رواية رماني وقال ما ابيها -1
رماني وقال ما أبيها
الكاتبة امبراطورة الانوثة
تجميعي ورد الجوري
او دانيا
منتدى غرام اقلام لا تتوقف عن الابداع
عدد الاجزاء 1-27
((1))
بسم الله الرحمن الرحيــــــــــــم
سلام
كيفكم
اليوم بأذن الله ببتدأ بتنزيل روآيتـي
الروايه رومانسيه وجريئه وحزن وفرح وووو ...... الخ ؟؟
أتقبل أنتقاادكم بصدر رحب
أتمنى أشوف منكم تفاعل
البارت الاول ( كله تعريف بالشخصيات )
نزل من الدرج مستعجل
شاف أهله يفطورون
باس راس أـبووه
وأمه
فهد : صباح الخير
الجميع : صباح النور
ام فهد : أقعد يافهد أفطر
فهد : لا مو مشتهي
يبه تبي شي أنا طالع للشركه
أبوفهد : لا سلامتك ياولدي بعد نص ساعه بروح شركتي
فهد : مع السلامه
الجميع : مع السلامه
رؤى : بابا أبي أروح السوق اليوم
أبو فهد : وليه وأنا أبوك ياكثر ماتروحون لهالأسواق اللي مامنها فايده
أم فهد : خلها ياأبو فهد تروح وتنبسط الخير واجد ولا بخيل على بنتك
أبو فهد : لا بنيتي لو تطلب عيوني عطيتها
بس ليه وأنا أبوك تبين السوق
رؤى : بااابا الدنيا عطله أبي أرووح أنبسط
أبو فهد : خلاص روحي يابابا بس مو تطوليين
رؤى ( بدلع ) : من عيوني
يلا أنا طااالعه أنام أمس مانمت زين تصبحون على خير
أم فهد وأبو فهد : وأنتي من أهله
( بجناح ثاني بنفس الفله )
: كانت واقفه قدام المرايا تمشط شعرها بعد ماأخذت شاور
ألتفتت لسرير اللي يكفي 4 أشخاص
شافت حبيبها نااااايم
أبتسمت على طريقة نومه
وراحت له تصحيييه
خلود : فارس حبيبي يالله أصحى
فارس : امممممم خليني نايم
خلود : حبيبي مايصير يعني مو رايح للشركه
فارس ( قام بسرعه ) : يالله نسيييت اليوم عندي شغل ضروري
خلود : ههههه طيب يالله أصحى
فارس : قام أخذ منشفته ودخل يأخذ شاور ماكمل سبع دقايق الا وهو طالع
شاف خلود واقفه عند التسريحه
راح لها وهو لاف المنشفه على خصره
ضمها من ورا
وباس رقبتهااااا
: فديتك حلوه وربي حلوه
خلود ( بدلع ) : أدري
فارس : ياااااواثق
خلود : هههههه يحق لي
فارس : خلي الدلع عنك وخلينا ننزل نفطر ولا وربي أتهوور
خلود ( بحياء ) : لالا خلاص
فارس : حريم مايجون الا بالعين الحمرا هههه
خلود : ههههههه
عايله أبو فهد
أبوفهد : من أكبر الاغنياء بشرقيه صاحب شركات كثيييره
وطيب وحنووون حيل على عياله عمره 55
أم فهد : مغرووووره حييل وتهما المظاهر
وماتهتم بعيالها عمرها 47
فهد : وسيييم وجسمه رياضي وعصبي حييل له هيبه قدام أخوانه
مسوي له شركه خاصه فيه عمره 31 ماتزوج الى الان بتعرفون بعدين لييه ماتزوج
فارس ( أخو فهد ) : شخص عاااقل وهادي متزوج خلود بنت عمه
وعنده بنت عمرها سنه أسمها سارا عمره 28 ( بعد شوي بنتعرف على خلود )
ريم : أختهم بس متزوجها ولد عمها أبو سلطان و اسم زوجها عادل
حبوووبه حيييل وجمالها حلوو شعرها لحد كتفها
رؤى : دلوووووعه وجمييله أبوفهد مره يحبها ويخاف عليها
عمرها 18 شعرها لنص ظهرها أسود بالحيل صديقة بنت عمها سمر
بيت أبو سلطان
سمر ( تغني ) : أنا عاااايش ومش عااااايش
أم سلطان : بس بس قص الله لسانك على هالصبح
سمر : مااامي هذا يسمى طرررب
أم سلطان : وتشوفيني فاااضيه لطربك الفااااضي ( سكتت شوي ثم قالت ) الا وين أبوك
سمر : راااااااح من زمااااااان للشركه
نزلت هنااااادي من الدرج
( باست راس أمها ) : صباح الخير يمه
أم سلطان : هلا صباااااح النور
هنادي : اوووف
سمر : شفييك
هنادي : اليوم جمعة عماني ومالي خلق أروح
سمر : بالعكس أنا مبسووطه
أم سلطان : وأنا مثلك وأنا أمك ماابي أروح بس وش نقول لأبوك
سمر : ليه ماتبون ترحون وبعدين ليه تكرهونهم ماسوى لكم ششي
أم سلطان : أنتي أنكتمي وروحي غرفتك
سمر : ( بطفش ) زيين الهواش كله لي
كان نازل من الدرج مرت سمر من جنبه بقوووه
سلطان : شوي شوي يابنت
شاف أمه وأخته بالصاله
: صباح الخير
هنادي وأمه : صباح النور
أم سلطان : هلا يمه تبيني أقولهم يحطون لك فطور
سلطان : لايمه بفطر بشركه
يالله سلام
أم سلطان : بحفظ الله يايمه
( جناح ثاني بنفس البيت )
باس خدها
عادل : تبين شي وأنا راجع ياقلبي
ريم : لا أبي سلامتك
عادل : الله يسلمك يالله سلام
ريم : لحظه بنزل معاااك
نزلوا من الدرج شافوا هنادي وأم سلطان بصاله الى الان
عادل وريم : سلام
هنادي وأم سلطان : وعليكم السلام
عادل : يمه أنا طالع للشركه مع السلامه
أم سلطان : بحفظ الله يايمه
ريم : خالتي تبين شي أنا طالعه لغرفتي
أم سلطان ( من دون نفس ) : لا ماأبي ششي
ريم : يالله سلام
عائله أبو سلطان أخو أبو فهد
أبو سلطان : أخو أبو فهد غني مثل أبو فهد حنون على عياله بس شوي عصبي عمره 54
أم سلطان : تكره أهل أبو سلطان ووحده مغروره تزوجت أبو سلطان
بس عشان فلوسه عمرها 48 تكره ريم زوجة ولدها وبتعرفون ليه
سلطان : ولدهم الكبير وسيم وجسمه رياضي صاحب فهد الروح بالروووح
حنون ويحب أخته سمر حيييل عمره 31 ( متزوج بالسر وبتعرفون قصته مع أحداث الروايه )
عادل : الولد الثاني مرره طيب ويحب زوجته ريم حيييل صار لهم ثلاث سنين
متزوجين ولا جاهم عيال
عمره 29
هنادي : بنت جمالها حلو مغروره ومو عاجبها أحد شعرها طويل وصابغته بأحمر .. عمرها 22
.. تحب ولد عمها فهد ولا أحد يدري الا بنت عمتها بتعرفونها من الاحداث وهي صاحبة هنادي
سمر : بنوته روووعه عمرها 18 صاحبة رؤى حيييل
طيوووبه وكيوت شعرها قصير لرقبتها لونه بلون الشوكولاته
مخصل بأشقر أحلى من هنادي بكثييير
بيت أبو خالد
أشعة الشمس تداعب ووجها الناعم
قامت منزعجه من هالضوء الى طلع لها فجأه
: يمااااا بلييز صكري الشباك مانمت زين
أم خالد : يالله وأنا أمك قومي ماصارت نوم
خزامى : حااااضر من عيوني عشانك بس
سحبت منشفتها ودخلت تأخذ شاور
نزلت أم خالد بعد ماقومت بنتها
أم خالد : سنيتا ياسنيتا
سنيتا : يس مدام
أم خالد : جهزي فطور لخالد وخزامى
سنيتا : اوكي مدام
عائلة أبو خالد أخوهم
أبو خالد : رجال حنون على عياله ويحبهم حييل غني
عمره 53
أم خالد : طيبه حيييل ومدلعه خالد ولدها الوحيد
خلود : زوجة فارس سمرا شوي جسمها رووووعه
شعرها لحد كتفها صابغته باللون البندقي عمرها 22
خزامى : بيضاء وجسمها مليان شوي وحلو شعرها طوووويل أسود
وحلوه بس مو أحلى من خلودعمرها 19
خالد : ولدهم الوحيد أبيضاني ودبدوب شوي ودلوووووع عمره 10
بيت أبو نواف
دق تلفون البيت
وراحت ترد أم نواف
أم نواف : الو
نواف : ألو هلا يمه
أم نواف ( بفرحه ) : هلا يمه كيفك ؟
نواف : أنا بخير يمه وش أخبارك أنتي أشتقت لكم يمه
أم نواف ( بدموع ) : وحنا وأكثر
نواف : يمه لا تبكيني هانت يالغاليه ماباقي شي وأرجع لكم
كانت جايه من المطبخ وبيدها كوفي
دانا : ماما من تكلمين
أم نواف : هذ أخوك نواف
دانا : يمه تكفين أبي أكلمه
أم نواف : يمه نواف دانا بتكلمك
نواف : عطينيها مشتاق لها
دانا : نواف حبيبي أشتقت لك
نواف : هلا دندونه كيفك
دانا : أنا تمام طمني عنك يأخوي
نواف : أأنا الحمد الله هاااه دانا تأخذين الابر بوقتها
دانا ( بحزن ) : ايه
نواف : دندون خلصنا حبيبتي ليه الزعل
دانا ( بدموع ) : ولا شي
نواف ( زعل على أخته اللي مريضه بالسكر من 3 سنين ) : قولي الحمد لله
دانا : الحمد لله
نواف ( بغير السالفه ) : وين عبد الله
دانا : بسابع نوومه
نواف : ماراح الشركه
دانا : ماأتوقع إن عنده شي اليوم
عائلة أبو نواف أخوهم
أبو نواف : رجال حنون حييل لعياله ويحبهم عمره 51
أم نواف : طيبه وحنونه عمرها 44
نواف : يدرس بالخارج حنون ويحب أخته دانا حيييل
عمره 26
عبد الله : شخص مرح ويحب الوناسه ( ماجاء بالبارت هذا بس بتتعرفون عليه بالبارتات الجايه )
عمره 24
دانا : وحيدة أخوانها جميييييله ووجها طفولي شعرها أسود طويل لنص ظهرها مريضه بالسكر
عمرها 19 صديقة خزامى
بمكان ثاااااني بعيد عن الترف والغناء الفاحش
بقريه تبعد عن الخبر 150 كيلو ( ساعه ونص )
ببيت مره قدييييم تسكن فيه
عائله بسيييطه حييل
كانت في الحوش تكنس والهواء يداعب شعرها الناعم
والشمس تظهر جمال بريق شعرها ونعومته
أم أبراهيم : غلا يا غلا
غلا : نعم يمه جايه جايه
دخلت بالبيت بتشوف جدتها وش تبي
غلا : هلا يمه أمريني
أم إبراهيم : وأنا أمتس روحي للمطبخ وجيبي لي كاسة مويه بأكل علاجي
غلا : حاضر يمه
راحت للمطبخ أخذت الكأس وصبت لجدتها مويه وأخذت علاج جدتها من دروج المطبخ
غلا : تفضلي يمه
أم إبراهيم : الله يخليتس لي
شربت المويه وأكلت علاجها
غلا : يمه أبي أروح مزرعتنا اليوم
إم أبراهيم : وش تبين فيها وأنا أمتس من يوم مات جدتس وهي ذااابله وحنا مانقدر عليها
غلا : بس يمه هذا اللي بقى لنا من يوم ما مات جدي وفيها ريحة الغالي ( تقصد جدها )
أم إبراهيم : والله ما أدري يابنيتي حنا مانلقى اللقمه الي تسد جوعنا مهوب عاد بنروح نزرع بمزرعتنا
غلا : إيه بس يمه لمتى بنبقى على راتب الجمعيه الخيريه
أم أبراهيم : إلين يفرجها ربتس علينا
عائلة أم أبراهيم
أم أبراهيم : حرمه كبيره بالسن مربيه بنت ولدها
بعد ماتوفي هو وزوجته بحادث سياره
كان عمر غلا خمس سنين
توفوا أمها وأبوها كان على أبوها ديوون كثيره بعض من هالديون سددها جد غلا
من شغله بالمزرعه وبعضها الى الان ماسددوها توفى جدهم من 6 سنين وترك لهم المزرعه
غلا : بنت جميله وجذااابه حيييل شعرها طووويل لونه بني
وسمرا وسمارها يجذب بقوووه
عيونها وسااع عمرها 18 ساكنه عند جدتها ويتيمه
باقي شخصيات ماذكرناهم بنذكرهم بالبارت الجاااااي
أبي رأيكم بكل صراحه عن أسلوبي والشخصيات ووووو .... الخ
البارت الاول ( مجرد تعريف بالشخصيات عن حياتهم وكيف عايشين ووووو ....... ألخ )
البارت الثااني
تبغاني أبتعد عنك
وأجفاك وأنساك
عطني مثل قلبك وأسوي سواتك
يا للي جاي تهدد
تحسب إنك قدي
ولا عرفت من أبوي وجدي
بعدك يابابا ماشفت
ولاعرفت التحدي
عهد علــي
لأخليك تكلم نفسك
وأنت ماتدري
بشركه كبيييره بالخبر
شركة فهد
كان مندمج بالاوراق اللي بين إيديه و يشتغل فيها قطع عليه
شغله دخوول صديق عمره
سلطان : سلام فهد
فهد : وعليكم السلام ... ( بإستغراب ) غريبه وش جاابك ؟؟
سلطان : أفااا ياولد العم .. طرده؟؟
فهد : هههههههههه لا يابن الحلال بالعاده دايم مبسط عند زوجتك
سلطان : اليوم تدري أنها جمعة عماني وماأقدر أرووح ( ذكرنا من قبل سلطان متزوج بالسر ولا يدري ألا فهد )
فهد : اهاا حاجرينك الاهل هههه
سلطان : فهد أنا جاي أسولف معاك وأنت تتطنز
فهد : يابن الحلال نمززح
في بيت أم فهد
دق التلفوون وردت الشغاله
جانيت : ألو
ريم : جانيت وين ماما
جانيت : لحظه أنا في يروح ينادي ماما
جانيت راحت جناح أم فهد طقت الباب
أم فهد : تفضل
جانيت : ماما ريم في تلفون يبقى أنتي
أم فهد : خلاص روحي أنا جايه
طلعت جانيت وسمعت رؤى تناديها
جانيت : يس مدام رؤى
رؤى ( كانت توها صاحيه من النوم ) : روحي سويلي كوفي
جانيت : أوكي
رؤى نزلت وشافت أمها تكلم ريم
وصكرت منها
رؤى : ماما وش عندها ريم
أم فهد : بتجينا بعد شووي
رؤى : إيه ياليت تجي أبيها تروح معااي لسوق
في بيت أم أبراهيم
كانت جالسه أم أبراهيم مع جارتهم بالحوش يتقهوون
أم سعود ( جارتهم ) : هونيها ياأم أبراهيم وتهوون إن شاء الله
أم إبراهيم : أنا ماكسر قليبي الا هالضعيفه غلا أخاف أموت وأتركها وحده
أم سعود : بعييد الشر ياأم إبراهيم تفائلوا بالخير تجدوه قولي لا إله ألا الله
أم إبراهيم : لا إله ألا الله
غلا ( كانت جايه من المطبخ ) : السلام عليكم
أم إبراهيم وأم سعود : وعليكم السلام
أم سعود : هلا يمه ياغلا كيفك
غلا : تمام ياخاله يمه تبين شي بطلع أنام شوي
أم أبراهيم :لا سلامتك يايمه
في بيت ثاني أول مره نروح له << حلفي خخخخ
: ( ضحكت بدلع ماااصخ وهي تكلم بالجوال ) : ههههه فديتك حبيبي
عزام : وسن أنا صادق ياقلبي ودي أشوفك صار لنا سنه وأحنا نكلم بعض وماقد شفتك
وبعدين تعالي حبيبتي ليه تضحكين ؟؟
وسن ( وهي تمسك خصلتها بدلع وتلفها ) : ولا شي بس عمرك ماطلبت هالطلب مني
عزام :آآآهـ وربي بتذبحيني على هالدلع
وسن ( بحياء متصنع ) : فديتك غلاي
أسمع حبيبي ( قبل ماتكمل كلامها قاطعها صوت الباب يطق )
وسن : اووف ... حبيبي ثواني بشوف من عند البااب
عزام : اوكي حياتي
راحت تفتح الباب
أم وسن : متى قمتي
وسن :صار لي ساعتين
أم وسن : وليه مانزلتي تفطرين
وسن : اووف يمه جايتني عشان تسأليني هالسؤال
أم وسن : يابنت أحترميني أنا أمك
وسن : أوكي أنا آسفه يمه ..... الحين أنا مشغوله
أم وسن : الله يهديك بسس
طلعت أمهاا من جناح وسن
وسن : وش شايفتني عشان الله يهديني << قليلة أدب هالبنت هههههه
رجعت لمكالماتها مع عزام
عائلة أم وسن
أم وسن تصير الاخت الوحيده لابو فهد وابو سلطان وابو نواف وابو خالد
حبوبه وحنوونه حيييل عمرها 45
أبو وسن : يشتغل دكتور مدلع وسن بنته الووحيده عمره 55
حنين ( متوفيه) بنتهم الاولى توفت بحادث سياره كان عمرها يوم توفت 20 ( متوفيه من 4 سنين ) يعني لو كانت عايشه يكون عمرها 24
وسن : بنتهم الثانيه مدلعه مررره وجمالها عااادي راعية مكالمات
وماهمها أحد عنييده بالحيل .. عمرها 21 وصديقة هنادي بنت خالها مررره
في بيت أبو سلطان
ريم : هلا حبيبي
عادل : هلا عمري بغيتي شي متصله
ريم : إيه ودي أروح بيت أهلي مو مطوله نص ساعه وراجعه
عادل : اوكي غلاي بس تقدرين تشوفينهم شوي بجمعة عماني
ريم : أدري بس ماعليه أنا ودي أجلس مع أمي شوي
عادل : اوكي ريومه الله معاك
ريم : باي ..... صكرت الجوال وألتفتت على تسريحه تزين شعرها
كانت لابسه تنوره سوداء ميد وبلوزه سماوي كات
أخذت عبايتها وطرحتها وشنطتها وطلعت من جناحها
شافتها أم سلطان
أم سلطان : على وين
ريم : هلا خالتي بروح لاهلي
أم سلطان ( بدون نفس ) : قلتي لزوجك ولا طالعه من دون إستئذان
ريم : ألا مسئذنه منه عن إذنك أنا طالعه .. طلعت ريم
أم سلطان : باللي مايردك ... شين وقوة عين
ركبت ريم السواق اللي مرسلته أمها وتوجهت لبيت أهلها
في بيت أبو نواف
دانا : اححح عبد الله تعورني
عبدالله : خلاص دندونه بلا دلع أنتي ماتعودتي على الابر
دانا ( بدموع ) : لا ماعاد أبيها خلاص
عبدالله ( ضمها لصدره ) : دندونه والله لو أمي تسمع كلامك تزعل عليك
تحملي ياقلبي مايصير تعترضين هذا قضاء وقدر
دانا وعبدالله ماكانوا يدرون عن أمهم اللي كانت تسمع كل شي من وراء الباب وقلبها يتقطع على بنتها نزلت دموعها على بنتها الوحيده
اللي صابها المرض وهي بعمر الزهور... راحت لجناحها ودمعها الحار
لا زال يذرف على دلوعتها وبنتهاا الوحيده
نزلت من سيارة السواق وأتجهت الى البوابه الكبيره
فتح لها الحارس ودخلت فلة أهلها
ووصلت الصاله ونزلت عباتها
أم فهد : هلا يمه ريم ( سلمت عليها )
ريم : هلا يمه .. كيفك
أم فهد : بخير وأنتي أخبارك
مشت وجلست على الكنبات الفخمه بالصاله
ريم : أنا تمام
جلست بجنبها أم فهد : الا ماقلتـــــ ....
قاطعها دخول رؤى : ريووووووومه
ريم : ههههه هلا حبيبتي رؤى
رؤى ( ضمتها بقوووه ) : كيفك ياادوووبه
ريم : تمام بشوفتك ياقلبي
جلست رؤى بالكنبه الثانيه
ريم : وش كنتي بتقولين يمه قبل ماتجي رؤى
أم فهد : هالخبله أختك نسيتني وش بقول
ريم : ههههههههه
رؤى : يمه مشتاقه لأختي وش فيها يعني
أم فهد : ولا شي .. إسكتي خلاص ياطول لسان هالبنت
إلا ياريم وراء ماتتغدين عندنا ونروح لبيت جدك اليوم جمعة عمانك
ريم : ماأدري يمه.. أنا قايله لعادل إني مو متأخره
رؤى : طنشششي .. أنتي لازقه بعادل 24 سااااعه
ريم : هيييه بنت هذا زوجي
رؤى : درينا إنــه زوجك بس ( دق جوالها ) : عن إذنكم
أم فهد وريم : إذنك معاك
جلسوا أم فهد وريم يسولفون
ورؤى راحت تكلم بعيد عنهم
رؤى : هلا نور
نور ( صاحبتها ) : هلا بالقاطعه
رؤى : ههههههه أعذريني حبيبتي ... كيفك ؟
نور : تمام وأنتي ؟
رؤى : ماشي حالي ..... نور أنا بطلع لسوق الحين تطلعين معاي
نور : لا والله ما أقدر أخوي سيف توه راجع من السفر
رؤى : اها .. خلاص أجل أنا مو طالعه
نور : لييه
رؤى : وش أدور لحالي يالخبله أنا أبي أنبسط معك وأنتي مو فاضيه
نور : أعذريني ياقلبي تدرين سيف توه راجع من السفر ماصار له يومين وأنا مشتاقه له
رؤى : خلاص عذرناك
نور : ههه فديتك يالله تبين شي
رؤى : سلامتك باي
نور : باي
دخل على أخته شافها تطالع الجوال
وشكلها توها منتهيه من مكالمه
سيف : نواره
نور : هلا سيف من متى و أنت هنا
سيف : كنتي تكلمين أحد ؟
نور : إيه صاحبتي رؤى
سيف : اهااا .. المهم أنا بطلع الحين
نور : وين بتروح خلك أنا مشتاقه لك
قرب منها وباس راسها : ياقلبي أنتي تعرفين شغلي اللي ماينتهي
نور ( بزعل ) : طيب ( نور متعلقه حيييل بأخوها الوحيد سيف وسيف مره مدلعهاا )
سيف : هههههه إذا جيت أعرف كيف أراضيك يالله سلام
نور : مع السلامه
عايلة سيف
أم سيف وأبو سيف متوفين بحادث سيارة من 7 سنين
سيف : وسيم
وجذاب ومغازلجي درجه أولى
يلعب على بنات خلق الله ... يحب أخته ودلوعته نوور حييل
ويخاف عليها من كل شي .. غني مرره وعنده شركاات ومحلات
عمره 30وماتزوج الى الان
نور : بنوته عسسوله وجمالها حلو
صديقة رؤى الروح بالروح عمرها 18
( عايلة سيف لهم دور كبير بالقصه )
بمكان يبعد ألاف الكيلو مترات عن مملكتنا الحبيبه
كنـــــــــدا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك