رواية شامخة وبنت رجال وجاء من يغلبني -8
سحر:اها كذا السالفه
ساره :ايه وتركي لأنه يبغى يشتغل مع أخوه وبعدها يسوي شركه خاصه فيه وافق على شرطه وجاء هنا وصار مديرنا
سحر:الله يعين إذا كان هذا مديرنا
ساره بنبرة دفاع واضحه:لا حرام الصراحه هو طيب مع الكل ويحترم الكل ويقدر ظروفنا يعني أحسن من ناس كثير شفناهم
سحر:طيب ليش ما حط له مكتب خاص بعيد عن مكاتب الموظفين لبش حاط مكتبه بينهم
ساره:قلت لك يختلف عن ناس كثير شفتهم هو متواضع ويحب يختلط معانا ويكون بينا يحسسنا بروح الجماعه على قولته
نوره جات وسحر رجعت مكانها وهي تفكر إذا هو مديرها عز الله راحت فيها أكيد بتواجهه في وقت من الأوقات
سمعت طق باب ودخلت أمها عليها
أم خالد وهي تجلس:وش أخبار الشغل معاك
سحر:ماشي الحال اليوم أول يوم والحمد لله
أم خالد:شفتي شي هناك
سحر فهمت أمها بس حبت تتأكد:وش شفت مافهمت عليك
أم خالد:ناس مريشين
سحر بتأفف:وإذا شفت آنا وش دخلني فيهم
أم خالد:وشلون وش دخلك ابغاكي ترسمين عليهم يمكن واحد منهم يضبط معاك وتأخذينه وتتنعمين بخيره
سحر بملل:انا ماراح ارسم على شي ولا ابغى اخطط على شي وانسي هالموضوع وآنا الحمد لله عايشه بخير كثير ونعمه ولا عاد تجيبين لي هالطاري ابد
أم خالد:غبيه طول عمرك غبيه من يوم شفتك تقعدين مع المتخلفه أختك وآنا غاسله يدي منك
قامت وطلعت وسحر حست بضيقه ما راح تروح إلا إذا قعدت مع أختها اللي تحس فيها وكلامها يفتح النفس ويرد الروح طلعت من غرفتها وهي بتطق الباب سمعت صوت أختها وتفاجات من اللي سمعته
&&&&&&&&&&&&&&&&&&&&&&&&&&&
في مكان وبيت ثاني
أم عبدالمجيد:هذي الساعه المباركه والله
عبدالمجيد:يمه لا نستعجل يمكن البنت ترفض
أم عبدالمجيد:هوووو ليش ترفض
ماجد:يعني يمه كأنك ما تعرفين الجوهره
دخلت على طاري اسمها
الجوهره:وش فيها الجوهره
سكتوا كلهم
الجوهره:وش فيكم سكتوا وش صاير
أم عبدالمجيد و ماجد يطالعون بعض وعبدالمجيد تكلم :احنا كنا نتكلم في موضوع يخصك
الجوهر:يخصني وش السالفه
أم عبدالمجيد:يا بنيتي كل بنت إذا كبرت مالها إلا مصير واحد
الجوهره واللي فهمت على طول :إذا كان اللي أفكر فيه هو موضوعكم انسوا
ماجد:وش ننسي اننا المفروض نفرح فيك
الجوهره:ماجد سكر الموضوع انت عارف إني ما راح أوافق
عبدالمجيد جلس جنبها :ليه يالغاليه علشان ريان ونوف ونايف الرجال الي متقدم لك قال إذا صار نصيب بتاخذونهم معاكم يعني ما في مشكله
الجوهره بصوت هادي:انا قلت لا وخلاص ما عندي كلام ثاني
أم عبدالمجيد:يا بنيتي
عبدالمجيد يقاطع أمه:يمه خليها على راحتها بس ترى انا ماراح أرد على الرجال راح أعطيك 3 أيام تفكرين وبعدها ردي علي رد أخير
الجوهره:ما له داعي لاني ماراح أغير رأيي
ماجد:بس هذا طلب المتقدم لك
أم عبدالمجيد:وش هالطلب الغريب
ماجد:والله يمه حتى احنا لما طلب منا طلال هالطلب استغربنا
الجوهره:من قلت
ماجد :قلت طلال هو اللي متقدم لك
الجوهره:قولوا له لا وماله داعي تنتظرون 3 أيام على الفاضي
عبدالمجيد:لا هو طلب وآنا بنتظر 3 أيام بعدين ابلغه
الجوهره قامت وراحت غرفتها وهي تفكر :هذا وبعدين معاه وش يقصد ياربي بها الحركات أول شي في المطعم والملاهي وبعدها في السوق والحين الخطبه شكل هذا واحد مختل
وبعد لحظات قطع تفكيرها رنة الجوال اللي كانت دلول واللي قالت انها بتجي لها بكره بعد ما سكرت منها وصلها مسج فتحته وعرفت من صاحب المسج(انتظر ردك على نار وأتمنى ما ارجع مكسور الخاطر)
الجوهره:هذا مو صاحي والله مصدق نفسه بس انا اعلمه .مسكت جوالها وأرسلت له(لو انت أخر رجال في الدنيا ما وافقت عليك)
ثواني ورد عليها بمسج (هذا جوابك النهائي)
ردت عليه (ولا تحلم بغيره وارجوا انك ما عاد تزعجني) وبعد لحظات رد عليها بمسج خوفها (أنتي قررتي تحملي مفاجأه بكره)
الجوهره:ياربي وش يقصد بها الكلام شكله ما عنده سالفه بس هو مجنون وما فيه عقل لا لا أنتي الجوهره وما في احد يقدر عليك ولا يغصبك على شي وتركت أفكارها وخوفها وقامت تشوف أخوانها
أحسن لها
قاعد في الاستراحه مع ربعه وسرحان فيها معقوله الدنيا صغيره هالكثر أشوفها من بدت هالناس ولا هي موظفه وآنا مديرها ..صار يبتسم وهو ناوي عليها نيه :انا اوريك ان ما خليتك تتعذبين ما اكون تركي
غسان وهو يصارخ في أذن تركي: ترككككيييييييييي
تركي:عمى ان شاء الله وش فيك ترى إذني أبيها
غسان:اسأل نفسك صار لي ساعه أناديك وأنت مطنش
تركي:أسف ما كنت معاك
غسان :اللي مأخذ عقلك يتهنى به
تركي:تعرف يا غسان شكلي بحب شغلي
غسان:مافهمت
تركي :شكل الشغل بيحلو
غسان:أي شغل أقول يالله لك الحمد والشكر
تركي:ولا شي المهم وش رايك نطلع تراني اختنقت
غسان :يله
وطلعوا يتمشون وطبعا تركي رجع للسرحان مره ثانيه وغسان رجع يكلم نفسه
&&&&&&&&&&&&&&&&&&&&&&&&&&
حست بضيقه ما راح تروح إلا إذا قعدت مع أختها اللي تحس فيها وكلامها يفتح النفس ويرد الروح طلعت من غرفتها وهي بتطق الباب سمعت صوت أختها وتفاجات من اللي سمعته طقت الباب وبعد ما سمعت رد أختها دخلت وجلست على السرير وهي تطالع أختها
سحر:من هذا
عبير:من تقصدين
سحر:اللي تكلمينه
عبير خافت و ما ردت ونزلت راسها
سحر مسكت يدها:عبير رفعي وجهك وكلميني انا ما جيت أسالك لاني ابغى أحاسبك انا جيت أسالك لاني خايفه عليك انا احبك وأنتي أختي وصدقيني لو في خير لك راح أوقف أول وحده معاك
عبير حضنت أختها وهي تبكي
سحر:خلاص حبيبتي هدي وقولي لي كل شي
عبير هزت راسها وهدت نفسها وصارت تتكلم وعيونها في الأرض:اللي اكلمه عبدالمجيد
سحر ما استوعبت:من عبدالمجيد
عبير :ولد عمي سالم لله يرحمه
سحر:سكتت وما ردت
عبير:والله العظيم ما في بينا إلا كل خير وآنا ....... وسكتت
سحر:أنتي ايش تحبينه وهو يحبك
عبير أشرت برأسها بمعنى :ايه
سحر:طيب ليش ما يتقدم لك
عبير:سحر اللي يسمعك ما يقول أنتي عايشه معانا وعارفه أبوي وش كثر يكره عمي سالم من يوم هم صغار ويغار منه وإذا جاء عبدالمجيد أكيد بيطرده لأنه ولد عمي سالم الله يرحمه
سحر:لا حول الله بس أنتي عارفه لو احد سمعك كان ذبحوك
عبير:عارفه بس والله إني أحبه وما اقدر أتخيل حياتي بدونه
سحر ابتسمت لأختها وصارت تمسح دموعها :خلاص حبيبتي انا واثقه انك لا يمكن تغلطين بس انتبهي لا احد يسمعك وان شاء الله راح يجي يوم وتتزوجينه
عبير حضنت أختها :يا بعد عمري الله لا يحرمني منك ابد خفت ما تفهميني
سحر وهي تضمها:ولا منك
وبعدت عنها سحر:يله انا بروح أنام تصبحين على خير
عبير بابتسامه:وأنتي من أهل الخير
عبير وقبل ما تطلع سحر نادتها :سحر مشكوره لأنك واثقه فيني وقدرتي موقفي
سحر:لو احد غيرك كان أكيد بنتفها بس أنتي أم العقل كله وآنا واثقه منك وبعدين عبدالمجيد معروف عنه بالعقل والطيبه وما ينخاف منه ولا هو من الشباب اللي راعين خرابيط وابغى منك إذا احتجتي شي أو بغيتي شي تجيني اوكي
عبير:اوكي مشكوره حبيبتي
سحر:العفو ....وطلعت وراحت تحاول تنام علشان الشغل
&&&&&&&&&&&&&&&&&&&&&&&&&&&&&&
صحت الصبح على المنبه اللي ضبطته علشان تصحي إخوانها قامت وخذت شور سريع وراحت تصحيهم وزي العاده تتعذب معاهم لحد ما تجي ميري وتتصرف معاهم
نزلت ولقت خالتها أم عبدالمجيد وإخوانها قاعدين يفطرون
الجوهره:صباح الخير وهي تبوس رأس خالتها
أم عبدالمجيد وعبدالمجيد وماجد:صباح الخير – صباح النور
جلست تفطر وكان الكل ساكت لحد ما تكلمت خالتها أم عبدالمجيد:ها بنيتي عندك اليوم محاضرات
الجوهره:ايه خالتي عندي على الساعه 10 ان شاء الله
أم عبدالمجيد:زين
جاء ريان ونايف ونوف وميري وصبحوا على الكل وجلسوا
والوضع كذالك هدوء حست انها منزعجه مو متعوده على هدوء إخوانها تعودت كل صبح على سوالفهم وإزعاجهم
قام عبدالمجيد وماجد بيروحون أشغالهم وباسوا رأس امهم وعبدالمجيد قبل ما يطلع:الجوهره قلت محاضرتك الساعه10
الجوهره :ايه
عبدالمجيد:خلاص الساعه10 القاكي جاهزه انا اللي بمرك اوديكي الجامعه
الجوهره:بس انا متفقه انا ودلول نروح جميع
عبدالمجيد:لا اتصلي فيها وقولي لها انك بتروحين معاي
الجوهره :طيب
وراح وبعدها راحوا إخوانها وبقت هي وأم عبدالمجيد اللي ظلت تناظرها
الجوهره:خالتي في بقلبك كلام انا عارفه قوليه
أم عبدالمجيد:ماله داعي اخاف تزعلين
الجوهره بابتسامه:لو ازعل من الناس كلهم ما ازعل منك
أم عبدالمجيد:ماراح أقول لك شي غير فكري مره ثانيه
الجوهره:في ايش قصدك موضوع الخطبه
أم عبدالمجيد وهي تقوم:ايه يا بنيتي ترى محد يدوم لأحد ابغاكي تفكرين في شي أنتي الحين تربينهم وتفنين عمرك لهم بس إذا كبروا وتزوجوا تظنين بيدرون عنك
الجوهره:وش قصدك يا خالتي ان إخواني ما يذكروني
أم عبدالمجيد:لا قصدي انهم بيشوفون حياتهم وأنتي بتظلين وحيده حتى لو هم زاروك راح تظل الوحده في قلبك ابغاكي تفكرين مره ثانيه
الجوهره:ان شاء الله.......طلعت أم عبدالمجيد والجوهره تفكر معقوله إخوانها إذا كبروا من كثر انشغالهم في حياتهم ماعاد يذكرونها معقوله
&&&&&&&&&&&&&&&&&&&&&&&&&&&&&&&&&&&
صحت الصبح ونزلت تفطر مع أختها اللي الكل بيغثها نزلت وحصلت أمها زي ما توقعت تقط كلام مثل السم على أختها وأختها ساكته زي عادتها ما ترد
أم خالد:أنتي ما وراك خير ابد
سحر وهي نازله من الدرج و تبغى تنقذ عبير:يالله صباح خير
عبير بابتسامه لسحر:صباح النور يا حلو
سحرت ترد لها الابتسامه:صباح العسل
أم خالد:وش عندك ما تصبحين علينا ولا احنا مو قد المقام يا بنت الباشا
سحر:وش فيك من الصبح مولعه نار الناس تقول يالله خير وأنتي شابه مثل كبريت
أم خالد بعصبيه: يا للي ما تستحين على وجهك في احد يقول عن أمه كبريت هذا بدل ما تبوسين راسي
عبير برجاء:سحر ما يصلح
سحر طالعة أختها المسكينه وما ردت عليها
ورجعت تكلم أمها:والله يمه أنتي تعرفيني اللي في قلبي على لساني وما علي من احد وما تعودت أجامل احد حتى أنتي
أم خالد:صدق انك قليله أدب
سحر وهي تفطر :انا قليله أدب مو أنتي كله تقولين أنتي تربيتي وطالعه علي ولا الحين صرنا ما نعجبك
أم خالد وهي تقوم:سميتي بدني الله يسم بدنك ان شاء الله وراحت تصعد الدرج
عبير:سحر وش سويتي الله يهديك ما يصلح تكلمين أمنا كذا
سحر بعدم مبالاة:أقول واللي يرحم والديك خليك بعيد محد يعرف ويفهم لها إلا انا
عبير سكتت وهي عارفه ان فعلا مافي احد يعرف ويفهم لامها كثر سحر
وكملوا فطور وسحر تسولف لعبير وتضحكها علشان ما تأخذ بخاطرها من كلام أمها اللي يهز البدن
بعد ما خلصت فطورها قامت وودعت أختها وراحت للشغل وأول ما وصلت تفاجات بشوفته واقف عند الباب
سحر:هذا واقف وش يسوي يووه وش فيك يا سحر لا لا ما اعتقد ينتظرك لا لا يمكن ينتظر احد من الموظفين وظلت في السياره وهي تفكر لحد ما كلمها السواق:ماما ما في انزل
سحر:ها إلا بنزل
ونزلت وهي تقوي نفسها علشان ما تبين له انها مرتبكه وراح تتجاهله وكأنها ما تعرفه ابد
&&&&&&&&&&&
تركي:صحيت من الصبح متنشط وتجهزت ورحت للشغل حتى بدون ما افطر ولما وصلت ورحت مكتبها عرفت انها ما بعد تجي فقررت انتظرها عند الباب ادري يمكن يسبب هالشي مشاكل لها بس ابغى شي واحد أشوف ردة فعلها لما تشوفني وبعد دقائق وصلت وشفتها من نافذة السياره لما شافتني وتفاجات وظلت بالسياره وما نزلت وبعد فتره نزلت ومرت من قدامي وكأنها ما تعرفني بس انا أعلمك
راحت مكتبها وآنا رحت مكتبي اللي هو مصادف لمكتبها وبديت اجمع الأوراق وبعض المعاملات اللي تحتاج انها تدخل بياناتها في الكمبيوتر وتوجهت لمكتبهم
سحر لما دخلت على ساره ونوره بابتسامه:صباح الخير
نوره :صباح النور
ساره:صباح النور والبنور واللولو المنثور
سحر:الله الله وش هالصباح والترحيب كله
ساره:ابد حبيت امدح احد وما لقيت غيرس امدحه وأتغزل فيه
سحر:ههههه ههههههههه
نوره:يالله لك الحمد والشكر صدق خبله
وقعدوا وبعد فتره سمعوا طق على الباب والتفتوا وشافوا تركي على الباب
سحر حست ان وراء جيته بلوه أو مصيبه لها فنزلت راسها تشتغل على طول بس فتحت أذانيها على الأخر
تركي بابتسامه:صباح الخير
ساره ونوره:هلا والله صباح النور
ساره:وش عندك مسير علينا من الصبح
تركي:ابد في شوية معاملات لازم تدخل بياناتها الكمبيوتر وبعدين سمعت ان في شخص جديد عندنا من عمي فقلت أجي أعطيكم المعاملات ومناك أشوف الموظف الجديد
ساره:اها حياك
تركي وهو يطالع سحر:حياك بينا
سحر رفعت راسها وصارت تناظر في أي مكان إلا تركي وبهمس:الله يحيك مشكور
تركي :اليوم مسوين اجتماع لكل الموظفين ولازم الكل يحضر وأنتي بعد علشان تتعرفين هنا على كل الموظفين وهم بعد يعرفونك يعني هذي عاده عندنا علشان تتعودين على كل الموجودين وتأخذين راحتك
سحر وهي تهز راسها:ان شاء الله
تركي:ساره اسمعي ترى بعد شوي عبدللطيف راح يجيب لك أوراق ومعاملات وابغاه على طول في الكمبيوتر
ساره وهي ترفع يدها مثل العساكر:حاضر
وهذي اللي معاي لنوره وهو يمد نصها لنوره :ابغاك تخلصينها
ويمد النص الثاني لسحر:وهذا لك ابغى أشوف شغلك ....قالها هالكلام وهو يرفع حاجبه وكأنه اللي يقلل من قدرها وإنها ما تعرف تشتغل
خذت الأوراق وظلت تطالعهم علشان ما تطالعه وهي في نفسها :اوريك من اللي تشك في قدراتها
ابتسم تركي:والحين أخليكم تكملون أشغالكم
وطلع وهي رفعت عيونها تتابعه ولما وصل عند باب مكتبه التفت لها وهي على طول نزلت عيونها في الأوراق اللي قدامها بس لمحت ابتسامته لها وما فهمتها بس خافت منها
&&&&&&&&&&&&&&&&&&&&&&
تجهزت ولبست وخلصت وتنتظر عبدالمجيد يجيها علشان يوصلها الجامعه مثل ما اتفقوا وفعلا ما مر ثواني إلا عبدالمجيد يدق عليها جوال ويقول لها تطلع لبست عبايتها وطلعت وركبت وهي تجهز نفسها علشان إذا فتح معاها موضوع طلال مثل خالتها أم عبدالمجيد وهي مجهزه ردها عليه وهي مقرره انها تحاول تقنعه علشان يوقف معاها في رفضها وطول الطريق كان هدوء لحد ما وصلوا الجامعه ونزلت وما تكلم معاها في شي
الجوهره:غريبه توقعته راح يقول شي عن الموضوع بس الحمد لله ان عبدالمجيد من النوع اللي يقدر ولا يبغى يضغط علي ولا كان ما أفتكيت من عوار الرأس ابد .....وانتبهت انها سرحانه وهي لحد الحين واقفه بعبايتها وبسرعه فسختها وراحت تلحق على المحاضره الأولى علشان ما تطرد منها
&&&&&&&&&&&&&&&
خلصت إدخال البيانات بأسرع وقت وعطتهم ساره وطلبت منها توديهم مع معاملاتها وبعدها بساعه جاء وقت الاجتماع وجلس الكل
كان الاجتماع لقسم موظفينه بس
تركي:اجتمعت معاكم اليوم لاننا زي العاده إذا جانا موظف جديد نتعرف عليه وعلشان هو يتعرف علينا ويصير في تعاون ورح رياضيه بينا في الشغل واليوم عندنا موظفه جديده
وهو يطالع سحر والكل يطالعها: ممكن تعرفينا عن نفسك وتكلمينا عن شهاداتك إذا ما عندك مانع
سحر في نفسها:والله رحت فيها بس لا ما لازم أبين أني مرتبكه وقالت بصوت
واضح:اسمي سحر عبدالمحسن ذياب............ولمحت ابتسامه تركي
وكملت :شهاداتي بكالوريوس سكرتاريه وعندي شهادات دبلوم لغة انجليزيه وحاسب الي وبدت تعدد الشهادات.... وبعدها سكتت وبين الإعجاب في عيون البعض
تركي:طيب ليه ما اشتغلتي في سكرتاريه كان أحسن لك
سحر:أفضل الاحتفاظ بالاجابه لنفسي
هز رأسه بمعني فهمت وبعدها تعرفت على الموظفين وبعدها خلص الاجتماع وقبل ما تطلع ناداها تركي:انسه سحر
سحر التفتت وبكل رسميه:نعم أستاذ
تركي :خلصتي التدقيق والشغل اللي عطيتك إياه
سحر:ايه
تركي:ابغى أشوفه على مكتبي بعد شوي
سحر ما قالت له انها قالت لساره توديه مع ملفاتها علشان ما يثبت عليها انها خايفه وراحت وخذت ملفاتها من ساره وطقت عليه المكتب
تركي:تفضل
دخلت وحطت الملفات ولما لفت تطلع سمعت صوته
تركي بسخريه :سحر أحلى من نوراه بكثير
لفت عليه سحر وبكل ثقة:نواره ماتت ما لها وجود بعد اليوم
تركي وهو يقوم لها :صدق ما صدقتك
سحر:مو مضطره اثبت لأحد صدق كلامي ما دامني واثقه من نفسي
تركي:تدري ان ابو شملان صديق عمي وشريكه في المؤسسه و دائما يجي المؤسسه
حست بخوف وما فات تركي رجفتها
سحر:ادري شفته
تركي باهتمام:وهو شافك
سحر:لا ما شافني
تركي هز رأسه ورجع مكتبه
سحر كملت مشي ناحية مكتبها ووصلها صوت تركي:هو يجي المؤسسه كل سبت وثلاثاء علشان يوقع أي أوراق تحتاج توقيع لا تخلينه يشوفك في هاليومين وانتبهي
سحر لفت له وشافت عيونه على الأوراق وقالت: شكرا .........ومشت لمكتبها بسرعه
وتركي ظل يطالع الباقي من طيفها:العفو..........ورجع لشغله وأوراقه
تابع
في مثل هالوقت الكل يريح من دوامه أو اللي في بيته يتغدى وهو واقف من ساعه ونص ينتظرها لما تقوم من عند المحل يبغى يعرف عنها كل شي وهو اتخذ قراره أمس وراح ينفذه وما راح يتراجع عنه ابد وبعد ربع ساعه شافها قامت ووقفت سياره في الشارع المقابل وهي راحت لها وركبت ولما دقق في السواق لقاه هو نفسه الرجال المقزز المقرف
فيصل:ايه أكيد هذا زوج امهم الله لا يبارك فيه
مشت السياره وهو وراها بس من بعيد علشان ما ينتبه له اللي يسوق له وبعد فتره دخلوا حاره متواضعه وأهلها ناس بسيطين ونزلت البنت وكانت هالمره لحالها والبنت الثانيه والصغيره مو معاها وبعدها حركت السياره والبنت دخلت البيت
فيصل:هذا بيتهم يله بسم الله وعلى الله توكلنا
نزل من سيارته ووقف عن الباب وخذا نفس وطق الباب ما سمع احد يرد عليه ورجع يطق الباب وبشكل أقوى وسمع صوت بنت
حنان:مين عند الباب
فيصل عرفها من صوتها:أنتي الأخت حنان صح ولا انا غلطان
حنان بخوف وهي تفتح طرف الباب وهي لابسه حجابها على راسها :من انت
ولما شافته شقهت
حنان في نفسها:هو المحامي ايه هذا هو بس ايش يبغى
حنان:مو انت المحامي
فيصل:ايه انا المحامي وآنا جاي ابغى اكلم الوالده إذا ممكن
حنان:والله ما ادري إذا اقدر أدخلك وسكتت وكأنها حايره......وشاف البنت الصغيره رؤى جات ووقفت جنب أختها وسمعوا صوتها من بعيد
حنين:حنان من عند الباب
حنان وهي تطالع فيصل :المحامي
حنين وهي تلبس عبايتها وتحط الشيله على راسها وتجي لهم:أي محامي .......وسكتت وهي تشوفه
حنين:انت خير نعم وش تبغى جاي عندنا في بيتنا
فيصل :انا جاي اكلم الوالده
حنين باستغراب:أمي و ليش ان شاء الله
فيصل:هذا شي خاص بيني وبين أمك ممكن تعطينها خبر
حنان تطالع أختها وتنتظر ردها وظلت لحظه تفكر
حنين في نفسها:وش عنده جاي وش يبغى من أمي ادخله وبعدها اعرف وش عنده
حنين:انتظر بس اعطي أمي خبر
فيصل بكل جديه مثل ما تعود:طيب ........ولف وجهه عنهم وظل يطالع الحاره لحد ما وصله صوتها:ادخل
حنان :تفضل
فيصل :مشكوره .....ومشت قبله حنان علشان تدله على غرفة أمها وخلوا باب الشارع مفتوح
دخل عليهم الغرفه كانت غرفه بسيطة وماشي حالها وكان في الكرسي المتحرك مره كبيره في السن مو كثير بس تعتبر كبيره ومبين ان الشقى كبرها زيادها على كبرها
فيصل:السلام عليكم يا خاله
أم حنين:وعليكم السلام يا وليدي
فيصل:أنتي تعرفين من انا يا خاله
أم حنين أشرت برأسها :حنين قالت لي بس وش بغيت أمر
فيصل وهو يطالع حنين وحنان ورؤى :انا بتكلم بس اتمنى محد يقاطعني
أم حنين:تفضل يا وليدي محد بيقاطعك
فيصل: أكيد قالوا لك بناتك انهم قبل فتره كانوا عندي وطلبوا مساعدتي
حنين :تقاطعه وبكره:ايه ورفضت تساعدنا لاننا فقراء
أم حنين:حنين خلي الرجال يكمل ولا تقاطعينه
حنين وهي تطالع فيصل بكره:ان شاء الله يمه.......
فيصل يكمل :صحيح اللي قالته بنتك انا رفضت من قبل بس الحين انا جاي وآنا عازم إني أساعدكم وأشيل عنكم الهم وأنصركم ان شاء الله مثل ما نصرت غيركم وابغى منك تساعديني علشان ترتاحون من زوجك ومن بهذلته لك ولبناتك
أم حنين:والله يا وليدي وش اقدر أسوي قولي
فيصل:مبدئيا ابغاك تعطيني كل الأوراق اللي ممكن تثبت ان زوجك خذا منك شي أو ان زوجك المتوفى ابو حنين ترك لك حلال أو أي شي يثبت لك حق
أم حنين:ان شاء الله ..........وتلتفت لحنين:حنين يمه روحي جيبي كل الأوراق الموجوده
حنين:ان شاء الله يمه...........وراحت وبعد فتره رجعت بها ومدتها له وهو انتهز هالفرصه علشان يشوف عيونها اللي حبهم حتى قبل ما يعرف من هي وحب لونهم العسلي وتخيل لو في هالعيون نظرة حب كيف بتكون عيونها راح تكون تشع أو أكيد فيها نور خافت .....و صحى على صوت أم حنين
أم حنين:يا وليدي ترى هالأوراق من عند درج زوجي عساف إذا درى اننا خذيناها بيذبحنا
فيصل:لا تخافين يا خاله راح أصورها بسرعه وارجع ...........
والخالة هزت راسها وهو قام بسرعه وطلع من البيت وراح لأقرب محل تصوير وعمل نسخ من كل الأوراق ورجع لهم مره ثانيه وطق الباب وفتحت حنين
فيصل:أنتي وشلون تفتحين بدون ما تقولين من عند الباب
حنين:لان بكل اختصار محد يطق بابنا ابد
فيصل:حتى ولو
حنين تأففت وما ردت عليه وفيصل مد لها الأوراق :خلاص كل الأوراق عندي الحين بس أنتوا لازم تسوون لي توكيل
حنين :بس أمي ما تقدر تطلع من البيت
فيصل:ممكن هي تسوي لك التوكيل وأنتي تخلصي الإجراءات بدالها
حنين:خلاص انت سو اللي يلزم وجب التوكيل وأمي راح توقعها
فيصل:الموضوع مو بمثل هالسهوله بس راح أسوي اللي اقدر عليه علشان اخلص موضوعكم بأسرع وقت
حنين:مشكور
فيصل:العفو ..........ومشى بس وقفه صوت حنين:أستاذ فيصل
فيصل وهو يلتفت:نعم
حنين:انت ليش الحين غيرت رايك و تبغى تساعدنا
فيصل اشر على قلبه بيده ولف عنها وكمل مشي وركب سيارته واختفى من قدام بيتهم
حنين:ايش يقصد بها الحركه أكيد يقصد انه مشفق علينا وإننا كاسرين خاطره الله يعين يارب وان شاء الله صدق يقدر يساعدنا وصكت الباب ورجعت لامها وخواتها
&&&&&&&&&&&&&&&&&&
جات على وقتها اللي اتفقت فيه مع الجوهره عند الباب صادفهم ماجد
ماجد وهو يرحب:هلا والله وغلا بخالتي بست الكل
أم دلول:ههههه هلا فيك يا ولد الغاليه
ماجد:افا هي الغاليه وآنا اللي أرحب فيك صار لي ساعه مافي كلمه حلوه لي منك يا قميل
أم دلول:ههههه الله يقطع إبليسك ما تجوز ما حركاتك وكأني ما أعرفك
ماجد:ظالميني والله ظالميني
أم دلول:انت تظلم بلد كامله وما احد يقدر عليك
ماجد:ههههههههه حياك يا خاله
ودخلت وشاف دلول عند السواق وزي العاده طايحه فيه تهزئ
دلول: يا غبي لو اتصل عليك وما اشوفك عند الباب شفت شعرك ذا اللي 24 ساعه طايح فيه تمشيط بحلقه لك صلعه
السواق المسكين:لا ماما كلو إلا شعر انا خلاص ماما إنتي اتصل على انا انا في أجي على طول
دلول:ايه ناس ما يجون إلا بالمكينه
صكت الباب ومشى السواق وسمعت ضحكه:ههههههههههه
ماجد:وأنتي ما تتركين احد في حاله معذبه الكل
دلول:ليه لا يكون معذبتك وآنا ما ادري
ماجد بنبره هاديه:من زمان
دلول وهي تتخطاها :والله ما ادري من اللي معذب من
ماجد وقف قدام الباب :وش قصدك
دلول لفت وجهها وبنبرة ضيق :ما اقصد شي
ماجد بهدوء بعد ما لاحظ ضيق دلول:دلال وش فيك
دلول طالعته وابتسمت بمراره :ما فيني شي وخر يا ماجد خلني ادخل
ماجد:في احد مضايقك أو مزعلك
دلول:يعني تهتم أقول وخر الله يخليك ترى والله ما لي خلق بروحي اللي فيني مكفيني..........وخر عن الباب وهو مستغرب وهي مشت ووقفت شوي بنص الصاله تسحب هواء وتطلعه وتبتسم وتدخل على أمها وخالتها علشان تسلم وماجد لسى واقف يطلع خيالها اللي راح
وعلى طول وبدون تفكير طلع جواله واتصل على المنقذه
الجوهره في غرقتها شافت رقم ماجد واستغربت:هلا ماجد
ماجد:هلا أختي
الجوهره:أنتي وينك برى البيت
ماجد:لا في البيت ما طلعت بس داق اقولك اليوم تعرفين إذا تحبني ولا لا ابنجن لو ما عرفت
الجوهره:شوي شوي هدي وش السالفه
ماجد وهو يلمح دلول تصعد الدرج:شوفي أختي دلال جايه لك الغرفه الحين ابغاكي تعرفين منها إذا تحبني ولا لا
الجوهره طيب بحاول .......ويقاطعها طق دلول للباب
الجوهره لماجد:اسمع خلك على الخط ولا تصكه ابد وافتح أذانيك عدل
ماجد:طيب
الجوهره وهي عارفه انها دلول:تفضلي ميري
دلول وهي تدخل:حرام عليك تشبهيني بميري
الجوهره:ههههههه ما توقعته أنتي لاني متعوده عليك تدخلين بدون ما تطقين الباب
دلول:التغيير حلو .. وجلست وتنهدت
الجوهره وهي تمسك يد دلول:عسى ماشر حبيبتي وش فيك شكلك متضايقه
دلول ومبين عليها الضيق:لا عادي ما فيني شي
الجوهره :دلول أنتي عارفه ان احنا خوات وما تعودنا نخبي على بعض شي
دلول ناظرتها وبعد فتره :أسالك سؤال
الجوهره :اسألي حبيبتي
دلول:وش تسوين إذا حبيتي شخص ما يدري عنك كيف المفروض تتصرفين
الجوهره وهي فاهمه بس تبغى ماجد يسمع لأنها حاطه الجوال على السرير بينها وبين دلول
الجوهره:أنتي تحبين يعني
دلول طالعت الجوهره وما ردت
الجوهره:فضفضي حبيبتي قولي كل اللي بخاطرك
دلول:أحبه بس ما يدري عني
الجوهره:من...من اللي تحبينه
دلول و العبره خانقتها:مجود المعفن
الجوهره وهي تمثل انها متفاجاه:من مجود تقصدين اخوي
دلول:ايه بس وش الفايده راح يتزوج
الجوهره:طيب أنتي من متى و ليش ما قلتي لي من قبل علشان ما أخليه يخطب احد غيرك حبيتيه
دلول: مو مهم من متى بس ما حسيت بقيمته إلا لما حسيت إني بفقده
الجوهره وهي تبتسم وماسكه ضحكتها:طيب يمكن هو يحبك
دلول:هههه لا تضحكيني هو خطب وخلص
الجوهره مو قادره تمسك ضحكتها:ههههههههههههههههه
دلول:مالت عليك وش يضحكك انا الغلطانه الي اقولك عن مشاعري
الجوهره توقف وتمسك دلول اللي بتطلع زعلانه:لح كح كح لحظه هو ما خطب ولا شي
دلول متفاجاه:ايش
الجوهره:ايه والله ما خطب
دلول:بس أنتي قلتي انه خطب
الجوهره:بس انا كنت شاكه انك تحبينه وحبيت اتاكد بس
دلول وهي تخنق الجوهره:يالخايسه و مخليتني أتعذب
الجوهره وهي تبعد يد دلول:ههههههه ما لقيت طريقه غير كذا
دلول حطت يدها على قلبها:أشوى
الجوهره :وش رايك اعرف إذا يحبك أو لا
دلول:تقدرين
الجوهره:ايه
دلول:لا لا ما ابغى
الجوهره:يعني ما نفسك تعرفين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك