رواية حياتي عذاب -22

رواية حياتي عذاب -22

اميرة تبعد عنه: وقالت مو حنا اللي نبيع بناتنا عشان.. "تحاول تضبط من صوتها".. ابوي ما تدخل ولا حتى أخواتي لان أمي مصره أن كل شئ يتم.. ولا اعرف ليش السبب ما كنت اشتكي لأحد لكن لما شفت أن مصيري مرتبط بك سلمت أمري وتوكلت على الله.. بعد الملكة حاولت أتقبل وضعي كإنسانه متزوجة لدرجة أحاول أني أجاري الناس لكن بداخلي.."أشرت على قلبها".. كان كل يوم يبكي وما احد يحس فيني.. في يوم الزوج تقدر تقول أني على حافة الموت كأني انقاد للسياف عشان ينفذ الحكم علي

متعب بضيق: وطبعا أنا السياف..

أميرة مشت عنه: كنت مذبوحة وما ادري لمين استنجد على وعسى احد ينقذني أمي باعتني وأبوي تخلى عني وبعد ما صرت تحت سيطرتك كل يوم اكتشف فيك أشياء كنت اكبتها بداخلي لأنك زوجي وواجب علي أتحمل واصبر.."تنهدت بتعب"...وبعد ما عرفتك بمحاسنك وسيئاتك حبيتك وما صرت أشوف بالدنيا إلا أنت لدرجة أني ما أشوف السيئات اللي فيك كنت أشوفك الملاك اللي ما يخطى أبدا.."بصوت مرتجف".. وفجاءة الملاك يكون له ماضي قديم من سنوات ملتزم فيه يتخلله حب متبادل وانسجام وتوافق وبالأخير وعد.."التفتت عليه وكان منزل عيونه".. ياليتني ما أخذت هالملاك ولا أنكوي بنار الخيانة...

متعب يحاول يهديها ومسكها من كتفها: أميرة... بلاش من هالكلام منو قالك أني خنتك.. والله يشهد مالا فكرت اخونك أميرة اللي فات مات وحنا عيال اليوم...

أميرة بصوت شوي عالي تفلت منه: عشانكم تغلطون وتقولون اللي فات مات لو اجيك بنفس غلطتك وش بيكون ردك لي اللي فات مات أو ورقتي ترميها بوجهي..؟؟..

متعب بحنان: أميرة اهدئي وبلاش هالعصبية..؟؟..

أميرة بعصبية: واللي سويته يخلي الواحد ما يعصب أنا بعرف شئ واحد كيف تخليت عنها وعن حب استمر لسنوات وتقبلني زوجه لك وأنت ما تعرفني.. وشلون...؟؟...

متعب ابتسم: النصيب يا أميرة نصيبي يكون معك وأنا راضي فيه..

أميرة تبتسم بسخرية: نصيب..!!!.. صدق نصيب الحين عرفت سبب المسجات اللي كل يوم تجيك وتقول ربعك.. وتغير رقم جوالك وتقول الشريحة احترقت.. ما تصورت بيوم من الأيام أكون مغفلة ومخدوعة فيك.."بنبرة مخنوقة"... متعب: كل هذا سويته عشانك عشان ما أكون خاين معك..

اميرة بابتسامة حزن: والصور ورقم جوالك وفواتير الهدايا من معرضكم وذكرت اسمها يوم انك مريض وش تسميه كل هذا لا تقول أنها تلفق وأنت بريئ...

متعب قرب منها يحاول يمسكها لكنها فلتت بسرعة: أميرة أنا اعتذر على كل شئ.. انا غلطت وهذا كان ماضي بالنسبة لي.. ولما عرفتك نسيته لاني اخترتك بكيفي مو احد جبرني .. أميرة أنتي حياتي اللي اشوفها قدامي أنتي حبي الأول والأخير.. أنتي روحي.. وكل شئ.. بس لا تسوين بنفسك كذا وهند والله انتهت من حياتي من أول ما ارتبطت فيك ولا قد مرة فكرت أو حاولت أفكر أني اخونك معها.. والله يا أميرة إذ حلفي ما يكفيك لك اللي تبغينه والله لأسويه لك بس أهم شئ رضاك علي..

أميرة تمسح دموعها ونظرة سخرية: انتهت من حياتك وشلون..؟؟.. وأنت صدمتني بحياتي وصدمتني فيك ليش ما تزوجتها..؟؟ عشان أمك غصبتك علي أو عشان الحلال؟؟ ترى عرفت انك مغصوب مثلي مثلك ولا تظن أن كل شئ يتخبئ عرفت كل شئ ولو جدتي كان ما أخذتني للحين وأنت رافض الزواج مني عشان حبيبتك اللي خالتي رفضتها وتنومت بالمستشفى بسبت عنادك وإصرارك عليها وبالأخير اطلع أخر من يعلم وانقاد لك بالقوة وغصب عني وكأني أنا الغلطانة وأنت ما فكرت إلا بنفسك وبس... وانت الحين بالنسبة لي ولا شئ.. تعرف ولا شئ.. يعنى انت انتهيت من حياتي ولا عاد تهمني بشئ.." طلعت من الغرفة وتركته لوحده يفكر باللي قالته هذه مو أميرة اللي عرفت.. هذه إنسانه ثانية.. يا خسارة يا أميرة ما هقيت أن قلبك الطيب والحنون يقسى على حبك الوحيد والأبدي علي..

مرت أيام على اللي جرى عليهم وكل ما حاول يتقرب منها كانت تبعد خطوات ومسافات عنه..

شماء: بصراحة أميرة غلطانة المفروض ما تسوى اللي تسويه..

خوله بقهر: لا يا شماء أميرة من النوع الصعب اللي يفهم وطبعها عنيد وأمي تعاملت معها بنفس طبعها.. ولا تنسين من أول ما انخطبت وأمي دايم ضدها وتسوي كل شئ بكيفها حتى زواجها ما أخذت رأيها يعنى لو أنتي بمكانها وش تسوين..؟؟

شماء: صح ازعل يوم يومين بس مو مثلها أنا معك أن أمي كانت قاسية مع أميرة وخاصة لما غصبتها ترجع بس مو أقاطعها وبعدين أمي تبغى مصلحتنا..

خوله: لا تظنين طريقة أمي هي انسب طريقة بصراحة أنا لو بمكان أميرة يمكن أسوي أكثر منها..

شماء بغرابة: هذا وأنتي العاقلة تقولين كذا اجل ما تنلام اميرة..

خوله بحزن: بلام ما تعرفين شئ..

شماء: وش اللي ما اعرفه..؟؟..

خوله: أميرة عنيدة مأخذه الطبع من امي..

شماء بهمس: طيب وش سبب الزعل بينهم.. أمي ومشينا عليها لكن أنا أختكم ولي حق اعرف .. مو خلاص أخذتي أخوان وصرتوا تخبون كل شئ علي...

خوله تبتسم: لا مو السالفة كذا بس نفس اللي قلته ما فيه شئ مهم وأميرة تعرفينها من النوع اللي ما يتحمل...

شماء بعدم تصديق: اهاااااااا طيب متى ترجع من السفر..

خوله: ما ادري يمكن على الأسبوع الجاي..؟؟..

شماء بقهر: والله ما لقاها إلا أميرة تسافر وتغير جوا ولا همتها الدراسة ولا شئ..

خوله تناظر لها بدهشة: حاسدة أختك على السفر..

شماء بتعجب: ما شاءالله عليها الله لا يجيب الحسد..

خوله: تدرين أحسن لها.. ولا تظنين اللي جاها شئ سهل وأميرة محتاجة تغير جوا والدراسة لحقه عليها...

تشكي لبنت خالتها الوحيدة اللي تعرف مشكلتها.. بالغرفة جالسات..

هاجر بزعل: أقولك مقفل جواله تقولين أكيد مو عنده.. شئ يقهر...

بشاير بتفكر: يمكن الأوقات اللي تتصلين عليه يكون نايم أو ما فيه بطارية..

هاجر بقهر: أنتي وش فيك أقولك لمى كلمته قدامي وعالطول قمت ودقيت عليه وحصلته مقفل بشاير وش تفسرين من الحركة...؟؟...

بشاير: أفسر شئ واحد انه عنده رقمين..!!...

هاجر بتعجب: رقمين..!!!.. ليش الرقمين؟؟..

بشاير بمكر: يا حبيبتي يا هاجر معقولة ما تعرفين حركات الشباب.. البعض معهم 5 أرقام عشان كل رقم لحبيبه يعنى تتوقعين أن ولد عمتك مو منهم وفيهم.. ترى كلهم بالهواء سوا والدليل أخوك متعب وحبه القديم...

هاجر بتفكير: معقولة اللي قلتيه.. معقولة يلعب فيني ويلعب بمشاعري.. لا ما اعتقد رياض أعقل واكبر من هالسوالف..

بشاير: اجل خليك على غبائك يا الذكية الذيب ما يهرول عبث يتمسكن لين ما يتمكن ورياض واحد من الشباب اللي يدور على التسلية والحب وحصله عندك.. إلا ما قلتيلي أنتي تحبينه..؟؟..

هاجر بخجل وارتباك: هااااااه...ما ادري يا بشاير..!!..

بشاير بتعجب: وشلون ما تدرين احد يكلم ولد عمته ولا يعرف نهاية هالمكالمات أو اقلها تحسين فيه..

هاجر تسرح: ما ادري.. اللي اعرفه أني اشتاق له وتعودت على صوته وأسالته عن دراستي وكان يشجعني بكل شئ يكون من صالحي...

بشاير: يعنى من كلامك انك تحبينه.. والدليل شوقك له.."هزت راسها بخجل"... طيب وهو ما قد طرا أو لمح لك شئ يعنى من الأمور...

هاجر تناظر لها بخجل: إلا تحصل بعض الكلام الحلو بس أتوقع مو من قلبه أو من غير قصد...

بشاير تهز رأسها بيأس: أنتي من صدقك واحد يقول لوحدة يا حبي أو يا عمري.. وما تكون من قلبه إلا أكيد لها معنى وشوفي وش معاني رياض لك.. وبعدين تلقينه طايح عند وحدة غيرك يوم ما شاف عند رجاء..

هاجر بضيق: لا ما اعتقد رياض عاقل ومو معقولة يستهين في علاقتنا...

بشاير بنظرة شك: أنتي واثقة منه..؟؟..

هاجر: أكيد واثقة...بشاير بقولك شئ خلى رياض ينقطع..

بشاير باهتمام: اهااااااا يعنى فيه شئ.. يله قولي وشو؟؟..

هاجر بخجل ونفس الوقت بتردد: بصراحة...... يبغى.... يبغى يخطبني..

بشاير باستخفاف: وشلون يخطبك.. ؟؟.. قصدك يخطفك من اهلك وتحطون أهلكم بالامر الواقع....

هاجر: ههههههههههههههههههههه الظاهر للحين متأثرة بالقصص الخيالية لا هو قال يبغى يتزوجني ويبغى يعرف رأي عشان يتقدم لي...

بشاير: وأنتي وش قلتي ليكون قلتي لا..؟؟

هاجر بزعل: قلت كلام يغث..

بشاير بغرابة: يغث..!!..وش قلتي سمعيني.."قالت لها كل الحوار بأخر مكالمة بينهم"...

بشاير بقهر وبنرفزه: صدق انك خبله وما عندك سالفة يالغبية تجيك فرصة مثل هذه وتقولين هالكلام البايخ بصراحة ظلمت ولد عمتك والظاهر أن غرضه شريف اللي قليل تحصلينه على شباب الوقت اللي همه الوحيد التسلية وبس...

هاجر بزعل: عارفه اني غلطت بس دبريني.. مو تحاسبيني..

بشاير: لازم احاسبك واكسر راسك بعد..

هاجر: بشاير... اللي فيني مكفيني.. قولي إذا عندك حل يساعدني ويرجع رياض لي..

بشاير: ما فيه حل واحد انه تروحين لبيت عمتك وتحاولين تقايلبنه وقولي له اللي بقلبك بصدق وامانه..

سرح بخطة بشاير صح.. لازم اروح لرياض واقوله عن شوقي.. و.... و.... و.............. حبي له..

ليلي الم.. ويومي اليم.. قلبي الم..

ماله حدود وين ما أروح..

تبقى الجروح والذكريات..

ليلي الم..أنت الربيع وأنت الفصول..

وأنت الحنان لو ما تعود..

بعد اللي صار مالي اختيار..

لا تنتظر مني وعد... بعد اللي صار أنا القرار..

أنا الاختيار خلاص لابد ارحل وابتعد..

واخذ على نفسي عهد...

وأنسى حبك للأبد

واقفة بجنب شباك كبير يطل على البحر.. سرحانة بالناس اللي تتمشى على الشاطئ وبالأطفال اللي يلعبون بالبحر وتسمع صرخاتهم الطفولة المليانه بالبرائه يالله قد ايش فرحانين لكن السؤال.. هل أهليهم بعد فرحانين أو مثلي يحاولون يفرحون ويفرحون اللي حولهم..؟؟.. قطع افكارها بدخول وكان يتكلم ووقف بجنبها...

سلمان: يا أخي وينك فيه..؟؟ لك كم يوم ما أشوفك عند الشباب..

متعب: هههههههههههههههههه اشتقت لي...

سلمان: بصراحة إيه.. ليكون مسافر..؟؟..

متعب يناظر لها: إيه مسافر عندك مانع..؟؟..

سلمان بخبث: اخس حركات.. لا تقول شهر عسل...؟؟؟؟..

متعب يناظرلها بحب: إيه شهر عسل عندك مانع... قل عندك مانع...؟؟.. قل عندك مانع.. قل .. قل...

سلمان بتعجب: لا ما عندي اعوذ بالله منك.. وعسى ربي يهنيكم وش أخبار الأجواء معك صحو أو سحاب..؟؟..

متعب: ههههههههههههههههههههههههه الله يلعب إبليسك يا شيخ هااااااه وش سبب هالمكالمة أكيد عندك شئ..؟؟..

سلمان بغرابة: لا أبدا سلامتك قلتلك مشتاق لك حيل...

متعب: سلمان أعرفك إذ بغيت شئ قول وش تبغى..؟؟..

سلمان بخجل: طول عمرك فاهمني يا أبو عبد الرحمن.. بصراحة دامك مسافر بشهر عسل ومبين أن الأجواء صحوا والحمد لله... امممممممممم وش صار على موضوعي..؟؟..

[متعب بغرابة: أي موضوع...؟؟...

سلمان بدهشة: لا تقول نسيته تكفى يا متعب مو وقت النسيان موضوع زواجي من كريمتكم...

متعب: إيه صح... والله نسيت يا سلمان بس وعد مني أول ما أوصل للرياض أقولهم ولا يهمك كم سلمان عندي واحد وناشب بحلقي...

سلمان: معليش ببلعها عشان خاطر كريمتكم.. بس بردها حطها ببالك زين والحين ما أبغى أزعجك...

متعب: لا إزعاج ولا شئ ومشكور على المكالمة...؟؟..

سلمان: العفو ما سويت شئ يله سلام ولا تنسى هالمرة جد يا ويلك مني...

متعب يبتسم: ابشر حط يدينك ورجلينك بمويه سئعه..."سكر منه والتفت عليها اللي للحين ما غيرت نظراتها باتجاه البحر"...هذا سلمان..."ناظرت له ببرود"...له كم يوم ما شافني بالاستراحة واتصل

أميرة باشمئزاز: ما تلاحظ كثير ما تقول تقرير اتصالاتك.. هذه الوالدة... وهذه بلقيس... وهذا فلان

متعب بغرابة: فيها شئ إذ قلتلك.. ترى من حقك تعرفين مين اكلم أو أنا غلطان..

أميرة بنظرة تحدي: لا غلطان.. تدري ليش لأنه ما يهمني إذ كلمت أين كان حتى لو هند أو غيرها.. لأنه ما عاد يهمني شئ يخص فيك... تسمع ما عاد يهمني شئ..

متعب يحاول يمتص أسلوبها اللي نرفزه: يا سلام المنظر هنا ما يفوت.."ماردت عليه".. عمتي دقت عليك أكثر من مرة ليش ما رديت عليها..

أميرة بملل: مالي خلق وبعدين متى نرجع..؟؟..

متعب بدهشة: بدري.. المكان والجو ما يفوت.."بنظرة ضيق"... مليتي؟؟..

أميرة تحاول تتجنب نظراته: وراي دراستي لي يومين ما داومت... وبصراحة ايه مليت

متعب بضيق وبقهر: اوكي.. الليلة نرجع ومن بكرة راح تداومين زين.."طلع وقفل الباب ورآه بكل قوته وسرحت مرة ثانية.. تتوقع مني يا متعب بالسهولة بنسى مستحيل اللي سوته مو سهل.. رجعت عشان خاطر خالتي وعشان.. حطت يدها ببطنها عشان ولدي اللي مو عارف وش يصير له بكرة وكيف بيعيش مع اب وام ما يدورن كيف بتكون حياتهم.."...

على أذان العصر كانت تبكي بسريرها استغفرت ربها وقامت تصلي ولما خلصت رفعت يدينها تدعي.. "يا حي يا قيوم أصلح لي شأني كله ولا تكلني إلى نفسي طرفة عين.. اللهم افتح علي أبواب رحمتك يا رحيم يا عليم.. اللهم أسالك من فضلك بكل اسم هو لك سميت به نفسك أو أنزلته في كتابك أن تجعل القران ربيع قلبي ونور صدري وجلاء حزني وذهاب همي.. اللهم اسالك ان تحنن قلب مساعد علي.. وتجعله قرة عيني وتجعلني قرة عين له.. يا حي يا قيوم يا كريم استجب دعوتي عاجل ليس اجل..".. قامت وبعد ما عدلت نفسها خلاص أنا قررت اكلم مساعد على الوضع اللي ما ينطاق عادني أثاث بالبيت ولاكاني زوجته لازم أوضح له اللي برأسه كلها أوهام من تأليفه.. قطع عليها دخول رغد وهي تبكي وعالطول حضنت أمها..

خوله بخوف: رغد حبيبتي وش فيك.."ما ردت عليها"... ليش تبكين ماما... رغد...

رغد بين شهقاتها: ع.... مي...م.... سـا.. عد.. ها... وشني...

خوله تجلس عندها وتبعدها: ليش... وش قلتي له...؟؟..

رغد: ما..... قلت... شئ......

خوله بضيق: ما يصير حبيبتي ليش هاوشك طيب..؟؟...

رغد تبكي: عشا...ن... ط... يف أخذت عر... وستي وأنا... أخذتها منها وصا... حت...

خوله تمسح دموعها: عشان كذا هاوشك..."هزت رأسها وهي تبكي عالطول ضمتها"... خلاص حبيبتي ما أبغى أشوف دموعك وإلا بعدين عيونك تكبر من الصياح وتخرب خلاص ماما .."بدت تسكت".. حبيبتي وينه عمك الحين...؟؟

رغد بزعل: ما ادري.. ماما خلينا نروح لبابا محمد وخالي طلال...

خوله تضمها بغرابة: ليش حبيبتي..؟؟..

رغد: لان بابا محمد ولا خالي هاوشوني ماما أنا ما أحب عمي مساعد...

خوله بحيرة: لا حبيبتي ما أبغى تقولين كذا بعدين عمو يزعل عليك.. وش رأيك حبيبتي نروح لماما حصة بكرة... "هزت رأسها بأيه".. خلاص اكلم عمو مساعد نستأذن منه ومنها نكلم على طلال يودينا...

وصلوا من السفر راحوا سيده للمزرعة بعد ما عرفوا أن الكل هناك.. كانت تتمشى وتفكر ومو عارفه تتعايش مع وضعها والبرود واللامبالاة ما تعرف كيف تتخطى هالازمه لما حست بالتعب وقفت عند شجرة كبيرة تسندت عليها.. وقطع عليها أفكارها صوت صهيل ناظرت لجهة الصوت وقفت تناظر بشك معقولة فيه إسطبل هنا..!!.. ومشت بشويش وفعلا هذا إسطبل خيول ما توقعت عيال خالي فارسين سمعت صوت رجولي وعالطول تخبت بين الأشجار وشافت سايس الخيل يتكلم مع احد.. والله لو يشوفني متعب الحين يسوها سالفة خلين أروح وقبل ما تمشي بسرعة علقت رجلها بأغصان شجرة غمضت عيونها وطاحت بين يدينه اللي جاء بالوقت المناسب...

متعب بخوف: ليكون تعورتي..؟؟..

أميرة تحاول تقوم نفسها وبصوت مرتجف من الألم: رجلي..

متعب يمسكها بقوة: تسندي علي.."حط يده على ظهرها والثانية مسكها من يدها ومشوا لأقرب كرسي وجلسها عليه وجلس عند رجلها المتعورة وضغط عليها وسمع صوت أنين صادر منها وشاف ملامح وجهها المتألم قام وجلس بجنبها"

متعب يحاول يبتسم: جرح بسيط لا تخافين..

أميرة بنظرة الم: من قالك أني خايفة...

متعب تقرب منها: صوتك.."ما ردت عليه"... تدرين كنت أفكر فيك والحمد لله ربي استجاب دعوتي بان أشوفك الحين..؟؟.."ما تكلمت ولا كلمة وشافت بعيونه نظرة حب وشوق وكأن من دهر ما شافها ما أعجبها الوضع مشت عنه لكن تفاجئت بمسكته القوية"...

متعب يتقرب منها: وش رأيك تتفرجين على المزرعة اعتقد ما شفتيها كلها.."كانت بترد لكن سمعت أصوات جايه لعندهم كانت أخواته وبشاير"...

بلقيس: طحنا عليكم وش تسون من غيرنا..

متعب باحراج: صدق انك ملقوفة..

هاجر: توك تعرف انها ملقوفة.. كم مرة اقولك بس ما سمعتوني..

بشاير بدلع: وشلونك متعب..

متعب: بخير.."حس بنظراتها المليانه حقد عليهم الله يستر"

بلقيس: معليش قطعنا عليكم الجو لكن هذه بشاير إلا بتشوف خيلها يله يا عجايز وراي...

هاجر: لا والله وش خليتي نفسك يا شااابه..."راحوا عنهم وهم يعلقون على بلقيس وظلت بمكانها تناظراه بقهر وراحت عنه وكانت تمشى بخطوات سريعة تبغى تبعد عنه"...

نزلت من الدرج بشويش من غير ما احد ينتبه عليها ما حصلت احد بالصالة وعالطول نزلت بسرعة وطلعت بالحوش وراحت للخيمة وحصلته واقف ينتظرها...

لمى تتنفس بخوف وتتلفت للوراء: هذه الصورة وهذي الرسمه والحين باي...

طلال يمسكها: وين لحظة.. اصبري كل المدة عندك لازم أشوف رسمك.. أخاف ما يطلع شئ ويروح مستقبلي هدر والسبب أنتي..

لمى بخوف: طلال مو وقته أخاف يجي رياض ويشوفنا والله ما يصبح بكرة إلا وانتم تصلون علي...

طلال بدهشة: بسم الله عليك.. وبعدين ما اخبر رياض لدرجة شري ومجرم... أقول لمووووي شيلي الغطاء وخليني أشوف طلتك البهية...

لمى بخجل مخلوط بقهر: طلال وبعدين أنت متى بتعقل من حركاتك يله أنا بروح...

... : تو الناس بدري وين تروحين..."التفتوا لمصدر الصوت وهذا أخر شئ تتوقعه لمى مو عارفه كيف تتصرف وش بتقول...الله يستر"....

خوله وقفت تلبس عبايتها: يله رغوودة مالك نية تروحين..

رغد تحتضن حصة: لا ما أبغى أروح بنام عند ماما حصة..

حصة تبادلها الاحضان: خليها تنام يومين وأخذوها الجمعة...

خوله بتعجب: يمه الله يهديك بدل ما ترفضين تشجعينها...

رغد: الله يخيلك ماما أبغى انام عند ماما حصة وبابا محمد...

حصة: خلاص أنتي روحي وخليها عندي واطمني...

خوله: بس يمه ما تعودت على بُعد رغد عني...

حصة: يومين ما راح يضر الله يهديك وبكرة أربعاء ومنها أخذها لبيت عمامها من زمان ما شفوها ولا شافتهم..

خوله بغرابة: ليش..؟؟.. قالوا لك شئ..؟؟..

حصة: إيه صالح كذا مرة يدق على أبوك يبغى يشوف رغد إذ جت عاد دامها فرصة أروح بكرة ونزورهم.. ليكون مساعد يمانع رغد تنام عندي..

خوله باستسلام: لا وش دخله برغد من الأساس ودامها تبغى تنام بكيفها بس يمه انتبهي لها زين..

حصة: خوله اللي يسمعك يقول ما قد مرة اهتميت ببناتي روحي يمه الله يصلحك واطمني دام رغوودة عندنا هي بعيونا كم رغووودة عندنا..."بعد ما وصتها ما تزعج أمها طلعت وركبت السيارة ولسه ما تحرك"...

خوله: يله تحرك أو أعجبتك الوقفة...؟؟...

مساعد بغرابة: ورغد وينها..؟؟..

خوله: بتنام عند أمي كم ليلة ليكون عندك مانع وننتظر منك الإذن...

مساعد بقهر: وأنتي ليش كذا تكلميني إيه غصب عنك وعنها تأخذون الإذن مني...

خوله حبت تذكره بموقفه معها: بس أنت لك كلمه علي مو على اليتيمة...

مساعد: بس أنا ولي أمرها مثل ما أنتي وليت أمر بنتي.. ما قلت شئ ولا تنسين أن بنتي بعد يتيمة...

خوله تناظر له بقهر: شكل الوقت بيروح علينا وحنا واقفين ممكن تحرك ونتناقش بالبيت...

ناظر لها بكل قهر وحرك سيارته وساق بسرعة.. ما لقت له بال خلته على راحته متى ما يهدي.. انا تعبت معه وخليه يتعب شوي..

""" الجزء الثامن عشر """

بعد ما رجعوا من المزرعة على الساعة 8 بالليل أم عبد الرحمن راحت تنام لأنها ما ارتاحت كل اليوم وهي تشرف على المزرعة مع العمال وبما أن أم عبد الرحمن تحب أمور المزرعة من تربية مواشي وزرع الخضار إلا أنها موكله عمال يقومون عنها بس إذا جت برجليها تحب تشرف على كل شئ وتعطي تعليماتها... أول ما دخلت البيت عالطول طلعت فوق تبغى ترتاح من مشوار اليوم... تونا واصلين من السفر وسيده للمزرعة ومن ثم للمستشفى قال ايش يطمن على الطفل على مين تضحك يا متعب كل هذا تبغى تطفرني وتبغاني أعارضك عشان تطلعني غلطانة بكل شئ لكن لا.. زمن أول راح وولى وما صرت أميرة اللي تدور على راحتك وعلى رضاك ونسى أني اعرف وش نواياه واني خابزتك بيديني واعرف وش تخطط له وليش..؟؟.. الحمد لله ما كان فيه احد بالصالة والا كانوا أجبروني اجلس معهم وأنا ميتة تعب...

هاجر بدهشة: يمه وش قاعدة تقولين أنتي أكيد تمزحين..؟؟..

منيرة: يوووه عليك يا هاجر موضوع مثل هذا امزح الله يهديك.. هااااااه وش رأيك...؟؟.

هاجر بضيق: رأي بايش..؟؟..

منيرة تبتسم بحنان: باللي قلته...

بلقيس تغيظها: أخافها نامت يمه بس ههههههههههههههههههه

هاجر بقهر: بلقيس الله يخليك اعتقد مو وقت الضحك والسخافة..

بلقيس ترمي عليها المخدة: أنا سخيفة يا بايخة...

هاجر: اجل نقطينا بسكاتك لو سمحتي...

بلقيس: لا ما راح اسكت أنا أختك الكبيرة ولازم تسمعين كلام أمي وكلامي...

هاجر بنرفزه: يمه شوفي بنتك...

منيرة: بلقيس خلي أختك لا تطفرينها...

بلقيس وقفت: الحين لما جاءها الخطاطيب تدلعونها وأنا يوم جاني ما شفت نص هالدلع... أحسن لي أروح أتجهز قبل ما يجي فهد وأجهز عيالي اخذي راحتك يا عروس... بااااااااي.."راحت وبوجهها ابتسامه"..

هاجر تناظر لها بقهر: شفتي وش تقول...!!..

منيرة تبتسم لها: إيه شفت وسمعت... بس ما قلتي وش رأيك..؟؟..

هاجر بدلع: يمه وش فيك تظنين أني بوافق عالطول ما لي حق أفكر وإلا تبغون الفكه مني...

منيرة تلمها بحنان: احد يبغى يفتك منك يا هجوووره والله وكبرتي وصرتي عروس...

هاجر بخجل: يمه اللي يسمعك الحين خلاص وافقت..

منيرة: بس هالمرة غير عن كل مرة عريس لوئطة على قولت متعب...

هاجر بدهشة: والله علمك الأفندي متعب بس يمه وشلون عن كل مرة يعنى.."بنظرة شك".. نعرفه...؟؟..."الله يستر ليكون رياض وسواها من وراي..."...

منيرة تفكر: يعنى اللي اعرفه أن متعب يعرفه عز المعرفة...

هاجر وقلبها يدق بقوة: ليش ما نعرفه يعنى مو من أقاربنا...؟؟..

منيرة تبتسم: لا...صديق متعب واسمه سلمان...

طلعت منهم وهي ميتة خوف وما تعرف وش بيصير لها أكيد بيذبحني والله بيذبحني يا ويلي وش أسوي أقول لمين أمي...؟؟.. والله لو تعرف أجيب لها السكتة يا ربي وش أسوي... جلست تبكي وترتجف خوف ومو عارفه وش تسوي.. أما رياض أول ما طلعت لمى منهم عالطول راح ومسك طلال ويصارخ عليه...

طلال يمتص غضبه: الله يهديك يا رياض اهدي وأفهمك على كل شئ..

رياض بقمة عصبيته: يا النذل ما لقيت غير أختي هذا الخيل اللي يبغالها ترويض يا النذل يا الخسيس...

طلال خاف من عصبيته اللي طلعته من طوره: طيب أنا نذل... وستين نذل بس افهم اللي أقوله يا رياض عمر العصبية كانت حل... اهدي الله يخليك واسمعني...

رياض فكه وبنظرة بقهر وكره: تفضل قول وبعد ما تخلص لا أشوفك ولا أعرفك...

طلال بضيق: طيب... اللي تبغاه راح يصير بس بالأول توعدني تهدي وتسمع اللي بقوله ولك الحكم في كل شئ وأنا راضي..."مارد عليه"... ممكن نجلس وتسمعني للأخر.. "جلس وهو بقمة القهر على اللي شافه وعيونه تتطاير بشر وهو يناظر له"...

رياض باشمئزاز: تفضل تكلم وش تنتظر..؟؟...

طلال بتردد: رياض.... أبغى..... أتزوج لمى..

رياض بابتسامة مكر: عشاني طحت عليك وكشفت نواياك لو ما عرفت اللي بينكم عمرك ما فكرت فيها من الأساس...

طلال بضيق: لا غلطان يا رياض أنا أبغى أتزوج أختك وحاط هالشئ ببالي بعد ما أتخرج... يا رياض أنت اخوي واهلك هم أهلي تتوقع بيوم من الأيام أني أخون أهلي وأعض اليد اللي انمدت لي وفتحت لي بابهم... يا رياض أنا أحبكم وخاصة أنت.. الله يعلم يا رياض عمري ما عديتك ولد خالتي أو اخو بالرضاعة... أنت اخوي اللي انولدنا سوا من أم وحده تبغاني أخون اخوي واطعنه من ظهره أنت ما عرفتني زين يا رياض...

رياض بنظرة خبث: لا عرفتك زين يا طلال ما يحتاج تقول والحين وش تبغى تبرر اللي شفته ليكون تحب أختي وأنا ما ادري..؟؟...

طلال بحياء: فيها شئ إذ حبيت أختك ونويت ارتبط فيها على سنه الله ورسوله... وبعدين يا أخي هذا أنت تحب هاجر ليش رضيت تكلمها وأختك لا.. هذا عيبكم يا شبابنا أنكم تحلون على بنات الناس وعلى محارمكم حرام وعيب وتشفونه جريمة بشعة...

رياض بارتباك: هاجر هي رضت أني اكلمها... وبعدين أنت تعرف أني أحبها وأبغى ارتبط فيها بس هي قفلت الأبواب بوجهي وبعدين لا تطلع من موضوعنا...

طلال وقف: شفت هذا أنت قلتها تحبها وتبغى ترتبط فيها لكن يوم جت علي أنا صرت خاين ونذل.."تنهد بضيق وبنظرة جدية"... للمعلومية يا رياض حتى لو وقفت بطريقي أختك مأخذها مأخذها لو على حساب قطع الوصل أنا أحب أختك وناوي بإذن الرحمن بتزوجها ولا تعديت حدودي معها بالعكس.... أخاف عليها أكثر منك أنت كلمت هاجر ومع هذا تشوفها وناوي ترتبط فيها وأنا حرام علي وممنوع أن أحب وأتزوج اللي أبغى... وإذ يريحك بكرة بكلم أمي تخطبها... وقبل ما اطلع تراها مالها ذنب وإذ عرفت انك تعرضت لها وضربتها ترى ما اسمحلك..."انتظر رد منه ولما طال السكوت طلع وتركه يفكر باللي قاله ما يعرف إذ هو على صح أو لا... لكن اللي متأكد منه أن كلامه قوي عليه وخاصة ذكره بهاجر واللي سواه معها... وفتح له الجروح وذكريات ما يعرف إذا تستاهل احد يفكر فيها أو لا...حسبي الله عليك يا طلال.. ركب سيارته وقلبه على لمى خاف عليها ما يدري وش يسوي فيها رياض وكلامي معه كان قاسي.. خليه يعرف أني ما فكرت أخونه مثل ما يقول وطعنت بظهره.. الحين أروح للخرج دام بكرة الثلاثاء وما عندي محاضرات واجد غير دكتور أنور ومحاضرته مالها داعي احد يجي أروح أفاجئ الوالدة وأنسى اللي صار وشلون أنسى وقلبي هناك وما ادري وش يصير معها الله يستر عليك يا لمووووو ويحفظك من رياض..."...

بلقيس تواسيه: يا متعب.. اللي كاتبه الله بيصير وأنت مؤمن بالله بالمكتوب لكم...

متعب بضيق: بس يا بلقيس.. الدكتورة أكدت أن وضعه خطر وراح تزداد الخطورة أثناء الولادة يعنى بنسبه 35% تتوقعين وش بيكون رده فعلك إذ صار بعهد أو بمهند...

بلقيس بخوف: بسم الله على عيالي...

متعب بتعب: شفتي.. خفتي عليهم أنا وش أقول أول فرحتي تموت يا بلقيس...

بلقيس بعطف: لا تقول كذا يا اخوي ولا تعترض على حكم ربك واحمده على كل شئ.. وبعدين انتم شباب وبداية حياتكم والمفروض ما تزعل ولا تحزن وهذا اللي مكتوب لك...

متعب يتنهد بضيق: الحمد لله على كل حال بس أحس أني مقهور ودي...

بلقيس قاطعته: ودك أو ما ودك خلاص.. هذا اللي الله كاتب لكم وأنت مالك غير الدعاء وما يرد القدر إلا الدعاء وأنا أختك..."مارد عليها"... قلي أميرة تعرف..؟؟...

متعب: لا ما تعرف بعد ما طلعنا من الدكتورة ركبتها بالسيارة وانا بالصيدلية اتصلت علي الدكتورة وطلبت مني أجي ضروري ومن غير تفكير عالطول رحت لها وقالت لي واللي زاد مخاوفي أكثر لما قالت أول ما تحس بألم المخاض بسرعة أجيبها بسرعة...

بلقيس تواسيه: عشان كل شئ يكون بسيطرتهم وإن شاء الله ربي ما يضيع تعبكم ولا تنسى تدعي.. طيب ناوي تقولها أو لا..؟؟...

متعب بضيق: ما ادري.. أخاف أقولها تتضايق وبدل ما أهون عليها إلا يتعقد كل شئ وأخاف ما أقولها وما ادري وش راح بيصير نوريني يا بلقيس..

بلقيس: خلها على ما هي لا تقولها ولا شئ وانتظر لان كل شئ راح يبين بعد الولادة.. طيب قلي وشلون أميرة معك..؟؟..

متعب تنهد بضيق: زفت... تصدقين بلقيس أنا خايف على أميرة كثير ما ادري أحس بيصير شئ بالطفل ويخلينا نبعد أكثر والفجوة اللي بيننا تكبر اكبر ولا اعرف وشلون أسدها بعدين..

بلقيس تطمنه وتبتسم له: لا تخاف ولا شئ وان شاء الله ترجع المياه لمجاريها مثل أول وأحسن بعد... وأميرة اللي فيها شوي صدمة على شويه دلع بس أنت تحملها وطول بالك عليها وعسى ربي يفرحكم بولدكم ويكون هو الحلقة المفقودة اللي راح تصلح الأمور بينكم..."هز رأسه بأيه ودعى داخله أن يحفظ ولده بأمان وترجع أميرة اللي عرفها مثل أول وأحسن...

بعد ما طلع منه جلس لوحده بالخيمة يفكر باللي قاله معقول أنا أناني وما فكرت إلا بنفسي وبس... أنا مو معارض عليك يا طلال أنا عارضت على..... يوووه وش قاعد أقول وما شفت نفسي مع هاجر... غلط واكبر غلط لو عرف متعب أو مساعد وش بيسوي فينا أكيد بيذبحنا أنا غلطت والغلط دخل بيتنا عشان خنت والله عاقبني بأختي... وطلال طعن بظهري بس طلال اخوي وشلون يطعن وهو من الأهل وما يرضى على اللي قاعد يصير... لو راضي كان ما سوا اللي سواه مع أختي ولمى مالها ذنب اجل مين المذنب فينا... مين..؟؟...

خوله تقدم عصير: الحين طيف بتنام عند خوالها...

مساعد بنظرة تعجب وأخذ منها: يهمك تعرفين تنام أو لا..؟؟..

خوله تبتسم: أكيد يهمني مو هذه بنتي..."ناظر لها بغرابه"... لا تناظر لي كذا صحيح بنت نورة الله يرحمها لكن يعلم الله أعدها مثل رغد وأكثر...

مساعد بلامبالاة: إيه بتنام عند خوالها ليكون اخذ الإذن منك بعد...؟؟...

خوله تجلس بجنبه وما لقت بال على كلامه: مساعد ليش هاوشت رغد اليوم..؟؟.. مو المفروض تتكلم معها بهدوء أفضل من تهاوشها...

مساعد بنظرة عصبية: هي قالت لك...؟؟..

خوله: أكيد بتقولي مو أنا أمها والمفروض اعرف ليش سويت معها كذا ولو أني عارفه أن بنتي ما عمرها غلطت على احد بس بتأكد منك هي غلطت عليك أو على طيف...؟؟..

مساعد نزل عيونه: لا بس ما سمعت كلامي ولا أرضى أشوف بنتي تبكي عشان لعبه واجلس أتفرج...

خوله تحاول تتمالك أعصابها قدامه: وأنت الله يهديك تحط عقلك بعقول أطفال.." ناظر لها بقهر"... مساعد ترى مهما يسون هم أطفال ويتامى يحتاجون لرعاية والاهتمام مننا... وأنا اعرف وش بتقول ما أخذتني إلا عشان أكون مربية لبنتك وأنا راضية دور المربية بس تظن هالمربية مالها أحاسيس ومشاعر ترى اللي تسويه فيني ما يرضى الله ولا رسوله...

مساعد وقف بعصبية: يعنى وش تبغيني أسوي لك...

خوله تتقرب منه وتمسك بيده: أبغى مساعد اللي عرفته من بداية زواجي وفجاءة تغير بيوم وليلة... وش صاير لك وش سبب هالتغير اللي سطوا عليك مرة وحدة...

مساعد بنظرة تكبر: يعنى ما تدرين...؟؟..

خوله بتعجب: وش ادري..؟؟

مساعد: التغير اللي سطوا علي مثل ما تقولين...

خوله تحاول تضبط من نفسها: لو ادري ما سألتك...

مساعد بعد عنها: اسألي أمك... واسألي نفسك..؟؟..

خوله توقف ورآه بتعجب: أمي...!! وش دخلها ووش سويت لك وانا وش سويت لك كل هذا عشان تحديت نفسي ورضيت فيك يعنى هذا جزاتي....

مساعد التفت عليها: افهم من كلامك كنتي رافضة...

خوله بقمة قهرها: تقدر تقول كذا... لكن أمي وأخواتي ما قصروا ضغطوا علي مو عشان نفسي ولا عشانك عشان البنات..."مارد عليها وطال نظراته لها"...

مساعد بابتسامة خبث: ما تلاحظين ذكرتي أمك وهذا الشئ يزيد من شكوكي من ناحيتكم ويزيد من معرفتي وش تخططون عليه...

خوله تتجاهل كلامه: مساعد... عندك مانع لو اعزم أمي يوم الخميس عندي...

مساعد بدهشة: وش دخل موضوعنا بموضوع العزيمة الحين...

خوله: أعزمها أو لا...؟؟..

مساعد باستخفاف: بكيفك..."راح عنها وتبعته بنظراتها لين ما اختفى... بنشوف يا مساعد وش ناوين عليه ووش نخطط لك عشان مرة ثانية تعرفنا زين"...

بعد ما خذ له دش سريع ولبس ملابسه شافها نايمة مثل الأطفال.. ابتسم لها وراح لجهة البلكونه يزيح الستارة ويفتحها...

متعب وقف عندها: أميرة.... أميرة يله قومي..."سحب الغطاء منها وأعجبه طريقتها لما حطت يدها على وجهها تحجب عنها نور الشمس"... أميرتي يله عاد... ما بقى وقت قومي...

أميرة بصوت كله نوم: يووووووه ليش مقيمني من بدري...؟؟...

متعب يجلس عندها: ما ورك كلية مثل ما قلتي..؟؟..

أميرة تناظر له بقهر: ومن قالك بدوام..

متعب بتعجب: يعنى ما راح تداومين..

أميرة بنرفزه: لا...

متعب وقف بقهر: مرجعتنا من السفر عشان كليتك الزفت وبالأخير ما راح تداومين... لا حبيبتي راح تداومين غصب عنك أنا ما أمشى بكيفك معك نص ساعة ويا ويلك يا أميرة إذ ما نزلتي والله حسابك معي عسير... "طلع وقفل ورآه الباب بكل قوة وقهر من أسلوبها... خلاص مو قادر أتحمل طريقتها الاستفزازية معي... غلطت وأعض أصابع الندم وهي مو هامها أي شئ الظاهر أعطيتها وجه أكثر من اللازم ومن اليوم راح أبدء معها نفس ما تعامليني.."...

أم عبد الرحمن: يله صباح خير وش فيها الخشه معتفسه..."ناظر جدته بقهر وحب على رأسها"...

متعب يحاول يضبط نفسه: صباح الخير وشلونك جدتي؟؟..

أم عبد الرحمن: صباح النور... بخير جعلك تشوف الخير وش فيك وأنا جدتك..؟؟..

متعب يحاول يبتسم: سلامتك ما فيه شئ...

أم عبد الرحمن: وين أميرة ما نزلت معك كالعادة..

متعب يصب له شاي: الحين تنزل.. أمي للحين نايمه..؟؟

أم عبد الرحمن: شكلها للحين ما قامت...

متعب: وهاجر...؟؟..

أم عبد الرحمن: راحت من بدري إلا على طاري هاجر مين اللي خطبها منك يا وليدي...

متعب يبتسم: جدتي اللي يسمعك يقول ما تعرفينه خير شر...

أم عبد الرحمن بنرفزة: اهااااااه عاد بتقول أو والله...

متعب يقاطعها: بقول وكم عندنا جدة حلوة وظريفة مثلك يا جدتي الغالية...

أم عبد الرحمن: عن الكلام اللي ماله سنع قول..

متعب: طيب بقول... هو صديقي الروح بالروح و...

أم عبد الرحمن تقاطعه بقهر: عرفنا انه صديقك بس أنت تشوفه هو اللي يناسب أختك الدلوعة... تراها ما احد يتحمل دلعها وغرورها..

متعب: ههههههههههههههه الله يهديك يا جدتي لدرجة متحاملة على هاجر.."شافها نازله وسلمت على جدتها"...

أم عبد الرحمن: تعالي... يا أميرة وفكيني من رجلك اللي ناوي على عمره اليوم.."ما ردت عليها وحست أنها متضايقة"... أميرة فيك شئ..؟؟..

أميرة تحاول تبتسم: ما فيني شئ يا جدتي..."نزلت رأسها لأنها حست بنظراته"..

أم عبد الرحمن: لا فيك شكلك تعبانه ترى مو لازم تروحين وأنتي كذا.."ناظرت له".. وأنت وشلون تشوف زوجتك تعبانه وتخليها تروح...

متعب يأكل بلا مباله: ما فيها إلا العافية... وإذ فيها شئ بتقول ليش تخبئ.."وقف"..أنا انتظرك بالسيارة..

أم عبد الرحمن بعد ما تطمنت انه طلع: تعبانه يمه أميرة...؟؟...

أميرة بنظرة حزن: لا يا جدتي اطمني ومثل ما قال متعب إذ تعبانه بقول ليش اخبي... يله مع السلامة..."حبت رأسها وطلعت وقلب جدتها معها الله يحفظكم ويستر عليكم ويسهل عليك يا أميرة يا بنت حصة.."...

فوز: ليش مو رايحه... فيك شئ..؟؟..

لمى بخوف: ما أبغى أروح يعنى ما أبغى أروح... وش فيك أنتي.. وبعدين ما عندي محاضرات كلها أوف...

فوز بشك: متأكدة ما فيك شئ..

يتبع ,,,,

👇👇👇

تعديل المقال