رواية شقائق النعمان -65
بعد العصر
مجتمعين كلهم حول الجده ام فايز بغرفه جلستها ارضي قريبه من الغرفه الي تنام فيها اذا جاتهم
ام فايز : وهي تكلم ام احمد وتمسح على راس احمد النايم بحجرها : يامك اذبحوا وزعوا صدقه عن عيالكم عوذه وش الشي الي صابهم ..يامك عيون الناس ما ترحم قولي لابو محمد يصدق عنهم
ام احمد : بكل احترام وتقدير لها و لخوفها على عيالها : تامرين خالتي بخبره وباذن الله ربي بيحفظهم لي
ام فايز : لا تكونين جاهله وخليه اليوم قبل بكره يصدق الصدقه تدفع البلا لا يروح يصيب بناتنا شي بعرسهم
منى: وهي متربعه و فنجان القهوه بيدها وبضحك: يابعد قلبي يايمه خايفه علي طقني عين واموت ههههههههه
ام فايز : اسحبت عصاها تبي تضربها وهي تتعوذ من فالها: عوذه من هروجك عوذه هذا كلام وحده عاقله تقوله ما بقي عن عرسها شي
ام احمد: قرصتها بعينها تبيها تتعذر من جدتها
منى: وهي تحب راس جدتها وهي بعدها تضحك وتجلس جنب امها وتحضن يدها وبقصه بحلقها اخفتها مع ضحكها : يعلني فدي رُسكن يابعد قلبي
مي : يمه لا تعصبين عليها ترها تتغلى عليك بس
ام فايز وهي تمسح دمعتها الي نزلت غصب عنها وهي تشوف مي وكلمة منى اثر فيها وبصوت كبير يداري طعن السنين وسواتها فيه :ما ني بمعصبه يا أمك عليها تراكم بنات الغاليه الي راحت و ماشبعت منها
منى : نطت من جنب امها لجدتها وهي تحب راسها : دخيلك يمه ما شوف دمعتك والسموح منك ..وفعيونها بريق دمعه مهو بحزن لذكر امها هي ما تشوف غير امها الي ربتها بس ما تبي تجرح جدتها
ام فايز لمتها بحضنها واحمد نايم على رجلها من الجهه الثانيه : برضاي عليك يابنيتي انتي واختك تثمنن هرجتكن اذا دخلتن بيوتكن لا يعيبون علينا العرب وشوفون امك(ن) وشلون تداري ابوك(ن) سون سواتها لا يلحقك(ن) قصور
مي وهي تمسح دمعتها قامت وحبت راس جدتها : ابشري يمه بس منبيك تكدرين خاطرك ابد
ام فايز : بصوت مرتفع حدة طعنتها السنين ومناسب لسنها : ياوجه الله ياوجه الله
البنات ضحكن على جدتهن
محمد : وهو يضحك وشايل ملاك بين يدينه :بلاك يمه ترى شايل ولدي خايف عليه ولا هي بهواها عندها رجلينها لكن هو كيف بيمشي
ام فايز : وحياها العميق ما يتغيرابد مع تغير الازمان غطت فمها بشيلتها : يا امك خلها بطلع لها فوق
ملاك : وجها قالب الوان تترجاه ينزلها عند الباب وهي تدخل لجدته بس ابد ما رضي و احرجها معها لو متعوده عليها ما كان شفتها غير انه من كثر معزتها عنده بيحميها ويحمي ولدها لكن هو تقصد يحرجها وتوعدته لتردها له قربت منها وحبت راسها : شلونك يمه عساك بخير
ام فايز: الحمدلله زان لونك وش مقومك يمه من فراشك ..وتقوم منى من جنبها ..قومي عن اختك خلها تجلس
منى : تلصق فيها اكثر : مهو بشغلي مكاني ولا عشانها بتجيب حفيدكم بتغلينها علي
ملاك تجلس جنب مي ومن بعدها محمد
محمد : قومي كسرتي عظام جدتي من غيرتك
ام احمد : ملاك لا تجلسين تصلبين ظهرك تمددي واتكي وترمي لها جلالها مهو بزين لك
محمد : ويحط لها التكايه : تعالي هنا ولا قوم شيلك ..ويضحك
منى : بزعل بنبرتها : اشوف ادور الرضأ
محمد: ناظرها بعتب : هم راضين بس فيه ربع ثانيه الي ادور الرضأ
كملوا سواليفهم وزانت جمعتهم بوجود ابوهم معهم وبعد ما قاموا لصلاة المغرب ابو محمد ولده والجده بعدها على سجادتها تسبح
منى: قربت من ملاك الي صلت هي بعد فالغرفه ورجعت مكانها وتهمس لها وهي صدق مقهوره :اشوف رضيتي عنه ياخبله على طول وربي لو اني منك لا هبل فيه وخليه يحفى على رضاي عنه بعد رفعت صوته
ملاك: ابتسمت صدق نجرحت منه ما تدرين يا منى ايه الي بسوييه الي اخليه يندم صدق على اهانته همست لها عشان الجده ماتسمعهم :من قال اني بزعل منه انا اموت عليه
منى : وهي تعفس ملامح وجها وتكش بيدها عليها : مالت عليك خبله يصرخ عليك وانتِ ما كملتي كم شهر معه كيف بعد سنه
ملاك :بحب عميق ظهر مع كل نسمه هواء من حروفها :تدري شو هو بالنسبه لي غير اني احبه واعشقه ..منى تحرك راسها بستهبال ..ملاك سكرت لها فمها وانفها بقوه وبصوره مباغته ابد ما توقعتها منها
منى : بعدتها عنها وهي تدور الهواء : خبله بغيتي تموتيني
يوم الزواج
ام احمد على قدر تحكمها باعصابها الا انها حاسه انها تائه بشكل كبير وتحاول تشغل نفسها باي شي وينطبق عليها المثل فاضيه ومشغوله عقلها مشغول بفراق بنتها بشكل كبير وكل خوفها مهو بعدها عنها قدر هل بتنجح بحياتها وتتحمل ولا لا ..
منى: يومها كل شوي وهي تضحك وغير اريج الي دخلت عندها وتنكت عليها وهي تتصلح فالغرفه وغرفتها مطله على الصاله تشوف كل المعازيم بزجاج عاكس محد يشوفها ويسمعون صوت المطربه خلصت مكياجها وفاضل التسريحه يوم غنت المطربه اهلي لا تحرموني منه اريج قامت ترقص عندها وهي تعكس الكلام عليها وبضحك
اهلي لا تحرموني منها ترها صديقة عمري
هلي لا تحرموني منها
هلي لا تبعدوني عنها
مثل مهي صديقة عمري انا تراني صديقة عمرها (منى وبخبال معها تجاريها وبضحك تقوم وترقص وهي تقول )
تحبه
اريج تمثل انها دايخه : اموت انا اذوب ادوخ انا ...تحبه
منى : وعقلي وقلبي وروحي ياعلني ما ابكيه
اريج : بملامح حزينه : هلي الله يسامحكم ابي اروح معها
تكفون يالدوله ابتعثوني معها
ضحك كل من في الغرفه الكفيره ومصففة الشعر وملاك الي معد هي قادره تقوم من كثر ما ضحكت على خبالهم
الكوفيره : سعوديه وشغلها رائع وضعت لهم المكياج كلهم كل وجه مختلفه عن الثانيه كانه عدة ايادي الي حطته مهو يد وحده وهي بعدها تضحك :الله يسعدك يارب ويحفظك اول عروس تمر علي بمرحك ارجعي خلينا نخلص
ملاك : وهي تضحك : خافوا ربكم فيني ذبحتوني وتقوم عن السرير وهي بعدها تضحك ابي الحمام قبل اسويها على عمري
منى بتريقه وضحك : هههههه لحقي عمرك ما معنا غيار لك ياماما هههههه وتضرب يدها بيد اريج بخبال
اريج وهي تضحك وترد على جوالها وتقرب من القزاز ايه الحين انزلكم الطاوله قدامك على اليمين ايه اول طاوله شوفيها ايه تحصلينا محجوزه عليها بطاقه
منى : تكلمين مين
اريج : قفلت جوالها : البنات وصلوا بنزلهم
منى: خليهم يطلعون هنا شوي
الكوفيره: شوي حبيبتي خلينا نخلص وبعدين يجونك كذا ما راح تنتهين بدري
اريج تعدل بشكلها عند المرايه : خلاص شوي بس انزل عندهم واذا خلصتي كلميني
اريج ناعمه بشرتها مثل الاطفال بنعومتها جسمها نحيف وطولها متوسط اقصر من منى بشي بسيط لابسه فستان ازرق قصير لتحت الركبه وشعرها لونه بني شكلاته على الكتف
ملاك خرجت من الحمام والغرفه هاديه : وين راحت اريج
منى : نزلت البنات وصلوا
ملاك : وترجع تجلس على السرير : تجنن الله يحميها خبله ابد ما توقعتها كذا صايره
منى : تدرين كلمت جدتي امس عليها تخطبها لبدر معنه خساره صديقتي فيه بس نكسب اجره الدب
مي : بفستانها الاخضر البترولي الضيق بشكل الجسم ويتسع من فوق الركبه ومن اعلى بشكل قبه ملكيه واكمام طويله وزينت نحرها بعقد من الحجار الكريمه بلون فستانها ليزيد من تالقها بشعر مرفوع ليزيد من طول نحرها ورزتها دخلت وجلست على السرير جنب ملاك وتفصخ صندلها : آآه ياربي رجولي تكسرت هذا وحنا بعدنا اول الليل كيف اخره
ملاك : يابختك تحضرين العرس مهو مثلي محبوسه المفرض ماما تحبسك انتِ الي بعد اسبوع عرسك
عند الرجال
محمد : يفتح المويه ويعطيها احمد الي جالس عنده ما يبونه يلعب بعد ارتفاع حرارته الثلاث الايام المايضه الي عاني فيها : تبي شي تاكله اعطيك هو ..امامه صحن فيه حلويات ومعجنات للضيافه
احمد : ايه افتح لي هذى الحلاوه
محمد : بضحكه : ايه تشرط محد قدك ويفتحها ..خلها انا اكلك هي لا تاكل باليسار
احمد : لا عيب ما ابي اكلها اجل يضحون علي الرجال تاكلني قدامهم
محمد: خلاص ولا تزعل انت معذور ويحطها بيده على جلست خالد عنده ..وين كنت
خالد : رحت اجلس مع ابوي و الشياب المتقاعدين تدخل عليهم غير ادق لهم التحيه كلهم حقون الحرس الوطني ..
محمد: بضحكه : زين الي نفذت انت من يدين ابوك ومادخلته
خالد: ابوي مااجبر اخواني يدخلون لا الحرس ولا العسكريه كل برغبته
محمد: وش فيك تقولها وانت طفشان
خالد: تعبان منهد حيلي وراسي يالمني من التعب
محمد: يمسك يده :يدك حاره ليكون بتسخن
خالد: ماخذ توني بندول حاس بسخونه داخليه مكسرتني ..وش رايك تقوم معي ..ويناظر ساعته ..بروح اغير ثوبي
محمد:يربت على كتفه : لا اذا خلصت كلمني اجيك هناك...ويسمع رنة مسن وبضحكه ..انت مدمن مسن حتى يوم عرسك
" الأخير ) 2) "
خالد: بضحكه وسنانه باينه : وش اسوي العيال كلهم يسلمون ويباركون الي معنا برا حتى عبد العزيز الي يوعد يحضر العرس نهايتها يسافر مع اهله ..
محمد: يكلم احمد الي وقف : اجلس وين تبي تروح
احمد: وهو ماسك جواله : بدخل منى تبيني شوف كلمها اذا منت مصدق ..ويمد الجوال له
خالد: اخذه وهو يضحك الي محمد يحاول يسحبه منه : هلا قلبي ما تبيني انا بعد
منى : وهي تناظر امها وخواتها الي عندها وبهمس : اكيد حياتي ولو ما نستغنا بس ابي ابوي وخواني قبل عشان نتصور معهم ومع امي ..اكيد ما يزعلك هالشي
خالد : مسوي عمره زعلان : ياسلام يعني متى ادخل معك نص ساعه ما في غيرها
منى : اوكي كيف سويت الحين احسن
خالد: وبهمس : محتاج بوسه واطيب
منى:بخجل وبهمس : يبيلك ضربه على راسك وطيب وانت الصادق بااي
خالد: ضحك وهو يوقف : اختك ياهبلت فيني ياهبلتها لكم ادخل تبيكم قبل
ملاك : كل ذا تكلمين حماده ..خلاص ادق على محمد يدخله
منى: توقف:ابي اعرف وش عندك ما تبين محمد يدخل معه الحين خلاص كلمت ابوي وبيجون الحين لان ابي صوره مع امي وابوي لوحدنا وتحرك حواجبها بكيد
ملاك: ترفع صوتها وتقوم : انا تصورت معك ماما بنزل الحين نفذت طلبك ولا خرجت ومافيني شي بس انزل واجلس (بلاك ماتدرين بيدلعني عندكم ومن وراكم بيتجاهلني حتى وان كنت داريه انه من ورى قلبه بس ما ابي تجاهله وصرت اعاقبه مايسمع كلمه حلوه ولا ادلع عليه ليه ينعتني بتربيه براا )
مي : خليك ابوي الحين يجي خلينا ناخذ لنا صوره جماعيه معها ..وتتجه وتقفل ستاير الغرفه المطله على الصاله قبل دخولهم
ويدخل ابوها و اخوانها وتتصور معهم
محمد:بعد ما خلصت منى تصوير معهم مسك يد ملاك : تعالي ابي صوره لنا لوحدنا
منى: وبضحكه ويدينها على وسطها : ياسلام هي المصوره لي ولا لك انت ومرتك
محمد: بضحكه : الحين يالبخيله متصور معك ما تبيني اتصور معها لازم العدل بين الزوجه والاخت يامطالبه بحقوق الانسان
منى:تضحك : عجل علي بس وراي زفه سبشل ههههههه
محمد: وهو يلف يده على وسط ملاك : ههههههه اكيد سبشل وانتِ طارده خويلد منها ياويلك لو ما صورتي زفتك اشوف وش مهببه فيها
ملاك:وهي بتموت عليه ودها تبوسه بقوه مهبلها بشكله طالع كشخه وهو لابس ثوب اسود وتطريز على الكتف بجهه وحده واصل لذراع ابيض وغتره ابيض وفيها خط رفيه بطرفها اسود تحط يدها على صدره وبصوتها الهادي : محمد لا ضيع الوقت
محمد: ناظرها بعتب مقهور منها مهو لايق عليها ما تدلع عليه حاس عمره ناقصه شي ومضيعه شدها له اكثر وهو مفتون فيها حد الجنون بمكياجها البرونزي وفستانها العسلي المنساب على جسمها همس بصوت رزين ما يدل على أي شي من الي يدور بداخله : خلاص منى وشفتيها وجلستي وتصورتي معها الحين تلبسين عباتك و اوصلك البيت ترتاحين
ملاك:رجفت بين يدينه وهي تناظره وبعفويتها الدايمه معه :مودي حرام عليك ما بيكفي ماما الي حابستني هنا
محمد: ابتسم بداخله وهويرفع حواجبه :خلاص حصلت الي ابيه خليك
ملاك: ناظرته ومهي فاهمه عليه وتسند راسها على ذراعه وبدلع : ارعبتني دب ما حبك
مي : وهي تضحك : هههههه وش فيكم واقفين خلاص المصوره صورتكم وخلصت وخذت اكثر من وحده
محمد: اقول بلا مهزله انتِ واختك علي اليوم ويكلم المصوره صوري بسرعه
المصوره : خلصت اخدت الكم تلات صور بدك تشوفها
محمد: عطيني اشوف اذا معجبتني عيديها
ملاك : ناظرته بغيره وهي تقدمت واخذت الكمره منها ..وهو يبتسم على نظرتها شافت صورهم الاولى وهو يناظرها وهي منزله عينها بحيا مبتسمه يوم كانت تفكر تبوسه والثانيه وعيونهم تناظر بعض وباين بينها حديث طويل والثالثه وهي ميله على كتفه وجايه بعفيه مع حركة شعرها الي تحركت منه كم خصله على وجها
محمد: كان واقف خلفها : كلها حلوه ..يالله بنات فضوا الغرفه بدخل خالد هذا هو يتصل
منى : يوم شافت امها بتخرج معهم مسكت يدها : امي خليك معي
ام احمد: تحاملت كثير من الغصات ومع كل غصه تدعي لها بالتوفيق : يمه عيب اجلس معك خلاص اخوك وابوك فيه وكلها تتصورين وتخرجين
منى:تحكمت بكل اعصابها اليوم غير عن أي يوم ومهو مثل ملكتها هي تعرفه وهلها معها فليه تخاف وترتبك هي تحبه وتبيه ومستحيل اضيع لحظه من لحظات فرحها بدمعه وبكاء وعدت نفسها انها تعيش كل ثانيه فيه هو ذكري مستحيل تعوضها ابد فتحاول تجمع اكبر قدر من لحظات السعاده الي بتضل ما تنمحي من ذاكرتها ما عاشت وبدلع على امها : ابي صوره معك انتي وابوي وخالد
ام احمد: بضحكه وهي ترفع صوتها : الحمدلله والشكر تبيني اتصور بعباتي ومتغطيه معكم وش بيبان مني
منى توها تستوعب كلام امها وتناظر كل الي يضحكون فالغرفه
ابو محمد: وهو يضحك : جلسي يابوك امك لو مهي متزينه كان خليتها تكشف وجها وتتصور معك بعباتها (ابو محمد عمره ما نظرلها غير ام لبناته حتى لو بتكشف على رجالهم بيسمح لها بس بحدد لحكم سنها و يكون لبسها ساتر ومغطيه شعرها )(ام احمد ليسوا محرم لها رجال منى ومي فهي يحرم عليها الكشف عليهم الا اذا اعدة من القواعد من النساء وهي مازالت صغيره تفتن بجمالها وليست من القواعد التي اباح لهم الاسلام الكشف )
محمد : وهو يناظر البنات ويضحك : اشم ريحة غيره على عجوزنا المزيونه ..وضحكوا البنات معه
ابو محمد: بضحكه :عجز حيل عدوينك ....قوم ناد الرجال
دخل خالد ومنى منزله نظرها مبتسمه وحست بخجل العروس بحضوره الي ما كانت تشعر فيه وهو بعيد عنها
خالد:حب راس عمه الي واضح العبره من عيونه ويداريها قبل يناظرها وهو يهمس :لا تشيل همها ابد دامها معي
ابو محمد: وهو يهمس بعبره اوشكت على الخروج لولا حنكته وتداركها ويربت على كتفه : امانتك هي وادري عنك تصون الامانه الله يسعدك ويوفقك
منى:كانت واقفه على جنب بعيد عن ابوها وستغربت الي مالهم صوت رفعت نظرها على التفاته ناحيتها و تعانقت نظراتهم لترسم ابتسامه مشعه فرحه بوجه خالد ومنى ابتسامه فرح خالطها الخجل الرباني
خالد : وقف مكانه لثواني ليتأمل من سوف تكون انيسة خلوته وهو يرسم ابتسامه عذبه اظهرها من بين اوجاعه
محمد:يربت على كتف خالد: موفقين ان شاء الله اذا مافيك تخرج كلمني اجي اجلس معك بعدين
خالد: ناظره نظره سريعه هو وعمه الي عند الباب: ماشي ...قرب منها وباس خدها وهو يستنشق بعمق عطرها الي غطأ عليه عطره الرجالي ويهمس :لو احد سألني بيوم قد لا مست القمر والنجوم بقول ايه بس لا تتعبوني بوصفها عذبه خجوله اتعب وانا ادور لها كلام بشرتها مثل السحاب ورموشها مثل الريح وعيونها مثل الموج
منى :ارتجف قلبها باعمق اعاصيرالبحر حب عميق اجتاحها كاعماق البحر يبي يوقف يسند قوامه وما بعد وصل للقاع وستكان مع سكون الماء ليحركه كنعومة الزهر رفعت اهدابها مبتسمه بخجل ..مع مسكته ليدها لترتجف ابتسامتها وتهمس :يدك حاره بعدك تعبان
خالد:بهمس : يزول كل التعب دامني كحلت عيني بشوفتك
المصوره: كانت تكلم الي معها ويتهامسون (يتساسرون) سبحان ربك ما تقولين الي توها تضحك بس صدق يهبلون
الثانيه : اذكري ربك عليهم :مدام منى نبدأ تصوير
خالد: اعتدل بوقفته بيضحكها لانه شاف خوفها عليه من مسكتها ليده وهو يهمس بضحكه : هم حتى البيبي يقولو له مدام ..ايه ابدي تصوير .. ويناظر المرآيه يعدل بغترته ويزين بشته على كتفه لف لها وهو يناظر السرير ..وش يسوي هنا
منى :وهي تناظر احمد بحب وحزن وتهمس : تصور صوره وحده ونسدح ونام
خالد: مسح على خدها بحنان : بيتعافى لا تخافين عليه ..وبضحكه ..شكلي ماخذ العدوه منه ..
بعد ما انهت التصوير كلم امه واخته دخلوا عندهم وتصورا معهم
خالد: قبل ماتخرج :مطوله
منى:بهمس ماسمعه غيره وزاد خجلها بوجود اهله الي ما عتادة عليهم:يعني شي ساعتين عشانك تعبان
خالد: بضحكه : صدق قلبك رحيم ساعتين مهي بكثيره اجل لو ماني تعبان متى خرجتي
منى: وهي تناظره وتبتسم : يوم يسكرون الصاله ليه انت تحضر عرسك وتشوفه وانا لا انا ماخليت الزفه بدري غير ابي احضر واشوفه
خالد: وهو يضحك :روحي شوفيه بس ارجعي سليمه مافيك شي مكسور
منى: شعرت بحرج : بتجلس لوحدك
خالد:اذا بتشيلين همي اني لوحدي وترجعين بسرعه جلست ولا خرجت معك
منى:وتناظره بتحدي :لا عيوني اجلس لوحدك ولا تخرج يا محلاك ماشي وعيونهم بتقطعك
خالد: ضحك بصوت ناظرته اخته بابتسامه :اقول روحي بس لا تنحرقين من الغيره
منى: خرجت واخواتها ينتظرونها فالصاله عدلوا لها طرحتها وهي تضحك : استعنا على القوه بالله
مي : هههه داشه حرب الأخت
منى:ايه الله يوصلني لين الكوشه سالمه بدون سقطات والباقي يهون وسطكم
ملاك:بضحكه :ههههههه احد قلك انزفي بدري (11,30)
منى: ياسلام وش فايدة يقولون عرسي وانا مدري عنه شي غير اني اخرج لهم نص ساعه وامشي أي عرس ذا امي وين
مي : مثل ما طلبتي فالكوشه
منى: يالله طيب انزلوا عندها بعد ..وتمسك يد ملاك ..تكفيني مثل ما طلبت منك
ملاك: تدرين كسرتي خاطري بلبيه عشانك عروس والله يستر متعصب ماما وتدري عن هبالك بزفتك وتحديك مع زميلاتك القاعه وتهبل الوانها وقبلنها والتحريف الي سوتيه برضه مقبول لكن الخبال الي بتسوينه مدري وش بيجينا منه
منى: ابتسمت وبهمس وتحدي: لا تخوفيني خلاص مرتبه كل شي وبنفذه
منى وقفت خلف الباب وهي تسمع الميوزك الكلاسك ومعها العاملات من حولها رجفت يدها وتوترت غمضت عيونها وهي تسمي يوم بتدت دخلتها طلت ..
#السموحه من كل الهلالين لتحريفي في اغانيهم بس عاد ما اقدر ازعل منى على نفس نغمات الاغاني #
طلت منى بفستانها ناصع البياض وبسمه عذبه كعذوبة الاطفال
خطت خطوتها الاولى برعشه لتطل ويشع نورها بفستان ملي بالكرستالات الصغيره غير المرئيه على قماش التول المبطن بالحرير الواسع ومن اعلى ماسك على الصدر باكمامه الطويله الملتفه على يديها وطرحتها القصيره لتصل الى اسفل ظهرها وشعرها المضي بكرستالات براقه متفرقه خطت وهي تضغط بيدها على مسكتها من زهرة الكاله البيضاء الملتفه بالزهور الزرقاء الصغيره خطت اول خطواتها باتزان وثبات وهي تنظر الى الامام من تقف على المسرح تنتظرها مع اول كلمه من كلمات الاغنيه اكملت خطوتها الثانيه وشعاع ضوء ازرق مسلط عليها ليعكس كل اضاءة فستانها بتموجات
حيو منى و قولوا ما شا الله .. بزينها محدٍ أبد مثلها
تقول و طول في فعلها .. و إليا حضرت يثبت حضورها
يا بنت ناصر يا الغالي .. يبقى مكانك في العالي
يا منى بك الكل متعالي .. حتى الذهب لك سطع نوره
لا اقبلت رحبت بك القلوب .. يفرح بك الكل و يهلي
و اللي يشوفك ما يتعب .. يا نجم في السماء عالي
نعومه و رقه موسومه .. زعيمه ما هي بمعقولة
كم صار لك بالحسن والصوره .. ادهشتي بطلتك و حضورك
صرخات صديقاتها (15)غطت الصاله بصفير واريج تطلع على الكرسي وتصفر
لين : صدق محد يتحدى معها سوتها وربي كنت امزح معها وقتها
اريج تميل عليها وتضحك :دي منى ولاجر على الله ياقلبي لا تتحدينها منتى شايفه كيف الصاله كلها ابيض وازرق
لين : سكتي بسمع
من بريق لـ بريق الذهب محداً يطوله
و اللقب محداً ينوله غيرك انت يا خالد
لو ظهر مليون مثلك الحب خالد لأجلك
كلهم ياخالد ظلك عمري انت يا لغالي
دمي في عروقي خالد ينبض به خفوقي
كاشف اسرار شوقي حبي انت يا خالد
من بريق لـ بريق الذهب محداً يطوله
و اللقب محداً ينوله غيرك انت يا خالد
خالد دون الاسامي منزلك عالي و خالد
وهذا لك آخر كلامي ياخالد انت الغالي
من بريق لـ بريق الذهب محداً يطوله
و اللقب محداً ينوله غيرك انت يا خالد
وصلت عند امها على الكوشه وهي تمسك بيدها بقوه من كثر رجفة رجولها
ام احمد: مسحت دموعها قبل ما توصلها وقفت شوي ولتفوا حولها صديقاتها
احدى الطاولات حضروا هند و نوره واصايل ومعها اخواتها خوله وشيماء
خوله : بقوم اطلع معهم
اصايل بنت بلا خبال جلسي
خوله : بطلع اسلم عليهم واجلس معهم هي عازمتني غير عنكم ويوم سمعت صوت الاغنيه وشافت الاعلام ترفرف (وزعتها اريج )انخبلت وبدوا منى وزميلاتها يرقصون ومنى ماسكه ما يك مقفول وتردد الاغنيه والصوت صوت ملاك الي جالسه خلفهم
هلالي هلالي
هلالي في السماء فوق عالي
اشجع واشوف فنونه ولونه
ابيض منى وازرق صحبة الغالي
هذا ملائين البشر يشجعونه
متى ينزل ما يبالي الخصم يحترمه ويخشي فنونه
وكملت الاغنيه ملاك مع صرخات البنات ورقصهم والاعلام الزرق الي ترفرف
ضلت منى مع صديقاتها ضحكت رقصت وقبل تودعهم اخذت تنثر ورد ازرق وهي ماشيه وبالاخير رمت عليهم مجموعه كبيره مربوطه وكلهم يحولون مسكها لكن طاحت على رجول الجده قربت منها منى وباستها قبل تخرج على راسها وهي تضحك وتقولهم : الظاهر جدتي العروس الجايه
سيارة يزيد
معه هند ونوره
يزيد: هاه كيف كان عرس بنت ناصر
هند: ما شاء الله حلو الله يحفظها صغيره
نوره: بضحكه فلتت غصب عنها : هههههه كله كوم وخبالها هي وصديقاتها صدق لو كبيره ما سوت سواتها
يزيد:وش مسويه الي يضحكك
هند: ابد ولا شي عروس اكيد وبتفرح وش زينها يوم طلت على الناس راكزه
يزيد: راح بعالم اخر معد سمع منهم شي وهو يتخيل كيف بتكون هند بفستان العرس ناظرها ورجع ناظر الطريق وهو يرسم خيالات
ّّّ
بيت راشد
مها :كانت جالسه فالصاله صامته وعينها على التلفزيون وهو صوته منخفض ما تسمعه مسحت دمعتها وهي تحتضن المخده وتنزل راسها تعبانه ومجروحه بكيت دموع وشهقات تبتلعها بدون صوت فراق جنينها كان راح يهون عليها لو مو طلاق امها والكلام الي تسمعه من راشد زادت شهقتها وهي تبلع قصات الالم من الم بطنها رفضه انها تزور امها وتشوفها ذبحها امها ما ترد عليها ومحد يزورها غير خالتها ونوره حتى مريم ما خلاها تروح تشوفها كل عذره انتِ بعدك تعبانه ..تعبها النفسي اكبر بكثير من تعبها الجسدي تبي تكون قريبه من امها واختها تبي تشوف امها ..امها كثير تكابر وهي ما تبين انكسارها شتاقت لها وشوقها لأفتخارها فيها بين النسوان وهي تقدمها شهقت آآه يايمه بعدك بتفتخرين فيني ولا اذا انذكر اسمي تجاهلتي وحرفتي السؤال وغيرتي السيره بحنكتك بالكلام
يمه محتاتك جنبي اشكيلك
يمه راشد يحب نفسه كثير كثير وما يبالي بوجع الي حوله
يمه عمتي طيبه كل يوم تزورني وتسأل عن احوالي
يمه اول مره اسوي القهوه كلمت هند علمتني شلون اسويها
يمه يومها ضحك علي راشد يقول قهوتك مهي زينه ثقيله مدري وشلون ابوي شربها
يمه تكفين لا تبعدين عني
ّّّ
منى : بعد ما لبست عباتها وهي تتماسك اكثر من قبل حضنت امها ونزلت دمعتها وهي تشهق : امي خلاص فرحت وسويت الي براسي كلمي خالد نروح معك
ام احمد:بعتب باكي : افا عشان يقولون ما عرفت اربي وسحبوا الولد معهم ...وتمسح دمعة بنتها ..روحي ياقلبي وداريه ونتبهي عليه زين وهو تعبان
منى : بدلع : خلاص طيب بروح الحين وجهزوا غرفتي لو تعب بجيبه واجيك
ام احمد : وهي تضحك زين ياقلبي انتظركم
منى: باستها بقوه على خدها وطلعت وخالد ينتظرها عند السياره تقدم مسكها مع يدها وهي تنزل الدرج وهو يهمس : كان ماخرجتي
منى: ماردت عليه ودخلت السياره معه وهو الي ساقها مع ان الكل يطلب منه يوصلونه لكنه رفض ومشي خلفه فيصل والعيال
اول مادخلوا الغرفه فالفندق
خالد: منى قلبي خذى راحتك بدخل اخذ شور حاس جسمي كله منهد من السخونه ..ومشي عنها وهو يحط مفتاحه والبوك والجوال فالصاله على الطاوله
منى جلست فالصاله بعد ما نزلت عباتها وهي حاسه باحراج كبير دمعت عينها وبكيت وهي تمسح دموعها وتشوف المكان خالي عليها كيف بتصبر عن اهلها هي الايام الماضيه ما ضيعت دقيقه ماتكون معهم حتى النوم تنزل تنام مع جدتها بكيت اكثر ومسحت دموعها وقامت لشنطتها خرجت جوالها وشهقت مع سماعها لصوت :برجع عندكم ولا تعالوا
ملاك كانوا بعدهم في القصر وهي جالسه تنتظرهم يخلصون ما تقدر تشتغل بهدوء: منى حبيبتي صدقيني شي عادي الي تحسينه الحين لا تجلسن لوحدك اجلسي مع خالد وتكلموا..
منى: مابي اكلم امي و ابكيها قلت اكلمك ملاك الغرفه تخنقني من غيركم
ملاك: بتوتر بصوتها لحالها : ياقلبي تذكرين يوم كنت ابكي ومنهاره ما ستفدت شي غير اني نكدت على عمري الخجل الي تحسين فيه الحين طبيعي والتوتر وفقدتك لنا كلها طبيعيه هو خالد فينه عنك
منى: وهي تناظر باب الغرفه : دخل ياخذ شور تعبان تكفين خلي محمد ينتبه لجواله بكلمه اذا تعب اكثر
ملاك: شوي وتضحك توها خايفه والحين قلقانه على رجالها :اوكي حبيتي انتِ روحي الحين غيري وصلي وادعي
منى: يوم سمعت صوته خرج : ملاك باي خرج وقفلت وخبت الجوال بيدها للخلف وهو واقف عند الباب والمنشفه على راسه وببجامته
خالد: كنتي تكلمين احد كني سمعت صوت
منى: سكتت :بدون ما ترفع عيونها ومخبيه جوالها
قرب منها ..منى حياتي ..ويمسح اثر دمعه ..تبين تبكين ابكي ما راح اعاتبك ولا ازعل اكيد البدايه صعبه انك تكونين بعيد عن اهلك..وياخذ الجوال منها و يبوس يدها وهي ما سكه الجوال ..بس لا تكدرين خاطر امك اكثر هي اكيد بتفقدك
منى:بكيت :ما كلمتها كلمت ملاك
خالد:يبوس راسها : طيب حياتي بتتعشين بفستانك ولا انتظرك تغيرينه معنه يهبل شكلك فيه
منى: بحرج : بغيره ..ودخلت ستحمت وخلصت تعديل شكلها وصلت لها ركعتين مثل ما قالت لها مي اذا كانت خايفه تصلي قبل تواجهه وبعد ما خلصت رشت من عطرها رشه خفيفه وخرجت لابسه قميص ستان ابيض قصير لنص الساق باكمام الصدر انبير فتحه مربعه وشريطه وردي وبكم طويل شيفون واسع وجها خالي من المساحيق ما عدا قلوس وردي وشعرها القصير جففته تجفيف وسط وتركته منساب على وجها .تقدمت لمكان جلسته وشافته نايم على الكنب اخذت جوالها وشافت انها طولت عليه ساعه كامله وهي بالغرفه جلست على الكرسي المنفرد مقابله له ماتبي تقومه ولفت انتباها جواله صوت الرنه للمسن كل شوي وهو ما تحرك وقام صحيح الرنه منخفضه بس هذا دليل نومه العميق رفعت ارجولها ولمتها على جنب وهي جالسه تالمها تعبت من الرقص والكعب الي كانت لابسته ظلت فتره و ما حست بعمرها غير وهي غافيه صحت على صوت ونات مسحت على عيونها وقامت وقربت منه وهو حرارته مرتفعه صحته يفتح عيونه ويرجع يغمضها ناظرت حولها ما فيه شي تعطيه هو اخذت جوالها وكلمت محمد..جا هو و مي الي خلاها عندها واخذه المستشفى وما رجع غير على الساعه سته الصباح بعد ما اعطوه ابره وحطوله محلول اعطى منى الادويه و وصاها عليه وخرج هو ومي
خالد: وهو متغطي فسريره ..وعينه على منى الي واقفه وبقميصها الي زاد من شكلها الطفولي ..لا تخافين ياقلبي يومين بالكثير وتروح تغير الجو يتعبني على طوال بس غريبه هالمره ماتعبت من اول اسبوعين ..تعالي ليه واقفه بعيد
منى: وهي صدق خايفه عليه : لا بعدين تعديني انا اذا سخنت اتعب مره
خالد: وبتعب يقاوم ضحكته على شكلها الي تفرك يدينها خجل وخدودها مورده : ما راح اعديك ..تقرب وتجلس عنده ويمسك يدها ..شكلك ما كلتي شي ..حركت راسها لا ..اخذ سماعة التلفون ..وش تبين تاكلين بطلب لنا فطور بفطر وانام
منى: أي شي ..وبقلق واضح عليه ...اكيد ماراح تتعب وترتفع حرارتك مره ثانيه
خالد: يبوس يدها : قومي اعطيني دواي بوقته بتخف على طول
ّّّ
بيت ابو محمد
بعد المغرب
ام احمد: وهي تكلم الجده الي رجعت معها بعد العرس :خالتي تروحين معي بروح لمنى شوي توها مكلمتني وهي تبكي تبيني اجيها
الجده:لا يمك عظامي مهششه مقوى اقوم خليها هي تجينا
ام احمد: ما كانت تبي تخبرها انه رجالها تعبان بس رجعت قالت لها:خالتي صعبه تخلي رجالها وهو تعبان مسخن
الجده: وبفجعه : ياوجه الله وش بلاه عوذه وش الي صاير بعيالي ..وبحده وهي تناظر ام احمد..انتم ذبحتوا وزعتوا صدقه عن عيالي ولا لا
ام احمد: بهدوء بنبرتها وحنيه وقلق الام على عيالها :الله يهيك خالتي صدق ابو محمد حاشي بس الواحد مهو بلازم يعلم انه تصدق وبعدين المكتوب الي الله يريده مهو بمردود
الجده: وهي صدق قلبها ما كلها :امنت بالله ..دقي لي على بنيتي بكلمها..ليكون هي الي تعيبانه وماتبوني اعرف بعد رقيصها طول الليل
ام احمد:ابتسمت وهي تتناول جوالها : يعني منتي مصدقتني ياخاله زين الحين تسمعينها ..وبحنيه وهي تقاوم الدموع ما تظهر بعيونها ..بس لا قامت تصيح لا تعطينها وجه ابيها تضل مع رجالها وهي تداريه مهو مكلمتني تقول تعالوا خذوني عندكم انا وهو
الجده:وهي تحط يدها على فمها :ياكبرها عند ربي استخفت هي ستخفت وتاشر بيدها صكيه ما ابي اكلمها الحين ويوم تكوين عندها خليها تكلمني
راحت ام احمد مع ابو محمد لمنى
منى : من يوم فتحت لهم الباب تعلقت برقبت امها حضنتها وهي تبكي شتاقت لها
ام احمد: نزلت دمعتها من تحت غطاها وهي تلمها لحضنها
ابو محمد: سكر الباب وقرب منها وهو يمسح على شعرها : يابوك اهدي ويسحبها عن امها ورتمت بحضنه وهي تشهق بدموعها ..بس يبه بس عيب يسمعك رجالك وش تبينه يقول عنك
منى: ومن بين شهقاتها : يبه ..لا.. تخليني.. لوحدي معه ..الله يخليك.. يبه ما يدري ..ما يدري اكلمه يون ..يبه خايفه ..حرارة ما تنزل
ابو محمد: لمها لحضنه بقوه ليسكن الم مشروخ في روحه الم لن يلتحم وهي الان تضغط عليه لتعيد له نزيفه واتساع انشراخه اجلسها وهو تعود له الذكرى ليتمزق معها على ابنة الخمس سنوات ونصف التي حين سمعته يدخل البيت اتت تركض له وهي تشده مع ثوبه بصراخ باابا تعال شوف ماما تعبتني اكلمها ماترد علي لتركض قبله وترتمي بجانبها على السرير وتدير وجها بيديها وهي تقول خلاص ردي بابا جا ليرتمي بجانبها لم تحمله قدماه من صدمته وترتعش يده وتفر دموعه وهو يمد يده ليغمض لها عينيها و يحتضن ابنته التي مازالت تريد ايقاضها قرابت الساعتين قضتها مع والدتها وهي لا تعلم انها رحلت عنها ..ليبعدها عنه قليلاً وبصوت متعب ..خليني ادخل اشوفه..دخل وهي تتبعه ..اقترب منه وشعر بحرارة عن بعد تصل اليه قبل ان يلمسه ..يبه خالد تسمعني .. ويحط يده على راسه ..ولا يصدر سوى انين ..رفع نظره لها وهي تجلس بجانبه بشكل طفولي رجلها تحتها وهي مرتديه بنطلون جينز و تيشيرت..وما زال اثر الدموع على خدها ..كلمي اخوك بسرعه يجي نشيله نوديه ..
بعد ذهابه جلست مع امها وهي تبكي بعد ان كلمت ام احمد امه تبلغها عن تعبه وهي في الطريق اليهم
ام احمد: يمه عيب ناخذك معنا خلاص امه الحين جايه روحي معهم اذا كان تعبان جلسوا عن اهله
منى: امي ما عرفهم اخجل منهم كلموا خالد نروح معكم البيت
ام احمد: يا يمه عيب هو مهو لوحده الي ناخذه عنده اهل بيشيلونه ويبون يطمنون عليه واذا ما تبين تروحين عندهم خليك هنا وحنا كل شوي نطمن عليك و يجيك احد منا
بعد وصول ام خالد وشافت حال منى واثار البكاء عليها و وجها الخالي من أي زينه لا يزينها سوا خجلها منها بتورد خدودها وجفناها التي اكتست لون وردي من البكا
ام خالد وهي توجه كلامها لمنى بحنيه بعد ان كلمت ابو خالد وخبرها انه بيظل ثلاث ساعات فالمستشفي وبيخذه معه البيت :قومي يمه خذيلك ملابس لكم الكم يوم الي بتجلسون عندنا ماني بمخليته هنا لا عندك شي تطبخين عليه ولا شي غير اكل السوق ...شيليلك كم قطعه خالد دولابه مليان هناك ..ولا تخجلين مافيه فالبيت غير انا وعمك والعيال كلاً فبيته
ام احمد: تربت على ظهر بنتها الملتصقه بها في جلستها : قومي يمه خلصي قبل يوصل عمك ..وتهمس لها ..خذى ملابس ساتره
اول يوم قضته منى فبيت عمها كانت خجلانه ماتخرج من الغرفه غير يوم تبي الحمام وطول الوقت عنده وهو ما يدري عن احد من شدة حرارته ما يرفع راسه الشربه والعلاج بالعافيه ياخذها دق بابها بعد صلاة العصر قامت فتحته وكان عمها يبي يشوفه حبت راسه بخجل وبعدت عن الباب وهي ترد عليه الحمدلله بخير ..احسن الحين شوي
دخل ابو خالد وشاف انه نايم وحرارته اخف من الليل ناظرها قبل ما يخرج : تعالي يابوك تقهوي معنا هو نايم الحين ..خرجت معه وكانت ام خالد جالسه فالصاله وعندها القهوه وهي قبل شوي خارجه من عندها ..اخذت الدله من عمتها وهي صبت لهم القهوه واخذت فنجالها وجلست بعد عمتها وام خالد تكلم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك