رواية حبيبي مغرور واعشقه لحد الجنون -31
يعني مافيه سامعه
وكان يناظر سحر وهي خافت
لأن عارفه خالها ويقدر يسويها
نوره خافت يسوي مشكله
لأخوها وسحر وبكل قهر
خلاص بروح معاك اعتذر
لها مافيه داعي تخرب على غيرك فرحتهم
فارس الحين
ليلى الله واكبر عليك يافارس
مالي كلمه عليك الحين
وبتسوي الي في راسك
فارس يمه انتي على عيني وراسي
بس اخرب حياة اخوي بسببها لأ
نوره بدون كلمه البست عباتها
واطلعت معاه في السياره
وراحت بنفس مغصوبه
تعتذر لمنيره الي اغترت عليها
واستانست انها اكسرت خشمها
بعد ماطلعو وداها الشقه
محمد كان عند اهله في هالوقت
وعرف بالسالفه
لا فارس ماهو صاحي من قال
له يوديها تعتذر اهي غلطانه
وانا ناوي اربيها
ليلى والله ياولدي ماعبرني
وسوه الي في راسه
وانت صج متزوج
محمد بعد وصلكم العلم منها
زين يامنيروه اوريك والله تربيتك من جديد على يدي
حصه محمد الله يهداك خلاص
لا تصير انت وفارس
سالفه وانتهت اعوذ بالله من ابليس
محمد لا والله مثل مرت فارس
الي بيصير لها بيصير لمنيره
قام معصب وراح البيت
نوره ادخلت شقتها
وكلها دموع على اهانتها لنفسها
وكل ماتذكر نظرات منيره
وشماتتها تزيد
بس الي سوته عشان اخوها وسحر
بعد ساعه جهزت شنطتها
وكلمت فواز يجي ياخذها
ويوديها بيت اهلها
بعد 3 ساعات
دخل فارس الشقه وكانت هاديه
والأنوار مطفيه ظن فارس
ان نوره نايمه دخل الغرفه
شغل الأنوار وماشاف احد
بس شاف الدولاب لنوره فاضي
جلس على السرير وحط يدينه
على راسه
يالله منك يا نوره
نوره لما راحت بيت اهلها
علمت امها بالسالفه امها
ماقالت لماجد وابوها
عشان ماتكبر السالفه
وانهم بيتصالحون بعد فتره
وفهد لأنه يحب بنته خلاها على راحتها
طالما اهو موجود في الدنيا محد يغصب بنته
وماجد قالت له سحر انها ماتدري بالسالفه
تحت طلب نوره عشان ماتصير مشكله بينه مع فارس
والسالفه يعرفها مريم وبناتها بس
محمد سمعي الحين تروحين تعتذرين لنوره مثل ماسوت لك
منيره تخسي اعتذر لها مابقى الا هي وبعدين لا تظن بعدي سالفة زواجك علي سامع الحين لازم تختار انا ولا الساحره الي خذتك مني
محمد ماتدرين انها معيشتني احسن عيشه وكنت ظالمها ان مانام عندها واليله بجيبها هنا تسكن في بيتي
منيره ماتقدر تسويها والله لأقوم الدنيا عليك بعد مابقى
الا اسكن مع حرمتك الثانيه
محمد ومن قال سمحي لي
انتي انا منتهي منك وابتهال
اليوم جايبها وانتي من غير
مطرود روحي بيت اهلك
لحد ماتعتذرين لنوره وتسامحك رجعي مع ضرتك الثانيه سامعه
ومنيره لأنها مغروره اتركت
البيت وراحت بيت اهلها
مرت ثلاث ايام على السالفة
وحصه كل يوم تروح لفارس
الشقه تحاول تقنعه يرجع نوره
قبل لا تعرف امه وتزعل
فارس كان مصر على رايه ان اهو
ماطردها ولا فكر يتركها بس
اهي الي خذت اغراضها
ومشت بس وعد حصه انه
بيروح يكلمها بعد ماتهدي السالفة
كم يوم
حصه اطلعت من الشقه
فارس جالس على الكنب
يفكر في كلام نوره
الي اطلبت من سحر توصله له
انها تبقى تنفصل عنه بس
بعد زواج ماجد وسحر
أحبه والأمل باني في قلبي من غلاه صروح
حبيبي لو يمر طيفه يبدد ماضي احزاني
أحبه حب لو يدري عن الي في خافقي من بوح
نسى كل الزعل وارخص حياته دون حرماني
مرت 5ايام والسالفه تكبر والزعل يزيد
في بيت اهل فارس
سعاد لما درت وكانت جالسه في الصاله مع حصه
والحين كل هذا يصير لأخوي
وانا اخر من يدري
يعني لو ماقالت لي خلود كان
انا خبر خير
ليلى كانت نازله من الدرج ووقفت تسمعهم
حصه وهذا انتي عرفتي بس
تحملي امي تدري هذا انا اقول لك
سعاد طيب شذنبها منيره
محمد يزعل عليها ويخليها
تروح بيت اهلها ولا يرضى
لها ترجع الا لما تعتذر لنوره
حصه الله يهداه بعد محمد ولا سالفة زواجه بعد
احنا في واحد صرنا في اثنين
الله يساعدنا
سعاد وحضرتها مخليه اخوي المسكين
في الشقه بروحه ولا احد يشوف طلاباته
حصه والله اهو الي يبي
ولا كان راح رجعها
سعاد انا مدري ليه صابر
عليها يطلقها ويرتاح منها
حصه تدرين انا الغلطانه
الي جالسه اعلمك وبعدين سمعي
لا ترفعين صوتك امي ماتدري
ان نوره اتركت فارس من
ذاك اليوم وطالبه الطلاق منه
ليلى انزلت بسرعه تبي تتأكد
من حصه بس طاحت من
الدرج كله وصارت تتألم
اسعفوها وودوها المستشفى
وبعد تصوير صار كسر بسيط
في الرجل بس اليد اكثر ولفوها لها
بعد مادرت نوره راحت لها
تزورها وتقوم بالواجب
وقبل ماتطلع من عندها
ليلى نوره عندي طلب وياليت
ماتفشليني
نوره ماعاش من يفشلك امري
ليلى انا عرفت ان انتي تركتي فارس
وجالسه عند اهلك والي اتمناه
ان محد يدري لا من قريب ولا بعيد
حتى مروه ومنيره
كوني طبيعيه وتعالي زورينا
ولا كأنه صار شي
نوره شافت الموضوع صعب
تزورهم خاصه ان ممكن تشوف فارس
بس رضت عشان ام زوجها واحترامها
فارس الحين متى ناوي تصالح حرمتك
محمد متى مانت صالحة حرمتك
فارس الله يهداك هذا وانت الكبير
انت عندك اعيال ومحتاجينك
وانا والله ماعور قلبي الا شهد
لما شافتني قالت لي بابا
حرام عليك وانا صدقني برجع نوره
بس كلها مسألة وقت
محمد انا ابي أادبها خلاص
يكفي حاشره نفسها في كل شي
ولا احد سالم من السانها
فارس يهديك الله وبعدين سالفت
الحرمه الثانيه ابوي مادرى للحين
محمد من الي شفته معاها
تزوجت وحده تسواها ومعيشتني
احلى عيشه ولا راح اتركها
عشانها ماتستاهل
فارس وعيالك مافكرت فيهم
محمد اعيالي قاصين ظهري
وبرجعها بس اذا مارضت
الله يسهل لها
اظطرت منيره ترجع
عشان اعيالها وانكسرت صج
لما تأكدت لما شافت زواجة محمد الثانيه موجوده في البيت
وصارت تحاول ترجعه
بس بعد فوات الأوان
بعد يومين جاو ضيوف
يتحمدون السلامه حق ليلى
وكلمو نوره تجي ولما جات
شافت منيره ولا سلمت عليها
وحتى خلود ولا فكرة تناظرهم حتى
وهذا خلاهم يموتون من القهر
منيره شفتي ياسعاد مرت اخوك
فشلتني ولا سلمت علي
تقولين ماكله حلالها
سعاد ماتستحي على وجها
بس الواحد شيقول اخاف اكلمها
ولا تحشمني مثلكم بعد الي
في فارس يكفي مايستاهل اخوي
منيره اهم فيهم شي متزاعلين مع بعض
سعاد تذكرت تهديد امها لها
اذا علمت احد بالسالفه
لا ماهم متزاعلين لا تخافين عليهم
منيره متأكده احس ان فيهم شي
وانتو خاشينه عني
سعاد لا تخافين واذا فيه بعلمك
وانتي شلونك مع محمد
منيره اااااااه ياسعاد مقهوره
انا يتزوج علي مالي نيه ارجع
بس اعيالي من جهه وابوي
اصر ارجع واشوف بيتي واهتم
في زوجي وعيالي بس عقرب الرمل الثانيه هناك
وناوي يعرفكم عليها اليله
والله مقهوره منه
سعاد حاولي ترجعينه وتنسينه
حرمته الثانيه وانتي
ماشالله عليك مو هينه
منيره ماهو معطيني مجال دايم معاها واهي مسويه نفسها مسكينه والله ماكنت برجع بس
الله يعطي فارس العافيه
ماقصر معانا
سعاد الله يساعده على البلوه الي عنده
..
نوره بعد مامشو الحريم
أجلست مع مروه في الحديقه الكبيره
وتلعب جود بالمراجيح
نوره الله يخليها لكم بدت تكبر وتحلى
مروه الله يسلمك وان شالله نفرح فيك
عن قريب ويصير عندك صغير
نوره مااظن
مروه ليه حرام عليك ان شالله
الله يرزقك
نوره مروه انا تركت فارس
بعد السالفة ذيك ولا لي نيه ارجع له
مروه انا دريت من عبدالمنعم
وزعلت كثير انك رحتي واعتذرتي
لها انتي على حق كان المفروض
ماتروحين
نوره انتي شفتيه كيف هدد سحر
وخفت على اخوي وسحر
ماتكمل فرحتهم بسبته واحد تفكيره
غبي ومتحجر قادر يسويها
مروه الدنيا مو فوضه اذا قال
لأخوك طلق بيطلق ولا عمي
بيرضى بس انتي سويتي
كذا من طيب اصلك وتربيتك
وان شالله يراضيك ويرجعك
نوره مابي ارجع له صحيح
أحبه واموت فيه بس الكرامه
يامروه صعب تنهان واذا رضيت
بالأهانات المستمره ماراح تكون لي شخصيه
وشافو عبدالمنعم وفارس جاين عندهم
تعدلو وتغطو
عبد المنعم انتو هنا
مروه ايه جود تضايقت
وطلعتها نوره هنا
فارس اخذ جود وصار يطيرها
في الهوا وجود مستانسه
وجه وقف عندهم
عبدالمنعم يالله شد حيلك وجب
لها ولد ولا بنت عم عشان تلعب معاهم
فارس الي كاتبه ربك بيصير
وكان يناظر نوره وعيونه فاضحته
شوق لها
نوره قامت عن اذنكم بروح
اسلم على خالتي قبل لأمشي
وراحت عنهم
عبد المنعم يحط يده على كتف اخوه
بتصير حمار اذا مالحقتها الحين
وراضيتها
فارس عطى جود ابوها ومشى
بس لطريق ثاني كان يفكر
فيها ووده يلحقها بس فيه شي يمنعه
جبار حبك ولكنك علي علي غالي
قلبي على حبك الجبار وصيته
يأول غلى في خفوقي واخر امالي
من قلبك الحب والأخلاص حسيته
مرت شهور بغيابك وانت في بالي
اشتاق شوفك وبعدك ماتمنيته
غيبتك ياروح روحي عذبت حالي
عانيت جرح الغلا والشوق قاسيته
ماهمني قول عذالك وعذالي
ولا الزمن لو نوى الفرقا تحديته
العمر دونك حبيبي كيف يحلالي
وغيرك من الناس كم ياني وصديته
عادي تموت البشر بس انت تبقى لي
يامن على الروح قبل القلب ونيته
غالي وتبقى على بعد المدى غالي
مايطوي الوقت صفحة شخص حبيته
تابعو الفصل الأخيرمن الجزء الأخير
الفصل الأخير
التاسع عشر
حبيبي مغرور واعشقه لحد الجنون
نوره صارت تزورهم اذا فيه
احد يزورهم وحصه المسكينه
كانت تسوي المستحيل عشان تخليهم
يتقابلون ويكلمون بعض بس مافيه فايده
قرب زواج ماجد ولا بقى الا اربع ايام
نوره خالتي عذريني هاليومين
مقدر اجي اهلي من الأمارات بيجون
عشان يحضرون الزواج ولازم اجلس معاهم
ليلى الله يعطيك العافيه ولا قصرتي
سلمت نوره عليها واطلعت
في نفس اليوم اوصلو خوالهم من الأمارات
مع حريمهم وعيالهم
واجلسو عندهم في البيت
ماجد كلم فارس يجي عشان يتعرف عليهم
وفارس بعد ماعرف بجيتهم زادت الغيره
عنده وراح لهم
دخل وسلم عليهم وصارفهد يعرفه
على خوال نوره وعيالهم
لحد ماوصل لسعود
فارس"اخيرا شفتك ياسعود"
ماجد في المطبخ
هاا خلصتو وين القهوه
مريم هاك هذي الدلال
والحلى مسويتنه نوره
ماجد الله كل هذا مسويته
نوره عشان تعرف ان اختك طباخه
ماجد طلبتك علمي سحر الطبخ
نوره ابشر بعلمها عشانك
اخذ ماجد وفواز الصواني
وادخلو فيها المجلس واول ماشافهم
فارس عرف انهم سوات نوره
وانقهر اكثر
عند الحريم ضحك وسوالف
وشافو صور زواج نوره والشريط
مرام تبين الصراحه نوره
طلع رجلك غاوي وخقاق عسب
شي خدودك مورده
نوره لا تبالغين كثير انا حلوه ولا عندك
شك فيني
مرام انا حشى عليه انتي غاويه
ماشالله عليج تتهنين فيه
بس كيف شكيتيه عشان ادور مثلج
نوره اذا تبينه حلال عليك
مرام لا وع عليج انا ماخذ
الا يديد مو مستعمل خليه لج
نوره اضربتها بمخده صغيره عندها
وكانت عارفه ان مرام تمزح
ثاني يوم ماجد عزم الشباب
من عيال خواله مع ربعه وراحو الأستراحه
وكانو مبسوطين
رياض كيف المعنويات يامعرسنا
ترا بكره اخر يوم في العزوبيه
ماجد خلاص طلقناها وبنرتاح منها
وليد والله بتذكر ايام العزوبيه
وتتمنى انك ماعرست
رياض اقول استريح هذا انا
متزوج ولا فيه احسن مني ولا شرايك
فارس
فارس اكيد الزواج نعمه والي مايعرف
كيف يونس نفسه فيها مشكله
وليد اونس نفسي وهي احملت
بعد زواجنا بشهرين انتو تدلعو
الحين الوعد اذا جاكم بزر
تعال شف الطلبات الي ماتخلص
ناصر والله صادق المفروض الواحد
يطول فترة الخطوبه سنتين ثلاث
يستانس فيها
رياض والله سمحولي انتو
الأثنين بقر اذا ماعرفتو تنبسطون
فارس سرح لبعيد في نوره
كيف شافها وتعرف عليها وحبها
وتذكر كل شي حلو معاها
وانتبه بيد رياض تحركه
يالطيب شكلك في عالم ثاني
فارس لا معاكم
وليد وانت ياسعود مالك تجارب مني مناك
سعود بله كانت لي حبيتها
من كل قلبي بس راحت
رياض ماتت
سعود لا بسم الله عليها
بس عرست
فارس فهم قصده وولع نار
سعود كانت حبي الحقيقي
واستحاله اعقه من تفكيري
ناصر الي يسمعك مافيه بنات
دور لك على وحده وبتلقى ان شالله
ماجد زين شباب انا
جاي انبسط ممكن تغيرون السالفه
فارس"والله يانوير بعد الي سمعته
من الأخ سعود مالك جلسه في بيت اهلك "
يوم الأربعاء
زارو اهل نوره من الأمارات
خالتها ليلى عشان يتحمدون لها
السلامه
نوره البست الفستان الي شرته من لبنان
مع اكسسواراته
خاصه انها اعرفت اهل القصيم
جاين بعد عشان يحضرون الزواج
وصارت كأنها طبيعيه
تسولف وتقوم تصب وتساعد حصه
حصه تجلس جنب امها وتهمس
خلاص كل شي جاهز
ليلى زين
نوره حبيبتي اذا ماعليك امر
جيبي العود والعطورات في علبه
حمراء من الدرج في غرفة نومي
نوره ان شالله خالتي
قامت واصعدت
فارس يالله حصه وين العود
حصه روح جيبه من غرفة امي
فارس خلي احد يجيبه
حصه الخدم مشغولين وانا
مقدر اخلي الحريم رح انت بسرعه
فارس طيب لازم تمشوريني
صعد
حصه على الله تخلص سالفتكم اليوم ونرتاح
نوره بعد مالقت الصندوق
وهي طالعه ارتاعت لما شافت فارس
في وجها
فارس شعندك في غرفة امي
نوره توريه العلبه
فارس لا هذي انا جاي اخذها
لو سمحتي عطيني اياها
نوره بس خالتي تبيها عشان الحريم
ممكن تبعد ابي امر
فارس اول عطيني الصندوق
نوره اقول وخر عن طريقي
مسكها فارس من ذراعها
زين اليوم مافيه نومه بيت اهلك
نوره وين انام في الشارع مثلا
فارس عندك شقه تروحين فيها
لحد مايروح الأخ سعود
بعد الكلام الي سمعته منه
ماأثق تبقين عند اهلك
نوره مافيه ثقه فيني
فارس انتي فيه ثقه بس
ولد خالك لأ والحين روحي لشقتك
نوره اسفه وانت فيها
فارس بفضيها لك بس ماتبقين
عند اهلك
نوره افكر
فارس لا ماتفكرين تروحين انتهينا
نوره طيب يصير خير
فارس ماقدر يقاوم اكثر
كان ماسك نفسه بس ماقدر
قرب منها بيبوسها
بس نوره بعدت وجها عنه
فارس مثل ماتبين براحتك
انزلت وكملت الجلسه معاهم
لحد ماراحت البيت وهي في غرفتها تبدل
احد يضرب الباب
افتحت وشافت ولد خالها الصغير
نوره هلا زايد بقيت شي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك