رواية حياتي عذاب -12
مخلوطة بحنان"..اقلها عشان أساعدك.."نزلت عيونها وفتحت الفرن وحصلته احتمى طلعت البيتزا من الكرتون وحطتها بصحن اكبر من حجمها ودخلتها"...
أميرة: احسب عندك ربع ساعة طيب ما تبغى تأخذ لك دش..؟؟
متعب: إلا بس بعد ما أكل...
أميرة: اوكي اجل راح اللبس وارتب أغراضي عشان نخليك على راحتك.."راحت ومازال يناظر لها يالله من يصدق هذه أميرة اللي كانت بتموت أمس والحين ما شاء الله ما كان فيها شئ على الرغم حاطه ماكياج لكن اثر التعب طاغي على وجهها تنهد وفتح الثلاجة وطلع له بيبسي وجلس قريب من الفرن"...
الكل كان موجود ومجتمع كانت مزرعتهم مرتبة وفيها مالذا وطاب من الخضروات المزروعة اللي قامت عزيزة تفرجهم عليها..بالمطبخ محتارات وش يسون إلا وتدخل عليهم نجود وشماء...
نجود: مالكم نية تجيبون القهوة والشاي...؟؟
فوز: ما نصبر أحسن لين ما يجون الناس مرة وحدة..؟؟
شماء: غريبة خالتي تأخرت دقيت عليها قبل ما اطلع قالوا أنها طالعة...
نجود: ما في إلا الخير...فوز جيبوا القهوة الحين صبوا للموجودين وإذ جوا الدفعة الثانية جيبوها مرة ثانية..
فوز: طيب..لمى الحين تصب وأنا...
لمى تقاطعها بقهر: لا والله..أنتي صبي إذ جت أميرة بصب...
فوز تغريها: صبي الحين عشان تفتكين وإذ جت أميرة اجلسي عندها...
لمى تهز رأسها: لاااااااااااا يعنى لاااااااااااااااا...
فوز باشمئزاز: طول عمرك عنيده..وجع.
لمى تطلع لسانها: توجعك...
شماء: خلاص أنتي وياها أنا اصب بس جهزوها ونادوني...
نجود تكلم شغالتها: ساري...وينه نواف...؟؟..
ساري الشغالة: فيه يلئب مع بيبي برا...
نجود: انتبهي له مو يروح عند مويه بعد يتعب علي...
ساري: تيب مدام مافيه كوف..."وطلعوا من المطبخ وهم يمشون"..
نجود: مالك نية تجيبي ولد لبناتك...
شماء: تكفين مو الحين خليهم اقل شئ يدرسون إذ جبت الحين وهم بذا السن أنا اللي أروح فيها..
نجود: عاد بناتك بسم الله عليهم ما في أهدى منهم..
شماء: هههههههههههاااااي يا حليلك عندك شذى مطلعة الشيب من راسي الله...
نجود تبتسم: الله يخليهم لك قالت لكم خالتي عن خطبة فوز..؟؟
شماء بفرح: ما شاء الله على البركة ما بلغتني أمي..
نجود: الله يبارك بحياتك أول كنا نقول عقبال أميرة الحين يجي الدور على طلال...
شماء: وعقبال رياض ولمى بس ما قلتوا مين اللي خطبوها..؟؟..
نجود كأنه تفكر: ما ادري وش يقالهم بس من طرف نورة زوجة مساعد..
شماء: اهااااا الله يوفقها يارب ومتى تملكون..
نجود: والله لسه ما حددوه بس إذ الله أراد قريب...
دخلت عليه الغرفة وريحه عطره منتشرة بكل مكان شافته يعدل بغترة ولا انتبه لها...
أميرة تتقدم عنده بفستانها الضيق: هااااه جهزت.."ناظرت فيه بإعجاب هذا متعب والله ما ظنيت انه يهبل ولا الغترة معطيته وكأنه عريس ومرتب الشوارب ومخفف العوارض وما حست إلا وهو ملتفت عليها وكان يقيمها من فوق لتحت بنظرة أعجاب وانبهار لمنظرها اللي يجنن كانت لابسة فستان عنابي مموج بنيلي ماسك بقوة على جسمها وبما أنها مو نحيفة مرة لكن مليان في المناطق اللي لابد تكون مليانه فيه وفتحه الصدر شبة كبير ودار مدار على الظهر من ظهرها وأجمل ما فيه الفستان الإكسسوار الكبير اللي تظهر مع كل حركة صوت"...
أميرة بخجل: ترى أمي دقت تقول تأخرنا...
متعب بنظرات مفتونة: يله أنا جاهز.."ولما لفت تبغى تطلع وقفها صوته"..
متعب يتقدم لها: غمضي عيونك..."ناظرت له باستغراب"...قلت غمضي ولا تفتحين للين ما أقولك... "استجابت لأمره وراح لجهة دولابه يطلع شئ"..
أميرة تقهره: هااااه افتح...
أميرة تبتسم: طيب.. "وسمعت شئ ما تدري وشو يسوي وحبت تلعب "...افتح...
متعب بدء يعصب: قلت لا ما تسمعين أنتي.."جاء عندها وخلها تتقدم قدام التسريحة ولف شئ بصدرها وخالها تفتح عيونها شافت عقد عبارة عن جوهرة مستطيلة الشكل بحجم متوسط لونها باللون الناري المتموج مع العنابي وصدفة صار مناسب للفستان وفيها سلاسل لولو منتهية بكل سلسلة وشكلها جناااااان..."
أميرة تتأمله مبتسمة: الله يجنن..."ناظرت له بخجل ممزوجة بفرح"...مشكور...
متعب بفرح: إن شاء الله أعجبك...
أميرة منزلة عيونها بخجل: أكيد دامه منك..."طال الصمت وكان يتأملها بحب وإعجاب"..
أميرة بخجل من نظراته: مو كأننا تأخرنا...
متعب بنظرة حنان وصوته قريب للهمس: سامحيني أميرة...عـــ
أميرة تحط أصبعها على فمه: لا تقول شئ...شئ وصار...
متعب اخذ أصبعها وباسه حمر وجهها من طريقته: ننسى اللي صار ونفتح صفحة جديدة.." ابتسمت بخجل علامة على الرضا وسبقته لتحت تلبس عبايتها وانتظروا للين نزل بعد ما ركبوا السيارة وأصبحوا قريبين من منطقه المزارع اللي بطريق الخرج طلع جواله يتصل على رياض عشان يوصف له المكان.."...
أول ما وصلوا وقف متعب سيارته عند مدخل الحريم وكانت أول وحدة تفتح الباب لكن يد قوة ضغطت على يدها لما شافته يهز رأسه لها بلا يعنى انتظري شوي نزلت خوله وبنتها ودخلوا جوا...
متعب: خلي جوالك قريب منك..
أميرة تحط يدها على خدها: يووووووه نسيت جوالي..
متعب يطلع جواله ويمد لها: مو مشكلة اخذي جوالي..؟؟..
أميرة بغرابة: وليش أخذه..؟؟
متعب: عشان تصورين معه أخذيه خليه معك عشان اتصل عليك...
أميرة أخذته وقصدت تقهره: وليش تتصل..؟؟
متعب بتأفف: أووووف يا كثر اسالتك اللي ما تخلص.."بنرفزه"..يله انزلي تأخرت على الرجاجيل... "نزلت من غير ما تنطق بكلمة وهي تضحك على عصبيته اللي بكل وقت تنفجر لأي شئ"....
دخلوا المزرعة وراحوا لقسم الحريم عالطول وسلموا على أهلهم ولما جاء دور أمها ضمتها بقوة وكأنها جايه من غربة طويلة تمالكت نفسها عشان ما تبكي ويخرب ماكياجها ومن بعد السلام جلست بجنب خالتها"....
الساعة 9 ونص تعشوا الرجال وبقى الحريم جلسوا يسولفون بالمجلس إلا هي كانت تتمشى لوحدها بالمزرعة ولما وقفت تتأمل السماء والقمر اللي كان بدر مكتمل حست بصوت ورآها التفتت بسرعة وكان حارس المزرعة ...
هاجر بعصبية: أنت ليش يجي هنا ما تشوف فيه عزيمة.."كان يناظر لها باستغراب خير وش تبغى هذا تحسبني سواقهم...خخخخخخخخخ"
رياض يهز رأسه مثل الهنود: لا...ما فيه يارف...
هاجر تناظره بحقارة: واعتقد الحين عرفت يله اقلب وجهك وإذ شفتك أنادي عليك عمتي عزيزة فاهم.."اووووه هذي بنت خالي عبد الرحمن هاجر المغرورة اللي ما سلمت من كلام اخواتي مبين شكلها قوية وبابتسامة أعجاب راح عنها وهو يصفر..عمى والله هالهندي متمرد يبغاله تكفيخ.. جلست على العشب تناظر بالبزران هي من النوع العادي تطلع قدام سواويقهم من غير حتى تتحجب فعشان كذا ما خافت منه ولان رياض مملوح ببشرته الغامقة شوي وملامحه الجذابة مثل الممثلين الهنود الحلوين على قوله لمى توقعته هندي تنهدت هاجر وشافت فوز جايه لجهتها اللي كانت تدور عليها وشافتها لوحدها جالسة"
فوز: أنتي هنا وحنا ندور عليك...؟؟.."ناظرت لها بغرابه وأبعدت الخصلة عن وجهها اللي طيرهم الهواء"...
هاجر تحاول تبتسم: مليت من سوالف الحريم قلت أشم شويت هواء وأتفرج على لعب البزارين.!!...
فوز تجلس بجنبها: يا حليلهم تصدقين يذكرونا بأول مثلهم.."ناظرت لها بابتسامة"..على فكرة على أننا بجامعة وحدة وين تغطسين أنتي..؟؟
هاجر تحاول تكون طبيعية: موجودة بس دايم أغير مكاني تعرفين بالجامعة ما فيه لك بنت أو شالة تستقرين معها لازم تغير...
فوز: بالعكس شوفي دفعتي من أول ما درست للين الحين وحنا نفسنا ما تغيرنا.." أكيد ما تتغيرون دام اللي معهم يبغونك ويحبونك مو ينفرون منك مثلي وجتهم لمى وأميرة"...
لمى: وش تسون عندكم..؟؟.."التفتوا عليهم وجت عيون هاجر على أميرة لكن ما لقت لها بال ولا فكرت تحط عيونها عليها"...
فوز: شوفت عينك نشم شويه هواء اجلسوا معنا...
أميرة تحاول تتهرب منها: لا أنا بدخل نجود تبغاني...
فوز: وش بينكم أنتي وياها..هااااه..ليكون اعرستي خلاص كبر راسك ولا تتشرفين تجلسين معنا...
أميرة بتعجب: يووووووه وش دعوة يا فوز حتى لو أصير عجوز ما أنسى العيش والملح يله سي يو.. "ما حبت لمى تتكلم مع هاجر لأنها تتوقع أي رد سخيف منها"...
هاجر: بسالك يا فوز...؟؟..
فوز تبتسم: هلا...تفضلي...!!..
هاجر: انتم عادي تتركون حارس المزرعة يدخل وانتم عندكم ناس...
فوز بغرابة تناظر لأختها: لا..أصلا إذ عرف أحنا جينا نعطيه أجازة ولا نشوف رقعة وجهه وشلون إذ كانت عزيمة...
هاجر بحيرة: وشلون وقبل ما تجين بـ10 دقايق كان فيه حارس...
فوز: لا غلطانة وشلون شكله قصير..؟؟..
هاجر: لا...طويل وقمحي وشوي مليان وبصراحة...."ناظرت فيهم بحذر"..فيه منك.. "وعالطول لمى انفجرت ضحك وناظروا لها بغرابة"
فوز تناظر لأختها بغرابة: هييييييييييييييه وش فيك أنتي...
هاجر بدهشة من رده فعلها: ما ادري عنها أخاف قايلين نكته...
فوز تهز كتفها: هيييييييييييه ووجع تكلمي وش فيك...؟؟؟
لمى فاطسة ضحك: ههههههههههههههههههههه آآآه يا بطني ههههههههه ما تدرين عن مين تتكلم السنوريتا...
فوز تناظر لأختها بقهر: بنت استحي بتقولين أو لا...؟؟..
لمى: هذا رياض هههههههههههههههههههههههههههههههههههه
هاجر باستنكار: رياض..!!..وش يطلع بعد ليكون السواق..؟؟؟
فوز ماسكة ضحكتها: اخوي رياض بس ما قلتيلي ليش تسالين..؟؟
هاجر مصدومة: جاء هنا...وهاوشته...وشلون يكون أخوك وهو يتكلم مثل الهنود.."وفطسوا الثنتين ضحك على براءة بنت خالهم فولت هاجر وبعصبية قامت من مكانها"
هاجر: صدق أنكم خبلات والشرهة علي أقولك وش صار معي وهذا جزاتي لما طردته وقلته يا ويله يجي هنا...
لمى فاطسه ضحك: هههههههههههههههههه وهز رأسه مثل الهنود وقال.. "تقلد".. تيب هههههههه
هاجر ببراءة: لا راح وما قال شئ..
فوز تمسح دموعها من الضحك: هذا اخوي رياض يحب يستهبل وخاصة إذ قلد الهنود تعالي شوفيه كأنه واحد منهم.." طيب يا رياض الظاهر ما عرفت من هي هاجر زين دامك بديت بالحرب تحمل ما يجيك"...
لمى: هاجر هههههههههههههههههه ليكون شافك كذا....؟؟..
هاجر بثقة: إيه...وش فيني أصلا هو طلع علي بسم الله ما دري من وين..
فوز تغمز لها: وش رأيك بأخوي يهبل صح..؟؟. "إيه والله يهبل وكله ملح بس سخيف بالي سواه بس هين بردها لك.."..
لمى بمكر: هااااه هاجر...ليكون وقعتي بالحب من أول نظرة..
هاجر بخجل واشمئزاز: أي حب أنتي الثانية والله ظنيته هندي أنا بدخل أخاف يجي احد.."ودخلوا سوا للمجلس وكان ممتلئ بالحريم الكبار"
بالمطبخ كانوا يجهزون العشاء ومها زوجة سلطان تناظر فيهم...
مها بدلع: والله حملي هالمرة متعبني...
نجود تقهرها: كلنا حملنا بس ما تعبنا مثلك اللي فيك شويه دلع...
مها بقهر تناظر لها:أي دلع..ياليت اتدلع.."دخلوا عليهم البنات إلا هاجر اللي جلست عند أختها"..
شماء: مبروك فوز الخطبة..؟؟..
فوز بخجل: الله يبارك بعمرك الخبر انتشر...
أميرة بفرح: يا الشينه تنخطبين ولا تقولين لي...
فوز بخجل: وكل شئ صار بسرعة...
لمى: وأخيرا بيجي اليوم اللي اخذ راحتي بالبيت ولا احد يقول سوي كذا وافعلي ذاك..
نجود: بسم الله على عمرك وين راح رياض...
أميرة: عقبالك يا لمى...؟؟
شماء: لا عاد لمى حاجزتها...
لمى بخجل: لا والله شايفني سلعة للبيع أنحجز ولا احد يقولي...
شماء بغرابة: احمدي ربك أني حجزتك...
لمى تتصنع العصبية: أقول شماء عن الغلط من الحين تبدين تفرضين شخصيتك أخاف بكرة تقولين ترى أنا زوجتك..
شماء تغمز لها: وليش لا مو شينه خليني أذلك شوي...
مها متكتفة وكان الوضع مو عاجبها: ومين عريس الغفلة...؟؟
لمى تناظر لها بقهر وتحدي: والله أنتي الغفلة يا دلوعة..
مها بتحدي: غصب عنك دلوووووعة ليكون عندك مانع...؟؟؟
لمى:خخخخخخخخخخخ ما ادري على ايش الدلع وياليت الدلع حقق لك شئ.."كانت تقصد الشغالة اللي ببالها"...
نجود تدخلت لما لاحظت الشر بعيون مها: خلاص لمى روحي شوفي أمي خليها تجي.. "طلعت بعد ما ناظرت لها بغرور "...
مها بتكبر تحاول تضبط عصبيتها: اسمحيلي يا نجود أختك هذه ما تربت...
نجود تأخذها على قد عقلها: ولا يهمك نربيها من جديد.."عالطول غيرت السالفة".. أميرة الله لا يهينك نادي على سوماتي خليها تأخذ الصينية.."طلعت أميرة وطلعت من ورآها مها وهي مفولة لأخر درجة.."...
بالمجلس وبعد العشاء جلسوا الرجال سوالف مع بعض...
رياض جلس بجنب طلال بعد ما صب القهوة: أقول صار لي موقف يحبه قلبك..؟؟..
طلال ابتسم: لا..وشو قول بسرعة...
رياض: بعد ما دخلوا الرجال يتعشون وجلست أنا وياك بالمجلس.."هز رأسه باهتمام"..يوم جاء ريان يقول أن مي تصيح وما ادر
طلال قاطعه بنرفزه: رياااضوه ووجع بتتكلم أو لا عرفنا وبعدين أبغى من طلعت وش صار...
رياض: طيب بشويش علي...
طلال باشمئزاز: بسم الله عليك يا الرقيق كمل للحين اكفخك بأسنانك..؟؟
رياض يقهره: خخخخخخخخخخخ لا تستعجل على رزقك إلا واطلع.."قطع عليهم متعب ينادي طلال قام وبنظرات عصبية لرياض وكأنه يقول هين اوريك على التمطيط"...
طلال: هلا متعب...
متعب مبتسم: هلا بك عطني جوالك شوي...
طلال بغرابة: ليش..؟؟...وين جوالك...؟؟
متعب: معك أختك..
طلال يجلس بجنبه: وليش تعطيها تدري لو منك كان أعطيها كف بوجهها..
متعب بغرابة: الله وليش عاد ترى ما أرضى تقول عن حرمتي ألزم حدودك وبعدين هي نست جوالها وعاد أنا ما أتحمل أشوف زوجتي ما معها جوال وباقي الحريم معهم عاد قلت أخذيه وزجري عندهم.
طلال: تدري كسرت خاطري بس مرة ثانية لا تعودها إذ نسته خلها تولي.."مدله الجوال"... بس بشرط خلني العوزها شوي...
متعب: إيه هين تلعوزها وأنا موجود.."اخذ منه ودق على جواله"...
دخلوا الحريم على العشاء وبما انه المكان ازدحم وما في أي مجال للخوض والدخول معهم فضلوا باقي البنات يجلسون للين ما يخلصون وعلى قولة شماء نأخذ راحتنا.."...
بلقيس تتقرب منها: سلامتك أميرة ما تشوفين شر...
أميرة تبتسم: الله يسلمك والشر ما يجيك...
بلقيس: بسم الله عليك وش اللي جاك من دريت من متعب وأنا بس أفكر فيك..؟؟
أميرة تبتسم: يا عمري والله وأنا بعد ما ادري وش جاني فجاءه بلمح البصر شئ يقطع ببطني..
بلقيس: بسم الله عليك طيب ما تدرين وش قال الدكتور معك..؟؟
أميرة: هههههههههههههههه تدرين ما ادري حتى أخوك ما قالي...
بلقيس: هههههههههههههههههه أهم شئ سلامتك صحيح وجهك مو مثل أول بس إن شاء الله تكون نهاية الأوجاع...
أميرة تبتسم: اللهم آمين.."تحط يدها ببطنها"..والمزيون متى يشرف..؟؟
بلقيس تتنهد بتعب: هانت هذا شهره ولو تشوفين مهند بسم الله عليه متحمس أكثر مني...
أميرة: الله يخليه لك ويقومك بالسلامة...
بلقيس: وعقبالك ما كان طولتوا..
أميرة بخجل: وش طولنا حرام عليك ما كملنا الشهر.."قطع عليهم صوت جوال متعب يرن طلعته من شنطتها وناظرت الشاشة سلمان متصل بك"..
بلقيس بغرابة: هذا جوال متعب...؟؟؟
أميرة تبتسم بخجل: إيه..
بلقيس: ليش معطيك أيها...؟؟..
أميرة: يقول صوري معه وأنا نسيت أدور على الكاميرا "ضحكوا مع بعض"....
بلقيس: طيب ردي عليه...؟؟
أميرة: وشلون أرد هذا واحد من خوياه..."وتسمع مسج"..
بلقيس: بعد مسج افتحيها أميرة بالله خلينا نقرى وش مكتوب..
أميرة بدهشة: لا والله عشان يحطها على راسي وما اسلم من لسانه لا حبيبتي يمكن فيها شئ مهم وتوهقيني..."وسمعوا مسج ثاني"...
بلقيس بقهر: لا جوال اخوي مو صاحي مسجين وأنا أتمنى بس واحد اقل شئ أحس أن عندي جوال...
أميرة: هههههههههههههه ياحليلك هذا مو الثانية قبلها 3.."ورن الجوال وكان طلال يتصل بك"...
أميرة ترد بنرفزه مصطنعة: خير وش تبغى تتصل بجوال مو لك...
متعب أعجبه طريقة ردها: ليش حرام اسأل عن زوجتي.."حمر وجهها بسرعة يوووه نسيت انه يبغى يتصل الحين يظن أني قاصدة بالكلام يارب عد المكالمة على خير"...
أميرة بإحراج: هلا متعب...
متعب يبتسم: هههههههههههههههه الحين هلا متعب تو ليش تتصل بجوال مو لك هااااااه....
أميرة تبتسم بخجل: ظنيتك طلال ما توقعتك أنت...
متعب: بس يا حبيتي معطيك خبر أني بتصل أو أنا غلطان.."نفس الشئ شكل قال الكلمة عفوية من غير ما ينتبه وليش ما يكون متندم وحاب يجبر بخاطري بالكلمة"....
أميرة: لا محشوم عن الغلط...
متعب بحنان: وشلونك الحين..؟؟..
أميرة تبتسم بخجل: الحمد لله بخير أنت وشلونك..؟؟..
متعب: دام سمعت صوتك أنا بخير.. تعشيتي؟؟
أميرة: لا...
متعب باهتمام: ليش...؟؟
أميرة تقهره: مالي نفس.."وشافت تعابير بلقيس المتعجبة وهي تناظر لها"...
متعب بقهر: وشلون مالك نفس اجل وشوله أعطيك الجوال واتصل اطمن وأخرتها مالك نفس..
أميرة تكتم ضحكتها: اعتقد سألتك ليش تعطيني قلت أصور معه وما قلت تبغى تطمن علي...
متعب بضيق: تدرين الشرهه على اللي يسال عنك وإلا أنتي مو كفوا...
أميرة بقهر: بدينا بالغلط.."تدخلت بلقيس وأخذت منها الجوال.."..
بلقيس: هلا متعب معليش على المداخلة بس اطمن لسه ما قاموا الحريم عشان ندخل ونتعشى ولا تخاف دامها عندي بخليها تأكل كل شئ موجود..يله باي"أعطتها الجوال وحست بالإحراج لان بلقيس منتبهة على كلامهم وتدخلها بسرعة"...
متعب مقهور من حركتها: وش قصدك من اللي قلتيه..؟؟..
أميرة بقمة الإحراج: ولا شئ بس بشوف..؟؟
متعب بقهر: وش تشوفين يا البرنسيسة أميرة..؟؟
أميرة: هههههههههههههههههه أبدا سلامتك يا برنسيس متعب.."وسمعت صوت أخوها يتكلم بس ما فهمت عليه"..وش يقول هذا...
متعب:ههههههههههههههههههههههههه توني ادري أن أخوك قعيطي...
أميرة: ليش وش فيه...؟؟
متعب: يقول خسرتوني والحين راح يصير استقبال...
أميرة بغرابة: الحين خسرناه عموما سلم عليه وعلى ابوي بعد أخاف ما تحصل فرصة وأشوفهم...
متعب: حااااضر اللي تأمرين كم أميرة عندي...
أميرة بدلع: وحدة اللي هي أنا .."ضحكت لما سمعت ضحكته.."...
متعب بحنان: تدرين أميرة وش رأيك اوديك الحين هذاك المطعم اللي ما قد ذقتيه بحياتك..
أميرة: والله ياليت بس مع الأسف ما اقدر...!!..
متعب بتعجب: ليش...؟؟
أميرة: لان الحين بدخل بتعشى وعزيمتك هذه خلها لطلال يستاهل..
متعب يناظر لطلال بقهر: لا يخسى أنتي اولىّ منه.."ما ردت عليه وابتسمت بخجل"..يله أخليك تتعشين وما أوصيك أكلي لا تبقين شئ...
أميرة بتعجب: يوووه عشان اصير دبه لا يا عمري.."قالتها بعفويه من غير ما تحس لان هذا جملتها ما تغيرها مع احد لكن متعب حس أنها طالعه من قلبها"...جسمي كذا عاجبني..
متعب بهمس عشان ما يسمعه احد: وأنا بعد عاجبني ويا ويلك إذ زدت كيلو أو نقصتي...
أميرة بقمة الخجل والارتباك: متعب....بلقيس تناديني...
متعب: هههههههههههه طيب لا تسيحين وإذ خلصتي دقي على جوال أخوك...
أميرة: وينه ماله حس ليكون بقششته؟؟...
متعب: لا هذا هو عندي ملّطع يخسى ابقششه...
أميرة: إيه تعجبني لا تعطيه وجه...
متعب بصوت كله حنان: ليش توني أعجبك.." يالله كل كلمه يمسكها علي لازم أنهي المكالمة قبل ما يذوبني بكلامه"...
أميرة: معليش مضطرة اسكر...مع السلامة...
متعب: الله يسلمك ولا تنسين تدقين...
أميرة: إن شاء الله..."قفلت وبالغلط فتحت وحدة من الرسايل وقرتها"....
** ياليت كل القلوب مثل قلبك وكل..
روح مثل روحك كان عشنا دنيا..
الخير كاسيها من أولها لتاليها...
والطيبة شموع تضويها والحب...
من الظلم حاميها بس للأسف ...
مثلك من البشر نادر ومن باعك ترى خاسر..
وأنا أبيع هالكون واشتري منك حتى لو سماع صوتك...
احبك...ثم احبك..للين أموت وأنا احبك...لأخر نبض ينبضني...**
ناظرت للرقم وشافته مو مسجل باسم استغربت من صاحب الرسالة شكله معجب بمتعب يا ربي الحين إذ عرف يسويها سالفة خليني احذفها أحسن عملت مسح لها دخلت وجلست بجنب خوله وكان المكان الوحيد اللي فاضي وجلسوا البنات يعلقون عليها"...
على الساعة 11 جلسوا الحريم برا المزرعة بعد ما راحت خالة شماء ونجود وأهل مها وأخت منيرة وحريم عيالها انقسموا الحريم لفرق على حسب العوائل...
يعنى فريق حصة وبناتها وعزيزة وبناتها مع مها ونجود هي الحكم الفاصل مع جدتهم أم عبد الرحمن وفريق منيرة وبناتها مع أميرة وجمعوا بزارينهم عندهم وبدئوا بالمسابقة وبعد الانبساط وجوا المرح والفرح وكان أجمل ما في المسابقة التشجيع ما بينهم والحماس والتصفير والمنافسة الشريفة.. على الساعة 1 ونص الكل بدء ينسحب من المزرعة...
وقف عند سيارته ينتظر جدته عشان يركبها إلا تطلع بنته معها بنت وواضح اكبر منها بالعمر ما يدري ليش حس بعطف باتجاهها وشئ يجذبه فيها...
مساعد يناظر لها بحنان: اسمك رغد صح..؟؟
رغد بخجل: صح..
مساعد ينزل يوصل لطولها: طيب يا رغد وش اسم أبوك...؟؟
رغد: ابوي اسمه منصور.."تذكر أبوها الله يرحمه وشاف نظرة الحزن بعيونها وابتسم له يالله شكلي فتحت عليها مواجعها والنظرة الحزن اللي ظهرت فجاءه.."..
رغد بعفوية: ابوي محمد وأمي حصة وخالي طلال...
مساعد انبسط على طريقتها ونسيانها السريع للسؤال: وأمك وش اسمها..؟؟
رغد: أمي خوله...؟؟
مساعد وكأنه يتذكر: خوله..!!.."هزت رأسها بفرح"...تدرسين يا رغد..؟؟
رغد ببراءة: إيه رابع.."عدل من وقفته ومسح على رأسها الله يعوضك يا رغد بأب حنون تستاهلينه وأبو طلال ما في مثله من الحنان.."...
بعد ما راحوا وما بقى إلا أصحاب المزرعة إبراهيم مع عياله وطبعا طلال ما راح معهم حب يجلس إذ محتاجين شئ وبعد ما راح إبراهيم مع رياض بسيارة العفش تطوع طلال يأخذ خالته وبناته بسيارته بعد ما ركبت عزيزة وبناتها تعمد طلال يقهرها على اللي سوته اليوم...
طلال: وشلونك فوز...؟؟
فوز بحياء: بخير الله يسلمك..وشلونك أنت.."صحيح تستحي منه بس تحاول تكسر الحياء لان تعتبره مثل أخوها رياض عكس لمى أما هو فعنده جدا عادي يأخذ ويعطي مع بنات خالته لان يعتبر نفسه واحد منهم"...
طلال ويناظر للمرايا لان عرف أن الحلوة ورآه وفوز بالجهة الثانية: مبروك سمعنا انك مخطوبة..
فوز: الله يبارك فيك وعقبالك إن شاء الله.."بعد الجملة الأخيرة ناظر للمرايا وشاف صاحبة الوجه الحسن مو ملقيه بال بالمرة.."...
طلال: لا أنا بدري علي وراي مشوار طووووووووويل مرة....
عزيزة تناظر له بتعجب: يا كافي وش هذا المشوار...
طلال يقصد بكلامه ويناظرها: أبدا عندي مشروع خيل بس يا خالتي لو شفتيه ما تقولين هذا خيل يهبل وأصيل لكن الحمار يبغاله ترويض محترم.."وناظر للمرايا وفرح من رده فعلها اللي كانت تناظر فيه بتعجب أنا خيل يا الحمار ولا بعد تتغزل فيني قدام أهلي صدق انك حيوان..."...
عزيزة: عاد ما شاء الله عليك يا ولد أختي تعرف وشلون تروض الحيوان والإنسان...
طلال يبتسم بانتصار: إيه...والدليل هذا هو ولدك عرفت وشلون أروضه..
عزيزة تضربه بخفه: لا عاد حدك مو تزجر علينا ويكبر راسك وبالأخير تسبنا..
طلال بغرابة: افااااا يا خالتي ما عاش من يسبك أو.."يقهرها"..يسب فوز انتم على راسي من فوق...
عزيزة: ورياض وين راح...؟؟؟
طلال: رياض موجود مكانه بس مع الأسف بالاحتياط لان ما في أمكان شاغرة بالوقت الحالي.. "ضحكوا وهم رايحين لبيت إبراهيم وحس بغضبها اللي كل ما سألتها أمه ترد من دون نفس أحسن الحماره عشان تتأدب وتعرف وشلون تتكلم مع الشيخ طلال أما لمى منقهره منه موت بالأول ما عبرني ولا سلم علي والثانية شايفني خيل ويبغى يروض مالت عليك وعلى ترويضك اللي مثل وجهك أنا استغرب وشلون رياض متحملك لو مكانه كان عطيتك كم طراق عشان تتأدب"...
بعد ما رجعوا حاول ينام تقلب يمين وشمال لكن مع الأسف النوم جفاء ما يتصور رده فعل أميرة إذ عرفت أن صاحب الرقم هي بنت حمد ربه أن ما فتحت شئ منهم وتذكر كلامها لما قالت أزعجها جواله بالرسايل وكل شوي البنات يعلقون عليها ولما بغت تسكر منه ضغطت على فتح الرسالة لكن قفلتها بسرعة من غير ما تقرى شئ يا الله أخاف قرت شئ منهم عشان كذا أحسها مو على بعضها وتسرح كثير وإذ سألتها تبتسم وشلون أتصرف..وشلون..؟؟.. مافيه غير سلمان يساعدني وطلع للصالة يتفرج على التلفزيون على أمل ينام ولو بمكانه خلاص أنا اخترت أميرة وصارت كل شئ بحياتي..أحبها..إيه أحبها وما اقدر استغنى عنها وهند صارت ذكرى مرت وانتهت من حياتي وجوالي هذا لازم الغيه وهند لازم تنساني...لازم...
*"""الجزء الثاني عشر """
قامت بكسل عشان صلاة الفجر وخاصة ما نامت إلا ساعة بعد ما رجعوا من المزرعة وبعد ما توضأت راحت لغرفة بنتها تصحيها كانت تبكي بصمت وبشهقاتها اللي تقطع القلب أول ما فتحت الباب شافتها جالسة ضامه رجولها وتبكي.. طارت خوله بخوف وجلست بجنبها...
خوله تحضنها بخوف: بسم الله عليك..رغد وش فيك حبيبتي..؟؟.."ما ردت عليها"..رغد وش فيك..؟؟...
رغد رفعت وجهها اللي مليان دموع: ماما...أبغى...بابا.."رجعت تبكي من جديد والمرة بشكل أقوى انصدمت خوله من بنتها وش فيها..؟؟ ..وش خلاها تتذكر أبوها ناظرت لها بعيون حزينة ومليانه دموع"...
خوله بصوت مرتجف: حبيبتي صاير معك شئ...؟؟
رغد بين شهقاتها: بالمزرعة..طلعت مع مي وأبرار وطيف وجاء أبو طيف عندنا...
خوله باهتمام: إيه وبعدين.....؟؟....
رغد: قالت أبرار أن بابا ما يحبني..وانه...راح وتركني عندك.."زادت بكائها وشهقاتها"...
خوله تزيد من ضمها لها: حبيبتي رغد أبوك راح لان ربي يبغاه.....
رغد بين دموعها وبصوت شوي عالي: وأنا بعد ابغااااااه وأحبه كثييييييرة خليه يرجع.."حطت يدينها على وجهها"... أبغى بابا...
خوله بعبرة مخنوقة: خلاص حبيبتي لا تبكين اهدي الحين عشان اقدر أقولك شئ.."ولما بدت تهدى".. اسمعي حبيبتي أبوك كان يحبك ويموت فيك.."ابتسمت خوله وكأنها تتذكر"..أول ما جبتك مقابلك 24 ساعة ويا ويل احد يشيلك.. تدرين هو مسميك برغد لان يبغى يشوفك تغردين قدامه وهو فرحان...
رغد قاطعتها بصوت مبحوح ويرتجف: وشلون أغرد... وهو....
خوله لمتها : وش قلت إذ تصيحين خلاص أبطل كلام.."هزت رأسها بلا ومسحت دمعة نزلت منها بطريقة طفولية"..أول كلمة نطقتيها بابا وكأن اليوم بالنسبة لأبوك يوم عيد ما تتصورين فرح كثير لما سمعها ما كان يحب يفارقك أبدا.."تنهدت بحزن"..جاء هذاك اليوم مفرق الجماعات وهادم اللذات كان نازل للرياض مع جدتك موضي تعبانه ورايحين عشان مراجعتها وبقدرة قادر وهو راجع عمل حادث الله لا يجيب ذاك اليوم راح فيه وراحت جدتك معه.. "بصوت مرتجف" الله يرحمهم.."ناظرت لبنتها الهادية".. كان يحبك يا رغد لدرجة انك معه بكل لحظة والحين تقولين بابا ما يحبني....
رغد بزعل: طيب..ليش كل البنات عندهم أب إلا أنا...؟؟
خوله تبتسم وتواسيها: لا يا حبيبتي مو كلهم البعض منهم فيه ناس محرومين من أبائهم وهم عايشين...
رغد باستنكار: وشلون...؟؟
خوله: يعنى أبوهم عايش معهم لكن بنظر عياله ميت مثلا يكون الأب مسجون أو مريض وطايح بالمستشفى ولا احد يسال عنه أو يكون مطلق زوجته ولا يسال عن عياله خير شر وفيه مشاكل كثير بس ما احد يعرف عنها إلا الله سبحانه وتعالى.."ناظرت لها وكأن الاقتناع مرسوم على وجهها".. وحطي دايم ببالك عمر بابا ما حبك لكن الله يبغاه عنده بعدين حنا أمانة بالدنيا اللي انخلقنا فيها والله هو الوحيد القادر اللي يأخذ أمانته من الدنيا إلا هم حنا يا عباده فهمتي علي.."هزت رأسها بلا وابتسمت لها"...طيب شفتي العروسة هذي..؟؟
رغد ببراءة: إيه...هذه فله عروستي...؟؟..
خوله تبتسم: هذه عروستك افترضي تبغين تسافرين لمكان بعيد وما تقدرين تأخذينها مو المفروض تحطينها عند ناس تحبينهم عشان يحافظون عليها.."هزت رأسها بأيه"... حلو وحطتيها عند خالتك أميرة وبعد مدة طويل رجعتي المفروض تأخذين الأمانة اللي عندها...صح..."هزت رأسها بأيه" خلاص الله يأخذنا عشاننا أمانه بالدنيا وأبوك كان أمانة والحمد لله استردها له والمفروض ما نزعل بالعكس نحمد الله على كل شئ....صح
رغد تبتسم: صح...
خوله مسحت دمعة بنتها اللي علقت على خدها: وما أبغى أشوف دموعك أبدا...مفهوم....
رغد تبتسم ببراءة: مفهوم....ماما أنا احبك...وأحب ربي وأحب بابا بعد....
خوله توقف وبنظرة حنان: وأنا بعد احبك.. يله غسلي وجهك وقومي صلي وادعي لأبوك بالرحمة ويدخله الجنة وكل يوم ادعي له بصلاتك خلاص حبيبتي.."هزت رأسها بأيه وعالطول قامت باست أمها وراحت للحمام تتوضى تنهدت خوله بتعب الله يعيني عليك يا رغد على أن سنك صغير إلا عقلك اكبر منك وكل ما تكبرين كل ما تحسين بالحرمان..يارب..اشرح صدر بنيتي وأحفظها لي.."..
يوم السبت وعلى الساعة 9 انتهت المحاضرة واجتمعوا باقية الشالة بكافتريا الجامعة وبعد السلام وتبادل التعازي على المادة اللي كانت عليهم قبل شوي...
خالد: الله يعيننا على هالمادة والدكتور يشرح من جنبها وكانه يشرح لنفسه وأتحدى احد فهم عليه غير اللي حامل المادة...
طلال بنرفزه مصطنعة: والله حرام ما خلصنا من اللي قبل شوي تطلع علينا هالمادة...
خالد: يقولون هالدكتور أسالته دايم معاده وتحصلها موجودة بمركز التصوير...
رياض: المشكلة مو بالأسئلة المشكلة وشلون نستخدم البرنامج...
طلال بنرفزه: والله حاله قلنا الدكتور ومشيناها تطلع علينا هالمادة وشلون نفهمها...
خالد: هونها بس الدكتور ما يعرف يشرح...
وبدت المناقشات الحامية للوصول على حل للمشكلة الدكتور اللي ما يدرون كيف راح يطلعون بمعدل قوي جاء محسن لعندهم ومعه كوب شاهي وجلس معها..
خالد: هلا والله بمحسن وينك غايب لك مده ما نشوفك لا بالجامعة ولا برا....
محسن بابتسامة مكر: والله تعرف مليت من الجامعة والقرف اللي كل يوم قلت أغير جو وبعدين نلحق على رزقنا...
خلف: بعدي والله زين سويت يا أخي رفه على عمرك والدنيا فانية...فانية....
طلال مقهور من الاثنين: العالم محتاسين ويدعون الله أن يعدي هالسنة على خير وأنت حضرتك مسافر والثاني مؤيده...
محسن يدافع عن نفسه: يا شيخ كنت متضايق من هم الدراسة والزفت قلت أروح أتمشى وأوسع صدري عشان ارجع لكم كلي نشاط وحيوية.."ابتسم بغرور"...
رياض بتريقه: اجل شكلك نشيط وأنت وهالعقال اللي على راسك تقول استبنه شاص.. "وضحكوا باقي الشلة استأذنوا البقية عشان محاضراتهم الثانية بدت إلا طلال ورياض بما أنهم نفس الشعبة وعندهم وقت فراغ تكفى ساعة على محاضرتهم..."..
كانت بالمطبخ خلصت من تجهيز الغداء وتقريبا كل شئ صار جاهز بالطاولة وما بقى إلا يجي ناظرت الساعة وكانت على 1 ونص أخذت لها دش بسرعة ولبست بنطلون برمودا وبلوزة ماسكة مقاربة للاسبورت مشطت شعرها ونزلت خصل على وجهها وحطت شوي شدو وقلوس وتعطرت وجلست تنتظره بالصالة تتفرج على قناة mbc1 وكان فيها مسلسل كوميدي سمعت صوت الباب يفتح عالطول وقفت وراحت للجهة الباب مرسومه على وجهها ابتسامة فرح شافها بتعجب ودخل ووقف قريب منها ومقابلها...
متعب يشم الريحه: الللللللللللللله...وش مسويه...
أميرة بدلع: كل مالذا وطاب....
متعب بمكر: الحمد لله غيابك اليوم طلّع منك شئ حلو...
أميرة تتصنع العصبية: ليش ما قد طلع مني شئ حلو وبعدين ليش ما قومتني افترض أن اليوم كان عندي امتحان ...
متعب يبتسم: لا ما عليك نسيتي لما سألتك أمس وقلتي لا...
أميرة بحياء من غبائها: حتى ولو المفروض تقومني مو تتسحب من غير ما أحس...
متعب وهو يمشي عنها: ههههههههههههههههههههه هذا جزاتي أبغاك ترتاحين.."التفت يناظرها بإعجاب"..وشلونك الحين..؟؟..
أميرة متكتفة وتوقف بجنبه: تعبت شوي.."قالتها عشان تقهره لكن تمنت ما قالتها بعد ما شافت نظرة الاهتمام والخوف بعيونه"....
متعب: ليش..؟؟..وش فيك...؟؟...
أميرة تكتم ضحكتها وتتصنع الحزن: ما ادري أول ما قمت وشفت الساعة 10 ضقت وزعلت وبعدين تعبت...
متعب حط يده على جبينها: اعتقد ماله داعي الضيقة والزعل تعالي.. "مسك يدها وجلسوا"..هذا دواك تأكلينه عند الضرورة يعنى إذ حسيتي بألم سامعة.."هزت رأسها بأيه"..يله بروح أغير ملابسي وحطي لي الغداء ميت من الجوع...
أميرة واقفة: كل شئ جاهز.."راحت للمطبخ تطلع شئ من الفرن ناظر لها بحب وفرح تنهد ودخل يأخذ له دش يريحه من عناء المشاوير ولما طلع كان لابس بنطلون اسود وبلوزة بيج وكان شكله أحلى بكثير وجلس على الطاولة يأكلون.."..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك