رواية شقائق النعمان -64
ملاك: ياقلبو حماده يشبهك كثير ....دق الباب
محمد: مين الي جاي الحين
ملاك: مدري
محمد: رفع صوته : ادخل الباب مفتوح
مي : سلام عساني ما ازعجتكم
منى: دفها : ادخلي بلا ازعجتيهم مهم نايمين
ملاك:بضحكه : تعالوا بعدنا مانمنا تعالوا شوفوا الصور
منى: صور مين
محمد: صورنا وحنا صغار ويبعد الطاوله وينزل الصندوق على الارض وجلسوا معه
منى: وهي تجلس : انا باخذ صور ماعندي صور لي كلها حضرتك مجمعها عندك
محمد: لا انتي اعرفك ما تحتفظين فيها بضيعينها
مي : محمد حرام عليك ماخذ كل الصور عندك اعطينا منها
ملاك: صورة مين هذى توه مولود بالمستشفي
منى: راويني اشوف
محمد: يسحب الصوره ويشوفها وبضحكه هذى منى
منى: اشوف واااااااي ياناس يا قلبي علي حمراء مهو باينه عيوني فديتني
محمد: ههههههه شوف تمدح عمرها
مي: كانت ساكته وهي اول صوره طاحت بيدها لها وهي مع امها تمسح على خد امها ودمعتها بعينها
محمد: انتبه لها ويسلم على راسها:الله يرحمها ادعيلها
مي ابتسمت ودمعه بعينها
ملاك: تعرفي انك تشبهيها كثير
منى: محمد ابي اخذ صورة ماما عندي ....احمدوا ربكم فاكرينها انا ما اذكرها زين
محمد: خذى صوره وحده بس
مي : الله يرحمها... منى... يمكن ما تذكريها لان عمرنا ما حسينا بفقدها خالتي عوضتنا عنها بكل شي عمرك ما حسيتي انها مهي موجوده
ملاك: وقصه كبيره بحلقها :الجرح الاكبر.. لما تفقدين شخص ...وانتِ طول عمرك ماتشوفين.. الا هو بحياتك ....تحسي روحك بتطلع ...وانتِ تتمنين تشوفينه و تشمين ريحه عطره بس لو ثواني
محمد: مافيه يزيدون كلام وتنقلب جلستهم ادموع :خلاص لو ادري بتقلبون الجلسه نكد ما كان خرجت الصور
مي:بتحكم بقصه بحلقها و ابتسامه مشرقه عكس الي تحس فيه كله ولا تشوف دمعه بعين احد : خليها بنشوفها اوعدك مانبكي اعطيني البوم صورك اول ما سافرت خلى ملاك تشوف كيف كنت
ملاك:وهي تناظره ببتسامه : حكالي شو عمل اعطيني اشوفها
وجلسو يعلقون على صوره وبعدها نزلو اسفل وجهزو الجلسه ويتفرجون الفلم الي جايبته مي
محمد: لاتقولون تبوني اتابع معكم فلم هندي
مي: ياسلام شو فيه الهندي
محمد: بضحكه وهو يناظر عيون مي : تدرين عشان خاطرك يالهنديه بشوف معكم اكاذيب الهنود عليكم روحوا جيبولنا معكم بوب كورن(فشار) معتقد تحلى الجلسه من غيره
ملاك: اوكي حياتي أي واحد الي بالتوفى ولا العادي(اكياس جاهزه توضع في الميكرويف بنكهات مختلفه )
محمد: العادي
ملاك:بعد ماخلصته والبنات بعدهم بالمطبخ لانه مخذ ثواني تحط البوب كورن على الطاوله ثلاث انواع عادي وتوفي وحار وتوقف قدام الكنبه الي جالس عليها محمد و منسدح جلست عنده: قوم تعدل بجلس
محمد : بضحكه : ياربي على الحشره الحين وش كثر الكنبات الا تقوميني
ملاك : لمت فمها وقفت
محمد: يسحبها مع يدها وهو يعدل جلسته وطيح على رجوله :ليه بعدك متضايقه عمري احنا محنا الوحدنا وش تبينهم يقلون بعدين
ملاك: تبوس خده : ليه تخجل منهم اذا عمي فيه معليش انا معك انا ما راح ارضاها اخجل منه بس ماما والبنات عادي شو فيها اذا مسكت يدك وسندت راسي عليها وتبوس خده
منى : جايبه معها مكسرات وليز كيس كبير وشافتها وهي جالسه على رجوله وتبوسه وبضحكه : هيه انت وهي استحوا شوي حشمونا بنجلس معكم منتم لوحدكم
ملاك:وبجديه وهي تشوف عمرها مهي غلاطانه : شو عيوني ماعملنا شي
منى: مي تعالي شوفي اخوك ومرته بيخربونا و حنا بعدنا ماعرسنا
مي: جايه معها الشاهي: خليهم على راحتهم انتِ وش عليك ...وتشوفهم وجها صار الوان ...واييييييي انتم وش تسون
منى: ههههههههه خليهم على راحتهم هاه
محمد: هههههههههههههه متبون تجلسون طلعوا فوق خلونا نتفرج براحتنا
ملاك: الحين شو الي مهو عاجبكم كل وحده فيكم بتروح بيت زوجها وبتكون بحضنه حرام اكون مع نور عيوني على راحتي وتجلس جنبه وتلف يدها وتحط راسها على كتفه
منى: جد ضربت فيوزاتك حبيبتي لو امي شافتكم بتعطيكم كلمتين معتبره الي جالسين معنا بهل شكل
مي : تجلس وتصب الشاهي : جلسي خلاص قلتلك من قبل ملاك بتاكل عقل اخوك
ملاك : شوووو ..
منى : ايه اخذتي شبيهي مني
ملاك: لا والله عندك خالد يكفيك
محمد: يضحك على تعليقاتهم ما عمره سمعها منهم هههههههه انتم كنكم طباين
منى: ايه لحستي عقله ولا احد يصدق ان هذا محمد الي ما يعجبه شي
محمد: منى عيب عليك وش الي تغير فيني هااه تراها زوجتى مثل ما انتي اختى
ملاك: خليها حبيبي هي غيرانه لانه مافي منك ثنين وتحلم ان خالد يكون مثلك
منى: تحذف عليها كيس اليز الحار وهي صدق خجلت من اخوها وكلامها ليكون زعله : مالت عليك خالد احسن منه بعد
محمد: هههههههههههه
مي: ياربي عمرنا ماشفنا شي بدون ماتتناقرون انتِ وهي من جد طباين ياليتكم ماخذين رجال واحد كان تذابحتوا ونفكيت منكم
ملاك و منى: بصوت واحد :مالت عليك
مي ومحمد:هههههههههههههههههههههههه
منى وملاك : طالعو بعض :هههههههههههههههه
مي: خلاص سكوت الفلم حلو اسكتوا الحين خلونا نشوف
منى : وش عرفك انه حلو وانتِ بعدك ما شفتيه
مي: وصلني عنه على ايميلي والقصه تقريبا عرفتها بس ابي اشوفه
محمد: وانتِ متي بتبطلين ادمان الافلام الهنديه
مي: ماراح ابطل لو ايش
محمد: جد الله يعين سعد عليك
منى: احكيلي القصه
مي: تفرجيه وتعرفين
ملاك: لا احكي عشان نفهم بسرعه
منى: توقف الشريط يالله قولي
مي : زين شغليه وعلمك
منى : لا اول تتكلمين
محمد: ماراح يفكونك محد قلك تقولين انك تعرفين
مي: زين شغليه وبتكلم غير كذا ماراح اقول ولا حرف
ملاك : اوف منى شغليه
منى: قولي
مي: ياستي هذا قصته
موكب العرس في طريقه الى البيت يرتاح في الطريق تحت شجره مسكونه بشبح
العروس ترفع وشاحها يقع الشبح في حبها
محمد:ههههههه شي طبيعي هنود حتي جنهم واشباحهم تحب
البنات :ههههههههههههههه
ملاك: تحطيدها على فمه ايه كملي
محمد: ياكل يدها ويبوسها
مي : تطالع في محمد وهو يضحك : محمد بس
منى: تتربع :معليك طنشيه كملي
مي : ياستي بعد وصولهم البيت يضطر العريس انه يسافر في رحله تجاره تستمر لمده 5 سنوات و في الطريق يرتاح تحت نفس الشجره
الشبح(الروح) يستغرب من سفر العريس بهذى السرعه و يأخذ شكله و يروح القريه
منى: والعريس شاروخ خان ولا الشبح
مي :شاروخ راح يكون الزوج و الشبح و راني مكهرجي : الزوجه .
و جوهي شاولا : زوجه اخو الشبح .
القصه غريبه مثل ما انتوا شايفين .. بس يمكن علشان كذا اسم الفلم باهيلي Paheli ... اللي معناه riddle ..( اللغز)
محمد: اما انكم بنات ينقص عليكم بسهوله كل الافلام الهنديه وحده البطل يحب البطله وفي الاخير يزوجون كلها حب بحب واكاذيب
ملاك: تلف عليه وجها بوجهه و بجد : شو يعني انت ماتحبني الحين
محمد: ههههه وش جابك انت الحين في الموضوع
ملاك : انت تقول الحب كذب
منى: اسكتو خلاص اطلعو فوق تفاهموا
ملاك: تمسك وجهه بين يدينها : قول الصدق تحبني ولا.. لا
محمد: يسحب يدها ويكلمها بصوت واطي :انا مجنون فيك مهو بس احبك
ملاك :باست خده بقوه
ام احمد : شافتهم وهي نازله وهي رايحه على المطبخ وبحده :ملاك تعالي شوي
مي:بقلق بصوتها : خالتي ايه مصحيك فيه شي
ام احمد: لا مافيه شي بس باخذ لابوك حبوب صداع مخلصه الي عندي فوق وعدت من عندهم ....ملاك تعالي بسرعه وتروح المطبخ
منى: وهي ترفع حواجبها وبصوت ضاحك :ما سمعتي كلامي يا ويلك من امي
محمد:يقرص منى بنظرته : قومي روحي شوفيها
ملاك: شو فيكم عادي حتي اذا تكلمت ماراح اتغير انا مقتنعه بالي اعمله وتبوسه على خده راجعتلك يا قمر وتقوم
محمد:ههههه
منى:وش مسويلها انت
ملاك: مدخلك وتروح عنهم
مي : محمد انتبهلها وحطها بعيونك تراها تموت عليك
محمد: داري وانا كمان احبها
في المطبح
ملاك: خير ماما شو فيه ياعسل
ام احمد:بصوت منخفض وصارم : ابي افهم وش الحركات الي تسوينها يايمه عيب الي تسوينه قدام خواتك
ملاك: ماما ليه زعلانه انا ماسويت شي غلط
ام احمد :ملاك عيب حركاتك هذى حتى محمد يخجل منها و انتِ تسوينها.. البنت حلوها بخجلها قدام الناس وحتى مع رجالها
ملاك : ماما حرام عليك انا مغلطت فشي و شو فيها اذا بسته ولا جلست جنبه اخجل عند عمي لكن انتم لا شوفيها اذا عملت هـ الشي قدامكم
ام احمد: حبيبتي عيب الي يصير هذا شي خاص فيك انتِ و زوجك اذا تبين تسوينه خليه بغرفتكم بينكم محد يشوفه انتِ كم مره تسوينها قدامي وسكت لكن اخوانك لا يا يمه خلي عندك حيا منهم اخوك صغير اذا البنات يفهمون هو مايفهم
ملاك: بزعل ودمعتها بعينها : ماما ..
ام احمد: تقاطعها : سمعيني زين انا محب اشوفك كذا عمك لو شافك وش بيقول و احترمي خواتك الي جلسين معك و حماده الصغير وش بيكون تفكيره اذا شافكم فكري زين و لا تزعلين مني احنا هنا تعودنا على مجتمع محافض وانتِ تعرفين هـ الشي
ملاك: ماما حرام عليك انا ما سويت شي غلط عشان تعاتبيني كذا
ام احمد: حبيبتي انتِ اذا جيتي تسوين الشي شوفي الي حولك يناسبهم ولا لا عشان متكونين شاذه عنهم بتصرفاته
ملاك : زعلت : ماشي ماما تحت امرك وباستها وخرجت
منى:شافتها جايه : هاه اخذتي درس معتبر
ملاك : وهي معصبه : مو شغلك ..وتجلس جنب محمد
محمد: يكلمها بشويش: اهدي وش قالت خالتي الي زعلتي
منى و مي : سكتوا شافوا وجها كيف محمر من الزعل
ملاك: بكيت : والله مهو بيدي مهو ذنبي اني اشوف هـ الشي عادي وانتوا لا
محمد: حبيبتي خلاص اهدي و يحط يده على ظهرها ويقربها منه
ملاك : شيل ايدك لا تجي ماما وتصرخ علي بعد
ام احمد: مهو هذا قصدي افهمي الي قلته لك زين
محمد: خالتي
ام احمد: اسكت انت حسابي معك بعدين
ملاك: خلص ماما دخيلك كله الا محمد وتمسك فيه وتبكي
ام احمد:حبيبتي حاولي تفهميني
ملاك: ترفع راسها و تبكي : ماما بابا عمره ماعاتبني وكنت بوسه قدام الكل وتفرج TV وانا بحضنه ليه ماقلي هل شي خطأ ..وبترت كلامها وسكتت انه خالتها نفس الشي
ام احمد: حبيبتي فهميني مهو خطأ انك تسوينه بس فيه حركات الي يشوفك يفهمها على انك منتى محشمه الي حولك
محمد: خالتي الله يطولي بعمرك خلاص خليها على راحتها
منى: امي حرام عليك ليه تكلمينها كذا
مي: خلاص خالتي هي بتتغير بعدين اذا عاشت هنا
ملاك: لا ماراح اتغير وتحط راسها على صدر محمد
ام احمد: الله يهديك ويصلحك بس وتروح عنهم
محمد:ياعمري بس خلاص ليه تبين تزعلين خالتي منك هي تبي مصلحتك وما يرضيها احد يتكلم عليك ...ويهمس لها ...يا قلبي كل الي نجلسه هنا كم شهر وفبيتنا خذى راحتك ولا تزعلين تراني مايرضيني احد ينقد علينا بكلمه وبعدين افضل النا لحد يطقنا بعين بعدين وضحك وهو يقرص خدها يالله روقي وعدلي جلستك عشان تتفرجين ولا تبيني ازعل منك..بنات تخيلوا لو شفنا السماء وحنا جالسين فالصاله
ملاك ضحكت عليه وعلى اسلوبه وهو يقولها
ومنى : ياعيني على الرمنسيه الي طاحت عليك ياخي انا انسانه ماعندي تخيلي وخبال اشوف نجوم وحنا بالصاله
مي : تخبطها وبضحكه : الا اذا كانت سقفها قزاز(زجاج)
محمد وهو يضحك : يازين ذكائك ... يالخبله سقفنا صبه هذا دليل ان البيت طاح علينا
ملاك :ضحكت معه : وحنا بعدنا حين والسقف طايح علينا
منى : بضحك وهي تاكل ليز : وع اليز كله تراب
الكل صار يضحك عليها
منى: فهمت عليه انه يبي يغير جو : اسمع هذى .. صاحب محل دخلت عنده وحده حلوه .... وكل شوي تقول له : بكم هذا حجي ... بكم هذا حجي .... اخيرا طفش منها قال : شوفي انا ماحجيت لكني اخذت عمرة .. علشان كذا تـقـدرين تـقــولي .... ياعــمــري
محمد: هههههههه حلو يعاكس بفن زين سمعي هذى .. واحد عنده بيتين ... واحد ساكن فيه والثاني احتياط ... تعرفون ليش !!؟
منى: ليش
مي:كح كح قديمه ومغبره .. علشان اذا احد قال له يخرب بيتك .. يروح يسكن في البيت الثاني
محمد: مصيبه هذى الهنديه متخلي شي ماتعرفه
مي: ههههههه مثل الي تدلع الحين ملاك خلاص تفرجي معنها بيعجبك الفلم
منى: لوكي حبيبي اعطيني اليز الحار الي عندك
ملاك: مافي محد قال لك ترميه علي
منى: ياسلام على كيفك هو وتقوم بتاخذه
ملاك: تحطه وراها : مافي بس مودي ياكل منه
منى: حمود اخوي حبيبي خلها تعطيني
ملاك: لا ميدو هي ماتبي تعطيني ايسكريم
منى: حرام عليك يالظالمه متي قلت لك
ملاك: قبل شوي في المطبخ ميمو شاهده ..وتناظر محمد ..ترى خالد طلبته وجابه لها
محمد : وهو يضحك : من جدك يالخبه فاضحتنا ومخليته يجيبلك ايسكريم
منى : عادي عشان مايحتار كيف يجي ويده فاضيه
محمد: يلف يدينه عليها :ههههههه اذا تبين تعطين عمري الي تبيه تعطيك
منى: لا هو لي خالد مشتريه لي مافيه احد ياكل منه
ملاك: لا باكل يعني باكل شتهت ايسكريمك ولدي يبيه تبين يطلع براسه زعرور
منى: اووه منك تلوين يدي يعني
ملاك: اوكي ماشي منشان خاطر عيونك حبيبتي ..وتعطيها اياه من خلف ظهرها وتبوس محمد على خده
منى : الحين من الي بيعطيك انا ولا هو الي تبوسينه
ملاك: انتِ وهو واحد مهو شبيهك
محمد: يضحك بصوت صدق عمره ماجلس مع منى الا خلته يضحك الله يسعدها
مريم خرجت بعد اسبوع ومنعوها من أي حركه و تظل نايمه على ظهرها اسبوعين بعد على تواجد الكل معها ام ابراهيم ونوره و مرة حمد وقرب زوجها منها انكسر شي بداخلها على امها شي كبير على كثر اخطأها الي كانت تسويها ابد متوقعت انه يوصل فاهلها لطلاق ويوم عاتبت على ابوها انه لو بيطلق كان طلقها وهم صغار جتها الصدمه من عامر انه مطلقين قبل مرتين ولا هم عارفين وش السبب
قبل عرس منى باربعه ايام
ملاك : جالسه بالصاله الي اسفل وقفت وهي تنتفض من الخوف وتركض له وهو يصرخ ارعبها طيحته والحين يصرخ وبكل خوف ترفعه وهو يصرخ صراخ موجع مدوي : حماده شو فيك ...وغمضت عينها بقوه وهي تشوف يده ملتفه وجزء من العظم بارز منها بشكل مخيف بس ما شق الجلد وقفت برعب تتلفت حولها مافي غير الشغالات ..وهي تصرخ عليهم انتبهوا لا تمسكيه ... تركض تاخذ جوالها وتتصل على محمد (معزوم في عرس هو وابوه )ومافي شبكه معطله رجعت تحاول في رقم امها اخواتها (في الصالون والسواق معهم )وهي بتجن من صراخ اخوها حتى عمها مافيه ابراج الشبكه كلها مافي طلعت تركض مع الدرج وتاخذ عباتها ومفتاح سيارة محمد الثانيه وترفع احمد بتشيله وماقدرت وشالوه عنها الشغالات وهو يصرخ مااااماااويبكي بحده دخلت معها وحده من الشغالات وراحت فيه على اقرب مستشفى خرجت عنه وقفت برا يوم صرخ لتعديل يده وعطوه بنج فيده عشان يقدرون يعدلونها ويسون الاشعه والجبس كانت تحاول تتصل اكثر من مره فيهم كلهم وما يمسك معها بعد فتره نص ساعه رد عليها محمد كلمته وهي تبكي يجيها قبل وصوله كانت امها عندها هي والبنات عرفت يوم رجعت البيت وبلغتها الشغاله وهي تمشي متخبطه بين الاسياب ادور عليهم والبنات خلفها راحت تركض لها مسكت فيها تهدي امها وجلسوا ينتظرون الدكتور على وصول ابوهم ومحمد ..بعد ما تجبست يده وكان نايم بعد ما اعطوه مهدي لانه كسره من الدرجه الثانيه وبيرقدونه عندهم لانه حرارته راح ترتفع بسبب الكسر ملاك كانت خايفه من الي سوته ومحد يعرف غير البنات انها هي الي جابته وماستوعبت كيف ساقت السياره بدون احساس انها بمكان مايسمح فيه بالقياده وساعدها السياره كلها مظلله
منى : لا تخبرينه والله يذبحك محمد
ملاك : لا كيف ما خبره مقدر اكذب عليه
منى:تهمس : خبله انتِ خلاص نقول السواق جابنا وش بيدريه
وهم نازلين مع محمد بيوصلهم البيت ووخبروه انه السواق جايبهم شاف جيبه الهمر وناظرها بحده وهم خارجين والسواق واقف عند سيارته مسكها مع يدها وهمس بحده وهو مسكر على اسنانه : من الي جاب سيارتي هنا
ملاك : بلعت ريقها بصعوبه وهي تعرف رفضه لها لسواقه وخصوصا شدد عليها بعد حملها الله يسامحك يامنى الي خليتيني اكذب عليه
محمد : ضغط على يدها اكثر : انتي هاااه
ملاك :بلعثمه وهي خايفه :افـ..همني ..الله.. يخليك
محمد : ناظر خواته بحده وسحبها ركبها قدام وصرخ عليها : وين المفتاح ..
اعطته هو وهي يدها ترتعش
وطلب من السواق انه يرجع البيت معهم لانهم بيجيبون الي تحتاجه خالتهم وهو بيرجع معه وياخذ ابوه الي بعده فوق
محد قدر يتفوه بكلمه حتى مي يوم كانت بتوضح له صرخ عليها وسكتها واول ما وصل البيت انفجر فيهم وبحده بصوته وبدون ما يصرخ : كنتم معها ولا لا
مي : لا تعصب افهم طيب
محمد : صرخ عليها : جاوبي
ملاك : ودموعها على خدها : محد انا لوحدي معي الشغاله بس وربي ما حسيت اني هنا (قصدها فالسعوديه )
محمد : ناظر خواته : خلونا لوحدنا
منى : وهي صدق خايفه منه مع انه عمره ماضرب احد بس يخوف اذا صرخ عليهم بهدوء :روح جيب ابوي بعدين كلمها
محمد : صرخ فيها بحده : روحي عن وجهي الحين
مي : محمد صح غلطت بس....
محمد : بصراخ : طلعي انتِ وهي ولا كلمه
انسحبوا من قدامه وملاك ترجف وجلست على الكنب من صراخه عليهم خافت صدق انه يضربها ضربه يوجع يوجع هي جربته قبل لا يضربها ويجرحها هي غلطانه وعارفه غلطها صرخت قبل يقرب منها : اسفه و ربي اسفه بس لا تمد يدك الله يخليك
محمد : وقفها بعصبيه وهي تنتفض بين ايدينه :انتِ عارفه وش سويتي وش مفكره عمرك تتحدين قوانين دوله ..ويصرخ هذا كله من دلعك الزايد مايهمك لو مسكوك وش بتقولين هاااه مهم قايلين بنت خالد المتوفي ساقت وخالفت بيقولون مرت محمد ناصر الـ.. وبينحط فملفنا وبنلف نتوسط عشان نداري فضيحتنا
ملاك : وهي تشهق من صراخه ودموعها تزيد : محد انتبه محد شافني وانا محسيت الله يوفقك خلاص وانا معي رخصه دوليه
محمد: صرخ فيها بحده : دوليه وش بتفيدك هنا ممنوع ياتربية براااا الشرهه على ابوك الي خلاك تسوقين وتاخذينها تبين تفضحينا
ملاك : جرحها كلامه انا تربية برااا ابوي ماعرف يربي بعدت عنه وهي تمسح دموعها وبصوت ضعيف ومكسور من جرحه وفيه رجفه :انا اعتذرت وقلت اسفه وجرح في انا الي غلطت مهو بابا ليه شو فيها تربيتي قول انتِ بس لا تهين بابا ..اسفه مره وعشره بعد اذا تحب واذا ما عجبك وديني سلمني لهم قلهم تربية براا خالفت انظمتكم وتمسح دموعها الي اطيح مهو انا اول وحده تنقذ احد فالدوله كثير غيري وعمره محد سجل اسمائهم لانه حاله طارئه بالعكس اذا شافها احد من العسكر يكمل عنها وينقذها..
محمد : وعصابه صدق فالتت منها وبستهزاء : ايه صادقه عايشه طول عمرك هنا الي جايه الحين تعلميني
مي : نزلت ومعها شنطه صغيره تبي تخليه يخرج بس عشان يهداء شوي قبل ما يصير شي زياده بينهم لانها سمعوا كل شي تقريبا دار بينهم بدون ما تناظره : خذ الشنطه وديها لهم حطتها على الارض ولفت
ملاك انسحبت من قدامه يوم لف يكلم مي وطلعت قبلها مع الدرج وهي محروق قلبها على ايهانته لأبوها
محمد : اخذ الشنطه بعصبيه وهو يناظرها وخرج
بيت يزيد
هند : جلست عنده وهو يتابع التلفزيون حاله متعب من بعد طلاق امه تغير كثير انكسر ظهره هي حاسه بحالته بس صعب عليها تنفذ طلبه صعب تعيش معها ماتقدر تعيش مع الي شهرت فيها مهي قادره تضمنها هي نشرت صورتها وهي بكامل زينتها كيف لو عاشت معها ممكن تظهر شي اخر هي بس كتمت غيضها عنه عشان امه ولا بعدها ما صفي قلبها لفعلتها فيها وخايفه انها تخسر احترام يزيد لها برفضها
يزيد: من بعد مارجع هو وعامر من عند امه بعد العشاء وهو على جلسته رفضها لحد يسكن معها ذبحه كيف راح يخلونها تعيش لوحدها هو خايف من مشاكلها لو انتقل معها وهي اصلا مهي متقبلته ولا متقبله زوجته ويذكر حدتها وصراخها علىى عامر انه طلع من البيت مستحيل يرجع له وخصوصا بعد ما سلموها ورقة البيت الي ابوهم كتبه باسمها وكلمتها الي جرحتهم فيها على طيب ابوهم وهي تردد : شي طبيعي وش اتوقع من ارخمه مثله غير انه يكتبه باسمي خوف اني اعانده وما اخرج ..صدمه ليه من يوم ما اطلقت وهي ما تناديه غير كذا وش الي بينهم حتى خالهم قالهم خلوها فبيتها وزوروها بستمرار وكل ليله واحد فيكم ينام معها حتى لو ما شلتم عيالكم لين ما ينكسر الي براسها
بيت ابو محمد
الصباح الساعه تسعه
ابو محمد خرج وشاف سيارته انها فيه وهو منقهر من تصرفه الي مختفي طول الليل ولا احد يدري عنه توجهه لبيت الشعر لانه توه سائل منى رجع ولا لا وخبرته انه مهو فيه دخل واشعل النور وشافه وهو نايم ومغطي وجهه بشماغه اقترب منه وهو عند راسه ناداه بصوت منخفض وصارم :محمد قوم اعتدل اشوف
محمد : ماكان نايم وحس بالحركه والنور وهو تعبان مرهق ومقهور من كل الي صار هو غلط عليها بس هي غلطتها كبيره صعب يسامحها بسهوله شال شماغه عن وجهه ويجلس وبصوت فيه بحة السهر :خير يبه
ابو محمد : جلس قريب منه وهو يناظره بتفحص وبنبرة عتب : غيابك عن البيت طول الليل متدري عن اهلك تشوفه صح ..يوم نزل نظره كمل ..اذا بنتنا وهي عندنا غبت عنها ولا سئلت وش مسوي معها برا لوحدكم لا يكون هااد بيتك بالايام كل ما زعلت
محمد : رفع عيونه يناظره وهو بعده منزل راسه هو مجروح مهو ناقص عتب ابوه بعد :ماضنيتك تشك بتربيتك
ابو محمد : يحط يده على كتف ولده : يابوك الزعله وان كانت كبيره يوم تكون بينك وبين مرتك ومحد يدريبها انتم بتحثون عليها التراب وبتخمدونها لكن يوم تكبر كل من درى عنها بيحثى التراب بالعكس وبتوسع الفجوه بينكم ..وبنت خالد لو غلطت عليك تعالي وقول وش سوت بنتي وانا ابصر فيها اعرف كيف اردها لعقلها ولو انت الغلطان باخذ حقها منك
محمد: يبه ..
ابو محمد : قاطعه: اسمعني زين الحين انا وراي شغلي لكن اصحك يابوك مره ثانيه تعيد سواتك وتخرج من بيتك وسكر بابك عليكم وحلوا الي صار بينكم انتم منتم لوحدكم محد حولك يشوف ويسمع بكره بيجونك عيال ويكبرون كل مره بتبين زعلك وتهجر غرفتك وتنام بعيد عيالك بيقلدون سواتك مع حريمهم ويربت على كتفه قوم يابوك اطمن علىيها وربي يحفظ لك ولدك باذنه ورتاح و نام
محمد:ناظر ابوه بتوتر واضح : وش فيها
ابو محمد وهو يوقف : ادخل واسائلها ..ومشي عنه
محمد قام بسرعه وابوه مطنشه وهو يرد يسئله راح ودخل البيت وشماغه بيده وكان هادي مافيه احد بطريقه طلع فوق وشاف منى ببجامتها عدت من عنده ولا كنها شافته زعلانه منه ودخلت غرفتها تقدم وفتح باب غرفته وكانت ظلام التفت لمي الي خلفه
مي وهي لابسه بجامتها بتطمن عليها وتروح تنام همسة له : لا تصحيها توها نامت
محمد : مسك يدها وبعد شوي عن الباب وبهدوء الي يخلف ورائه رجفه عميقه تجتاح كل جسمه : وش فيها؟
مي : نزلت نظرها عنه وهي تهمس بحياء : نزفت شوي البارح وديناها المستشفى مع ابوي وعطوها مثبت ولازم تنام على ظهرها اسبوع ما تتحرك وتوها نامت ما رجعنا غير سبعه انتبه لها بروح انام الحين ..مشت عنه وهو عينه عليها ولا نطق بحرف دخلت غرفتها وسكرت بابها وهي تذكر شكلها البارح يوم اتصلت فيها ملاك بعد ساعه من الي صار وراحت لها وشافت وجهها شلون مخطوف وباهت من الخوف وهي تهمس لها
ملاك :بكل رهبه وخوف متدري ايه تسوي وهي جالسه على السرير و رجولها ترتعش كلمت مي تجيها همست لها بصوت باكي :معي نزيف
مي : ماستوعبت في البدايه وبعد ثواني بلعت ريقها بصعوبه وهي تقول :كثير ولا قليل وشهو تحسين
ملاك : شوي بس نقاط ماني بحاسه بشي ..وبكيت وهي تناظر مي وتسائلها ..بيروح البيبي ؟؟
مي: اهدي بكلم خالتي ونروح المستشفي لا تخافين اذا بسيط مهو برايح لا تتحركين ..انتِ وش شايله الي يجيك ؟
ملاك: ورجفه رجولها تزيد بس تتخيل انه تفقد طفلها وبصوتها الباكي: حاولت اشيل حماده وكنت اجري مع الدرج ..
محمد: دخل بهدوء وهو يعصر شماغه من بين ايدينه قرب منها وقف يشوفها على اضاءه الشمس الي تتسلل بشي بسيط من خلف الستائر يرجف من داخله لكن ما بان شي على ملامح وجهه تأمل وجها وباين عليه انها ما نامت غير بعد ما بكيت شلون قدر يخليها لوحدها وهو يعرف ضعفها وخوفها على الجنين الي كل يوم تكلمه وتحكي له وتتكلم معه كانه يسمعها ويشوفها ابتعد عنها ورجع للخلف ودخل غير ثوبه وتوضأ وتوجه بهدوء ودخل في فراشه وعطاها ظهره ما يقدر يتحمل يشوفها وهي متعبه كذا بدون ما يلمها لحضنه وزعلان منها بنفس الوقت على كذبتها وسواتها حاول ينام مع شدة ارهاقه لكن بعد فتره طويله قدر انه يروح فالنومه
غرفة منى
كانت تتقلب تحاول تنام مقهوره من كل الي صار اليوم دمعت عينها وهي تشد من احتضان مخدتها الصغيره قهرها الي صار لـ أحمد وكسر يده وحزنها عليه ..ضاع مخطط زفتها كانت ناويه تنزف مع احمد وهو الي يكون لابس البشت ..وزعلانه من خالد لانه زعل يوم قالت له انها تبي تطلع لوحدها ..وكملها عليها محمد بصراخه عليهم و خوفها على البيبي يصير له شي حاسه كل شي ملخبط ومتوتره لا ابعد حد ضغط نفسي كبير حاسه فيه وغير الايام صايره تركض بسرعه خلاص ما فضل غير ثلاثه ايام وتترك اهلها خايفه من كل حياتها القادمه ودراستها خايفه ودها تصرخ بكل صوتها بدل ضحكاتها الي تواجه بها اهلها لازالة التوتر امامهم دفنت وجها بالمخده وبكت بصوت انين مستحيل تتخيل خالد يصرخ عليها مثل صراخ محمد اليوم تبيه مثل ابوها وحنانه مسحت دموعها وتناولت جوالها ..لتهمس بحده حين سمعت الصوت ..يااويلك تصرخ علي وترفع صوتك ولا خليني عند ابوي احسن
خالد :انتفض من صوتها الحزين وبخوف لحالها : منى قلبي وش فيك ؟؟..ماردت عليه غير بانين باكي ..نخر وجدانه ..ياعمر احمد صار عليه شي الي تبكين
منى حركت راسها لا وبعدها همست: لا ..بس اوعدني ما تصرخ علي
خالد بحنان :قلبي احد مزعلك
منى : ايه انت ..وداركت عمرها ما تبيه يعرف عن الي يصير عند اهلها وستغلت الفرصه
خالد: بصدمه وضحك بصوته : وش مسوي
منى : قول انك موافق ما تطلع معي
خالد : مسوي عمره زعلان :افا ليه ماتبيني اطلع معك ما اشرفك يعني
منى : ردت بسرعه وهي تعدل جلستها وتمسح الاثر الباقي من عيونها :لا لا لا تفهم على كيفك ..ودلعت صوتها ..حياتي يرضيك اطلع عند الرجال اعرف بتعصب لكن انت هذا الي بتسويه بتخرج وسط حريم وما تبيني انقهر
خالد بضحكه : هههههه ريحت شياط الغيره وصلني كيف لو كنت عندك انصرع
منى : ضحكتها ضحكته :ياسلام تبيني اغار بالغصب ..وما تبيه يتمادى ..الا تعال انت وش مصحيك الحين الي رديت علي بسرعه
خالد : وهو يضحك على اسلوبها الي تغيرت من بكا لغيره لجد : ياعمري بعدني ما نمت
منى : ليه وش عندك وش تسوي
خالد : ولا شي ما جاني نوم جالس اتصفح النت وتوني مخلص جرايد اليوم ..ويكتب بجهازه المفتوح امامه
..وغلاتك عندي اطلبي الي تبين انتِ وتشوفين كان ما سويته
..صدق حبيبي اجل اذا صدق تحبني تكلمني يوم الزواج اعرف انك مشغول بس هـالشي بيثبت غلاي عندك
..بس كذا امري امر ياقلبي لك الي تبين بس هاتي رقمك
..مستحيل كلمني مسن ولا ما تقدر بس حبك كلام في كلام
..لا تتحدين فديتك ما يرجف القلب غير لك
منى : االوو وينك
خالد : معك انتِ الي معد لك صوت
..وعد تكلمني
..وعد
صحي على حركتها جنبه فتح عيونه ورجع سكرها من النوم بعد ثواني فتحها بكسل وهو يبتسم بداخله وريحتها تتغلقل بداخل انفاسه ...فتحت عيونها وشافته عندها وجهه جهتها ونايم على ذراعه تحت راسه سحبت عمرها بشويش ورفعت يده الثانيه ودخلت بحضنه وهي تلامس خدها لصدره وتقبله والقصه رجعت لحلقها دفنت وجها اكثر بصدره حست بحركته وصحوته من تنفسه تبيه يسامحها مستحيل تخليه يزعل منها هي حتى وان زعلانه منه ما تقوي على زعله عليها و خايفه على طفلها مستحيل تخلي الزعل بينهم يكبر لو ايه ما صار وتشتت عيالها هي جربت الحياه بين ام واب منفصلين حتى وان كانت مافيها مشاكل وعاشت بحبهم يضل المها ما ينمحي وهي كل مره مع واحد منهم حست بحركته قبلت صدره وهمست بصوت هامس ناعم مع نعومتها وبحة النوم واضحه : اسفه
محمد : ذبحته بحبها وحنانها حتى وهو يحبها عمره ما راح يوصل بحبه لها قدر الي يشعر فيه من قوة حبها له باس راسها وهو يمسح على ذراعها ويرفع نفسه يتكي على يده وبصوت بحه خشنه همس : كيفك الحين
ملاك :ناظرت وجهه ثواني ورجعت تلصق وجها بصدره بعده زعلان منها هي تعرفه زين من ملامحه يوم يكلمها وبحزن بصوتها همسة:ماني حاسه بشي بس خايفه اقوم وبصوت باكي والدموع بعيونها المغمضه ..ما بيه يروح احبه
محمد : اخذ نفس عميق ارتفع معه القفص الصدري وبعد راسها باس جبينها ويمسح على شعرها :نفذى كلام الدكتور ولا تخافين ..و لف عنها يبي يشوف الوقت وكان قريب العصر يجلس ويعتدل بجلسته وهو يمسح على وجهه ويفرك عيونه ويقوم وياخذ شور وصلى الظهر وهو يلبس بثوبه ما بقي شي وياذن العصر شافها تصلي وهي جالسه على الكرسي وقف عند التسريحه لبس ساعته وتعطر ومشط شعره وكلمها وهو يشوفها بالمرآيه بعد ما انهت صلاتها ليه ما تقدرين تصلين وانتِ واقفه
ملاك : بحزن : لا تزيدني انت بعد خجلانه من ربي الي اصلي كذا وانا اقدر امشي بس شو اسوي ما يبوني اتحرك كثير
محمد: قبل ما يرد دق الباب وراح له فتحه وكانت خالته حب راسها : متى خرجتي
ام احمد: وهي متعبه ومثقله بالوجع مصاب اثنين وكلها ايام وتودع وحده من بناتها وتترك حضنها اجابته بصوت مرهق :توني الي نص ساعه راده ملاك وينها وش مسويه
محمد: يفتح الباب بشكل اكبر وياشر لها عليها وبصوت ضاحك : شوفيها عندك عنيده اقلها لا تقومين تقوم
ملاك : شدت عيونها فيه وبصوت دلع : يالنصاب ما قلت.. وهي توقف تتقدم من امها وتفك جلالها..
ام احمد: خلك ارتاحي وش مقومك من سريرك وتوصلها وتحضنها
محمد:وهو يبي يخرج وبضحكه بصوته :استلميها خالتي ترها اتعبتني لا اكلت ولا اخذت دواها
ملاك : بعد ما باست يد امها ناظرته بحده وبرنة دلع : ترى يقولون أي توتر وكذب علي يزيدني ما يعافيني
ام احمد:تمشي معها وهي تبيها توصل السرير : بطلي دلع واياني واياك اشوفك تقومين... وتلف لمحمد ..وين تبي تروح ..
محمد: الحين ياذن العصر بروح اصلي ليه تامرين شي
ام احمد: ايه بعد ما تصلي مر على جدتك جيبها معك
بعد العصر
مجتمعين كلهم حول الجده ام فايز بغرفه جلستها ارضي قريبه من الغرفه الي تنام فيها اذا جاتهم
ام فايز : وهي تكلم ام احمد وتمسح على راس احمد النايم بحجرها : يامك اذبحوا وزعوا صدقه عن عيالكم عوذه وش الشي الي صابهم ..يامك عيون الناس ما ترحم قولي لابو محمد يصدق عنهم
ام احمد : بكل احترام وتقدير لها و لخوفها على عيالها : تامرين خالتي بخبره وباذن الله ربي بيحفظهم لي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك