رواية حياتي عذاب -18

رواية حياتي عذاب -18

طلال حس انه ضرب على الوتر الحساس: الله ينعم عليك وش فيك..؟؟..

رياض يتنهد بألم: أنت تشوف فيني شئ...

طلال: بصراحة إيه ليكون يا خوي قلت شئ يزعل...

رياض بعصبية: أنت مو قلت يزعل إلا يذبح...أنت تعرف هاجر وش بالنسبة لي...

طلال باستهبال: والله توني ادري تصدق...

رياض بصوت شوي عالي: طلالالالالالالالالالالالالالالال قسم بآيات الله لو أنت مو اخوي كان جبت خبرك من زمان...

طلال: ههههههههههههههههههههههههه طيب لا تعصب ترى ما يسوى علينا عموما ريح بالك أصلا كنت عارف أنها تهمك عشان كذا كرشتها...

رياض براحة: والله طلال لا تلعب علي ريحني عسى الله يريحك...

طلال: والله قلت ما أبغى اخذ وحدة العيون عليها والعيون هذه عيون اخوي حبيبي رضوووضي....

رياض بخوف: والله قلت لهم هالكلام ترى والله لا أجيب خبرك إذ منت أنت صادق...

طلال: هههههههههههههههههههههههههه لا يا شيخ امزح معك بس جد أمي تبغاني اخطب من الحين وبيني وبينك أبغى اخلص من الدراسة وبعد ما أكون نفسي يصير خير..

رياض: تصدق يا طلال مرات أحسك بثر ومليغ لكن مرات تجيب أفكار جهنمية ما ادري من وين تجيبها...

طلال بقهر: الحين بثر ومليغ مقبولة لكن حقي بأخذه مو منك يصير خير وشلون أجيب لك أفكار جهنمية مثل ما تقول...

بعد صلاة الظهر دخل وشافها جالسه مع جدته بالصالة يتقهون دخل عليهم وسلم على جدته وجلس بجنبها...

أم عبد الرحمن: أقول يمه متعب متى يجي مساعد...

متعب: هااااااه يا جدتي ليكون اشتقتي له..

أم عبد الرحمن: هههههههههههههههههه أكيد مشتاقة له مو ولد ولدي..

متعب بتعجب: افااااا وأنا مو مالي عينك...

أم عبد الرحمن: لا ماليها ونص.."ولمت أميرة بقربها"...أخاف أقول شئ ويزعل أميرتنا ونتعدى على حلالها...

أميرة بخجل: وش دعوة يا جدتي ترى متعب حلالك قبل ما يكون حلالي...

أم عبد الرحمن وقفت: الله يهدي سركم ويصلح بالكم بروح أتريح شوي قبل الغداء.."تركتهم لوحدهم قام وجلس بجنبها وناظر لها بحنان وحط يده على يدها"...

متعب: وشلونك الحين...؟؟..

أميرة تبتسم بخجل: أنا بخير...

متعب بهمس: دامك بخير أكيد أنا بألف خير.."وطال سكوتهم "...

متعب: اقدر اعرف من ايش متضايقة مني...؟؟؟..

أميرة بقهر: لم اتصلت بك بالمكتب كم مرة أقولك افصل الشغل عن البيت و قللت من احترامي قدام أخواتك وكل هذا ما تبغاني ازعل وأتضايق..

متعب بنرفزة: بس ما قلت شئ عشان يضايقك أنتي الله يهديك كلمتيني بوقت مو مناسب وكل شئ صاير فوق راسي....

أميرة بزعل: بس المفروض ما تكلمني كذا.."تنهدت"...عموما أنا نسيت كل شئ...

متعب بتعجب: يا سلالالام نسيتي كل شئ وأنا مو مهم إذ نسيت أو لا وبعدين ما تقولين متى قللت احترامي لك ولا قدام أخواتي بعد...؟؟..

أميرة: متعب اعتقد مو قاعدة أجيب شئ من عندي وما هقيتك تنسى بسرعة...

متعب: قلتلك ما اناسى إذ دققتي بكل شئ يا روحي راح تتعبين وأنا ما أرضى على أميرتي تتعب.."نزلت رأسها بخجل"..هااااه يا عمري أهم شئ راضية علي..؟؟..

أميرة بحنان: طول عمري راضية ولا عمري زعلت عليك...

متعب باهتمام: أميرتي ليكون تعورتي لما طحتي وقف قلبي وش رأيك نروح نطمن عليك وعلى دحومي...

أميرة: اطمن دحومي وأم دحومي بخير والحمد لله الزلقة بسيطة وما أثرت بي اطمن يا روح أميرة..اممممممم متعب...

متعب بهمس: عيون متعب...؟؟..

أميرة بخجل: بطلب منك طلب...

متعب بدهشة: طلب واحد بس واحد قولي طلبات مو طلب.."نظرة حب"..أمري تدللي كم أم دحومي عندي...

أميرة بدلع مخلوط بخجل: وحدة إلا هي أنا وما راح أكون طماعة هو طلب واحد بس وباقي الطلبات بخليها بوقتها..

متعب بتعجب: اهاااااااااا يعنى فيه طلبات اقل شئ جاملي وقولي واحد يكفيني عموما ولا يهمك بس ما قلتي وشو طلبك...

أميرة: بنت عمتي زواجها بعد يومين .."مدت بطاقة الدعوة له وأخذها"..وش قلت..؟؟..

متعب باستخفاف: تصدقين بطاقتهم فله وبنت عمتك هذه ذوقها يجنن هذا إذ دل يدل على أنها جناااان...

أميرة بعصبية: صدق ما تستحي راع شعوري ما همك إلا ذوق البنات متى تتأدب وتعقل...

متعب بدهشة: وش فيك عصبتي علي ما قلت شئ الحين..

أميرة مفوله: كل هذا وما قلت شئ متعب أنت وش ناوي علي تذبحني...

متعب بحنان مخلوط بحب: بسم الله عليك جعله بعدوك بس أنتي اللي يهديك ما خليتيني أكمل وأقولك جنااااااااااان على بنت عمتها العصبية الدلوعة...

أميرة بقهر وبنفس الوقت بخجل: متعب وش قلت نروح أو لا...؟؟..

متعب بتقرب لها: تبغين نروح.."هزت رأسها بأيه"...ولا يهمك نروح كم أميرة عندي..

أميرة تضحك: هههههههههههههه وحدة اللي هي أنا هههههههههههههههههههههههه

متعب يقهرها: والله ما خذه بعمرك مقلب أقول روحي شوفي الغداء دام النفس عليك طيبة...

أميرة بغرابة: بسم الله وش جاك توك وش زينك والحين رجعت ريما لعادتها القديمة..

متعب: لا وأنتي الصادقة رجع متعب لعادته القديمة...

أميرة ناظرت له بغرابة ووقفت: ما كذبت هاجر لما سمتك الدب الجائع...

متعب يجلسها: ما علي من هاجر..أهم شئ أنتي تشوفيني كذا..

أميرة تفكر: امممممممممم لا.. أنت أبو دحومي وبس..

متعب يبعد عنها بزعل مصطنع: أقول روحي عني أحسن لك قل ايش قال أبو دحومي ظنيتك بتقولين عمري وحياتي صدق اللي قال كلن يعرف قدره...

أميرة تبتسم بخجل ومشت عنه: وأنا ما قلت إلا الصدق ليش تزعل يا عمري أنت.."التفتت عليه وبوجهه علامات الفرح"...تشااااااو حيااااااااااتي..."وعملت بوسه على الهواء وانحاشت لما شافته ورآها"...

"""الجزء الخامس عشر"""

اليوم حفلة هاجر اللي حطتها ببيتهم وبحكم أن الجو معتدل صار كل شئ مرتب وأصبح مثل قاعة الحفلات الكبيرة وهم قاعدين بطاولة يسولفون حست بنظرات غريبة ما ارتاحت كذا مرة أميرة تناظر لها عفوية وحاولت تتذكر من هي يمكن تكون عارفتها لكن الوجه غريب علي..

عهود: بنت خلاص شوي وتذبحين البنت بنظراتك...

هند بقهر: ما تشوفينها وش صايره بنت اللذين صايره نجمة الحفلة عشان كذا متعب اختارها وباعني ولا شوفي القهر وش كبر بطنها...

عهود: قصري صوتك لا احد يسمعك وبعدين قولي الله يتم عليها هند ما أخبرك كذا شريه وش اللي صار لك كل هذا عشان اللي ما يتسمى انسيه خلاص...

هند: لا مستحيل أنساه بالسهولة يا عهود أنا أحبه تعرفين وشلون أحبه وبعدين أحسن خليهم يسمعون عشان تدري وتطلق منه ويرجع لي الحب اللي فقدته.."جتهم هاجر وجلست معهم"..

هند: أقول هاجر هذه نورة زوجت أخوك الكبير.."أشرت على خوله"...

هاجر بغرور: لا هذه خوله أخت أميرة أما نورة توفت الله يرحمها واخوي مساعد اخذ خوله واللي بجنبها أميرة..وش رأيكم فيهم..؟؟..

عهود: ما شاء الله على أميرة بصراحة مقفلة عليكم كلكم وفستانها بصراحة يا هاجر أحسن منك...

هاجر بغرور: عادي قولي اللي يريحك وحتى مرة اخوي مساعد وعشان تعرفون أننا ما نختار أي ناس.." وتناظر لهند بغرور"...

هند: بس لو ما هي بنت عمتك كان ما عرفتوها ولا أخوك تزوجها...

هاجر تبعد شعرها بطريقة دلع: يكفى أن اخوي مقتنع فيها...

هند بنظرة تحدي: بس مو مبسوط معها...

هاجر بسخرية: ومن قالك انه مو مبسوط حبيبتي..لا تنسين هذه زوجته ويحبها.." ناظرتها بغرور وقامت عنهم وتركتها..."...

عهود: هند...الله يهديك يعنى لازم تسوي هالمشاكل...

هند بصوت مرتجف: سمعتي وش قالت هالحمارة...

عهود تتلفت: هند...اضبطي نفسك شوي حنا ببيتهم ولا تنسين أنتي اصريتي تجين...

هند: تدرين وش قالت..قتلتني بكلامها.."ناظرت بأميرة اللي كانت تباشر مع هاجر وشكلها مبسوطة..لا..لازم واحد مننا يموت لازم وأنا مت ولا احد حس فيني حتى أنت يا متعب معقولة هالاميرة تأخذك مني وش فيها زود عني لازم احسم الأمر يا أنا أو أنتي يا أميرة وراح اكسب الجولة....

عزيزة: وليش توافقين برأيه المفروض كان اصريتي...

حصة: لا يا عزيزة ما حبيت اضغط عليه وخاصة بموضوع مثل هذا إذ تخرج إن شاء لله بياخذ نصيبه سواء مع بنت اخوي أو مع غيرها...

عزيزة بمكر: أقول حصة وش قصتك أنتي ناوية تشبكين العائلة كلها...

حصة بتعجب: وش قصدك ما فهمت..؟؟..

عزيزة: هههههههههههههههه خوله أخذت مساعد ونفس الشئ أميرة والحين جاء دور طلال تبغينه يأخذ هاجر...وش السالفة..؟؟..

حصة: لا سالفة ولا شئ واعتقد مافيها شئ إذ خطبت لولدي من الحين واختار له القريبة ولا البعيدة بكرة تلعوزه أو تقطعه عنا...

عزيزة: غلطانة يا أختي حتى القريبة تسوى أكثر تعرفين حماة عمتنا جهير مأخذه لولدها بنت خالته وشوفي وش مسويه لهم لعنه جدفهم جدف....

حصة: عاد هذيك قليلة أدب وتربية المهم ما علينا منهم الله يتسر علينا وعليهم...

عزيزة تتنهد: إيه والله ما علينا من خلق الله طيب الموضوع تقفل أو كيف..

حصة: إيه قال إذ جاء الوقت المناسب راح يقولنا ليش طايرين إلا وش أخبار مرت سلطان مالها شوف..

عزيزة: بيني وبينك شكلها متندمة على اللي سوته معنا وتشوفينها بدت تجتمع مثل قبل..

حصة: ترى الدنيا فانية صيروا أحسن منها اكسروا عينها بطيبتكم وأنتي عاد يا عزيزة ما تصيرين مع بناتك بكل شئ بدل ما تعلمينهم وشلون يكسبونها تعلمينهم وشلون يبعدون عنها....

عزيزة: والله أشوفها مغربلة بوليدي وتبغيني اسكت لا يا حصة بكرة تجيكم مرت طلال وتحسين اللي أحسه...

حصة: فال الله ولا فالك أن شاء الله ربي يرزق وليدي وحدة تحبنا قبل ما تحبه....

هاجر بدلع: خلاص عاد كذا أخرتني على ضيوفي...

رياض: لا تاخرتي ولا شئ مدري ليش تبغين تنحاشين مني...؟؟..

هاجر بصوت همس: أخاف منك...؟؟..

رياض بتعجب: افااااا ليش احد قايلك أكل لحوم البشر...؟؟..

هاجر: ههههههههههههههههههههه لا مأكل قلبي...

رياض بفرح: والله هاجر من صدقك تتكلمين أكلت قلبك...

هاجر بخبث: لو ما أكلته كان ما قلت هالكلام يله رياضي خلني أشوف البنات...

رياض: طيب بس قولي بالأول وش لابسه...

هاجر بدهشة: يووووووه استحي أقولك لبسي...

رياض يقهرها: ليش...وش لابسه هااااااه قولي وش لابسه...

هاجر: اسأل أخواتك يقولولك وش لبسي أخاف أقول أشياء مو فيه...

رياض: لا أنتي ما شاء الله عليك تعرفين توصفين صح يله قولي.."يا ربي وش أقوله أني لبسي جريئ مرة والله أحسن لي أغير الموضوع"....

هاجر: إلا رياض أختي تناديني عن أذنك أكلمك بعدين...

رياض: أعرفك تتهربين من سؤالي لكن يا هاجر بظل اسأل واسأل لين تقولين لي أنتي بنفسك وما راح أعطلك ومع السلامة....

هاجر: الله يسلمك.."قفلت وشافت فوز جت عندها"....

فوز: اللي اعرفه صاحب العزيمة يكون وسط ضيوفه...

هاجر بارتباك: إيه صح..هذه أمي تسال عن الأوضاع يله نروح لهم..."طلعت من الصالة وتركت فوز على حيرتها وش فيها هذه لما جيت اعتفست مرة وحدة.. "...

هند: لو سمحتي..."التفت عليها وبوجهها ابتسامة"....

أميرة: هلا أختي...

هند: أبغى المغاسل وين أحصلها...

أميرة تسبقها: تفضلي معي.."وصلتها للمغاسل وقبل ما تطلع وقفت على صوت هند"..

هند: اقدر أتكلم معك على انفراد...

أميرة بغرابة: معي أنا..."هزت رأسها بأيه"..مثل ما تحبين وش رأيك نطلع للحديقة....

هند بابتسامة مكر: اللي يريحك.."طلعوا وشافتهم بلقيس حست أن شئ راح يصير ليش صديقة أختها أخذت أميرة وطلعوا برا ليش مو هاجر الله يستر منها شكل البنت مو مطمن"...

متعب بتعجب: والله تقول صادق..!!...

سلمان منحرج: ليش تشوفني مو قد المسؤولية ترى أنا أعجبك وأحسن منك بعد..

متعب: لا من الناحية هذه أنا واثق وابصم بالمليون انك كفوا بس ما قلت لي مين راح تناسب..؟؟...

سلمان منحرج: يعنى تشوف مين أحسن وانسب ناس ينسبون مقامي الرفيع...

متعب: هههههههههههههههه والله ما خذ بروحك مقلب ولا تنسى الكل يتمنى نسبك...

سلمان: يعنى تشوف كذا...؟؟...

متعب بفرح: كذا ونصين...

سلمان باستهبال: دام كذا اجل على بركة الله ونقرأ الفاتحة..

متعب بغرابة: وش فاتحته وين حنا فلم مصري.."يقلد بصوته"..نقرأ الفاتحة هيييييه الظاهر فكرة الزواج لحست مخك...

سلمان: وش أسوي وأنا وأخوك ما هقيت الخبط ما علينا بصراحة بطلب يد أختك... هااااه وش قلت..

متعب متفاجئ: هذه الساعة المباركة...بس استفسار بسيط ممكن..؟؟..

سلمان منحرج: اعرف بتقول وش عرفك فيها أقولك أختي صديقتها بالجامعة وتمدح في أختك كثير وبصراحة أكثر أنا اللي سألتها إذ تعرف أختك أو لا لأني احبك وأنا أخوك وما اقدر على فراقك...

متعب: هههههههههههههههه تحبني تقوم تناسبني أخاف هذه الموضة هالايام أحب صديقي وأنسابه..

سلمان بقهر: ليش ما تبغى تناسبني تراك سمنت بعد ما أعرست وصارت لك كريشة...

متعب: هههههههههههههه افااااا وأنا أبو عبد الرحمن كم عندي سلمان واحد ويتشرط علي بس مقبولة منك وأنا وأخوك وصدقني لو ما خطبت أختي كان أخطبها لك مو حنا نمشى على المثل اللي يقول زوج بنتك قبل ولدك...

سلمان: هههههههههههههههههههههههههه وما تبغاني أناسبك.."ويقطع عليهم رنه جوال متعب"..الله الحبيبة ما تقدر على بعدك عقبالي إن شاء الله أشوف أختك يا متعب كل شوي تدق علي...

متعب: أول هذه مو الحبيبة مثل ومو بكيفك بسمح لأختي كل شوي تزعجني معك...

سلمان: ومن قال أنها تزعجك أنت مين زوجها أنا أو أنت..؟؟..

متعب: مو تتصل عليك خلاص يعنى تزعجني خلني أرد قبل ما يقفلون.."قام وراح لسيارته لكن ما لحق عليه ورجع يتصل"...أميرة بضيق وبعبرة مخنوقة: لو سمحتي لا تجيبي شئ من عندك...

هند تبتسم بمكر: لا هذا الشئ بالذات متأكدة منه وإذ مو مصدقتني اسألي بلقيس عني شوفي وش تقول؟

أميرة بضيق: بلقيس..؟؟...

هند توقف مقابلتها: إيه بلقيس اتصلت علي بعد ما أعطيت متعب رقم بيتنا وخطبتني لآخوها لكن جت ظروف موته أبوهم وقطعت علينا شوط كبير سويناه.."ناظرت لأميرة اللي ما كانت مصدقة وتناظر عشوائي للمكان وكأنها يغمى عليها"..اسمحي لي يا أميرة المفروض تعرف هالاشياء من زمان وقلت لمتعب يصارحك لكنه خاف..وحبيت تعرفين حقيقة زوجك المصون تدرين ما كان ودي أقولك كل شئ لكن هو اللي خلاني أقولك تصوري للحين يقولي ارفض ولا أتزوج لأنه يبغى يتقدم لي بعد كم سنة.."ناظرت لها أميرة بعيون تتطير الشر منها"..وبحكم الحب اللي استمر سنوات طويلة فكرت وقلت معه حق طول التعب والسهر وبالأخير نفترق خليك بمكاني أكيد راح تسوين أكثر من اللي سويته...

أميرة تتنفس بصعوبة: وأنتي طبعا رضختي لأوامره...

هند تتمسكن (تجعل نفسها مسكينة): يعنى لو أنتي بمكاني وش تسوين أكيد بتوافقين وهو قايل لي بعظمة لسانه انه مستحيل يفرط فيني...

أميرة ثارت من اللي سمعته: أنتي كذابة من وين لك هالكلام اللي تألفينه من عندك أنا واثقة من زوجي ومستحيل يسوى اللي قلتيه وبعدين وش بيني وبينك...؟؟...

هند بغرور: ما أجيب شئ من عندي روحي اسأليه وشوفي وش يقولك.."طلعت جوالها وفتحت رسايلها وخلتها تشوف رقمه برسالة وصورته اللي أرسلها لها" ..تاكدتي أنا ما أجيب شئ من عندي وإذ مو مصدقتني روحي اسأليه عني وعن اللي بيننا وشلون أنهدم.." ناظرت لجوالها بصدمة قوية مو قادرة تستوعب شئ.."...

بلقيس تناديها: أميرة..ادخلي جوا برد عليك.. "لكن أميرة كانت بعالم متعب الخاين..."...

هند بنظرة مكر: وهذه هي بلقيس إذ مو مصدقتني اسأليها..؟؟..

بلقيس توقف عنده بغرابة: تسألني عن ايش.."ناظرت لأميرة اللي كانت مصدومة"..وش فيكم أميرة..؟؟.."قامت هند ودخلت جوا وتركت أميرة وبلقيس يتكلمون قالت لها كل شئ سمعته من هند"...

أميرة تبكي وبصوت عالي: ليش يا بلقيس...ليش كذبتوا علي ليش..؟؟..

بلقيس تهديها: الله يهديك يا أميرة تصدقين كلام وحدة كذابة...

أميرة تحاول تضبط نفسها: وشلون كذابة وعندها الأدلة ليش خبيتي علي يا بلقيس...؟؟...

بلقيس: هذه مبين عليها من البنات اللعابات اللي يهمهم إلا خراب البيوت ما عليك منها ولا تحطين كلامها براسك...

أميرة بين دموعها: يعنى لو هالكلام سمعتيه عن فهد بتسكتين...؟؟...

بلقيس: أكيد اسكت لأني واثقة من زوجي والمفروض تكونين واثقة بأخوي هي بس تبغى تشكك بمتعب وش عرفها فيه لا تخلين كلام مثل هذا يأثر عليك صيري أقوى منها لا تصدقينها مثل ما قلت هذه تـ....

أميرة بصدمة والدمع تنزل منها: ورقمه رسالته وصورته مين وين جابتهم..

بلقيس تمسكها: تعالي...."وجلستها"...هذه كذابة وتـ...

أميرة بصوت شوي عالي: لا..انتم كذابين شوفت عيوني وشلون جابت صورته كل هذا وما تبغيني أصدقها.."حطه يدها على وجهها وبكت ما قدرت بلقيس تشوفها كذا وعالطول حضنتها بقوة وجلست تهديها لكن أميرة من اللي فيه قامت عالطول راحت لغرفتها وقفلت عليها.."...

خيانة...وانتهت أخر سوالف عشقي المجنون

في ليلة حلمي الوردي تحطم في نهايتها

في ذيك الليلة كان أهون علىّ أحياء بدون عيون

ولا أشوف اللي شفته من حبيب قلبي ساعتها

بعيني شفته ما هو حكي وخيال ظنون..

بعيني ليت عيني عمرها ما يوم حابيتها..

وقفت لسان حالي يقول ليه ومن متى وشلون

عسى ألقى سبب واحد يبرر لي خيانتها..

أنا ما كان عندي شك ولا واحد من المليون

بصدق اللي تقوله عن غلاي وعن محبتها..

خيانته أعطت حجة لكل اللي يبى يخونون

ومن هالليلة كل خاين يتعذر بقصتها

مدام بالبشر خانوا حرام الباقي يلامون

بكلمات الوفاء لا عاد احد يطري سيرتها....

جالسه بأحد زوايا الغرفة المظلمة وكانت شهقاتها تملئ أرجائها.. تذكرت كلام هند والأدلة اللي جابتهم هي ما تكذب وش مصلحتها من هذا كله لا مو خرابه بيوت مثل ما قالت بلقيس هذه حبيبته وكان ناوي يخطبها لكن الظروف وقفت بينهم طيب ليش بلقيس أنكرت ليش..؟؟ مين اسأل ..؟؟ مين اللي يقولي..؟؟ متعب..!! مستحيل..أصلا ما في احد يفضح نفسه وخاصة إذ كان له ماضي...لحظة...ليكون هذه اللي سمعته يقول أنقذتني منها وإذ ما وقفتها عند حدها يعنى حتى صاحبه عند خبر وعارف.. معقولة.. كل هالمدة أكون مخدوعة مع إنسان ما عمره حبني وأكيد يشوف حبيبته فيني.. هند... هذا الاسم قاله يوم كان مريض صح كل شكوكي صح.. والحين كل شئ صار ضده واصلا ما عقب الصورة شئ.."لمت نفسها وبكت ضاغطة على بطنها تخفف من حدة الألم".. حرام عليك يا متعب والله حرام.. وش سويت عشان تعاقبني كذا..؟؟ وش قصرت معك فيه..؟؟ قطع عليها طق باب غرفتها وسمعت صوته يناديها وكان صوته مرة عالي شكل.. ما لقت له بال بالمرة وطقات الباب تزيد وصوته يعلى قامت ومسحت دموعها ووقفت قدامه بكل تحدي وشافت نظرات الخوف بعيونه وهو يطالع المكان والأشياء المتكسرة المرميات على الأرض...

متعب بغراية: وش فيك..؟؟.. ليش مقفلة عليك الباب...؟؟..وش صاير لك..؟؟

أميرة تناظر له بتحدي: أنا حرة بنفسي مالك دخل فيني..

متعب بغرابة وبنفس الوقت بقهر: بعتبر اللي قلتيه ما سمعته وش فيك..؟؟ أنتي وش اللي جاك..؟؟ ..وليش الغرفة كذا..؟؟..

أميرة تلف عنه وبوجهها ابتسامة خبث: مسوي نفسك ما تدري.."لفت عليه بقهر ونار الغيرة تطلع من عيونها وكل مافيها يرجف"..ما ظنيت حبيبة القلب والروح تبلغك بالإخبار بسرعة....

متعب تقدم ووقف مقابلها وعيونه تتطاير شر: أميرة تكلمي مثل الناس أنتي وش تخربطين...

أميرة بصوت عالي وتبكي: لا تتظاهر كأنك مو عارف شئ.. ولا تلعب دور البرئ المسكين.. خلاص كل شئ انكشف ومالها داعي تتستر على ماضيك القذر مثلك يا حقير.... يا خاين.... وعرفت حقيقتك وحقيقة هند...؟؟...

متعب بصدمة: هند..!!.." بنبرة حنان".. أميرة كبيري عقلك ولا تتهورين ولا تنسين يا عمري.. أنتي قلبي وروحي... بس اهدئي وراح أفهمك كل شئ...

أميرة تبكي: كـــــذاب...هند...حبيبتك اللي كنت ناوي تتزوجها وخليت بلقيس تكلمها ولا تنكر لان شفت الأدلة اللي عندها الصورة والرسايل وفواتير الهدايا من معرضكم ورقم جوالك وكل شئ...

متعب يتنفس بصعوبة: أميرة... استهدي بالله وخلينا نتكلم بالعقل...

أميرة بصراخ: أي عقل اللي تتكلم عنه أنت أصلا خليت فيها عقل لو أنت عاقل مثل ما تقول ما خليت وحدة مثل هند تلحس مخك وتجرك لها...

متعب بعصبية وصوت أعلى من صوتها: أمــــــــيــــــرة..."مسكها من يدها بقوة وهزها".. اقسم بالله لو أنتي مو.."كان بيقول حبيبتي عشان تحس بالحب اللي شايله لها وهي تكذبه لكنه تراجع بسرعة وخاصة أنها ثايره الحين وأكيد راح تكذبه"... كان تعرفين وشلون أتعامل معك.."عالطول دفعها على السرير بقوة"...

أميرة تبعد شعرها ووقفت بسرعة: لو انك رجال وريني وشلون تتعامل معي...

متعب بكل عصبيته: رجال غصب عنك..."وكفخ أميرة كفخه طيرت مخها وطيحتها على الأرض رفعت رأسها وسكرت عيونها وخلت دموعها تنهمر متعب تدارك نفسه وش سويت ضربت أميرة...ضربتها...ضربها بكل قوته وبكل قهر وبكل غضب ظلت أميرة على الأرض تتلوى ما تدري من الم بطنها أو الم الكف او الم قلبها المجروح ومتعب واقف مكانه يرتجف يبغى يروح لأميرة لكن للحين كلامها مآثر فيه... ضاع الكلام منه ومن غير أي تفكير طلع من الغرفة وتركها... كانت يده تحرقه الكف اللي أعطاها قوي حس انه ناقص رجولة لان صفع بنت مثل أميرة هي ما كانت بوعيها يوم قالت اللي قالته بس بعد مو من حقي أني اضربها... متعب ظل واقف عند باب الغرفة الم قلبه وأعصابه داخل الغرفة وروحه المجروحه من كلام أميرة باتجاه ثاني... كان يطالع يده يحس نفسه مجرم وناقص وعالطول طلع من القسم ومن البيت بكبره ولا هو عارف وين وجهته... ركب سيارته وتفكيره كله مع أميرة اللي تركها على الأرض تبكي بألم...خلاص..الحلم الجميل انتهى .. والمستقبل اللي ما أنولد مات والحب اللي بقلبه انقلب إلى الم وأحزان تمنى متعب الموت بذي الليلة ولا يسمع الكلام اللي سمعه تمنى يكون أي احد لكن ما تمناه من أميرته ومو عارف كيف الأيام بكرة راح تقابلهم...

كان جالس بغرفته يفكر بالإنسانة اللي احتلت كيانه من غير احم ولا دستور.. قطع عليه تفكيره أخته بعد ما جلست على السرير واستوعب انه كان سرحان بحبه الخفي...

فوز بخبث: الحبيب وين سارح..؟؟ هااااه.. اعترف وما راح أقول لأحد...قول وش عند اخوي الهايم...

رياض بإحراج: مالت عليك.. وش تبغين..؟؟ أعرفك إذ بغيتي شئ تتمصلحين...

فوز تتقرب له: ما عندي إلا كل خير يا اخوي الغالي بس أبغى طلب صغنووووون ممكن أو لا الله..؟؟ يخليك قل ممكن قل...؟؟..

رياض: هههههههههههههههههههههههههههه يا كثر مطالبك يله وش عندك الحين...

فوز بفرح: أبغى أروح لسوق تكفى رياضي لا تقول لا...

رياض: هههههههههههههههههههههههههههه يلعن أم المصالح قلبتيني رياضي مو سياسي.. ابشري يا حرم الأستاذ مشعل بس المتعارف عليه كل طلب بطلب..يعنى وحدة بوحدة وإلا وش رأيك..؟؟.." غمز لها"...

فوز بغرابة: وشلون يعنى...؟؟..

رياض: مثل ما تبغين اوديك لسوق أبغاك تساعديني بموضوع مع أمي...

فوز بتعجب: ابشر.. بس على حسب نوعيه الموضوع أخاف يكون كبير علي ولا اقدر أسوي لك شئ وبعدين ما توديني...

رياض: ههههههههههههههههههههههه لا تقدرين عليه.. أبغاك تقولين لامي دامني الحين ما بقى على تخرجي غير هالترم ابغاها تخطب لي..؟؟..

فوز بدهشة: من صدق رياض وليش العجلة اصبر..تخرج بالأول وتوظف وبعدين فكر بالزواج...

رياض بقهر: أشوف اخلفتي الشرط يعنى ما راح تساعديني خلاص اجل ما فيه سوق..."تكتف وصد عنها للجهة الثانية"..

فوز تجره من يده: لا أخلفت ولا شئ.. بس أنت فكر بعقلك قبل أي شئ وراح تشوف أن كلامي صح..

رياض: يا الغبية أنا قلت خطبة ما قلت زوجوني يعنى مثل ما يقولون بحجزها...

فوز بمكر واضح: اهاااااااااا طيب مين سعيدة الحظ...؟؟..

رياض بحياء: تعرفينها.."نزل رأسه"..هاجر بنت خالي..؟؟..

فوز بغرابة: وليش هاجر..؟؟ توقعت بتقول روان بنت عمي؟؟..

رياض بقهر: سالفة روان انتم اللي مركبينها علي وإلا أنا عمري ما طريتها وليش هاجر؟؟ لأني شفتها مرة ودخلت مزاجي...

فوز بخبث: بمزرعتنا صح...

رياض بتعجب: وش عرفك..؟؟..

فوز: ما يخفى علي شئ وتصدق كنت حاسة بتقول تبغى تتزوجها لأني اعرف ذوقك صعب ودامك شفت هاجر ودخلت مزاجك مثل ما تقول....اممممممم الله يوقفكم...

رياض بفرح: يعنى راح تساعديني وتقنعين أمي إن شاء الله...

فوز: أكيد بس بكرة لازم توديني ولك مني يا رياض أول ما نرجع من السوق أفاتحها...بس أنت متأكد تبغى هاجر مو روان..؟؟..

رياض بدهشة وبقهر: ايه..هاااااااااااااااااااااجر بنت خالي عبد الرحمن وش فيك أنتي ليكون تبغوني اخذ هالمومياء غصب...

فوز: ههههههههههههههههههههههههههههه يا ويلك من الله شبهت روان بالمومياء ياويلك منها لو تسمعك..

رياض ينسدح بقهر: وأنا وش علي منها..أقولها ثور تقول احلبوه...

لمى تطل عليهم: مين الثور...؟؟؟...

رياض باستخفاف: أنتي يا ست لمووووو...

لمى بقهر تجي عنده: أنا ...أنا ثووور...يا خايس.."واخذت المخدات تضربه فيها وهو يضحك على رده فعلها الجنونية لين مسك يدها بقوة وهو يضحك مع فوز"...

لمى بقهر: فكني لا أقول لأبوي وأنتي هين اوريك تضحكين ولا تساعديني على الخايس..

فوز وقفت: لا حبيبتي... هالخايس...اقصد المزيون عندي له مصلحة ولازم اخضع لأمره غصب أو طيب..." طلعت وتركتهم"...

لمى تلف على أخوها اللي قام من السرير وجلس على الجهاز: وشو المصلحة يا ....."سكتت"...

رياض ما نظر لها: يا ايش..؟؟...

لمى بقهر: ولا شئ...رياض...

رياض بلامبالاة: تبن...

لمى بدهشة: تبن...!!...ما عليه... رياض...

رياض: هاااااااااااه وش تبغين ازعجتيني...

لمى: وش المصلحة اللي مع فوز.."وبدل ما يجاوبها دق على صديقه خالد وقاله عن الموقع المتفق ويتقابلون فيه.. انقهرت لمى على بروده وطلعت بقمة قهرها وراحت لفوز تحقق معها"....

رياض بتردد: هاجر...فيه موضوع حاب اعرف رأيك فيه..؟؟..

هاجر عدلت جلستها باهتمام: تفضل...

رياض: عندي صديق عزيز يحب بنت عمه ويبغى يرتبط فيها برأيك وشلون يبلغها..؟؟..

هاجر: محلوله يجس نبضها بالأول بس ما قلت لي هو قد كلمها أو قد شافها..؟؟..

رياض بارتباك: الصراحة إيه ويحبها لدرجة ما تتصورين..

هاجر: خلاص اجل يتوكل على الله ويقولها أني احبك وأبغى أتزوجك اعتقد ما فيها شئ..

رياض: المشكلة مو هنا...

هاجر بغرابة: اجل وين...؟؟..

رياض: قلتلك صديقي يعنى للحين يدرس وما كون نفسه يعنى ما عنده دخل يعتمد عليه..

هاجر: اهااااا من وجه نظري ما في أي مشكلة إذ كان قريب لها له الحق من غيره يتقدم ولو بخطبه قدام الناس على الأقل وإلا وش رأيك...؟؟..

رياض بهمس: رائي بايش...؟؟..

هاجر بارتباك: اا...باللي قلته...؟؟..

رياض: أنتي تشوفينها كذا...

هاجر بغرابة: أكيد...ليش أنت تشوف شئ ثاني...؟؟..

رياض بشجاعة: هاجر... افترضي أنا هالشخص وأنتي بنت عمي وش راح يكون ردك.."انصدمت من سؤاله اللي عمرها ما خطر ببالها ولا توقعت من ورآه هالمكالمات أن يخطر بباله هالموقف معقولة يلمح لي أو أتوهم وفعلا يبغى يعرف رأيي بصراحة رياض ما ينرد يكفى روحه الحساسة والبريئة ونفسه الطاهرة وفوق كل هذا مهتم فيني... يوووه معقولة الاهتمام ينقلب لحب.... حب مرة وحدة لو أني السندريلا وإذ حبني أصلا حب فلوسي أو بعبارة أدق حب حلاله اللي راح يحصله من ورأي قطع تفكيرها صوته لما نادها"....

رياض يبتسم: شكلك نمتي على الجوال وين راحتي..؟؟..

هاجر بخجل: لا موجودة انتظرك تكمل..؟؟..

رياض: وأنا خلصت كلامي انتظر جوابك...؟؟.

هاجر تستهبل: أي جواب...؟؟..

رياض بقهر: هاجر... مو وقت الاستعباط ما قلتي وش رأيك موضوع صديقي مع بنت عمه؟؟

هاجر باستخفاف: طيب ما فيه حذف إجابتين...؟؟..

رياض: هههههههههههههههههههههههههههههه لا ما فيه يا إيه أو لا...؟؟..

هاجر: لو أنا مكانها وبكل صراحة وأمانه إذ ولد عمي يحبني بكل صدق وحسن نية ويستاهلني فليش لا...

رياض مبسوط: وأنتي ما راح تبادلينه هالحب...؟؟..

هاجر بخجل: أكيد ببادله ويمكن حبي راح يطغى على حبه محد يدري...

رياض: هههههههههههههههههه والله انك مغرورة ويمكن هو يحبك لحد الجنون وما يقدر على بعدك..

هاجر بتكبر: لا مغرورة ولا شئ بس مرات الحقيقة مرة...وأهم شئ يحبني لذاتي مو لشئ ثانية أو لهدف يسعى له...

رياض بغرابة: هدف...!!! وش قصدك..؟؟..

هاجر بملل: أنت وش قصتك اليوم..؟؟...

رياض: قصتي يا طويلة العمر ناوي أتقدم أخطبك إذ ما عندك مانع..؟؟..

هاجر بصدمة: تخطب مين..؟؟..

رياض: أخطبك أنتي ما اخبر عندك أخت ثالثة..."أنصدم من ضحكتها العالية"... ما اعتقد قلت شئ يضحك..؟؟..

هاجر: هههههههههههههههههههههه إلا قلت نكته بعد هههههههههههههه وشلون تخطبني وأنا ما خلصت دراسة وفوق كذا حتى أنت..

رياض بقهر: اعتقد صديقي مو أحسن مني وبعدين نخليها خطبه علنية وخاصة أن الترم الجاي أخر ترم بعد وبعدها أتوظف وأكون نفسي ونبدأ بكل شئ هااااااه وش رأيك..؟؟...

هاجر بخبث واستخفاف بنفس الوقت: بصراحة رياض فاجئتني... أصلا قبل ما تعرف رأي اعتقد لي أخوان هم أولياء أمري ولهم الحق يوافقون أو يرفضون..

رياض بغرابة: أخوانك..!!..تتوقعينهم يرفضوني؟؟..

هاجر بتكبر: ليش لا ...

رياض بضيق: وليش يرفضوني..؟؟..

هاجر بغرور: بكل بساطة انتم تجاملون مو حبا فينا حبا للحلال صح أو عندك كلام غيره..

رياض بقمة القهر: حلال...هذا تفكيرك الحين..

هاجر بثقة: إيه وما عندي كلام غيره أنت من صدقك أخواني راح يبعوني لك عشان عمتي اللي هي أمك تقدر تلوى ذراعهم حتى لو قلت بفكر أخواني رافضينك من الحين يعنى غسل يدينك ولا تعور قلبك...

رياض يحاول يتمالك نفسه: طيب كل هالمدة اللي بيننا معقولة ما عرفتي وش أبغى منك ووش مشاعري اتجاهك..؟؟..

هاجر ببرود: لا..

رياض بعصبية: والمكالمات اللي بيننا ما خطر ببالك وش نهايتها ما فكرتي وش سبب هالمكالمات والاهتمام فيك ليكون أنتي من النوع اللي يحب يتسلى وأنا ما ادري...

هاجر بقهر: رياض لو سمحت عن الغلط اعتقد ما قلت شئ يعصبك وتزعل ولا تنسى أني صريحة أكثر من اللازم ولا تقول أن صراحتي زعلتك والأفضل انك تعرف من الحين مو تنصدم يعنى سويت خير لك..

رياض يتمالك نفسه: صح كلامك سويتي خير وليتني ماعرفت صراحتك... وأسف على كل شئ تصبحين على خير..

هاجر تعظ على شفتها: لحظة رياض...

رياض بضيق: خير يا بنت خالي فيه شئ بعد ما قلتيه..

هاجر بإحراج: لا بس حبيت أقولك لا تقطع...

رياض بابتسامة جانبية: طيب...باي"من غير ما يسمع صوتها قفل عالطول السماعة ومرة وحدة الجوال كله وحاول ينسى اللي قالته كل المدة ما تعرف أني أحبها وأبغى قربها اجل وين راح كلام الغزل معقولة البنت تلعب بمشاعري هذه هاجر اللي طلال حذرني منها ومن دلعها أكيد دلوعة وإلا ما خلوها أهلها على كيفها تسوي اللي تبغى أحسن لي أنام وأنسى اللي صار أصلا مو كفوا احد يفكر بأشكال مثل هاجر...استغربت هاجر من طريقة وناظرت لجوالها بغرابة هذا وش فيه وش قلت عشان يزعل ليكون يحسبني مثل البنات اللي متعرف عليهن أرضى بكل شئ بسهوله لا أنا هاجر والظاهر ما عرفني للحين رمت جوالها على السرير وجلست على كمبيوترها تشوف مين اللي متصل على النت...وبداخلها تضحك عليه قال ايش قال بيخطب هههههههههههههههههه"...

دخل القسم وكان الظلام يعم المكان وما تصدر أي صوت ولا حركه دخل للغرفة وما لقى لها اثر وين راحت..؟؟... فتش بكل مكان وينها..؟؟ معقولة تركت البيت طيب وين راحت بذا الوقت طلع يدور عليها لكن وين أدور أخاف احد يحس أن بيننا شئ وما أبغى احد يعرف وخاصة الوالدة وقف على الدرج يفكر وين يروح رجع مرة ثانية للقسم ومن غير تفكير اتصل على جوالها وما هي إلا ثواني يسمع نغمتها المميزة راح لمكان جوالها وشاله وكان المتصل عمري وحياتي متصل بك... أنتي اللي حياتي... وأنتي عمري... والروح اللي فيني... وينك يا أميرتي وينك فيه..؟؟ قفل الجوال وجلس على السرير بتعب ناظر يده اللي انمدت عليها وصار يفركها بقوة المفروض تمالكت نفسي مو أتهور أكيد راحت لأختها اجل وين تروح بكرة الصباح أروح لبيت مساعد واسأل عنها وأنا وش منطرني لبكرة أدق على مساعد بسأله بالأول وقبل ما يدق رقمه استوعب ان الساعة 4 إلا ثلث وأكيد هو نايم متى اتصل اجل الله يصبرني على هالحال وكان الله استجاب دعائه وسمع أذان الفجر يأذن قام توضئ وراح للمسجد وبعد ما خلصت الصلاة عالطول اتصل بمساعد لأنه متأكد الحين صاحي.."...

مساعد بتعجب: متعب وش فيك متصل بذا الوقت أمي فيها شئ...؟؟..

متعب متضايق: لا أمي الحمد لله بخير بس ما قلت لي أنت وينك الحين بالبيت أو لسه بعدك برا...

مساعد: لا توني داخل البيت ليه وش فيه...؟؟..

متعب يتنهد بضيق: طيب...إذ خوله عندك اطلع برا أو رح لمكان بعيد.. فيه شئ بسالك عنه وما أبغى احد يعرف.."قام مساعد من الكنب وهو يشوف عيون خوله اللي مليانه سؤال لما نزلت من الدرج"...

مساعد: وهذا أنا بالغرفة وش عندك..؟؟..

متعب بضيق: أميرة عندكم...؟؟..

مساعد بدهشة: أميرة..!! وش جابها عندنا...؟؟..

متعب يبلع ريقه بصعوبة: أنا سألتك وجاوبني بصراحة ريحني يا اخوي..؟؟..

مساعد بجدية وخوف على حاله: أميرة مو عندنا وحتى لو عندنا ليش نخبي عليك وش صار بينكم.."جلس متعب يقوله كل شئ باستثناء الكف لان هالشئ راح يقلل من قيمته كرجل عند أخوه وخاصة أن مساعد قد مرة سمع أهله زمان عن موضوع البنت اللي اختارها لكن ما لقى بال مثل ما قالهم هذه حياته وهو حر فيها"...

مساعد: اتصل على عمتي واسأل هناك عنها..

متعب بعصبية: من صدقك أنت تبغى أجيب لنفسي المشاكل محتار يا مساعد دلني والله ضايع ومو عارف وش أسوي...

مساعد يناظر لخوله اللي دخلت وكأنها متضايقة: خلاص انتظر مني اتصال.. مع السلامة..

خوله بخوف: وش فيها أميرة..؟؟..

مساعد بنظرة عصبية: أنتي تتصنتين علي...؟؟..

يتبع ,,,,

👇👇👇

تعديل المقال