رواية وصية حقد -14

رواية وصية حقد -14

عمار وقف منبهر شافها رفعت وجهها وهو الحين يشوفها شافها تلوح بيدها ببطء

هل كانت مثل ما تخيلها

لا

كانت اجمل ببساطه

رفع يده بدون ما يحركها

الى اللقاء

.................................................. .......... ........

في السياره بعد ما خرجوا من الحاره

طارق _ بنروح للبيت تسلمون على هلنا وبعدين ناخذكم للمطار الاختبارات بعد ثلاث ايام

فارس _ ايش

علي _ اللي سمعته اختبارات التعويض بعد ثلاث ايام لا تخافون كل شي محلول

عمار +_انتوا عارفين ان هاذي اختبارات تخرج

علي _ عارفين تبغون تدخلون ايش جامعه برا ولا هنا

عمار _ انا ابغى هنا

فارس _ ابغى برا

علي _ عمار وش الجامعه

عمار _ أي جامعه في الرياض

علي ناظر طارق هم فاهمين وهذا شي واضح ان التغير باين في عمار اكثر من فارس

بس هذا المهم لان عمار كان في الخطر اكثر من فارس

طارق _ فارس انا اشوف بعد انك تجلس في الرياض احسن

فارس وهو باين مو راضي _ بشوف

.................................................. .......... .

في نزلت وحطت المكينه وقعدت تشتغل بهدوء دانه ويهوف ما فكروا يسئلونها

خذت هيوف كل الاقمصه (الارواب ) اللي ما راح تشلها معها وعطتها في وفي ما شاء الله عليها ضبطتها كلها

خلصوا شغلهم وهيوف خلصت شنطتها

قفلتها

وصارت مستعده

للحياه المجهوله

.................................................. ...

الم في راسها قوي مره

ولا قدرت تنام

قامت من السرير وناظرت جنبها لكامل اللي نايم نوم عميق ما بغت تقومه لانه ما نام الا متاخر

كان يخدمها في كل شي ما يخليها تسوي شي

راح يرجعون الاسبوع الجاي

كيف راح يكون تعامل اخيها معها

هي عارفه انه معقد من النساء

وش بيسوي معها وهي طلعت مثلهم بالنسبه له

خرجت للصاله وراحت للمطبخ دورت حبوب مالقت الا حبوب الفيتامين حقت الحمل والحديد

طلعت جلست على الكنبه

الم الراس يزيد

امس صارلها نفس الشي وما عرفت وش تسوي لان كامل مانعها ما تشرب أي دوا الا الفيتامين يخاف عليها من أي شي

ناظرت التلفزيون

هي تذكر امس انه تعب كثر راسه وجعه وعيونه حمرت وعرق بعدين فتح شنطته وخذا حبه وهدي

اكيد انها هناك

بروح اشرب منها وحده

.................................................. .......... ...........

دخل مكتبه الصباح لازم يخلص اشغاله عنده سفره اليوم للاردن عشان صفقه لازم ينهيها الايام الجايه

محمد دخل وراه

طارق ناظره عرف ان فيه شي مو كويس

محمد_ التصنيف حق شركتنا نقص

طارق ناظره بهدوء _ بس التصنيف ما نزل للحين

محمد_ كنت اقصد تصنيف شركتنا عند الشركات المحليه وهذا ما يقلل فرصتنا في شراء شركه ام جي وشركه لاب توماس اللي كان مفروض ننزل العروض اليوم

طارق ما كان مهتم_ وش المشكله ليه راح تقل فرصتنا

محمد_ عشان صفقه شركه الشهال الناس بعد ما عرفوا بافلاس عبدالله وهم خايفين انك تسوي ذا الشي معهم وظنوا انك مسوي ذا الشي متقصد بابو حاتم

طارق بسخريه ثابته -_ انا مسوي ذا الشي متقصد

محمد_ لازم نلغي ذي الفكره قدام الناس

طارق _ لا تخاف كل شي راح يكون كويس نزل العرض اليوم ودق لي على سعد الغافل ابغاه ضروري اليوم

محمد مستغرب

طارق _ فيه شي غير مفهوم يا محمد ؟؟

محمد_ لا ان شاء الله كل شي مفهوم اترخص

.................................................. .......

قامت وهي تسمع دق على الباب

فتحت عينها وشافت ام سعد وغدير وغلا داخلين عليها

قامت من سريرها بسرعه

ام سعد بموده _ صباح النور يالعروسه

همايل _ ها

ام سعد_ حبيبتي تعالي شوفي فستان زواجك جا اليوم انا طلبته لك

همايل ناظرت الفستان كان حلو بس مو ذوقها لانه كثير مشغول فيه تحب البساطه

همايل قربت وناظرت الفستان

ام سعد_ اعجبك

همايل _ يجنن تسلمين ( لان ام سعد تقريبا شرت كل اغراض الزواج بنفسها وهمايل ما رفضت )

ام سعد_ يله البسيه

همايل ناظرت غلا وش جابها ذي كل يوم صباح ومسى عندنا ما تستحي

همايل خذت الثوب ويوم صارت قرب باب غرفه الملابس سمعت غلا تقول

غلا _ همايل ارجوك خليني البسه قبلك ما ابغي اعينك وقالوا اذا ما تبغين تحسدين احد جربي الحاجه قبل ما يلبسها

همايل ناظرتها ذي من صدقها ولا تلعب معي

غدير _ همايل عطيها يا خوفي يجيك شي (اللي يشوفهم يقول ملائكه على الارض )

ام سعد بخوف خذت الفستان من يد همايل وعطته غلا

همايل جلست على سريرها منقهره

غدير طلعت من الغرفه همايل عرفت ان فيه شي غلط

طلعت غلا بعد وشي وغدير دخلت

ام سعد _ ما شاء الله يجنن عليك

همايل رغما عنها اعترفت ان الفستان يجنن على غلا

غدير لام سعد_ اصلا انا اخترته وانا اتخيل اختي

اذا غدير اللي اختارته) )

همايل فكرت

بعد شوي اندق الباب وانفتح

سعد وهو يناظر غلا متعجب

همايل ناظرتهم

فجاءه سعد ناظر همايل _ ظنيتك انتي اللي راح تلبسينه

همايل _ غلا كانت تبغى تشوف الفستان عليها و ما اعرف بعد وش تبغى تشوف غلا تبغين تشوفين كيف الفستان لما يمشي جنبك سعد لاني خايفه بعد تحسديني على ذا الموقف

غلا ابتسمت ما ظنوا ان همايل بترد عليهم بجراءه

سعد ضحك _ لا لا انا ما ابغى امشي الا قرب همايل وبس

همايل ناظرت غلا وابتسمت

سعد_ اعذروني انا نادتني غدير قلت بشوف همايل لكن انا اسف(طلع )

ام سعد ناظرت غدير وغلا بنظره بان فيها احتقارها لهم

ام سعد_ افصخيه عشان همايل تلبسه

.........................................

.................................................. .......

الساعه الحاديه عشر صباحا

مكتب رئيس مجموعه ار ال سي

طارق حمد الراسي

سعد دخل وهو رغما عنه خايف

طارق التفت له وشافه قام وعلى وجهه رسمت اكبر ابتسامه

وهو ياشر على كرسي _ تفضل

سعد جلس _ زاد فضلك

طارق _ سعد

سعد ناظره بوجل _ نعم

طارق _ عندك فكره عن السبب اللي انت عشانه هنا اليوم

سعد_ كنت اتمنى انك تحيطيني علما به

طارق ضحك _ اكيد .... ومد له ورقه وقام وطلع من المكتب

سعد قعد يناظر الورقه وهو متحجر

صفقه عمره في حياته ما تخيل يشوفها او يمسك ورقه فيها هذا المبلغ وهاذي الامكانيات

قراها كلها استغرق حول خمس عشر دقيقه للقراءه

رفع عينه شاف طارق يناظره متى رجع للغرفه تسأل سعد

طارق _ ايش رايك

سعد_ راي في ايش

طارق _ في الصفقه

سعد_ مهمه كثير لكن انا وش علاقتي بها

طارق _ ايش رايك تكون ملكك يا سعد الصفقه بالضمانات اللي عمرك ما كنت راح تحلم تحققها

سعد_ المقابل

طارق رفع راسه وعيونه _ المقابل قبل ما نتكلم عن المقابل... وش رايك اقول الاشياء المترتبه على رفضك للصفقه

سعد استغرب من كلام طارق وش قصده

طارق وكانه يكلم نفسه بصوت عالي _ شركتك شركه لها ثقلها هنا لكنها كانت شبه تابعه لشركه الشهال شركه الشهال غير موجوده الحين وشركتك مازالت موجوده رغم الضعف اللي تعانيه

سعد_ الهدف

طارق بصوت عميق مؤثر _ الهدف تخيل معي انك تطلع من هذا المكتب وانت رافض الصفقه وانك تصحى في يوم و تروح لشركتك تلقاها بلمحه بصر منهاره تبحث عن السبب السبب غير موجود الاسهم نازله بقوه السبب غير معروف ثقه العملاء منعدمه السبب غير مفهوم لكن في قراره نفسك في قراره نفسك تعرف ان السبب رفضك لهاذي الصفقه وبالتحديد رفضك لكلامي

سعد ناظر طارق وهو منصدم _ تهددني

طارق ابتسم _ لا احذرك

سعد_ ممكن اعرف وش المقابل

طارق _ ابعد عن عايله الشهال لا تساعدهم خرجهم من بيتك اعذرني على صراحتي لا تحاول ولا محاوله انك تسدد القرض المستحق عليهم

سعد_ ايش

طارق _ اللي سمعته

سعد_ انا تقريبا زوج بنتهم يعني اناملزوم اني اساعدهم

طارق _ تخلص من الاشياء اللي تخليك ملزوم

سعد_ يعني تقصد اني اترك همايل

طارق _ انا ما اقصد شي الا انك تنفذ مطالبي

سعد_ مستحيل اترك همايل لاي سبب سو اللي تبي

طارق سكت شوي _ انت وحيد هلك صح ابوك وامك كانوا عاقدين عليك امالهم لكن وللاسف انت بقرارك الغبي هذا راح تخليهم يعيشون اخر ايامهم في اوه صح وين راح يعيشون

سعد _ لا تحاول تغير راي

طارق _ لا راح احاول لاني مهتم بك اكثر من اهتمامك بنفسك سعد انا عارف نفسي اكثر منك اذا بغيت شي راح اجيبه فخاف مني ووافق على الصفقه

سعد_ وش اسوي

طارق __ اليوم وافق ووسافر بكره عشان التوقيع ولا ترجع إلا بعد الزواج اكيد هم راح يخرجون بنفسهم ولكن اذا ما خرجوا انت مجبر تخرجهم ومن هنا يجي دوري وانت انتهى دورك

سعد ناظر الورقه وشاف فيها صوره ثلاثه اشخاص

امه

ابوه

همايل

ثنينه لواحد

.................................................. .

بعد مرور ثلاثه ايام

وقف عند باب ميرسي هوسبيتل ..... امستردام ... هولندا

مشى هل هو في الحقيقه يمشي لا يعلم

لم يعد يشعر بشئ

هل حقا ما حدث حدث

توقف قليلا

وكم تمنى ان تدوم لحظه الوقوف

لانه خائف من مواجهة القادم

كيف سيراها

دخل الغرفه

رآها

لم تكن هي

بل هي هي ولكنها لم تعد هي

بل اصبحت كظل لمن كانت هي

دخل وراه دكتور

د . ستيفن _ هل انت اخوها

جاسر ناظرها وكانه ضايع _ نعم

د.ستيفن _ اريد التحدث معك قليلا

طلع وراه

د. ستيفن _ لقد تركها مرافقها بالامس كان كالمجنون هل تعرفه لاني اعتقد انه في خطر الشرطه ايضا تبحث عنه

جاسر جلس تعبان _ لماذا

د. ستيفن _ هل تريد ان تعرف ماذا حدث لاختك

جاسر _ هل ستنجو

د. ستيفن _ الامل هو سلاحنا الوحيد

جاسر ناظره وكانه يقول قولي الحقيقه وبس

د. ستيفن _ لا اعتقد ذلك فرص نجاتها ضيئله جدا بل انها تتضائل مع مرور الايام

جاسر غطا وجهه بيده _ ماذا حدث لها مالذي اصابها

د. ستيفن _ مخدرات لقد اخذت مخدرات قويه بل انها زياده جرعه

جاسر ناظر الكتور وضحك ضحكه قصيره تدل على كبر صدمته _ مخدرات ان اختي لا تتعاطى المخدرات

د. ستيفن _ نعم اعلم وهذا السبب ان جسد اختك لم يستحمل التاثيرات التي تحدثها المخدرات القويه التي شربتها اعتقد انها شربتها بالخطا والذي زاد من الخطوره كونها حامل وهذا سبب جنون الرجل المرافق لها اعتقد انه هو من كان يتعاطى المخدرات

جاسر غمض عينه لانه عارف بل ومتاكد ان كامل هو المدمن والسبب في حاله اخته

جاسر _ حامل لقد كانت حامل ( سكت كثير ) كم تبقى لها

د. ستيفن _ ليس الكثير لا تقلق سابعد عنك التحقيقات فانا اعرف مكانتك

جاسر قام ورجع لغرفه جود

.................................................. .......... .................

ام كامل _ دانه خذي الشاي ووديه لابوك برا الا اسمعي ايش بغيت اقولك وين سالم ما نزل ماهي من عوايده خبري به يفطر معي

دانه بتلعثم _ سالم سالم والله ما ادري تلقينه طول بالسهره

ام كامل _ وهيوف وش هي مسويه بكره سفرها

دانه _ خلصت كل شي اغراضها جاهزه

ام كامل بسخريه مبطنه _ ما كنت بعارفه ان السفر لامريكا سهل لذي الدرجه

دانه _ لا بس عم ديمه ساعدها كثير تقريبا هو اللي سوا كل شي مسكين الله الله يوفقه ويجزاه خير

ام كامل _ والله يا دانه ماحد يسوي كذا من الباب للطاقه تلقين هيوف مسويه شي

دانه مصدومه _ كيف يعني

ام كامل _ انا من يوم عرفت انها بتسافر وانا غاسله يدي البنت ذي لازم تبعدون عنها

دانه _ يمه عيب لا عاد تقولين كذا انا بودي الشاي

ام كامل _ لا ماهو بعيب عرفت ان سالم خطبها ورفضت تبغى تجرب حياتها

دانه مصدومه _ سالم خطبها متى

ام كامل _ قبل خمسه ايام يوم تعبتي والدلوعه رفضت تبغى تسرح وتمرح قبل زواجها

صوت من وراهم _ كيفي عندك مانع

ام كامل ناظرت بسرعه ماهي مصدقه ان هيوف سمعتها

هيوف قربت منهم وفتحت الثلاجه وتكلمت وهي تفتش فيها عن اكل _ كيفي عندك مانع

بعدين ناظرت عمتها

_ وبعدين يومك تبين تبعدين عني بناتك خذيهم ضميهم على صدرك انا اللي ما يشرفني اكون مع بناتك الاولى تحب وتموت فيه ما خلت حد الا وعرف وفالاخير يوم زهق منها اعرس بغيرها(ام كامل ناظرت دانه ) تبين تعرفين من هو؟ فايز اللي احضرت بنتك زواجه وبكت وانتي زي المسبهه ما تعرفين شي والثانيه حدث ولا حرج كل يوم ناطتلي في السطوح تلاقي ولد الجيران واخر مره مرسلها انا احبك وكل يوم وهي معه لا وتبغى تجر اختي معها

ام كامل بصوت عالي _ كذابه انتي كذابه حاقده على بناتي لانهم اشطر منك واربى منك

هيوف بصوت عالي تجاري خالتها _ اقول لا عاد ترفعين صوتك علي الا بناتك صايعات ما هم بمتربيات بينهم وبين النجاسه شعره

دانه ولاول مره صارخت _ هيوف بس لا عاد تتكلمين مع امي كذا وما اسمحلك تتكلمين عنا كذا

هيوف ضحكت _ تكلمتي يالطوفه اول مره اسمع صوتك حبيتي الا بتسمعين صوتي وبتكلم انتي صايعه ضايعه ما ربوك هلك لا ابيك ولا امك فهمتي

دانه _ تخسين متربين غصبا عنك

ام كامل _ شوفي مالصايع الا انتي تبين تروحين وتسافرين للضياع

هيوف ضحكت بس كان باين انها مو قادره تسكت

قربت منهم وخذت براد الشاي ورمته على خالتها في وجهها وصدرها

ام كامل قعدت تصيح من الالم

ودانه زي المصدومه

هيوف بتهزي _ احترقتي اووه لا يكون جمالك بيروح معليه كفاره ذنوب بناتك

في وموزه نزلوا من الصوت وانصدموا

في تصارخ _ من اللي سوا كذا بامي

موزه ناظرت اختها اللي طلعت ولحقتها

موزه في اول الدرج تتكلم مع هيوف بازدراء _انتي ويش انتي مجنونه خبل فيك حاله نفسيه

هيوف تبغى تنرفز موزه _ اوه من اللي يتكلم عاشقه سالم تعرفين شي سالم خطبني خطبني انا وتركك يالبزر ما يناظر امثالك

موزه تناظره مفجوعه _ كذابه

هيوف _ منتي بمصدقه اقومه لك وتعرفين وش قال بعد قال انها يحبني وما يبغى الا انا

موزه _ كذابه انتي كذابه

هيوف مشت بهدوء اتكمل الدرج _ كيفك بيجيك الخبر

ذكريات مسروقه 2(وصيه الحقد)###

--------------------------------------------------------------------------------

الفصل الثامن عشر

شخص جديد

############### بلا موجز لهذا الفصل ##############

سعد _ الو يمه اسمعي بيجيك السواق جهزيلي شنطه عندي سفره ضروري

ام سعد بهدوء _ طيب متى راح ترجع اسمع ارجع قبل الزواج بيوم عشان تملكون فيه

سعد_ ان شاءء الله السفره مو مطوله

ام سعد_ طيب ارسل السواق وانا ان شاء الله بجهز الشنطه بنفسي تامر على شي

سعد_ ابد يمه سلميلي على همايل

ام سعد_ تم مع السلامه

.................................................. .......... ....

قفلت على نفسها باب الغرفه وجلست عنده ساكته وجهها بدون دموع لكن عينها تعكس الالم اللي تشعر به

كانت قبضتها شاده على صدرها وكان فيه الم غير محسوس

كانت تبغى تسوي هذا الشي من اول مخططه له

بغت تسويه في الليل بس صار الحين مو فارقه الظروف ساعدت

بغتهم يكرهونها عشان هي نفسها تنساهم وتكرههم

لكنها متئلمه رغما عنها

رغما عنها

اندق الباب قامت وتغيرت ملامح وجهها عرفت من الي يدق

في اول ما انفتح الباب تصارخ على هيوف _ شوفي يا المعقده نفسيا اول ما تسافرين تعالجي طيب تعالجي لا تخوفين هل ذيك البلاد

هيوف تناظرها ببروده

في _ الله ياخذك جعلها روحه بلا رده اكرهك انتي شيطان انتي انسانه حاقده علينا غايره منا عشان ما معك احد ما احد يناظر وجهك صدق اكرهك يا الطيسه

هيوف دخلت الغرفه وخلت في تكمل كلامها كانت كل كلمه تجرحها خاصه كلمه ناقصه اللي قالتها في وطلعت ما عرفت انها ضربت على الوتر الحساس

صدق انا ناقصه

وعمر هالنقص يكمل

هذا نقص يجر نقص

دخلت دانه بعد شويه وقفلت الباب هيوف ناظرتها

تفاجاءت من اللي شافته

دانه تبكي _ هيوف تقدرين تسامحيني عشاني رفعت صوتي

هويف مصدومه _ ايش

دانه قربت منها وهي تترجا _ انا انا اسفه والله اسفه ما كان قصدي ارفع صوتي عليك هاذي اخر مره اسفه يا هيوف سامحيني

.........................................

طارق _ محمد تعال

محمد دخل المكتب

محمد_ سم يا استاذ

طارق _ ارسل عمال ينظفون البيوت الملحقه بالقصر ابغاها تنظف في ظرف ثلاثه ايام

محمد_ بس عمال القصر يعيشون في الجانب الشرقي في البيت الطويل

طارق _ محمد ممكن تنفذ مره كلامي بدون استفسار

محمد_ طيب ان شاء الله تم

..............................................

هيوف قامت _ انتي من ايش مخلوقه ما تحسين ليه تسوين كذا معي من يومنا صغار وانا اجرح فيك اورطك اهينك انا اللي كنت اسرق دفاترك انا اللي خربت عليك زواجك وكنت قاصده ومتعمده انا اللي اورطك في كل المشاكل في المدرسه

دانه بخنوع غريب _ عارفه بس انا سويت كذا عشاني احبك وانتي من لحمي ودمي

هيوف بشك _ انتي غبيه عشان كذا تسوين كذا الا اذا فيه شي ثاني وهو السبب

دانه بارتباك خفيف _ مابه غير ذا السبب

هيوف قربت منها وهزتها _ دانه دانه قولي قولي قوليها

دانه بكت بقوه _ ايوه ايوه انا عارفه انا عارفه بكل اللي صارلك اسفه اسفه يا هيوف انا احاول اكفر اغلاطه بس عارفه ان اللي صار هدم كل شي اسفه

هيوف تراجعت كانت حاسه وتاكدت جلست وتناظر دانه اللي مغطيه وجهها

دانه _ كنت نازله ذاك اليوم انام معك رغم انك رفضتي لاني ما كان تركتك وشفت وشفت اللي صار ما قدرت اسوي شي خفت خفت

هيوف ما بكت بس جلست تناظر دانه

هيوف متى دموعك بتنزل

متى الاشياء اللي راكمتيها فوق بعض بتتحرر وتبكين

دانه _ اسفه حاولت اسوي كل شي عشان تنسين كنت عارفه انك تكرهينا وهذاك اليوم يوم طلبتيه تسافرين شفتك وكم تمنيت انك خاصمتيه

هيوف قامت تحسها هايمه _ دانه

دانه قامت _ هيوف

هيوف _ اطلعي ما ابغى اشوفك لا عاد اشوفك حاول تختبين لبكره ما ابغى اشوفك انتي هدمتي كل شي

دانه حاولت تقرب من هيوف بس عرفت ان هيوف بتصدها _ سامحيني قولي انك سامحتيني

هيوف _ لا ما راح اسامحك ولا راح اسامحك لا انتي ولا ابوك اطلعي برا

دانه قعدت تناظر هيوف عرفت انها خلاص ما عاد راح تشوف هيوف او على الاقل ما راح تشوفها لمده طويله

دانه _ اهتمي بنفسك انا ادعيلك واذا بغيتي شي

هيوف قاطعتها _ اطلعي

دانه طلعت وقبل ما تطلع ناظرت هيوف للمره الاخيره

؟.................................................

انتهى هذا اليوم الذي بدا لاصحابه وكانه دهر لن ينتهي قريبا

انتهى على خسائر فادحه للبعض

وارتفاعات في حظوظ البعض الاخر

لم يكن عاديا ابدا ولا لاي شخص عاشه

كم حدثت من احداث في ذاك اليوم حتى على الصعيد العالمي

كانت هناك حوادث غريبه اغتيالات معلنه وكشف امرها

الكثير الكثير ليصف المؤلم القليل

لم تنم هيوف مطلقا تلك الليله كانت ولاول مره تنم لوحدها في تلك الغرفه بدون دانه التي لم تنم ايضا

في كانت غاضبه جدا من هيوف وتنتظر رحيلها

موزه قررت ان تكره اختها لان هذا اسهل قرار لعواطفها االتي لا تفهم الا نوعان من المشاعر الحب والكره فالحب لا تستطيع اعطائه لاختها لكن الكره كان مناسب جدا لشغل تلك الوظيفه

كان جميع من في ذاك البيت يتمنى رحيل هيوف لقد المت الجميع بلا استثناء والبعض الاخر رغما عن الامه تمنى ذهابها لكي ترتاح هي نفسها وتبتعد عن هذه الحياه التي اضنتها

لكن كان هناك شخص لم يستطع ان يتمنى هذا الشي.... سالم

سالم لم يخرج طيله ذاك اليوم لانه علم انه اذا رآها لن يدعها تذهب

احبها وسيظل يحبها الا ان يقرر القدر ان هذه المشاعر تحتاج الى تغير

ام كامل ذهبت الى ابو كامل لتشتكيه لكنه لم يحرك ساكنا

غضبت ولكن لم تخرج بشئ الا حروق متفرقه في وجهها وصدرها ويدها اليمنى واحساس بالاهانه البالغه

ابو كامل كم شعر بالراحه رغم كل شئ لقد علم انها ذهبت وستذهب معها نظراتها المؤلمه

..................................................

هيوف

لبست عبايتها

ما تحس بشي

ولا شي الا خواء وفراغ

ما حد وقف عشان يودعها ولا احد

نزلت وهي تسمع المكيفات في كل غرفه تشتغل لتعلن عن استغراق اهلها بالنوم

لم يهتم احد بذهابها وكم المها ذلك ولم تجد لالمها هذا مبرر فهذا ما كانت تريده لكن حدوثه المها وانتهى الامر

شافت عمها ينتظر

هيوف من غير ما تناظره _ لا تاخذني بروح مع ديمه وعمها

ابو كامل بغضب غير ظاهر _ ايش وليه انا اللي باخذك يله

هيوف وهي تمشي للباب تكلمت بصوت واطي _ ما ابغى اروح معك ما ابغى اجلس معك لحالي فهمت ولا اشرح

ابو كامل تجمد مكانه _ تعاي خذي ذا الظرف لازم تضبطين امورك

هيوف ناظرت الظرف لكن حالتها ما تسمح لها انها ترفض خذته بهدوء وطلعت

ابو كامل طلع لعم ديمه اللي بعد هيوف ما شافته وسلم عليه وهيوف دخلت لديمه اللي كانت جالسه ورا عشان تكلم هيوف

ديمه اول ما دخلت هيوف _ اهلين بالمغتربه

هيوف _ اهلين

ديمه _ وين دانه ظنيت بتجي معك ولا وين الوفد مفروض انهم يسون مسيره

هيوف سكتت ديمه ما علقت

ديمه _ حظك ليتني معك لكن انا عندي اخ راسه كبير ومصنوع من الحجر الخالص ولا عمي حاول بس حياه لمن تنادي هيوف ناظريه تريه يشبه حمزه حبيب القلب

هيوف ناظرت تبغى تشوف عم ديمه

ارتاحت لشكله كان كبير في العمر ممكن خمسين لكن باين عليه الوقار يشتغل في السفاره في الرياض

دخل وسلم عليهم وبدا نصايح

وارشادات

.................................................. .......... .......

ناظرها وهو يبغى يحفظ كل ملامحها

كانت تشبهه كثير اللي يشوفهم يعرف بسرعه انهم اخوان

البشره الفاتحه

الشعر الاسود الناعم الكثيف

الشفايف المكتنزه وخاصه السفليه ذات لون وردي غريب محبب للنفس

انامل رائعه لانه هو واخته قضوا وقتا طويلا في تعلم الدق على البيانو والرسم

العيون الرائعه الناعسه

كان دائما يبدوان وكانهم ليسوا من البشر من روعتهم

يطلق عليهم الجمال اليوسفي

لكن لم يعد يرى فيها ذاك الشبه كانت تقريبا مختلفه

لقد كانت شاحبه مريضه ذات شفاه زرقاء

تالم عليها حقا

ناظر بطنها قال له الدكتور انها في الشهر الاول فقط

جاسر بصوت واطي غاضب _ من اللي غلط يا جود منو انا غلطت ولا غيري قولي لي لاني مو ناوي اخلي الغلطان ينتهنى بيوم من ايامه

................................................

وصلت للمطار وخلصت اوراقها

خلصها عم ديمه مشكور هذا الانسان لانه تعب كثير معها

هيوف لديمه اللي جنبها _ عمك دايم يسوي كذا مع الناس يخدمهم لذي الدرجه

ديمه _ سبحان الله ايوه دايم خدوم وعياله كذا عشان كذا انا بموت في حمزه

هيوف _ وش سوى ذا حمزه

ديمه _ ما زال في استراليا بيخلص السنه الجايه

هيوف _ وتتزوجون بعدها على طول

ديمه _ ايوه اكيد انتي بتحضرين الزواج صح

هيوف _ ما اظن

ديمه _ حرام عموما اسمعي خليني انصحك انتي الحين ما راح تلقين بنات عشان راح يكونون متغطين لكن اول ما توصلين برلين بتلقينهم يسون زي التجمعات روحي لهم وخليهم يساعدونك وهم ما راح يقصرون

هيوف _ وش اقولهم انتي عارفه انا ما احب اختلط

ديمه _ لازم انتي مجبوره وامم وخذي هذا الظرف وتكفين لا تقولين لا تكفين

هيوف ناظرت الظرف وخذته

ديمه _ كويس انتي الحين راح تدخلين هيوف عيشي وارجعي ببياض الوجه

هيوف _ ان شاء الله ديمه فيه نصايح ثانيه

ديمه بضحك _ دوريلك عريس لان الجامعه اللي انتي رايحه لها فيها ناس اغنياء كثيرين يبحثون عن العزله

هيوف _ غير ذي النصيحه

ديمه تكمل مزحها _ ارجعي لنا زي ما رحتي لا ترجعين وانتي ناقصه

هيوف سكتت

ديمه ضربتها_ بلا امزح

العم _ يله ديمه سلمي عليها خليها تدخل للصاله الداخليه

ديمه لاول مره من يوم جات دموعها نزلت هيوف سلمت عليها بقوه وكانها محتاجه لاحد

ديمه _ هيوف اعتني بنفسك اول ما توصلين دقي علي

هيوف _ طيب اول ما اعرف كيف اشتري جوال وشريحه ادق عليكم

ديمه _ هيوف انتي انسانه يندر وجودها لانك طيبه بس الناس ما يعرفون

هيوف ضحكت _ اهتمي بنفسك يا ديمه واهتمي بموزه تكفين ابغى ادق عليك واخذ اخبارها كلها منك

ديمه _ كنت حاسه ان فيه شي صاير

هيوف _+ بس اوعديني انك تقولين لي عن كل شي يخصها تكفين

ديمه _ ابشري

هيوف حضنتها للمره الاخيره وناظرت عمها

هيوف _ مشكور يا عم الله يجزاك خير

العم _ ما سويت شي يا بنتي لكن حلمت وهذا عبران حلمي الله يوفقك ومن يهتم بنفسه

هيوف _ ان شاء الله مع السلامه

ومشت للصاله الداخيله

يتبع ,,,,

👇👇👇

تعديل المقال