانا بالغرفة ............
جوانا : يا بعد عمري على فيصل
خزامى تنهدت : الله يعين بس .. لاحول ولا قوة الا بالله
جوانا : الحين من صدقه يوسف خطب جوري ؟؟
خزامى : ههههه مدري والله
جوانا : ياحليله يوسف ... لا وخطب مين ؟؟ جووري هههههههههههه
خزامى : صراحة انا انصدمت .... بس مسكين معاذ ولد ياسر امه رمته وراحت
جوانا انقلب وجهها : مالي دخل فيه وفي ولده ... هو اللي جاب هالشي لنفسه
ما قلتي لي ... شلون طلقك خالد ؟؟؟ انتي كل ما اسالك تطنشين
خزامى : ااااااااااه اسكتي بس ,,,,, كان جالس يكلمني يقول : خزوم انتي عارفة مكانك بقلبي
وعارفة اني احبك ... رغم انك قلتي انك تكرهيني ذاك اليوم بس معليش ... شوفي انا غيرتي قوية
مع ان سعود صاحبي لكن حتى لو ... كل مرة تقولين فيها اسمه احس اني بمووت
ادري انك تقولينه بدون قصد وانك تحاولين تنسينه لكن انا ما كنت قادر امسك اعصابي مثل ما وعدتك
...................
سكتت خزامى
جوانا : وبعدين ؟
خزامى : بعدين انا قلت له ان حياتنا مع بعض ما راح تكون حلوة والافضل ننفصل من بدري
جوانا : ايه بس الولد يحبك
خزامى : وانا احترمه واحترم شهامته ... خالد رجّال ومحترم ,, لكن ما نقدر نكمل سوا
خصوصا انه ما يقدر يمسك اعصابه وطول الوقت شاك فيني وفي احساسي تجاهه
جوانا : وسعود ؟
خزامى : وش فيه سعود ؟
جوانا : مدري احس انك لسة تفكرين فيه او خايفة من اللي صار
خزامى : شوفي يا قلبي ... سعود مهما قلت اكرهه ارجع اقول احبه
جوانا عصبت : تستهبلييييين انتي ؟؟
خزامى : لا ما استهبل .... انا اقول الصدق ,,, ايه كنت شايلة عليه بعد اللي صار
لكن ان جيتي للواقع سعود هو الشخص الوحيد اللي انا فكرت فيه وهو الوحيد والاول اللي احبه انا
جوانا : بس مستحيل طلال يوافق عليه ان جاك
خزامى : هذا اذا جاء ... يمكن ما يجي او ماله وجه يجي بعد اللي صار
جوانا : واذا ما جاء بتعنسين ؟؟
خزامى : هههههههههههه ايه بعنس .. احسن من اني اعيش مع انسان وافكر بواحد ثاني
واظلمه معاي
جوانا : يا بعد عمري عليك ... بس رفعتي ضغطي لما قلتي تحبين الخايس سعود
خزامى : جوانا خلاص عاد اقفلي الموضوع لو سمحتي
جوانا بضيق : طيب
وقفت جوانا ومشت برة الغرفة وصكت الباب وراها
...........................................
محمد وفهد يتمشون سوا بالسيارة .....
فهد يسولف ومحمد مو معاه
فهد : وطاح على خشته وانا فقعت من الضحك ههههههههههههههههههه والله شكله يموت من الضحك
ياليتك شايفه هههههههههههههههههههه
سكت فهد والتفت على محمد السرحان بالشباك اللي جنبه ويطالع بالشارع
فهد : حمووود ... محمد ... ابوو حمييييييييييييد هيييييييه يا ابو الشبااااااب
محمد : هاه ؟؟ هممم وش بغيت ؟
فهد : معاي ؟
محمد : ايه ايه معاك
فهد : وش كنت اقول ؟
محمد : على سالفة جهازك يوم ان ولد اختك الورع يكب عليه موية وانت علقته بالباب لنص ساعة
شفت اني معك ؟
فهد : ايه ايه صح معي ... كل تبن يا حمااااااااااااااار قلت بعد هالسالفة سالفتين الله يرجك
محمد : يووووه فهد خلاص اااسف ....
فهد : طيب في مين سرحان يا ابو وجه ؟
محمد : ولا احد
فهد : مو حبيبتك ؟
محمد عصب : حبيبتي ؟
فهد : ايه اقصد بنت عمك ... زوجتك يالخبل
محمد : على تبن .. اسكت يا فهييييد وعلّي صوت الاغنية
فهد : هههههههههه والله شكلها هبلت فيك ولعبت بحسبتك لعب
محمد : وبعدييييييين ؟؟
فهد : هههههههههههههههههه طيب خلاص خلاص ... اقول حمود الله يقطع ابليسكم كل واحد منكم له بلوة
انت وبنت عمك ذي وخالد وفيصل ومشكلتهم ... وسعود وعمه وخالد ياليييييييييييييل ابو لمبة متى ناويين تخلصون هالمشاكل مدري
طنش محمد ورجع يطالع بالشباك ............................
راكان راح لفواز وتالا وسعود ................
فواز : وش بنسوي الحين ؟
راكان : ولا شي ... بنخبر عليه الشرطة وهم يتولون الموضوع
سعود : بس انا كنت محسب اننا احنا بنقتله
راكان : لا يا سعود .... احنا خلاص انتهى شغلنا بس نعلم عليه الشرطة وتمسكه بيوم التسليم
ونفتك من شره ............
سكتوا شوي وكل واحد فيهم صار يفكر لحاله
شوي الا ودندن فواز
فواز : من هو من هو من هو ماخذ من القلب حتة
من هو من هو من هووووو اشر على نفسك انت
من حبيبي .. فديت قلبه
من نصيبي حبيته حبة .. سارق قليبي وسكن به قوووولها ولا تخبي
تالا بجد خقت ...
راكان : وجع فواز صوتك خايس
سعود : ههههه والله بجد ازعجتني يا شيخ وش جاك ؟؟؟
فواز : هههههههههه صووتي حلووووو صح تالا ؟؟
تالا بلمت : هاه ؟
فواز : يا ويلي لا تفشلنا هذي الحين وتخربها ... لا تطيحين وجهي قولي ايه
تالا مو مستوعبة ودها تقول ايه وودها تقول لا
تالا : ايه
فواز : ههههههاااااااااي شفتوووا ؟؟
تالا وقفت : اقوول بس لا تصدق صوووتك نشاااااااااااااز
مشت عنهم وهو مرتفع ضغطه والشباب ميتين ضحك
...............
طلعت تالا من عندهم وركبت تاكسي عشان تروح لشقتها
: ( يا ربي وش فيني انا قمت افكر بهالخايس فواز ... بس بجد عليه ضحكة تذبح
غير اسلوبه ... احلى شي فيه صراحته وانه ما يجامل مثلي بالضبط ههههههههههههه احلى شي لما يعاندني وانا اعانده
ويفرع بيننا راكان ........... يا رب يحس على دمه ... احس اني احبه )
: وصلنا
تالا : ادري انا مو عمياء يالمهستر ... امسك فلوسك بس
وطلعت من السيارة وطلعت للشقة
...................................
بعد اسبوعين .....
ماجد : يللا هالمرة انا بكون معاكم ... اول دفعة بتكون معاي
والباقي توزعووونه فاهمين ؟؟ ما ابغى ولا نقطة ولا أثر يبقى عندنا
اللي اتفقنا معهم يستلمون البضاعة اول ما توووووصل ما ابغى ولا خطأ
ماهر : حاضر يا طويل العمر
زياد : بس بغيت اسالك يا ابو تالا ... وش بيصير على ريان ؟
ارتسمت على وجه ماجد ابتسامة حقوودة : هه خليه يتربى عشان لا يعاندني مرة ثااانية
خلوه يخيس عند راكان ما علينا .... الحين يللا بسررررعة نزل بضاعتنا عشان نوصلها لمكان التسليم
.............................
بشركة راكان الصقر ...........
راكان رايح جاي مرررة متوتر ... وسعود راح يشوف ريان اخوه
فواز ساااااااااااااكت وتالا متوترة مررررة
تالا : فواز
فواز : هممم ؟؟
تالا : وش بيصير الحين ؟
فواز : على ايش ؟
تالا : علينا
طالعها فواز باستغراب : وشو ؟
تالا : اقصد علينا احنا ...
فواز عقد حواجبه : علينا احنا ؟؟؟ وش فينا احنا
تالا : هيييييييييه راح بالك بعيد ,,, انا اقصد اننا علمنا الشرطة على ماجد احنا ايش بيصير علينا ؟
فواز تنهد : اووووف يا شيخة خليتيني اهوجس وش فيها هذي ... ما راح يصير علينا شي
خلاص احنا خبرنا الشرطة وسوينا اللي علينا ,, اليوم بيمسكون ماجد وشلته وبنفتك منهم وبس
تالا : وشلوون وبس ؟
فواز : يااااااااااااااااااليل مطوووولك ,,, اسمعي الحين خلاص بفتك منك يالعبيطة
وبينتهي شغلنا فهمتي ؟؟؟
تالا انجرحت منه : ( ليتك تحس فيني يا حماااااااااااااااار ,,, انا مدري شلي خلاني افكر بهالخشة الخاااايسة
وبهالوووجه اللي ما عنده اسلووووب ,,, غبي دلخ ... معقووولة للحين ما حس باني .. لالالا انا ما احبه
ايه ما احبه هذا واحد مغفل )
فواز : هيييييييه وش فيك سرحانة بوجهي ؟؟؟ مضيعة شي ؟؟؟ ادري اني حلوو بس معليش ما اقبل منك انتي
بالذات اعجااااب
تالا وقفت وكشت على وجهه : ماااااااااااالت على هالخشة الخااايسة ,, والحمدلله يااااااااااااارب بفتك منك واخيييييرا
ومشت عنه وهو ميت ضحك على شكلها
فواز : ( خخخ نرفزتها احسسسسسسسسسن هالعبيطة ,,, ولسة ناوي ارد اللي سوته فيني من اول لسة ما نسيت )
...................................
خلاص بعد ساعتين بيتم التسليم بين ماجد واللي جايبلهم البضاعة وبعدها بياخذها ماجد وشلته للي بيشترونها منه
وكل شي راح يتم ورى بعض وبسرررعة عشان يخلصون .. الكمية كبيرة وما يكفيها المخزن حق ماجد
ماجد : يللا يللا سريع ... جهزت كل شي ؟
ماهر : ايه
ماجد طقه بظهره : كفووووو
جاء حسن يركض ويلهث
حسن : ابووو تالا الحق ,,, ابووو تالا
ماجد : خير وش عندك انت وهالوجه ؟
حسن : فيه علينا مراقبة ,, اكتشتف ان علينا مراااقبة والاتصال اللي تم بين ناصر و شريف كان مراقب ومسجل
ارتبك ماجد واختبصت عنده الدنيا
ماجد : شووووف ... أنا ما كنت معكم ولا ادري بشي
اذا جاني خبر ان فيه واحد فيكم تلقف وحاول يكشفني لا يلووم الا نفسه ولا تنسووون عندي بالشرطة معارف
اللي درى منكم الحين ويبي ينحاااش يحط رجله ويمشي ... واللي ما يدري خلووه
مشى ماجد بسررررعة وطلع من المكان
.....................
في بيت عبدالعزيز الراسي
بالصالة ................
جوانا جالسة بكل توتر ... هي لاحظت ان طلال مستقعد لها بالفترة الاخيرة
هذا غير رسالة فيصل لها ان طلال راح يراقبها بطلعاتها ودخلاتها
وانها لازم تنتبه ,,,,
خطوبة يوسف والجوري صارت رسمية قبل يومين ,,, يعني هم لبعض وكلام فيصل مو كذب
جوري منسجمممممة مع الفيلم ( تايتنك ) والبوب كورن بايدها تاكل منه
دخل عليهم طلال : احم
فزّت جوانا على صوته : هلا طلال
طلال : سلام
جوانا : عليك السلام
جوري : عليكم السلام
جلس طلال مقابل جوانا
طلال : وش عندك لي كم يوم اشوفك بالبيت مو عوايدك
بلعت جوانا ريقها يااا رب هذا اولها ....
