رواية ايام عبيد -13
ام شمسه وهي تمسك ويهي : شوفتك يما ....
ابتسمت لها ومسكت إيدها وبستها : ربي يخليج لي
شمسه من ورا عمو : ويخليها لي
عبيد : هلا بالشمس كله
شمسه : هلا بك
سلمت عليها وخذت علومها
عبيد : شواخ هني بعد
شمسه : هيه ...... معلوم ما تسأل إلا عن شواخ ونحن ما تسوي لنا سالفة
عبيد : حتى إنتي ترى غالية
شمسة : مبين قدري عندك
عبيد : أفا والله افا إنتي الخير والبركة .... أنا اللي ما عرفت قدري عندكم موقفيني بالحوي
شمسه : حريم عندنا داخل والريايل راقدين بالميلس وين تبي ندخلك
عبيد : أقل شي إفروشولي حصير بالحوي
ام شمسه : هيه والله حلو الجو اللحين إنقفضي يا شميس وروحي يبي
راحت شمسه وراحت عمو عند الحريم يت شمسه فرشت الحصير يلست وعقب راحت تزقر عيالها اسلم عليهم
جني حلفت عليها أسلم عليهم
سمعت صوت شمو ياية صوبي وتغني : وينك يا قمر عسى ما شر علينا ماتمر عسى عندك لهالغيبة عذر خلني على
بالك وإرجعلي
طالعتها : أونج عروس
شما استحت : جب جب إنت مب ويه حد يغني لك
سلمت عليها ويلست حذاي
عبيد : نعم إختي
شما : هديتي إخوي
عبيد : ما شريت لج
شما بوزت : هيه ما عندك إخت إلا عبير... هاك اليوم تخققت علينا كلنا بالطقم من لبسته ما عقته تقول حد حالف
عليها ما تعقه
عبيد : ههههههههه مشكله الغيرانين
شما : خلنا من هالسالفة ... عبود أبيك إنت اللي تزفني
عبيد : ههههه افا عليج بلزق بحمود لزقة
شما : لاااا موب وياه أبي يوم أدخل تدخل وياي
فجيت عيني : انا ريال بروحي ...
شما طالعتني بإستغراب : تخاف شو
عبيد : موب جيه حرمتي تغار علي
شما : هههههههههههههههههههههههههه خسك الله
عبيد : هههههههههه ما طلبتي افا عليج
شمسة وهي تمسك عيالها : ترى مو لسواد عيونك فستانها واااااايد ثجيل ما تروم عليه بروحها تبي حد يسندها
دقيت صدري : تراني سندها وعزوتها
شما : فديييييييت عبود أنا
عبيد : شميم .... لا تخلصين التفدي عن خالي ...خلي له نصيبه
استحت الإخت وقامت من البقعه بكبرها
شمسه : عبيد تراك إنته إلي بتودينا الصالون
عبيد : وين ريايلكم إن شاء الله
شمسه : شميم تستحي اونها
عبيد : يصير خير
يت شواخ وهي شاله ولدها بين يديها ما خبرتكم إنها ربت قبل إمتحانات العيال
قمت ويلست ارحب بها بس عسب أقهر شميس
شليت ولدها خليفة ويلست احبه والاعبه
شمسه : هيه ولد الشيخة شيخة ينشال ويتباس وعيالي بضرابه تسلم عليهم
شيخة : الناس مقامات
يلست اسولف وياهن شوي عقب دخلن داخل عند الحريم وأنا رحت الميلس لقيت بو فيصل واعي وتركي وفيصل رقود
سلمت ع بو فيصل
ويلست أسولف وياه عقب ظهرت ويبت الفواله حقه
بو فيصل : شخبارك بعد يا ولدي
عبيد : لا جديد الله يسلمك
بو فيصل : ليش ما تيينا قطر
عبيد : ان شاء الله قريب
بو فيصل : عاد نحن أهل وانت بالذات جنك واحد منا
عبيد : هذا من طيب أصلك الله يسلمك
بوفيصل : ما عليك أماراة ارفس البعران إلي وراك
عبيد : ههه تعطيني التصريح
بو فيصل : هيه نعم
عبيد : والحماية بعد القصف
بوفيصل وهو يدق رقبته : في رقبتي
شليت كنينكس ويلست ألفه ورحت أول شي عند فيصل بما إنه نومه خفيف والثاني لو تريلا تدعمه ما عنده خبر
دخلت طرف الكنينكس في إذنه وفي نفس الثانية قام وهو ينتفض
ويوم شافني رفسني ويى بيعفد علي فصرخت استنجد : عمي عمي
بو فيصل : فيــــــــصل اتركه هههههههههههههههه
ودرني فيصل وتم يطالعني بنظرات وراح الحمام يتغسل وسوالي حركة إنه بيراويني
عبيد : يجيييييييييييب الله مطــــــــــــــــــــــــــــــــــــــــــــــــ ر
اللحين دوووور تركي التنكر يلست أفكر شو أسوي به
سرت وبندت المكيف وشليت لحاف فيصل ولحفت به تركي ولحاف ابوه بعد ابتسمت بشر كيف بيستحمل الحر
دخل فيصل ويوم شاف إلي سويته بإخوي : إنت شكلك ما بتظهر من هالبيت سليم
عبيد : أنا عمي كافلني
سلمت ع فيصل
فيصل : ليش الأخ هندي مثلاُ
عبيد : تنكت ...
فيصل : هيه لو سمحت إضحك
عبيد : مالي مزاج الصراحة أضحك
فيصل : زين جاملني ع الأقل إبتسامه
عبيد : ذكرني عقب
فيصل : فالك طيب
عبيد : فالك ما يخيب
شوي وإلا تركي يعق اللحافات عنه وتم يتنفس بقوة تقولون طالع من قبر
تركي : حــــــــــــــــــــــــــــــــــــــــــر
يلسنا نضحك على تعبيرات ويهه
تركي إنتبه ع اللحفات وسيدة طالعني : يأالخـــــــــــــــــــــــــــــــــــــــام
يوم شفته قام ويبي يضربني ربعت أشرد عنه وهو تم وراااي
عبيد : عمي عمي
بو فيصل ما رام ينطق من الضحك
وأنا أربع ع اليلسه وأنزل المخادع سب يتعثر والإخ ينقز من فوقهم
عبيد : حشى يالنشاط إلي ياينك وإنته توك ناش
فيصل : هههههههههههههه قل أعوذ برب الفلق
ظهرت من الميلس وسكرت الباب وراي وطلع وراي ربعت في الحوي اببتعد عنه بس
وسرت صوب الزرع والنخل وإندسيت ورا نخله
وتركي يا يدور علي
شوي وإلا أسمع إغنية هندية وألف أشوف فيصل مشغل الإغنية من تليفونه
تركي صد صوبه : مو وقتك
فيصل : الصرراحه الإغنية تليق ع الوضع دريول ويدور ع ربيعته البشكارته
تركي : هذا آكشن موب فلم رومنسي
فيصل : ابوي دور ع بشكارتك
وما حسيت إلا بإيد تركي ع جتفي وربي صبت عضامي ما رمت أتحرك
تركي وبإبتسامة شر : زخيتك
عبيد : تركي نحن إخوان وأهل لا تخلي الشيطان يلعب براسك
تركي ودرني ومشى عني : عاد أنا مو متفيج أضربك أحين
عبيد : يعلك يا تريييييييك بعد ما تعبتني ونقصتي كم من كيلو جيه تقوووول
ضحك ودخل الحمام
ع الساعة 1 ونص توني آكل لي لقمتين مع تركي وفيصل وأبوهم
إلا تليفوني رن ما سويت له سالة ورد رن أستحيت ورديت
عبيد : نعم
شمسه : يالله عبيد تأخرنا
عبيد : بتغدى وبظهر
شمسه : شو تتغدى ورانا درب لين دبي
عبيد : يعني ماآكل
شمسه : لاحق ع الأكل تأخرنا والله
عبيد : دقايق وياي
قمت من السفرة
بو فيصل : وين ......... ما كليت
عبيد : بوصل البنات الصالون
غسلت إيدي وركبت السيارة وهرنت عسب يظهرن شوي إلا تليفوني يدق مرة ثانية وكانت مها
افففففف هب متفيج لأخلاقها هاي بعد
رديت
عبيد : نعم
مها : وينك
عبيد : شو تبين
مها : ما تبي غدى
إستغربت من متى الإخت تهتم جاني كليت وإلا لا : لا ما أبي
مها : متى بترد
قلت بتساؤل عشان أقتل فضولي : مطول ليش
مها : ماشي خالو كانت تسألني عنك
أسميها أمي مكاره تدري إني ببيت عمتي
عبيد : أها
مها : أقولك أنا بروح الصالون مع مهرى وعبير
عبيد : منو بيوديكم
مها : عيسى
عبيد : لا تسيرين أنا بوديج
مها : برايك بروح معاهم بالمرة
عبيد : قلت لج لا تروحي أنا بوديج
مها : متى بترد
شفت الساعة : يمكن ع الساعة 3
مها : لا لا بنتأخر جييييه أنا بروح وياهم والصالوون بعيد جيه بوصل بعد العصر
بندت بقهر شوي إلا البنات يركبون السيارة وتحركت وديتهم الصالون وعقب رديت وسيرت ع الحلاق وخلصت
أشغالي تلبست وخلصت و بعدها رحت أييب البنات من الصالون
--\\--
العرس مر عادي والسلام ما خلص والمعازيم شكثرهم
بس إلي حلى العرس فرقة العيالة إلي يابهم خالي كان شي الصراحة
وأنا تحمست ولا رمت أمسك نفسي ودخلت وتميت معاهم
وعمور بعد سار مسك طبلة وتم يدق
وتركي ما خلاني بحالي تم يقطعني كل ما سويت شي وأنا نفس شي
بس كانت ليلة حلوة
دخلت قاعة الحريم من الباب الوراني ودخلت حجرة العروس بعد ما حشروني تليفونات تعال عشان تزف شميم
عبيد : أوووه شميم
شما وهي واقفة ومرتبكة : بلاك
عبيد : ما عرفتج
شما : أونك
عبيد : أسميه هالمكياج يغير وااااااايد
شما : شو قصدك إستاذ عبيد أنا خسفة مثلاُ
عبيد : حشاج يا الغالية
شمسة وهي تحوس بثمها : رقع رقع
عبيد : ههههههههههه إنتو ليش حاقدين علي هالكثر
عبير دخلت بسرعة : بسرعة يالله الدي جيه اللحين بتحط الزفة
شما : خايفة
عبيد : أفا خايفة وإخوج حذاج
عبير توها تنتبه لي : أووووووووووووه عبوووووووووووووود من زماااااااااااان ما شفتك
يت تسلم
مديت إيدي بس
طالعتني بإستغراب
عبيد : ترى ما نسيت شو سويتي فيني ع عرسي
بوزت عبير : مالت
عبيد طلعت لها لساني
شمسه : مو وقتكم يالله زفها
مسكت زراعي شما ميلت راسي عليها وقلت : مبروووك يا إختي
شما شافتني وإبتسمت
طلعنا من الحجرة ومشينا لين المدخل
دخلنا ع صوت اللحن الهادي
عقبه صدع صوت بو نوره وهو يقول
الحكاية ما هي بس انك جميلة, وإن وصفك وصف وعيونك حكاية
تحكي عن شخصية انسانة أصيلة اسمها شما وهي في الحسن آية
الحكايةإنك أنت يا الاصيلة, آية في حسنك وفي الاخلاق آية
لك حضور يشبه النسمة العليلة , ناعمة بالفعل ما هي بس كناية
والقصائد لو هي للشاعر وسيلة , في جمالك تصبح الاشعار غاية
حسيت برجفة يدها الملتفه حول ذراعي ونحن نمشي خصوصاُ إن نظرات الكل معلقة عليها
ميلت راسي وقلت " وربي حلوة لا تحاتين رايهم ... ترى نظراتهم تقول سبحان الله إلي خلق فأبدع "
طالعتني وإبتسمت غمزت لها وضحكت بخفة
وكمل محمد عبدو إغنيته
هي قصيدة مدح ولوكانت جزيلة , أعذريها لو بدت ما هي كفاية
الحروف قصار واوصافك طويلة , والمزايا فيك ما تعرف نهاية
الحكاية ما هي بس انك جميلة, وإن وصفك وصف وعيونك حكاية
تحكي عن شخصية انسانة أصيلة اسمها شما وهي في الحسن آية
الحكايةإنك أنت يا الاصيلة, آية في حسنك وفي الاخلاق آية
وصلنا الكوشة وتمت واقفة بطلب من المصورة إلي لحقتنا وصورتنا لحظة بلحظة
بست راس شما عقب ظهرت من القاعة
كنت أمشي وأنا منزل راسي وحاس بنظرات الحريم كلها علي
ما أمداني أطلع وأيلس نص ساعة على بعضها إلا خالي حمد يسحبني وياه داخل
ابتسمت و براسي فكرة إني لازم أستلعن عليه
دخلنا أنا بس الباقين أونهم مطاوعه
عاد لإني من زمااااان ما استنذلت ع حد قلت بستنذل في خالي العزيز
بعد ما سلم ع شما وشفت إن إختي ميتة من الحيا ولا رامت حتى ترفع راسها
وقفت إمبينهم
طالعني خالي : وين تبى
طالعته بنظرات وأنا ماسك ضحكتي : إختي شو عندك
حمد : إختك ما عندي خلاف .. حرمتي هي اللحين
عبيد : ابي اتصور وياها وإلا حرام
حمد طالعني وهو ماسك عمره لا يدوس ببطني
تصورت مع شما كم من صورة
قلت أكمل نذالتي
عبيد : أقولك أبي اتصور بالبشت
حمد : هبيــــــــــــــت
عبيد : عيل أنا من هني موب متحرك
حمد : أنا شو اللي خلاني أييبك وياي
عبيد : ميت علي
حمد مد لي بشته ولبسته وتصورت مع شما والإخت عايبتنها السالفة أشوفها تضحك
شوي وإلا عبور ياية هي وفستانها
حمد : هلا والله هلا بالزين كله
عبير وهي رافعه خشمها : هلا خالي
عبيد : ترى إختي تغار
ما وعيت إلا شما داست بكعبها ريلي
عبيد : غربلاتج
حمد : لو سمحت لا تدعي ع حرمتي
عقيت بشته ع الكرسي وقلت : مالت عليك إنت وحرمتك
شما شافتني وجنها تقولي ايلس
حركت حواجبي مرتين جني أقولها لا
قبل لا انزل من الكوشة شفت مسج وقريته وكان من تركي
(( أنا وفيصل وابوي بنيي ونعرض بالسيوف لبنت عمي خلي الحريم يتغطون لإن العيالة بعد بتدخل ))
رديت ركبت الكوشة
حمد : لا حوووووول
عبيد : عبور روحي يبي عباة وغطوة لشميم
حمد : شو السالفة
عبيد : بتشوف
يوم شفت إن كل شي تم اتصلت لتركي عسب يدخلون
قالي تعال عند الباب وارزف وياي عاد انا ماصدقت خبر مشيت بسرعة ودخلت العيالة يدقون وتركي وفيصل وابوهم
بالثوب القطري ونسفة العقال والسيف
مد لي تركي السيف وقفت حذاه وبديت اتحرك بالسيف والعيالة تغني
لابتي ياهل قطر ياهل الحمية .. وعزوتي لاضاق صدري من زماني
وفاحة الدلة يازين الشاذلية .. ودلة صفرا وفيها زعفراني
وزينها لهب نسناس صفرية .. وأقبل الوسمي مع سهيل اليماني
وعقب ذاك السيل ديمه وبردية .. وسط روض فية حواء وسعداني
وشدو شدادي على بنت كحدية .. وعقب ماطاح الوسم والجو زاني
وحيث لي خل جنوب الناصرية .. وزاد شوقي لاوالا رحت عاني
وماعشقت من العرب غير قطرية .. وعزها من عز ابوها لاولاني
ومن يداوي عله الروح الشقية .. أشهد ان الخل في حبة بلاني
لابتي ياهل قطر ياهل الحمية .. وعزوتي لاضاق صدري من زماني
كانت عيون البنات والحريم كلهم علي أنا وتركي وعمتي وإمي وام فيصل ماوقفو زغارييييييييط
والفلبينية حولت صوبنا وهي تصور
عقب فيصل عطى سيفه تركي إلي تم في النص ونحن حوله وهو يسوي حركات بالسيفين
كان غيـــــــــر حركاته غير
هيبته غير
وقبل لا نطلع من القاعة وقفنا انا وتركي حذا بعض وضرنا سلام عسكري للعرسان
--\\--
خلص العرس واتصلت ع مها ع اساس اردها
ركبت يدام وتحركت
حل الصمت السيارة وقطع السكون رنة تليفوني وكانت هيا
الله يهديج موب وقتج بندت الخط وخليت تليفوني سايلنت
وقلت أقطع السكون : شو كان العرس
مها : حلو ...... بس إنته ما خليتنا نرتاح كل شوي ناط علينا
صديت مصدووم من رمستها : نعــــــمـ
مها صخت وما ردت وصلنا البيت نزلت قبلي وراحت داخل وانا سرت ويلست بالصالة
شوي إلا قوم إمي ياين وعبور بعد
عبير : عبووود إنت كنت جييييييييييييييييييييييه عجبتني وربي خليت القاعة كلها ترتبش معاك
ابتسمت هذي شو تقول وهاذيج شو تقول
عبيد : اونج
عبير : صدق حتى العيايز تمن يمدحنك يقولون عبيـــــد ربشه وهو إلي محلي العرس حتى إسئل إميه حتى خالو ريم
قالت كنت اتحرى عبيد رزين وخجول طلع ربشة ورااعي سوالف
عبيد : خالو ريم ييت العرس
ام علي : ما قصرت والله وقفت معانا بعرسنا يا عسانا نوقف بعرس عيالها
بحركة لا إرادية لفيت على عبيرر ولمحت الحزن بعيونها شكلها عرفت بالموضوع
استأذنت منهم ورحت حجرتي
شفت مها يالسة ع الشبرية وهي متوترة ولافة نفسها بروب حرير استغربت شكلها صراحةعقيت كندورتي والغترة
وسرت وقبل لا الف حسيت بدينها تلتف حول خصري وجسمها وويها مدفونين في ظهري
يتني نفضة قوية من حركتها وجرئتها
تميت بمكاني ثواني استوعب الموضوع عقب سمعت صوتها الهامس ليزيد الطيـــــــــــــــــن بلهـ
" أنا آسفة "
لا لا يا مها متــــــــــــــــــأخره وااااااااااااااااااااااااااااااااااايد وااااااااااااااااااااااااااااااايد
ابتعدت عني وانا صديت عليها لقيتها منزلت راسها تتريا ردي وتعض ابهامها بتوتر
ردت قالت بنبرة مخنوقة من العبرة : سامحني غلطانه
جتني اليوم ندمانه .. ذبحها الشوق ولهانه
تعض ابهامها وتبجي .. تقول سامحني غلطانه
شفت العبرة تخنقها نار الشوق تحرها ..
تقول أحلفلك بربي لوصلك روحي ضميانه
جرحتيني وسامحتج ولا في يوم عاتبتج
رغم انج سقيتيني صنوف الغدر والوانه
خذاك الوقت باوهامك بعد ماضاعات احلامك
رجعتيلي وذكرتيني وعرفتي قدري يافلانه
انتهى البارت التاسع عشر
^^
البارت العشرون
مها وهي ترفع عينها اللي مليانه دموع وتقرب مني : خل نبدي صفحة يديدة
تميت ثابت ما بدرت مني اي حركة او ردة فعل
وهي عيونها علقتها بعيوني تنتظر حبل الرجى في عيوني
مها : عبيـــــــــد رد علي
ثواني صمت قطعتها بحركة
مديت يدي وحسيت يبهتها :إنتي مسخنه ..؟؟
مها بوزت : هذا يزاي
ابتسمت صحيح إني مستغرب تغيرها خصوصاً بهذا الوقت مسكت يدها ولفيتها علي
رفعت عينها علي ابتسمت ياما ترييت هاللحظة ياما سحبتها لحظني وضميتها ابي ادخلها داخل ضلوعي وهي
إيدها لفتها ع ظهري
كانت احلى ليلة جمعتنا سوى
صحيح قبل كنا نتشارك الفراش بس هالمـــــــــــــــــره غير
غير
غيــــــــــــــــــــــــــر
--\\--
اليوم الثاني
قبل الظهر بشوي نشيت ع حشرة الباب شكلها إمي تبينا نصلي
فتحت عيني ويوم ييت بقوووم من مكاني حسيت بثجل على صدري ويوم شفت إلا راس مها على صدري وهي
نايمة وشكلها تعبانه من الخاطر
رديت حطيت راسي ورفعت عيوني للسقف ويلست ألعب بشعر مها
طرت على بالي هيا
شو اسوي ..؟؟
شو شو تسوي ..؟؟ شو هالتفكير يا عبيد
هي حرمتك وصارت على ذمتك وبنات الناس مو لعبة غير عن جيهـ هيا يتيمية
وأنت تحب هيا
وفي نفس الوقت تحب مها ....
لك قلب واحد مو أثنين
شو يعني أنا مو أول ولا آخر واحد ياخذ ثنتين
مها وهي رافعه راسها شوي :شو من زمان قايم
بعدت أصابعي عن شعرها وهزيت راسي بهيه
مها : جان قومتني
عبيد : كنت مرتاح
مها ردت حطت راسه ع صدري : عيل بكمل نومتي الحلوة
عبيد : هاه هاه وين تبين
مها بدون ما ت رفع راسها :شو فيكـ
عبيد : أبي ألحق ع الصلاة
مها رفعت راسها ويلست فوق الشبرية وأنا قمت آخذ لي شور
طلعت بهدوء قبل لا ادخل الحجرة سمعتها وشكلها تتكلم بالتليفون
مها : هيه مريوم سويت كل إلي قلتي لي اسويه .... هيه رضى بسرعه ما صدق ........... شوا سوي الحين متى
أقوله اني ابي اظهر من البيت ...... شو تو الناس اقولج كل ما أشوف مهرى وكرشتها تكبر يدامي أحس بضيجة في صدري أحس إني بموووت ما بستحمل غير رمسه خالو والحريم إللي ايونها كل شوي ما حملتي متى بتحملين
هذي إختج حملت ليش إنتي ما حملتي راجعتي بالمستشفى يمكن فيج شي لوعوا جبدي ما روم استحمل ..... أوكي كـــــم بصبر ....... لا شو أروح بوظبي بعيد وبتم روحي غير جيه ابي اتم قريبة من بيتنا ......
هذا انت ما عرفتكـ
هذا إنت ما عرفتكـ
هذي أول مرة أشوفك بعيني كنت أشوفك بقلبي
هذي مرة ما ترجف يديني وإنت جالس فيها جنبي
هذي أول مرة ما أحس إني أطير هذي أول مرة ما أحس إنك أقصر من سما حلمي بكثير
وإنك إنته إنسان عادي عادي مو ملاك إنك إنته إنسان عادي مو ملاك
وإني ضيعت العمر كله معااااااااااااك
هذا إنت هذا إنت
ما أصدق
تنهدت والضيقة تسللت إلى صدري كرهتها اللحين بديت أكرهها
دخلت الحجرة وسويت نفسي ما سمعت شي ولبست ع السريع وهي إنهت المكالمة ونقزت صوبي اونها بتسكر
ازرار الكندورة كنت كارهه قربها كارهه عيونها الجذابة كرهت كل شي فيها بلعت ريجي عل وعسى ومعاه أبلع غصتي ....
مها وهي تتطالعني : اممممممم ناقصك شي ...هيه
ربعت ويابت العطر من التسرحية عطرتني : جيه خلاص تروم تتوكل
ابتسمت بمجاملة وطلعت رحت المسيد
--\\--
بعد الصلاة اتصل بي تركي وواعدني يبي يروح دبي ويبيني أخاويه
قلت يالله ارفه عن نفسي
طرى على بالي ظافر من زمااااان ما يلست وياه وسولفت معاه أمس هو حضر العرس بس كنت لاهي عنه بتركي
وحمد وشما
اتصلت عليه
ظافر : هلا بالقاطع
عبيد : هلابك زوووود شحالك
ظافر : طيب طاب حال مغليك من صوبك
عبيد : بخير ربي يعافيك وينك في الدار وإلا في العاصمة
ظافر : لا انا ماخذ إجازة هالإسبوع
عبيد : ليش .. .؟؟
ظافر : عندي شوية أشغال سيارتي بوديها الوكالة يعابلونها ومخلفات وايد أشغال
عبيد : ربي يكون في عونك ....... تخاوينا
ظافر : وين ابها
عبيد : دبي
ظافر : هيــــــــــــه هااااه من زمان ما ظهرنا
عبيد : ترى تركي بيكون ويانا
ظافر : هب مشكلة ......... أقولك خلي سعود ايي بعد نوسع صدره
حسيت بتأنيب الضميييييير شقد أنا مقصر بحق سعود
عبيد : برمسه
ظافر : يالله عيل .. فداعة الله
عبيد : حفظ الرحمن
بندت عنه واتصلت بسعود
سعود : حيبه بو سعيد
عبيد : الله يحيك شحالك
سعود : طيب طاب حالك من صوبك
عبيد : ما نشكي باس شخبار ريلك
سعود : خلاص طابت ..... أربع بها
عبيد : يا حيك
سعود : وينك يالقاطع مررررررره حتى تليفون ما تسوي لنا
عبيد : إعذرني يا خوك اشغال الدنيا
سعود : هيه هااا الله المستعان
عبيد : وينك ما ييت أمس العرس
سعود : امس الله يسلمك رحنا نخطب روية من اختها
عبيد : وشو ردوا عليكم
سعود : موافقين
عبيد : مبروووووووووووك يا إخوك ربي يوفقك
سعود : تسلم الغالي عاد ما بقول عقبالك لإنك معرس وحدة تسدك
ضحكت بداخلي على اللي قاله ما درى إني ماخذ الثانية
سعود : ما بتمرني اليوم
عبيد : ذكرتني ... بنروح دبي تخاوينا
سعود : إنت ومنو
عبيد : أنا وظافر وتركي
سعود : منو تركي هاه
عبيد : يوم بشوفك بقولك .... هاه شو قلت
سعود : تم
عبيد : يالله أشوفك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك