رواية اسمحيلي من النظره الأولى اوصلك احساسي -9
ليال اولا احنا مو متجولات احنا نجي
تحت طلبيه للمكان
نضوه واحنا ماطلبناكن
ليال لا فيه احد مرسلنا لكم وغير كذا مقدر
اقول منهو
شوشه خلاص ليال كيفهم مايبقون بس سمعو
ياخساره احنا جاين نفيدكم ونخليكم تسون
عمليات تجميل بدون جراحه
جميله مرت ولد ثانيه
يعني بيقنعيني انك حلوه من الي عندهم
روحي ياشيخه
شوشه اوكيه براحتكم بس لا تزعلون
اذا ارجالكم تزوجو عليكم مسيار خاصه
ان العطله جايه وطويله وفيه بنات من
جنسيات ثانيه ناوين عليكم بس بعد مايتعدلون
يالله بنات مالهم حظ
ام بندر انتظرن انا والله سمعت من وحده
رجلها تزوج عليها قبل كم يوم بنيه تقول
زينه
شوشه (افرحت انها جان معاها كذا)
ماقلت لك
ليال على العموم تشرفنا فيكم يالله بنات نمشي
جميله لحظه انتي(اتأشر على شوشه)كيف
صرتي كذا
شوشه هذا كله بفضل ربي ثم الأخت ليال
الي راح تعرض عليكم مع البنات الي عندهم
لول تفضلي شوفي شغلك
ليال تهمس لشوشه والله منتي سهله
شوشه صبري لأخلي البنات يشترون
اكثر من امهاتهم
يالله استعنا بالله
ليال أجلست عند ام بندر وتوصة فيها كثير
الهام أجلست مع المتزوجات
فطوم وشوشه مع البنات
طرفه لما قالت لي بدور ان جاين بنات يبيعون
ماصدقت فطوم انتي معاهم من متى ماقالت لي امون
فطوم توني من فتره بسيطه وهذي بعد
صديقتنا شريفه تخرجت وصارت معانا
طرفه وناسه اجل فالينها
شوشه ايه كل يوم مع بعض(ترقع عشان مايشكون فيها)
فطوم وشفتي الي عند الوالده هناك
طرفه ايه شكلها ريستكم
فطوم هذي تصير لشهد بنت خالها
طرفه حلفي ماشالله والله تجمعو عندي
اهل ربعي حياكم الله
فطوم الله يحيك بس لا تضيعين السالفة
بتشترين ولا بتقضينها سوالف
طرفه لا بشتري كل شي والله يعين
امي بتدفع كل شي
بدور اقول شوشه ابي نفس كريم التبيض
الي تحطينه معطيك لون برونزي يجنن
شوشه ايه هذا هابين فيه ومايجلس دوم
يخلص بس ولا يهمك بوصي لك على ثلاثه منه
بدور حلو وبعد ابي الكريمات الي
تنحط مع السبوح
فطوم هذي عندي شوفي هذي العينات
طرفه تصدقين ذاك اليوم اخوي بندر
جايب سله فيها كريمات ولوشنات خطيره
وريحتها ادوخ وفيه ريحه تجنن اذا
حطها
فطوم ابتسمت يمكن شاريها من عندنا
طرفه يمكن
ليال وصدقيني هذا يناسبك كثير
ام بندر يابنتي انا كبيره في السن
وماحط مثل كذا
ليال لا تقولين ماشالله عليك شكلك توك
اصغر اعيالك توه في الثانوي
الجده لا تكذبين عليها الحين تصدق روحها
ام بندر يالله اخذي وين اصدق وعندي
من يذكرني
ليال والله مو مجامله ماشالله عليك خالتي
شكلك توك ماتعديتي الأربعين
يمكن زوجك وانتي توك صغيره
ام بندر ايه صادقه زوجوني وانا عندي 13سنه
ليال مصدومه نعم لا حرام والله ليه
كنتي توك بزر
الجده هي انتي يابنت وين بزر الي تجيها
الدوره تصير كبيره وحرمه بعد
ليال طيب اجل حتى انتي ياجده زوجوك
وانتي صغيره بعد
الجده ايه عرست وانا ام 11سنه
وهذا انا جبت اعيالي والحمدلله
ليال طيب عندي لك يالسالمه خلطه
ملكيه تحطينها وتستغنين عن العطورات
وكملت ليال معاهم وسط تحدي كبير
لنفسها خاصه انها استلمت ام بندر وجدته
فطوم جوالها يدق برقم غريب وماردت عليه
ورجع دق
شوشه ردي
فطوم رقم غريب مرد عليه
ورجع دق وبعدين معاه
؟؟؟؟؟؟؟؟؟؟؟؟؟؟؟
من بيكون تتوقعون
للحديث بقيه
الفصل الثاني عشر
فطوم وبعدين معاه ماهو موقف
شوشه عطيني ارد
الو نعم
؟؟؟؟؟اسف شكلي غلطان
سكر
فطوم منهو
شوشه شكله غلطان
وارجعو يكملون شغلهم وبعد نص ساعه
اتصل
فطوم نفس الرقم
شوشه عطيني ارد عليه
خذت الجوال وراحت بعيد عن هذرة الحريم
نعم خير
؟؟عفوا هذا جوال فاطمه
شوشه ومن حضرتك ان شالله
؟؟ لو سمحتي هذا جوال فاطمه انا متأكد
شوشه اللهم جيبك ياطولة البال اسمع روح
العب بعيد ياويلك اذا دقيت على هذا الرقم
؟؟انتي شريفه صح اذا ماني غلطان بصوتك
باين عليه النذاله ماتغيرتي
شوشه كيف مانتبهت لصوته اهو نواف
اخو فطوم بس ليه داق من رقم ثاني
نواف وينك بلعتي السانك
شوشه لحظه اعطيها الجوال
نواف لحظه شريفه انا اعتذر لك عن ذاك
اليوم اني طولت لساني عليك
شوشه وانا ماقبلت اعتذارك
نواف وليه ان شالله حمدي ربك اني تأسفت
بس عشانك صديقة اختي فطوم
شوشه وانا ماعرفت على أي مره تعتذر
لي لما كنت في الأمارات ولا في بيتكم
لما غلطت علي
نواف يبتسم على خبالها
اعتذر عن الثنتين ان شالله سامحتيني
الحين
شوشه عشانك اخو فطوم بسامحك والحين خذ
كلمها
راحت وعطتها الجوال
فطوم هلا
نواف هلا فطيم سمعي هذا رقمي الجديد
توني مطلعه اذا خلصتي دقي علي منه عشان اخذك
فطوم الثاني اكنسله
نواف ايه خلاص هذا الرقم مميز وحلو
فطوم طيب بس انا يمكن اخلي السواق
يرجعني البيت لا تجي المؤسسه خلاص
الله يعافيك
نواف اوكيه يالله مع السلامه
شوشه وهي جالسه كانت فرحانه ماهي مصدقه
ان نواف كلمها ولااعتذر لها رجع امل جديد
معاه لأنها مانسته ابد
بعد ماخلصو البنات اطلعو وباعو كل
البضاعه الي عندهم وسوو طلبيه ثانيه لهم
.........
عماد ينتظر مها تركب بعد ماخلصو من بيت
اهله ادخلت واركبت ولا كلمه وحرك لحد
ماوصلو الشقه ادخلت مها الغرفه
وبدلت وراحت السرير وانسدحت وغطت
روحها بالبطانيه
عماد كان جالس في الصاله ويقلب في المحطات انتظرها وشافها ماطلعت قام وراح
الغرفه وشاف الأنوار مطفيه وهي نايمه
على السرير راح وجلس على حافة السرير
من جهتها ورفع البطانيه عن وجها
وشاف ادموعها وهي مغمضه
شدها بقوه من قميصها وقربها لصدره
كثير وصار وجهم مقارب لبعض كثير
عماد فتحي عيونك ادري منتي نايمه
مها.........
عماد باس عيونها وخشمها وشفايفها
ومسك يدها وحطها على قلبه وقرب لأذنها
انتي هنا متربعه في هالمكان ولا فيه
وحده تقدر تاخذه منك انتي اميرة قلبي
وروحي خففي من الغيره الي بتضيعنا
واوعدك بخف من مساعدتي لهم
وناظر عيونها كانت مفتحتهم وفيهم دموع
عماد ماسمعت شي تكلمي
مها ناظرته بعيونها
عماد رجع باس عيونها وصارت انفاسه
مع انفاسها قريبه
ناوي اتهور الحين معاك وياويلك ان صرختي
ارتاحت مها انه صالحها لأنها كانت ناويه
بهوشه كبيره بس تحبه ومستعده تسامحه
^_______________^
ثاني يوم في المؤسسه
بندر والله يطروف انا ماحفظت شي من الي
قلتيه بس صبري هذا ليال قدامي قولي لها
الي تبينه وهي تجهزه لك وانا اجيبه
مد الجوال لليال وكان متعمد يمسكه
من الوسط يعني لازم تلمس يده وبسرعه
اسحبت الجوال منه
ليال هلا .... ان شالله وبعد...........
خلاص ولا يهمك الحين اجهز الي تبينه
بندر كان يناظرها وكانت معالم وجهه هاديه
وهي حست بنظراته مع انها متغطيه بس
عيونها تبين حست كأنها كاشفه وجها
بعد ماخلصت مدت الجوال له
بندر بصراحه ياليال اثبتي انك قد المسؤليه
وبيضتي الوجه امس
ليال الحمدلله وهذا بفضل الله ثم البنات
الي معاي امس بعد
بندر والمشكله لما عرفو اهلي امس ان
المؤسسه لي تعالي شوفي الطلابات
الي جاتني عشان كذا قلت لطرفه تكلمك
ليال مافيه مشكله بجهز الأغراض الي تبيهم
بس ياستاذ بندر فيه موضوع حابه اكلمك فيه
بندر خير ان شالله
وياليت تجلسين ترا من دخلتي وانتي واقفه
ليال أجلست على الكرسي الي قباله
بصراحه ان حابه اوظف وحده معانا
جديدة
بندر انسه ليال في الوقت هذا مقدر لحد
ماشوف الميزانيه للمؤسسه وبعدين يصير خير
ليال لا هذي مكسب لنا كبير وهي امس ساعدتنا
كثير في بيع البضاعه وهي مو محتاجه
حالتها الماديه زينه
بندر اجل ليه تبي الوظيفه
ليال بصراحه اهي صديقتي ولأنها من تخرجت حاسه بالملل فقلت اجربها معانا
وكانت شاطره امس خلت البنات يشترون
كل شي عندنا وهي حتى لو ماستلمت
راتب ماهي متأثره بس حابه تكون معانا
بندر اذا انتي شايفتها زينه ومكسب لنا
ماعندي مانع تقدم اوراقها عشان اوافق عليها
قامت ليال وكانت فرحانه
صدقني ماراح تندم
بندر طيب وسلمي على بسام شكله نساني لما توظف مع عمه
ليال لا مانساك بس تدري اهو في وظيفه جديدة
ولازم يتعلمها بسرعه وان شالله سلامك يوصل
..........................
استعدت حبيبه للوظيفه الجديده بس قبل
شوشه ودتها المشغل وسوت لها نيو لوك
جديد لزوم الوظيفه قصت شعرها قصير
مدرج واصبغته احمر
وفطوم كانت معاهم قصته طبقات واصبغته
اشقر بخصل ثلجيه
...............
في بيت فطوم
يرن التلفون
امون نعم
؟؟السلام عليكم
امون وعليكم السلام
؟؟ لو سمحتي ممكن تعطيني رقم نواف
امون اسكتت في البدايه
اسفه مقدر اعطيك اياه
؟؟ليه
امون اهو مانعنا وبعدين لا طول السالفة
اذا تبيه ..بتكمل بس
فطوم بصوت عالي
امون تعالي ساعديني وتركي الهذره في التلفون
امون ناظرتها وكانت معصبه
؟؟ اجل انتي امون
امون شكلك فاضي
توها بتسكر
؟؟ لو سمحتي ابي رقم نواف ضروري
انا بسام اخو ليال
امون سكوووووووووووووووت
بسام لو سمحتي لمتى وانا انتظر
والله ابيه ضروري
امون الحين جوالي مو عندي كلم بعد
خمس دقايق واعطيك اياه
بسام طيب خمس دقايق واكلم
سكر امون تنفست الصعداء
كان جوالها عندها بس سماع صوته كان
يخلي قلبها يدق بقوه
خذت جوالها وافتحت على الأسماء
وادور اسم نواف
واتصل التلفون تنفست وردت
نعم
بسام خلاص جبتي جوالك
امون سجل عندك الرقم
بسام اوكيه
امون0532( اكملك الرقم بعدين لا امزح معاكم)عطته الرقم
بسام مشكوره يالغاليه وسكر
امون طبول قلبها الله يعينها هذا الحب ومايجي منه
......................
الأحداث الجايه بقولها بسرعه
داومت حبيبه المدرسه وارتاحت كثير هناك
خاصه ان البنات تقبلوها وحبوها
ليال ظلت على رئاسة القسم
فطوم وشوشه كل يوم في المؤسسه مسوين
جو حلو من الوناسه حتى ان شوشه
لقت معجبين كثير من قسم الرجال بس
ماتعطيهم وجه
مها ارتاحت من جيرانهم مثل
ماوعدها عماد مايساعدهم ولا يلقيهم بال هذا
على حد علمها ولكن الصراحه ان عماد
ظل يساعدهم كثير ويشوف طلباتهم بس عشان مايثير شك او غيرة مها.و لدرجة ان
ام محمد تمنته لبنتها وصارت تزينها
في عينه
نواف ظل طول الأسبوع يجيه ورد من المعجب السري
لحد ماجاه يوم ماراح الدوام عشان يعرف
من وين يجي الورد ولما شاف اسم المحل
راح لهم وسأل بس كل الي اعرفه
من صاحب المحل ان وحده جات
واختارت لكل يوم ورد ينرسل بأسمه
وفطوم لما شافت الورد الأحمر اكدت له
انها المعجبه بنت وظل محتار وخاطره
يعرف من البنت الي تحبه لدرجة ان
امه كل ماعرضت عليه وحده يطلع فيها
مية عذر وعذر
شوشه لما اعرفت من فطوم ان نواف
ماهو مهتم من الورد وان اهم ياخذونه
وقفت عن ارساله له
ثلاث شهور مرت والبنات عايشين
حياتهم ومشاغلهم
بس اليوم الأثنين راح ينذكر لكل
وحده من البنات لأن هذا اليوم راح
يتقرر مصير كم وحده منهم او يتغير
او شي ماكان متوقع
نبتدي اليوم
...............
للحديث بقيه
الفصل الثالث عشر
في المؤسسه
عبير شايله ظرف في يدها
اقول ليال هذا فلوس امس واليوم ميئة الف
وصليهم لأستاذ بدر
ليال متأكده هذا المبلغ
عبير ايه توني عديته مع فطوم وشوشه
كانت معانا لا تخافين
ليال خذت الظرف
فطوم ليال جات طلبية فرنسا وين نحطهم
ليال لحظه اجيب مفتاح المخزن
راحت شنطتها وحطت الظرف وخذت
المفتاح واطلعت
وفاء كانت موجوده واسمعت وراحت
شنطة ليال واسحبت الملف وطلعت الفلوس
ومن زود الطمع خذت عشرة الاف وحطتهم
في شنطتها
أرجعت ليال وخذت الظرف وراحت
ودته قسم رجال
..........
في الجامعه
طرفه ماشالله على اختك وبنت خالك
ياشهد امس كانو عندنا وشرينا كل شي
ووصينا طلبيه بعد
امون فطوم حطيها في مكان يتخليك
تشترين غصب عنك
شهد لا هذي ليال والله عليها السان
واسلوب تشترين وانتي مغمضه
طرفه صادقه اقول لكم حريم اخواني
ماخلو شي وشروه حتى حق ارجالهم
يدق جوال شهد رقم غريب ولا ردت ويرجع
يدق ولا ردت
طرفه ردي شفيك
شهد رقم ماعرفه مرد
طرفه تنبين ارد
شهد لا خليه يولي
وجاتها رساله افتحتها وقرتها
هلا شهد انا وليد ممكن تردين علي ضروري
شهد خافت ولما شافته اتصل ردت
شهد نعم
وليد هلا شهود
شهد هلا خير
وليد يعني ماتردين لحد ماأرسل لك رساله
شهد خير وليد فيك شي
وليد لا بس حبيت ا قول لك ان مشاعل
مادومت اليوم بس انا بجي اخذك
شهد ليه شفيها
وليد تعبانه جايتها انفلونزا
شهد لا سلامتها خلاص لاتكلف على حالك
ارجع مع وحده من ربعي
وليد ماسمعت زين الساعه 1الظهر
انا واقف بره واظن تعرفين سيارتي
شهد بس....
وليد لا تخافين ماني ماكلك ولا بسوي لك شي
برجعك البيت يالله باي وسكر
امون خير شفيك
شهد هذا وليد ولد خالي يقول ان مشاعل
تعبانه وماجات اليوم وهو على موعده
بيجي ياخذني
طرفه وانتي خايفه تروحين معاه
خلاص انا اوصلك
شهد لا عادي هذا ولد خالي
يعني شبيسوي
.............
في المدرسه
حبيبه وهذا درسنا اليوم ان شالله فهمتو
الطالبه اكيد ابله ماشالله عليك من درستينا
العربي واحنا فالحين فيه
حبيبه الحمد لله وهذا مبين من درجاتكم
في اخر اختبار مافيه الا كم طالبه
ماقدمت عدل وان شالله في الأختبارات الجايه
تتحسن نتايجهم
في اخر الفصل
طالبه هيفاء تهمس للي جنبها
سمعتي شقالت في الأختبارات الجايه
يعني راحت عليك ياحلوه
دلال هين درجتي بتغيرها غصب عليها
انا اخذ 3 بس
هيفاء وشبتسوين
دلال حبيبتي كلمة اكبر راس هنا وهو
راح يعدلها لي غصب من ورا خشمها
وقال لي منخلق الي يزعلني
هيفاء للحين تقابلينه
دلال لا خبله اهي كلها مرتين طلعت
معاه وبس والله اخاف من ابوي
الحين نقضيها بس جوال
حبيبه بنات حلو الواجب وقفت عند باب
الفصل
المستخدمه جايه لها
ابله حبيبه المديره تبقاك
حبيبه خير ان شالله طيب بنات
باقي خمس دقايق ويدق الجرس بدون صوت
الله يعافيكم
واطلعت
دلال الحين بتتأدب والله منت هين
قدها ياولد ابوك
................
امون طالعه من المحاظره وبتروح
الكفتريا ويدق جوالها
نعم
؟؟عفوا هذا مو رقم نواف
امون نعم نواف
بسام لحظه الصوت سامعه انتي امون
صح
امون تبلع ريقها وخايفه
بسام امون ردي شفيك
امون من انت
بسام يبتسم شكلك ياانسه عطيتيني رقمك
بدل رقم اخوك بس حصل خير
يسعدني سمعت صوتك مره ثانيه
امون اسمع لا تتصل على هالرقم لو سمحت
بسام لا بتصل لحد ماتعطيني رقم اخوك
امون ارسله لك رساله
وسكرت في وجهه
؟؟؟؟؟؟؟؟؟؟؟؟؟؟
ليال داخله قسم الرجال
خير مفلح ليه استاذ بندر مستدعيني
مفلح السكرتير ليال انتي متأكده من المبلغ
ليال ايه متأكده ليه
مفلح اجل دخلي والله يعينك
ادخلت ليال
السلام عليكم استاذ خير بقيتني
بندر الظرف الي ارسلتيه متأكده من
المبلغ الي فيه
ليال ايه متأكده انا عديتهم وبعدبن البنات
عدوهم ليه خير
بندر لا بس المبلغ ناقص عشرة الاف
ليال كم لا مستحيل انا متأكده
بندر تفضلي عديهم
عدتهم وشافتهم تسعين الف بس
ليال والله متأكده انهم كانو ميئة الف
بندر عشرة الاف وين تروح طارت في الهوا
سمحيلي الموضوع اشك فيه
ليال لو سمحت لا تشك فيني انا استحاله
اخذ شي ماهو لي
بندر طيب وين الفلوس راحت تكلمي
ليال والله مدري
بندر قام من الكرسي
ليال تفضلي معاي راح افتش قسمكم
مظطر هذي عشرة الاف مو لعبه
طلع مع ليال وخذ معاه السكرتير
وراحو قسم البنات
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك