رواية رماني وقال ما ابيها -11
طلع سلطان وفهد بدا بشغلــه
عند غلا ورؤى
رؤى : يالله ألبسي وبنروح للموول
غلا : لا ماأبي أعذرني
رؤى :لا وشو ماأبي غصب عنــك
غلا : بس يارؤ.
قاطعتها رؤى : يالله عااااد قوومي ولا بزعل عليك
قامت غلا وهي مغصووبه على هالرووحه بس يمكن هالطلعه تخفف عنها وتبسطها
لبست عباتها هي ورؤى ونزلووا لتحت
عند أم فهد كانت تقهوه تحت بالصاله
وقفهم صوتها
أم فهد بحده : على وين إن شاء الله
رؤى : بنطلع للموول يمه
أم فهد وهي تطالع غلا : لا تتأخرين رؤى طيب
رؤى : طيب يالله غلا
مشت معاها غلا
وطلعوا لسوووق
وهم بسيارة السايق
غلا كانت تطالع مباني الخبر وعجبتهاا حيل المباني وأنوارهاا
وكل شي فيهااا
رؤى : غلوو وصلنا أنزلي
نزلت غلا ومعاها رؤى
وأنبهرت من شكل المول كااااان وااو خرافي بالنسبه لهاا
رؤى : وش فيك أمشي
غلا : هاه إيه طيب
ودخلوا للموول
عند جنى
جاسه بغرفتها ومعطيه الباب ظهرها وتحط مناكير على إيدها
جنى : وهـ يالبى إيدينى طلعت كشخه مع هالمناكير
سلطان : وهـ يالباك كلك
جنى ماتوقعته يجي وبصرخه : سلطااااان
ونطت له وحضنته بقووه
سلطان بعدها عنه : لو أدري أنك بتسوين كذا كان جيت كل يووم
جنى : ههههه فديتك
سلطان : فديتك أنتي ( وقرب وباس خدها وقرب أكثرر )
جنى : لالا
سلطان برفعة حاجب : ليه
جنى : لأنك مزعلني ولا نسيت ( وعطته ظهرها )
ضمها من ورا وباس رقبتهااا وهمس لها : وأنا جاي أرضيك
جنى ذاابت من همسه لها وأنفاسه الحاااره على رقبتها : وش تراضيني فيه
سلطان بهمس ذوبها أكثرر : بطلعك أحلى طلعه
جنى : جد سلطاان
سلطان : إيه بس بشرط
جنى مدت بوزها : وشو شرطك
سلطان : أول شرط هاتي بووسه كبيره وبعدين أقولك الشرط الثاني
يالله تعالي ( وأشر على خده ) : وبوسيني
قربت جنى بتبوسه على خده بس هو ألتفت وباسها على شفايفها
وبعد عنها وشاف وجهها المحمر من الحياء
أطلق ضحكه على شكلهاا
جنى دفته من صدره : أنت دوووب
سلطان بغمزه : باقي الشرط الثاني
جنى بدلع طبيعي : لا ماأبي ولا شي
سلطان وهو ذاب من دلعها : حبيبي الشرط الثاني مره سهل
جنى : يالله قوول
سلطان : دلعيني
جنى : امم شلوون
سلطان : قوولي سلطووني
جنى : هههه مو حلو
سلطان : وهـ يالبى الضحكه بس آآهـ شكلك بتجنيني
جنى : سلطوني بنطلع ولالا
سلطان : ألا بنطلع رووحي بدلي يالله
جنى : دقاايق وجاايه
ودخلت غرفة الملابس بتبدل
أما سلطان أنسدح على السري ينتظرهاا
عند غلا ورؤى
غلا : رؤى حرام عليك كل هالملابس لي أنا تكفيني كم لبسه بس
رؤى : لالا لازم أشتري لك ملابس ولا نسيتي بتظلين معانا طوول العمر ولازم تطلعين داايم كشخه
غلا : إيه بس عاد مو لهدرجه
رؤى : أمشي وأسكتي تونا ماخلصنا لازم أشتري لك أكثرر
غلا مشت معاها غلا وهي ساكته ماتدري وش تسوي برؤى
عند جنى وسلطاان
جنى طلعت من غرفة الملابس وكانت لابسه برمودا جينز ومعاها بلوزه حمراء
سلطان : الله الله ( وحاوط خصرها بأيديه ) : وش رايك نكنسل الطلعه وأم الطلعه
أستحت من نظراته الحارقه لها : لا سلطووني بلييز
سلطان : بكرا نطلع
جنى وهي تلعب بأزارير بلووزته بدلع : لالا تكفى
ذااب على حركتها : طيب بطلي دلع ونرووح
جنى : خلاص مو متدلعه يالله نطلع
وأخذت عبايتها ولبستها ومسك يدها سلطان ونزلوا من الشقه
احبك كثر ما قد صار احبك رغم ما قد ما صار
احبك كثر ما دنيا الزعل والصد مهجورة
احبك كثر ما تمطر بصدري من غلاك أمطار
احبك كثر ما صارت أراضي العشق ممطورة
احبك كثر ما تفتح شبابيك الربيع أزهار
احبك كثر ما غنت عشان الصبح عصفوره
احبك كثر ما تاقف على جنب الطريق أشجار
احبك كثر ما يقسى الشتاء وتهاجر طيوره
احبك كثر ما في الأرض بنت تلفت الأنظار
احبك كثر ما يرتاح عطر بصدر مغرورة
احبك كثر ما جاب المساء في معطفه زوار
احبك كثر ماجانا الصبح يشبهك نوره
احبك كثر ما تهدي كفوف الوصل من تذكار
احبك كثر ما شالت يدين العاشق زهوره
احبك كثر ما نقراء عن الفارس عن المغوار
احبك كثر ما نسمع ولا شفنا ولا أسطوره
عند هنادي ووسن بعد ماأرجعوا من السووق
هنادي : تدرين وش أفكر فيه
وسن : بأيش
هنادي : أفكر ببنت القريه وشلون رايح يكون شكلها بالحفله وربي بتفشلنا
وسن : تبين الصراحه بهاذي معاك حق
هنادي : والمصيبه الكبرى تقرب لنا
وسن : هههههههه
هنادي : ليه تضحكين
وسن : واضح أنك مقهووره منهاا
هنادي : هههه مرره
وسن : لا تخافين أكيد بتطلعين أحلى منهاا
هنادي : أكيد مايبيلها سؤال
عند رؤى وغلا
رؤى : وااااااااو وربي أنك جنااااااااان مرره رووعه
غلا كانت لابسه فستان شاريته لها رؤى
رؤى : غلا وربي أنتي تزعليني منك
غلا : أنا ؟؟
رؤى : إيه خلاص المفروض ماتعشين حزينه وماتتكلمين كثير ودايما مكتئبه
غلا : بس أنا
رؤى : إذا تغيرتي تعالي قولي لي
مشت رؤى ودخلت للحمام ( أكرمكم الله ) بتأخذ شاور بعد تعب السووق
غلا بنفسها يااربي وربي البنت طيبه معااي ومره عسل بس أنا كلش ماأبي أتكلم ولا أسووي شي
أكيد تضايقت مني ومن كئابتي
وربي أنها غاليه علي صارت صاحبتي مرره بهاليومين وماقصرت معاي بآي شي
وأنا ماجازيتها غير بالحزن آآهـ بس
طلعت رؤى من الحمام ( أكرمكم الله ) وهي تجفف شعرها بالمنشفه
شافت غلا جالسه على السرير ولابسه الفستان إلى الأن
راحت للمرايه ومشطت شعرها ومو معطيه بال لغلا
غلا قامت وتوجهت لها
غلا : رؤى زعلانه مني
رؤى : ....
غلا : خلاص رورو وربي آسفه
ألتفت لها رؤى وقالت : بسامحك بس بشرط
غلا : وشو ؟؟
رؤى : إنك تبطلي هالحزن وتكووني مثلي مبسووطه وماتزعلي ولا تبكي من آي شي
غلا : من عيوني بحاول علشانك بس
رؤى صدت عنها يوم قالت بحاول
غلا فهمتها : هههههه طيب بسوي اللي تبينه بس خلاص بلاه هالحزن
ألتفت عليها وضمتها رؤى : إيه هاذي صاحبتي
غلا : هههههه إلى الأن زعلانه
رؤى : لا ياقمر خلاص رااح الزعل
وااو غلا وربي الفستاان روعه عليك وين مخبيه كل هالجمااااال
كان الفستان لونه أسود مااسك على جسمها وكأنه مفصل خصيصا لها
وعاري الأدين شووي وفيه 3 كرستالات على الصدر وحده بالبرتقالي والثانيه بالتفاحي والثالثه بالذهبي وكل كرستاله ينزل منها قماش شيفون بنفس لون الكرستاله
وطالعه روووعه فيــه
رؤى : أجلسي بقولك شي
غلا : قوولي
رؤى : أنا أدري أنك زعلانه عشان جدتك وكمان مو مرتاحه عندنا بس غلا أحنا أهلك
وربي لو جدتك تدري باللي قاعد يصير ماتسامحك لأنها تبيك تعيشين أحلى عيشه وتكوني مبسووطه
( قالت لها كلام كثير خلى غلا تندم أنها زعلت بيووم أو بكت )
غــلا الجديده << براااااا أمبراطوره هع
تحس أنها صحت على نفسها وماعاد فيه مكان للحزن بقلبها
ودها تفرح عشان ماتزعل جدتها ودها تعيش ودها تحس بالدنياا
ودها تكون قوويه ومصره تسووي هالشي كله عشان أمهااا
عشانك كل شي يهوون
عشانك أنسى من أكووون
عشانك ساكن بقلبي
عشانك بداخلي موجود
عشانك أنت فاهمني ولا لي غيرك يسمعني
.. بقلمي ~
رؤى : فهمتي ليه أنا أسوي كل هذا
غلا : إيه .. رؤى الله لا يحرمني منك
رؤى : ولا منك ورجعت ضمتهااا
بعدت عنها رؤى شووي قالت بمزح : يالله نزلي الفستان شكلك مبسووطه فيه
غلا : ههههههه لا والله مرره ضيق
رؤى : بتعودين بعدين يالله قومي وألبسي من البجايم اللي جبتها لك
عند سلطان وجنى
يتمشوون بالكورنيش وأيدينهم محتضنه بعض
جنى تلعب برمل وترمي فيه ههههه
سلطان : مبسوطه قلبي ؟؟
جنى : مره مبسوووطه
حضنها على الخفيف
جنى : حبيبي الناس يطالعونا
سلطان : عااادي جنونتي زوج وزوجته وش يبووون
جنى : أدري بس
قاطعها سلطان : لا تخليني أسووي أكثر من كذا
جنى خافت : لالا ياماما تخووفني
سلطان : إذا تدلعتي مره ثانيه برجعك للبيت
جنى : ههههه لا خلاص
سلطان : حريم مايجون ألا بالعين الحمراء
جنى : ههههههه
سلطان : وش قلت أنا
جنى حطت يدها على فمها تحاول تكتم ضحكتهاا
تدلع عليا ياحبيبي ما دام أنا المولع تدلع
تجنن وحق ربك وربي بعذابي إنت تفنن
أحبك وأحب اللي يحبك وأموت أنا بقربك
تجمل بنفس ميتة فيك وبعادك ما تحمل
عيونك فديت أنا عيونك أنا ما أصبر بدونك
عيوني إنت تسوى عيوني كيف تصبر بدوني
تدلل إنت تامر عليا من غيرك يتدلل
ياخلي لا شفتك أهلي ولا من رحت من لي
عند خزامى
جالسه على اللاب ومندمجه فيه قاطع أندماجها أمهااا
أم خالد : خزومه أنزلي تحت وسلمي على خالك ينتظرك توه واصل من السفر
خزامى : طيب ماما بس شووي
أم خالد : لا بسرعه أنزلي
خزامى : اووكي حاااضر
طالعت المرايه وكان حلو لبسها ونزلت مع أمها تحت
دخلت للمجلس وخجلانه شووي
خالد : هلا هلا بخزوومتي << مسمين أخو خزامى عليه
سلمت عليه خزامى وهي ساكته
خالد : كيفك وأنا خالك
خزامى بحياء : تماااام
خالد : ماشاء الله ماشاء الله صايره عرووس
سمعت كلمة عرووس وطلعت بسرعه من المجلس من الحياء خخخ
سكت خالها وهو عارف طبع الخجل اللي فيها
قامت أم خالد ولحقت خزامى
دخلت عليها : فشلتيني مع خالك ليه ماتسولفين معااه
خزامى : أستحي أسولف مع أحد من زمان ماشفته
أم خالد : افف الله يعيني عليك
طلعت أم خالد من جناحها
خزامى بعد ماطلعت أمهاا : طيب أنا وش أسووي طبعي كذا
تذكرت موقف عجزت تنساه
كان فيه حفله ببيتهم بمناسبة سلامة خلوود وبنتها سارا لأنها كانت توها طالعه من النفاس
المهم خزامى كانت تضبط شكلها في دورات المياه ( أكرمكم الله )
دخلوا عليها وسن وهنادي
هنادي : يقولون إن فيه بعض الناس فيهم مرض نفسي
وسن بصوت عالي : إيه ولا في بعض الناس لهادرجه مايقدر حتى يسولف من الحياء
هنادي : ههههههه كلامك بمحله فديتك
ضحكت معاها وسن وهي تطالع خزامى
عرفت خزامى أنها المقصوده من كل هالكلام
بس ماقدرت تقوول شي لأن تعتبر نفسها مالها شخصية ودمعتها قريبه منها وخجووله حتى من أبوها وأمهاا
وسن وهنادي يسون كذا بس نذاله بخزامى يكرهونها لأنها جميله حييل وأحلى منهم وكلن يحبها
وكان جدهم أبو محمد يفضلها عليهم كلهم من يوم كانت صغيره عشان كذا كبرت غيرت هنادي وووسن
وحتى وهم صغار كانوا يسببون لها مشااكل
نزلت دمووعها على هالذكرى الكئيبه بالنسبه لهااا مسحت دموعها بسرعه
ورجعت للاب يمكن تنسي حالها شووي << الله يعينك على الجااي ياخزامى
عند سلطان وجنى وصلوا شقتهم
بعد ماتمشوا وأنبسطووا وتعشوا براا
جنى : مشكوور حبيبي مرره أنبسطت
سلطان : تشكريني بفعل مو قوول ( وغمز لها )
جنى أبتسمت له وعرفت قصده وعالطوول هربت منه وهي تضحك
أستوعب اللي قاعده تسوويه ولحقها : جنوو تعالي
ومسكها وشالهاا فووق : آآآآآه نزلنـــي
سلطان : لا ليه تسوين كذا
جنى : آخر مره وربي نزلنــي
نزلها وهي الى الأن بين أيديه
جنى : أتـــركني
سلطان : لا أخاف تهربين مثل قبل وسحبها معاه
ودخلوا غرفتهم ... وطردوني هههههه
أبيك وأنتظـــــرك ..!
..................
تدفيني بصرك الحاني
مر الأسبووووع بسرعه
أختصار اللي صاار في هالأسبووووع
البنات أكثر الوقت كانوا بالموول والأسواق وخرابيطهم ويجهزوون للحفله
والشباب شغل الشركه وكمان تنظيم الحفل وو إلى مالا نهايه
سلطان وجنى : هالأسبووع كان أسعد أسبووع مر عليهم مرره مبسوطين لدرجة إن سلطان ماينام بالبيت
ينام عند جنى وصار قليل جيته للبيت وجنى مبسووطه معااه
وأمه سألته ليه مختفي وكذب عليها بأن ينام عند صاحبه بأستراحته
فهد : تفكيره بين المزرعه وبين شركته ويطري على باله العطر أحيانا
بس يبعد هالتفكير من باله إلى أن قدر يتخلص من هالأفكار << بس ماندري ترجع له ولالا
غلا : كانت رؤى معاها طوول الأسبووع لدرجة ماعاد تنزل من جناحها ويجبون الأكل لهاا ولغلا
علمت غلا عن كل شي اللبس ووو أشياء كثيرره ومبسوطه بوجود غلا
وغلا قدرت تبعد الهم والحزن عنها بس مانست صاحبتها رنا وودها تشووفها وتلتقي فيهاا
خزامى : صراع مع نفسها يجيها كل ليله ويبعثر كيانها ويشتت أفكارهاا
زعلانه على نفسهاا وعلى خجلها اللا منتهي بالنسبه لهاا
سمر : أخذه الدنيا الونااسه هههه كعادتها
هنادي ووسن : تحاول هنادي الى الأن تزرع أفكارها الخبيثه في وسن
بس وسن مو مقتنعه ولا حابه فكرت أنها تجذب نواف لها وماتعطيها آي أهميه
نواف ماقدر يتحمل يشوف دانا كذا وخبر صاحبه وليد عن معاناتها لأنه يبي يفضفض لأحد
وفجأه لقى نفسه ببيت وليد وهو يحكي له كل شي وحتى يوم طلع من بيت صاحبه أستغرب من نفسه
وليه هو سوى كذا بس شال هالفكره من بااله
عبدالله ودانا وراكان وعزام ومنال ماجوا بالبارت بس صدقوني لهم حضورهم بالبارتات الجاااااايه
سيف ونور : لا جديد بحياتهم ماعدا إن سيف ماعاد يتكلم مع بناات كثير
وخلى وقته لنوور وبس
ونور تتجهز للحفله لأنها معزومه
ريم وعادل : ماخلصوا من مشاكل أم سلطان بس متمسكين ببعض حييل
،، اليوم يـــــوم الحفـله ,,
نكمل بالبارت الجاااااااي
البارت الجاي بيتكلم عن الحفله واللي صار فيها توقعاتكم لهااااا ؟؟
غلا بتلتقي مع العاااايله كاامله وش راح يصير باللقاء ؟؟
خزامـــى إلى آي مدى بوصلها خجلها وبسبب لها مشاكل كثيرره تتوقعون أيش ؟؟
سيف بتتغير حياته جذريا بالبارتات القادمه على يد إحدى بطلاتنا كيف ومنهي البطله ؟؟
ودي / لووولي
مثل ماقلت لكم فديتكم أتمنى تكونون معاي وتوقفون ضد اللي سرقت روايتي الله لا يوفقهاا
أنا آسفه البارت قصير
البارت العاشر
ودي اجيك من التعب ثم أضمك
وتشوف أنا وشلون عايش بلياك
.•:*¨`*:•. .•:*¨`*:•.
قربك عطر ودي من البعد أشمك
أخاف يبرد مابقى لـي بذكـراك
.•:*¨`*:•. .•:*¨`*:•.
أبنثرك في عروق قلبـي ولمـك
وأحسسك بالحب في يوم لقيـاك
.•:*¨`*:•. .•:*¨`*:•.
باقي معي أغلى هديـه تهمـك
صورتك كاتب فوقها مقدر أنساك
.•:*¨`*:•. .•:*¨`*:•.
متى يزين الوقت وأكـون يمـك
اقلها اعرف ظروفـك ودنيـاك
.•:*¨`*:•. .•:*¨`*:•.
ياليتني في أنفاس روحك ودمك
أبقى معك وأعيش الأيام ويـاك
.•:*¨`*:•. .•:*¨`*:•.
ياكثر ماني بغربتي شلت همـك
انشد نجوم الليل من عقب فرقاك
.•:*¨`*:•. .•:*¨`*:•.
عليك أخاف أكثر من أبوك وأمك
والله ماتلقى قلب مثل قلبـي أغـلاك
.•:*¨`*:•. .•:*¨`*:•.
مارتاح أنا من الوله لين أضمك
وأعلمك وشلون حالـي بليـاك
عند رؤى وغلا
الساعه 2 الظهر
رؤى تكلم الكوافيره : يعني متى تجين ؟؟؟
الكوافيره : بجي الساعه خمسه أو أربعه
رؤى : لا.. امممم تقريبا أربع ونص تعاالي اووكي
الكووافيره : اووكي حبيبتي
رؤى : يالله بااي
وسكرت الخط
رؤى : اووف تقهر اقوله تعالي في الوقت الفلاني تقوول لا بجي كذا وكذا
غلا : ههههه أهم شي بتجي
رؤى : إيه والله أهم شي بتجي وترى حسبت حسابك عند الكوافيره
غلا : أنتي علمتيني عالمكياج وصرت أعرف منه بس شووي خلني أصلح لنفسي
رؤى : لالا غلوو مايصير حتى أنا بسوي عند الكوافيره
غلا : طيب على راحتك
طق الباب عليهم
رؤى : تفضل
دخلت الشغاله : مدام رؤى ماما يبي أنتي
رؤى : ماما تبيني
ماتدري ليه غلا نغزها قلبها وتحس بالشي يخصها هي
ألتفت رؤى لغلا وقالت : غلو بروح لأمي شوي وبشوف عندها وبرجع طيب
غلا : طيب حياتي
طلعت رؤى وتركت غلا بغرفتهاا
قامت غلا ووقفت على البلكونه حقت غرفة رؤى وكانت البلكونه مطله على الحديقه
كانت تطالع الحديقه لمحت سياره جايه من بعيد
وقفت السيار ه عند بيتهم
وغلا عالطوول تخبت خافت يشوفها
فهــد
وقف سيارته ونزل وقفلهااا ونزلت معاه وحده وراح لها
تكلم معااه شووي وأخذها داخل للبيت
غلا بعد مادخلوا كانت تراقبهم : هذا فهد اممممم مين البنت اللي معاه ؟؟ يالله وأنا وش علي منهم ؟؟
عند أم فهد ورؤى
أم فهد : لا تظنين إني ماشفت حركاتك طوول هالأسبووع
رؤى : يمه وش تقصدين
أم فهد : أنا وش قلت لك أول ماجتنا هذي ( تقصد غلا ) هاه وش قلت ؟؟
رؤى بتوتر : ماأدري نسيت
أم فهد : أذكرك قلت لك لا تماشينها وبعدي عنها طوول الأسبوع شايفتكم مع بعض
بس ماكنت فاضيه جات لنا عزيمة نواف فجأه ولا كان أقدر أتصرف معاكم
رؤى : يمه أنا مستحيل أسووي اللي قلتيه
أم فهد : تعصيني أنا عشان هالزفت
رؤى : يايمه حرام عليك أنتي ظالمتهاا
أم فهد : لا ظلمتها ولا شي وبتسمعين كلامي غصبٍ عليك
رؤى : مو سامعه كلامك
أم فهد بصراخ : والله يارؤى لـ...
أبو فهد قاطعها و بصرخه : نووره
أم فهد سكتت وهي متفشله
أبو فهد : رؤى بابا أطلعي لغرفتك
أمسحت رؤى دموعها اللي نزلت غصب وراحت تركض لغرفتها
أبو فهد قرب لها
أم فهد خافت ينفذ تهديده
أبو فهد : وش قلت لك أنا ماقلت لك أتركي البنت براحتها ( وبصراخ ) : قلت ولا ماقلت
أم فهد : الا ياأبو فهد بس أنـ..
أبو فهد قاطعها من جديد : حتى بنتك ماسلمت منك ومن تهديداتك
أم فهد أستجمعت قوتها وقالت : إيه بس أنا صاادقه بكل شي
أبو فهد : أسكتي وأسمعيني زين والله ثم والله لو تعرضتي لها ياأم فهد بيتي يتعذرك والباب يوسع جمل
أم فهد بصدمه : بتطردني
أبو فهد عطاها ظهره : أفهميها مثل ماأنتي حابه أنا بطلع الحين
طلع وتركها بصدمتها
أم فهد جلست على سريرهم وهي مو مستوعبه بيطردها عشان وحده مثل غلا مو معقووله بالنسبه لهاا
إزداد كرهها وحقدها على غلا تعتقد إن غلا سبب كل هالمشاكل وودها تبعد بناتها عنها بآي طريقه
وهي خايفه من أن غلا تفشلهم قدام صديقاتها على حسب تفكيرها الغبي
عند فهد والبنت اللي معااه
؟؟ : فهد وين أمك من أول ماجيت ماشفتها
فهد : بتجي الحين قبل ماأجي متصل عليهاا أنا .. المهم جوري وش أخبار شغلك
جوري : تمام بس متعبيني هالأطفال هههه
فهد : هههه عادي بالعكس يجننون
جوري : إيه يهبلون فديتهم
دخلت عليهم أم فهد وسلمت على جووري
أم فهد : وش أخبارك ياجووري
جوري : تمام الحمد الله
فهد : يالله بتركم أنا طاالع
جوري وأم فهد : فماان الله
طلع من عندهم فهد وهم كملوا سواليفهم
( جوري أخت أم فهد الصغيره عمرها 23 ساكنه بالرياض
بس جات تحضر العزيمه تشتغل دكتورة أطفال مالها دور أساسي بالروايه )
عند رؤى وغلا
من يوم رجعت رؤى لغرفتها وهي ساكته وشكت غلا فيهاا
غلا : فيك شي
رؤى ماتبيها تدري عن اللي صار هزت راسها بلا وهي ساكته وواضح عليها السرحان
غلا تأكدت الحين من شكوكها تدري إن أم فهد مكلمه رؤى ومهاوشتها بسببها
غلا : أدري عن كل شي
رؤى ألتفت لهاا واضح الصدمه بعيونها : تدرين ؟؟
غلا هزت راسها بإيه وكانت واثقه من شكوكها عشان كذا أعترفت لرؤى
رؤى بإستغراب : شلون عرفتي؟؟
غلا نزلت راسها وقالت : لاحظت مراقبة أمك لناا وشكيت يوم نادتك لغرفتهاا
رؤى : غلا ترى أنا مالي ذنب بــ ..
غلا قاطعتها وهي مبتسمه : لا أنا أعرفك رؤى أدري بكل شي وأدري إني مو مرغوبه من قبل أمك
رؤى : لا تزعلين قلبوو
غلا سكتت وماقالت شي ماقدرت ترد وماتدري يحق لها تزعل أولا
في بيت سلطان
سلطان : وليه مو رايحه
جنى وهي تعطيه ظهرها: جمعتكم عائليه وماأقدر أروح بيسألوني من أنا
سلطان : حبيبي من قالك إنها عائليه في ناس كثاار بيجوون وحتى صاحبات خواتي بيحضرون
جنى : لا قلبي الله يخليك ماأقدر أنت ماتدري وش يمكن يصير صح
سلطان بقهر : كاان ودي تروحين
جنى : ماعليه مره ثاانيه قلبي
سلطان : اوكي غلاي على راحتك
جنى : أنت متى بتروح
سلطان : على المغرب إن شاء الله
جنى قربت له ومسكت يده : بشتاق لك
سلطان ذاب : وهـ بس خلاص مو راايح ليش أرووح والقمر عندي
جنى : هههههههه
عند سمر
كانت جالسه وجنبها كريماتها تحط منهم
دخلت عليهاا هنادي من دون ماتطق البااب
سمر تطالعها بإستغراب ؟؟
سمر : هييه مافي شي أسمه بااب
هنادي : أسمعيني بس بقولك حاجه
سمر بطفش : وشو أتحفينا من عندك
هنادي : أمس سمعتك تكلمين رؤى عن غلا
سمر : وطيب ؟؟
هنادي : بصراحه ماأبيك تماشينهاا
سمر : لا والله أنتي بالأول شوفي من تماشين وبعدين
هنادي قاطعتها : سمر أحترمي نفسك ولا تتكلمين معاي كذا
سمر : أقوول هنوده الباب ينتظرك
هنادي : طيب يا سميراان بتحتاجيني يوم من الأيام
وطلعت من الغرفه
وسمر تضحك عليهااا
دخلت لغرفتها وأتصلت عالطول على وسن
وسن بعد كم رنه ردت : هلا هنادي
هنادي : قلت لسمر كل شي ومو فاهمه
وسن : عادي بعدين بيسمعون مناا
وكملوا سوالفيهم اللي مالها داااعي خخ
في جناح خلود وفارس
كانوا جالسين يتغدون بالجناااح
فارس : متى بتروحين المستشفى
خلود : ليه أروح ؟؟
فارس بعصبيه : يعني ليه وربي مدري وشلون صايره هالأيام تسوين نفسك ماتدرين أكيد عشان تكشفين عن الحمل
خلود أستغربت صراخه عليها وقالت له بهمس : بروح هاليومين
تحس أنسدت نفسها من العشا وقامت منه
فارس : على وين
خلود : مو مشتهيه بروح أشوف سارونه وبقومها من النووم
راحت لغرفة سارا بنتها وكانت في وسط جناحهم
دخلت عليها وشافتها نايمه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك