رواية حبيبي مغرور واعشقه لحد الجنون -32
كان ماسك نفسه بس ماقدر
قرب منها بيبوسها
بس نوره بعدت وجها عنه
فارس مثل ماتبين براحتك
انزلت وكملت الجلسه معاهم
لحد ماراحت البيت وهي في غرفتها تبدل
احد يضرب الباب
افتحت وشافت ولد خالها الصغير
نوره هلا زايد بقيت شي
زايد اخذي هاي
يمد ورقه لها
نوره شنو هذي
زايد انتي خذيها
خذتها وزايد مشى
نوره افتحت الورقه وقرتها
للحين على ذاك الوفا ماتغيرت
انت متربع على عرش القلب
سكنت الروح ومالك طلعه منه
وكلي امل وتمني ترجع لي
في يوم وتكون بحضاني
حبيبي مهما فرقتنا السنين
وبعدتنا المسافات تبقى
حبيبي وابقى لك الحبيب
سععععععععععود
نوره لما قرتها وشافت اسمه
حطت يدها على فمها للحين
يحبها ولا ناسيها غمضت عيونها
وتذكرت اخر مره كانت فيها مع سعود
قبل سنتين في دبي
طالعه معاه بالسياره يتمشون
وكانت نوره عادته مثل اخوها
سعود شرايك نوره بدبي من فوق الجبل
نوره جنان تقول كأنها عروس
سعود انتي ماتدرين انه دبي
كل سنه بتنور عشان قدومك فيها
نوره لاتبالغ سعود يعني
نورها كل سنه عشاني
سعود هيه عشانج هي تترياج كل سنه
شراتي مثل ماترياج
نوره والله تعرف تصف كلام مانت هين
سعود هذا كلام قلبي يانور قلبي
نوره ترا صار مزحك ماصخ
سعود صدقيني هب غشمره
انا احبج واباج بالحلال وخليت امي
تكلم عموه بخصوصنا
انا حاب تعيشين في الأمارات معايه
وقرب منها وباسها في خدها
نوره عطته كف
لأنها تفاجأت من حركته
نوره ماتوقعتك نذل وحقير
انا كنت عادتك مثل اخوي
وواثقه فيك وتسوي كذا
سعود والله احبج واموت فيج
وبعدين انتي لمحتي لي انك
عايشه قصة حب في الفتره هاي
نوره ايه قلت لك بس مو انت
انا احب واحد سعودي ومن زمان
سعود تحطم من داخل كان يظن
ان اهو وعاش قصة حب بس من طرف واحد
نوره رجعني البيت
وبعدها نوره صارت روحتها هناك قليله
افتحت عيونها وهي تصيح
وصارت تلوم فارس لو
كان اهو معاها الحين كان ماقرت رسالة سعود
احبك احبك يافارس
وصاحت حزن على حالها
لا زاد فيني الحزن اكتم دموعي وون
واقول ابد ماابيك واذكر هوانا وحن
وين انت عني انا وكلتني للعنى
ماكني الي هويت ولا كنا نفسنا
امسحت ادموعها وقررت ترجع
الشقه عشان ماتصير مشكله لها
اهي في غنى عنها جهزت اغراضها
وقالت لأمها انها بترجع الشقه
عشان الزحمه والأزعاج الي في البيت
وان فارس مو موجود في الشقه
اوصلت الشقه ونزل فواز اغراضها
فواز معقوله بتنامين بروحك هنا
نوره كذبت عليه
لا بتجي سحر اليوم معاي لا تخاف
فواز طيب تامرين شي
نوره لا سلامتك
بعد ماراح
نوره عصبت من شكل الشقه
كلها غبار
ماصدق ماعنده خدم من بيت اهله
يجيبهم ينظفون ولا حضرته
مخلي الكاسات هنا
ياربي ساعدني
راحت بدلت وصارت تنظف الشقه
ولا حست بالوقت وبعد ماخلصت
شافت الساعه 1 اليل
ادخلت اسبحت واطلعت وهي لافه
الفوطه عليها وتنشف شعرها
وسمعت صوت عالي عالي
من الصاله خافت وراحت
بهدوء وافتحت الباب
شافت فارس جالس على الكنب
وفاصخ الغتره وراميها
هلى الطاوله وماسك صورتها
الي جنبه على الطاوله
بحبك وحشتيني بحبك وانتي نور عيني
ده وانتي مطلعه عيني بحبك موت
لفيت أد ايه لفيت مالئيت غير في حضنك بيت
وبائولك انا حنيت بعلو الصوت
وكأنه الوقت في بعدك واقف مابيمشيش
وكأنك كنتي معايه بعدتي ومابعديش
الي جنبي حبيبتي وامي وزي مكون ببتدي اعيش
وبحبك وحشتيني بحبك وانتي نور عيني
نوره لما شافته كسر خاطرها
وحنت عليه
اطلعت للصاله ووقفت جنبه
فارس بسم الله من وين طلعتي
نوره انت الحين ماقلت لي
بتفضي الشقه لي وماراح تكون هنا
فارس انتبه لشقه صارت نظيفه
بصراحه بعطيك العافيه الحين
الواحد يقدر يجلس فيها
نوره والله كان جبت خدامه من بيتكم
ونظفتها لك ولا ليكون جايبني
عشان انظفها
فارس مابي احد يدخلها وانتي
مو فيها
نوره زين ارجع بيت اهلي الحين
فارس ليه ترجعين خلك هنا
نوره لا تجنني الحين قلت لي
لا تجلسين بيت اهلك
عشان سعود وبفضي لك الشقه
وهذا انت هنا
فارس بصراحه بيت اهلي
صاير مزعج من اهل القصيم ولا عارف ارتاح
قام وقرب منها
وبعدين والنهايه متى بنخلص
نوره من شنهو نخلص
فارس من الدلع الي انتي فيه
صار لنا اكثر من اسبوع واحنا بعاد
عن بعض والله يانوير ماشبه نفسي
الا بمهند من كثر مايركض
يراضي نور خلاص كفايه دلع
حضنها لصدره وتوه بينزل الفوطه
نوره لحظه ..لحظه
تبينا نرجع لبعض
فارس اكيد
نوره ماعندي مانع بس بشرط
فارس اسمعه
نوره اهو شرطي عشان ارجع لك
اسمع من اليوم ورايح ماتدخل
في أي مشكله تصير لي مع مرت اخوك
او بنت اختك انت اطلع منها ولا لك شغل
شقلت
فارس ااااااه
صدق رياض لما قال اغسل يدك
من الحريم لاتدخل بينهم
بس خلاص الي يريحك بسويه
خلاص
نوره اذا كذا خلاص
فارس شالها بيدينه
مشتاق ولهان كثير
نوره حاوطته من ارقبته
ماراح تكون مثلي مشتاقه لك اكثر
باسته على خده
فارس كملها بالشفايف
وادخلو الغرفه
^_____^@@@@
يوم الخميس
الساعه 10 الصباح
يدق جوال نوره وعلى مانتبهت وردت
نعم بصوت كله نوم
سحر وينك
نوره شفيك
سحر حضرتك نايمه للحين وناسيه
روحتنا للمشغل عشان زواجي
وانتي ليه في الشقه كلمت بيتكم
وقالت لي خالتي رجعتي
نوره سحر انتي سبقيني للمشغل
وانا بعد ساعه بخلي فارس يجيبني
سحر لحضه كأني سمعت
فارس ها نوير تراضيتو خلاص
طاح الحطب
نوره وهي تناظر فارس وهو نايم جنبها
ومن قال احنا كنا متزاعلين اصلا
سحر لا ماكان بينكم شي
ويد ورجل جدتي الي انكسرو
مو عشانكم بس عشان
تعرفين ان يوم زواجي مبارك عليكم
نوره لا تشوفين روحك علينا
خلصينا روحي المشغل وانا بلحقك بااااي
الساعه 9ونص
صارو المعازيم يحضرون
في فندق الشريتون
ماجد كان كاشخ ومنور بالبشت الأسود
واقف مع ربعه
رياض وفارس وليد وناصر
وطلال الي اعزمه فارس مع اهله
رياض اقول يامعرسنا لا تفشلنا اليوم
خلك سبع سامع
ماجد صج انك فاضي
رياض يغمز لفارس
اقول فارس الواحد يوم زواجه
وش لازم يكون
فارس مايبقى لها كلام اكيد سبع
مو رخمه
وليد ماعليك منهم شكلهم دفشين لاتستعجل
ماجد والي يرحم والديكم ماني حولكم
طلال ياجماعه بالراحه عليه
لا تضايقونه يوم عرسه خلوه مبسوط
رياض احلى يالرايق مانقدر احنا
طلال يبتسم لكلام رياض
تصدقون فتحتو نفسي لزواج
مدري هو حلو مثل ماتقولون ولا
فارس اقول اعقلها وتوكل والله يسعدك
في قاعة الحريم
كان الرقص والوناسه
انقضى الزواج
في الفندق بعد ماسكر ماجد الباب
دخل الغرفه وكانت سحر مرعوبه
فصخ البشت وعلقه وجلس جنبها
ماجد مبارك علينا ياقلبي
والله يقدريني اسعدك معاي وانتي لا تنسيني
سحر تبتسم
ماجد شرايك نقوم ناكل الحين
سحر انا مو جوعانه
ماجد لا تكذبين نوره قالت لي
انك ماكلتي شي من الصبح
ماني ناقص يغمى عليك من الجوع
سحر صدقني ماني جايعه
ماجد دام مانتي جايعه
اجل انام احسن لنا
وحط يده على سوستة الفستان
سحر من الخوف قامت
لا انا جايعه بروح اكل
ماجد يضحك
الحين صرتي جايعه لما صار
وقت الجد بس ناكل وبعد الأكل نكمل
السالفه
ثاني يوم سافرو المعاريس
شهر العسل وقضو احلى اسبوعين
وكان الوضع بين نوره وفارس
مافيه احلى منه
ارجعو المعاريس من عسلهم
وسكن ماجد عند اهله
وبعد فتره تجمعو البنات في الكافي
نوره وسحر ومشاعل ونوره2
نوره2 حمدالله على السلامه ياعروس
ان شالله انبسطي في سفرتك
سحر تمام واكيد مبسوطه
نوره اكيد طالما مع اخوي ماجد
بتصير سفرتها حلوه
مشاعل عاد هذا خالي ماجد
اكيد بتصيرين مبسوطه معاه
سحر أي مبسوطه لو ارجالكم بعيد عنه انا بخير
نوره شفيهم ارجالنا
نوره2 أي والله شفيهم بسم الله عليهم
سحر لا مافيهم شي بس شاطرين
يحفرون بأذنه وكل يوم طالع لي بشي
نوره2 حبيبتي خبره والمثل
يقول اسأل مجرب ولا تسأل طبيب
نوره الحين ماستانستي معاه
سحر انا من له اتكلم اذا حريمهم
انتو اكيد ارجالكم حدث ولا حرج امري لأالله
نوره2 مو وجه نعمه مالت عليك
وانتي ياحلوه متى بيجون يخطبونك
مشاعل يوم الجمعه
نوره الله يتمم لك على خير
سحر بس الله يعينك الولد حلو انتبهي
مشاعل وهذا الي خايفه منه
انا لما شفت طلال ماصدقت
حلو كثير والله اخاف لطلعت معاه
يغازلونه البنات
نوره2 لا تطلعين معاه حبسيه في البيت
نوره شدعوه ترا بنتنا حلوه
وماعليها كلام
سحر صادقه خلك واثقه من نفسك
نوره2 المهم اجليه لحد مااولد
مابي احضره وانا بطني طالع كثير
مشاعل والله على كلام اهله
بيصير في العطله الكبيره
نوره لا ريضه يمكن بتصيرين في الثامن
نوره2 انا في الرابع واحس
صرت نفاخه والله تعب
عقبالكم انتو الثنتين
نوره الله يسمع منك
سحر طيب بنات انا بمشي
ماجد جاه ياخذني
نوره تو الناس ماشبعنا منك
سحر قال لي بس ساعه وبجي اخذك
نوره2 احلى حركات بداية الزواج
سحر يمه منك
يالله مع السلامه
اطلعت
نوره تناظر في الموجودين
وشافت وحده شافتها من قبل
نوره هذي اروى
مشاعل مين اروى
نوره الي طلقها فارس اخر وحده
نوره2 وانتي شعليك منها
نوره ابي اعرف ليه طلقها
مشاعل خالتي ماهي نصيبه حتى لو انها
ملكة جمال
نوره2 انتي ماتوبين خلاص
الله يستر على عباده
نوره انا فيني فضول ولا بجلس
افكر
قامت عندها ولا سمعت كلام البنات
وقفت عند الطاوله الي اروى
جالسه فيها مع بنات
نوره السلام عليكم
وعليكم السلام
نوره اروى ممكن اتكلم معاك
اروى اوكيه
قامت معاها واجلسو في طاوله
بروحهم
نوره بعرفك على نفسي انا نوره زوجة فارس
اروى ادري انك زوجته
نوره طيب انا بدخل في الموضوع
على طول ممكن اعرف ليه
فارس طلقك لأنه وحده مثلك
صعب يفرط فيها بسهوله
اروى اول انتي جاوبيني بصراحه
فارس يحبك انتي مبسوطه معاه
نوره اكيد يحبني واحنا مبسوطين مع بعض
اروى طالما انتي سعيده معاه
مانصحك تعرفين السبب لأنه لو عرفتي
اكيد مصيرك بيصير مثلنا
عيشي حياتك معاه بدون عوار الراس
انا ممكن اقولك السبب بس حرام
ماحب اخرب حياتك خلك ماتعرفين احسن
نوره كلامك يخليني اصر واعرف
الله يخليك تكلمي
اروى على مسؤليتك وانا مالي خص
نوره وعد مني على مسؤليتي
اروي وحتى لو عرفتي السبب
لا تفكريت تشوفينه
نوره اوعدك بس قولي
اروى انا لما تزوجت فارس
كان زواج مغصوب عليه برتكول
مثل مانقول زواج مصالح بسبب
الشراكه الي بين ابوي وابوه
وكانت حياتنا عاديه وممله
وبالصدفه شفت وحده من الي طلقهم
وقالت لي ان فارس يحتفظ بشريط
والبوم صور له
نوره عمري ماشفتهم عنده
اروى فارس عنده درج خاص ويقفل
عليه والمفاتيح عنده
نوره تذكرت ان فيه درج
من ادراج المكتب دايم تشوفه مقفل
اذا نظفت غرفة المكتب
بس ماهتمت الحين تأكدت شكوكها
نوره اقدر اعرف شفيهم الشريط والصور
اروى ذكرى لسفره من سفراته مع
..
نوره مع وحده ثانيه كان يحب من قبل
اروى انا بصراحه ماشفتهم
بس لما واجهته فيهم بكل برود طلقني
نوره ماشفتيهم وطلقك
والثنتين الي قبلك
اروى بصراحه الي علمتني شافت
الشريط والصور وطلبت منه يحرقهم
بس طلقها
هذا انتي عرفتي السبب
وانا معرفك يا نوره بس حرام
تهدمين بيتك بنفسك وانسي الي سمعتيه
طالما انتي عايشه معاه
بسعاده
نوره انتي ماقصرتي معاي
سلمت عليها وارجعت للبنات
نوره2 خلاص بر قلبك عرفتي
مشاعل خالتي شفيك سرحانه تكلمي
نوره مافيني شي
نوره2 وشنهو السبب
نوره بعدين تعرفونه الحين انا ابي
امشي
كلمت فارس ياخذها مع مشاعل
ونوره رياض جاه لها
في السياره بعد ماوصلو مشاعل
فارس الحلو شفيه ساكت
نوره ولا شي بس احس
بصداع اشوي
فارس سلامتك اذا وصلنا
الشقه اخذي بندول
مضى يومين
ونوره تدور السالفه في مخها
بس عشان ماتخلي فارس
يحس بشي كانت طبيعيه
معاه وكل ماحاولت تنسى تذكر الدرج
الي مقفل في مكتبه وكان اذا
دخل قفل عليه الباب ويظل كم ساعه
واذا طلع تصير عيونه حمرا
واذا اسألته عن السبب تعذر
بأشياء وهميه
راحت السالفة وصار لها كم يوم
فارس راجع من الشغل الساعه 2ونص
نوره هلا حبيبي يعطيك العافيه
فارس يعافيك
نوره غسل وانا بجهز الغدا
فارس زين
بعد ماتغدو دخل يريح ونام وعلى
المغرب صحى وصلى وجلس مع نوره
فارس بروح المكتب فيه
رساله جايتني من فرنسا بخصوص الشغل
بعد ماراح أجلست نوره
من محطه لمحطه
دق جوال فارس وكان جنبها على الطاوله
وشافت الأسم ام ابرار
نوره اعرفتها منيره
بعد تتصل السخيفه دقي لحد ماتشبعين
وحطته على الصامت
من كثر ماتصلت نوره خافت
يكون فيهم شي
قامت وخذت الجوال
نوره فارس حرمة اخوك تتصل
فارس خير ان شالله
رد عليها
هلا ام ابرار ..خير ..ابرار ..
محمد وينه .. خلاص انا جاي
نوره خير فيهم شي
فارس وهو يروح الغرفه
يبدل
مدري بس تقول ابرار تعبانه
بروح اشوفهم
نوره طيب طمني
فارس زين
طلع
أرجعت نوره ترتب الصاله
ودخلت المكتب لفارس
أجلست على الكرسي للطاوله
وشافت المفتاح على الدرج
نسى ياخذه
ترددت تفتحه بس حب الفضول
ولازم تعرف قصة فارس
افتحته وشافت ملفات
وتحتهم ظرف كبير
خذته وافتحته وشافت البوم صور وشريط
للفديو
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك