بداية

رواية اسمحيلي من النظره الأولى اوصلك احساسي -10

رواية اسمحيلي من النظره الأولى اوصلك احساسي - غرام

رواية اسمحيلي من النظره الأولى اوصلك احساسي -10

مفلح اجل دخلي والله يعينك
ادخلت ليال
السلام عليكم استاذ خير بقيتني
بندر الظرف الي ارسلتيه متأكده من
المبلغ الي فيه
ليال ايه متأكده انا عديتهم وبعدبن البنات
عدوهم ليه خير
بندر لا بس المبلغ ناقص عشرة الاف
ليال كم لا مستحيل انا متأكده
بندر تفضلي عديهم
عدتهم وشافتهم تسعين الف بس
ليال والله متأكده انهم كانو ميئة الف
بندر عشرة الاف وين تروح طارت في الهوا
سمحيلي الموضوع اشك فيه
ليال لو سمحت لا تشك فيني انا استحاله
اخذ شي ماهو لي
بندر طيب وين الفلوس راحت تكلمي
ليال والله مدري
بندر قام من الكرسي
ليال تفضلي معاي راح افتش قسمكم
مظطر هذي عشرة الاف مو لعبه
طلع مع ليال وخذ معاه السكرتير
وراحو قسم البنات
..................
حبيبه السلام عليكم خير
المديره لا ابد سلامتك بس مكالمه من
مسؤل عندنا
حبيبه بخصوص
المديره والله مدري بس يقول فيه
واحد من اولياء الأمور شاكي عليك
لأنك جايبه اسئله صعبه للبنات
حبيبه طيب عطيني السماعه
الو نعم
؟؟السلام عليكم الأخت حبيبه
حبيبه ايه انا خير ان شالله
؟؟ معاك طلال ولد خالك شلونك حبيبه
حبيبه اول ماسمعت اسمه تذكرت مكالمته
هلا فيك خير فيه شي
طلال لا بس فيه شكوى ضدك بخصوص
اسئلة الأختبار وانها صعبه ومافيه
احد حل ياليت تعيدين الأختبار للبنات
اذا مافيه تعب عليك
حبيبه من قال اسئلتي كانت سهله وكل البنات
حلو عندي وجابو درجات حلوه بس يمكن
ثلاث بنات خذو درجات نازله وثنتين
منهم جابو عذر مقنع وبعيد الأختبار لهم
ووحده ماجابت ولا عطتني عذر مقنع
ليش اعيده لها تنتظر الأختبار الجاي وتعدل
درجتها
طلال لا ياستاذه مو على كيفك هذي بالذات
لازم تعيدين الأختبار لها خاصه ان
ابوها شريك مع ابوي ومانقدر نرفض
له طلب وصدقيني البنت عندها عذر مقنع
حبيبه طيب اسمعه اذا تستاهل اعيده لها
طلال لا مقدر اقوله بس عذرها
عندي مقنع ولا تسألين وهذا امر سامعه
بتعيدينه لها مثل الباقي
حبيبه ماشالله عليك متابع اخبار الطالبات
وتعرف اشياء كثيره عنهم
هذا اذا ماكنت حضرتك مقضي اليوم معا..
استغفر الله المهم هذا الكلام الي عندي
وماراح اغيره
طلال انتي لا تنسين نفسك ومنهو عينك هنا
ورتبك بعد والي قلته بتسوينه وعشانك
بس بنت عمتي بعديها لك ولا لو وحده ثانيه
كان عرفت كيف اادبها
والحين سوي الي قلت عليه
حبيبه ماردت وسكرت الخط في وجهه
طلال عصب عليها
انا تسكرين في وجهي اوريك
وكتب قرار بفصلها من المدرسه
.................
شهد اركبت من ورا في السياره
وليد وعليكم السلام مع اني ماسمعت
شهد(والله فاضي حرك بسرعه ودني البيت)
وليد بدت اختباراتكم
شهد(لازم يتكلم) ايه بدت من اسبوع
وليد وكيف التقديم
شهد زين
وليد شرايك اعزمك في مطعم ونتغدا مع بعض
شهد هي لا تصدق روحك وتعطي نفسك
حريه معاي ولا عشان ابوي مات تظن
اني بصير عادي في الروحه والرده
وانا الغلطانه ركبت معاك اصلا
وليد اخير خليتك تتكلمين اكثر من
كلمه كل ماسألتك كلمه وحده وبس
شهد تدري هذا اخر مره اركب معاك
وليد شفيك والله امزح معاك وبعدين انا
اسف اذا ازعجتك خلاص ماني متكلم
وسكت وكمل الطريق
في المؤسسه
بدا التفتيش عند بندر في كل مكان
وصار يفتش في شناط البنات ولما وصل
شنطة ليال طلع العشره الاف
بندر اقدر اعرف هذا شنهو يانسه
ليال مصدومه والله مدري ماهم لي
بندر اكيد ماهم لك تفضلي معاي
وفاء لما شافت ليال تأخرت خافت انهم
شكو في شي وحطت الفلوس في شنطة ليال
عبير وشوشه وفطوم بيتكلمون
عشان يدافعون عن ليال بس بندر سكتهم
وراح المكتب ووراه ليال
الي كانت منهاره بس ماسكه نفسها ماتبي
تصيح قدامه
بندر والحين بتعترفين انك سرقتيهم ولا لأ
ليال والله ماسرقت شي ولا افكر اسرق
ولا ادري كيف جاو شنطتي
بندر اجل سمحيلي مظطر ابلغ الشرطه
عشان يتصرفون معاك
ليال طيب ليه الفضايح هذا فلوسك وارجعت
لك افصلني من العمل وانتهينا
بندر يبتسم بستهزاء
اسف يانسه لأنه المال السايب يعلم السرقه
واذا سامحتك وعديتها لك راح اعطي
فرصه لغيرك انه يتمادى ويسرق
ليال الله يخليك الي تبيه بسويه لك
بس لا تفضحني
بندر بكل خبث طيب الي ابيه منك
العشره الي خذتيها ازيدها اربعين
وتصير مهرك مني لك
ليال ماني فاهمه كيف
بندر تقبلين تتزوجيني وراح اعطيك مهر
خمسين الف ولا كأنه صار شي عندي
شقلتي
ليال ماتوقعتك انك بتصير نذل وخسيس
بس اسمع انا ماخذ واحد مثلك ماهو
من ثوبي اتصل على الشرطه
مابقى الا انت
بندر حمدي ربك اني بستر عليك ولا بفضحك
عشان اخوك بس ولا انا اخذ احضريه
ليه قلو بناتنا
ليال لا طولها كلم الشرطه
بندر يرفع سماعة التليفون
ويضغط
9
9
...............
للحديث بقيه


الفصل الرابع عشر

بندر مسك سماعة التليفون وظغط
9 9 و
ليال دق جوالها وشافت المتصل ابوها
وخافت عليه لما يعرف بسالفتها
انها بتحرجه ويمكن يمرض بسسبها ويمكن يذل نفسه عند بندر عشان يسامحها وبسرعه
اظغطت على زر انهاء الأتصال
وبصوت مبحوح
موافقه
بندر يرفع حاجب على ايش موافقه
ليال اتزوجك بس لا تفضحني
بندر وعلامة الأنتصار على وجهه
على اساس انا ماينفع تاخذيني مو من ثوبك
ليال لا تخليني اتوسل لك اكثر خلاص
مقدر وصاحت بقوه
بندر خلاص سكتي
عطاها مناديل عشان تمسح دموعها
الحين قومي رجعي قسمك وياليت تروحين
بيتكم وانا بكلم بسام واتفق معاه
ليال شلون ارجع لهم وهم شايفين اني...
بندر قومي معاي وراح ارفع راسك فوق
قدامهم انتي صرتي زوجة المستقبل
ولا تنزلين راسك طالما انتي
حرمة بندر سعد ال.....
طلع معاها لقسم البنات
بندر لو سمحتو سمعوني ياليت تسامحوني
لأني خوفتكم اليوم
ناظر ليال
انسه ليال انا اعتذر لك قدامهم اني
اتهمتك بالسرقه لما رجعت المكتب عديت الفلوس
مره ثانيه وشفتهم كاملين ماهم ناقصين
البنات ارتاحو كثير
وفاء طيب الفلوس الي لقيتهم في شنطتها
بندر والله سمحيلي هذي فلوس ليال وانتي
سأليها من وين لها
واكرر اسفي لك انسه ليال
ليال كانت منبهره ومصدومه كيف
قدر يلقى حل سريع بس على الأقل ارتاحت
بعد مارجع المكتب
فطوم والله خفت عليك وانام تأكده ماتسوينها
شوشه اكيد ماتسويها احنا نعرف تربيتك
عبير الحمد لله ربك مايظلم احد
وفاء(انا متأكده اني حطيت الفلوس في شنطتك
بس يمكن الا اكيد واقطع ايدي اذا ماعرضتي
عليه شي قوي خليتيه مايتهمك والعشره
عطاك اياها مقابل كم لياله تقضينها معاه
بس وين بتروحين وراك وراك لحد ماطيرك)
أرجعت ليال البيت وكانت منهاره وكيف
وافقت عليه بس عشان تنقذ روحها وماتحط
ابوها واخوها في موقف صعب
.....................
في الشقه
عماد راجع من الدوام وصعد الدرج بس شاف
بنت ام محمد واقفه وتحاول تشيل انبوبة الغاز
للمطبخ وكانت متفقه مع امها تنتظر عماد
عماد خليها عنك انا بساعدك
هنادي بدلع لا عادي انا بشيلها
امي رقت وحده وانا الثانيه
عماد لا يابنت الحلال انا بشيلها
والولد كريم وماقصر شال انبوبة الغاز
وصعد فيها لحد باب شفتهم وحطها عند بابهم
هنادي الله يعافيك
وحاولت تشيلها وكانت متعمده تسوي
الحركه هذي طيحت شيلتها من وجها
واكشفت شعرها ووجها
عماد نزل راسه بسرعه وراح لجهة شقته
وفتح الباب وكانت
؟؟؟؟؟؟؟؟؟؟؟
امون داخله غرفتها عشان ترتاح
بس جوالها دق عليها شافت الرقم
وبعدين شيبي
الو نعم
بسام هلا
امون على مااعتقد رقم نواف ارسلته لك
وخلصنا ولا تدق على هالرقم
بسام لحظه كلتيني بقشوري كنت بشكرك بس
امون اسمع اذا تظن اني راعية حركات وكلام
تكون غلطان سامع
بسام اذا تقدمت لك توافقين علي
امون ................
بسام والله قصدي شريف شقلتي
امون طوط طوط سكرت في وجهه
بسام يبتسم يمكن اقدر انساك يامزنه
معاها انتي خلاص ضعتي من ايديني
؟؟؟؟؟؟؟؟؟؟؟؟؟
عماد داخل الشقه وشاف مها واقف
وكانت شافت كل شي من العين السحريه
لما اسمعت احركه قريبه عند الباب
مها ليه مادخلته لها لشقتهم هذا الي بقه
عماد ياقلبي والله كنت اساعدها لا يروح فكرك بعيد ابد
مها صحيح حتى انها اكشفت لك وجها
كذبت علي وقلت ماتساعدهم بس ربي لما
حب يفضحك اكشفك لي اليوم الخايسه
جايه لي وتقول لي لوسمحتي قولي لعماد
اني نسيت ساعتي في سيارته امس لما وصلني مع امي
عماد لحظه افهمك انا امس لما طلعت بروح
لربعي شفتها مع امها واقفه ووصلتهم
للمكان الي يبونه وبس
مها بس انت ظليت تساعدهم من وراي
وهذا كلامها اهي قالت لي الله يخلي
زوجك ماهو مخلينا محتاجين ودايم واقف معانا
عماد لأني اذا قلت لك عارف انك تغارين
وتشكين وانا مابي ازعلك
مها شوف لحد هنا وخلاص قرر ياانا يااهم
عماد انتي مجنونه تحطين نفسك مقارنه فيهم
انا والله ابي الأجر بس
مها زين ياعماد خذ الأجر
راحت الغرفه وسكرت الباب
عماد مهاوي غيرتك بضيعنا فتحي وتعوذي
من ابليس
مها شرايك تاخذ اجر عدل وتزوج بنتهم
لأنه ماعندهم من يقوم فيهم وانت واحد
ناقص اجر صراحه روح لهم يالكذاب
عماد رفس باب الغرفه بقوه
بجهنم ان شالله ماهميتيني ومتى ماعقلتي
وشلتي الي في راسك تعرفين وين تلقيني
طلع من الشقه وهو معصب بس من جهة
شقة ام محمد كانو مستانسين كثير
لأنهم اسمعو هوشتهم من كثر ماعلت اصواتهم
مها في الغرفه اطلعت الصاله وعبرتها واصله
ماتبي تخرب حياتها وحبها بس تصرفات
عماد تقهر بالنسبه لها
.............
في بيت فطوم الساعه 2الظهر
جالسه في غرفتها وتحط كريم على يدها
ووجها يدق باب الغرفه
فطوم تفضل
دخل نواف بتنامين الحين
فطوم قلت اريح قبل اروح العصر المؤسسه
نواف طيب بقيتك في موضوع
فطوم اوكيه بس بسألك الورد ليه ماصار
يجيك عرفت من كان يرسله
نواف لا ماعرفت المهم خلينا في موضوعنا
بصراحه فيه واحد متقدم لك ويبي يخطبك
فطوم حلو اخير فيه واحد بعد مده
عن اخر واحد جاه بس ان شالله يطلع شي عدل
نواف رجال والنعم فيه بس اهومن بعيد
فطوم يعني ساكن مكان بعيد ولا من برا العيله
نواف سمعي طوم وفكري عدل هذا زواج
صديقي مطر كلمني وقال يبيك وانه حاب
يناسبنا وهو يشتغل في قطاع الشرطه
ملازم وحالته الماديه مثل ماشفتيها
فطوم وابوي وامي شرايهم في الموضوع
نواف بصراحه اهم ماحبو الفكره انك
تروحين الأمارات بس ابوي قال اهي صاحبة
الشور ولازم تعرف انه تقدم لها
عاد انتي فكري على راحتك وردي علي
فطوم لحظه نواف رد عليه من الحين ماني
موافقه عليه مابقى اخذ اماراتي
نواف فطيم اذا مانتي موافقه لا تغلطين
على الرجال قولي لأ وخلاص
فطوم بصراحه انا خايفه منه اهو راعي سفرات مثلك ولا مطيحين في المغرب
كل سنه يعني انا شدراني انه ماسوه شي هناك
نواف ياقليلة الأدب تشكين في اخوك
يالي ماتستحين انا عمري ماسويت شي غلط
وكل الي اعرفهم مثلي والحمد لله
تطمني مطر ماسوا شي لما كنت اسافر معاه
فطوم معليه خله يثبت لي انه ماسوا شي
نواف فهميني شلون يالخبله
فطوم يسوي تحاليل ضد الأمراض المعديه
وفي مستشفى حكومه عندهم وعندنا
ابي تحاليل حكوميه مو مستشفيات خاصه
نواف حلفي اذا قدر وسواها في ديرته
هنا كيف ان شالله
فطوم عادي يجي مستشفياتنا ويسوي تحاليل
وساعته ارد عليك
نواف لا استخفيتي اقوله اختي الخبله تبي
تحاليل للأمراض المعديه روح سوها عشان تطمن حضرتها
فطوم وانت ليه زعلان انت قله وشف شيقول
هذا زواج ولازم تخاف على اختك مو صديقك
نواف امري لأالله بروح اقوله الحين
قام وطلع عشان يكلمه
فطوم واقفه غند المرايه وطالع روحها
وتذكرته مع المواقف الي صارت معاه
وصارت تردد اسمه
مطر..مطر..مطر
الأمارات مره وحده صعبه
؟؟؟؟؟؟؟؟؟؟؟؟؟
تتوقعون كيف ردت فعل مطر
وعماد مع مها
للحديث بقيه

الفصل الخامس عشر

في بيت ليال
الغرفه هاديه وظلمه وصار وقت المغرب
والمكيف شغال كانت منسدحه على السرير
وتفكر بالي صار لها اليوم يمكن يكذب
عليها ويبقى بشوف وهو ماهو ماخذها
تحاول تعطي روحها حلول لحد ماسمعت
باب غرفتها يدق
تفضل
دخل بهدوء وشغل الأنوار
بسام للحين نايمه ماصحيتي
ليال لا صحيت خير فيك شي
بسام يجلس على حافة السرير ليه مارحتي
الدوام اليوم
ليال مالي خلق اخذته اجازه
بسام طيب خذتيه من كيفك ولا ريسك
عطاك اياه كلمني قبل اشوي ويقول
مارحتي العمل للحين
ليال ماكلمة احد وكيفهم الواحد يبي يرتاح
من كثر الشغل
بسام بدون لف ولا دوران بندر رجع
اطلبك مره ثانيه وشكله واثق انك
موافقه لأنه قال بيجي بكره مع أبوه ويحدد
الملكه معانا
ليال وابوي عرف
بسام لا ماقلت له ابي اعرف جوابك
ليال كانت تبي تقول الحقيقه لأخوها
بس خافت تصير مشكله بينه وبين بندر
بصراحه بسام انا لما عرفته اكثر عرفت
انه رجال والنعم فيه وبأخلاقه ولما
فاتحني بموضوع الزواج وافقت وقلت
له يكلمك بحكم ان انتو ربع
بسام مو هذا البدوي الي كنتي رافضه تاخذينه
الحين انتي موافقه عليه
ليال الله يخليك ياخوي لا تصعب المسأله علي
وهذا قسمه ونصيب
وسامحني ان موافقتي جات متأخره
كان ودي اسعدك بس
بسام يقاطعها كل واحد ياخذ نصيبه
وهذا الي ربي كاتبه
ليال احضنته وصاحت في حضنه سامحني
ياخوي وانا محتاجه لك كثير وقف معاي
بسام حبيبتي ليال اهو غاصبك قولي
ترا احنا للحين على البر
ليال لا بس ندمانه عشانك
بسام يمسح دموعها طيب واذا قلت لك
انا اخته نسيتها وابيك انتي مع امي
تخطبون لي امنه اخت صديقتك
ليال افرحت صج والله يابسام اني كنت
متمنيتها لك من زمان وهي انسب وحده لك
بسام انتي سأليها وشوفي شتقول طيب
قام وطلع من الغرفه وسند راسه
على الجدار
(ااااااااااااااه بظلم نفسي وبظلم البنت معاي
ليه يابسام مالها ذنب بنت الناس انت قلبك للحين
يحبها ولا قادر ينساها ليه سويت كذا)
.............

في الشقه

حبيبه والله طيحتي قلبي يامها لما
سمعت صوتك وانتي تصيحين جيت مع
شوشه شفيك
شوشه تهاوشتي مع عماد
مها تمسح ادموعها ايه تهاوشنا وترك الشقه

وقال متى ماعقلت اعرف وين القاه
شوشه وين بيروح عند اهله
مها مدري يمكن
حبيبه طيب وعلى ايش تهاوشتو اكيد قوي
مها من جيران العازه الي مقابلينا
حاطين علينا وكل اشوي عماد ودنا ولا جبنا
وخبرتهم بالي سووه لها بالتفصيل

حبيبه حسبي الله عليهم ونعم الوكيل
يعني الواحد مايسوي خير ابد اذا فيه ناس مثلهم
شوشه الحين اروح لهم واوقفهم عند حدهم
حبيبه اقول جلسي لا تسوين مشكله اكبر
لمها بعدين وانتي يامها كلمي زوجك
وخليه يرجع وتفاهمي معاه وان شالله بتلقون حل
مها لا مابي خليهم ينفعونه
شوشه يالغبيه انتي كذا تعطينهم زوجك
على طبق من ذهب كلميه وراضيه
ولبسي قميص نوم قصير وعطر خطير
مايحتاج اعلمك انتي احسن وحده فينا باهالسوالف شفيك طفيتي
مها حسبي يالله عليهم خلوني اطلع عن طوري
حبيبه الحين كلمي زوجك وخليه يرجع
شوشه ايه سوي له اكشن واتصلي عليه
وقولي له الحقني عماد والله ليجيك ركض
مها طيب انتو روحو الحين عشان اتعدل
وماقصرتو نخدمكم في الأفراح
حبيبه يعني ياشوشانه من غير مطرود
بس سمعي اذا تصالحتو كلمينا سامعه
شوشه رسلي لي رساله سامعه ماني منتظره لبكره
مها خلاص اتفقنا
بعد مالبست قميص نوم كحلي قصير وتعطرت
دقت جوال عماد وظل يرن ويرن لحد
مارد بدون نفس
عماد خير
مها.....
عماد بتتكلمين ولا اسكر
مها تنرفزت بس امسكت كرسي وطيحته بقوه
على الأرض
عماد بخوف مها كلميني مها مها
سكر وراح ركض لشقه
................
مطر متفاجأ شو شو هالرمسه يانواف الله يهداك تحاليل من هالنوع بحد ذاتها فشله
وماقدر اطلبها
نواف والله يامطر كل الي عندي قلته لك
وعلى السانها ومصره تبقى حكومه مو خاص
مطر لا هاي اختك مخبله وشايفه حالها وايد
وانا هب مجبور اسوي الي تباه
اسمح لي يانواف
نواف ابد براحتك وصدقني الف بنت تتمناك والله يوفقك
مطر لا تزعل مني نواف وانا اخوك بس اختك نرفزتني وايد وانا لأني حابك وحاب اهلك قلت
نصير نسايب بس الظاهر ماشي فايده
نواف صدقني ماني زعلان منك وهذا قرارك
والي يريحك
مطر على العموم الزواج قسمه ونصيب
اشوفك على خير
نواف لا تقطع علينا خلنا نسمع صوتك
مطر اكيد يالله فمان الله

يتبع ,,,,

👇👇👇


تعليقات
    حجم الخط
    +
    16
    -
    تباعد السطور
    +
    2
    -