جوانا بثقة : شلون مو عوايدي يعني ؟؟
طلال : يعني .... لك فترة صايرة ما تقعدين بالبيت وما تنشافين ابد
جوانا : تدري ليه انا ما انشااف ؟؟
طلال : ايوة ؟
جوانا : لأني لما اصير بالبيت انت تكون مو فيه وانت ما شااااء الله كم ساعة تقعد بالبيت ؟؟ ينعدوون على الاصابع
وسبحااانك يا رب يصادف ساعات جلوسك بالبيت اني ما اكون فيه .. ولا انت عارفني انا ما احب اطلع كثير
طلال : وش صار عالعمل الخيري اللي كنتي تسوينه مع بنت الصقر واخوها راكان ؟
جوانا بنفسها : ( الحمد لله هالسؤال اجاوبه بثقة )
جوانا : ابدا ... تقريبا خلصنا ,, الحفلة الخيرية بعد اسبوعين في دار لتحفيظ القران والتبرعات
راح ناخذها للأيتام وكذا وان زادت راح نساهم في بناء مساجد
طلال : امممم ... فكرة حلوة ودي اساعد فيها
جوانا : اوكي ,,, هات اللي عندك من تبرعات وراح ادخلهم
طلال : اوكي ,,, جووري
جوري بجو ثااااااااااااني مو حوله
طلال : يااالجووووووري
جوري خافت : هااااه ؟؟
طلال : بس يكفي اكل بتمتليييييين
طالعته بنظرة طفش
جوري : عادي
ورجعت تطالع الفيلم بتطنيش لطلال
طلال : بعدين تصيرين دبة
جوري : عادي وما التفتت له
طلال : بعدين يوسف يخليك
طالعته جوري بحقد وهو قالها بنغزة ومات من الضحك
جوانا : ههههههههههههه
وقفت الجوري بضيق : اصلا الحق علي جالسة عندكم
وطلعت بعصبية لغرفتها
.......................................
انتهى البارت سوووري عالتأخييييييير
<< البـــــــــــــــارت الــ 40 >>
تالا تذكرت انها نست تشتري العشاء .....
طلعت من الشقة بعد ما لبست عبايتها وركبت لها تاكسي
وهي بالشارع لمحت ابوها جوة السيارة ... تذكرت ان اليوم عنده تسليم وكذا
المفروض يكون هناك ... ملامحه تبين انه مستعجل ومتلثم بشكل سريع
يعني انحااااش من المكان ... اشرت للتاكسي يلاحق ورى السيارة
واتصلت على فواز
.................
بالمستشفى .......
تولين عند ابوها بالغرفة تقرأ القرآن وتشاهق بالبكاء
توليب تدعي له يقوم بالسلامة ونفس الشي دموعها على خدها
بعد نص ساعة من هالحال وعلى دخول راكان وطلال للغرفة
بدى ابو راكان يفتح عيونه شوي شوي
ابو راكان بصوت تعبان خفيف : توليب ؟؟ تولين ؟
توليب فزّت عالصوت
وهي تبكي بصوت عالي : يبة ؟؟ ابوي صحى
وضمته بقوووة بدون احساس منها بالاجهزة اللي عليه
وتولين بكت بس ما قدرت وما تجرأت انها تضمه
او تقرب منه غير انها طبعت بوسة خفيفة سريعة على راسه .....
وهو طالعها بدموووع متجمعة بين رموشه
راكان واقف عند الباب بابتسامة وطلال ساكت ويحمد ربه انها جات سليمة
تولين بصوت متقطع من البكاء وببحة : توليب وخري عنه خنقتيه ... لا يتعور بس
وخرت توليب اللي توها تلاحظ وراحت تركض لراكان وطلال
اول واحد بوجهها هو طلال ضمته بقوووووة وهو اللي انصدم لكن احيانا من الفرحة الواحد يعمل تصرفات وما ينتبه عليها >> وبالذات البنات ,, على قولتهم وشهد شاهد من اهله ,,,,
حط ايديه عليها وضمها له اكثر ,, يلعن ابليسك يالمغرووورة
انا كنت ناوي اطيحك وطحت بشباكك بدال ما تطيحين انتي بشباكي ,,,,
تولين وراكان من جد مستغربين
ابو راكان يطالع بتولين وهو منقهر عاللي سواه فيها
ابو راكان مد ايده وحطها على ايد تولين وضغط عليها
طالعته وعيونها مليانة دموع
ابو راكان : تولين يا بنتي ,, اعذريني عاللي صار
واشّر لها انه يبي يشرب
جابت له كاس الموية وعدلت له جلسته عشان يشرب
بهاللحظة وخرت توليب من طلال وتوها تنتبه ان هذا الكائن اللي ضامته هي هو ( الزفت طلال اللي رافع ضغطها كثير )
وخرت عنه وجلست تتامل بخشته وهو مبتسم بطريقة غريبة مرة
تقدم راكان لأبوه وباس راسه
راكان : الحمد لله عالسلامة يا ابو راكان
واعطاه ظهره بيمشي
ابو راكان : اصبر ,, انت سويت اللي تبيه يا راكان
لسة حاقد علي ؟؟
راكان التفت بسرعة : لا ,, وسكت شوي بندم,,,
لكن حسبتك ما تبيني بعد اللي صار ,, وعشان كذا قلت
ماله داعي اجلس اكثر وانت مو طايقني
ابو راكان : شوف ,, خلينا نتفاهم عالموضوع بعدين
وش رايك ؟
وابتسم له بغرابة
راكان ابتسم : ايه على امرك
ابو راكان : الحين ننسى ؟
راكان هز راسه بالايجاب وقرب لابوه وجلس جنبه
قرب طلال وباس راسه وتحمد له بالسلامة وهو الى الحين ماسك توليب من يدها وما فكها
ابو راكان : الله يسلمك يا ابو عبدالعزيز ,, يللا عقبال ما نشوووفه هالعبدالعزيز ونفرح فيكم
ضحك طلال بقوة : يسمع منك ربي
راكان : ههههههههه وش رايك توليب ؟
طالعته توليب بحقد
ابو راكان : هههه بعد ضمها له ما تنسأل
استحت توليب بقوووة وفكت ايد طلال وطلعت برة الغرفة
ولحقتها تولين .................
ابو راكان : هههه ,, ايه خلاص لا تطولونها وهي قصيرة ,, خلونا نفرح فيكم
طلال : يوم تعبت وقفنا كل شي يا ابو راكان
ابو راكان : لا ما يحتاج تأجلون اكثر .. انا قمت الحمدلله .. يللا عاد هذي حلاوة قومتي بالسلامة
طلال : ابشرررر ,, ما طلبت شي
راكان بنغزة : ههههه يقولون الركادة زينة
طلال : ههههههه نشوفك مع حبيبة القلب
راكان : هههههههههههههههه انت محد يقدر على لسانك ؟
طلال : لا تحارشني وانت بخير
ابو راكان : ههههههه ذيب
طلال : تسلم ,, يللا بالاذن عندي شوية شغلات اخلصها .... مع السلامة
راكان وابوه : الله معاك
........................
فواز وسعود بالمكتب جالسين سوا
فواز : ههههههههههههههههه ياخي هالبنت لعينة
سعود : هههههههههههههههههه ايه شايفها .. عليها اسلوووب مجنووون
فواز : وقسم بالله ان ضغطي منها مرتففففع ,, انت ما شفتها اول مرة تقابلنا فيها ,,, عذبتني كرهتني بدنيتي
سعود : هههه بس تصدق ,, اسلوبها ممتع
فواز : ههههههه ممتع لك ولراكان
سعود : ايه صدق وينه ؟
فواز : عند ابوه
رن جوال فواز ,,
فواز : الو
تالا : فوااااز ,, ماجد انحااااش انا الحين بالشارع اشوفه قدامي
فواز وقف بعصبية : مو من جدك تستهبلين انتي ؟؟
تالا : استهبل ؟؟ يا حمااااار هذا هووو قدامي ,, شكله ما حضر عملية التسليم
فواز حط ايده على راسه : لالالا شغلنا كله بيروح عالفااااااضي
تالا : اتصل على راكان بسررعة
فواز : طيب طيب
تالا : انا وراه لا تخاف
فواز : انتبهي لا يضيع منك
تالا : لا تخاااااف
وسكرت بوجهه وصارت تلاحق ماجد بالسيارة
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك