رواية روح معاه وخلني استمتع بنغمة بكاي -22

رواية روح معاه وخلني استمتع بنغمة بكاي -22

ام فواز:فواز..

فواز رفع يده:لوسمحتي..انا تعبان الحين..

ومر من قدامها..متوجهه للغرفه..دخل وهو مو عارف يضبط نفسه..انسدح على السرير في محاوله فاشله للهرب من عالمه..

$$$$$$$$$$

جابر:انشاء الله..لاتحاتي..انت عطه اوراقك..وانا بشوفها ...يلامع السلامه..

دخلت عليه طيف..

طيف:بابا...يلا الشاهي حضرناه..

جابر:جااااي..بابا جاااي..

طيف:لاتتاخر علينا..

جابر:هذااني بقوووم..معك عشان ماتقولين لي تاخرت عليك..

طيف تمسكت بمعصمه ومشت معااه..

طيف:يبه..

جابر:عيوني..

طيف:موكانك اليوم زايد جرعه الدلع مع ليون..

جابر:ليييييه والحلوه غيرانه..

طيف:لاء..موغيرانه..

جابر:علي اناااااا..

طيف:اقول سي جابر..غصب تخليني غيرانه..

جابر:هههههههه وطاحت الكلافه بعد..

*دوووم الضحكه..

لف جابر وطيف على سلاف..

جابر:معااك..

سلاف:زييين نزلت..

جابر:عزمتني الحلوه ومااجي..

ابتسمت سلاف لطيف..

لينا وقفت:عن اذنكم بروح ارتاااااح..بكراا..وراي دوااام..

رهف:تو النااس..مو العاده تنامين هالحزه..

لينا:تصبحين على خيير..

كلهم:وانتي من اهل الخير..

طلعت لينا وهنا دق جوال جابر..

جابر:هلا مهند..

سلاف هنا فتحت عيونها وطالعت بجابر..

مهند:هلا فيك خالي..

جابر:هااه شخبار الدواام اليوم..

مهند:الحمدلله كان حلو..

جابر:الله يوفقك..يارب..

مهند:خالي..ابي اشوف امي..

جابر:انشاء الله تامر انت..

مهند:ابيها ترجع معاي بيتها..

جابر:وهذا اللي كنت بقولك اياه..

مهند:يعني انت موافق..

جابر:اكيد..شوف بكره لماتطلع من الشغل مرني البيت ونكمل كلامنا..

مهند بفرحه :انشاء الله ..تسلم خالي..

جابر:الله يسلمك..هذا واجبي ياوليدي..

مهند:يلا خالي..اخليك احين..مع السلامه..

جابر:مع السلامه..

نزل الجوال من اذنه..

سلاف:جابر من متى تكلم مهند..

$$$$$$$$$$$$$

هنا ينتهي البارت 13 الجزء الثاني ..

مشاهد من البارت القادم..

*ســــــــــــــلاااااااا ااااااااااف..بـــــــــــــــااااااااااااااااااس..

*يــــــــــمــــه..اتااااالم..مو قاااادره..

*ماعمـــري سمعت ان خالي..عنده ولد مخطوف..

*خالد..محمد بطنه يعوره..

*مهند ..صدقني..انا..مدري شفيكم..انا..انا..

*"يمكنه صار اطرم".."ههههههههههههه ومن قبل اطرم"..

اتمنى انه البارت لاقي استحسانكم

ودي

صرخه وفا

ولهانه لشوفته..

البارت 13

"الجزء الثالث"

نزل الجوال من اذنه

سلاف:جابر من متى تكلم مهند..

لف عليها جابر مستغرب سؤالها..

جابر:ولييييه هالسؤال؟!

سلاف:لاء بس اشوفك تعرفه على البيت وتاخذ وتعطي..

جابر شرب الشاهي :ولييه مو ولد اختي هذا..

سلاف:بس انت نسيت اللي سوااه..

جابر:ياليل الشقا..سلاف..انا كم مرره بقول..مهند..ماله دخل فاااااااااهمــه..

سلاف:لاء له دخل ولا لو ماله كان احين بـ..

جابر هنا صرخ:ســــــــــــــلاااااااا ااااااااااف..بـــــــــــــــااااااااااااااااااس..

رهف وطيف يراقبون الحوار بصمت مو فاهمين وش اللي يصير ..

سلاف:هذا اللي عندك تصارخ ولا البنت مو هامتك..

جابر وقف:اقول انتي شكلك مو ناويه تعدين الليله على خير..

ورقا لغرفته..

رهف:يمه شصاير..

طالعتهم سلاف..ثم لفت على الدرج وهي تشوف جابر يرقى..

طيف:ماما..

سلاف:كل وحده تقوم غرفتها ااا..

$$$$$$$$$$$$

خالد:قلنا لك من قبل..

عبدالاله:شسوي الحين..احس اني..خاطري اذبحها..

خالد:روح اذبحها..والله اذا ماتت محد بسال فيها..

عبدالاله:آآآآآخ خ خ خ..بس..انا مقهور..وانت تتطنز..

خالد:وربي انت اللي بالش عمرك..ياخي كيفها..المستشفى مو مستشفى ابوك عشان تتحكم..وانت كف خيرك وشرك عنها ..وراح تشوف مااارح..تجيك..

عبدالاله:اتمنى هالشئ..اتمنى..

خالد:عبدالاله ..ماتخاف تهاني تعرف..

عبدالاله طالعه:وشنو اللي بيخليها تعرف...

خالد:انت..

عبدالاله:انا..

خالد:عبيد طيعني..وفك عمرك..انت الحين معك ثنين من اهلنا بالشغل..يعني لو حصل وصار شئ..فمااظن انك راح تكون مسرور..

عبدالاله:شوف خالد كلامك على عيني وراسي..اما مساله ان تهاني تعرف ..فحتى لو عرفت هي شبتقدر تسوي انا زوجها الحين..

خالد:بتطلب منك الطلاق هذا اقل شئ ممكن تسويه..

عبدالاله:مااظن لان تهاني عاشت شصار وسبب طلاق عمي..وخالتي ..فمااظن انها تحب تسوي مشاكل

خالد:عبدالاله انت تعرف تهاني

عبدالاله سكت..

خالد:انت حتى ماتكلمها ..يوميا..ولاعمرك رحت لبيتهم الا مرات معدوده..اجل لاتفسر كلااااام...هي مو ممكن تسويه..

عبدالاله طالع بخالد وظل ساكت يفكر بكلامه..

$$$$$$$$$$$$$

البندري:يـمه..يـــمـــه..

صحت ام خالد على ندائات البندري الهلكانه ..لفت عليها..

ام خالد:بنتي شفيك..

البندري ببكاء:يــــــــــمــــه..اتااااالم..مو قاااادره..

ام خالد طلعت لبراا تركض..تنادي الممرضات..وهي خايفه عليها ..طلعوها لبرااا..

ووقفت بخوف وتوتر..الوقت متاخر مين بيصحى بهذا الليل من يطمنها على بنتها ..جلست على الكرسي وهي ترفع اكفها لربها تدعيه ..انه يغفر لبنتها ويخفف عنها..

$$$$$$$$$$$$

مهند:بشار..ماقلت لي تعرف وين مكان ابوك..

بشار:لاء..انا مااعرف الا اسمه..رحت قبل كم يوم بس مااظنه هو..

علي:لاتحاتي..حنا معااك..

بشار بدمعه:والله مدري شقول لكم..يعني انا ضريتكم اذيتكم..وانتوا بتساعدوني..

علي:لاتقول كذا انت مالك ذنب..

بشار نزل راسه..

مهند:خلونا من هالكلااام الحين..حنا لازم نلقى ابوك..باسرع وقت..

بشار طالعهم..

علي :اي صح..انت عطنا اسمه..وحنا بندور..

بشار لف على الشنطه الصغيره اللي مايمشي الا وهي معه وطلع لهم..الصندوق..

بشار:هذا عطتني ايااه امي..

علي:قصدك نهاد..

بشار:اي..فيه كل شئ عني..

فتحه بشار..

بشار:فيه الجرايد اللي نشرت صورتي وانا صغير وصوره ابوي..

علي:اشوفه..

قرب مهند منهم..ومسك الجريده..وطاحت عينه على الصوره..

مهند:خـ..خـ..خـ..خالي جابر..

بشار رفع راسه:كييييف؟

علي خذا الجريده وطالع ..ثم رفع راسه وطالع بشار..

علي:كيييف كذا..انت ولد جابر ..بس ..بس..بشار..اعترف ..شنو الحقيقه..

مهند:ماعمـــري سمعت ان خالي..عنده ولد مخطوف..

علي:لاانا..

بشار:صدقوني انا مو فاهم شئ من اللي انتوا جالسين تقولونه ..

علي صرخ:بــــــــــــــــشــــــــارر..انت جـــــاي..لنا من العصابه ..اللي كانت تحاول تدمر العايله..والحين جااي تقول انك ولدهم..

بشار:علي..أأ..أ..

علي:اوراقك انكشفت سي بشار حتى لو جابر عنده ولد مخطوف مااظنه انت..

بشاره طالعه بوجهه بهت:عـ..عـ..

علي:لوسمحت..كفايه الى هنا..

بشار مو فاهم شئ ويطالع بمهند وعلي..

علي:رووووووووووح..

بشار جلس على الارض يلم الاوراق..وهو محبط..يعني اللي بيساعدونه..تخلوا عنه..

علي:خلااااص ماله داعي تكمل تمثيل..

بشار وقف..ولبس شنطته وطلع لبراا..كاتم عبرته..كاتم جرحه ..كاتم..المه ..كاتم حزنه..

مهند:علي..مو قبل نتحقق..

علي:شتحقق منه كل شئ واضح..هذا اكيد ياسر راسله..

مهند:بس شفت الجريده..بعدين بالله عليك كيف بيرسله وهو بالسجن..

علي:مهند حتى لو..يمكن يكون صدق خالك عنده ولد مخطوف بس مااظنه هذا..لانه من طرف ياسر..

مهند:مدري ..حاس ..حاس..

علي:بكره بتبان الحقيقه..

عند بشار ..اول ماطلع طالع بالصوره..

بشار:يكذبون علي يعني يكذبون..علي..

$$$$$$$$$$$

خالد:تغريد ماصحى محمد..تاخر الوقت..

تغريد وهي تجهز لمحمدالفطور:رايحه اصحيه..لاتحاتي مابيتاخر..

خالد طالعها..هي عروس مو حلوه تشتغل له ولولده..وهم ماصارلهم كم يوم..

خالد:تغريد اليوم بجيب خدامه

تغريد:ليييييه..

خالد:بس مو حلوه انتي توك..

تغريد تبتسم:خالد قبل ببيتنا مافي خدامه..نحن اللي كنا نشتغل فمتعوده..وانا مااحبهم اصلا..

خالد:بس..

تغريد:لابس ولاحاجه ..واذا احتجناها ..قلت لك..

وراحت لغرفه محمد تصحيه..اول مادخلت لقته جالس..على مكتبه..

تغريد:حمووووودي متى قمت..

محمد لف عيها وطالعها:تغريد..

تغريد راحت له:عيونها..

محمد:ماابي اروح المدرسه..

تغريد:ليييه..

محمد:قولي له مابي ارووووح..

تغريد:حمودي طب لييه..عشان اقول له..

محمد:مابي..

تغريد:تبي بابا يزعل عليك..

محمد:انا مو بزر..انا عارف وكبير وماابي اروح..<<فديت الكبير انااا..

تغريد:طيب ..انا ماقلت كذا..انا اقوول ..قولي لي شفيك..عشان اقول له..

محمد:بس..

تغريد:لاء..حمووودي انتي شلطر ولازم تروح..

محمد:بطني يعورني..

تغريد:هاااه..من متى..

محمد كان جازت له الكذبه:من امس..انا تعبان..

تغريد مسكته ومشته لسريره:طب حبيبي ارتااااح..وانا اقول له وارجع لك..

طلعت تغريد لخالد..

تغريد:خالد..محمد بطنه يعوره..

خالد:شــنوووو..

وقاام مسرع لغرفه محمد..

خالد:حموووووي..شفيك..

محمد:تعبان..

خالد:قوووم..قووم اوديك الطبيب..

محمد هنا صرخ:لااااااا..ماابي..

خالد:طب شتحس فيه..

محمد:بطني..

تغريدكانا بسوي له عصير برتقال..

خالد:بدق على عبدالاله يجي يشوفه قبل مايروووح..

$$$$$$$$$$$$

نزل من الدرج وهو نشيط طالع باهله متجمعين على بالصاله..

وليد:السلااام عليكم..

حب راس ابوه وامه..

هنا صابرين ونسرين مدوله خدهم ..مع بعض..

صابرين:يلاااا..

نسرين:بوس..

وليد ابتسم لهم وعطا كل وحده منهم بوسه..توجهه لكرسيه..

الا شاف هيثم منزل راسه..وليد جلس..

وليد:شفيك انت..

هيثم:انكسرت رقبتي..بسرعه حب راسي..

كلهم هنا ضحكواا عليه..

وليد:احلف..

هيثم:بسرعه..

وليد:خخخخ..ولييه..ماخبرت انك اكبر مني..ولاخبرت انك ..مسوي لي معروف..

غازي:مو هذاك بست هالسوستين..

صابرين:خخخ..حمدلله والشكر..

نسرين:مو كانك تسب نفسك..

صابرين:حبيبي كل شئ بتقوله عنا..

نسرين:بيتطبق عليك..

غازي:بسم الله علي..

وليد:مدري شلوووون..جلستواا بنفس البطن..

هيثم:مطول انا كذااااا..

هنا كلهم ضحكواا على هيثم اللي ماغير من راسه..ينتظر وليد يبوسه..

بووليد:هيثم ارفع رقبتك لاتنكسر من جد..

هيثم رفع رقبته بسرعه ..وهنا صرخ..

وليد:ههههههه..شفيك بسم الله..

هيثم يتالم وهو حاط..يده على رقبته..

هيثم:آه يارقبتي..

غازي:خخخ..انشدت ..عليك..

هيثم:مو قادر احركها..

وليد قاام له:هيثم من جدك..

هيثم فتح عيونه:يعني بكذب عليك..

بووليد:هيثم حركها ..على خفيف..

هيثم:مو قادر..

صابرين:هذا ماجنته ..

نسرين:يداااك..

ام وليد:صابرين ونسرين..عن الطنازه على اخوك..

صابرين ونسرين طالعواا بعض وسكتوااا..

$$$$$$$$$$$$

خالد:هاااه عبدالاله شفيه..

عبدالاله فيه الضحكه على محمد ولد خالد..

عبدالاله:خالد رووح براا..وخلني اخلص شغلي..

خالد:عبيد..خــ..

عبدالاله:خــااااااالـــد..

خالد طلع برااا..

عبدالاله:محمد..انت مو تعباان..

محمد:لاااا..

عبدالاله:علي انا..انا دكتور وعارف..انت مو مريض..

محمد:..

عبدالاله:خلااااص انا بروووح..واقول لابوك..حموووود..ومافيه الا الخير..ويقص عليكم..

محمد:لااااااء..عمي..

عبدالاله:اجل تقول لي..

محمد:انا مااحب ارووح المدرسه..

عبدالاله:لييييه..

محمد:بس ..مابي..

عبدالاله:امممممم..طب في احد ضاربك..هنااك..احد قايل لك شئ..

محمد:لاااء.."ونزل راسه متوتر"..

عبدالاله:شوف حموووود انا بقول لابوك انك ترتاح اليوم بس توعدني بكره ..تروح المدرسه..

محمد:اوعدك..

قام عبدالاله طلع لبرااا..

خالد راح له:هاااه عبدالاله شفيه..

عبدالاله:خالد..انت ماترووح..لمدرسه حمووووود..

خالد:شمدرسته..انت قوللي شفيه..

عبدالاله:اصبر..محمد ولدك مافيه شئ..بس شكله صاير معه شئ بالمدرسه..

خالد:شئ مثل شنو..

عبدالاله:شوف انت خله اليوم ورووح اسال عنه بالمدرسه ..وشوف شصاير معااااه..

خالد:يعني هو مو تعبان..

عبدالاله:لاء..بس انت لاتقول..اني قلت لك..

خالد:طيب..خلاااااص..تعبتك..معااااي..

عبدالاله:لاتعب ولاحاجه..

ودع خالد عبدالاله..ولغ على غرفه..محمد ودخل..

خالد:هااااه..حمووووود..تبي شئ..

محمد:لاااء.

خالد:ماتبي بطاطس حلاوه عصير..

محمد:الا..<<موتوك تعبان..

خالد ابتسم وقرب منه:طيب بابا انا بروح يلااا مع السلامه

وحبه وطلع..

تغريد بخوف:خاااالد..شصاير ..محمد بخير..

خالد مسك يدها ووداها للمطبخ:تعالي.

تغريد:شفيه..

خالد:تغريد محمد..ماقال لك شئ..

تغريد:شئ عن شنو..

خالد:اقصد عن المدرسه ..ماقالك شئ عنها..

تغريد:لاااء..خالد شفيه..

خالد تنهد:محمد مافيه شئ..

تغريد:شلووون؟!

خالد:عبدالاله يقول شاك انه اعراضه عن المدرسه هو سبب شئ صاير له هناك..

تغريد:شبتسوي الحين..

خالد:انا بروح المدرسه..وبشوف..

$$$$$$$$$$$

لينا:عمي خلصت..

جابر:يلا مشينا..

سلاف:تو الناس..

جابر:لاء اي تو الناس..عن اذنك..

وراحوا للسياره..

لينا اتصلت على تهاني..

لينا:الو تهاني..

تهاني وهي نايمه:هممممم..شبغيتي..

لينا:نايمه..

تهاني:داقه علي الساعه..سبع وتساليني اذا نايمه..

لينا:قومي صحصحي ودقي علي..

تهاني :طييييب..

سكرت لينا وهي تشوف عمها..يوقف عند البنك..

جابر:دقايق وراجع..

نزل جابر ولينا..سندت راسها على السياره طرى على بالها مهند الله يالصدف ..قلت انه بعيد عني..لاكنه طلع اقرب من الكل..ويشتغل معي بنفس المستشفى وبنفس القسم..وهي اليوم بتمسك مرضااه ..يعني بتكون مععاه طول الوقت..

$$$$$$$$$$$

مريم:شقلتي ريماااس..

ريمااس:خلاااص ..اذا رجعتي يحلها الف حلال..

مريم:بس انا ابي وعد..البنت بالمستشفى..وانا لازم..ازورها..

ريماس:انشاء الله..انتي اللحين طلعي..بتتاخرين على عمد..

مريم:يلااا باااي..

$$$$$$$$$$

مهند:امممممم..يعني هذا هو السبب..طيب خلااص مشكوره..تقدرين تطلعين المرضى وانا جاي وراك..

لينا:عن اذنك...

طلعت لينا.زوقف مهند بيروح يشوف المرضى..الا تفاجاء ببشارواقف على الباب..

مهند:بشار..

بشار كان يطالع بمهند..ودمعته بعينه ترجف..

مهند:بشار..

بشار دخل وسكر الباب..

بشار:مهند صدقني..انا مدري شفيكم..انا..انا..

مهند طالعه كييف يرجف ..مسكه وجلسه..

بشار:انا ..عطوني هالاغراض..لماقلت لهم ابي امي وابوي..

مهند:بشار شوف ..انا رااح اساعدك..وراح ندور على ابوك..

بشار:يعني مااااارح تتخلى عني..

$$$$$$$$$$

فهد:هاااه امرك يايوسف..

يوسف:اي تعاااال..

فهد:لك مو علي عيني على راسي كم يويو عندي..

يوسف:شيويو..هذي بعد هااااه..

فهد:ههههههه..بندلعك ياحلو..

يوسف:اقووول..مو كانك مزودها..يلااا قووم حرك سيارتك وتعال..

فهد:طيييييب..

يوسف:مع السلامه..

فهد:مع السلامه..

لف فهد على صالح اللي جالس ..

فهد:صالح..

صالح:هلا..

فهد:ممكن اسالك سؤال؟!

صالح:اي شنو..

فهد:لييه مارحت للبندري..

صالح:ايش مومن قالك مارحت..

فهد:انا طول وقتي عندها..ماشفتك..

صالح:رحت لا بس مااطول..

فهد وهو يوقف:حبيت اذكرك ترااها بنو..

وطلع بسيارته..لبيت عمته..

$$$$$$$$$$$

تغريد:هاااه..حمووووودي..خلصت..اكل..

محمد:اي..

تغريد:طب حبيبي تعال..للغرفه ابيك..

محمد:انا اطالع توم وجيري..

تغريد:يووووه تعال ابيك..بس شوي..

محمد مشى بتثاقل لعندها..

محمد:نعم..

تغريد تبتسم:حمود..انابوريك شئ..

محمد:شنو..

تغريد طلعت علبه:تعال قرب..

قرب محمد وهو يشوف العلبه المغلفه..

محمد:هذي شنو.."طالعها"هديه..

تغريد ابتسمت:اي..

محمد:حق منو..

تغريد:حقك انت..

محمد:حقي انا..

تغريد:اي لك انت..يلا اجلس افتحها..

محمد جلس..وهو يفتحها..طالع فيها بابتسامه فرحانه..

محمد:سيــــــــــاره..بريموت..

تغريد:اي سياره لك..

محمد:والله لي انا..

تغريد:اي..

محمد:شكرا..

تغريد:عفوا..

محمد يفتح علبه السياره..طالعته تغريد..

تغريد:هااه..محمد..شقلت بكره بتروح المدرسه..

هنا وقف فتح العلبه ولف عليها..

تغريد:شقلت..

محمد:تغريد..انتي تحبيني..

تغريد:اكيد اذا مااحبك..انت مين احب..

محمد:طيب..بقولك سر..

تغريد:قول..

محمد:المدير..قال لي ..قول لابوك يجي..

تغريد كانت بتشهق لاكن مسكت نفسها..

تغريد:لييه حبيبي..

محمد:لان واحد يضربني وانا ضربته..وطلع منه دم..اكيد بيضربني خلووود..

تغريد:طب لييه..ماقلت لنا..

محمد:بس..

تغريد:شوف حموووودي ابوك يحبك..ومابيضربك تدري لييه..

محمد:لييييه؟!

تغريد:لانك ولده..

محمد:طب قولي له خلاااص مابي اروح للمدرسه..

$$$$$$$$$$

في مدرسه طيف..كانت اول حصه فرااغ ..والبنات مسوين هيصه ولعبه داخل الفصل..مو كان كل وحده فيهم صايمه ..

عاد اللي مسويه اللويه طيف..كانت جالسه على الطاوله وتغني بس اغانيها كلها تحريف بتحريف....ونص البنات متضايقين لانه رمضان ..بس معطيتهم اشكل..

طيف:يقووولووون..والعهده على ميساء ..مريض التناكه ماله مداوي..

البنات:ههههههههههه..هههههههههههههه..

طيف ماهمها وتكمل:وانا علتي من رجه جنبي عساها بضرباتي ترأف وتداوي..

ميساء:ههههههه..حرااام..عليك...حرفتي ام ام الاغنيه..

طيف:هههه..اهم شئ على مودك..

ميساء:ههههههههه اننا الحين رجه..يالبطل الصامت..

طيف:تدرين شخاطري فيه..

ميساء:شنو..

طيف:خاطري يصير عندنا عرس..

ميساء:خخخخ..وانتي ياحبك للعروس..

طيف:حبيبتي العروس..هي متعتي الوحيده..

ميساء:اله يرزقك..بعرس..خخخ..

طيف:عجبتني دعوتك..

$$$$$$$$$$$

دخل مهند عليها..

مهند:السلام عليكم..

ام خالد+البندري:وعليكم السلام..

مهند:شخبار مريضتنا..اليوم..

البندري وواضح عليها التعب:الحمدلله زينه..

لينا حبت راس عمتها:شخبارك عممه..

ام خالد:بخير..انتي..شخبارك..

لينا:بخير..

ام خالد:تشتغلون مع بعض زيين..

مهند طالعها وابتسم ..ثم طالع البندري..

مهند:البندري..حنا عرفنا السبب..وانشاء الله رااح تكونين ..بخير..

البندري:يعني مافي تعب بعد..

مهند:انشاء الله..بس لييه انتي كذا صايره محبطه ..خلك متفائله..

لينا:دكتور مهند..البندري البارح بالليل..تعبت..

مهند لف على البندري:عشان كذا..خلااااص انا الحين طمنتك ولا ماتثقين فيني..

البندري:مشكور دكتور ماقصرت..

مهند ابتسم:ولو واجبنا..

ام خالد:طب الحين شبتسوي ..عشان تخف..

مهند:بس بنغير لها دواها ..لانه دواها مااعاد ينفع..وانشاء الله..هي احسن..لينا..

لينا:نعم دكتور..

مهند:عطني البندري الدواءاللي كتبته..

لينا:انشاء الله...

مهند:يلااا انا استاذن..تامروني على شئ..

ام خالد:تسلم..ماقصرت ياوليدي..

البندري:دكتور..

مهند:هلااا..

البندري:متى بطلع..

مهند:انشاء الله بكرهـ..

يتبع ,,,,

👇👇👇

تعديل المقال