رواية حياتي عذاب -21

رواية حياتي عذاب -21

بشاير بهمس: اللي مأخذ عقلك...

هاجر تبتسم: أنتي...تصدقين...

بشاير: ايه اصدق هههههههههههههه على فكرة وحنا جاين تو شفت أخوك متعب واعتقد اللي معه أميرة...

هاجر: طيب...

بشاير بغرابة: وش اللي طيب أقولك متعب سلم ونشد عن أحوالنا ألا مرته ساكتة كل الوقت لا تتوقعين ميتين على سلامها بس الاحترام واجب..

هاجر تتنهد بتعب: لا تلومينها يمكن ما انتبهت لك...

بشاير بدهشة: معقولة.. طيب أنا ما انتبهت بس أمي معقولة ما شفتها تدرين الشرهة على أخوك راكض ورآها تقل ما فيه بنات غيرها...

هاجر بقهر: بشاير لا تخليني اندم عشان قلتلك...

بشاير: لالالا خلاص توبة الله يهدي سرهم...

هاجر وقفت: قومي ندخل عند أمي دام مساعد طلع.."قامت بشاير وكان مو عاجبها اقتراح هاجر جلسوا معهم وأخذوها سوالف على الأقل تطلع من اللي فيه وتنسى رياض اللي ما افتكر فيها...

طلال بصوت شوي عالي: لا يعنى لا.. أميرة بكرة عندي امتحان صعب ويكفي أني ضيعت ساعتين..

أميرة بقهر: يعنى وشلون مو موصلني ترى حتى أنا عندي امتحان..

طلال: أميرة عندك متعب أو ابوي اتصلي عليه…

أميرة شافته جاء لعندها ووقف بجنبها: ابوي ما ادري وينه ما يرد على اتصالي الله يخليك يا طلال تعال… "سحب منها الجوال"…

متعب بعد ما سلم عليه: خلاص أنت شوف أشغالك ولا تشيل هم أختك..!!..

طلال بنرفزه: أصلا ومن قال شايل همها تدري عاد يا متعب زوجتك ذي دلوووووعة من الدرجة الأولى الله يعينك عليها قايلك لا تدلعها وريها العين الحمراء...

متعب ابتسم لما حس بغضبها: لا عاد ما أرضى عليك تقول عن أميرتي كذا هذه الغالية أم الغالي واللي يقول عنها كذا ذبحه على يديني... وبعدين أميرة تستاهل أي شئ مو عاد الدلع بس..

طلال بقهر: أقول يا قيس بن الملوح طيع شوري بكرة تكبر رأسها وتتوهق...

متعب يقهره: عسل على قلبي أنت وش دخلك بين رجال ومرته يله أشوف عطيناك وجه..

طلال بقهر: لا والله الحين تقول كذا وقبل شوي شوف زوجتك شوي وتحب يديني عشان أرجعها للبيت..

متعب: هههههههههههههههههههه طلال أنت نسيت أنا موجود وأي شئ أميرة تطلبه منفذ وأنا مغمض

طلال بنرفزه: أنت وش قصتك تبغى تقهرني وإلا كيف..

متعب باستخفاف: هههههههههههههههههه تقدر تقول كذا..

طلال: اهااااااا اجل يا زوج الست أميرة ضف وجهك لأني ورأي امتحان صعب وما اعتقد بعد اللي سمعته منك ومن اميرتووووووه راح اطلع بسهوله منه...

متعب: اوكي خلينا نشوفك يا الخال وركز بالمذاكرة مع السلامة.."سكر منه وكانت تناظر له بحقد على اللي سواه"...

أميرة تحاول تتمالك نفسها: من سمح لك تأخذ الجوال مني..؟؟..

متعب باستهبال: متى غيرتي جوالك.."يناظر له باستخفاف وأخذته منه "..

أميرة بعصبية: أولا هذا مو لي جوال خوله..

متعب يتقدم عندها: طيب طيب دامه مو لك ليش كل هالعصبية..

أميرة بغرابة: كل هذا وما تبغاني اعصب وتقل الموضوع مو هامك..

متعب يتجاهل عصبيتها: والحين ما تبغين أوصلك للخرج عشان عندك امتحان بكرة وإلا تنتظرين لين ما يجي طلال... وأخوك اغسلي يدنك منه ما راح يجي..."ماردت عليه ابتسم على طريقه عصبيتها وحتى هي متغطيه شكلها جنااااان ومبين أنها واصله حدها... راحوا للسيارة ومسكوا طريق الخرج وطول الوقت ساكتين وأكثر من مرة يحاول يتكلم بس عارف وش بتكون النتيجة الرفض.. ومثل ما قالت خوله راح تحاول معها وان شاء الله تقدر عليها"...

الساعة 2 وللحين ما شرف وين بيكون جواله ما يرد غريبة.. ليش غريبة يا خوله هذا الشئ مو جديد على مساعد.. ما ادري كنت بهذا الزواج أقول أخاف اظلم بنتي الحين ظلمت نفسي ياليتني ما تسرعت أول مرة اتخذ قرار بالسرعة هذه والحين أنا اللي أكلها.. لكن هذا مو نهاية المشوار لازم اكسب مساعد وابعد عنه فكرة أننا نستغله.. سمعت صوت الباب وعالطول راحت تستقبله وبوجهها ابتسامه...

خوله: حمد لله على السلامة تأخرت..؟؟..

مساعد ببرود: ليكون عندك مانع وأنا ما ادري..؟؟..

خوله تمتص بروده: لا بس خفت لما شفتك ما ترد على جوالك وهذه أول مرة تتأخر فيها.. عسى ما شر..؟؟..

مساعد يطلع الدرج والتفت على أخر جمله قالتها: خوله لا تظنين أن لعبتنا قدام أهلينا خلتك تصدقين دور الزوجة اللي تخاف على زوجها..

خوله توقف عنده: وش فيها يا مساعد مو أنت زوجي والمفروض أخاف عليك...

مساعد: هذا إذ كنا عند الناس وأهلنا تقولين هالكلام أما لوحدنا فلا أنا وأنتي نعرف ليش أخذنا بعض وعشان مين لا تنسين هالشئ... ولا تعتقدين بشويه لبس وشويه مكياج يخليني انجرف لك وأسلمك نفسي لا يا خوله أنسى.. "طلع لفوق وجلست على الدرج ودها تبكي لكن ما تعودت تكون ضعيفة أمام أشياء تقدر تحلها ومساعد يبغى له وقت عشان يعرف قدري ويعرف وش نوايا الناس أو بالأخص نوايا أمي.."...

الجزء السابع عشر

على المغرب كان جالس بالاستراحة الخاصة بجناح الغرفة ينتظر خروج الدكتور يطمنه عن حاله أمه الصحية... وخاصة أن مدة مكوثها بالمستشفى صارت شهرين.. وهذه مدة كافية تكون تحت ملاحظتهم طول الوقت.. طلع وبوجهه ابتسامه تبشر بخير...

متعب: هااااه دكتور طمني..؟؟..

الدكتور: اطمنك وضع الصحي للوالدة بخير وتقدر تطلع من اليوم وراح تكون فترة نقاهة من غير أي زعل أو توتر يضر بصحتها...

متعب بفرح: إن شاء الله يا دكتور..

الدكتور: وراح اكتب لها بعض الادويه اللي راح تساعدها ولازم أشوفها بالشهر مرة ومثل ما قلت لا تجهد نفسها وحاولوا تبعدون عنها التوتر والانفعالات...

متعب: إن شاء الله كل اللي تقوله راح يتنفذ..

الدكتور: يله حمد لله على سلامه الوالدة...

متعب يصافحه: اله يسلمك..."راح وعالطول دخل عندها وحصل بلقيس تعدل من وضعها"...

بلقيس: هااااه متعب بشرنا وش قال الدكتور...

متعب يبوس يدها: كل خير... تقدر اليوم تطلع إذ حبت..

بلقيس بفرح: والله الحمد لله وين هاجر تسمع الخبر...

متعب: بس بشرط تبعد عن التوتر والانفعالات وتتبع كلام الدكتور لكن لازم تلتزم بالعلاج وتبعد عن الضغوط والزعل..

منيرة بتعب: ما راح ازعل إلا إذ شفتكم حولي مجتمعين ومتهنيين ومبسوطين ببيوتكم...

بلقيس: ترى أمي تقصد أميرة...

منيرة تناظر لولدها بحنان: ايه يا متعب اقصد أميرة إذ لي خاطر عندك ودني عندها أخليها ترجع للبيت...

متعب يبتسم: ومن قال أنها مو راجعه..

منيرة بفرح: والله بترجع وإلا تأخذ بعقلي...

متعب: والله أنها راجعه ولا اخذ بعقلك ولا شئ...

بلقيس: وأنت وش دراك أنها بترجع..؟؟.. وش الثقة اللي نزلت عليك...؟؟..

متعب: أنتي نسيتي العزيمة اللي ناوي يسويها مساعد الثلاثاء الجاي...

بلقيس: طيب وش دخلها بالعزيمة الحين..

متعب: قايله لخوله أنهم بيجون كلهم وحتى أميرة راح تجيبها بالغصب.. ماراح تخليها لوحدها..

منيرة بضيق: لا دامها تجي غصب عنها أنا أروح وأطيب بخاطرها وتجي راضية...

بلقيس: يا يمه الله يهديك وين تروحين الطريق تعب عليك خلاص دامها تجي سواء بالغصب أو طيب مصيرها ترجع وبعدين وش الدلع هذا صدق يا متعب مالك كلام عند حرمتك ومخلي لها الخيط والمخيط لو أنا مكانك كان جريتها مع شوشتها...

متعب يبتسم: أنتي وش دخلك بين زوج وزوجته مقهورة أن أميرة متدلع وأنت ما فيه احد معطيك وجه...

بلقيس بقهر: لا مو القصد بس مرة مكبر رأسها على شئ ما يسوى...

منيرة بتعب: يا يمه يا بلقيس المرأة تقبل باي شئ إلا خاينة زوجها تراها صدمه لها وتعتبر نهاية حياتها...

متعب بضيق: بس يا يمه ما عمري فكرت أخون أميرة بس هي فهمت أني خاينها...

بلقيس: صح متعب ما خانها بالعكس قطع علاقته منها أول ما تزوجها...وهو أكد لي على كلامه

منيرة: حتى ولو المرأة مننا إذ حبت زوجها ما ترضى عليه ولو بزله بسيطة... الله يهديها إن شاء الله...

جالسة بالبوفيه وفكرها مع خوله اللي انصدمت بحياتها مع مساعد لما جتهم تقنعها ترجع لبيتهم عشان خالتها وقالت لها اللي صدمها..

""" خوله بضيق: يعنى حالك يا أميرة مو أسوء من حالي.. لا تتصورين علاقتي مع مساعد مثل علاقة زوجين يحترمون بعض أو يحبون بعض... يا أميرة عيشتي مع مساعد ما تنطاق واكرهها أكثر من كرهك لعيشتك... لكن عشان بنتي وعشان اليتيمة متحملة وساكتة ما أبغى احد يعرف لا أمي ولا ابوي ولو مو إلحاح متعب كان ما احد يدري بحالي..

أميرة بحزن على حال أختها: وأنتي وش مصبرك يا خوله اللي مثل عيال خالي المفروض نعطيهم درس عشان يفوقون منها ويحسون بقدرنا وقيمتنا مو يلعبون فينا مثل ما يبغون..

خوله تتنهد بضيق: يا أميرة الحياة تحتاج من يفهمها وصبر وطولت بال وأنتي الله يهديك كان تعالجين أمورك بحكمة من غير ما تدخلين احد.. يعنى كان جلستي ببيتك ومنها تقدرين تحلين الإشكال مثلي... مثلا بإمكاني اخذ بنتي وارجع لبيتنا ولا يهمني لا مساعد ولا غيره لأني أحس تسرعت باتخاذ قرار وما حسبتها صح لكن ما حبيت أزود على أمي هم غير همك اللي شايلته ومؤثر بنفسيتها.. قلت احل مشاكلي معه للين ما أشوف وش يصير نهايتها ولا تنسين خالتي اللي الحمد لله قريب بتطلع يعنى فكرت باللي حولي قبل نفسي..

أميرة بحزن: ليش كل هذا يا خوله..؟؟..

خوله: مثل ما يقول تزويجك من متعب وتزويجي منه دليل أن أمي للحين ما يئست وبتحاول تأخذ الورث منهم باي طريقة حتى لو على حساب بناتها المهم سوت اللي برأسها...

أميرة بقهر: خوله أنتي وشلون سمحتي له يقول عن أمي كذا ليش ما وقفتيه عند حده..؟؟..

خوله: ظنيتي سكت وما رديت بالعكس وقفته عند حده وقلت له إذ أمي تشوفها كذا اجل ما تنلام وكلن يرى الناس بعين طبعه.."ابتسمت بحزن"... ومن عقبها صرنا زوجين قدام الناس ولوحدنا هو بجهة وأنا بجهة ما احد يسال عن الثاني ونحاول أن البنات ما ينتبهون على تصرفاتنا...ومشكلتك مع متعب مو معنتها نهاية المشوار..

أميرة بنبرة مخنوقة: بس نهاية حياتي... من عقبها وأنا أذوق العذاب والمر كل يوم...

خوله بحنان: لا تحطين شئ بذمتك.. متعب أكد لي انه قطع علاقتها من أول ما ارتبط اسمه فيك ليش تظلمين الرجال وهو صادق... أعطيه فرصة يقولك اللي بداخله.. لا تقفلين عليه الأبواب واللي اعرف عن أختي أنها حنونة على الكل ومع زوجها تقسى عليه... واعرفي شئ واحد عمره ولا حتى مجرد تفكير انه يخونك معها تدرين ليش لأنك ملكتي قلبه وفكره وكل شئ لو فعلا مثل ما قلتي كان بانت من تصرفاته معك لا يحب يكلمك ولا يجلس معك ولا حتى يعبر وجودك وكان أخذها عليك من غير ما يفكر فيك... وإذ فكرتي بحالك حطيني قدامك ترى أعيش المر وأذوق طعم مرارته مع مساعد لكني متصبره وسلمت أمري للي عينه ما تنام"""...

سبحان الله عين وما صلت على النبي ليش كل هذا ومن اللي له مصلحة حنا أو هم.. خوله بجهة وأنا بجهة وأمي لو تعرف وش راح تسوي وش بيصير لها ؟؟ خالتي طلعت وأنا للحين على الوضع وأمي وأبوي يبغوني اضغط على نفسي عشان خالتي طيب هم فكروا فيها... وأنا ما احد فكر فيني ما احد يحس فيني تعبت يا ربي وش أسوي.. أروح معهم وارجع حياتي مع متعب لكن كيف ترجع وهو اللي قتلها وشلون أسامحه بعد ما طعني بخنجره وشلون... حطت يدينها على رأسها تبعد عنه التفكير وتركز باللي قدامها جت منال وحطت أغراضها بالطاولة وناظرت بأميرة اللي ما حست بوجودها..

منال تحط يدها بكتفها: أميرة.. ليش ما دخلتي المحاضرة..؟؟..

أميرة تطرد الضيقة وتحاول تبتسم: أذاكر... الدكتور ما قال شئ عن الامتحان..؟؟..

منال: إلا قال كل شئ معنا غير محاضرة السبت واليوم مو معنا والأسئلة موضوعية وبنفس الموعد.. "ماردت عليها وكأنها سرحت"...أميرة وش فيك؟؟...

أميرة تحاول تكون طبيعية: ما في شئ خايفه من الامتحان..

منال: لا تخافين إن شاء الله ربي يسهلها علينا.. أميرة.. أحس اللي فيك مو عشان الامتحان؟؟..

أميرة تحاول تبتسم: الصراحة خالتي طلعت من المستشفى واليوم مسوين عزيمة لها.. وأنا خايفه..!!..

منال بغرابة: من ايش خايفه من متعب..؟؟..

أميرة سرحانة: من الحياة معه.."استوعبت أنها ما قالت لمنال عن سبب الخلاف".. قصدي تعرفين من بعد ما تركت البيت مدة ما ادري كيف بيكون موقفي قدام أهله أخاف يتغيرون علي...

منال بحنان: أميرة أنتي من حقك تحافظين على بيتك إذ زوجك أهمله.. وبعدين ترى متعب يبغى راحتك عشان كذا قالك اتركي الدراسة وتفرغي لبيتك ومو بس هو كل الرجال كذا.. تدرين أبو العيال إذ تضايق وزعل يحط حرته بدراستي تقل مسويه له شئ... ما علينا خلينا نركز ما بقى شئ على الامتحان.."فتحت الكتاب وبدت تذاكر لكن أميرة سرحت بعد ساعتين راح أكون ببيت خالي قدام متعب وأنا ما أبغى أقابله ولا أبغى أشوفه.. الله يسامحكم يا يمه ويا يبه حطتوني بموقف ما اقدر اطلع نفسي منه"

توها طالعة من المحاضرة وراحت للبوفيه تدور على صديقتها لكن ما شافت لها أي اثر لمحت هاجر جالسه تلعب بجوالها ابتسمت بخبث وراحت لها...

هند بابتسامة مكر: من طول الغيبات..."ناظرت لها بحقارة وتذكرت كلام أخوها وتحذيرها منه"..

هاجر بملل: جاب الغنايم...."ناظرت لها من فوق لتحت باشمئزاز"...خير..!!..

هند تجلس: أول شئ وش جبتيلي من غنايم...؟؟..

هاجر تتكتف وبمكر: متعب..."تغيرت ملامح هند للخوف ليكون عرفت بعلاقتي معه"...

هند بارتباك: متعب !! وش فيه..؟؟..

هاجر تبتسم بخبث: قصدي اخوي متعب الحين يجي وما عندي استعداد أقولك الغنايم.."ناظرت لها بتكبر لمت كتبها مشت شوي ووقفت التفتت "...على فكرة هند وش بينك وبين مرت اخوي..؟؟..

هند ووقفت بثقة: مين خوله أو .....أميرة..

هاجر مقابلتها: أميرة مرت اخوي متعب أنتي قلتي انك تعرفينها وش نوع المعرفة...؟؟..

هند بقهر: اعرفها وبس.. لا تتدخلين بشئ مالك فيه..

هاجر باشمئزاز واضح: اسمعي يا هند.. أنا ما أعرفك ولا يشرفني أني أعرفك.. وللمعلومية عزمتك بحفلتي رأفة وصدقة مني عشان صديقتي الروح بالروح ترجتني للين ما وافقت ومثل ما تقول كأنك ما جيتي وفعلا هذا اللي صار.. وبعدين وشلون تسمحين لكرامتك تسوي اللي تسوينه وتلاحقين ناس ما يبغونك خلاص طلعتي من قلوبهم وأنا من هالناس هذه..."ماردت عليها لان ما توقعت أن عهود صديقة هاجر الروح بالروح يعنى أكيد عندها خبر بعلاقتي بمتعب..وشلون... مستحيل"...إيه قبل ما أنسى أميرة تسلم عليك.. باي.."تركتها بحيرتها ما قدرت تنطق بكلمه معقولة كنت طعم بس كيف وشلون يلعبون فيني أنا دافعت عن حبي وهم يلعبون فيني معقول هم الأبطال وأنا الكومبارس لا مستحيل صرت مسخرة لهم وبالأخير أميرة تكسب الجولة وبكل قوة عين تسلم علي تعلمني أنها الرابحة وأنا الخسرانه.."....

أول ما حطت رجلها على درجات القصر.. حست بغصة بداخلها ودها تهرب ولا تحس باللي تحسه.. ناظرت لكل أرجاء المكان وكأن الموقف ينعاد لها من جديد ومكانها بالحديقة مع هند يرجع وكأنه صار اليوم...الكل كان جالس بفرح وسعادة إلا شخص واحد كان سرحان ومو مع بعالمهم.. عالم الطعنة وعالم الصدمة...

منيرة بفرح: والله يا حصة تقولين صادقة..

حصة: إيه والله الحمد لله ربي هداها وهذا دلع بنات..

منيرة تناظر لها بحنان: الله يهديها ويهون عليها ... "كانت فوزية قريبة من منيرة وتقريبا سمعت اللي قالوه"...

فوزية تتقرب من أختها: صدق اللي سمعته يا منيرة..

منيرة بغرابة: وش سمعتي..؟؟..

فوزية تناظر لأميرة: أميرة زعلانه..

منيرة: لا من قال.. والله لا يجيب زعل إن شاء الله ...

فوزية: مو شرط احد يقولي بس شوفي شكلها تقل ميت عندها احد اللهم يا كافي..

منيرة بقهر: الحمل يا فوزية... يعنى ما تعرفينه مرات يشين الوحدة ومرات يحليها واللي قالك هالكلام نقال كلام وما عنده سالفة..

فوزية: عاد اللي قالنا بنتك هاجر أنهم متهاوشين ولها شهر ونص عند أهلها...

منيرة بضيق: هاجر وش عرفها.. متعب كان مسافر لبرا وجلست عند أهلها اللي يهدك بس..."صدت لجهة حصة تكمل بقية السوالف"...

بشاير بهمس: أقول هجوووره ليش مرت متعب كذا متغيره كثير...

هاجر: تعرفين الحمل ومصايبه..

بشاير بمكر: اللي فيها مو مصايب اللي فيهم مشاكل وهم.. وكأنها جايه بالغصب..

هاجر بقهر: أنتي وش لك منها مشاكل وإلا غيره بشاير لا تخليني اندم على اللي قلته لك مالك دخل فيهما سامعة.."قامت عنها وركزت نظرها لأميرة اللي حست بنظرات بشاير وبادلتها نفس النظرة لين ما نزلت بشاير عيونها وقامت من المكان كله وأنا ناقصة لنظراتك يا بشاير.."..

خوله تتقرب منها: غريبة ما كسرتي كلام أمي.. تصدقين عاد زين انك جيتي ما شفتي وشلون خالتي كيف رحبت فيك يا بختك يا أميرة بديت أغار منك...

أميرة تتنهد بضيق وتناظر بخالتها: الود ودي ما أجي بس أمي استلمتني وبالأخير ابوي وقف معها.. هذا أخر شئ ابوي يصف مع أمي..

خوله تواسيها: لان يحبك يا أميرة.."ناظرت بعيون حزينة".. صدقيني لو ماسوا كذا عمر حالك ما تصلح وبالأخير راح تحطينه على رؤوسهم..

شماء: أميرة ترى وضعك طال وبصراحة ما تنلام أمي إذ شدت عليك شوي.."ما ردت عليها"..أميرة افردي خشتك ترى شكلك يخرع....

بلقيس اللي سمعت أخر كلامه: هههههههههههههه شماء اللي يسمعك يقول بسم الله عليك تهبلين...

شماء بدهشة: بسم الله.. من وين طلعتي أنتي..

بلقيس: أنا دايم كذا تلقيني باي وقت حلو قدامك..أميرة لا تأخذين على كلامها بس هي محتره منك..

شماء: بلقيس لا تشيشين بيني وبين أختي ترى أعلنها حرب عالمية...

بلقيس بدهشة: الللللله حرب أعوذ بالله.. لا تكفين عاد كل شئ ولا خالة دحومي.. إلا تعالي أميرة كم لك وتولدين..

أميرة ببرود: إذ ما طلعت حساباتي خطاء بعد شهرين..

بلقيس بغرابة: ليش على حسابك..؟؟.. أنتي ما ترجعين دكتورتك...

أميرة بملل: وشلون ارجع وأنا ببيت أهلي وما ادخل للرياض إلا للكلية وبس...

بلقيس تناظر بشماء: معقولة..!! ما ترجعين ولا تعرفين كيف وضع الجنين زين أو لا... تدرين لو متعب يعرف والله الحين ليشيلك...

أميرة بقهر: وش دخل متعب بالموضوع...

شماء تناظر لها بنظرات لها معنى: أميرة...

بلقيس بقهر: وشلون وش دخله مو هذا ولدكم ولازم تطمنون عليه وتعرفين إذ هو بخير أو لا وش هالقلب عليك وش هالبرود اللي صابك..

أميرة بنرفزه: وأنتي ما تدرين أن أخوك هو السبب وخلني بلا قلب وبالبرود.. بلقيس الله يخليك إذ جايه تكملين ترى مو ناقصة لأي كلمة واللي فيني مكفيني... "قامت عنهم"...

بلقيس تناظر لها بدهشة: هذه وش فيها بسم الله كبريت..

شماء بأسف: امسحيها بوجهي يا بلقيس أميرة حالتها النفسية بالنازل وتنفعل على أي كلمه لا تزعلين منها ولا تأخذين بكلامها...

بلقيس تتملك نفسها: لا ليش ازعل بس هالشئ ما ينسكت عليه...

بالخيمة جالسة مع أحفادها يسولفون ويضحكون على سوالف طلال مع جدته لكن هو الشخص الوحيد اللي فكره سارح فيها ووده يطير لها أول ما عرف أنها رجعت معهم..

أم عبد الرحمن: يمه متعب.. مساعد للحين ما جاء اتصل عليه عجله...

متعب يبتسم: الحين عنده اجتماع وإذ خلص بيجي لا تخافين.. لا تخافين عليه يا جدتي ما في أحرص من مساعد..

طلال: لا يا متعب أخاف جدتي مو ماليه عينها فينا.. اللي مثل عيون الغزال إذ مشت بالبراري الشاسعة تلفت عيون الفهد عشان كذا ما تشوفه ينقض على الغزال بكل وله وشوق..

أم عبد الرحمن بقهر: يا عل الشوك ينغزك.. طلالووووه الله يلعن شيطانك من ولد متى تصير رجال هااااااه.."والكل ضحك"...

طلال باستخفاف: افاااااا وأنا أبو محمد كل الطول والعرض مو رجال يا جديتي يا حيف على شبابك يا طلال..

رياض: راح شبابك هدر يا أخوي الغالي...

متعب: هههههههههههههههههههههههه هذا اللي يقرب من النار حقك وماجاك...

أم عبد الرحمن بقهر: أنا نار يا وسيع الوجه اجل طلال بحل عنك...

متعب: لا يا جدتي فهتي الموضوع غلط.. قصدي أنه حتى طالك وما سلمتي منه.. طلال خلك محضر خير..

رياض: هههههههههههههههههههههههههه عاد اللي يطيح عند طلال ما يسلم منه واسألوني عنه يا ما شفت وأكلت معه...

أم عبد الرحمن: اعقلوا لا بالعصا على رؤوسكم..

طلال بفرح يلم جدته: بعدي والله ما يجيبها إلا هي جدتي الغالية..

أم عبد الرحمن: وخر عني لا تقرب مني..

طلال: بعدين ما يطاوعني قلبي لازم أتعلق فيك وأتمسك لين ما تقولين يا طلال حل عني دنا خلاص حرمت وربي...

أم عبد الرحمن تجر من إذنه: هااااااه شايفني اصغر عيالك لا أبيك تتقرب منى ولا تتعلق فيني..

محمد يبتسم: طلال وأنا أبوك العقل زين..

طلال: افااااااااااا بتكحلها يا يبه عميتها..

أم عبد الرحمن: وأنا جدتك العقل زين كحلها والا لا .. إلا أقول يا محمد زين جبت أميرة معكم ولا طاوعتوها وجلست لوحدها...

محمد يبتسم: أكيد أجل عند مين تجلس...؟؟..

طلال مسك متعب: قاعد لك قاعد لك أميرة موصيتني تقول امسكه ما أبغى أشوفه بوجهي...

متعب بدهشة من طريقتة: أنت وش دخلك وما علي منك ومنها وما أتوقع يطلع هالكلام من أميرة..

طلال بحقارة: ليش وش حضرتك على راسك ريشة... روحه ما فيه روح لها ...

متعب يقهره: لا حبيبي أنا متعب حرم أميرتي اللي هي أختك.. مو أنت اللي تمنعني..

طلال يفلته: والله مأخذ بعمرك مقلب.. ماش أميرة ما عرفت تدلعك زين..

محمد بحزم: اسمع يا متعب...

متعب يبتسم: سم يا عمي..

محمد بعطف: حط أميرة الورد بعيونك.. تراها غالية علي كثير وما أرضى عليها.. ولا تخلي مشكله تأثر على علاقتكم وأي شئ تقوله ترى حر ما فيها ولا تلومها... يعني مثل ما يقولون أخذها على قد عقلها..

متعب: أميرة بعيوني يا عم لا توصي..

طلال بتعجب: افااااا يا أبو طلال الحين أميرة أغلى مني هزلت والله هزلت ولن اسكت...

أم عبد الرحمن بغرابة: من اللي هزها يا وليدي اللهم ياكافي..

رياض ما سك ضحكته: جدتي يقول هزلت يعنى مسخرة وبعدين هيييييه أنت والله انك طماع يا أخي خل أخواتك يأخذون حقهم كله مأكل عليهم الجو...

طلال: وين حنا هييييييييييييييه لو باستراحتكم وبعدين يكفى علي حب الغالية أم طلال يكفى ويوفي...

متعب وقف: الحين حب عمتي يكفي ويوفي وين الهزلت ومدري ايش..

رياض: خله عنك هو بس كذا يتكلم وما عنده سالفة..

طلال بقهر: ما عندي سالفة طيب يا رياض.. وأنت وين تروح؟؟.. لما شميت ريحتها عالطول بتنقز لها..

متعب يبتسم: ما راح اخذ الآذن منك..

بعد ما راحوا المعازيم استأذنت منهم وطلعت لقسمها تجر ورآها الأحزان والألم أول ما دخلت غرفتها وشافت كل شئ جديد الصالة والمكان متغير عليها معقولة تغير علي المكان أو أحس أني غريبة فيه.. يمكن المدة اللي أبعدت صرت أشوف كل شئ تغير.. فتحت باب الغرفة وحطت يدها على قلبها تحاول تكبت دموعها وشهقاتها.. أول شئ طاح عينها عليه المكان اللي ارتمت فيها من بعد الصدمة.. مشت وهي تحاول تضبط جماح نفسها وشهقاتها المكبوتة بخطواتها الثقيلة.. جلست على الأرض وحطت رأسها على السرير تطلع كل ما فيها وتغسل نار الغيرة وتطفئ دموع الحسرة على ما أصابها من صدمة كبير هزت كل ما بداخلها.. يمكن تكون أول وأخر صدمة راح تقابلها أو تنتظر من بعدها صدمات مالها أي حل ويمكن حلها الوحيد الانفصال...

دخل وشافهم جالسين يسولفون ما حب يوضح لهم كيف هي لهفته عليها ووده يطير ويشوفها جلس مجامله لامه لما شافته ووجه مرسومة بابتسامة وعشان يقهر نظرات هاجر حضن أمه بكل وله وشوق وحط رأسه كتفها بحنان..

هاجر تقهره: يمه الله يهديك وش تبغين فيه خليه يولي لحبيبة القلب اللي فوق تنتظره..

متعب بقهر: وأنتي وش دخلك يا الملقوفة..

أم عبد الرحمن تشب النار بينهم: يا وليدي تغار منك عشان أغلى منها..

متعب: عارف يا جدتي ما تشوفينها تصرف..

هاجر تناظر له بحقد: على ايش والله أميرة مغشوشة فيك وبعدين يا جدتي المفروض تعطينه علقة محترمة عشان مرة ثانية ما يزعل أميرته...

أم عبد الرحمن وكأنه تتذكر: إيه والله.."جرته من إذنه بخفه".. اسمع وأنا جدتك هالمرة جت سليمة مثل ما يقولون لكن المرة الثانية أنا اللي بطلع من البيت....

منيرة بغرابة: يووووووه يا خالتي لدرجة.. عاد البيت ما يسوى بدونك...

متعب باس يدها: صادقه أمي ما يسوى البيت يا شمعة أنتي...

أم عبد الرحمن تبعد عنه: إيه علمك طلال الكلام اللي ماله داعي..

متعب: والله يا جدتي ما يعرف لك إلا طلال...

بلقيس تمسح على شعر ولدها: وش يسوي لها..

متعب بصوت قريب للهمس: يطلع ريحتها..."ضحكوا كلهم إلا صيته لأنها ما فهمت شئ"...

منيرة: خل عنكم الهذرة الزيادة وروح شوف مريتك ترى حتى العشاء ما تعشت زين..

بلقيس: ما شاء الله عليك يا يمه تراقبين أكلها بعد..

متعب: وأنتي وش اللي قاهرك خليها تراقبها وبعدين اتولى كل شئ بمعرفتي..

هاجر: صادقة بلقيس ليش مهتمه بأميرة كثير حتى ما أشوف تهتمين بخوله كثر أميرة..

منيرة: لان خوله كبيرة وعاقلة..

هاجر تغمز لاخوها: وأميرة صغيرة وخبلة هههههههههههه

متعب يرمي عليها مخدة: والله ما الخبلة إلا انتي يا دبه..

أم عبد الرحمن: والله اخوك الخبل بغى يفرط فيها...

متعب: يووووه يا جدتي رجعنا للمنوال من جديد ما راح نخلص..

أم عبد الرحمن: لا لين ما تتأدب..

منيرة بحنان: طيب يمه روح لها يمكن تنتظرك الحين..

متعب يبتسم ووقف: إن شاء الله يمه تأمرين أمر...

هاجر: الحين إن شاء الله وتأمرين أمر تقل ما صدق احد يقوله رح لحرمتك...

متعب بقهر: هااااااجرووووووووه قولي خير أو اسكتي..

أم عبد الرحمن بحنان: إيه صادق وليدي قولي خير أو نقطينا بسكاتك يا أم لسان.. متعب مثل ما وصيتك إذ فكرت تزعلها تراني سابقتها عند الباب وما يردني إلا الموت...

متعب يحب رأسها: الله يطول لي بعمرك وبعمر الغالية وما يصير خاطركم إلا طيب..

بلقيس وقفت: متعب أبغاك بموضوع شوي...

هاجر: ليش يا بلقيس تمسكينه الحين بيدور عذر عشان يروح لها...

متعب يقهرها: والله إذ بغيت أروح ما راح أشورك فاهمة..

منيرة بقهر: هاجر اتركي أخوك على راحته...

هاجر ببراءة: يمه ما قلت شئ وقلبتوها علي ...

منيرة توقف: بروح ارتاح تصبحون على خير.."قبل ما تمشي حب رأسها وراح مع بلقيس للمجلس"...

هاجر: جدتي..

أم عبد الرحمن وكأنها غفت: همممممممممم

هاجر بقهر: جدتي أنتي نمتي...؟؟...

أم عبد الرحمن تناظر لها: لا ما نمت نعم وش عندك...؟؟..

هاجر تجلس بجنبها: ليش عمتي عزيزة وعيالها ما جوا اليوم..؟؟..

أم عبد الرحمن: والله يا بنيتي تقول مرت ولدها مسوين أهلها عزيمة وراحوا لهم بس رياض ما راح وبعد العشاء جاء إبراهيم وولده سلطان وسلموا على أمك...

هاجر ابتسمت لما أنذكر اسمه: طيب جدتي يعنى ما راح يجون يشفون أمي...؟؟..

أم عبد الرحمن: أكيد بيجون بس شوفي متى.. يله يا بنيتي وديني لغرفتي بصلي كم ركعة وبنام..."أخذت بيدها ومشوا للين ما وصلوا لجناح أم عبد الرحمن فكرها برياض اللي بعد عنها وهي السبب لازم توصله باي طريقة تكون بس يرجع لها مثل أول وأحسن"...

جالسه تنتظره وللحين ما جاء من أول ما وصلهم للبيت اتصل عليه صديقة يبغاه ضروري وللحين ما بين وينه الحين الساعة بتدخل 1 إلا .. وهو ما جاء وجواله مغلق الله يستر ويعدي الليلة على خير..

طيف: ماما...

خوله تبتسم لها: تعالي طيف..."مشت عندها تفرك عيونها تطرد النوم"...

طيف: ماما وين بابا...؟؟..

خوله تضمها بحنان: بالشغل حبيبتي..

طيف ببراءة: سعل..!!..

خوله تبوس رأسها: إيه حبيبتي.. رغد نايمة..؟؟؟.."هزت راسها بايه والنوم للحين بيعونها"..

خوله: يله نروح ننام معها.."أخذت بيدها وسمعوا صوت الباب يفتح ووقفوا بشوق ولهفة يتطلعون بالشخص اللي اقبل عليهم ووجه مرسومة بعلامات التعجب وعالطول ركضت طيف تحضن أبوها"..

مساعد بعبوس وهو شايل بنته: وش فيكم للحين ما نمتوا خوله طيف فيها شئ..؟؟..

خوله براحة: لا ما فيها شئ..."وقفت مقابله له بعيون مليانه حب وراحة للشخص المتبلد المشاعر"..

مساعد بحزم: اجل ليش للحين ما نامت للحين..؟؟..

خوله تمسح على شعرها وعيونها عليه: تنتظرك شافتك تأخرت وما حبت تنام إلا لما تشوفك بخير..

مساعد بقهر: خوله طيف وش عرفها.. تكلمي زين...

خوله بحنان: إن شاء الله.. كنت انتظرك وتفاجئت أنها تدور عليك.."ابتسمت لكن اللي طعن قلبها عدم مبالاته لها راح وتركها بالصالة لوحدها وهو يسولف مع بنته ولا كأني زوجته الله يحنن قلبك علي يا مساعد وتحس فيني"...

متعب بعصبية: وليش ما قلتيلي من الأول...

بلقيس تهديه: حنا تفاجئنا مثلك حتى خوله قالت لها المفروض تراجع بس الظاهر أنها راح على بالها هالشئ...

متعب بصوت عالي: وشلون يروح على بالها ما يهمها ولدها

بلقيس بحزن: والله ما ادري.. المفروض تشوف وضعها وخاصة أن شماء قالت لي ما تحس بحركات الطفل..

متعب بخوف: وشلون يعنى...؟؟..

بلقيس بارتباك: يعنى إذ هي بالشهر بالسابع تكون حركات الطفل كثيرة ومرات تزعج الأم ونفس الشئ بالثامن وأميرة فاقده هالحركات ما تحس فيهم.. يمكن لا سمح الله الطفل فيه شئ.." مارد عليها"... متعب لا تعصب عليها عشان إهمال بسيط...

متعب بنرفزة: الحين اللي سوته تسمينه بسيط.. تدرين يا بلقيس إذ صار لولدي شئ تدرين أنها بتذبحني وتذبح أول فرحه لي ليش هي كذا عنيده بطبعه وما تفكر إلا بنفسها...

بلقيس توقف عنده: لا تنسى يا اخوي من ذبح الثاني أول.. "ناظر لها بعصبية"..لا تزعل من الحقيقة المهم حنا ما صدقنا أميرة ترجع وأنت بعدين أخذها للمستشفى وشوفوا وضع ولدكم وقبل كل شئ الله يخليك أميرة الحين بمرحلة شوي حساسة وصعبة يعنى تحملها وطول بالك عليها..

متعب بضيق: تعلميني يا بلقيس من عقب ما فقدت أميرة تعلميني وشلون أتعامل معها يا بلقيس اللي ينكوى مرة يخاف ينكوى مرة ثانية وأنا انكويت وتبت وما عندي استعداد اخسر أميرة لأي سبب كان..

هند بغرابة: طيب وش معنى اللي قالته..؟؟..

عهود: ما ادري عنها شوفي يا هند.. اللي مثل نوعية هاجر صعب ومستحيل تستمر الصداقة معها هاجر لها شخصية قوية ومو أي احد يقدر لها والكلام اللي قالته يمكن قالته من غير قصد...

هند: بس حسيتها تقصد شئ..!!..

عهود: صحيح اعرف هاجر بس معرفتي لها جدا سطحية ولا عمري دقيت عليها ولا فكرت أدق.. وهي أكيد نفس ما أفكر وإذ تبغين تصدقين صدقي ما تبغين براحتك..

هند بحزن: لا أنا مصدقتك والدليل ما أشوفك دايم عندها بالعكس لاحظت نفور بينكم عموما هالسالفة شلتها من راسي..

عهود: اتمنى تشليها من راسك بصدق وتنسين كل شئ بحياتك..

هند بضيق: تصدقين يا عهود ياليت الزمن يرجع لورء شوي ولا فتحت فمي لأميرة هي وش ذنبها

عهود: وش اللي يدور براسك..

هند تتنهد بضيق: تسرعت كثير..

عهود: الحمد لله اثر كلامي فيك قلتلك من الأول خلاص متعب مرحلة بحياتك وعدت صحيح الوحدة مننا تغلط على حساب نفسها لكن وش تسوي ما بيد حيله الدنيا مليانه ذيابه من نوعيه متعب..

هند: لا يا عهود متعب كان بقمة الاحترام والذوق معي ولا عمره تعدى حدوده كل واللي بيننا مجرد مكالمات محترمة وبس.. ولو ما جاب لي موضوع الزواج من الأساس ما فكرت أعطيه رقمي.."تنهدت بضيق"... متعب كان جاد بموضوع الزواج معي لدرجة عرفنا كل شئ عن بعض وكلمتني أخته وكان بيطق الباب لكن الظروف كانت أقوى مننا...

عهود: ويمكن خيره لك.. صحيح راح تتعبين بالبداية لكن لكل تعب نهاية راحة...

هند بضيق: أنا تعبت وخلصت وش باقي ما ذقته من أنواع التعب والحرمان.. مرات افكر اشوف اميرة و..

عهود تقاطعها بقهر: وهذا اللي تندمت وش تبغين فيها بعد.. خلاص انسى وكأن شئ ما صار..

هند: بس أنا سويت اللي ما يتسوى.. ابغى تعرف أني رسمت لها فكرة غلط عن متعب

عهود: خلاص انتي قلتي أو ما قلتي وش راح تستفيدين بعدين..

هند بحزن: ولا شئ.. ما علينا الله يخيلك يا عهود لا تجيبي سيرة متعب ولا هاجر على الأقل خليني أنسى وأشيله من بالي وعسى ربي يغفر لي غلطتي..

عهود براحة: دامك حسيتي بغلطتك إن شاء الله يسامحك بس اهم شئ تبدين حياة جديدة وتنسين متعب وأميرة..

أول ما فتح باب الغرفة طاح عيونه على الشخص المتسند على السرير يبكي بحرقة ضاق خاطر متعب من المشهد وصوت بكائها وشهقاتها اللي لها صدى بكل أرجاء الغرفة.. لدرجة يا اميرة كارهه رجعتك لي.. مشى بخطوات بطيئة مو عارف كيف يهدي مناحتها مو عارف كيف يكلمها وهي منهارة.. لدرجة الحين صرت ما أنطاق وكاره شوفتي.. جلس على السرير بشويش.. وفجاءة سكتت رفعت رأسها شوي وشافته جالس بجنبها مسحت دموعها وما تحركت من مكانها متعب اللي وده يشيلها ويضمها ويقول بصوت عالي أنا غلطت وأسف من كل قلبي لكن يخاف من عناد أميرة تصده ولا تقبل أي عذر منه...

متعب بحنان: وشلونك أميرة..؟؟.."ما ردت عليه"...أميرة مو عارف كيف أبدء كل اللي بقوله لك أني أسف أسف على كل شئ..أسف على المر اللي ذقتيه معي.. أسف أني خيبت ظنك فيني.. أميرة خلينا ننسى ترى الدنيا ما تسوى اللي قاعدة تسوينه بنفسك...

أميرة بصوت مبحوح: خلصت...

متعب يجلس عندها وقريب لها: لو أتكلم من هنا لبكرة ما اعتقد أني بخلص وأوفي كلامي..

أميرة تحاول تبعد عنه: لا تظنن أني رجعت عشان سواد عيونك..."ناظرت له بتحدي وباشمئزاز".. رجعت عشان خالتي اللي ما تستاهل اللي جاها بسبتك...

متعب بغرابة: يعنى أنا ما استاهل هذا رأيك فيني..؟؟.. وانا السبب بكل شئ.. الله يسامحك

اميرة توقف بتعب: الله يسامح الجميع ويكفر عن سيئاتك واخطائك اللي لا تعد ولا تحصى..

متعب يبتسم: ما شاءالله صارت لي أخطاء لا تعد ولا تحصى اللي اعرفه خطاء واحد صار بحياتي.. وأعتقد صار معروف كل عند الكل..

أميرة: حلو منك تعترف بغطتك.." مشت عنه".. كنت بالأول ما أعرفك غير انك إنسان عصبي ومزاجي ومو كل شئ يقنعك وترضى فيه.. كنت أتصبر وأتحمل عجرفتك وغرورك لأنك نصيبي والحياة اللي راح أعيشها معك.. والحرمة مو كل يوم لها زوج لكن الرجال كل يوم له حرمة مو هذا اللي يقولونه.."وقفت عند البلكونه".. يوم خطبتني ما احد جاء واخذ برأي تفاجئت أني مخطوبة تصور بيوم وليله أكون مخطوبة من شخص ما اعرفه غير انه ولد خالي.."ناظرت له بعيون حزينة ومليانة دموع".. قلتلهم ليش بعتوني عشان الحلال مثل ما تظن تدري وش كان ردها لي..

متعب يتقرب لها: وش كان...؟؟...

أميرة كأنها تتذكر الموقف: مثل ما أعطيتني بالضبط.. "ابتسمت وحطت يدها على خدها".. لكن اخف بكثير

متعب بحنان: اميرة..

اميرة تبعد عنه: وقالت مو حنا اللي نبيع بناتنا عشان.. "تحاول تضبط من صوتها".. ابوي ما تدخل ولا حتى أخواتي لان أمي مصره أن كل شئ يتم.. ولا اعرف ليش السبب ما كنت اشتكي لأحد لكن لما شفت أن مصيري مرتبط بك سلمت أمري وتوكلت على الله.. بعد الملكة حاولت أتقبل وضعي كإنسانه متزوجة لدرجة أحاول أني أجاري الناس لكن بداخلي.."أشرت على قلبها".. كان كل يوم يبكي وما احد يحس فيني.. في يوم الزوج تقدر تقول أني على حافة الموت كأني انقاد للسياف عشان ينفذ الحكم علي

متعب بضيق: وطبعا أنا السياف..

يتبع ,,,,

👇👇👇

تعديل المقال