رواية حياتي عذاب -17
حصة بقهر: لا تفرحين هالعنيدة مو مقتنعة فيه...
شماء بتعجب: ليش خوله ترى اللي تسويه بنفسك حرام...
خوله بتعجب: قبل أمس جاني الخبر أعطوني فرصة أفكر على مهل ما أبغى اندم بعدين لا تنسون عندي بنت بشاورها...
شماء بغرابة: من صدقك بتقولين لرغد...؟؟..
خوله: أكيد بأخذ رأيها اجل أتزوج من غير ما يكون عندها علم وبعدين خايفه من أعمامها يوقفون ضدي ويأخذون بنتي مني وأنا ما أتحمل على فراقها صراحة...
حصة بتعجب: والورقة اللي من المحكمة اللي جابتها مريم لك...
خوله: هذه تثبت حق الحضانة لي بس مو تعيش معي طول العمر يعنى إذ تزوجت راح يأخذونها مني
حصة بدهشة: وشلون يأخذونها وأنتي عندك أثبات للحضانة أنتي لا تشيلين همهم دام مساعد قادر يتصرف..
شماء: يوووه يا خوله كل شئ راح يكون على خير بس أنتي فكري بعقل هالمرة...
خوله: طيب أعطوني يومين وراح أقولكم...
الكل بالخيمة يسولفون ويضحكون على سوالف بعض...
فوز: عن أذنكم واخذوا راحتكم البيت بيتكم...؟؟؟.."قامت وطلعت منهم"...
هاجر: أقول لموووي معليش أبغى اشرب مويه..؟؟..
لمى وقفت: ولا يهمك...
هاجر: لا...قصدي دام البيت بيتي أبغى أروح بنفسي للبرادة بعد أذنك يعنى...
لمى بغرابة: اخذي راحتك..."طلعت منهم وجلست مع أميرة"...
لمى تسايرها: أميرة...مو كأنها البنت متغير أو أنا اللي متغيرة..؟؟..
أميرة: هههههههههههههههههههههههههههه لا أنتي اللي متغيرة...
لمى بقهر: اميروووه مو كأنك تتريقين...؟؟...
أميرة: لمى وش فيك أنتي وش عليك من حماتي...
لمى: ما فيني شئ عليها إلا بقول وشلونها معك..؟؟..
أميرة: الحمد لله زينة...
لمى بقهر: أووووف طيب يا زينة وشيخ الشباب وشلونه معك..؟؟..
أميرة بدلع ونفس الوقت بخجل: أحلى منه ما فيه ما تتصورين يا لمووو حبه بداخلي كل ماله يزيد...
لمى بتعجب: الله..الله...الله...البنت طاحت ولا سم عليها احد..
أميرة بخجل: لمووووه
لمى: هههههههههههههههههههههههههههههههههههههههه الله يهنيك يا ستي..
أميرة تتنهد براحة: آمين...وعقبالك يا رب افرح بك قريب....
لمى وكأنها تتذكر الموقف: بالأول كنت أقول دراستي اولّى لكن غيرت رأي وبقول آمين...
أميرة بغرابة: وش التغير المفاجئ.."بنظرة شك"...لمووووي ليكون جايك ناس...
لمى بخجل: لا ناس ولا غيره بس غيرتي رأي كذا من الله...
أميرة بمكر: اهااااااا من الله تدرين برغم ما اقتنعت لكن بمشيها وبقولك الله يرزقك...
خوله: وش تسوين..؟؟..
رغد ترفع رأسها وتبتسم: ارسم...؟؟
خوله تجلس بجنها: رغد حبيبتي اتركي اللي بيدك وعندي شئ بقوله لك...؟؟..
رغد تعدل جلستها: إن شاء الله ماما..."جلست مقابل أمها وبوجهها ابتسامة بريئة"...
خوله بتردد: رغد حبيبتي اممممممم تعرفين أبو طيف.."هزت رأسها بأيه".. اممممممم وش رأيك نروح نعيش عندها هناك....
رغد بغرابة: كلنا مع ماما حصة وبابا محمد...؟؟..
خوله تلم بنتها: لا يا ماما أنا وأنتي نعيش هناك عندهم ببيتهم يعنى يصير أبو لك...
رغد تحضنها بقوة وبخوف: ماما لا تتركيني ماما..
خوله تبوس رأسها وبحنان: لا يا ماما ما راح أتركك لوحدك راح تعيشين معي هناك مع طيف..
رغد بفرح: عند أبو طيف هناك.."هزت رأسها بأيه"..ماما أنا أحب طيف وحتى عمو مساعد طيب مرة...
خوله: يعنى ما عندك مانع لو نعيش معهم وتصيرين أخت طيف وتنامون بغرفة وحدة...
رغد: إيه ماما أبغى تكون عندي أخوات مثل طيف.."ناظرت لبنتها بفرح ونفس الوقت بحزن على حرمانها من الأخوات وعسى إن شاء الله ما اظلم نفسي ولا اظلم بنيتي.."
رياض بصوت واطي: ما بغيتي تجين...
هاجر ترفع شعرها بديها: وش أسوي أخواتك مسكوني...
رياض يتلفت من وراء: أخيرا هاجر شفتك..؟؟..
هاجر بدلع مخلوط بخجل: على كذا ما راح تنام الليلة...؟؟.
رياض: إيه والله شكلي بسهر والسبب أنتي..
هاجر بدهشة: الحين أنا السبب..."لفت بسرعة تبغى تمشي لكنه مسكها عالطول"...
رياض: وين رايحه ما شبعت من شوفتك..
هاجر تتصنع الزعل: مو السبب مني ليش أضل بعد هنا أروح اصرف لي...
رياض بنظرة حنان: واهون عليك...
هاجر بنفس النظرة: لا طبعا..."نزلت رأسها"...
رياض: هاجر.."رفعت عيونها له"...انتظر منك مكالمة اليوم أو ممنوع...؟؟..
هاجر بخجل: اممممممم أنت وش ودك..؟؟؟..
رياض بنظرة حب: تعرفين وش ودي..
هاجر بدلع: اللي يريحك..."وتبادلوا الابتسامات".. رياض أخاف احد يشوفنا تأخرت عليهم..
رياض: طيب انتبهي لنفسك وانتظري اتصالي على الساعة 2 اوكي.."هزت رأسها بأيه وراحت دخلت الخيمة وشافت أميرة لوحدها ومعها الجوال وكأنها تقرئ شئ لأنها كانت تبتسم بخجل جلست بجنبها لكن كانت بعالم الشخص اللي قابلته وش نهاية هذا كله يا رياض نشوف مين يلعب على مين تتوقع أني غبية وما اعرف حركات التمسكن أكيد هذه عمتي مدرستك عشان أطيح ولا احد سم علي بس راح أكون أذكى منك أما هو أول ما راح منها طلع وركب سيارته متجه لطلال كان ينتظره بالكافي مع خالد والدنيا مو سيعته من الفرح..."....
وبعد الأحداث اللي صارت معهم تمت خطبة خوله لمساعد بعد ما تدخل مساعد ومحمد مع أعمام رغد أن تعيش مع أمها وأقنعهم مساعد وأخيرا وافقوا ونفس الشئ مع عائلة نورة اللي عارضوا بالبداية على خوله وخافوا تظلم بنت بنتهم وقالوا يأخذون أختها الصغير اللي بعمر هاجر لكن مساعد رفض بحكم أنها صغيرة وخوله هي انسب وحدة واتفقوا الزواج يكون على أول أيام العيد واللي ما بقى غير 5 أيام وراح يكون جدا بسيط وعائلي من غير حفلة وتقتصر على عزيمة لهم فقط...
برابع العيد كان متعب جالس على مكتبه ويشيك على بعض الأوراق اللي لازم يخلصه قبل موعد المناقصة ما يقفل باب تقديمها دخل عليه أيمن ومعه ملف كبير...
أيمن: اتفزل يا استاز ميتعب..."أعطاه الملف"..
متعب بجدية: اتصل عليكم المهندس علي من الشرقية..؟؟..
أيمن: آه...اتصل ولما عرف أن الاستاز مساعد وحضرتك مش هنا ئال بيتصل مرة تانية..
متعب: طيب..أنت تعرف مساعد الحين بإجازة وكل شئ يخص الفرع الثاني والأوراق الخاصة فيه ترسلهم لي وإيه قبل ما أنسى مناقصة اللي مشتركين فيها مع أبو منصور أبغاك تجيب لي أخبار هالمناقصة...
أيمن: حازر..الفرع اللي بقده اتصلوا اكتر من مرة عايزين الاستاز مساعد...
متعب بغرابة: وما قالوا وش يبغون فيه..؟؟.."هز رأسه بلا"..طيب اتصل عليهم وحولي مكلمتهم "دخل عليه أسامة ومعه ورقة وعلامة الخوف ترسم وجهه"...
أسامة: استاز متعب هيدا الفاكس توه واصل من مكتب تقديم المناقصات.."مد له الفاكس وطالع بالورقة والشر يتطاير من عيونه"
متعب بعصبية: وشلون أخذوها ومين اللي أخذها..؟؟..
أسامة بخوف: صاحب الاستاز مساعد...الاستاز عبد العزيز....
متعب وقف بعصبية: وشلون أخذها مين قدم أكثر...؟؟..
أسامة: الزاهر يا استاز أن عندهم خبر عشان هيك عرفوا عرضنا...
متعب بشك: وشلون...وضح...؟؟..
أسامة نزل رأسه: مش عارف استاز ميتعب...
متعب بصوت شوي عالي: وشلون منت عارف اسمع أنت وياه ما تطلعون اليوم إلا وانتم جايبين لي كل المعلومات عن كل العروض اللي قدموا للمناقصة وكل شئ سامعين...
أيمن+ أسامة: حازرعن أزنك.."رجع للأوراق وبنرفزة عصبية دق جواله وشاف أميرتي متصلة بك"
متعب بضيق: هلا أميرة..؟؟..
أميرة بحياء: هلا بنور أميرة وش أخبارك..؟؟..
متعب يحط يدينه على عيونه وكانه يطرد التعب: زفت...
أميرة تغيرت ملامح وجهها: بسم الله عليك وش فيك...؟؟...
متعب يتنهد بضيق: ولا شئ وش تبغين متصلة..؟؟..
أميرة بغرابة: سلامتك...بس كنت انتظرك متى ترجع..؟؟..
متعب بصوت شوي عالي: ارجع مثل ما أبغى ليكون متصلة عشان هالسؤال التافه...
أميرة بضيق: لا..كنت بشوف متى تجي لان بعد شوي اهلك راح يمشون وأنت تأخرت...
متعب بعصبية: أميرة الحين متصلة عشان تقولين لي هالكلام...
أميرة بعصبية: متعب وش فيك...؟؟..
متعب بصوت شوي عالي: أنتي وش فيك متصلة عشان تخبريني عن أهلي تعرفين أن عندي خبر وإلا ناسية...
أميرة تحاول تمتص عصبيته: وأنت مالك نية تجي عشان نروح معهم...؟؟..
متعب بنرفزه: لا...وإذ تبغين تروحين الله والنبي معك شئ ثاني..؟؟..
أميرة بزعل: سلامتك...مع السلامة.."كانت تتمنى يراضيها لكن اللي فاجئها أن قفل الخط من غير ما يقولها حتى باي جلست بحزن على الكنب على أمل تشوف رسالة منه لكن مع الأسف وحاولت تكتم عبرة خانقتها..."...
بلقيس: هااااه أميرة متى يجي متعب..؟؟..
أميرة تحاول تكون طبيعية: الظاهر ما راح يجي إذ بتروحين روحي معهم..
بلقيس: وهذا أنا معتمده عليكم أبغى أروح معكم طيب وأنتي..؟؟..
أميرة تتنهد بضيق: ما أبغى أروح دام أخوك مو معنا...
بلقيس تجلس بجنبها: الله أميرة لدرجة اخوي ما يهون عليك..؟؟..
أميرة تبتسم بخجل: أكيد ما يهون علي لا تشيلين همي روحي دبري لك مركب...
بلقيس: أنا اقدر أدبر نفسي لكن هاجر مع مين تركب إذ سيارة مساعد وأخوك طلال مليانه...
أميرة تفكر: فيه سيارة رياض...
بلقيس بتعجب: أنتي صاحية لو تموت هاجر ما تركب مع غريب اخوي وش قال تروحين أو لا...
أميرة بضيق: قالي أروح بس مالي خلق..
بلقيس تسحب يدها: بلا دلع ويله خلينا نروح وننبسط ترى من زمان ما سافرنا سوا يله نادي معك هاجر ترى يوم وما راح يضر...
أميرة وقفت: إن شاء الله.."بعد ما نادت هاجر ولبسوا عبيهم طلعوا وكان الكل ركب سياراتهم إلا أميرة وهاجر وقفوا عند كل سيارة يدورون مكان.."...
هاجر بقهر: يعنى وين اجلس..؟؟..
بلقيس: هههههههههههههه بالشنطة وراء ههههههههههههههههههههه
هاجر: والله انك فاضيه أقول زحفي لامي أكثر...
بلقيس وبحضنها ولدها: وين ازحف روحي لسيارة مساعد...
هاجر: مساعد سيارة على قده وما في مكان بالمرة...
منيرة: أميرة وين راحت روحي معها...؟؟..
هاجر: ما أدري وين راحت يله عاد وخري شوي...
حصة: قربي يا بلقيس عن أختك شوي...
بلقيس: وين اقرب ما في مكاااااااااااان ما تمسعين أنتي..
لمى: أقول أميرة متعب ما راح يجي..؟؟؟.
أميرة بضيق: لا عنده شغل...
رياض: غريب زوجك يا أميرة الناس عيد وهو يداوم...
أميرة: تعرف هم بمؤسسات وشركات مو مثل الموظف الحكومي الأجازة اجباريه...
لمى: يله متى نمشي الحين يأذن العصر وحنا ما تحركنا الحين مين اللي واقفة ما ركبت..؟؟..
أميرة تتنهد بتعب: اعتقد هاجر.."سرح رياض للشخص الطويل اللي واقف واللي كل شوي تضرب رجلها بالأرض وشكلها مقهورة من شئ..."...
هاجر بقهر: يله قربي عند أمي...
بلقيس: لا..روحي لمساعد أو دبري لك مكان مع أميرة وخري بسكر الباب.."قطع عليهم صوت مساعد اللي جاء يشوف وش قصتهم"...
مساعد بجدية: وش فيكم انتم صوتكم واصل يله اركبي أنتي...
هاجر بقهر: أختك هذا تنرفز مالي مكان وين اركب...؟؟..
بلقيس: يعنى بالله عليك يا مساعد تشوف لنا مكان دور عندك..؟؟..
مساعد: ما عندي شئ يله حنا يكفينا تعالي.."سحب يدها ووقف عند سيارة رياض"...
مساعد يبتسم: احصل عندكم مكان أو لا...
رياض يرد له الابتسامة: أكيد..حياك.."راحت هاجر بحياء وركبت ورآه بالضبط وصارت بجنب لمى وأخيرا انطلقوا للشرقية يتمشون فيها ومنها شهر عسل لمساعد اللي بيطول مع البنات وهم ماسكين خط الدمام دق متعب على أخوه.."...
متعب بقهر: ليش تقدم عرضنا له...
مساعد يهديه: الله يهديك ما فيها شئ تعرف عبد العزيز ما يعرف شئ بالسوق ولا عن المناقصات فحبيت أساعده...
متعب بقهر: تساعده على حسابنا أنت أكيد صاير معك شئ..
مساعد: وش فيك أنت الحين عصبت...ولا تنسى هذا عزوز واعز صديق لي وهو طلبني وحبيت أساعده يدخل بأول مناقصة والحمد لله رست عليه...
متعب: أحسن اقفل منك قبل ما يصير لي شئ مع السلامة..
مساعد يبتسم: الله يسلمك..."قفل الجوال وركز بالطريق"..
خوله: وش فيه متعب..؟؟
مساعد: ما فيه شئ تقدرين تقولين خاص بالشغل...
خوله بتعجب: شغل والناس بإجازة..
مساعد: إلا حنا ما نعرف الإجازات وعلى فكرة لو مو ظروف زواجنا وإصرار أمي على اخذ إجازة كان الحين مع متعب على المكتب.." انقهرت من طريقة رده على الأقل يجامل بكلامه وشقوا الطريق بهدوء وصمت"...
هند بابتسامة نصر: وليش مستغربة مو أنا صديقتها حالي حالك..
عهود: لا مو قصدي كذا بس ما توقعت تتنازل وتعزمك مثلي...
هند: لا..أنا غير لازم تعزمني ما علينا أهم شئ راح تحضرين..؟؟..
عهود: والله ما ادري لان قبل الحفلة زواج بنت عمي وما ادري إذ اقدر أجي أو لا..؟؟...
هند: لا تمنيتك تجي عشان تشوفين المسرحية بعيونك؟؟..
عهود: أي مسرحية..؟؟..
هند: تعالي وبتشوفين كل شئ لا تستعجلين على رزقك...
عهود: الله يستر من مسرحياتك وش ناويه على هاجر احمدي ربك أنها تكرمت وعزمتك.."ما ردت عليها وسرحت بالمشهد المرسوم بخيلها"...
فوز بقهر: ما حلت بسيارته إلا بذا الوقت دقي على احد يجي يأخذنا...
لمى بخوف: إيه والله كلنا بنات إلا حضرته لوحده...
أميرة تهدي الوضع: خلاص أنتي وياها بدل ما تشجعون بعض كل وحدة منكم تخوف الثانية إن شاء الله تزين..
هاجر: وبعدين كلها بنشر وراح يخلص الحين...
فوز: شكلك يا هاجر من جنبها وأنتي ميتة خوف...
هاجر: من ناحية ميتة خوف ميتة بس الواحد لازم يكون عنده شجاعة شوي.."قطع عليهم رنه تلفون أميرة وأول ما فتحت شنطتها وشافته كان عمري وحياتي متصل بك سوت صامت ورجعته للشنطة"...
هاجر: مين أميرة ليكون أهلنا..؟؟..
أميرة بضيق: لا..رقم غريب...
فوز تطلع برأسها عند أخوها: يله يا رياض أهلنا اتصلوا...
رياض بعصبية: وأنا قاعد العب قولوا بنشرنا وما راح نتأخر...
فوز: طيب لا تنفخ...أميرة دقي على طلال يجي اقل شئ ..
أميرة: ليش خايفه ما تشفين الشارع يمشي انتظروا الحين بيخلص.."يرجع يدق جوالها ونفس الشئ كان متعب المتصل ورجع ودق على هاجر وردت عليه وقالت عن وضعهم"..
متعب قهر: وانتم الحين وينكم بالضبط..؟؟..
هاجر: باقي على الدمام 18 كيلو مبنشرين تعال بسرعة...
متعب: طيب وأميرة معك...
هاجر: إيه...
متعب مقهور منها: خلاص أنا الحين مسكت طريق الدمام بعد نص ساعة أو اقل أنا عندكم...باي
هاجر: باي..."غريبة وش فيه ما اتصل على أميرة ليكون هو المتصل وتوهمنا انه مزعج أكيد بينهم شئ عشان كذا دق علي وأنا وش علي منهم"...
هاجر: ارتاحوا الحين متعب جاي...
فوز براحة: والله وينه الحين....؟؟..
لمى: أنتي هيييييييه استحي على وجهك.."تقلد بصوتها"...وينه الحين..اللي يسمعك تقل ما يقول انك متزوجة ترى أميرة ما ترضى...
فوز: يوووه عادي ما قلت شئ وبعدين أنا وأميرة واحد صح امورة...
أميرة: إيه صح...وأنتي يا لمى لا تتدخلين بيني وبين فوز اوكي...
لمى بدهشة: وهذا جزاتي أدافع عنك أنتي وكرشتك هين تشوفين..
أميرة تشبك يدها مع يد لمى: واهون عليك وبعدين لسه باقي كرش عشان يظهر أنتي ولسانك...
لمى تناظر لها بتعجب: كل هذا الكرش وتقولين لسه اجل بكرة لو تصيرين بالتاسع وش بيصير..
هاجر: بنت قولي ما شاء الله ترى وردتنا أنباء أن عيونك حارة...
خوله: تصدقين أخر مرة جيت للدمام لما كنت عروس...
شماء: أيام راحت ليش تفتحينها...
خوله سرحانة: تدرين خايفه يا شماء تتكرر مأساتي مرة ثانية لا قدر الله...
شماء: بسم الله عليك وش ذا الكلام تعوذي من الشيطان وان شاء الله مساعد هو العوض لك ولبنتك..
خوله تناظر لرغد وهي تلعب مع البنات بالبحر: الحمد لله على كل شئ والله يقدرني أسعدهم...
شماء تغمز لها: تسعدينهم وأبوهم ماله نصيب..؟؟..
خوله بخجل: كلهم ما راح انقص على احد دقي عليهم شوفي وينهم...
عزيزة: تأخروا العيال يمه طلال شوفهم وين...
طلال: كلمت رياض يقول شوي ويجون لا تخافين عليهم يا خالتي..
بلقيس: تو متعب متصل وقال بيجيهم لهناك لا تخافين يا عمتي وبعدين الديرة أمان..
حصة: هذا أنتي يا عزيزة عمرك ماراح تتغيرين ما فيهم إلا العافية.."يدق جوال حصة وكانت شماء اللي كانت سابقتهم من بدري تحجز لهم مكان على البحر وقفلت منها.."...
حصة: هذه شماء...تقول هم بأول الكورنيش ومساعد وصل لعندهم...
أم عبد الرحمن: حرك يمه طلال نروح نريح ذبحتنا السيارة...
طلال: ههههههههههههههههههههه اللي يسمك يا جدتي يقول مسافرين للشمال...
أم عبد الرحمن: انتم شباب تتحملون كل شئ لكن حنا وش نتحمل...
طلال: ههههههههههههههههههههههه سمعتوا جدتي قالت ما نتحمل يعنى عجزتوا وراحت عليكم....
حصة: يا رأس الفتنة قل خيرا أو اسكت...
طلال بتعجب: يوووه أنا الحين رأس الفتنة يأم طلال الله يسامحك...
منيرة: بدل ما تضيعون الوقت خلونا نروح لشماء أحسن من جلستنا هنا مساعد وسبقنا وأنتم للحين ما تحركتوا شكل الدفعة اللي ورآنا يسبقونا لهناك...
رياض: مشكور يا متعب والله تعبتك معي..
متعب يمسح يدينه: لا تعب ولا شئ أصلا دعيت عليكم عشان تبنشر وتتأخرون..
رياض: والله ما هقيت عينك قوية كل هذا عشان أختك معنا...
متعب بتعجب: أختي وش أبغى فيها أبغى حرمتي...
رياض: هههههههههههههههههه لا...لا..ما عندنا لك شئ أنا قلت لأميرة إذ ركبتي معي ما راح تركبين مع احد غيري...
متعب: هذا الشئ متفق معها مو معي وما لي دخل عندك أمانه لي ورجعها سالمة مثل ما ركبت عندكم
رياض: خلاص ترى ما يسوى علينا كلها أميرة مسوي لنا هالازعاج وطل من نافذة هاجر اللي انصدمت من جرأته ناظرت له بخوف ونزلت عيونها"...
رياض: مدري فيه احد اسمها أميرة مدري ملكة فيه ناس يسالون عنهم...
أميرة: هههههههههههههههههه يا شينك يا رياض إذ استهبلت...
لمى: لا ما عندنا هذا الاسم دور بالسيارات الثانية...
رياض: خلوها تطس عنا ترى جميس بوند ما راح يخلينا.."يتكلم باللهجة اللبنانية"...نمرئ
أميرة بتعجب: افااااا يا رياض الحين اطس وهذا اللي اتفقنا عليه..
رياض: وش أسوي برجلك البثر يله ليسوي لنا سالفة الحين.."نزلت أميرة وهاجر و ركبوا "...
متعب بقهر: يعنى لازم الواحد يناديكم عشان تتفضلون علينا...
هاجر: ما ظنيت بتجي من الأساس وبعدين لا تحطها بي عندك زوجتك.." ناظر لها متعب بهدوء وشافها ساكنه بمكانها من غير أي كلمة شكل الحبيبة زعلانه شكلها مشتاقة لدلع من زمان ما دلعتها كيفها بترضى متى ما تبغى وتحركوا وراء رياض ووصلوا للمكان اللي كانوا الدفعة الأول فيه وجلسوا سوالف وضحك ولعب على البحر..."....
كانت سرحانة بالشخص اللي يلعب مع الأطفال وواضح انه مبسوط لابس برمودا اسود وبلوزة بيج فاتح ومع بشرته الحنطية معطية وإلا أحلى و ضحكته الجذابة اللي تسحر كل من شافها مبين عليه يحب الأطفال مع بنت أخوه سوا كذا اجل وشلون مع عيالنا ابتسمت بخفة وانتبهت له اللي كان يراقبها من أول ما جلسوا...
خوله: ما مداك تشتاقين له..؟؟..
أميرة بخجل: كنت..أراقب طلال ورغد.."ناظرت للشخص اللي وقف يناظر لها بوجهه مرسومة ابتسامته الجذابة نزلت عيونها وانتبهت لكلام أختها.."...
خوله: علينا هالكلام ترى مو عيب إذ اشتقتي للحبيب...
أميرة بنظرة مكر: افهم من كلامك اشتقتي أنتي..؟؟..
خوله بدهشة ووجهها قلب للون الأحمر: اميروووووة ووجع يوجع العدو حسني كلامك..
أميرة: هههههههههههههه ترى مو عيب إذ اشتقتي ههههههههههههههههههههههه
خوله: الحين وش جلسني عندك أقوم عند الكبار أحسن لي...
أميرة: روحي يا كبيرة ههههههههههههههههههههههههههههه...
بلقيس: وش فيها أختك..؟؟..
أميرة تبتسم: ما فيها شئ أقول بلقيس ما ودك نتمشى أحس بتعب بظهري وودي أطلق رجولي..؟؟.
بلقيس بفرح: تحسين بتعب وتطلقين رجولك يا العجوز تدرين عاد فكرة..اصبري.."التفت على هاجر" أقول هجوووره اخذي المزيونه اللي طالعة عليك وانتبهي لها..."تمد لها بنتها"...
هاجر تأخذها بتعجب: ليش...؟؟..وين تروحون..؟؟..
بلقيس: بنروح نتمشى..شااااو.."راحوا يتمشون ومع السوالف ما حسوا بالشخص اللي كان يمشى ورآهم ويسمع لسوالفهم وضحكهم.."...
متعب: ضحكوني معكم..."التفتوا الثنتين على صوت الرجولي وتفاجئوا للشخص اللي كان واقف بينهم وهو يبتسم.."..
بلقيس: بسم الله من متى وأنت ورآنا..؟؟.
متعب: من أول ما قمتوا تسمحون لي أتمشى معكم..؟؟..
بلقيس: والله عن نفسي ما عندي مانع لكن زوجتك يمكن عندها رأي ثاني..؟؟.." التفت لها ينتظر جوابها لما طال سكوتها ناظر بأخته بتكبر"..
متعب: يقولون السكوت علامة الرضا...
بلقيس: مو شرط...
متعب بتعجب: أنتي وش فيك على ليش ما تبغين أتمشى معكم ترى اتنيذل عليك ونتركك لوحدك...
بلقيس: ههههههههااااااااي ما عوزك أتحداك تسويها...
متعب يمسك يد أميرة: دامك تحديتي تحملي ما يجيك..."سحبها معه وهي تناظر لبلقيس اللي ماتت قهر ورجعت للحريم وبعد ما ابعدوا وبرغم من زحمة الكورنيش وقفوا بمكان قريب من الشاطئ.."..
أميرة: ليش سويت كذا الحين بلقيس تزعل...
متعب يجلس: أخيرا الحجر نطق.."رفع رأسه لها"..مالك نية تجلسين..؟؟.."انقهرت أميرة من كلامه الحين يشبهني بالحجر..جلست من غير ولا كلمة"...
متعب: ايوه وبعدين..؟؟..
أميرة بغرابة: وشو وبعدين...؟؟..
متعب يلتفت عليها: يعنى لمتى وأنتي مبرطمه...وش فيك..؟؟..
أميرة تناظر للبحر: أنت تعرف وش فيني..؟؟..
متعب: لا ما اعرف قولي إذ فيك شئ..؟؟..
أميرة تتنهد بضيق: متعب...لا تستهبل الله يخليك اعتقد مو وقته..
متعب بقهر: أي استهبال أنتي ومزاجك المتقلب الحين وش قلت وش سويت لك..؟؟..
أميرة بتعجب: كل هذا وما سويت شئ والحين صار مزاجي متقلب سبحان مقلب القلوب..
متعب وقف: أووووف تدرين توني ادري أني مضيع وقتي معك.."راح عنها وهي متضايقة ناظرت للبحر وما حست إلا دموع حارة غسلت عيونها تنهدت من أعماق قلبها وش وسويت له.. ليش...ليش يعاملني كذا وهذا أنا أحبه وأموت فيه ليش كل شئ يقلبه علي والله حاله مع الآدمي وما حست إلا متعب رجع ووقف عندها قامت بصعوبة ومشت عنه بخطوات واسعة ولا لقت له بال إذ ورآها أو لا..
ناظرت للبحر وبأمواجه اللي كل مالها تزيد..آآآه يا بحر لو ارمي بعض همومي لك ما ادري وش راح يسوي لنا الزمن الدنيا صعبة وتحتاج احد يفهمها وكثر ما فهمناها صارت تمشي عكس ما نبغى انتبهت على صوت جوالها يدق أخذته وشافت مساعد يتصل بك...
خوله تبتسم: هلا مساعد..؟؟...
رغد: لا ماما أنا رغد..."تغير لونها لما خاب ظنها وحست بإحراج ففضلت تقوم وتتكلم على راحتها وكانت متأكدة أن بلقيس قاعدة تراقبها لما سمعت اسم أخوها"...
خوله: هلا رغد وش عندك متصلة من جوال عمك...؟؟..
رغد: عمي طلب مني يقول بعد صلاة العشاء بنروح للملاهي وطلب مني تروحين معنا...
خوله تبتسم: طيب وينه عمك الحين...؟؟..
رغد تناظر بمساعد: عندي..
خوله: أعطيني إياه...
رغد: إن شاء الله.."مدت الجوال لعمها"...ماما تبغى تكلمك "..ابتسم لها واخذ الجوال ووقف عند البحر"...
مساعد: آهلين خوله...تقول رغد تبغيني..؟؟..
خوله: وليش ما تقول أنت اللي تبغاني...؟؟..
مساعد: هههههههههههههههههه كله واحد يبغى الثاني صح هههههههههههههههههه
خوله: ههههههههههههههههههههه تقول بتروح للملاهي..؟؟..
مساعد: إيه..ليكون عندك مانع..؟؟..
خوله: وليش ما اتصلت وقلت لي ليش تتوسط بنتي عندك..؟؟..
مساعد: لسبب واضح انه أنتي ما تحبين الملاهي قلت أقول لرغد تقولك خاصة انك ما تحبين ترفضين لها طلب...
خوله: اهاااااااااا يعنى مو لله تبغاني أروح..؟؟..
مساعد: خلي عنك هالكلام وبعد العشاء تجهزي اوكي...يله مع السلامة
على الساعة 9 الكل ركب في سياراتهم يستعدون للرجعة وهالمرة راحت بلقيس وعيالها مع متعب...
هاجر: شفت يا متعب ما قد مرت علي غيرة مثل غيرة أختك...
بلقيس: هههههههههههههههههااااااي كثير منها طول عمري أغار على أخواني وما فيها شئ إذ ركبت معكم.."كان ينتظر تعليق منها أكيد للحين زعلانه من صدقها مو دلع.."...
متعب: لا يا بلقيس عند غيره أميرة ما احد يوصلها..."التفت عليها على أمل يسمع شئ منها"....
بلقيس: يوووه عاد أميرة نار حارقة.. "ولما حست بهدؤها اللي غير طبيعي"..أميرة...
أميرة بصوت مبحوح والتفتت نص لفه: هلا...
بلقيس باهتمام: وش فيك..؟؟..
أميرة: سلامتك ما في شئ...
متعب حس بصوتها أنها تبكي: علينا هالكلام واضح فيك وما تبغين تقولين..."ما ردت عليه"...
بلقيس: وش تحسين فيه أميرة...؟؟...
أميرة: قلت ما في شئ مهم شويه صداع...
بلقيس: أخاف تغير الجو وسبب لك زكام أو شئ...
أميرة بضيق: الظاهر كذا...
هاجر: لا تكفين مو وقته متعب اخذ زوجتك للطبيب عشان يعطيها مقويات ترى ما بقى غير 3 أيام على الحفلة وابغاها تكون معي..؟؟..
متعب يناظر لها بقهر: ما فيها إلا العافية ما تسمعين وش تقول صداع وإذ نامت بترتاح...
بلقيس: ولو ترى المرأة الحامل تتعب لأدنى شئ يتعرض لها وخاصة تغير الجو...
هاجر: صح خذوا الحكمة من أفواه العقلاء تكفى متعب طلبتك...
متعب: خلاص ترى ما يسوى علينا.."داس بقوة على البنزين وما يعرف سبب عصبيته هل هي خوف على أميرة إذ كانت مأخذه برد أو عشان برودها معه ولا لقت له أي بال.."
كان واقف معها ينتظرون خوله دخلت دورة المياه مع بنته يناظر لها بحنان وتذكر كلام نورة له لما بلغتها أنها حامل سبحان الله أخذت مني زوجتي واللي معها وعوضت لي هالبنت البريئة وقطع عليه أفكاره سؤالها الطفولي"..
رغد: عمي مساعد..؟؟..
مساعد يبتسم: هلا..
رغد: عمي...وش رأيك نلعب بذيك..."وأشرت على لعبه القطار"...
مساعد بتعجب: ابشري بس خلي ماما وطيف يخلصون من التواليت...
رغد: وأنت عمي تلعب معنا..؟؟..
مساعد يبتسم لها ويمسح على شعرها الناعم: وأنتي تبغيني العب معك...
رغد بفرح: إيه أبغاك تلعب معنا كل الألعاب.."ناظرت له ببراءة"..عمي مساعد أنا احبك.."مساعد تغيرت ملامحه لملامح العطف والحنان وما حس إلا أن يضم هاليتيمه بقوة وباس رأسها.."...
مساعد: وأنا بعد يا رغد احبك كثيييير مثل طيف.."أبعدها عنه وناظر بعيونها اللي تتراقص بالفرح وطلعوا من التواليت وشافتهم يضحكون وراحت لهم وبعد ما لعبوا بالقطار جاء موعد العشاء جالسوا على الطاولة كلهم واخذوا المينيو يختارون العشاء"..
مساعد: رغد وطيف وجبة أطفال خلاص...
الكل بصوت شوي عالي: ايييييييييييييييييييييييييييييييييه
مساعد للحين عيونه على المينيو: وأنتي نورة وش تبغين.."كانت تناظر للبنات وبوجهها علامات الفرح لكن لما ذكر اسمها تبدلت الملامح وناظرت فيه وبوجهها علامات استفهام نورة...نورة...الله يرحمها الظاهر للحين عايش على ذكراها طيب أنا وش محلي مربية بس إذ هو يشوف كذا ما عندي مانع اكسب اجر باليتامى لكن لا يعيشني بوهم ويقول اختارني وأنا وش صار فيني ليش أغار من وحدة ميتة الله يرحمها مهما كان ميتة أو حيه يكفى أنها ماتت وهي بذمته وما حست إلا يد مساعد فوق يدها وناظرت له بعبوس تغيرت ملامحه هو الثاني وكانه يسألها وش فيك حاولت تبتسم ولا كان سمعت شئ وأخذت المينيو من جديد واختارت لها وجبه ولما رجعت نظرها له شافت بوجهه نفس العلامات اللي قبل شوي ما حبت توضح له أنها سمعت شئ أو غلط بشئ لأنه أكيد قالها بزلة لسان وابتسم لها وحاولت تغير الجو اللي هم فيه بالضحك والسوالف لكن للحين صدى اسمها يتردد على مسمعها وخنجر مغروس بقلبها من الغيرة..."...
محمد: تاخرتوا ما بغيتوا تجون...
حصة تفك الطرحة: فاتك الطلعة يا بو طلال ما ناقصنا إلا أنت...
طلال يدخل شنطة الرحلات: صادقة أمي يا يبه تمنيتك معنا
حصة: أقول أبو طلال وش رأيك نزوج طلال الحين ما تشوف البيت فضى من بعد خوله ورغد...
طلال بتعجب: اووووه يا يمه تبغين تفتكين مني أنا بعد..
حصة: لا من قال أبغى الستر لك وأنا أمك وإذ تخرجت إن شاء الله نبدأ بالجهاز..
طلال: أنتي الصادقة إذ تخرجت ابدءوا دوروا لي...
حصة: ومن قال بندور لك وش كثر الله بنات عمك ولا عندك خوالك..."ابتسم طلال لما جت صورة لمى بمخيلته"...هااااه وش قلت أتوكل على الله واكلم منيرة..
طلال بتعجب: أي منيرة..؟؟..
حصة بغرابة: مرة خالك عبد الرحمن...
طلال يستهبل: يوووه يا يمه الله يهديك تبغيني أقضى شبابي مع مرة خالي وش يقلون الناس علينا ولد حصة اخذ مرة خاله...
حصة بقهر: طلللللوووللووووه متى تعقل بالله عليك هذا كلام تقوله...
محمد يغمز له: هههههههههههههههههههههههههههه خلاص طلال إذ ما تبغاها حولها علي
حصة بنرفزه: لا والله وش اريك أروح الحين واخطبها لك..
محمد يحك شعره باستهبال: والله مو شينه بس بالأول ما تشوفينها كبيرة علي...
حصة: الله واكبر يا الشباب خل عنك هالكلام اللي ما منه فايدة ولا تطلع عن موضوعنا...
طلال بمكر: شوف يا يبه أم طلال الغيرة طالعة من عيونها اثري أبو طلال متربع بضلوعك..
حصة بخجل: طلالالالالالالالالالالال وبعدين أنا اعرف وشلون تتأدب..
طلال يلمها: واهون عليك يا الغالية...
حصة تبعده: ابعد عني بلاك منت كفوا احد يسمعك ولا حتى يدور لك على الستر..
طلال بتعجب: افاااااااااا وهذا أنا وحيدك ودلوعك تسوين لي كذا الحمد لله ما في ولا وحدة من أخواتي ويشوفون هالشماته عيني عينك...
محمد: إلا ياليتهم فيه عشان تتأدب مع العزيزة أمك...
حصة: انتم وش قصتكم ليش تغيرون الموضوع...
طلال: أي موضوع يا العزيزة الغالية...
حصة تتنهد بتعب: موضوع خطبتك على هاجر بنت خالك عبد الرحمن...
على الساعة 2 تنبهت وحاولت تسترجع اللي حصل معها ناظرت حولها وشافته نايم بالكرسي بوسط الغرفة ناظرت لنفسها للحين على ملابسي..و...آآآآه وش اللي صار معي حطت يدها على بطنها تحس بألم لكن مو قادرة تحدده معقولة طيحتي على الدرج أثرت فيني أو القالون قامت وطلعت من الغرفة تجلس بالصالة ويدها على مكان الألم كل ماله يزود تسندت على الكنب وتسترجع الأحداث اللي مرت عليها اليوم بطوله لما توقفت سيارته عند المدخل نزلوا أخواته وقبل ما تنزل مسكها عشان يستفسر سبب هدؤوها...
متعب باهتمام: وش فيك..؟؟..
أميرة بصوت مخنوق: ما فيني شئ..
متعب: إلا فيك...سكوتك اللي كل اليوم مو طبيعي وش اللي جايك مني.."ماردت عليها لأنها لو حاولت راح تبكي قدامه"...أميرة وش فيك..؟؟..
أميرة بصوت شوي عالي: قلتلك ما فيني شئ يعنى لازم يكون فيني شئ يا أخي متضايقة ارتحت متضااااااااااااايقة منك...."عالطول فتحت الباب وطلعت الدرج وما حست إلا انعكاف رجلها على احد الدرجات سمعت صوته يناديها ولا لقت له بال وكملت طريقها لغرفتها واللي ريحها أكثر أن ما كان احد بالصالة وصلت لغرفتها ورمت نفسها على سريرها تبكي حست بيده تمسح على ظهرها وشعرها وصوته يقراء عليها القران وتذكرت أنها نامت وما حست بعمرها تنهدت بتعب وناظرت لباب الغرفة ليكون زعلان مني لما تركته لوحده بس هو له دور بكل شئ هو اللي بدء معي كنت مداريته وأخاف على زعله ولما زعلت ما اهتم أحسك يا متعب غامض بتصرفاتك وحتى بكلامك....
تمشط شعر طيف وكانوا يسولفون عن اليوم اللي قضوه بالملاهي والألعاب اللي اشتروها مع بعض للحين متضايقة من اللي سمتعه صحيح انه كان ناسي والاسم طلع منه عفوي لكن ما تدري ليش حست بداخله يحترق لما أنذكر اسم المرحومة طلع عليهم من الحمام ومبين انه مأخذ دش جلس بالطاولة يفطر مع رغد لكن ما يدري ليش حاس أن خوله فيها شئ بس حتى لو فيها راح تقول ليش تخبئ وقضوا يومها اليوم كله بالبحر وبالمنتزهات...
رياض بقهر: من صدق تتكلم...!!!....
طلال: والله العظيم هذا اللي صار...
رياض بخوف: وأنت وش رأيك..؟؟..
طلال حب يرفع ضغطه: اممممممم بيني وبينك قلت اللي تشوفه مناسب سواه.."وما رد عليه وخاف أن قفل الخط"...رياض...الوووووووووووووووووو
رياض بضيق: نعم...
طلال حس انه ضرب على الوتر الحساس: الله ينعم عليك وش فيك..؟؟..
رياض يتنهد بألم: أنت تشوف فيني شئ...
طلال: بصراحة إيه ليكون يا خوي قلت شئ يزعل...
رياض بعصبية: أنت مو قلت يزعل إلا يذبح...أنت تعرف هاجر وش بالنسبة لي...
طلال باستهبال: والله توني ادري تصدق...
رياض بصوت شوي عالي: طلالالالالالالالالالالالالالالال قسم بآيات الله لو أنت مو اخوي كان جبت خبرك من زمان...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك