رواية شقائق النعمان -54

رواية شقائق النعمان -54

هاديه وحط يده على راسها وقرب منها وهمس عند اذنها ....حركاتك هذى مهي علي سامعه ..سمع شهقه منها وتكلم وبصوت مرتفع.... مها ...حس برجفتها تزيد ... لا تخافين محد راح ياخذ ولدك منك بس ارتاحي

ابوعامر: وقف عنده : من الي بياخذ ولدها منها

راشد:وتكلم بحنيه : عمي هي ضمتها ارجولها خايفه احد ياخذه منها

ابو عامر : مها كل الدكاتره قالوا ما فيك شي واحنا كلنا معك ليه تعذبينا وانا ابوك انتي حتى الدكتور النفسي مقدر معك كل ما جا غمضتي عيونك وما تتجاوبين معه سمعيني وانا ابوك انا بروح الحين واخليك مع راشد اذا لي خاطر عندك وتعزيني لا ارجع وحصلك كذا

راشد: عمي انا بظل عندها اليوم والي يعافيك

ابو عامر: سو الي يريحك

راشد: يسلم على راسه مشكور ياعمي الله يطول بعمرك ويخليك لنا

ابو عامر: اهم شي دير بالك عليها مع السلامه

راشد : مها بعيوني عمي مع السلامه .

ابو عامر:خرج : يالله خلونا نروح البيت

يزيد: هلا يبه ويسلم على راسه هو وهند

عامر:بقهر بنبرته : يبه كيف تبينا نروح وهو عندها

ابو عامر: كلكم بتروحون معي هو بيجلس عندها الليله

مريم : لااا

عامر : يبه تبيه يبات عندها هنا

ابو عامر: هو رجالها و ابخص فيها

يزيد: يزيد فكر بتجربته مع هند : عامر انت ومريم بعدكم شايلين عليه مها محتاجه انه يكون معها وجوده عندها راح يحل المشكله الي بينهم واحنا لازم نوقف معه ونساعادة لغايه ما ترجع عامر لا تناظرني كذا هو ندمان وحاس بكبر غلطته وحنا وش بنخسر اذا اختنا رجعت ولا عاجبكم حالها الحين

ابو عامر : يزيد كلامه عين العقل انتم الحين روحوا على بيوتكم و بكره نشوف وش بيصير معها

مريم: بس يمكن تتعب

يزيد: اذا تعبت راشد معها و عندها الدكاتره

عامر: يالله مريم بوصل ابوي و بعدين اوصلك

يزيد: لا روح انت وصل مريم وخذ ام شهد و ابوي يروح معي

راشد: يجلس جنبها ويسحب يدها الي مغطيتبها وجها همس بحزم اكثر ونبره صارمه : مها

مها:تصرخ فيه بقهر بصوت فقدت سماعها لها فتره وخرج مبحوح : وش تبي جاي بعد ويش بعد عني انت كذاب كذاب

راشد:ابتسم بنصر وكمل بحزم : عندك صوت وتتحركين وتبين تذبحين ولدك

مها:تحط يدينها على اذنها وتصرخ : بسسسسسسسسس ما ابي اسمع صوتك اطلع برا

راشد: يلف يدينه عليها : لا تبكين انتي بظلين معي ولي لوحدي ما راح احد يبعدك عني ونربي ولدنا وناخذ بيت مثل ما تبين

مها: تبكي و تصرخ : اكرهك ...روح للي كنت تكلمهم ...معد ابيك ما تفهم بعد عني معد ابي احد

راشد: يرفع جسمها ويضمها لصدره يده جات على جرح كبير بظهرها

مها : صرخت الم جرج والم قهر تكبته : اييييييييييي شيل يدك.. بسبتك امي ضربتني بعد عني ما بيك

راشد : يبعد يده عن ظهرها وقلبه منحرق عليها اكثر منها بس داري لو بيلين معها بحالها ذا بتجرحه وتهينه و بعد عنها : صابك الي مكتوب لك ولي وكل شي مرينا فيه انتهى

مها :تبكي وتشهق

راشد: تكشف شوي من قميصها عن ظهرها....... ايش هذا؟!!....... بيش ضربتك؟؟

مها: ما ردت عليه وتبكي

راشد: تنهد بداخله (آآآآآه ياليتني مت ولا سويت فيك كذا)

مها: نزلت راسها على المخده وهي تبكي بصوت واطي راجع يهينها ويعذبها اكثر واهلها بيرمونها له ياليتني اموت ارحم منك ومن قربك

راشد: بصوت جريح من الم ورهبة جراحها : خلاص لاتبكين وعدل رجولها ..اياني وياك تثنينها كذا فاهمه مابي ولدي يتاثر ..وجلس عندها طول الليل فظل الصمت مثلها وهو يتاملها ويتامل جراحها وجراحه

~ * ~ * ~ . ~ * ~ * ~

بيت ملاك

ملاك : طفشت تتصل على شذى ما ترد عليها دخلت الغرفه ومحمد على السرير منبطح على بطنه وقدامه مجموعه من الاوراق و معطيها جنبه ومانتبه لها راحت بسرعه ونطت عنده على السرير: شو بتعمل

محمد : بصرخه رعب : خرعتيني الله يرجك

ملاك:ههههههههههههههههههههههههههههههه

محمد : انقهر منها اوراقه تبعثرت : تعالي انا رويك وبيمسكها

ملاك : تشرد عنه وهي بعدها تضحك وتصرخ : واااااااااااو والله انك خواف توني اعرف

محمد : يقوم وراها بتهبل فيه بجنانها : انا خواف ويروح يجري وراها

ملاك: شافته خلفها تجري وتنزل مع الدرج وهي تصرخ :يااااماااااماااا هههههههههههه خلص بليز مودى والله اتوب

محمد: اول ما نزلت اسفل لحقها ومسكها : اتوبين جننتيني كم مره اقلك بطلي حركاتك تتسحبين وبعدين تنطين علي

ملاك: رجعت تضحك وبطنها وجعها من الضحك وتقرب : ههههههههه تبوسه خلص حبيبي ما بعيدها وحاولت تمسك عمرها عن الضحك

محمد: كل مره نفس الكلام وش تبيني اسوي فيك الحين ضيعتي كل المعلومات الي بكتبها

ملاك: تحضنه خلص يابعد عمري انا بين ايديك انت سوى فيني الي تبي انا راضيه بحكمك حبيبي وتبوسه فديت عيونك الحلوه

محمد:تنهد ياويل حالي منك : وانتى الواحد كيف يعاقبك بالسانك الي ينقط عسل

ملاك: تبوسه وبدلع وترمش بعيونها : خلص صافي يالبن

محمد: خبطها على راسها عند دلعها الي هبله : حليب يا قشطه ويبوسها سويلي كبتشينو وطلعيه فوق بروح اكمل وادور المعلومه الي طيرتيها

ملاك: ههههههههه خليك هنا مليت بروحي

محمد: رجع خبطها على خففيف على كتفها : تضحكين بعد ..ليه ما تذكرين

ملاك: خلصت بكره ماعندي الا محاضره وحده

محمد: يقرب وجهه من وجها : ما تلاحظين صايره مهمله منتي مثل اول

ملاك: برعب : انا ليه شو عملت والله ما نقصت بشي كل معدلات الاختبارات كامله

محمد: ههههههههههه ياحبي لك مثل الطفل الخايف من العقاب

ملاك: بدلع : ياربي ماني بطفله وبعدين معك

محمد: طول عمري بشوفك احلي طفله بحياتي يا قمر روحي لا ضيعيني عن دراستي ابي اكمل اذا خلصتي الكبتشينو طلعيه يمكن اكون قربت اخلص او اخليك تساعديني

ملاك: اوكي اساعدك عشان تنتهي ونخرج والله طفشت

محمد: وهو مبتسم : من عيوني

ملاك: تسلملي هـ العيون وتبوسه عليها ...وبجديه تقلده بصوته ..روح زين يالله الحين اجيك ما تخلي احد يركز بالي يكتبه

محمد: ههههههههه مهبوله معليك شرهه ..ضحكه نظرتها ....هههههههه لا طولين ...يوم طلع الغرفه سمع صوت مسج بجواله ..توجه ناحيته وهو على السرير جلس و صدم وهو يقرأ المكتوب بالرساله ويعيده قراءتها اكثر من مره ..جلس بذهول

~ * ~ * ~ . ~ * ~ * ~

ثاني يوم مها طلبت من ابوها انها تخرج من المستشفي وخرجها واخذها معه على البيت راشد جاء المغرب بيزورها ما حصل احد و خبروه انها خرجت وعصب ونقهر الي محد خبره (الظهر خرج من عندها جاتها نوره وعامر)

ابو عامر: مها هذى خالتك خلود وهذا بيتك

خلود: حست بغيره اجتاحتها : هلا والله تعالي ادخلى وتسلم عليها ما تشوفين شر

مها:بهمس وصدمه اخرستها اكثر طول الطريق يوم عرفت : تسلمين

ابو عامر: خلود تراني خبرت العيال اليوم يجون يتعشون معنا

خلود: الله يحيهم بطلع مها غرفتها ترتاح وبعدين اجهز العشاء ..وشعرت بعمق انكسارها ودارت غيرتها الي تشعر فيها ..تعالي حبيبتي وتمسكها على مهلك يا بنتي

مها: تكلم نفسها يالله مرت ابوي تخاف على اكثر من امي الي تدعي على و تبي تذبحني

و اجتمعوا العيال عند ابوهم و معهم راشد و البنات ارتاحوا الخلود و طلعوا جلسوا عند مها بغرفتها وخلود حاولت معها لغايه ما اكلت شوى وحست براحه فقدتها من زمان انها تجتمع مع نسوان اجتماع عائلي كذا و راشد كلم عمه انه يبي يسوي عشاء الرياجيل ويكون هو العرس ويا خذها وابوها وافق بدون اخذ شورها

الفصل الرابع و الاربـــــــ { 44 } ــــــــع ـــــــــــــون

حين تنطلق للحرية تشعر انك منحت جزء من الحياة تستنشق عبق عبير هوائها فكيف اذا عاد لك عبق حريتك بنفحة إيمانية تدفعك لتكمل مسيرة حياتك..لتحث خطاك نحو الأفضل

بيت العنود

العنود : واقفه تجهز الشاهي لابوها وهي تردد بعض الاذكار بعد ما انتهت من ترتيب فناجين (بيلات) الشاهي مسكت براد الشاهي وحطته و أضافت السكر وتقلبه انتفضت بروعه واهتزت صينية الشاهي رفعت يدها الي تلسعت من بعض نقاط الشاهي المتناثر عليها قاومت دموعها وبلعت المها

ابو فارس : وهو ماسكها مع شعرها وتكلم بقهر وبصوت منخفض عند اذنها : سويتي الي براسك هيا دوري من يضفك فبيته يالعانس فضحتيني الكل يضن فيك بلا الي منتى راضيه تعرسين

العنود : تقاوم تجريحه وتسحب كميه من الهواء عشان تقدر ترد عليه بنبرة صوت واثقه وهي تحاول تبعد يده عن شعرها : اترك شعري وكلمتى مهي بعندي عند الي راسه يشم الهواء الله يحفظه لي ويبعدني عن كل من يذلني ويهيني

ابو فارس : زاد من شده لشعرها وهو مسكر على ضروسه من غله منها: جعلك ماتشوفين الراحه بعد ما مليتي راسه تقولين حكمك معه ويدفعها على الدولاب وضرب جنبها فطرفه وشال الشاهي وخرج

العنود : مسكت جنبها بالم و تأوهت وهي تنحنى وتمسك بطرف الدولاب : الله ياخذك ويرحنا منك ..ومسحت وجها وهي تستغفر ربها ..وتتعدل وتخرج من المطبخ تروح عند امها الي جالسه فالصاله ويدها على جنبها جلست عندها وصوتها كان هادى : يمه وين ابو ركان

ام حميد : مدري يمك مر علي بعد صلاة العصر وراح يشتغل ع التكسي يلقط رزقه (ابو ركان عنده سيارة اجره يشتغل عليها بعد دوامه )..وتمسح شعرها المبعثر ..وش فيك يمه تونسين شي

العنود : انحنت بالم حطت راسها على رجل امها : لا ..

ام حميد : ما كلمتى خواتك مهم بجاين هم وحريم اخوانك

العنود : فاطمه تبي تجي بعد المغرب شوي بقوم اسوي حلى ..وبوهن بصوتها ..يمه كلمي ابو فارس يجيب عياله مشتاقه لاسيل لي اسبوعين عنها ..على ظلم اخوها وتجبره معها صعب تقسي قلبها على عياله وخصوصا اسيل الي تشعر كانها بنتها ..وهي صوره منها

ام حميد : هو وينه سمعت حسه قبل شوي ..

العنود : تغمض عيونها : عند ابوي شكله معهم احد بالمجلس سويتلهم القهوه والشاهي ...و تتعدل جالسه وهي تسمع صوت ابوها مرتفع وهو يتكلم ومقبل عليهم

ام حميد : خير وش بلاك منهو عندكم

ابو حميد : يجلس بوهن ويحط عصاه جنبه وبنبرة صوت واضح فيها الوم : سئلي ولدك هذا و انا بعدني حي(ن) يبي يرمي اخته مع رجل(ن) ما يخاف ربه على كبر شيبته مهو بمحافظ (ن) على صلاته بالمسجد وبدل ما يعرس لولده هو يدور العرس

العنود ابتسمت ورفعت راسها لاخوها بفخر

ابو ركان : يخزها بعينه من قهره وبصوت جهوري : قومي روحي لمي الي بالمجلس

~ * ~ * ~ . ~ * ~ * ~

شقة فيصل

جالسين في الصاله جاتها من بعد ما خرجت من المحاضره

ملاك : تبين تتكلمين ولا اروح واخليك كم لي عندك وانتي منتى براضيه تتكلمين وش فيك

شذى : تشرب من كوب الشاهي وتمسكه بين كفوفها ادور فيه الدفاء وبصوت متعب : قلت لك كنت تعبانه ومافيني اقوم وروح عشان محاضره وحده

ملاك : ناظرتها بصمت و بحب اخوي صادق مشكلتي اني اعرفك اكثر من ماعرف نفسي كيف تكذبين علي و اضح من نبرتها وتمد يدها لشذى و تبعد شعرها عن وجها : حبيبتي اذا مشكله بينكم عادي لا تخبريني اذا ما تبين انا مثلك ما احب احد يعرف عن حياتي احل مشاكلي لوحدي ..بس ابيك تعرفين انك غاليه علي واذا احتجتيني تراني موجوده مثل قبل

شذى : نزلت دمعتها ما قدرت تكتم بقلبها : قهرني ما يعترف بخطاه ابد وتوني اكتشف فيه هالشي

ملاك : تمسك يدها وتضغط عليها تواسيها : شذوو قلبي لا تقولي شي اذا ما تبين وصدقيني مهو بس هو كثير مثله بس اكيد معترف بداخله انه غلطان وما يبي ينزل من رجولته قدام احد

شذى : ترفع راسها وعيونها فيها بريق دموع : بس انا مهو باي احد ....وتنزل كوبها من يدها على الطاوله وتشد الشال القطني حول كتوفها ...وتناظرها ..تدرين توني حسيت بمعاناتك كنت أنصحك بدون ما اشعر بحرقة القلب الي تشعرين فيها وانتي تناظرين جود قدامك و عيونها وهي تلاحق رجالك

ملاك : بخوف وهي تحط كوبها على الطاوله وكل تفكيرها ان وحده من البنات تحب فيصل ومن هي :ايه الي صاير .. من هي ؟؟

شذى : بتنهيده ظهرت من همها والمها جرحت صدرها : وحده كانت تدرس معه بريطانيه و اسلمت كله عشانها تحبه..وهو فرحان انها اسلمت

ملاك : بهدواء ورويه : شذوو وين المشكله وحده هو ما يكن لها أي مشاعر واكيد بيفرح بس عشان اسلامها

شذى : بعصبيه وقهر : انتي ما شفتيها حضنته ورمت عمرها عليه قدام عيني وتخبره عن اسلامها وهو بكل برود بعدها عنه يوم قربت منه وشافني وخبرها اني زوجته وهي بكل وقاحه وقدامي تقوله وانا اسلمت عشان نتزوج ..كيف تبيني افرح لإسلامها وهي مسلمه عشانه بس مهو بعشان تبي الاسلام ولا حب فيه

ملاك : تحط يدها على كتفها وتضغط عليه تحاول تهديها وهي بداخلها مضطربه : شذوو ياقلبي اهدي شوي ولا تكسبين اثمها يمكن هي صح اسلمت عشانه بس حابه انها تسلم وتعتنق الاسلام

شذى : نزلت دمعتها : لا يوم صرخت عليها اعترفت انها اسلمت بس عشان تاخذه مهو بحب في الاسلام ...وتنهدت بدمعه ...وهو عصب علي و صرخ فيني قدامها

ملاك : لا تقولين

شذى : وكان الموقف ينعاد قدامها ويحرق شراينها وتبكي وتتكلم بعصبيه : يقول سكتي لا تخلينها ترتد عن الاسلام بتفاهم معها بهدوء وأقنعها ...وفوق هذا كله مهو بشايف عمره غلطان يوم كانت حاضنته يقول صدمتني حركتها وبعدتها عني بسرعه

ملاك :تمسح الدموع من على خد شذى وبهدوء بنبرتها : شذو شوفي انا عشت هنا اكثر منك وشفت كثير اسلموا وهم في البدايه بعضهم اسلامهم يكون ضعيف بس صدقيني اذا حصلوا التوجيه بيقوى اكثر ولا تحرمين فيصل ونفسك اجر اسلامها يمكن هو يقدر يفهمها وانتي كوني معه و اصحي تعصبي عليه ولا تخسريه بعصبيتك وينفر منك شوفي كلمه قالتها لي ماما مستحيل انساها اذا شفتيه ضايق او معصب حاولي تكوني عون له وتهديه عشان تقدري تكسبيه وتكوني سنده ويوثق فيك بكل اموره ..وشوفي انتي واحكمي كم لك من يوم عرفتيه عمرك شفتي عليه أي خطأ يعيبه ويكون ضده ..

شذى : حركت راسها بالنفي وهي منزله راسها

ملاك : رفعت راسها : صدقيني هو ما يشوف غيرك فلا تخلينه يتغير عليك وكسبيه بصفك ..وفيه مكتب لدعوه ممكن نكلمهم وهم يتولى امرها ونصحها بعيد عن احتكاك فيصل فيها و انتي ترتاحي

شذى : حضنتها بقوه وهي تبكي : الله يريح قلبك قولي امين

ملاك : وهي تدمع عينها معها وبهمس : امين ..وتدعي لابوها الي عرفت من خلال اوراقه انه كان يمول مكاتب لدعوه والإرشاد..بكذا فرع واستمرت بفعل خيره

يقول رسول الله صلى الله عليه وسلم ( من دعا إلى هدى ؛ كان له من الأجر مثل أجور من تبعه ؛ لا ينقص ذلك من أجورهم شيئا ، ومن دعا إلى ضلالة ؛ كان عليه من الإثم مثل آثام من تبعه ؛ لا ينقص ذلك من آثامهم شيئا (

ملاك : وهي تمسح دمعتها وتبعدها عنها : خلص شو هدلع ما بيكفيكي خلتيني لوحدي اليوم ويدق منبه الجوال

شذى : وتمسح دموعها وهي مبتسمه : شوف من يتكلم عن الدلع ياه تصدقين فتقدت لهجتك هههههه ..وش هذا ؟! ...وش فيك وقفتي

ملاك : وبدلع وحنت لكلامها : ههههه ياستي منشان ما بضيع معك بالكلام و بمنتبه للوقت قبل ادخل ضبطت المنبه منشان اقدر اوصل البيت قبل مودي

شذى : تمسك وشاحها الي تلفه :ماصدقتي تردين تتكلمين اقلبي لا علم عليك وبعدين اجلسي تغدي معنا كلميه يجي

ملاك : تقرص خدها بدلع : تغدي لوحده عندك مهمه صعبه ههههههه وانا ارسلت له مسج اني جايتك وراح اتغدي في البيت

شذى : زعلت منك يالدب ما تبين تتغدين معي ..

ملاك : تروح عند المرايه وتلف حجابها عدل : شوفي الشغاله انتهت ولا لا السواق هلك ينتظر اسفل....(الشغاله فالمطبخ )

~ * ~ * ~ . ~ * ~ * ~

بيت يزيد

حين نشتاق نعجز عن التعبير عن شوقنا وتقف الكلمات حائرة ايهما هي اصح العبارات لتلفظ ..لتكون درر تنساب مع مشاعرنا ..ام يقف حديث النفس ليعاتب نفسه ويتردد صداه كطرق الدفوف بين الضلوع لتعبر النظرات المحبه عن ما لم يستطع النطق به

يزيد : دخل البيت ونظرته كلها ضحك و شوق بحث عنها بالاسفل فلم يجدها صعد الدرج بسرعه ولهفه و ينادى بصوت به رنة الطرب والفرح : هنـــــــــــد ....هنــــــــد

هند: قابلته خارجه من غرفتها ابتسمت يوم شافت اشراقة وجهه : ياهلا يارب يجعل فرحتك دوم واشوف الضحكه بعيونك عمرك كله

يزيد: قرب منها وحب جبينها ويده على كتفها :وياك يارب وضحكتي يوم اشوف فرحتك وراحت بالك ياعمري... ويحط يده على بطنها ..وانت بعد لا تخاف معها اطلع وريحني صاير حاجز بينا ..ويضحك..

هند : ابتسامه تقاوم الضحك بين جنباتها : بسم الله عليه خله يكمل وش تبيبه ناقص

يزيد : ابي اشوفه واسمع حسه ..تعالي ابيك ..وينزل معها الدرج

هند : زين غير واحطلك غداك ولا تبيه عشاء

يزيد : شوي شوي على عمرك يا قلبي والغداء لاحق عليه

هند : وش عندك

يزيد : نزلي انتي بس ويمسكها مع يدها عندي لك مفاجئه بتعجبك

هند :وشهي وتنزل الدرج وقفت بأخر درجتين ما قدرت تتحرك ناظرته وهو مبتسم وردت نظرها للواقف بنص الصاله عم السكون معد تسمع شي ونظرتها معد تشوف غير نقطه وحده وكل من حولها تلاشي

يزيد : رد طلع الدرجه الي كان متقدم عنها ولف يده على كتفها وهمس : ما تبين تسلمين على يوسف

هند : نزلت دمعه حارقه من ولها لسندها وعضدها المتين ما لامست خدها لتسقط ليتلقفها الهواء ..

يوسف : شوق جارح اثقل كيانه وزاد برويتها كم تغيرت وخفق قلبه لروية ضعفها وخطواتها الثقيله وهي تخطوا وجنينها يسبق حظورها اعتلت الغصة بحلقه ليتجرعها بمراره ..تقدم نحوها وبريق الدمع حبيس عيونه : هلا والله

هند: تلف على يزيد تتاكد من صدق رويتها وسماعها همست بصوت تردد داخلها ولم يعلو يوسف ...انتابها خوف وشوق جعلها لا تستطيع الحركه خوف من ماضيها معه وضربه وشوق الى رائحه اهلها ومن لم تعد تملكهم

يوسف : قرب منها وصعد عندها و يسلم على راسها و نزلت دمعته على خده وبتنهيده هدت كيانه : هند سامحيني

هند :تتأمل بوجهه وتمرر يدها لحيته المحفوفه ودها ترتمي بحضنه لكن ما اعتادت على حضنه ناظرت بعيونه وهي تشوف بريق دموعه ضمته بشوق الأهل بشوق ريحة دم اهلها وبكيت بصوت المظلوم يوم إنصافه جلست مكانها على الدرج وهي ماسكه فيه وصوتها يرتفع بنحيب موجع بكيت فقد امها الي ماقدرت تبكيه وهي مهي بشايفه السند بكيت لحظات ضعفها وقهرها و طعنها

يوسف : انتحب معها نحيب صامت موجع قطع حباله الصوتيه من شدة المه ..كان منحنى معها جلس جنبها وطوقها بيدينه يبي يشعرها بجزء من الامان الي مهو شاعر فيه من لحظة خرج من بين الاسوار

يزيد :رجع خلفها كم درجه عشان يفسح له المجال يجلس أدمعت عينه لهم ولشوقها وخوفه من نحيبها ذبحه انحنى عليهم ويده على ظهرها: هند تعوذى من ابليس وش فيك اهدى اخوك معك

يوسف : مسح دمعته بطرف غترته واشر له يخليها ومهو قادر يتكلم ودموعه ترجع تسقط بدون أي مقاومه

يزيد : بخوف على صحتها : قومها معي لا تتعب مهو بزين لها ..ويمسح على شعرها ..هند ولي يحفظك لي ..خلاص لا تتعبين ويحاول يرفعها مع يدينها وقام يوسف معه وهو ماسكها نزلوها وحطوها على الكرسي وهي بعدها تبكي بس بعد عنها يوسف ومسح وجهه بكفوفه و مسك اطراف غترته وغطى وجهه فيها ودفنه بين كفوفه وهو يجلس بعيد عنها وبكي بصمت شوقه لامه وظلمه لها الي ينغرس بداخله كالنصل الموقد بلهيب النار

يزيد : جلس عندها ولف يده ع كتوفها وقربها منه : اذكروا الله يجماعة الخير وش صاير فيكم هند الله يهديك احد يفرح باخوه كذا تعوذى بالله واذكري ربك

هند : حست بدوخه و غثيان قلب معدتها رفعت راسها واخذت نفس بصعوبه وهي مغمضه عيونها وخدها مبتل من دموعها

يزيد : مسح وجها بخوف : وش فيك

هند : رجعت تتنفس وتجتر النفس بصعوبه لغاية ما شعرت بهدوئها

يزيد : صرخ ينادي الشغاله تجيب مويه ..ياعمري وش فيك وش تحسين

يوسف رفع راسه و مسح وجهه وناظرها بعيون ملتهبه الم وانكسار

هند حركت راسها بلا ..وفتحت عيونها بوهن اول ما شعرت ان الدوخه خفت وعينها جت على اخوها وتكلمت بضعف : مسامحتك ..ورجعت تنسكب دموعها ..وامي بعد مسامحتك

يوسف : نزل راسه وبكي بشهقات خافته تسمع مع سكون المكان

هند : اسندت راسها بضعف على صدره و دموعها على خدها لكن بدون صوت تحاول تتمالك نفسها

يزيد : يحرك يده على ذراعها ويقبل راسها ويهمس بصوت خافت : تكفين ياقلبي خلاص تعبتي عمرك ..وياخذ الكاسه من الشغاله وياشرلها تروح وهي تتلفت بنظراتها بين الجالسين ..خذى اشربي شوي ..ويشربها ويرفع راسها ..ويقوم ويصب كاسه ثانيه من الجك ويقرب من يوسف ..اذكر الله ابو يعقوب ويحط يده على كتفه خذ اشرب

يوسف مسح وجهه ورفعه بدون ما يناظر احد واخذ منه الكاسه وشربها

يزيد: يجلس عند هند ويبي يضحكها ويغير الجو : لا اله الا الله وش فيكم قلبتوها فلم هندى خلاص ابصم لكم بالعشره ماني بعايد التصوير ضبطتوا الدور لودريت سلامكم كذا كان جلست بدوامي لين تنتهون واجي احصل مسبح فالبيت

هند : قدرت تتمالك نفسها اكثر وبصوت باكي : بسك عاد انت ماتصدق تمسك شي علينا

يوسف : رفع نظره لها صدق اشتاق لصوتها نفس نبرت امه بلع ريقه وخرج صوت مهتز بهتزاز كيانه : وش اخبارك عساك بخير ..

هند : بصوت منخفض : الحمدلله ..طمنى عنك كيف صحتك

يوسف : طيب طاب حالك ..وهو نظره عليهم الاثنين ..عساك مرتاحه بحياتك مع يزيد

يزيد : بخوف وارتباك ظهر من سرعة رجفة قلبه : يالخوا الحمدلله على سلامة وصول رحلتك بالسلامه ترانا طيبين ماعلينا خلاف الله يحفظنا سالمين من الغارات الجويه

يوسف : ابتسم وفهم عليه وش يقصد يعني ابعد عنا وحنا طيبين وسالمين : وقف زين بريحك من الغارات الجويه بمشي تامرين على شي هند

هند:صدمها الي بيروح كذا بسرعه : لا يوسف والي يعافيك اسكن معنا لا تروح

يوسف : بحنيه بصوته : معليه هند ابي اروح الشقه مدري عن صاحبها اجرها ولا لا وبعدين اجيك ازورك

يزيد:اجلس وريح عمرك و لا تشيل هم الشقة مثل ما هي هند دفعت ايجار السنه كله

هند: طالعت فيه لانها متدرى عنها وعرفت انه هو الي دفع

يوسف : يجلس ونزل راسه والله معرف وشلون اجازيك على وقفتك معي لو بظل طول عمري اوفيك دينك ما بيكفي

يزيد: يجلس جنبه ويحط يده على ظهره : وش هـ الكلام احنا ما بينا ويكفي انك زوجتني اختك الملاك الي غيرت حياتي وفضل هدايتنا على يدها

يوسف : دمعته على خده : هند تهقين امي بتسامحني على الي سويته فيها

هند : بكيت

يزيد: هند والي يعافك خلاص وانت يا يوسف قلت لك عمتي قبل ما تموت كانت تتمنى تشوفك ودعت لك بالهدايه وقالت خبروه اني مسامحته دنيا واخره انت وانا اخوك ادعيلها

يوسف : لو بدعيلها من هنا لغايه ما اموت ما راح اوفيها حقها لاهي ولا هند الي عذبتها معي

هند: تبكي: انا مسامحتك بس لاعد ترجع لهـشي مره ثانيه

يوسف: ابشري يالغاليه وادعيلي الله يثبتني

~ * ~ * ~ . ~ * ~ * ~

بيت ابو محمد

منى جالسه فالصاله وحاطه راسها على رجل امها وعينها على التلفزيون و مهي معه تغيرت كثير هذى الفتره وخايفه انها تقصر بدراستها ...من كثر هواجيسها بحياتها ..

ام احمد : تناظر هدوئها الغير معتاد : وش فيك تحسين بشي متعبك

منى : ممممم وتنهدت

ام احمد : ويدها على راس بنتها : انتي لك فتره متغيره خبريني لا تخليني اهوجس فيك

منى : غمضت عيونها بوهن وتكلمت بهمس : امي تكفين ادعيلي خايفه

ام احمد : بحنيه وهي تمسح على شعرها : يا قلب امك وش مخوفك ادراستك سوي الي عليك والباقي على ربك اذا احسنتي الضن فيه مهو بمضيعك ابد

منى : تنهدت وهي مغمضه : يارب العبيلي بشعري خليني انام ...

ام احمد : بعد فتره شافت انتظم تنفسها سحبت نفسها وحطت الخداديه تحت راسها وغطتها ببطانيه التلفزيون حقت احمد الي محد يشيلها من ع الكنب

مي : دخلت توها صاحيه وتهمس : وش فيها

ام احمد : مدري شكلها تعبانه ونفسيتها متغيره شكتلك من شي

مي : ناظرت اختها النايمه وماحبت تقلق خالتها : لا ..بس اكيد شايله هم دراستها ..

~ * ~ * ~ . ~ * ~ * ~

بيت ابو ملاك

محمد : نزل من سيارته ورتاح يوم شاف سيارة السواق اتعبه التفكير وخوفه عليها ..سكر السياره وملفاته بيده رجع فتح السياره نسي جواله الي جاب له الهم بعد ماحس بالراحه و الاستقرار بحايته اخذه وسكر باب السياره وهو يقفلها وصله مسج زهق كل ماحذف واحد جاه واحد ثاني ..والمشكله لين الحين مهو عارف من الي يرسل فتحه و كالعاده نفس الاسلوب تنهد وحذفه ودخل و شافها تنتظره بشوق ولهفه وبسمه تزيل تعبه وهمه مايدري ليه كل مره يلمها لحضنه ماوده تبعد عن ضلوعه وتضل محاوطتها وهي دارها

ملاك : باست خده بقوه وهي لافه يدينها على رقبته : وحشتني اخيرا رديت قلبي مكانه تعبني من الصباح وهو متعطل ومعطل معه دماغي

محمد :هههههههه وانا اقول وشفيه قلبي منهبل وشال تفكيري اثريه معشوقه جنبه وانا متوه عقلي ادور له حل

ملاك : بضحكه ناعمه وبهمس : ههههههه لا دخيلك خليه منهبل لا تشوف له حل عاجبني حاله دامه مع معشوقه ..وتبعد عنه وتشيل ملفاته

محمد : يلف يده على كتفها وبهمس وهو طالع الدرج :بس دامهم مع منهبل الله يعينهم يتحملون هباله عليهم ولا وش رايك

ملاك : ترمش له بعيونها وبدلع : مممممم افكر

محمد : يشيلها بين يدينه وهو يضحك : هو فيها تفكير بعد

ملاك : هههههه يمه منك متوحش نتفاهم طيب يا تخليهم معك يامعي

محمد :وبجديه بصوته : ممممم خليهم معك خلاص تعبان ابي انام لاصحيت اخذتهم

ملاك: دمعت عينها من الضحك : هههههههههه ودي اقدر عليك يوم ليه تجاريني وتغلبني

محمد : وهو يضحك ينزلها عند باب الغرفه: هههههههه تعلمي كيف تلعبينها بعدين تغلبيني

ملاك : بجديه وقفت قدمه : شو فيك

محمد : مافيني شي وش فيك قلبتيها جد

ملاك : بجديه اكثر : ناظر عيوني وقول ان مافيك شي

محمد : ينزل راسه لها و يحط عيونه بعيونها : هاه شفتيها مافيني شي

ملاك : تاشر على قلبها : اذا عيونك بتخبي علي هذا ما يكذب ..وتحط ملفه بيده وتحركت من قدامه .. بدل وانزل للغداء

محمد : مسكها مع يدها وسحبها له وباس جبينها وهو ياخذ نفس عميق ويتنهد : لا تخافين شايل هم الدراسه متعبه وهدت حيلي هالسنه صعبه علي اعذريني

ملاك : لا تحاول بعرفك بس بعديها لك تخبي علي ... انتظرك اذا تاخرت راح اكل جوعانه على فطوري

~ * ~ * ~ . ~ * ~ * ~

شقة فيصل

دخل وستقبله ريحت البخور الي تزيده شوق لأرضه واهله شافها جالسه فالصاله بنظره خاطفه : السلام عليكم ..وعدى ودخل الغرفه ..

شذى : ردة السلام همس وهي تشوفه معدى من عندها خلته ياخذ راحته وراحت كملت تجهيز السفره ..يوم انتهت منها دخل وجلس ..قربت منه وباست خده .. ما ضنيت مداومين مع بعض اليوم كيف يومك ؟

فيصل : ناظرها وهي لابسه توب لحمي وتنوره بلون الشكولاته الفاتحه قصيره فوق الركبه واسعه تكلم بزعل واضح : اشوف ضياع محاضره عدل نفسيتك ..

شذى : تنهدت بصوت خافت وهي تحطله بصحنه تكلمت بصوت واطي : العمر ينتهي ولدراسه ما انتهت

فيصل : ناظر وجها واضح ذبوله وقل راحته مسك كفها و يمرر اصبعه عليه وهو مغمض ونكس راسه بتعب

شذى : ضغطت على كفه وهمست : اسفه

فيصل : تنهد بتعب : شايل هم ترتد

شذى قربت منه ومسحت بكفها على شعره و نبرتها واضح فيها الغيره : قابلتها اليوم

فيصل فتح عيونه يناظرها : لا

شذى :ابتسمت بحب : زين فيه مكاتب توعيه كلمهم يتفاهمون معها

فيصل : رد الابتسامه بصفاوه تنهد : كانك تقرين افكاري ..كلمت مكتب اليوم ..بس لازم تكونين معي عشان ندلها عليه

شذى : ابتسامه تعكس ضحكها وراحت قلبها : ابشر من عيوني .. ماتبي تاكل

فيصل : اكيد ..وانفتحت نفسيته وهو يشوف ابتسامتها وراح الهم الي كان كاتم على قلبه

شذى : بعد فتره وقربوا ينهون اكلهم وهي تمد يدها له بالشوكه فيها قطعة دجاج وتكلمت بدلع : ممممم حبيبي ممكن طلب

فيصل: وهو ياكل ويبلع الي بفمه : امري

شذى : ماتردني انت قلت امري طلبي صغنون قد كذا وتاشر على راس صباعها

فيصل: جينا لدلع امري وش تبين ..ويحط لقمه بفمه

شذى : بهمس خجول : ابي نونو

فيصل : قص بالاكل وشرق ..وهي ضربته على ظهره وهي تضحك شرب المويه : نعم وش قلتي

شذى : وجها محمر خجل ومن ضحكها : وش قلت الي تشرق ..ابي نونو فيها شي

فيصل : وهو مبتسم : ايه فيها انك مابعد خلصتي ومهو اتفاقنا

شذى : بس انا ابي وغيرت رائي

فيصل : وهو يقرب وجهه منها وستند على الطاوله : من الي لعب براسك وخلاك تغيرين

شذى : بصرحه والصدق

فيصل : يجاريها وبتسامه واضحه : ايه

شذى : تقرب له وتهمس : العامريه

فيصل :بضحكه وتريقه بصوته : صدق مشاء الله وين قابلتيها و من تطلع اول مره اسمعك تتكلمين عنها

شذى : وهي تسوي حركات مثل اللاطفال بصوتها وتلف بيدينها : ايه صدق هي قالت لي اخبرك من زمان وتقول هو سبب مشاكلنا ماعندي نونو صغنون

فيصل : خبط بيدينه على الطاوله نقز قلبها وبعصبيه : وين شفتيها هذى الي لأفه عقلك

شذى : بلعت ريقها برعب : هي تشوفك وتعرف عنك كل شي و ما تحبك لأنك عنيد

فيصل : جلس بهدوء عكس عصبيته وهو يسمي : بسم الله الرحمن الرحيم ..ويحط يده على جبينها ..لا يكون سكنيه (جنيه)

شذى : ههههههههههههههههههههه ضحكتها رجت المطبخ وهي تاشر بيدها ..لا

فيصل : وقف وهو جاد من نبرت صوته : ويحط اصبعه بين حواجبها وهي بعدها تضحك : زين خبريها مالها شغل فينا وانا حر ونونو مافي الحين طيب وسكري الشبابيك زين لا تدخل وتكلمك وضحك يوم شافها سكتت ونخطف لونها ..هههههههههههه

~ * ~ * ~ . ~ * ~ * ~

خالد : واقف في البلكونه وهو يشوف العالم الي متجه لاماكن مختلفه وعدد الماشين اكثر من السيارات تعب من الوقفه من متى وهو واقف يراقب الناس ويشوف حركتهم ويتسلى بالمواقف الي يشوفها ..وبعضها تعطيه الهام لامور تفيده ..دخل وجلس على سريره من بعد ما راح فيصل قرب السريرين من بعض وصار سرير واحد وسع الغرفه فتح جهازه حس بشوق اكبر مشتاق لها من زمان معد سال عنها من وقت ماعرف منى نسته اخبارها فتح صفحات المنتدى وشاف كثير من الردود مارد عليها اطلع عليها وخرج واخذ يكتب بشوق ونهم اكبر ..لها ..

~ * ~ * ~ . ~ * ~ * ~

بعد ايام ..

راشد وصل حده من عصبيته ..سوى عشى الرجال وصدم برفض مها انها ترجع معه وطلب ابوها انها تضل عنده لغاية ماتتعافى

~ * ~ * ~ . ~ * ~ * ~

بيت ابو عامر

عامر دخل البيت وسلم على خالته و ستأذن منها وطلع لمها وهو وصل حده منها شاف بابها مفتوح مثل عادتها من يوم خرجت من المستشفى ترفض انه يتسكر عليها باب دخل بكل هيبته وبصوته الجهوري من عند الباب عشان ينبها وهو شايفها قدامه من شق الباب على جنبها

السلام عليكم

مها تحركت بصعوبه وجلست ونزلت نظرها وهمست : وعليكم السلام

عامر : جلس عندها : اخبارك عساك بخير

مها : الحمد لله

عامر : ممكن اعرف ايه الموضوع الي تبيني فيه عندي دوام ومستعجل

مها : بصوت منكسر وضعيف : ما ابي راشد ما ابي ارجع له

عامر : وقف وبصراخ وبعصبيه وحدة صوته وصلت اسفل :وشهووو انتي الضرب الي جاك ما كفاك وعقلك شكلك تبيني اسوتك بالعقال عشان يتصلح حالك ..وش تبينا نقول ..ولدك وين انداريه هااااا ولا معد يهمك سمعتنا بين الناس ...ويصفق بيدينه ..انتي تعرفين شنو حامل وانتي فبيت ابوك أي احد يقدر يرميك بالخطيئه ويعايرك فيها العمرك كله وتضل عار لعيالك بعد اذا ما درتيها ..انتي كسرتي ظهورنا بسواتك ..لك عين وبعد تبين تتحكمين وتتشرطين يوم طالبه تظلين عند ابوي وين كان عقلك يوم سويتي سواتك

يتبع ,,,,

👇👇👇

تعديل المقال