رواية ايام عبيد -12
عبيد : ليش كاشخة
مها طالعتني وقالت : نعم
عبيد : ليش كاشخة
مها : مو كاشخة
عبيد : هذا كله ومو كاشخة
مها : انا بروح اتغدى
عبيد : ما تطلعين لين تبدلين لبسج وتمسحين إلي بويهج
طالعتني وهي فاجة عينها
عبيد : لا تطالعيني جيه اسمعي الرمسة
مها سوت لي طاف وظهرت من الحجرة
فولت وطلعت وراها وقبل لا تدخل الصالة سحبتها الحجرة
مها : أأأأأأي هدني عورتني
دزيتها في الحجرة وسكرت الباب وراي
عبيد : يوم برمسج ما تسوين لي طاف تسمعين ..... وتراني إن صبرت عليج صبرت لإنج بنت عمي ومن
لحمي ودمي
مها تمت تطالعني بنظرات إنكسار
عبيد : شوفي من اللحين أقولج يا تسطلبين وتغدين حرمة يا إني ......
سكت ما رمت اكمل
مها : يا إنك شو ... كمل قول إنك بتطلقني
عبيد : بعيد عن سماج الطلاق ومو أنا إلي يطلق بنت عمه
مها : عيل شو بتسوي بي كمل تهديدك
عبيد : بتشوفين
طلعت من الحجرة وسرت الصالة سلمت على عيسى وع حرمة إخوي مهرى
عبيد : ماشاء الله مهرى عيسى ما قصر فيج غديتي دراااااااام
عيسى : قل لا إله إلا الله لا تنظر حرمتي
عبيد :لا إله إلا الله ........
ام علي : هههههه مهرى حامل عشان جيه
رفعت عيوني على طول : حااااااااااامل
شفت مهرى منزلة راسها ومستحية وعيسى يقرصها ويضحك
عيسى : هيه حامل .... تتحرانا باردين شراتك إنت وحرمتك
دخلت مها ع هالجملة وويها قلب ألوان ويت ويلست حذالي
عبيد : نحن مو مستعيلين شراتكم
تمينا نسولف شوي ودخلت عبير هي وكشتها
عبيد : اللهم سكنهم في مساكنهم
عبير : اوه منو هني عواس
عيسى يقلدها : اوه منو هني عبور
سلمت عبير عليهم وعقب يلست ع يميني
عبير : وين صوغتي
عبيد : ما أتوقع إنج تبيين شي من صوب عيسى
عبير : ليش يعني ...
عبيد : تحيدينه ذوقه
عبير : هيه والله ذوقه خايس
مهرى : ما أرضى ع ريلي لا تغلطون عليه لو سمحتو
عبير : ابوي خلاص ما نبي هداياكم الله الغني
عيسى : ترى مو أنا إلي تنقيتهن مهاري إلي تنقت
صديت صوب مها وشفت عيونها معلقة ع عيسى ومهرى
اجر الصوت من جرح انبرى لي
انا والجرح اكبر من زماني
ومن وين ابتدي..يا جرحي الندي
حسبي على الايام والحظ الردي
البارت الثامن عشر
بعد المغرب زهبت شنطتي بروح الدوام عندي لزام وبروح بعد العشى
شفت مها تكشخ معلوم بتكشخ اليوم إبوي مسوي عزيمة وما خلا حد ما عزمه وبدل ما تساعد إمي بالمطبخ
متفيزرة يدام المنظرة تتعدل
تنهدت بضيج
عبيد : مها
مها بدون ما تشوفني : نعم
عبيد : نادي لي عبير
مها : انت ازقرها ... انا مشغولة
عبيد : وين بزقرها والميلس ممزور بنات
مها : وتباني أسير لهم جيه يعني ...... بعدني ما خلصت كشختي
عبيد : يلست ع الشبرية واتصلت بها وما ردت ورديت اتصلت بعد ما ردت شكلها عاقة تليفونها بمكان
اتصلت بشمول إنها داخل
والحمدالله انها ردت
شما : مرحبا الساع
عبيد : مرحبا بج شحالج
شفت نظرة مها من المرايا
شما : طيبة طاب حالك شحالك إنته
طنشتها ولفيت بعيوني ع الباب : الحمدالله عبور صوبج
شما : افا وانا إلي أقول انه ذكرني واتصل بي يسأل عني ... سمع اني ببيته وقال يسلم علي
عبيد : ههههه تراني سألت عنج
شما : اونك
عبيد : وايدين انتو بالميلس
شما : هيه لو أدري جان كشخت حليلي ياية جيه
عبيد : تكشخين حق منو تراج خلاص إنخطبتي وعرسج بعد شهر
شما : عبيد يالخايس
عبيد : ههههههههههه اقولج تعالي بسلم عليج
شما : وين أييك
عبيد : الحجرة بعد وين
شما : برب
عبيد : وين تبين برب ..........
شما ردت وقالت : برب
شكله في حد يرمسها من البنات
عبيد : تيت بس لا تهيت
بعد شوي ردت علي : عبود انا صوب الباب
عبيد : دشي
بندت التليفون ومشيت صوب الباب ابطل لها
وكانت مها تتطالعني بنظراات
سويت لها طاف وبطلت الباب
عبيد : مرحبا مرحبا
شما : مرحبا بك
سلمت عليها
شما شافت مها مسوية لها طاف
همست لي : بلاها هاي
عبيد : مها سلمي ع اختي
مها صدت وابتسمت مجاملة : هلا
شما طالعتها بصدمة
سحبت شما ودخلتها داخل
يلستها ع الكنبة
عبيد : حيا لله شميم
شما وهي رافعة وحدة من حياتها : هلا بك
عبيد : عطينا أخبارج وعلومج
شما : لا جديد ...... انت إلي شو جديدك
عبيد أقلدها : لا جديد
شما : أونك ...... هيه صح عبود
عبيد : هلا
شما : في واحد يلعوزني من متى يتصل ويطرش مسجات اذاني اذية
عقدت حياتي : من وين له رقمج
شما : ما ادري به
عبيد : عطيني الرقم
عطتني الرقم
عبيد : ما عليه انا بتفاهم معاه
شما : حشرني الله يغربله
عبيد : هههههههه
شما : انا برد عند البنات شي بخاطرك
عبيد : لا سلامتج .........
قبل لا تظهر تذكرت شي
عبيد : شميم
شما : هلا
عبيد : تعالي هاج( فجيت الدرج وطلعت كيسة )
شما : شنو هذا
عبيد : مب حقج حق عبور
شما : ابي اشوف
عبيد : يوم عبور بتفتحه شوفيه
شما : دخيلك عبود ابي أشوف
عبيد : يالفضول إلي ذابحنج
شما : حرام عليك ....
فجيت الكيسة وكنت شاري لها طقم ذهب خفيف وناااااعم على شكل قلب
شفت عيون مها وشما تعلقن بالذهب
عبيد : شو رايج
شما : عجيييييييييييييييييييييييييييييييييييييييييب طر طر ..... عبود ما يخصني انت ما اشتريت لي شي يوم
تخرجت من الثانوية
طالعتها وانا رافع وحدة من حياتي : وانتي يبتي نسبة شرات عبور
شما : ما يبت بس نجحت
سكرت الصندوق رديته بالكيس : يودي يودي ودي لها
شما : ترى ما أضمن لك إنه يوصلها
عبيد : اللحين بطرش لها مسج اللحين عسب تشله عنج
شما : الشهر الياي لو ما وصلني طقم احلى عنه منك ما برمسك طول حياتي
ضحكت عليها : يصير خير
طلعت من الحجرة وانا قمت وعدلت غترتي عسب أظهر
مها : ما يبت حق إختي منال هديه
عبيد : لا
مها : ليش يعني يبت حق إختك وإختي لا
عبيد : إختج ما يابت شرات نسبة إختي
مها : لا قول إنك تبي تقهر إختي
عبيد : زين هي إختج مب إختي
طالعتني بقهر : الحين تروح تشتري لها شي
عبيد : اسمحي لي انا بروح الميلس وبعدين بروح الدوام
مها صرخت : عبيـــــــــــد
لفيت عليها بقوة : لا تصارخين
مها : لا تستهبل علي شرات ما يبت حق إختك ييب حق إختي
عبيد : انتي تفهمين اقولج ما بروح ..... بعدين انتي شفتيني العصر يوم ظهرت ما افتكرتي الا اللحين
مها طالعتني بنظرات : زين عطيني بيزات عقب بشتري لها شي
تنهدت وطلعت بيزات من بوكي وحطيتهن حذالها فوق التسريحة وطلعت
عيشة تقصر العمر
--\\--
(( خذ لك سورية وعيش حياتك )) صوت 1
(( والله إني ما استانست إلا لما خذيت هاذيج السورية تدخل عليها تقولك حبيب ألبي وتطلع إبن عمي وإلا هايج إلا
بالبيت ما تييب لي إلا عوار الراس والقلب )) صوت 1
(( شوف يا عبيد جانك تبي ترتاح وتفتك من هموم الدنيا تزوج ...... بس لا تاخذ وحدة من بنات البلاد خذ لك وحدة يا مغربية يا شامية )) صوت 2
تميت أقلب الأفكار في راسي
وياني صوت ثاني يقول
(( جانك نوييت حرمتي إختها موجودة حالياً بالبلاد ترى ما في أحسن عنها )) صوت 1
عدلت يلستي بسرعة ابي اطرد الأفكار هذي
ظافر طالعني : بلاك ..
عبيد : ماشي ماشي
ظافر : بلا شي فيك ....... قول شو فيك
عبيد : ما اعرف شوفيني
ظافر : قولي يا إخوك جاد ربك اروم اساعدك
عبيد : انا افكر اعرس
ظافر : شو تعرس تراك معرس خلاص
عبيد : وتسمي هذا عرس هذا عوار قلب
ظافر : وتبي تزيد العوار بقلبك يعني
عبيد : يا خي ما حسيت باللي احسه مووووول مو مسويه لي سالفة
ظافر : والحل إنك تاخذ وحدة ثانية يعني
عبيد : ياخي بنات هالأيام كلهم نفس الشي همهم المظاهر وبس ..... ما يبون إلا الريال الراهي والحلو
ظافر : وان تشو ناقصنك تراك الحمدلله تستلم معاش زين وشكلك اللهم لا حسد
عبيد : اي معاش ونصه يروح اقصاد السيارة وإلا بيدين الوالد والشكل لا تجامل أعرف إني ما أتشاهد
ظافر : ويوم بتاخذ الثانية بتزيد فلوسك وإلا بيزيد جمالك
عبيد : ابي وحدة تحبني لنفسي مو لشكلي وفلوسي
ظافر : وين بتلاقيها هاي إن شاء الله
عبيد : ظافر لاتكسر مياديفي
ظافر : عبيد حرام تظلم بنت عمك معاي
عبيد : يشهد الله إنها هي اللي ظالمتني موب أنا
ظافر : وبعدين شو بتسوي باليديدة وين بتسكنها
عبيد : هني ببوظبي
ظافر : يعني طول الإسبوع عند هذي والثانية تسير عليها بالويك إند
عبيد : هاذيج عندها كلية وما تبي تيي معاي بو ظبي
ظافر : عبيد لازم تعدل بين حريمك إذا نويت ع الثانية
عبيد : أدري ادري
ظافر : لا تدخل نفسك في متاهة ما بتقدر تطلع منها
عبيد : إن شاء الله بكون قدها وقدود
خلاص نويت أعرس
أبي وحدة تعابلني تقوم بي تحبني واحبها موب وحدة أدخل عليها ألاقيها مادة بوزها شبرين وإذا طلبت منها شي
قومت القيامة علي وإن هي طلبت شي غصبن عني ألبي
--\\--
مها عقدت حياتها : توك ياي وين بتروح
كنت ازهب اغراضي لبسي واحطهم في شنطة
عبيد : عندي سفرة ولازم اسافر
مها : وين ان شاء الله
عبيد : مو لازم تعرفين
مها : يقولون اني حرمتك يعني لازم اعرف
عبيد : توج تعرفين إنج مرتي .... اكتشاف عضيم الصراحة
مها : عبيد عن الإستهبال
عبيد : شو تبيني رحت مكان ما رحت ما أظن إنه يهمج
مها : ومتى بترد
عبيد : على حسب يمكن اسبوعين ويمكن أكثر
مها : عبيد أنا ما سويت شي حق عرس خالي ترى والعرس بعد اسبوعين
عبيد : المطلوب
مها : منو بيوديني السوق منو بيشتري لي
عبيد : بعطيج الفلوس وخلي محمد يوديج
مها : محمد ما يوديني دبي
عبيد : موب لازم تسيرين دبي
مها : عبيد لا تستهبل ..... عرس خالي لازم اكشخ وغير عن جيه هذا أول ظهور لي بعد ما عرست والأنظار كلها
بتكون علي يعني لازم أكشخ وكشختي تكون غير ..... ما أبي مهرو تغلبني
عبيد : شو داشين سباق انتو تغلبني اونها قالت
مها : هيه عادي عندك ترى ... انت لو تستوي ربع عيسى جان ما قلت جيه
حسيت بينانوه يلعبون حولها بعد ما قالت هالرمسة قربت صوبها ورصيت ع اسناني وقلت : شو قلتي
شفت الخوف بعيونها : شفيك عبيد ما قلت شي
مسكت ايدها ورصيت عليها : كل شي له حده يا بنت عمي
مها : عبيد آآآآآآآآآآآآي عورتني
رصيت ع ايدها زيادة
شفتها تغمض عيونها من الويع ولفت بويهها عني ونزلت دمعه غ خدها
تعوذت من الشيطان وهديتها وقمت عنها
طلعت من الحجرة بس قبل لا أظهر حطيت فلوس فوق التسريحة وقلت لها : جانهن ما سدنج اتصلي بي وانا
بطرش لج أكثر
وظهرت من البيت كله حركت سيارتي وقبل لا اظهر من عيمان مريت سعود
سعود : يا خي لين الحين ما ردت
عبيد : تو الناس يا خوك وبعدين هذا زواج مب لعبة
سعود : مرن اسبوعين يا عبيد اسبوعين
عبيد : خلاص يا بوك إن شاء الله بترضى عليك بس لا تستهم انته
سعود : اقول عبود كشختك أشوفها بزياده جنك إلا معرس
حكيت راسي وقلت بتهرب : تراني معرس
سعود رفع حاجبه : أونك ..... أمسات كنت تتشكى لي اللحين اشوف الدنيا تغيرت
عبيد : هيه تغيرت ودوام الحال من المحال
سعود : ربي يهنيك يا خوك
عبيد : وياك ...... يالله أنا استأذن
سعود : وين توك دخلت
عبيد : عندي سفرة ... ويمكن أغيب أسبوعين عسب جيه ييت أسلم عليك
سعود : تروح وترد بالسلامة
عبيد : تسلم الغالي ........ توصي بشي
سعود : هالله هالله بنفسك ولا تنسى هديتي (( غمز لي ))
عبيد : افا عليك انت بس
توايهت معاه وظهرت صوب بوظبي وانا بنص الدرب اتصل بي سعيد
سعيد : وينك تأخرت يا خوي
عبيد : عطني ربع ساعة وأكون موجود
سعيد : لا تتأخر الملاج ع وصول
عبيد : موب متأخر لا تحاتي
بندت عنه وزدت السرعة عسب أوصل بيت سعيد ربيعي
كنت متحمس واايد لهالملجة
باخذ إخت حرمة سعيد اللي عايشة مع سعيد وحرمته لإن أهلها متوفين ومالها إلا إختها
وصلت بوظبي ورحت شقة سعيد وملجت ع هيا
هيا إسم حرمتي اليديدة يا حلات إسمها وحلاتها هي كلها على بعضها
يلست معاها بعد الملجة وكانت آية بالحسن والجمال فز قلبي لها ولحضورها
لجمالها الهادي بدون ما تغير بخلقتها بكرتون مكياج كانت مكتفية بروج وضل عيون أخضر خفيف
وفستانها الاخضر الزاهي كان ماسك ع جسمها المرسوم رسم
عمري ما دققت في إنسانه وانفتنت فيها كثر هيا
عبيد : مبروك يا عروس
كان الحيا مالي نظراتها : الله يبارك فيك
عبيد : ارفعي راسج ليش منزلتنه
هيا رفعت راسها شوي وطالعتني وردت نزلته بسرعه
قربت منها ويلست حذالها : شوفيني
هيا بصوت أقرب للهمس : ما فيه ..... بخجل
حطيت إيدي تحت ذقنها ورفعت ويهها غمضت عيونها بقوة
ما أعرف من وين يتني الجرآة وليش معاها هي بالذات : عمري ما شفت أجمل منج بحياتي كلها
هيا فتحت عينها ببطئ وشافتني وعقب ابتسمت بخجل
عبيد : لا تستحين مني خلاص أنا ريلج اللحين
هيا هزت راسها بعلامة رضى وبمحياها ابتسامة ولا أحلى منها
عبيد : يا علني ما أخلى منج يا قلبي
هيا : يا نصاب ..... توك شفتني وصرت ألبك
عبيد : وربي خطفتي قلبي أول ما شفتج
هيا سكتت
عبيد : يالله جهزي أغراضج نروح بيتنا
هيا : سواني بلبس عباتي والإشارب .... وبودع إختي
عبيد : اترياج
وبعد ما لبست عباتها وشيلتها ويت إختها عندي وهي تمد لي شنطها
اخت هيا (( لمى )) : دير بالك على اختي
عبيد : بعيوني
لمى : تسلم عيونك
خذيت الشنط وحطيتهم بالسيارة
وتريتها تنزل وفتحت لها الباب وركبتها السيارة ورحت فيها الشقة اليديدة إلي استأجرتها وكانت في نفس العمارة
إلي أنا وظافر كنا ساكنينها بس في طابق ثاني
طلبت عشى من مطعم وتعشينا وبدت تتأقلم وياي مثل ما أنا بديت
--\\--
اسبوعين عشت نعيم لا يوصف
شعوووووور جميييييييييل جداُ كانت هيا شالتني بعيونها مو مخلية علي قاصر حسيت نفسي مراهق وساعات أحس
نفسي طفل وانا بين أحضانها
عبيد : هيونه
هيا : نعم إبن عمي
عبيد : ليش أنا ما عرفتج من زمان ....... وين كنتي عني
هيا : هيك الله بدو
عبيد : لك يؤبشني الغنج أنا
هيا : ههههههههه بشوفك تعرف تحكي شامي
عبيد : إيه لكـــــــــــــان ........منشانك بحكي كل اللغات
هيا : يؤبرني الأباضاااااااااااي
عبيد : أعيبج أنا
هيا :لك الله وكيلك إنك بتعجبني وانت بكل حالاتك
عبيد : صدق ......يعني تحبيني
هيا : انا ما بحبك ....... انا بموووووت فيك يا عمري إنتته
عبيد : شو أسوي بعمري قولو لي شو أسوي ......
هيا : عبيد حبيبي متى بتروح لبيت أهلك
عبيد : كم تاريخ اليوم
هيا : اليوم 25 – 6
ضربت راسي : تعرفين إن عرس خالي بكرى
هيا : عن جد
عبيد : مو بس إلا خالي واختي بالرضاعة بعد
هيا : يا ويلي ..... وما عملت شي
عبيد : افففففف ولا شي حتى إختي بالرضاعة كنت واعدنها بهدية وما شريت
هيا : شو رايك ننزل السوء سوا وانا بنــئي لها أحلى هدية
عبيد : خلاص مالنا إلا جيه البسي عبااتج وشيلتيج ولا تنسين الغشوة
هيا : بلاها الغشوة
عبيد : هيا نحن شو قلنا
هيا إبتسمت لي : لك لعيونك إلي بدك إياه بسويه
هيه هاي اللي تسمع الرمسة وبدون ما أناقشها موب هاذيج السودة من أقول لا تعاند وتسويه
تريت هيا ونزلنا مع بعض وركبنا السيارة وقبل لا أحرك طلعت تليفوني من السيت وبطلته
بتسألوني ليش عاقنه بقولكم لإني قلت لهم إني مسافر وطبعاُ ما يستوي اتكلم بتليفوني وانا خاري البلاد
بطلت التليفون من ها الصوب والمسجات تهل علي
هيا : ما شاء الله كتييييييير اللي بيحبوك يا عبيد
عبيد : لا حد يسمعج بس
عقيت التليفون و حركت السيارة ورحنا المارينا مول أنا وهيا وهيا إختارت ساعة حق شما
هيا : شو رأيك حبيبي بهي الساعة بتجنن بتعئد
عبيد : إنتي اللي بتعئدين وتجنين
هيا : عبيد نحن بالسوء هلا
عبيد عضيت شفتي السفلى وقلت بهمس : آآآآخ لو إنا مو بالسوء وهالعالم تشوفني ...
هيا : شو بك عبيد روووووووء ولا رجعنا البيت بعملك إلي بدك ياه
ابتسمت لها شريت لشما الساعة وع السريع تنقينا هدايا بسيطة لإهلي ع اساس اني كنت مسافر
بالليل زهبت شنطة الهداية وعلى كم قطعة من ثيابي
هيا : بتروح هلا
عبيد : هيه .... بتمين بروحج وإلا أوديج عند إختج
هيا : لاءا بدي اضل هووووون
مسكت أكتافها : هالله هالله بنفسج ولا تبطلين الباب لحد واتصلي علي اذا احتجتي شي
هيا ضمتني : ربي يخليلي إياك ...... راح توحشني
عبيد : كلها يومين وراجع
هيا : دير بالك ع حالك
ابتسمت لها وبست راسها وظهرت
وطول الدرب كنت اقارن بينها وبين مها وهي اللي تفوز وبجدارة بعد
انتهى البارت الثامن عشر
البارت التاسع عشر
وصلت البيت لقيت البيت هادي استغربت درت البيت حجرة حجرة ولا لقيت حد
مسكت تليفوني واتصلت بعبور
عبيد : الو
عبير : الو هلا عبيد هلا
عبيد : هلا فيج وينكم البيت فاضي
عبير : نحن ببيت عمو مسوين ليلة حنا حقها
عبيد : اها
عبير : تعال ترى اهل ريل عمو يو من قطر
عبيد : صدق
عبير : هيه
عبيد : انا تعبان وشكلي برقد باجر بسرح جداهم
عبير : اوك
عبيد : سي يو
عبير : سي يا
بندت عنها دخلت حجرتي وكانت نفس ما تركتها ما تغير فيها شي غير البهدله الخفيفة وثياب مفرورة ع ينب
والمكياج مفروووز ع التسريحة وريحة عطر ودخون مالية المكان
شكلها مها حاست الدنيا قبل لا تروح بيت عمو
بندت الليت غمضت عيوني ونمت
حسيت بالضو يى في عيوني وبحركة في الحجرة خوزت اللحاف بقوة ومن حركتي خافت مها وردت ع ورى ويوم
استوعبت اني عبيد
مها بتردد : ع عبيد
شفت الساعة لقيتها 3 إلا ربع
عبيد : توج ياية
مها : من زمان ييت بس كنت سهرانه مع اختي
رديت حطيت راسي وكملت نوم
قلت من تحت اللحاف : بندي الليت ابي انام
بندت الليت عقب حسيت بها يوم انسدحت ع الشبرية لفيت بجسمي وصديت عنها
نشيت ع صلاة الفير صليت بالمسيد وسلمت ع شيابي عمي وابوي ورديت ويلست اسولف مع امي وابوي
ام علي : متى نشوف عيالك يا عبيد
ابتسمت اجاملها : قريب يا إمي
ابو علي : ليش مستعيلة توهم معاريس
ام علي : الحريم كل شوي سئلني حرمة ولدج عبيد ما حملت
عبيد : إميه سوي لهن طاف
ام علي : يسد أمس حرمة بو فيصل يوم قالت لي ليش حرمة عبيد ما حملت
أمي كانت ترمس وهي مقهورة وأنا ماسك ضحكتي من يومها إمي ما تتوالم مع إم فيصل
الله يسلمكم ريل إم فيصل يستوي إخو ريل عمو الله يرحمه وهم من قطر
وعندهم فيصل و تركي بس
وتركي من عمري ودووم يوم ايي يبات ببيتنا بس هالمرة لإني ما كنت موجود ويمكن الأخ إستحى لإني معرس
بو علي : عبيد إنت سلمت ع قوم قطر
عبيد : لا ما سلمت بسير ع الساعة 9
ام علي : هيه روح عند عمتك وعاونها
عبيد : إن شاء الله
يلست أقرقع فوق إمي وأبوي عقب دخلت حجرتي بدلت ثيابي وطلعت وشليت جيس الهدايا وقبل لا أظهر خليت هدية
مها فوق التسرحية
رحت بيت عمتي هودت وطلعت لي عمتي
ام شمسة : هلا والله بولدي
مشيت صوبها وسلمت عليها
ام شمسه : شخبارك يمه
عبيد : طيب طاب حالج ... إنتي عمتي شخبارج
ام شمسه : الحمدالله مرتاحة
عبيد : محتاية شي عمو
ام شمسه وهي تمسك ويهي : شوفتك يما ....
ابتسمت لها ومسكت إيدها وبستها : ربي يخليج لي
شمسه من ورا عمو : ويخليها لي
عبيد : هلا بالشمس كله
شمسه : هلا بك
سلمت عليها وخذت علومها
عبيد : شواخ هني بعد
شمسه : هيه ...... معلوم ما تسأل إلا عن شواخ ونحن ما تسوي لنا سالفة
عبيد : حتى إنتي ترى غالية
شمسة : مبين قدري عندك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك