رواية حياتي عذاب -13
متعب حط يده على جبينها: اعتقد ماله داعي الضيقة والزعل تعالي.. "مسك يدها وجلسوا"..هذا دواك تأكلينه عند الضرورة يعنى إذ حسيتي بألم سامعة.."هزت رأسها بأيه"..يله بروح أغير ملابسي وحطي لي الغداء ميت من الجوع...
أميرة واقفة: كل شئ جاهز.."راحت للمطبخ تطلع شئ من الفرن ناظر لها بحب وفرح تنهد ودخل يأخذ له دش يريحه من عناء المشاوير ولما طلع كان لابس بنطلون اسود وبلوزة بيج وكان شكله أحلى بكثير وجلس على الطاولة يأكلون.."..
أميرة: أقول متعب.."رفع عيونه عليها وهو يأكل"...ما قلت لي اللي معي صح قالون..؟؟
متعب باهتمام: وأنتي وش عرفك..؟؟..
أميرة باستهبال مصطنع: تصدق أني قلت كذا صدفة.."ترك الملعقة وناظر لها بجدية"....
متعب: خلي عنك الهبال الحين وجاوبي...؟؟
أميرة تحاول تبتسم بعد ما شافت رده فعله: كنت عارفة من زمن انه معي بس ما كان يتعبني.."كمل أكله بلا مبالاة بكلامها"...طيب متى استخدم الدواء...
متعب ببرود: اعتقد أني قلتلك عند الضرورة الحين فهمتي.."هزت رأسها بأيه وش فيه هذا تو وش زينه سبحان مغير الأحوال..بعد الغداء أخذت المواعين تغسلهم وفكرها مشغول بمزاجه اللي تغير فجاءه وما حست إلا يد قويه تلفها عليه"..
متعب مبتسم: قاعد أكلمك ما سمعتيني.."حاولت ترد نفس ابتسامته ونزلت عيونها لأنه كشفها وهي سرحانة ومد لها علبة وعلامة الاستفهام يملئ وجهها"...
متعب: هذه هدية بسيطة مني افتحيها وعطيني رأيك.."فتحتها كان خاتم بحرف متعب وكان شكله خياااال"..
أميرة: مشكور...
متعب وكانه مو عاجبه طريقتها: بس مشكور...
أميرة بغرابة وعبوس: اجل وشلون تبغاني أشكرك...
متعب بمكر: فيه مليون طريقة تشكرين فيه.."لاحظ الاحمرار اللي غطى وجهها"...
أميرة تبتسم: اليوم أعشيك على حسابي.."تفاجئت من ضحكته اللي صار لها صدى بكل مكان"...
متعب: لا حبيبتي وش قالولك ما قد تعشيت برا.."بنظرة لها معنى".. فيه طرق أفضل من عزومتك...
أميرة بخجل: وش نوع الطرق اللي تحب أشكرك فيها...
متعب من غير سابق إنذار باسها فجاءه مما خلها تطير عيونها على طريقته وكان احد كب عليها مويه بارد: هذه طريقة..."ولما تقرب منها بعدت وابتسم على خوفها"...
أميرة بخوف ترجع وراء تصدم بالفرن: خلاص..خلاص..عرفت.."ونزلت عيونها بخجل"
متعب قاصد يحرجها: يله...انتظر احد الطرق بسرعة ما عندي وقت...
طلال يشم هواء ويتمغط وكانه توه صاحي من النوم: يالله يا زين الهدوء بذا الوقت ما في احد إلا والعاملين وكم واحد.."يلتفت على الموجودين بالكافتريا ولما رجع ناظره لرياض شافه الأخ رايح بعالم ثاني وضرب له أصبع قريب من عند أذنه وانتبه للصوت"..
رياض بغرابة: وش رأيك نجيب شئ نأكله..؟..
طلال بخبث: وش رأيك تقولي اللي مشغل بالك..؟؟
رياض يتنهد: باللي قلته لك..؟؟
طلال يتقرب له باهتمام: وش قلت ما اذكر قلت لي شئ مهم أو خطير..؟؟
رياض: يوووه ما أسرع ما تنسى.."بنظرة مكر"..اللي ما خذ عقلك ؟؟
طلال يحط رجل على رجل وبغرور مصطنع: إيه...الخيل الله يهديه...
رياض: هااااااه..إن شاء الله قدرت له...
طلال يناظر بمكر لقدام: لا..باقي عليه وقت ما علينا لا تضيع موضوعك..
رياض: نسيت لما قلتلك عن الموقف.."وما حس إلا طلال يجره ويقرب عنده"...
طلال بقهر: توك تقول يا باش مهندس رياض قول ويا ويلك إذ مطيت بالكلام مثل ذاك اليوم...
رياض: هههههههههههههههه طيب فك بالأول.."فكه وعدل ثوبه وقاله على كل شئ صار معه"...
طلال بتعجب: والله البنت باين عليها قوية مو مثل أخواتنا إذ شافوا احد ما نشوفهم إلا يتقامزن تقل خبول...
رياض: هههههههههههههههههه تكلم على أخواتك الحمد لله أخواتي عقل وثقل.."ما تدري عن الخبلة أم لسان طويل اللي يبغاله قطع مو تعديل.."
طلال: طيب...صدقت انك هندي عاد أنت يا رياض هندي مقعد بشكلك وشعرك اللي يشوف نعومته وكأنك صاب زيت بس ناقصك تلبس مثلهم وتشتغل شغلتهم...
رياض بقهر: مالت عليك..لا تبالغ أنت وخشمك اللي شوي وينكسر علينا "ميزة طلال خشمة طويل لكن مو نفس ما قال رياض"...
طلال بتكبر يمس بخشمه: دله سيف وتتمني مثله...
رياض بتكبر: والله خشمي عاجبني......
طلال بمكر: طيب يا ولد خالتي...حلوة...؟؟...
رياض باستنكار: مين اللي حلوة...؟؟؟
طلال بهبل: يعنى مين تكون اللي شفتها... هاجر...
رياض بقهر: وش عليك إذ حلوة أو لا عيب تسال عنها ولا تنسى أنها من محارمك...
طلال: هههههههههههه طيب..طيب..لا يطقك عرق والله ما هقيتك بيوم من الأيام تعجب و...تحب
رياض بإحراج وحاول ما يظهره: ومن قالك أنها عاجبتني...وحبيتها...
طلال يتكئ على الطاولة وتقرب منه: من كلامك وعيونك ترى يا رياض الحب مو عيب ولك الحق تحب مثل بقية البشر بس هااااه..يكون شريف وعليه شهود.."يعدل ياقته"..مثلي
رياض بابتسامة جانبية: وشلون مثلك...؟؟؟
طلال: يعنى أكون شاهد بيوم عرسك على بنت خالي...
رياض بخجل ونفس الشئ بقهر: تدري الكلام معك ضايع.. قوم.. قوم.. اطلب لنا غداء ميت جوع
طلال وقف: تأمر أمر يا عريسنا كم أبو إبراهيم عندي بس هو يتشرط ويتدلل بعد.."قام وهو يضحك على ردة فعل ولد خالته اللي اندهش من كلامه"..
مرت الأيام عليهم بسرعة وجاء وهم الامتحانات اللي أشغلت الكثير والأحداث بتزايد يا تجدد أو تبقى على حالها أما تتحسن أو تدهور لكن يحتاج للصبر والتحمل لمى متضايقة من تطنيش طلال لها أكثر من مرة يتصل على بيتهم وترد ولا يعير لها أي بال وكذا مرة تقابلوا عند الخيمة صدفة لكنه يمر من عندها ويتركها بحيرتها إلا لما قررت مع نفسها تعتذر منه باي طريقة كانت حتى لو على حساب نفسها أما رياض وهاجر اللي ما لقت له بال نهائيا وهو ذايب بغرامها من أول مرة أعجب فيها وفي قوة شخصيتها وتمنى يشوفها مرة ثانية...بس وشلون..؟؟...
طالعة بالحوش تطلع قمامة وعليها جلالها لان ولد خالتها موجود وخافت يطلع عليها وتوها حاطتها لفت بترجع شافته طالع من الخيمة وقف لحظة ثم نزل عيونه ومشى ولما مر من جنبها فتح الباب..
لمى بحياء: طلال...؟؟..."وقف وناظر لها من طرف عين"...
طلال يتصنع الزعل: نعم...
لمى بخجل وهي متغطية: ما ادري وش أقولك بصراحة غير.."ناظرت له ولازال منزل عيونه".. آسفة.."أما هو فكان مبسوط وأخيرا الخيل تروض خخخخخخخخخخخ"..
طلال بثقل وزعل: مو أنا أمي ما عرفت تربيني خلاص أنا مو متربي ورجاء لا تكلمين واحد مو متربي عشان ما يضع مستقبلك..
لمى بارتباك: لا..محشوم بس ذاك اليوم كنت...كنت متضايقة وحطيت زعلي عليك..
طلال بتكبر مصطنع: والحين...وش المطلوب مني....؟؟...
لمى بقهر: ما أبغى....تحط بخاطرك علي....
طلال بنظره بمكر: ويهمك إذ حطيت بخاطري..؟؟
لمى بخجل: أنت ولد خالتي واعدك مثل رياض بالضبط.."وانتفضت لما صرخ بسم الله وش فيه"..
طلال بصوت شوي عالي وبنظرة عصبية: لااااا رياض لااااااا قولي مثل زوج نجود.. "استحت من كلامه وفهمت مقصده وحمدت ربها أنها متغطية وإلا علوم وبصوت شوي واطئ".. أقول...لمى....
لمى بصوت مليان حياء: هـ.....هــــلا....
طلال بحنان: سمعت انك رسامه...صح...
لمى: صح...
طلال يناظر للوراء خاف احد يشوفه ويطلع بوكه وأعطها صورته: إذ تبغيني أرضى عليك وأنسى اللي صار ارسميني.."ومد لها الصورة"....
لمى بحياء: إن شاء الله.."مشت شوي والتفت عليها"..مع السلامة..."قبل ما تمشي وقفها صوته"....
طلال: ما ودك تشيلين الجلال اللي كاتمه نفسك فيه وأشوف وجهك الحسن...
لمى بعصبية: تدري ما تنعطي وجه.."راحت عنه وهي بقمة العصبية وضحك على رده فعلها وطلع كان فرحان لأنه كلمها وحس انه مهم بالنسبة لها مثله بالضبط"....
سلمان بتعجب: والله هالبنت ما تستحي...
متعب بحيرة: احترت المفروض تفهم وأخاف زوجتي تطيح بجوالي يوم وتشوف رسايلها...
سلمان: وأنت وش ناوي تسوي..؟؟..
متعب بتفكير: وش أسوي..أكيد لازم توقف عند حدها خلاص أنا مبسوط بحياتي مع زوجتي والحمد لله عايش أحلى عيشة مو ناقصني إلا هالادمية تبعد عني...
سلمان يبتسم له: سبحان الله تذكر يا متعب قبل شهرين وش كان كلامك..
متعب: يا ابن الحلال ذاك أول والحين عيال اليوم...
سلمان: الله يسعدك معها وبعدين ما كان دحومي تأخر...
متعب بتعجب: أي دحومي..؟؟..
سلمان: هههههههههههههههههههههههههه ولدك عبد الرحمن...
متعب يضحك ويسمع نغمة رسالة منها: والحين وشلون أتصرف معها..؟؟..
سلمان: كلمها وقلها اللي بخاطرك وخلها تبعد عنك نهائيا...
متعب: مالي خلق اسمعها وش رأيك أنت تكلمها...
سلمان: أخاف تشوف رقم غريب ولا ترد علي...؟؟..
متعب: لا تخاف بترد عليك..
سلمان اخذ جواله عشان يسجل الرقم: طيب أنت ليش ما تغير رقمك بكذا بترتاح منها؟؟
متعب يتنهد: تظن أني ما فكرت بذا الشئ بس خلني بالأول اقدر أشيل من رأسها فكرة ارجعلها مرة ثانية..
مساعد بنرفزه: يعنى الحين تفهموني أن عماتي ما عندهم أي خبر هههههههههههههههه يمه... جدتي.. على مين تضحكون...
أم عبد الرحمن بعصبية: هااااه يا قليل التربية تكذبنا يا ولد عبد الرحمن اخخخخ خسارة تكون ولد ولدي...
مساعد يتمالك نفسه: محشومين طيب انتم ليش مهتمين في الموضوع ؟؟.. ليش جوا لكم وطلبوكم مو المفروض يجون عندي ويقولون اللي بخاطرهم اعتقد ما يحتاج الواسطات..
أم عبد الرحمن: يا وليدي عماتك ما يدرون باي شئ وهالكلام من ورآهم ...
منيرة: طيب يمه مساعد وش الفرق إذ هم أو حنا قلنا لك...
مساعد: لا يمه فيه فرق..وفرق كبير بعد ومن احد يدري عن نواياهم..
أم عبد الرحمن: الحمد لله نوايهم حسنة يمه مساعد..هذه الشيطان يحرضك على عماتك...
مساعد واقف: وليش ما تقولين محرضهم علينا...
منيرة بقهر: مساااااااااااعد...ليش تقلب كل شئ ضد عماتك خل نواياك صافية ترى الدنيا ما تسوى وكل هذا اللي مالكة بقدر قادر يختفي لا تتباهى باللي معك وحط ببالك إذا لهم حق بياخذونه.."مارد عليهم وحب على رؤوسهم وطلع منهم وكان مفول للأخر يستغرب إذ مسك أعصابه عندهم غصب لازم يمسكها مهما كان هذه أمي وجدتي ولا اقدر أقول شئ يسئ لعماتي.."
كانت جالسة بالصالة لوحدها تشرب شاهي تفكر بكلام أمها وأختها عن حلالهم الله يهديك يا يمه كان ما كلمتي مساعد عن شئ مليون مرة أحرصها ما نبغى شئ دام مو من طيب خاطر وعزيزة ما ادري وش فيها صارت مع أمي كل هذا عشان تؤمن على عيالها وأنا بعد ودي ائمن على ولدي طلال الوحيد مالي غيره بالدنيا بس الشكوى لله مو عارفة وش أسوي عشان أراضي الناس دخلت عليها وشافت أمها سرحانة وبعالم مو عالمها.."...
خوله باستنكار: يمه..."التفت عليها"...عسى ما شر...؟؟
حصة تبتسم: ما شر يمه تعالي أبغاك بموضوع...؟؟
خوله تجلس بغرابة: خير إن شاء الله ...؟؟...
حصة بتردد: إن شاء الله خير تعرفين أم علي...
خوله: إيه...وش فيها...؟؟...
حصة: ما فيها شئ...بس.."ناظرت لها بحذر"...تقول تبغاك لولدها علي...
خوله ببرود: يمه سبق وفتحنا الموضوع أكثر من مرة وأنتي تعرفين رأيي فيه وبعدين ما تدرين أن ولدها مطلق وعنده 3 عيال...
حصة: وش فيها..؟؟..
خوله بقهر: ورغد وين تروح..؟؟..
حصة: رغد..!!..مكانها بالحفظ والصون إذ مو عندنا عند عمامها وإلا نسيتي أنهم موجودين.." ما ردت عليها"..وش رأيك..؟؟..
خوله: يمه تظنين إذ وافقت عمام رغد يخلونها معي أكيد يأخذونها وأنا بصراحة ما اقدر اترك بنتي وهي كذا..
حصة بنظرة عصبية: وش فيها رغد إذ راحت هناك أزين لها عند أهل أبوها وأنتي بعد منتي صغيرة بتدخلين الثلاثين وأنتي ما شفتي عيالك ولا حتى تهنيتي بحياتك...
خوله بضيق: يمه الله يخليك إذ تشوفون أن رغد مضايقتكم لا تشيلون همها دامني موجودة وبعدين عمري لا أنا ولا هي ضايقناكم بالمصروف ولا قد مرة طلبنا شئ منكم..و...
حصة قاطعتها بعصبية: خــــوله...وش الكلام اللي تقولينه لا تنسين أنكم بناتي وأدور على مصلحتكم وخاصة أنتي ورغد بإذن الله مو ضايعه..
خوله: لا يمه إذ تركت بنتي بتضيع يمه رغد كل مالها تكبر وتتفتح عيونها وتواجهه أشياء بحياتها ودوري معها لازم أوقف بجنبها عشان تتخطى اللي تمر فيه...
حصة بنرفزه: يعنى وشلون ما تبغيني افرح فيك..؟؟..
خوله: يمه كافي تزويجك لأميرة غصب عنا كلنا الله يخليك موضوعي اغسلي يدك منه لان عندي بنتي وما عندي استعداد أبيعها عشان واحد ما ادري كيف يعيشني.."قامت وراحت لغرفتها تركت أمها بحسرتها على نصيبها ما راح أقول أم علي شئ بعطيها كم فرصة لين ما تهدى وارجع اكلمها"...
على الساعة 12 بالليل أصبح كل شئ جاهز ناظرت للمكان اللي كان جدا شاعري ورومانسي بالشموع اللي مضيئة بكل مكان وريحه الفواحة المنتشرة بكل أرجاء الغرف والأكل جاهز على الطاولة والموسيقى الهادية اللي ترقص بكل ركن من الأركان.. جلست تنتظره واسترجعت أيامهم استأذنت من متعب تروح مع السواق لمشوار وأوهمته انه رايحه للمكتبة تجيب كتاب وبتمر شماء طبعا هالشئ ما صار راحت معه للسوق واشترت كل شئ على ذوقها مع هدية بسيطة للذكرى وبالنهاية راحت لمحل الحلويات وطلبت منهم قالب كيك وحطة صورتهم أيام الزواج وكتبت عليها..
لو وصفت الشوق فيني..
ما أظن انه يكفيك...
ولو أقول أني احبك...
بتكون كلمة
احـــــــــــــبـــــــــــــــــــك ....والله شوية عليك..
واتفقت معه من بكرة يجي السواق ويأخذها بعد ما حرصته يغلفها بإحكام وقبل موعد جيته بساعتين خلصت كل شئ فرشت الممر بورود حمراء وشموع وعلى الطاولات أيضا شموع سمعت فتحه الباب وعالطول طلعت من غرفتها تستقبله وأول ما دخل استغرب من الظلام.."معقول الكهرب مفصول..؟؟ وشلون وتحت مفتوح وش هالريحة الحلوة والشموع اللي بكل مكان وناظر الأرض وشاف الورود منتثر بشكل ممر وفيها الشموع اللي منوره هالممر.."...
أميرة بابتسامة جذابة: حمد لله على السلامة.."ناظرت ساعتها وبعصبية مصطنعة"..مو كأنك تأخرت كان نمت برا مو أحسن.." ناظر لها بدهشة مخلوطة بإعجاب على منظرها الجذاب كانت فاتحه شعرها كله ومن قدام رافعتها على شكل قبة معطيها شكل جناااااان وخصال متفرق طايحه على وجهها لابسه فستان عاري قصير يوصل لحد الركبة له شال كانت ألوانه خياليه مثل ألوان الطيف...
متعب بنظرة أعجاب: سوري يا عمري أخذتنا السوالف وما حسيت بالوقت.."وقف مقابلها وبنظره لها مليون معنى ومعنى"...وش السالفة..؟
أميرة باستنكار: أي سالفة..؟؟...
متعب يناظر حوله: كل هذا وش قصته..؟؟..
أميرة تبتسم بخجل: ما له قصة كل ما في الموضوع كان نفسي ومنى عيني أسوي لك حفلة قدنا والحمد لله تحقق الحلم...
متعب بفرح: وش المناسبة...؟؟..
أميرة وكأنها تفكر: اممممممم من دون مناسبة حابه احتفل فيها شئ؟؟
متعب بتعجب: لا ما فيها أي شئ تصدقين عاد أحب الأجواء اللي كذا...
أميرة: إذ بغيت أسويها لك كل يوم أو بالكثير كل يومين ههههههههههههههههههههههه...
متعب: لا عاد أنا مو طماع لدرجة قولي كل 3 إلى 5 شهور عشان نجدد أيامنا مع بعض...
أميرة تمسك يده: ولا يهمك تعال مو جوعان.."وراحوا للطاولة وكان يناظر للأكل بإعجاب السلطة بنوعيها والعصير وصينية المعكرونة والمقبلات( كفتة لحم / أصابع السبرنغ رول/ كبه)..
متعب بعدم تصديق: أسالك بالله أنتي مسويتها أو من برا..؟؟..
أميرة بهبال: وش تتمنى مسويتهم أو لا..؟؟..
متعب: بصراحة أتمنى أنتي مسويتهم...
أميرة تمد له كبه: اجل خلاص ذوق من تصليحي وعطني رأيك..؟؟.."بدء يأكل وهو يتلذذ بطعمه"...
متعب: ممممممم بصراحة شئ متى لحقتي على كل هذا..؟؟..
أميرة: كل اليوم وأنا أسوي فيه ولما جاء الموعد بديت أطبخهم.."ويقطع عليهم الجو جواله يرن طلعه وشافت صاحب الرقم قام من مكانه ودخل الغرفة"...
سلمان: اطمنك كل شئ تمام...
متعب بفرح: وشلون قولي الأخبار بالتفصيل...
سلمان: بالبداية ما شالت وبعدين أرسلت لها رسالة قلت فيها ليش ما تردين أنا متعب..
متعب بحماس: هااااااااااه وبعدين...
سلمان: هههههههههههههههههه وش فيك مطيور لا تتعجل على رزقك...
متعب بقهر: سلمان وبعدين معك بتتكلم أو وشلون..؟؟..
سلمان: بتكلم بس مو كل شوي تقاطعني...
متعب: اووووووووووف اللهم طولك يا روح كمل تراك ذليتنا...
سلمان: ما عاش من يذلك المهم وردت وحسيت من طريقتها مبسوطة لكن انصدمت بصوتي بالبداية قلت لها...
"""" سلمان: أختي...أنتي معي...؟؟..
هند بارتباك وكانت منقهره: هـ....هـلا اخوي ممكن اعرف وش الرسالة..؟؟...
سلمان: حقك تعرفينها ترى متعب قبل ما يكون صديقي تراه اخوي ووصاني أقولك أن تبعدين عنه لأنه مرتاح بحياته مع زوجته وسعيد معها وأنتي كذا تتعبين نفسك بنفسك والقدر كتب لك بالبداية تجتمعون لكن بالأخير المكتوب ما منه هروب افترقتوا وخاصة أن أنتي لك فرص قدامك لا تضيعينها وتنتظرين واحد متزوج ومبسوط مع زوجته وأنتي بالنسبة له انتهيتي للأبد من حياته...
هند بصوت مرتجف: طيب...ليش ما كلمني وقال هالكلام بنفسه...؟؟...
سلمان: اعتقد قلت لك أنا مرسول ولو يبغاك كان رد عليك من الأول أو اقلها يكلمك ويقول اللي بخاطره لك بس مع الأسف النفس عافت مثل ما يقولون وأسف مرة ثانية تعديت حدودي معك لكن هذه رغبته وحبيت أحققها له...""""
متعب بحماس: وبعدين وش قالت.." على أخر جملة قلها كانت واقفة عند الباب انصدمت من اللي سمعته لكنه ما شافها لأنه كان واقف بالبلكونه وش قالت..؟؟...مين هذه..؟؟..."..
سلمان: ما قالت شئ وشكرتني وقالت أنها تسلم عليك....بس...
متعب: تصدق يا سلمان عمري ما راح أنسى هالمعروف تدري أنت أنقذتني منها ما تدري يمكن إذ ما وقفتها عند حدها كان وش يصير بحياتي مع زوجتي...
سلمان: وش دعوة يا متعب ترى ما أنت صديقي أنت اخوي وهذه مو مشكلتك لوحدك...
متعب يلف يبغى يدخل لكنه أنصدم وشافها واقفة والعبوس يكسوا وجهها: طيب سلمان أخليك أنا الحين ومشكور وما قصرت مرة ثانية...
سلمان: ما سويت إلا الواجب...مع السلامة...
متعب يناظر لها بخوف: مع السلامة..."قفل ومشى يوقف مقابلها وعلامات البرود طاغي كل ملامحها يا الله ليكون سمعت شئ من اللي قلته بس ما قلت شئ عشان تناظر لي هالنظرة ساد صمت طويل بينهم واللي كانت تتكلم عيونهم من هي يا متعب اللي تكلمت عنها وليش مهتم باللي قالته مين اللي وقفتها عند حدها عشان ما اعرف أنا..مين..؟؟ ما كان يعرف وش يقول لها أو وشلون يبدأ بالكلام معها يالله يا أميرة غيري هالنظرة اللي بتذبحني أكيد سامعه شئ وإلا ليش تناظر لي كذا تقدم منها أكثر وسكر عيونها بيديه..".....
متعب يهمس بإذنها: شكل الأكل برد وش رأيك نروح نكمل ليلتنا الشاعرية.."حاولت تبتسم وهي مسكرة عيونها وراحوا للبوفيه وجلست هالمرة قريب منه وكان يؤكلها ويتبادلون الابتسامة ويسولفون بأشياء بسيطة لكن للحين مخها شغال باللي سمعته.."..
دخل عليه بسرعة بمكتبة وكان بقمة العصبية...
متعب بخوف: وش فيك...؟؟..
مساعد بعصبية: وش فيني بعد ما قلت لك يا متعب يرسمون الخطة ويطبقونها بحذافيرها للين ما توصلوا ما يبغون..
متعب يجلس: طيب أهدى الحين عشان افهم منك الموضوع...
مساعد يضرب بيده على الطاولة بعصبية: وين أهدى..هااااه..وين إذ عماتك بدءوا بخطتهم ما تقولي من وين أهدى...
متعب بغرابة: عماتي...طيب الله يخليك يا مساعد أهدى شوي.."مساعد يجلس بعصبية بكرسيه"...
مساعد يناظر له بعصبية: عمتك حصة وعزيزة جايين عند جدتي عشان تكون الواسطة ما بيننا ونعطيهم الحلال...
متعب بصدمة: وش تقول معقولة...
مساعد: معقول ونص شفت يا متعب صدق كلامي..عمتي ما خططت وسعت إلا لما زوجتك بنتها عشان تقدر تلوي ذراعنا..
متعب بحيرة: وأنت وشلون عرفت..؟؟..
مساعد بابتسامة جانبية: من جدتك الواسطة الكبير...
متعب بضيق: طيب فهمني...
مساعد: جدتك تقول لازم أعطيهم حلالهم ولو جزء بسيط وإلا يشتكون بالمحاكم...
متعب بنرفزه: الظاهر أنهم انهبلوا من وين لنا حلالهم إذ ابوي الله يرحمه دمج كل شئ بحياته...
مساعد: ولا تنسى فهمنا قبل لا يموت أن كل شئ لنا وعماتي متنازلات بكل شئ...
متعب بتفكير: إذ على قولتك متنازلات ليش برأيك يطالبون الحين..؟؟..
مساعد بابتسامة جانبية: شافونا ما نعرف أي شئ وظانين أننا بنحن عليهم ونستحي على دمنا قالوا ليش ما نطالب بنصيبنا...
متعب بقهر: وش ناوي تسوي...؟؟..
مساعد: ولا شئ ما راح أعطيهم مجال يفرون بعقل جدتي ودام أبوي اخذ منهم برضاهم مو شرط نرجعها برضاهم إذ لهم حق بياخذونه..
"..فكر متعب بكلام أخوه صح عمتي الحين بدت تلعب لعبتها أولا تقربت بشويش وثانيا زواجي من بنتها وثالثا كلموا جدتي بالموضوع والله يستر من بعدين طلع من مكتب أخوه وكان متضايق دقت أميرة عشانه تبلغه يجيها لكن انصدمت من طريقة كلامه معها ومبين عليه معصب وقفل الخط بوجهها ناظرت لشاشة الجوال مصدومة ومستغربة هذا وش فيه يعنى لازم يمر أسبوع فيه هواش يا رب صبرني على ما بليتني وما حست إلا منال بجنبها"..
منال تبتسم: ايوه يا عم من قدك الحين ما فيه محاضرة أخيرة وبتطلعين بدري مو مثلي أبلطع للين أبو العيال ما يشرف على 1 ونص...
أميرة تحاول تبتسم: شكلي بعد أنا مثلك بلّطع معك..
منال بتعجب: يوووه ليكون شيخ الشباب مو فاضي لك.."هزت رأسها بأيه"..تبغيني أوصلك عادي..
أميرة: لا يا عمري أنا اتصلت وشكله عنده اجتماع يمكن بعد شوي يتصل..
منال بخبث: وشلونه معك...؟؟...
أميرة تتنهد: الحمد لله ...
منال بحذر: يعنى ما تحبينه...؟؟...
أميرة تبتسم بخجل: اكذب عليك إذ قلت لا متعب الحين كل شئ بحياتي وكل يوم اكتشف فيه أشياء تحببني فيه صحيح مرات يعصب على أتفه شئ بس تعودت على عصبية وحبيتها تدرين مرات أنا اقصد اعصبه...
منال: هههههههههههههههههه منتي صاحية الناس تدور على الراحة وأنتي تعصبينه طيب وهو؟؟..
أميرة بحيرة: مرات أحسه انه يحبني وما يقدر على بعدي ومرات لا كأني زوجة عليها حقوق...
منال تغير الموضوع: وبلقيس جابت بنت صح.."هزت رأسها بأيه" وش سمتها..؟؟
أميرة بفرح لأنها تحب الأطفال: عهد تجنننننننن بسم الله عليها...
منال: الله يخليها لها عاد أنا عندي ريوف مطلعة الشيب من راسي وحدة وشوفي وش تسوي بي وإذ جاء أبوها تحتمي عنده...
أميرة: هذولاء البزارين غصب تطلع منهم حركات.."واندمجوا بالسوالف ودقت مرة ثانية على متعب وما رد عليها يارب وش قصته بعد اليوم إلا ولمى جايه عندهم كانت مفوله للأخر وجلست بعصبية"
أميرة بغرابة تناظر لمنال: بسم الله وش فيك...؟؟
لمى بقمة عصبيتها وترمي الملف: من الأخت فوز الحبيبة محاضراتها متأخرة والسواق ملّطع عندها مو راضية ترسله لي.."انقهرت أكثر لما شافتهم يضحكون"..إيه وش عليكم كل وحدة عندها زوج وتحت أمرها بس ما عليها إلا تضغط على رقمه ويجيها ركض مو مثلي...
منال: طيب تزوجي وافتكي من عوار الرأس..؟؟
لمى: لا بسم الله علي لسه أنا صغيرة وراي درب...
أميرة: هههههههههههههه طيب يا أم الدرب روحي معي....
لمى تشهق وطيرت عيونها: لا..فشلة أروح معكم وش يقول ولد خالي ما عندها سواق...
أميرة: طيب وين رياض..؟؟
لمى بعصبية لما جابت سيرته: الله يقلعه هالحمار اتصلت عليه وما دريت إلا مقفل بوجهي وارجع اتصل ويقفل قسم بالله لو قدامي كان ارتكبت فيه جريمة...
أميرة: هههههههههههههههههه خلاص ترى ما يسوى عليك افرحي حتى أنا شيخ الشباب كشت فيني ولا عطاني وجهه يعنى بجلس معك وبغني.."وبلحن كأنها تغني".. يالللللليل ما أطولك.. "وضحكوا"
لمى بغرابة: اجل مين بيجي يأخذك...؟؟..
أميرة: ما في غير طلال هو المنقذ الوحيد.."حست ضربات قلبها تتسارع لما أنذكر اسمه وحست بحرارة بداخلها تصعد لوجهها"...
منال وقفت بعد ما شافت جوالها: يله عن أذنكم أبو العيال جاء..
أميرة: عاد اللي يسمعك يقولك عندك درزن عيال كلها ريوف الله يخليها لك...
منال تغمز لها: إيه بكرة تجربين الأطفال وبتقولين ما قلت.."سرحت بكلامها لو احمل طفل من متعب كان صرت اسعد مخلوقة بالدنيا ردت لها ابتسامة وجلست تدق على طلال"...
وبالسيارة جالس ينتظرهم وهو يحوس بمسجل إلا وتفتح الباب...
أميرة: سلالالالالالالالالالالام تأخرت شوي...
طلال بتعجب: وعليكم السلام طراره وتتشرط أقول قفلي الباب دام النفس عليك طيبة...
أميرة: طيب لا تعصب أول شئ معي لمى أبغاك توصلها لبيتهم.." فرح لما عرف أنها معهم يا بعد عمري والله لها وحشة لي كم أسبوع ما شفتها ولا سمعت عنها وفتحت الباب اللي وراء أميرة تدخل بحياء وتسلم أما هو فكان مبسوط واخذ شريط خالد عبد الرحمن وشغل على أغنية طمني عليك وأول ما سمعتها ابتسمت وعرفت مقصده.."..
طلال بفرح: حي الله ببنت خالتي عزيزة وشلون خالتي والوالد..؟؟..
لمى بخجل: الحمد لله كلهم بخير...؟؟..
طلال حب يقهرها: ونجود وفوز وش أخبارهم.." عمى وأنا ما تسال عني مو ماليه عينك"
لمى من دون نفس: بخير.." يا قلبي شكلها زعلت الله يعيني على زعلها حشى كبريت هذي.."...
أميرة: طلال ليش ما تجي يوم تتغداء عندي..؟؟..
طلال: لا فشلة وين أجي تعالي أنتي عند شماء..
أميرة بغرابة: انتم وش قصتكم كل ما أقول شئ تقولن...فشلة...
طلال بغرابة يناظر لها: ليش احد قايل غيري...؟؟..
أميرة تأشر على وراء: المحسنة اللي وراي قلت لها روحي معي قالت.." بتريقه"...فشلة...
طلال بفرح: بعدي بنت خالتي هذا السنع مو مثلك وجهك مغسول بمرق وتمشين وتعزمين أثقلي شوي
أميرة بنرفزة: وجع وش شايفني هبله...
طلال يغيظها ويحرج لمى: إيه هبله ونص وإلا وش رأيك يا لمى..؟؟..
لمى بخجل: لا...ترى ما أرضى على بنت خالتي..
أميرة بابتسامة نصر: يا بعد عمري والله هذولاء الصديقات وإلا بلا مو مثلك...
طلال: خخخخخخخخخخخخخخخخخ تدرين ليش قالت كذا لأنها هبله مثلك.."فولت على الأخر أنا هبله طيب يا طلللووووله بعد ما وصلوها عالطول وصل أميرة اللي أول ما دخلت حصلت الكل كان يتغداء حتى هو معهم ناظرت فيه بغرابة وبضيق..ليش..ليش سوا معي كذا ليش ما تكرم وجابني من الكلية ليش حتى ما رد على مكالماتي أو أرسل حتى رسالة شاف الضيق بداخلها وحاولت تنسى اللي صار وبعدين تفهم منه وش الموضوع بالضبط بعد ما أخذت دش ونزلت تحت كان قايم وجالس بالصالة مع جدته وما بقى على الطاولة إلا أمه..وش فيه..؟؟..تقل ماله خلق يشوفني ليكون زعلان الظاهر الحبيب مشتاق لزعل والله يصطفل بكيفه تعبت وأنا أحاول افهمه بعد ما خلصت طلعت فوق تنام"..
على 9 توها جايه من السوق يله تأخرت مرة أول مرة تحصل معي كله منك يا بشاير نزلت من السيارة وشافت واحد طالع من بيتهم وواقف عند سيارة ماكسيما ابتسمت بخبث لأنها عرفت صاحب الوجه الحسن مشت من عنده بلا مباله طلعت بالدرجات بكل ثقة والتفت بغرور عليه.."...
هاجر بغرور: أنت هييييييييييييييه وش تسوي هنا...؟؟..
رياض بابتسامة جانبية: أنا فيه استني مدام ازيزة...
هاجر: اهاااااااااااااا طيب...يله اطلع هناك انتظرها.."وتأشر بيدها لبرا"..
رياض: مدام ازيزة قول استنا هنا..؟؟.."نزلت بغرور وعلى وجهها ابتسامة مكر لمحها رياض لأنها مغطي وجهها بطرحة خفيفة وعبايتها ماسكة على جسمها الملفت للنظر"..
هاجر وتأشر بيدها بكل غرور له: رجال طويل عريض مثلك.."تناظره باحتقار"..ما يليق عليه دور الأهبل...
رياض بابتسامته الجذابة: بنت بطولها وعرضها ما يليق عليها هاللبس اللي لابسته.."ناظرت بنفسها وكأنها تشوف ملابسها.. "..
هاجر ناظرت له بتكبر: أنا حرية بنفسي ولا اسمح لأي واحد يتدخل فيني...واضح...
رياض بتحدي: لا مو واضح..أشوف الغلط قدام عيوني واسكت ولا الغلط جاي من اعز ناس لي اللي هم بيت خالي...
هاجر تضحك بتكبر: ههههههههههههههههههههه تصدق ضحكتني وما ودي اضحك أقول وش رأيك ما تنتظر برا أحسن ترى المكان ما يلوقك لك.."وبنظرة اشمئزاز"..وأنت تنتظر هنا....
رياض: ابشري يا بنت خالي اللي تبغينه بس بالأول هالكلام اسمعه من مساعد ومن متعب مو من وحدة ما تعرف السنع...
هاجر بقهر: صدق انك قليل أدب ببيتنا وتغلط....
رياض: بالعكس أنا للحين محترمك وما عاش من يغلط عليك وعلى فكرة لا تظنين أن غرورك وتكبرك على الناس انه بيكون لك مكانة بقلوبهم بالعكس الكل بكرة راح ينفر منك ولا احد يحبك وأولهم أخوانك..
هاجر بغرابه: أخواني... ؟؟...
رياض: إيه أخوانك لا تظنين أن كل شئ راح يظل مثل ما هو كل شئ بيتغير مع تغير الزمن.. القصر اللي أنتي عايشه فيه يمكن بغمضة عين يصير كهف فوقي يا بنت خالي وبعدين لا تنسين من تواضع لله رفعة وخليك دايم متواضعة عشان الكل يحبك.."ابتسم لها"..ممكن اطلب منك شئ يا بنت خالي..؟؟
هاجر بضيق: نعم...وش تبغى....؟؟...
رياض: هههههههههههههههههه الناس إذ طلبت شئ يقول أمر تدلل مو وش تبغى..؟؟
هاجر تتكتف: والله أنا حرة أقول مثل ما أبغى..؟؟ ولا تظن بالمحاضرة الطويلة اللي قلتها أني خلاص اقتنعت بكلامك ترى ما حرك شعره من شعر راسي..
رياض بقهر: رجعنا للمنوال شكل الكلام مو عاجبك..؟؟..
هاجر تتنهد: بتطلب أو وشلون..؟؟..
رياض: لا أبطلب ممكن يا بنت خالي ما تلبسين هاللبس ولا تتغطي بهالغطوة...
هاجر بنرفزة: اسمع...دام أمي وأخواني راضين باللبس أنت لا تتدخل فيني..
رياض يقهرها: الله يهديك بس أنا رياض ولد عمتك عزيزة تشوفين هذا ما يكفى أن أتدخل فيك..؟؟..
هاجر تتمالك نفسها وباشمئزاز: عرفنا انك رياض وولد عمتي بس بصفتك ايش تتدخل..؟؟..
رياض بنظرة حنان: تبغين الصدق بصفتي...معجب...."اختفت ابتسامتها وانخرست من اللي تسمعه وش قاعد يقول هذا وشافت سيارة أخوها مساعد دخلت من البوابة الكبيرة وعالطول ركضت من الدرجات ودخلت البيت بسرعة وعالطول لغرفتها وقلبها للحين يدق بقوة معقولة..معقولة اللي اسمعه.. ..لا..أصلا ما قال كذا إلا عشان الين وأهدى صدق عطيته وجهه بس الحين وش أسوي يا ربي أخاف مساعد شافني والله ما يخليني عايشه اليوم خليني أنام أحسن لي...؟؟..."...
على الساعة 11 جالسة بالمجلس مع خالتها وأحفادها دخل عليهم وشافها جالسة بالأرض ومعها أقلام تلوين تلون مع طيف ابتسم على شكلها الطفولي وجلس بجنب أمه يلاعب عهد اللي مفتحة عيونها وما تدري وين ربي حاطه...
منيرة تناظر لولدها بحنان: عساني يا يمه أشوف عيالك...
متعب يناظر بأميرة اللي مبين أنها منحرجه ونفس الوقت زعلانه: بحياتك يمه إلا وين هاجر؟؟
منيرة: نايمه..."تكلم أميرة"...يمه أميرة اخذي عهد بشوف بلقيس متى يجون.. "قامت أميرة تأخذها وجلست بعيده عن متعب ووقفت بتعب"...
متعب بغرابة: وينهم الحين..؟؟..
منيرة: رايحين لزواج حماة بلقيس.."طلعت من المكان وهي تستغفر وتسبحه بصوت مسموع رجع نظراته لها وهي تناظر ببنت بلقيس وتبتسم لها تقرب منها ومازال عيونه معلقه عليها "...
متعب: ليش ما رحتي معهم.."رفعت عيونها وشافت بعيونه نظرات غريبة هل هي حب أو..أسف...
ما قدرت تحددها ورجعت ناظرها للكتلة الصغيرة اللي بين يدينها"...
أميرة تحاول تكون طبيعية: ما لي خلق...
متعب بابتسامة جانبية: وليش ليكون تعبتي بعد.." ناظرت له بحقد وش فيه قالب علي اليوم وش سويت له الحين..؟؟.."..
أميرة بتعجب: لا ما تعبت..."الظاهر الحين بتعب من جد من طريقته"...
متعب بتريقه: تعرفين شي عن تربيه الأطفال.."يأشر على بنت أخته"...
أميره بقهر: لا..بس تعلمت شي بسيط من الكتب والتلفزيون...
متعب: المفروض كل الحريم يعرفون عن الأطفال من غير ما احد يعلمهم..
أميرة ببرود: غلطان ما يعرف إلا اللي عنده أطفال وبعدين سهل أن الواحد يتعلم...
متعب بتريقه: اهااااااااااااا طيب تعلمي
أميرة بابتسامة جانبية: وليش ما تتعلم اعتقد انه ما فيها شئ لو الرجل يتعلم ويساعد زوجته بتربية عياله وأنت مو ناقص عنهم...
متعب بسخرية: لا حسبتك تزوجتيني عشان الورث.." تغيرت ملامحها لما ذكر الموضوع وش جاب طاريه الحين"...
أميره حست بنار تغلي داخلها وقالت بسخرية: أكيد الورث مفيد لك ولغيرك.." ابتسم بخبث وبنفس الوقت انتصار ووقف يبغى يطلع لكن وقفه صوتها والتفت بملل"...
أميرة بضيق: ممكن اعرف وش فيك..؟؟...
متعب ببرود: يهمك تعرفين وش فيني.."مشت للين صارت بجنبه وهي شايله عهد اللي تلعب بشعرها"
أميرة بحنان: أكيد يهمني...متعب...أنا قلت شئ يزعلك وش فيك..؟؟
متعب يناظر بعهد ويبوس رأسها: تصبحين على خير.."صعد فوق وتركها لوحدها بالنار الحيرة اللي قلب عليها فجاءه جلست وهي سرحانة بمتعب اللي ما تدري وش فيه ليش متغير علي ومن زمان ما جاب طاري الورث أخرها يوم كانا بجدة ليش فتح الموضوع من جديد وما حست إلا بخالتها تجلس وتأخذ منها عهد.."......
نايمه على سريرها تفكر بصاحب الصورة اللي بيدها يالله ما حله عيونه وخشمه حلو وكل ما فيه حلو..يالله يا طلال مشتاقة لك الله يقطع الامتحانات أشغلت العالم عن حبايبها..آآآآآآه بس الله يصبر قلبي المشتاق وما حست إلا بابها يفتح بقوة تدخل فوز وهي انتفضت بخوف وتجلس على حيلها بارتباك ما تدري وين تحط الصورة إلا تحتها..
لمى بقمة خوفها وعصبيتها: وجع يوجع العدو ما تعرفين تدخلين بشويش..
فوز مرتبكة وخايفة: اسكتي يا لمى جاء مشعل...
لمى ببرود: طيب..وإذ جاء..
فوز تجلس على سريرها وتمد يدها المرتجفة: شوفي...
لمى بحيرة: فوز وش فيك وإذ جاء وش بيصير...يأكلك مثلا؟؟
فوز: جلست معه...
لمى مو مستوعبه: لحظة الحين هو فيه أو راح...؟؟
فوز: راح...
لمى: جاء وشافك صح.."هزت رأسها بأيه"...طيب وش دوري الحين؟
فوز تأخذ مخدتها الكبيرة وتضربها: مالت عليك وعلى اللي يجي ويقولك أقولك جاء وجلست معه تقولين وش دوري..؟؟..
لمى: فوز..هذه مو أول مرة يجي من تملكتوا وهو راز وجهه...
فوز بعصبية مصطنعة: حدك عاد المسكين بسبب دوامه المضغوط ما يأخذ إلا أربعاء وخميس والجمعة يسافر..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك